ସମ୍ପାଦକୀୟ |

ଅନୁଭୂତିଶୀଳ ଔପନ୍ୟାସିକ

ଅନୁଭୂତିଶୀଳ ଔପନ୍ୟାସିକ

ବ୍ୟକ୍ତିତ୍ୱ/ଜିତେନ୍ଦ୍ର
ଦକ୍ଷିଣ ଏସିଆ ସଂସ୍କୃତି, ରାଜନୀତି, ଇତିହାସ ଓ ଲୋକଙ୍କ ଉପରେ ଲେଖନୀ ଚାଳନା କରୁଥିବା ଶ୍ରେଷ୍ଠ ସାହିତି୍ୟକଙ୍କୁ ଡିଏସ୍‌ସି ପ୍ରାଇଜ୍‌ ଫର୍‌ ସାଉଥ୍‌ ଏସିଆନ୍‌ ଲିଟରେଚର ପୁରସ୍କାର ୨୦୧୧ରୁ ପ୍ରଦାନ କରାଯାଇଆସୁଛି। ମୂଳ ଇଂଲିଶ୍‌ ଭାଷା କିମ୍ବା ଇଂଲିଶ୍‌ ଭାଷାରେ ଅନୁବାଦ କରାଯାଇଥିବା ପୁସ୍ତକକୁ ଏଥିପାଇଁ ଚୟନ କରାଯିବାର ବ୍ୟବସ୍ଥା ରହିଛି। ପୁରସ୍କାର ପାଇଁ ବିଜେତାଙ୍କୁ ୨୫,୦୦୦ ଆମେରିକୀୟ ଡଲାର (ଭାରତୀୟ ମୁଦ୍ରାରେ ପ୍ରାୟ ୧୬ ଲକ୍ଷ ଟଙ୍କା) ଦିଆଯାଉଛି। ୨୦୧୭ ମସିହା ପାଇଁ ଶ୍ରୀଲଙ୍କା ଲେଖକ ଅନୁକ ଅରୁଦପ୍ରାଗ୍‌ସାମ୍‌ ଏହି ସମ୍ମାନର ଅଧିକାରୀ ହୋଇଛନ୍ତି। ମାତ୍ର ୨୯ ବର୍ଷ ବୟସରେ ସେ ଏଭଳି ମର୍ଯ୍ୟାଦାଜନକ ଅନ୍ତର୍ଜାତୀୟ ପୁରସ୍କାର ପାଇଥିବାରୁ ଏବେ ତାଙ୍କ ବ୍ୟକ୍ତିତ୍ୱ ଚର୍ଚ୍ଚାର ବଳୟକୁ ଆସିଛି। ଉଲ୍ଲେଖଯୋଗ୍ୟ, ପୂର୍ବରୁ ଏଚ୍‌.ଏମ୍‌. ନଗ୍‌ଭୀ, ଶେହାନ କରୁଣାତିଲକ, ଜିତ୍‌ ଥାଇଲ୍‌, ସାଇରସ୍‌ ମିସ୍ତ୍ରି, ଝୁମ୍ପା ଲାହିରି ଓ ଅନୁରାଧା ରାୟଙ୍କ ଭଳି ବିଶିଷ୍ଟ ସାହିତି୍ୟକ ଏହି ମର୍ଯ୍ୟାଦାଜନକ ପୁରସ୍କାର ପାଇଛନ୍ତି। ଚଳିତ ଥର ଅଞ୍ଜଳି ଯୋଶେଫ୍‌, ଅରବିନ୍ଦ ଆଡିଗା, କରଣ ମହାଜନ, ଷ୍ଟିଫେନ୍‌ ଅଲ୍‌ଟର ଏବଂ ଅନୁକଙ୍କ ନାମ ସଂକ୍ଷିପ୍ତ ତାଲିକାରେ ସ୍ଥାନ ପାଇଥିଲା। କିନ୍ତୁ ଅନୁକଙ୍କ ‘ଦି ଷ୍ଟୋରୀ ଅଫ୍‌ ଏ ବ୍ରିଫ୍‌ ମ୍ୟାରେଜ୍‌’ରେ ଶ୍ରୀଲଙ୍କା ଗୃହଯୁଦ୍ଧ ବେଳେ ଶରଣାର୍ଥୀ ଶିବିରରେ ଯୁବ ଦମ୍ପତି ମାତ୍ର ଗୋଟିଏ ଦିନ ବିତାଇଥିବାର ଅନୁଭୂତିିକୁ ସେ ଯେଭଳି ଭାବେ ବର୍ଣ୍ଣନା କରିଛନ୍ତି ତାହା ବିଚାରକଙ୍କୁ ଅଭିଭୂତ କରିଦେଇଥିଲା। ବିଚାରକମଣ୍ଡଳୀର ମୁଖ୍ୟ ରିତୁ ମେନନ୍‌ଙ୍କ ଭାଷାରେ ଯୁଦ୍ଧର କରୁଣ ପରିସ୍ଥିତିକୁ ଆବିଷ୍କାର କରି ତାହାକୁ ଅତି ଶାନ୍ତ ଓ ସାବଲୀଳ ଢଙ୍ଗରେ ବର୍ଣ୍ଣନା କରିବା ବେଳେ ସେ ବ୍ୟବହାର କରିଥିବା ଶବ୍ଦ ଅତ୍ୟନ୍ତ ହୃଦୟସ୍ପର୍ଶୀ ହୋଇପାରିଛି। ଶ୍ରୀଲଙ୍କାର କଲମ୍ବୋରେ ୧୯୮୮ରେ ଅନୁକଙ୍କ ଜନ୍ମ। ୨୦୧୦ରେ ଆମେରିକାର ଷ୍ଟାନ୍‌ଫୋର୍ଡ ବିଶ୍ୱବିଦ୍ୟାଳୟରୁ ସେ ଦର୍ଶନଶାସ୍ତ୍ରରେ ସ୍ନାତକ ଡିଗ୍ରୀ ଅର୍ଜନ କରିଥିଲେ। ପରେ ଆମେରିକାର କଲମ୍ବିଆ ବିଶ୍ୱବିଦ୍ୟାଳୟରେ ଦର୍ଶନଶାସ୍ତ୍ରରେ ଗବେଷଣା କରିଥିବା ଏହି ପ୍ରତିଭାବାନ୍‌ ଛାତ୍ରଙ୍କ ପ୍ରଥମ ଉପନ୍ୟାସ ହେଉଛି ‘ଦି ଷ୍ଟୋରୀ ଅଫ୍‌ ଏ ବ୍ରିଫ୍‌ ମ୍ୟାରେଜ୍‌’। ପ୍ରଥମ ଉପନ୍ୟାସ ଜଣଙ୍କୁ ଏତେବଡ଼ ସଫଳତା ଆଣିଦେବା ଅଳ୍ପ କେତେକଙ୍କ ଭାଗ୍ୟରେ ଦେଖାଦେଇଥାଏ। ଇଂଲିଶ୍‌ ଓ ତାମିଲ ଭାଷାରେ ଲେଖାଲେଖି କରୁଥିବା ଅନୁକଙ୍କ ଉକ୍ତ ଉପନ୍ୟାସ ୨୦୧୬ରେ ପ୍ରକାଶ ପାଇବା ପରେ ବହୁ ଭାଷାରେ ଅନୂଦିତ ହୋଇସାରିଲାଣି। ଏତେ କମ୍‌ ବୟସରେ ବାସ୍ତବଧର୍ମୀ ଉପନ୍ୟାସ ଲେଖିବା ପାଇଁ ସେ କେଉଁ ପୁସ୍ତକ ପଢ଼ି ପ୍ରେରଣା ପାଇଥିଲେ ବୋଲି ଏକ ପ୍ରଶ୍ନର ଉତ୍ତରରେ ରବର୍ଟ ମୁସିଲଙ୍କ ‘ଦି ମ୍ୟାନ୍‌ ଉଇଦାଉଟ୍‌ କ୍ୱାଲିଟିଜ୍‌’ଙ୍କ ବହି ଉଦାହରଣ ଦେଇଥିଲେ। ତାଙ୍କୁ ଯେତେବେଳେ ମାତ୍ର ୨୦ ବର୍ଷ, ସେତେବେଳେ ସେ ଏହି ବହି ପଢ଼ିଥିଲେ। ଶିକ୍ଷା ଦୃଷ୍ଟିରୁ ଦାର୍ଶନିକ ହେବା ଅପେକ୍ଷା ଜଣେ ଲେଖକ ଭାବେ ଜୀବନ ଜିଇବାକୁ ସେ ରବର୍ଟଙ୍କ ପୁସ୍ତକ ଦ୍ୱାରା ଅନୁପ୍ରାଣିତ ହୋଇଥିବା କହିଛନ୍ତି। ଦୀର୍ଘ ବର୍ଷ ଧରି ଶ୍ରୀଲଙ୍କାରେ ଗୃହଯୁଦ୍ଧ ବିଶ୍ୱସ୍ତରରେ ଆଲୋଚିତ ହୋଇଆସିଛି। ସେହି ଦେଶର ଶିଶୁ ହୋଇଥିବାରୁ ଅନୁକ ବିଭିନ୍ନ ସମୟରେ ସେଠାରେ ଦେଖାଦେଇଥିବା ଯୁଦ୍ଧ ବିଭୀଷିକାକୁ ଅଙ୍ଗେ ନିଭାଇଛନ୍ତି। ଗ୍ରାମାଞ୍ଚଳଠାରୁ ଶରଣାର୍ଥୀ ଶିବିର ଯାଏ ଯେଉଁଠିକୁ ଦୃଷ୍ଟି ନିକ୍ଷେପ କଲେ ଏକ କାହାଣୀ ସାଉଁଟିବାର ଉପାଦାନ ମିଳିଥାଏ ବୋଲି ସେ ବର୍ଣ୍ଣନା କରିଛନ୍ତି। ତେଣୁ ଗବେଷଣା ବିଷୟବସ୍ତୁରେ ଅବାସ୍ତବ ଚିନ୍ତାଧାରାକୁ ନେଇ ଅନୁଧ୍ୟାନ କରିବା ଅପେକ୍ଷା ବାସ୍ତବଧର୍ମୀ ପରିସ୍ଥିତିକୁ ବୁଝି ଲେଖିବା ଠିକ୍‌ ବୋଲି ସେ ଭାବିନେଇଥିଲେ। ଫଳରେ ବିଶ୍ୱବାସୀଙ୍କ ଆଗରେ ଯୁଦ୍ଧର ଘନଘଟା ନିରୀହ ମଣିଷର ଜୀବନକୁ କିଭଳି ବିଷଣ୍ଣ କରିଦେଇଥାଏ, ସେ ତାଙ୍କ ଲେଖାରେ ପ୍ରକାଶ କରିବାକୁ ଚାହାନ୍ତି ବୋଲି କହିଛନ୍ତି। ଡିଏସ୍‌ସି ପ୍ରାଇଜ୍‌ ଫର୍‌ ସାଉଥ୍‌ ଏସିଆନ୍‌ ଲିଟରେଚର ପୁରସ୍କାର ଜିତିବା ପରେ ଜଗତ କଲ୍ୟାଣ ଦିଗରେ ସେ ଅଧିକ ଅନୁଭୂତିଶୀଳ ଲେଖା ସୃଷ୍ଟି କରିବେ ବୋଲି କହିଛନ୍ତି।

All Right Reserved By

ସମ୍ପାଦକୀୟ |

ସମ୍ପାଦକୀୟ/ ସମୟ ଆଜି

ସମ୍ପାଦକୀୟ/ ସମୟ ଆଜି

୧୭ ଜୁନ୍‌, ୨୦୧୮ରେ ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ନରେନ୍ଦ୍ର ଦାମୋଦରଦାସ ମୋଦିଙ୍କ ଅଧ୍ୟକ୍ଷତାରେ ନୀତି ଆୟୋଗର ୪ର୍ଥ ଗଭର୍ନିଂ କାଉନ୍‌ସିଲ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ନ ଥିବାରୁ କେନ୍ଦ୍ରରୁ ରାଜ୍ୟଯାଏ ରାଜନୈତିକ ବାତାବରଣ ସରଗରମ ରହିଛି। ଏହି ବୈଠକରେ କେନ୍ଦ୍ର ସରକାରଙ୍କ ଆକାଂକ୍ଷିତ ଜାତୀୟ ସ୍ବାସ୍ଥ୍ୟ ସୁରକ୍ଷା ଯୋଜନା (ଏନ୍‌ଏଚ୍‌ପିଏସ୍‌) ବା ‘ଆୟୁଷ୍ମାନ୍‌ ଭାରତ’ ଏକ ପ୍ରମୁଖ ପ୍ରସଙ୍ଗ ପାଲଟିଥିଲା। ସମ୍ଭବତଃ ଏହି ଯୋଜନାରେ ଓଡ଼ିଶା ସାମିଲ ହେବ ନାହିଁ ବୋଲି ପୂର୍ବରୁ କହି ଦେଇଥିବାରୁ ମୁଖ୍ୟମନ୍ତ୍ରୀ ବୈଠକରେ ଯୋଗ ଦେଲେ ନାହିଁ ବୋଲି ଆଲୋଚନା ହେଉଛି। ତେବେ ବୈଠକର ଦିନକ ପୂର୍ବରୁ ପ୍ରଧାନମନ୍ତ୍ରୀଙ୍କୁ ମୁଖ୍ୟମନ୍ତ୍ରୀ ଦେଇଥିବା ଚିଠିକୁ ତର୍ଜମା କଲେ ବିଭିନ୍ନ ପ୍ରସଙ୍ଗ ନେଇ ରାଜ୍ୟ ସରକାରଙ୍କ ଅସନ୍ତୋଷ ଜଣାପଡ଼ିଯାଉଛି। ସଂଘୀୟ ବ୍ୟବସ୍ଥାରେ ରାଜ୍ୟ ବ୍ୟାପାରରେ କେନ୍ଦ୍ରର ଅତ୍ୟଧିକ ହସ୍ତକ୍ଷେପ ମୁଖ୍ୟମନ୍ତ୍ରୀଙ୍କୁ ବୈଠକରୁ ଦୂରେଇ ରଖିଥିବା ବୁଝାପଡ଼ୁଛି। କେବଳ ଓଡ଼ିଶା ନୁହେଁ। ଦିଲ୍ଲୀରେ ମଧ୍ୟ ସଂଘୀୟ ବ୍ୟବସ୍ଥାର ଯେଉଁଭଳି ଉଲ୍ଲଂଘନ କରାଯାଉଛି ତାହା ସମସ୍ତଙ୍କୁ ଚିନ୍ତାରେ ପକାଇଛି। ସେହିଭଳି ପଶ୍ଚିମବଙ୍ଗ, ପଞ୍ଜାବ ଭଳି କେତେକ ରାଜ୍ୟ କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ସହ ଏକମତ ହୋଇପାରି ନ ଥିବା ଦେଖିବାକୁ ମିଳିଛି। ...

 ପାଠକ ଶୂନ, ଲେଖକ ବେଶି

ପାଠକ ଶୂନ, ଲେଖକ ବେଶି

ଡ. ଶରତ ଚନ୍ଦ୍ର ରଥ ତାହା ସାହିତ୍ୟ ପଦବାଚ୍ୟ, ଯାହା ପାଠକ ମନକୁ ସୁନାସୂତାରେ ବାନ୍ଧିରଖେ। ତାହା ସଫଳ ଗଳ୍ପ, ଯାହା ପାଠକ ମନକୁ ଚହଲାଇଦିଏ, କିଛି କିଛି ଭଲ ବାଟ ବତାଏ, ଦରକାର ପଡିଲେ ଚାଲି ଶିଖାଏ। ତାହା ସଫଳ କବିତା, ଯାହା ପାଠକ ମନରେ ଭାବାନ୍ତର ସୃଷ୍ଟି କରେ, ବାସ୍ତବତା ସହିତ କଳ୍ପନାର ସମନ୍ବୟ କରିପାରେ। କବିତା କମ୍‌ ଶବ୍ଦରେ ଅଧିକ କଥା କହେ। ଗଳ୍ପ ସରିଗଲେ ନ ସରିଲା ପରି ଲାଗେ, କବିତା ସରିଗଲେ ଆଉ କିଛି କଥା ବୁଝିବା ପାଇଁ ବାକି ରହିଗଲା ପରି ଲାଗେ। ତାହା ସଫଳ ଉପନ୍ୟାସ, ଯାହା ଆଉ ଏକ ଦୁନିଆକୁ ନେଇଯାଏ, ଯେଉଁଠି ସ୍ନାୟୁରେ ଶିରାରେ ସଞ୍ଚରିତ ହୋଇଯାଏ ଅନେକ ହସଲୁହ, ସୁଖଦୁଃଖ, ଶାନ୍ତି ...

ରାମରାଜ୍ୟ ଓ ଗଣତନ୍ତ୍ର

ରାମରାଜ୍ୟ ଓ ଗଣତନ୍ତ୍ର

ଅରୁଣ ଦାସ ବାଲ୍ମିକୀଙ୍କ ରାମାୟଣ ପଢିଲା ପରେ ସମସ୍ତେ ରାମରାଜ୍ୟ କ’ଣ ଜାଣିଲେ। ମର୍ଯ୍ୟାଦାପୁରୁଷ ରାମ ଜଣେ ପ୍ରଜାବତ୍ସଳ ଓ ଆଦର୍ଶ ରାଜା ଥିଲେ। ଏପରି କି ପ୍ରଜାମାନଙ୍କ ମତକୁ ସମ୍ମାନ ଦେଇ ସେ ନିଜ ପ୍ରିୟତମା ପତ୍ନୀଙ୍କୁ ମଧ୍ୟ ବିତାଡ଼ିତ କରିଥିଲେ। ଏଥିରୁ ସ୍ପଷ୍ଟ ଅନୁମେୟ ଯେ ରାଜତନ୍ତ୍ରରେ ମଧ୍ୟ ଜନତାଙ୍କ କଥାକୁ ସମ୍ମାନ ଦେବାକୁ ଯାଇ ସ୍ବୟଂ ରାଜା ନିଜ ବ୍ୟକ୍ତିଗତ ଜୀବନରେ କଠୋର ନିଷ୍ପତ୍ତି ନେଇପାରନ୍ତି। ସେହିପରି ଖ୍ରୀଷ୍ଟପୂର୍ବ ୩୮୦ରେ ଗ୍ରୀସ୍‌ ଦାର୍ଶନିକ ପ୍ଲାଟୋ ଯେଉଁ ଦି ରିପବ୍ଲିକ ରଚନା କରିଥିଲେ, ସେଥିରେ ମଧ୍ୟ ଆଇଡ଼ିଆଲ ଷ୍ଟେଟ, ବା ଆଦର୍ଶ ରାଜ୍ୟ ଓ ଫିଲୋସଫର କିଙ୍ଗ୍‌ ବା ଦାର୍ଶନିକ ରାଜାର କଥା ଉପସ୍ଥାପନ କରିଛନ୍ତି। ପ୍ରାଚୀନ ...

ଏଇ ଭାରତରେ

ଏଇ ଭାରତରେ

ସମାଜରେ କୁସଂସ୍କାର ଏବଂ ଅନ୍ଧବିଶ୍ୱାସ ଯେ ମଣିଷକୁ କେତେ ତଳକୁ ନେଇଯାଏ, ତା’ର ସଦ୍ୟତମ ଉଦାହରଣ ଦେଖିବାକୁ ମିଳିଛି ବିହାର ରାଜ୍ୟର ପୁର୍ନିଆ ଜିଲା ଅନ୍ତର୍ଗତ ଆମନା ବଂଶ ବିଟା ଗାଆଁରେ। ୪୦ବର୍ଷ ବୟସ୍କା ଜନୈକା ମହିଳାଙ୍କୁ ଗୁଣିଗାରେଡି ସନ୍ଦେହରେ ତାଙ୍କ ପରିବାର ସଦସ୍ୟମାନେ ପିଟିପିଟି ମାରିଦେଇଛନ୍ତି। ମୃତ ମହିଳା ଜଣକ ହେଉଛନ୍ତି ପାର୍ବତୀ ମୁର୍ମୁ। ମୃତ ମହିଳାଙ୍କ ଝିଅର ବୟାନ ଅନୁଯାୟୀ, ତାଙ୍କର ଦାଦା ଦୀର୍ଘ ଦେଢ଼ବର୍ଷ ହେଲା ରୋଗରେ ପଡ଼ିଥିଲେ। ଯେତେ ଚିକିତ୍ସା କରାଗଲେ ମଧ୍ୟ ସେ ଭଲ ନ ହେବାରୁ ସୋମବାର ମୃତ୍ୟୁବରଣ କଲେ। ଦାଦାଙ୍କ ପରିବାର ସଦସ୍ୟଙ୍କ ଅଭିଯୋଗ ଅନୁଯାୟୀ, ...

 ସମ୍ପାଦକୀୟ/ ଅନ୍‌ଲାଇନ୍‌ ଠକେଇ

ସମ୍ପାଦକୀୟ/ ଅନ୍‌ଲାଇନ୍‌ ଠକେଇ

ଗ୍ଲୋବାଲ ଫାଇନାନ୍‌ସିଆଲ ଇନ୍‌ଫର୍ମେଶନ କମ୍ପାନୀ ‘ଏକ୍ସପେରିଆନ୍‌’ ୧୮ ଜୁନ୍‌, ୨୦୧୮ରେ ଭାରତୀୟଙ୍କ ଉପରେ ଏକ ରିପୋର୍ଟ ପ୍ରକାଶ କରି କହିଛି ଯେ ଏଠାକାର ୨୫ ପ୍ରତିଶତ ନାଗରିକ ଆର୍ଥିକ ଠକେଇର ସମ୍ମୁଖୀନ ହେଉଛନ୍ତି। ଏହା ପଛରେ ରହିଛି ଅନ୍‌ଲାଇନ୍‌ କାରବାର। କିଛି ସୁବିଧା ଓ ସେବା ପାଇବା ପାଇଁ ୫୧ ପ୍ରତିଶତ ଭାରତୀୟ ସେମାନଙ୍କ ବ୍ୟକ୍ତିଗତ ତଥ୍ୟକୁ ଅନାୟାସରେ ଦେଇଦେଉଛନ୍ତି ବୋଲି ରିପୋର୍ଟରୁ ଜଣାପଡ଼ିଛି। ଆଜିର ଡିଜିଟାଲ ଯୁଗରେ ପ୍ରାୟ ପ୍ରତି କ୍ଷେତ୍ରରେ ଇଣ୍ଟରନେଟ୍‌ ମାଧ୍ୟମରେ କାରବାର ବୃଦ୍ଧି ପାଇବାରେ ଲାଗିଛି। ଏକ ପ୍ରଗତିଶୀଳ ରାଷ୍ଟ୍ର ପାଇଁ ବୈଷୟିକ ବିକାଶ ଅତ୍ୟନ୍ତ ଜରୁରୀ। କିନ୍ତୁ ଯେଉଁମାନେ ଏହାର ପ୍ରୟୋଗାତ୍ମକ ଦିଗ ସହ ଅଭ୍ୟସ୍ତ ହୋଇନାହାନ୍ତି, ସେମାନେ ଅନ୍ୟମାନଙ୍କ ଉପରେ ନିର୍ଭର କରି ପ୍ରବଳ ...

ଦୀପ ତେଜିଲେ ହାତ ଚିକ୍କଣ

ଦୀପ ତେଜିଲେ ହାତ ଚିକ୍କଣ

ବୈକୁଣ୍ଠନାଥ ମିଶ୍ର ମାତ୍ର ଛ’ବର୍ଷର ଝିଅ ଲକ୍ଷ୍ମୀ। ଦରିଦ୍ର ମାତାପିତାଙ୍କ କାରୁଣ୍ୟ ତାକୁ ବିଚଳିତ କରେ। ଗ୍ରାମର ଆରାଧ୍ୟ ଦେବତା ନୀଳମାଧବଙ୍କ ଉପରେ ତା’ର ପ୍ରଗାଢ ବିଶ୍ୱାସ। ପ୍ରଭୁଙ୍କୁ ଏକାନ୍ତରେ ଦର୍ଶନ କରି ତା’ ନିଜର ତଥା ପରିବାରର ଦୈନ୍ୟ ପ୍ରକାଶ କରିବାର ଲିପ୍ସା ତା’ ମନ ମଧ୍ୟରେ ଜାଗ୍ରତ ହୋଇଛି। ହେଲେ ଭଜନକୀର୍ତ୍ତନ ଓ ଗହଳଚହଳରେ ସଦା ପ୍ରକମ୍ପିତ ମନ୍ଦିରକୁ ଆସି ପ୍ରଭୁଙ୍କୁ ଦର୍ଶନ କରିବା କଷ୍ଟକର। ଦିନେ ବୈଶାଖର ନିଛାଟିଆ ଝାଞ୍ଜି ଦି’ପହରେ ସେ ସାହସ କରି ଘରୁ ଗୋଡ କାଢିଲା ଓ ମନ୍ଦିର ସଂଲଗ୍ନ ଝଙ୍କାଳିଆ କୃଷ୍ଣଚୂଡା ଗଛମୂଳେ ଠିଆ ହେଲା। କ୍ଷୁଦ୍ର ବାତାୟନ ମଧ୍ୟ ଦେଇ ଦେଖିଲା- ଗର୍ଭଗୃହର ଅନ୍ଧକାର ଭେଦକରି ପ୍ରଭୁ ସତେଯେମିତି ...

ରହସ୍ୟ ଖୋଲିବ କୁଞ୍ଚି

ରହସ୍ୟ ଖୋଲିବ କୁଞ୍ଚି

ସୁଧୀର କୁମାର ନାୟକ କୁଞ୍ଚି ମନ ଦୁଃଖ। ଅନ୍ୟମାନଙ୍କର ଅବହେଳା ପାଇଁ ସେ ଆଜି ଲଜ୍ଜିତ, ଚର୍ଚ୍ଚିତ। ତା’ ହଜିବା କଥାଟା ରାଜ୍ୟ ବାହାରକୁ ବି ଚାଲିଗଲାଣି। ବାସ୍ତବିକ ସେ କ’ଣ ଯାହିତାହି କୁଞ୍ଚି, ମହାପ୍ରଭୁ ଶ୍ରୀଜଗନ୍ନାଥଙ୍କ ରନତ୍ଭଣ୍ଡାରର କୁଞ୍ଚି, ଯେଉଁଠି ଅଛି ସୁନା, ରୁପା, ହୀରା, ନୀଳା, ମୋତି, ମାଣିକ, କାହିଁରେ କେତେ। କୁଞ୍ଚି ନିଜକୁ ନିଜେ ପଚାରୁଛି ଏତେ ନୀତିନିୟମ, କଟକଣାର ଦ୍ୱାର ଡେଇଁ ସେ ହଜିଗଲା କିପରି? ସେ ନିଜେ ହଜିଲା, ନା ତାକୁ କିଏ ହଜାଇଲା? କୁଞ୍ଚି ହଜିବାର ତନାଘନା ଭିତରେ ତାହାର ନକଲ (ଡୁପ୍ଲିକେଟ୍‌ କାଠି) ମିଳିଛି, ...

ଏଇ ଭାରତରେ

ଏଇ ଭାରତରେ

ପୁଅଝିଅଙ୍କ ନାମକରଣ କରିବା ପାଇଁ ବାପାମା’ମାନେ ଶବ୍ଦ ଯୋଗାଡ଼ରେ ଲାଗିଥାଆନ୍ତି କାହିଁ କେତେ ଦିନରୁ। ଏଥିପାଇଁ ପରିବାର ସଦସ୍ୟ ଏବଂ ବନ୍ଧୁବାନ୍ଧବଙ୍କ ପରାମର୍ଶ ଲୋଡ଼ିଥାଆନ୍ତି। ମହାରାଷ୍ଟ୍ରର ନାଗପୁର ଅଞ୍ଚଳର ଏକ ଦମ୍ପତି ସେମାନଙ୍କ ନବଜାତ ଶିଶୁପୁତ୍ରର ନାମକରଣ କରିବା ପାଇଁ ଏକ ଅଭିନବ ଉପାୟ ଆପଣାଇଛନ୍ତି। ସେମାନେ ଏଥିପାଇଁ ୩ଟି ନାଁ ବାଛିଥିଲେ। ପରିବାର ସଦସ୍ୟ ଏବଂ ବନ୍ଧୁବାନ୍ଧବମାନେ ଭୋଟ ଦେଇ ସେଥିମଧ୍ୟରୁ ନାଁ ଚୟନ କରିଛନ୍ତି। ଏଥିରେ ନିର୍ବାଚନ ପ୍ରଚାରପତ୍ର ଲାଗିବା ସାଙ୍ଗକୁ ବାଲାଟ୍‌ ବକ୍ସ ବି ବ୍ୟବହାର ହୋଇଥିଲା। ଗୋଣ୍ଡିଆ ଜିଲାର ଦେଓରି ତାଲୁକା ଅନ୍ତର୍ଗତ ମିଥୁନ ଏବଂ ମାନ୍‌ସି ବ୍ୟାଙ୍ଗ୍‌ ଏଭଳି ଏକ ଅଭିନବ ଉପାୟ ସ୍ଥିର କରିଛନ୍ତି। ଏପ୍ରିଲ ୫ରେ ଜନ୍ମିତ ସନ୍ତାନର ନାମକରଣ ପାଇଁ ଜୁନ୍‌ ୧୫ରେ ନିର୍ବାଚନ ଅନୁଷ୍ଠିତ ହୋଇଥିଲା। ...

ଦାୟୀ କିଏ

ଦାୟୀ କିଏ

ତଥାଗତ ସତପଥୀ: ଝଡ଼ତୋଫାନ ଯୋଗୁ ୧୬ ଜୁନ୍‌ ୨୦୧୮ ସନ୍ଧ୍ୟାରେ ଚିଲିକାରେ ଯାତ୍ରୀବାହୀ ଡଙ୍ଗା ବୁଡ଼ିଗଲା। ଜୁନ୍‌ ୧୭ରେ ୪ ଜଣଙ୍କ ମୃତଦେହ ମିଳିବା ପରେ ମୃତ୍ୟୁସଂଖ୍ୟା ୬କୁ ବୃଦ୍ଧି ପାଇଛି। ପାଖାପାଖି ଦେଢ଼ ବର୍ଷ ପରେ ଏଭଳି ଅଘଟଣର ପୁନରାବୃତ୍ତି ଘଟିଛି। ୧୦ ଡିସେମ୍ବର ୨୦୧୬ରେ ଚିଲିକାରେ ହୋଇଥିବା ଡଙ୍ଗାବୁଡ଼ିରେ ୨ ଜଣ ଶିଶୁଙ୍କ ସହ ୪ ଜଣଙ୍କ ମୃତ୍ୟୁ ଘଟିଥିଲା। ବାରମ୍ବାର ଏଭଳି ଅଘଟଣ ଘଟୁଥିଲେ ମଧ୍ୟ ଏହାକୁ ରୋକାଯାଇ ନ ପାରିବା ବିଷୟ ଜନସାଧାରଣଙ୍କୁ ଆଶ୍ଚର୍ଯ୍ୟ କରୁଛି। ଦେଖିବାକୁ ଗଲେ ଓଡ଼ିଶା ସରକାରଙ୍କ ବାଣିଜ୍ୟ ଓ ପରିବହନ ବିଭାଗ ଅଧୀନ ଇନ୍‌ଲାଣ୍ଡ ଓ୍ବାଟର ଟ୍ରାନ୍ସପୋର୍ଟ ସର୍ଭିସେସ୍‌ (ଅନ୍ତର୍ଦେଶୀୟ ଜଳପଥ ପରିବହନ ସେବା)ର ବାଲୁଗାଁଠାରେ ରହିଥିବା ସରକାରୀ କାର୍ଯ୍ୟାଳୟ ଚିଲିକା ଜଳରାଶିରେ ଚାଲୁଥିବା ଡଙ୍ଗାଗୁଡ଼ିକୁ ପଞ୍ଜୀକରଣ କରିବା ସହ ସେଗୁଡ଼ିକୁ ନିୟମିତ ଯାଞ୍ଚ କରିବାର ବ୍ୟବସ୍ଥା ରହିଛି।

ଏଇ ଭାରତରେ

ଏଇ ଭାରତରେ

ବିହାରର ରାଜଧାନୀ ପାଟ୍‌ନାରେ ଏକ ମ୍ୟୁଜିକାଲ୍‌ ବ୍ୟାଣ୍ଡ୍‌ ଗଠନ କରାଯାଇଛି। କେବଳ ଦଳିତ ମହିଳାମାନଙ୍କୁ ନେଇ ଏହା ଗଠିତ ହୋଇଛି। ସମାଜର ଧରାବନ୍ଧା ନୀତିନିୟମକୁ ଭଙ୍ଗକରି ଏହି ମହିଳାମାନେ ବାଦ୍ୟ ସଙ୍ଗୀତ କାର୍ଯ୍ୟକ୍ରମ ପରିବେଷଣ କରୁଛନ୍ତି। ‘ସର୍ଗମ୍‌ ବ୍ୟାଣ୍ଡ୍‌’ ନାମକ ଏହି ଦଳ ବାହାଘର ଏବଂ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମରେ ବିଭିନ୍ନ ବାଦ୍ୟ ବଜାଇ ଥାଆନ୍ତି। ପାଟ୍‌ନାର ଦାନପୁର ସବ୍‌ଡିଭିଜନ୍‌ ଅନ୍ତର୍ଗତ ଧିବ୍ରା ଗଁାର ୧୦ଜଣ ମହିଳା ଏଥିରେ ସାମିଲ ହୋଇଛନ୍ତି।...

କି ଥିଲା ସେ ବିଦ୍ୟା

କି ଥିଲା ସେ ବିଦ୍ୟା

ଅଭୟ ସୂତାର ଆଧୁନିକ ଯୁଗରେ ବିଜ୍ଞାନ ଢେର ଅଗ୍ରଗତି କରିଛି। ପୃଥିବୀରୁ ଗ୍ରହ-ଉପଗ୍ରହକୁ ଯାତ୍ରା ଓ ସଫଳ ପ୍ରତ୍ୟାବର୍ତ୍ତନ, ସମୁଦ୍ରର ସର୍ବନିମ୍ନ ସ୍ତରରୁ ସମ୍ପଦ ସଂଗ୍ରହ, ପରମାଣୁ ଶକ୍ତି, ମୋବାଇଲ ଫୋନ୍‌, କମ୍ପ୍ୟୁଟର, ଇଣ୍ଟରନେଟ୍‌, ଟେଲିଭିଜନ ଇତ୍ୟାଦିର ବ୍ୟବହାରକୁ ଦେଖିଲେ ଆଶ୍ଚର୍ଯ୍ୟ ହେବାକୁ ପଡ଼ୁଛି। ମାତ୍ର ପ୍ରାଚୀନ ଭାରତରେ ବି ବିଜ୍ଞାନ କମ୍‌ ଉନ୍ନତି କରି ନ ଥିଲା। ଅବଶ୍ୟ ଏହାର ଐତିହାସିକ ପ୍ରମାଣ ନାହିଁ, ଏ କଥା ପୁରାଣଶାସ୍ତ୍ରରୁ ଯାହା ଜାଣିହୁଏ। ରାବଣର ପୁଷ୍ପକ ବିମାନ, ରାମଙ୍କ ସେତୁବନ୍ଧ ନିର୍ମାଣ ଇତ୍ୟାଦି ବିଷୟକୁ କେତେକେ କାଳ୍ପନିକ ବୋଲି ବିଚାର କରୁଥିଲେ ମଧ୍ୟ କହିବାକୁ ପଡ଼ୁଛି ଯେ, ଯଦି ଏ ଯୁଗରେ ବିଜ୍ଞାନର ଏଭଳି ପ୍ରଗତି ସମ୍ଭବ ହୋଇପାରିଛି, ତେବେ ସେ ଯୁଗରେ ଏ ସବୁ କଥା ହୋଇ ନ ଥିବ କାହିଁକି?...

ନିରାଶାର ଚାରିବର୍ଷ

ନିରାଶାର ଚାରିବର୍ଷ

ଭାଲଚନ୍ଦ୍ର ଷଡ଼ଙ୍ଗୀ ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ନେତୃତ୍ୱାଧୀନ ସରକାରର ଚାରିବର୍ଷ ପୂର୍ତ୍ତି ଅବସରରେ କଟକଠାରେ ଏକ ଜନସମାବେଶରେ ଉଦ୍‌ବୋଧନ ଦେଇଛନ୍ତି। ଗତ ଚାରିବର୍ଷ ମଧ୍ୟରେ ନିଜ ସରକାରର ଉପଲବ୍ଧିର ପ୍ରଚାର ପାଇଁ ଉଦ୍ଦିଷ୍ଟ ଏହି ସମାବେଶରେ ସେ ଜନଧନ ଯୋଜନାରେ ବ୍ୟାଙ୍କ୍‌ ଖାତା ଖୋଲିବାଠାରୁ ଆରମ୍ଭ କରି ଉଜ୍ଜ୍ୱଳା ଯୋଜନାରେ ଗରିବ ପରିବାରଙ୍କୁ ମାଗଣାରେ ଗ୍ୟାସ୍‌ ସଂଯୋଗ ପର୍ଯ୍ୟନ୍ତ ସରକାରର ବିଭିନ୍ନ କାର୍ଯ୍ୟକ୍ରମକୁ ବଢ଼େଇ ଚଢ଼େଇ ଉପସ୍ଥାପନ କରିବା ଦେଖିବାକୁ ମିଳିଲା। ଆଗାମୀ ଦିନରେ ପ୍ରଧାନମନ୍ତ୍ରୀ ଓ ଅନ୍ୟ ବରିଷ୍ଠ ମନ୍ତ୍ରୀମାନେ ଦେଶ ସାରା ବୁଲି ସରକାରଙ୍କ ଚାରିବର୍ଷର ସଫଳତାକୁ ଜନଗଣଙ୍କ ଆଗରେ ଉପସ୍ଥାପନ କରିବାକୁ ଯାଉଛନ୍ତି। ତେବେ ଏହି ସରକାର ଆତ୍ମପ୍ରଚାରକୁ କେତେ ଗୁରୁତ୍ୱ ଦିଏ ତାହା ଗତ ଚାରିବର୍ଷ ମଧ୍ୟରେ କେବଳ ଖବରକାଗଜ ଓ ଟିଭିରେ ବିଜ୍ଞାପନ ବାବଦରେ ଖର୍ଚ୍ଚ କରିଥିବା ୪୩୪୩.୨୬ କୋଟି ଟଙ୍କାରୁ ସ୍ପଷ୍ଟ ବୁଝି ହେଉଛି।...

Model This Week

ପ୍ରଭାତ