Dharitri News
ଫୁରସତ |

ଚିଲିକାକୂଳିଆଙ୍କ ଚିନ୍ତା

 ଚିଲିକାକୂଳିଆଙ୍କ ଚିନ୍ତା  ପ୍ରାକୃତିକ ପର୍ଯ୍ୟଟନ ଓ ମତ୍ସ୍ୟସମ୍ପଦ ପାଇଁ ଚିଲିକା ବିଶ୍ୱଦରବାରରେ ସୁପରିଚିତ। ଏହାର ବିନିଯୋଗ ଓ ଉପଯୋଗ କରି ଶହଶହ ଲୋକ ବର୍ଷବର୍ଷ ଧରି ନିଜନିଜର ଜୀବିକା ନିର୍ବାହ କରି ଆସୁଥିଲେ। ଚିଲିକା ଯେମିତି ଥିଲା ସେମାନଙ୍କ ଅର୍ଥନୈତିକ ମେରୁଦଣ୍ଡ। ମାତ୍ର ସମୟକ୍ରମେ ଚିଲିକା ଶ୍ରୀହୀନ ହେଉଛି। ଚିଲିକାର ସମ୍ପଦ ଦିନକୁଦିନ ହ୍ରାସ ପାଉଛି। ଫଳରେ ଚିଲିକାରେ ଜୀବିକା ନିର୍ବାହ କରି ପରିବାର ପ୍ରତିପୋଷଣ କରୁଥିବା ଭିତିରି ଚିଲିକା ଓ ଉପକୂଳବର୍ତ୍ତୀ ଗାଁର ଅନେକ ଲୋକଙ୍କ ରୋଜଗାର ପନ୍ଥା ଏବେ କମିକମି ଯାଉଛି। ଏଥିପାଇଁ ବହୁ ମତ୍ସ୍ୟଜୀବୀ ଚିଲିକାରୁ ଦୂରେଇ ଯାଉଛନ୍ତି। ଚିଲିକାର ପରିସ୍ଥିତି ବିଗୁଡୁଛି: ଦିନକୁ ଦିନ ଚିଲିକାର ପରିସ୍ଥିତି ବିପନ୍ନ ହେଉଛି। ଆଗର ମତ୍ସ୍ୟସମ୍ପଦ ଏବେ କମି କମି ଯାଉଛି। ଏହା ଉପରେ ନିର୍ଭରଶୀଳ ଅନେକ ଲୋକ ଦୂରେଇ ଯାଉଥିବା ବେଳେ ରୋଜଗାର ପାଇଁ ରାଜ୍ୟ ଓ ବାହାରକୁ ଦାଦନ ଖଟିବାକୁ ଯାଉଛନ୍ତି। ଏପରି କି ଚିଲିକା କୂଳିଆ ଗାଁର ମତ୍ସ୍ୟଜୀବୀଙ୍କ ଦୁଃଖ କହିଲେ ନସରେ। ଦୈତାରି ବେହେରା କୁହନ୍ତି, ରାସାୟିନକ ତୈଳର ଆସ୍ତରଣ ଚିଲିକା ପାଣିକୁ ଦୂଷିତ କରିସାରିଛି। ଉପକୂଳବର୍ତ୍ତୀ ଚାଷଜମିରୁ କୀଟନାଶକ ମିଶ୍ରିତ ଜଳ ଚିଲିକାରେ ମିଶୁଛି। ବହୁଳମାତ୍ରାରେ ସିପାଳ, ନଳଗଛ ବଢୁଥିବା ବେଳେ ଚିଲିକା ତଟବର୍ତ୍ତୀ ପ୍ରାକୃତିକ ବୃକ୍ଷରାଜି କମିକମି ଯାଉଛି। ଚିଲିକାରେ ପଡ଼ିଥିବା ନଈନାଳ ଦ୍ୱାରା ପଟୁମାଟି ଚିଲିକାକୁ ପଶୁଛି। ମୁହାଣ ପୋତିହେବା ଓ ନୂତନ ମୁହାଣ ଖୋଲିଯିବା ସ୍ଥାନୀୟ ବାସିନ୍ଦାଙ୍କ ଜୀବନ ଜୀବିକା ସୁରକ୍ଷା ପ୍ରତି ବିପଦ ଆଶଙ୍କା ଦେଖାଦେଇଛି। ଚିଲିକା ମଧ୍ୟରେ ଅନେକ ନୂତନ କୁଦ ସ୍‌ଷ୍ଟି ହୋଇ ଏହାର ପରିସର ସଙ୍କୋଚିତ ହେଉଛି। ଜୈବ ରାସାୟନିକ ପ୍ରଦୂଷଣ ଯୋଗୁ ଏହାର ଜଳ ଅତ୍ୟଧିକ ଲବଣାକ୍ତ ହେଉଛି। ଅନ୍ୟପକ୍ଷେ ଜିରୋନେଟ୍‌ ଜାଲ ଓ ବିଶେଷକରି ମାସମାସ ଧରି ଘେରିବନ୍ଧ ଜାଲ ଯୋଗୁ ଚିଲିକା ଭାଗଭାଗ ହୋଇ ଏକ କୃତ୍ରିମ ପୋଖରୀପରି ଦୃଶ୍ୟମାନ ହେଉଛି। ମୁକ୍ତରେ ବାହାଣି ଡଙ୍ଗା ଚଳପ୍ରଚଳ କରିବା ଅସାଧ୍ୟ ହୋଇପଡ଼ୁଛି। ଚିଲିକାର ପ୍ରଦୂଷଣକୁ ନିୟନ୍ତ୍ରଣ କରା ନ ଗଲେ ଚିଲିକା ଜଳପ୍ରତି ବିପଦ ଦେଖା ଦେବା ସହିତ ଏହାର ସମସ୍ୟା ଦିନକୁ ଦିନ ବଢି ଚାଲିବ। ଚିଲିକା କିଛି କଥା: ଚିଲିକା ଉପକୂଳବର୍ତ୍ତୀ ଶତାଧିକ ଗ୍ରାମର ବାସିନ୍ଦା ଏହା ଉପରେ ନିର୍ଭରକରି ଚଳୁଥିତ୍ଲେ, ତାହା ସମୟକ୍ରମେ କମିବାରେ ଲାଗିଛି। ଦାରିଦ୍ର୍ୟର ତାଡ଼ନାରେ ଶଢୁଥିବା ମତ୍ସ୍ୟଜୀବୀମାନେ ନିଜର ଭିଟାମାଟି ଛାଡ଼ି ଚିଲିକା ଠାରୁ ଦୂରେଇ ଏବେ ରାଜ୍ୟ ଓ ବାହର ରାଜ୍ୟକୁ ନିଜର ରୋଜଗାର ପାଇଁ ପଳାଉଛନ୍ତି। ୧୯୩୦ମସିହାଠାରୁ ଚିଲିକାରେ ମାଛଧରା ବ୍ୟବସାୟ ୧୯୪୨ ମସିହା ବେଳକୁ ବି ବଢିଥିଲା। ପୂର୍ବେ ଚିଲିକାରେ ୫ପ୍ରକାରର ସଇରାତ ପ୍ରଚଳନ ଥିଲ। ମତ୍ସ୍ୟଜୀବୀମାନେ ନିଜନିଜ ମଧ୍ୟରେ ସୁସମ୍ପର୍କ ରକ୍ଷାକରି ଚଳୁଥିଲେ। ସମୟକ୍ରମେ ବିଭିନ୍ନ ସମସ୍ୟା ଚିଲିକାର ଶାନ୍ତ ପରିବେଶରେ ଅଶାନ୍ତ ପରିସ୍ଥିତି ସୃଷ୍ଟିକଲା। ଚିଲିକାରେ ଜୀବିକା ନିବାର୍ର୍ହ କରୁଥିବା ଲୋକଙ୍କ ପ୍ରତି ବିପଦ ଆଶଙ୍କା ରହିଲା। ମତ୍ସ୍ୟଜୀବୀଙ୍କ ଆର୍ଥିକ ଉନ୍ନତି ପାଇଁ ମତ୍ସ୍ୟସମବାୟ ସମିତି ଲିଃ ମାନ ଗଠନ ହେଲା। ମାଛବିକ୍ରି ଓ ଋଣ କାରବାର ହୋଇଥିଲା। ଏବେ ଚିଲିକାକୁ ନା: ବାଉରୀବନ୍ଧୁ ବେହେରା କୁହନ୍ତି, ଚିଲିକାରେ ପୁରୁଷ ପୁରୁଷଧରି ମାଛମାରି ବାହାଣିକରି କୌଳିକ ବୃତ୍ତିକୁ ବଞ୍ଚେଇ ରଖିଥିଲୁ। ଆମ ବେଳେ ଯେଉଁ ମାଛ ଚିଲିକାରେ ଦେଖିବାକୁ ମିଳୁଥିତ୍ଲା ଏବେ ସେ ସବୁ ମିଳୁନି। ଜଳଦସ୍ୟୁଙ୍କ ଦୌରାତ୍ମ୍ୟ ବିପଦ ସାଜୁଛି। ଚିଲିକା ପାଇଁ ସରକାରୀ ଯୋଜନା ନୂଆ କଥା ନୁହେଁ, ହେଲେ ଯୋଜନା ନାଁରେ କେବଳ ଯୋଜନା ଚାଲିଛି। ଏବେ ନୂଆ ମାଛଧରା ନୀତିରେ ନୂଆଜାଲ ବ୍ୟବହାର ପାଇଁ ସରକାରଙ୍କ ନିର୍ଦ୍ଦେଶ ଅଛି। ଗାଁଗାଁ ବୁଲି ଚିଲିକା ମାଛ ବିକୁଥିବା ରଙ୍ଗବତୀ ଦେଈ କୁହନ୍ତି, ଏବେ ଚିଲିକା ମାଛକୁ ଆଉ ଚଢା ଦରରେ କିଣି ହେଉନି କି ଆଗପରି ବିଶେଷ ଚୂନାମାଛ ମିଳୁନି। ସେଥିପାଇଁ ବେପାର ଛାଡ଼ି ଏବେ ରୋଜଗାର ପାଇଁ ଭୁବନେଶ୍ୱରକୁ ଯାଇ ବାଲିସିମେଣ୍ଟ କାମକରି ପେଟ ପୋଷୁଛି। ସୁନ୍ଦରଗଡ଼ ଗାଁର ଯୁଗଳ ବେହେରା କୁହନ୍ତି, ସରକାର ଚିଲିକାର ବିକାଶ କଥା ଚିନ୍ତା କରିଛନ୍ତି ହେଲେ ଚିଲିକାରେ ମାଛ କମିଥିବାରୁ ମତ୍ସ୍ୟଜୀବୀମାନେ ରାଜ୍ୟ ବାହାରକୁ ପଳାଉଛନ୍ତି। ବାହାଣିଆଙ୍କ ଭିଡ଼ ଭାଙ୍ଗୁଛି। କାହାକୁ କହିବୁ। ସୋରଣ ବେହେରା ସାହିର ଗୋବିନ୍ଦ ବେହେରା କୁହନ୍ତି, ଚିଲିକାକୁ ଏକ ଗ୍ରହ ଗ୍ରାସିଛି। ଆମ ଗାଁରୁ ଝିଅ, ମହିଳାମାନେ ବିଭିନ୍ନ କାମଧନ୍ଦା ପାଇଁ ଗାଁ ବାହାରକୁ ପଳାଉଛନ୍ତି। ଚାଖଣ୍ଡି ବେହେରା କୁହନ୍ତି, ଏବେ ଗାଁଟା ପ୍ରାୟ ଖାଁ ଖାଁ ଲାଗୁଛି। ଆଗଭଳି ଗାଁରେ ସେମିତି କେହି ରହୁନାହାନ୍ତି। ଅନ୍ୟକାମରେ ପଳାଉଛନ୍ତି, କୁଳବେଉସା ବୁଡ଼ୁଛି। ଚିଲିକା ନୁହେଁ; ଏବେ ଟ୍ରେନ୍‌କୁ ଅପେକ୍ଷା: ଆଗରୁ ଗାଁରୁ କେହି ମହିଳା ବାହାରକୁ କାମପାଇଁ ଯାଉ ନ ଥିଲେ। ଏବେ ପେଟ ବିକଳରେ ବଞ୍ଚିବା ପାଇଁ ଦୂର ରାଜ୍ୟକୁ ଯାଇ ବାଲି ସିମେଣ୍ଟ କାମ କରୁଛନ୍ତି। ଏମିତି ଦୁଃଖରେ କୁହନ୍ତି ବରଡ଼ିଗାଁର ଶଶୀ ଦେଈ। ସୁବନି ଦେଈ କୁହନ୍ତି, ମୋ ଘର ବଉଳା ବନ୍ଧଗାଁରେ। ରାତି ପ୍ରାୟ ୪ଟାରୁ ନିଦଭାଙ୍ଗେ। ତା’ ପରେ ନିତ୍ୟକର୍ମ ସାରି ରୋଷେଇ କରି ଖାଦ୍ୟ ଟିଫିନ ଧରି ସକାଳୁ ଟ୍ରେନରେ ଯିବାକୁ ପ୍ରସ୍ତୁତ ହେଉ। ନିଜ ଗାଁଠାରୁ ପ୍ରାୟ ୪କିମି ଦୂର ଗଙ୍ଗାଧରପୁର ରେଳଷ୍ଟେଶନକୁ ଆସିଥାଉ। ଏମିତି କି ଜଣେ ଦୁଇଜଣ ନୁହେଁ ମୋ ପରି ଅନେକ ମହିଳା ଆସିଥାନ୍ତି। କେହିକେହି ଖୋର୍ଦ୍ଧାରୋଡ ତ କେହିକେହି ଲିଙ୍ଗରାଜ, ଭୁବନେଶ୍ୱର, ପଟିଆ ଆଦି ଷ୍ଟେଶନରେ ଓହ୍ଲାଇ ବିଭନ୍ନ କାମ କରିଥାନ୍ତି। ଆଗପରି ଚିଲିକାରେ ସେମିିତି ମାଛ ମିଳୁନାହିଁ ଏଥିପାଇଁ ଆମପରି ମତ୍ସ୍ୟଜୀବୀମାନେ ଚିଲିକାଠାରୁ ଦୂରେଇ ଯାଉଛନ୍ତି। -ବନବିହାରୀ ବେହେରା

ଫୁରସତ |

ଜଳବାୟୁ ପରିବର୍ତ୍ତନ ଯୋଗୁ ଆଗ୍ନେୟଗିରି ଉଦ୍‌ଗୀରଣ ବୃଦ୍ଧି ପାଇବ

ଜଳବାୟୁ ପରିବର୍ତ୍ତନ ଯୋଗୁ ଆଗ୍ନେୟଗିରି ଉଦ୍‌ଗୀରଣ ବୃଦ୍ଧି ପାଇବ

ଓ୍ବାଶିଂଟନ: ବିଶ୍ୱ ତାପମାନ ବଢ଼ିବାରେ ଲାଗିଛି। ଏହାର ପ୍ରତିକୂଳ ପ୍ରଭାବ ଯୋଗୁ ଜଳବାୟୁ ପରିବର୍ତ୍ତନ ହେଉଛି। ତେବେ ଜଳବାୟୁ ପରିବର୍ତ୍ତନ ଦ୍ୱାରା ପୃଥିବୀରେ ଆଗ୍ନେୟଗିରି ଉଦ୍‌ଗୀରଣ ବୃଦ୍ଧି ପାଇବାର ଆଶଙ୍କା ରହିଛି ବୋଲି ଭୌଗୋଳିକ ମତ ପ୍ରକାଶ କରିଛନ୍ତି।

ବିଶ୍ୱର ସବୁଠାରୁ ବଡ଼ ବିମାନବନ୍ଦର

ବିଶ୍ୱର ସବୁଠାରୁ ବଡ଼ ବିମାନବନ୍ଦର

ବେଜିଂ,୨୧।୧: ଚାଇନାର ରାଜଧାନୀ ବେଜିଂରେ ନିର୍ମାଣ ହେଉଥିବା ବିମାନ ବନ୍ଦରକୁ ଦେଖିବା ଲାଗି ଲୋକେ କିଛି ସମୟ ଅଟକି ଯାଉଛନ୍ତି।

ଅସ୍ତିତ୍ୱ  ହରାଇବାକୁ ଯାଉଥିବା ‘ସାତଭାୟାର କଥା’

ଅସ୍ତିତ୍ୱ ହରାଇବାକୁ ଯାଉଥିବା ‘ସାତଭାୟାର କଥା’

ଓଡ଼ିଶାର ଉପକୂଳବର୍ତ୍ତୀ ସାତଭାୟା ଏବେ ଦରିଆ ଆଁ ଭିତରେ ନିଜର ଅସ୍ତିତ୍ୱ ହରାଇବାକୁ ଯାଉଛି । ଅତୀତରେ ଘଟିଥିବା ଏକ ଭୟଙ୍କର ବାତ୍ୟାର ବିଭିଷିକା ସେଠାର ସ୍ଥାୟୀବାସିନ୍ଦାମାନେ ସର୍ବସ୍ବାନ୍ତହୋଇ ଅନେକ ନାହିଁ ନଥିବା ସମସ୍ୟା ଭିତରେ ଦୀର୍ଘ ୪୮ବର୍ଷ ଧରି ଜୀବନ ବିତାଇ ସାରିଲେଣି । ଏମିତିକି ଦୁଇଟି ଗାଁ ସମ୍ପୂର୍ଣ୍ଣ ସମୁଦ୍ର ଗର୍ଭରେ ଲୀନ ହୋଇସାରିଛି । ଦରିଆ ସେମାନଙ୍କ ପିଲାଛୁଆ ସଭିଙ୍କୁ ଭସେଇ ନେଇଛି। ମାତ୍ର ଆଶ୍ରୟପାଇଁ ସେମାନଙ୍କ ଲାଗି ଆଉ ଏକ ସ୍ଥାନ ଖୋଜା ସରିଛି। କିନ୍ତୁ ଭିଟାମାଟି ଛାଡ଼ିବାର ଦୁଃଖ ଅନ୍ୟପଟେ ନୂଆଜାଗାରେ ଥଇଥାନ ଯୋଗୁ ବଦଳିଯିବ ପରିଚୟ । ପୁଣି ଆରମ୍ଭହେବ ନିଆରା ଜୀବନଶୈଳୀ । ସେହି ଗାଁ ସମ୍ପର୍କରେ ....

ପୁଅ ଦୁଷ୍ଟ ହେବାରୁ ଦଣ୍ଡ: ସ୍କୁଟର ପଛରେ ବାନ୍ଧି ରାସ୍ତାରେ ଘୋଷାଡିଲେ ମା’

ପୁଅ ଦୁଷ୍ଟ ହେବାରୁ ଦଣ୍ଡ: ସ୍କୁଟର ପଛରେ ବାନ୍ଧି ରାସ୍ତାରେ ଘୋଷାଡିଲେ ମା’

ଚଳଚ୍ଚିତ୍ର ‘ ପ୍ୟାର କିୟା ତୋ ଡରନା କ୍ୟା’ରେ ବଲିଉଡ ଅଭିନେତା ଅରବାଜ ଖାନ ସଲମାନଙ୍କୁ ଦଣ୍ଡ ଦେଉଥିବାର ଏକ ଦୃଶ୍ୟ ଦେଖାଯାଇଥିଲା। ଦୃଶ୍ୟରେ ଅରବାଜ୍‌ ସଲମାନଙ୍କୁ ଘୋଡା ପଛରେ ବାନ୍ଧି ଘୋଷାଡି ଘୋଷାଡି ନେଇଥିଲେ। ଠିକ୍‌ ଏପରି କିଛି ଦୃଶ୍ୟ ଦେଖିବାକୁ ମିଳିଛି ଚାଇନାର ଦକ୍ଷିଣ-ପଶ୍ଚିମରେ ଥିବା ୟୁନ୍ନାନ ଅଞ୍ଚଳ ଜାଓଟାଙ୍ଗ ସହର ରାସ୍ତାରେ। ଗୁରୁବାର ଚାଇନାର ଜଣେ ମା’ ନିଜ ଶିଶୁକୁ ଦଣ୍ଡ ଦେବାପାଇଁ ନିଜ ସ୍କୁଟର ପଛରେ ବାନ୍ଧି ଘୋଷାଡି ଘୋଷାଡି ନେଇଥିଲେ। ଥରେ ଅଥବା ଦିନେ ନୁହେଁ ବରଂ ମା’ ଲଗାତାର ତିନିଦିନ ଧରି ଏପରି କରିଆସୁଥିଲେ।

ପୁରୁଷଙ୍କ ତୁଳନାରେ ମହିଳାଙ୍କ ସ୍ବାସ୍ଥ୍ୟରେ ଅବନତି ହେଉଛି

ପୁରୁଷଙ୍କ ତୁଳନାରେ ମହିଳାଙ୍କ ସ୍ବାସ୍ଥ୍ୟରେ ଅବନତି ହେଉଛି

ଓ୍ବାଶିଂଟନ: ପୁରୁଷଙ୍କ ତୁଳନାରେ ମହିଳା ସ୍ବାସ୍ଥ୍ୟରେ ସମ୍ପ୍ରତି ଏକ ନିଦ୍ଦିଷ୍ଟ ବୟସ ପରେ ଅବନତି ଦେଖାଯାଉଛି। ଏସମ୍ପର୍କରେ ଗବେଷକ ଏକ ରୋଚକ ତଥ୍ୟ ପ୍ରକାଶ କରିଛନ୍ତି। ୨୫ରୁ ୩୦ ବର୍ଷ ପରେ ମହିଳାଙ୍କ ସ୍ବାସ୍ଥ୍ୟ କ୍ରମଶଃ ଖରାପ ହେଉଥିବାରୁ ଗବେଷକ ସୂଚିତ କରିଛନ୍ତି।

୨୦ କୋଟି ପର୍ଯ୍ୟନ୍ତ ପଣିକିଆ ମୁଖସ୍ଥ କରିଛନ୍ତି ‘ଚିରାଗ’

୨୦ କୋଟି ପର୍ଯ୍ୟନ୍ତ ପଣିକିଆ ମୁଖସ୍ଥ କରିଛନ୍ତି ‘ଚିରାଗ’

ଲକ୍ଷ୍ନୌ: ଛୋଟବେଳେ ପାଠପଢ଼ା ଆରମ୍ଭ କରିବା ବେଳେ ସମସ୍ତେ ପଣିକିଆ ବା ଇଂରାଜୀରେ‘ମଲଟିପ୍ଲିକେସନ ଟେବୁଲ’ ପଢ଼ିଥିବେ ତ ନିଶ୍ଚୟ। କେହି କେହି ଏହାର ୨୫ଟି ଖନ୍ଦା ମନେରଖିଥାନ୍ତି ତ କେହି ଏହାର କେବଳ ୧୦ ଖନ୍ଦା। ବାକି ଗୁଣନ କରି ମାଲୁମ କରାଯାଇପାରେ। ତେବେ ଥରେ ଭାବି ଦେଖନ୍ତୁ ତ ୨୦ କୋଟି ପର୍ଯ୍ୟନ୍ତ ପଣିକିଆ ମନେରଖିବା କଥାକୁ। ଅସମ୍ଭବ ତ ନିଶ୍ଚୟ ଲାଗିବ। ହେଲେ ଜଣେ ଶିଶୁ ଏପରି କରି ଦେଖାଇଛନ୍ତି। ସେ ହେଉଛନ୍ତି ଉତ୍ତରପ୍ରଦେଶ ଶାହାରନ୍‌ପୁରରେ ରହୁଥିବା ଅଷ୍ଟମ ଶ୍ରେଣୀ ଛାତ୍ର ‘ଚିରାଗ’।

ଶିଶୁ ମଧ୍ୟ ଭଲମନ୍ଦ ବିଷୟରେ ଜାଣିପାରେ

ଶିଶୁ ମଧ୍ୟ ଭଲମନ୍ଦ ବିଷୟରେ ଜାଣିପାରେ

ଓ୍ବାଶିଂଟନ: ଛୋଟ ଶିଶୁ ମଧ୍ୟ ଭଲମନ୍ଦ ବିଷୟରେ ଜାଣିପାରେ ବୋଲି ଗବେଷକ ସୂଚିତ କରିଛନ୍ତି। ସେମାନଙ୍କ ମସ୍ତିଷ୍କରେ ସ୍ବତଃ ଏହି ଧାରଣା ସୃଷ୍ଟି ହୋଇଥାଏ। ଗବେଷକ ଦୀର୍ଘଦିନ ଧରି କିଭଳି ଶିଶୁମାନେ ଚିନ୍ତା କରିଥାନ୍ତି ସେ ନେଇ ଅଧ୍ୟୟନ କରୁଥିଲେ।

କର୍ମଜୀବୀ ମହିଳା ଅଧିକ ଯତ୍ନଶୀଳା

କର୍ମଜୀବୀ ମହିଳା ଅଧିକ ଯତ୍ନଶୀଳା

ଓ୍ବାଶିଂଟନ: ସାଧାରଣ ମହିଳାଙ୍କ ଅପେକ୍ଷା କର୍ମଜୀବୀ ମହିଳା ପରିବାର ପ୍ରତି ଅଧିକ ଯତ୍ନଶୀଳା ରହିଥାନ୍ତି ବୋଲି ଗବେଷଣାରୁ ଜଣାପଡିଛି। ସେମାନେ ପରିବାରର ପ୍ରତିଟି ଦାୟିତ୍ୱ ଭଲ ଭାବେ ତୁଲାଉଥିବାବେଳେ ଯେ କୌଣସି ସମସ୍ୟାକୁ ପୁଙ୍ଖାନୁପୁଙ୍ଖ ଯାଞ୍ଚ୍‌ କରିବା ପରେ ନିଷ୍ପତ୍ତି ନେଇଥାନ୍ତି।

ଏକୁଟିଆ ସନ୍ତାନ ବିଷାଦଗ୍ରସ୍ତ ହୁଅନ୍ତି

ଏକୁଟିଆ ସନ୍ତାନ ବିଷାଦଗ୍ରସ୍ତ ହୁଅନ୍ତି

ଓ୍ବାଶିଂଟନ: ଏବେ ଆଧୁନିକତାର ସ୍ପର୍ଶରେ ଯୌଥ ପରିବାର ସଂଖ୍ୟା ହ୍ରାସ ପାଇବା ସହିତ ଦମ୍ପତିଙ୍କର ସନ୍ତାନ ସଂଖ୍ୟା ଗୋଟିଏରେ ସୀମିତ ରହୁଛି। ଏହାଦ୍ୱାରା ସନ୍ତାନର ଯତ୍ନ ନେବା ସହଜ ହେଉଛି ଓ ତାହାର ଭବିଷ୍ୟତ ମଧ୍ୟ ସୁରକ୍ଷିତ ହୋଇପାରୁଛି।

ମକରର ମହକ

ମକରର ମହକ

ମାଘର ଶୀତରେ ଆସେ ମକର। ଆଉ ମକର ଆସିଲେ, ଚାରିଆଡେ ଖେଳିଯାଏ ଖୁସିର ଲହରି। ଓଡ଼ିଶାରେ ଥିବା ତେଲୁଗୁ ସମ୍ପ୍ରଦାୟ ଏହାକୁ ପୋଙ୍ଗଲ ବା ସେମାନଙ୍କ ନୂଆ ବର୍ଷ ଭାବେ ପାଳନ କରୁଥିବାବେଳେ ଓଡ଼ିଶାର ବିଭିନ୍ନ ଜିଲାରେ ମକରକୁ ନେଇ ପାଳନ ହୋଇଥାଏ ଭିନ୍ନ ଭିନ୍ନ ପରମ୍ପରା। କେଉଁଠି ମକର ଚାଉଳ, ପିଠା ଓ ମିଠାରେ ମକରକୁ ସ୍ବାଗତ କରାଯାଏ ତ କେଉଁଠି କୁକୁଡ଼ା ଲଢେଇ ମକରର ମାହୋଲକୁ ସରଗରମ କରୁଥିବାବେଳେ ଆଉ କେଉଁଠି ଗୁଡ଼ିଉଡ଼ାରେ ସ୍ବାଗତ କରାଯାଏ ମକରକୁ....

ଅଟ୍ରି

ଅଟ୍ରି

ଓଡ଼ିଶାର ଅନ୍ୟତମ ପର୍ଯ୍ୟଟନସ୍ଥଳୀ ଭାବେ ଖୋର୍ଦ୍ଧାର ଅଟ୍ରି ଉଷ୍ଣପ୍ରସ୍ରବଣ ପ୍ରସିଦ୍ଧି ଲାଭ କରିଛି। ବର୍ଷର ସବୁ ସମୟରେ ଏଠାରେ ପର୍ଯ୍ୟଟକଙ୍କ ଯା’ଆସ ଲାଗି ରହୁଥିଲେ ହେଁ ମକର ସଂକ୍ରାନ୍ତିରେ ଏଠି ଅଧିକ ଭିଡ଼ ଜମିଥାଏ।

ପ୍ରଥମ ରୋଜଗାର: ପରିବାର ସଦସ୍ୟ ଓ ସାଙ୍ଗସାଥୀଙ୍କ ପାଇଁ ଗିଫ୍ଟ କିଣିଥିଲି

ପ୍ରଥମ ରୋଜଗାର: ପରିବାର ସଦସ୍ୟ ଓ ସାଙ୍ଗସାଥୀଙ୍କ ପାଇଁ ଗିଫ୍ଟ କିଣିଥିଲି

ଅବସରପ୍ରାପ୍ତ ପ୍ରାଧ୍ୟାପିକା ତଥା ଅନୁବାଦିକା ମିନତି ପଟନାୟକ ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି... ଖୋର୍ଦ୍ଧା ଜିଲା କୁହୁଡିରେ ଆମ ଗାଁ। କୁହୁଡି ଜନତା ହାଇସ୍କୁଲ୍‌ରୁ ୮ମ ପଢିବା ପରେ ରାଉରକେଲାସ୍ଥିତ ଉଦିତ୍‌ନଗର ହାଇସ୍କୁଲ୍‌ରେ ନାଁ ଲେଖାଇଥିଲି। କାରଣ ରାଉରକେଲାରେ ବାପା ଚାକିରି କରୁଥିଲେ। ୧୯୬୫ରେ ସେଠାରୁ ଏକାଦଶ ପାସ୍‌ କରିବା ପରେ ସମ୍ବଲପୁର ମହିଳା ମହାବିଦ୍ୟାଳୟରୁ ପି.ୟୁ ସାରି ପୁରୀ ମହିଳା ମହାବିଦ୍ୟାଳୟରେ ବି.ଏ. ପଢିଥିଲି।