ଫୁରସତ |

ପ୍ରଥମ ରୋଜଗାର: ପ୍ରଥମ ଦରମାରେ ଦୁଇ ମା’ଙ୍କ ପାଇଁ ଶାଢ଼ି କିଣିଥିଲି

ପ୍ରଥମ ରୋଜଗାର: ପ୍ରଥମ ଦରମାରେ ଦୁଇ ମା’ଙ୍କ ପାଇଁ ଶାଢ଼ି  କିଣିଥିଲି

ଗୀତିକାର, ଅଭିନେତ୍ରୀ ତଥା ଲେଖିକା ନିର୍ମଳା ପଣ୍ଡା ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି...
ସମ୍ବଲପୁର ଜିଲାର ଡଙ୍ଗରପଡ଼ା ଗାଁରେ ୧୯୬୫ ମସିହାରେ ମୋର ଜନ୍ମ। ଡଙ୍ଗରପଡ଼ା ପ୍ରାଥମିକ ବିଦ୍ୟାଳୟରେ ୫ମ ଯାଏଁ ପଢ଼ିବା ପରେ ମୋର ଜଣେ ସମ୍ପର୍କୀୟ ବଡ଼ବାପା ମୋତେ ଝିଅ କରି ତାଙ୍କ ପାଖକୁ ନେଇଗଲେ। ତାଙ୍କର କେହି ସନ୍ତାନ ନ ଥିଲେ ଆଉ ବଡ଼ବୋଉ ବି ଆରପାରିକୁ ଚାଲିଯାଇଥିଲେ। ତେଣୁ ତାଙ୍କ ଘରେ ମୋର ଦେଖାଚାହଁା ବଡ଼ବାପାଙ୍କ ବୋଉ ଅର୍ଥାତ୍‌ ସମ୍ପର୍କୀୟା ଜେଜେମା’ କଲେ। ବଡ଼ବାପା ସରକାରୀ ଚାକିରି କରିଥିଲେ। ତେଣୁ ମୋର ପାଠପଢ଼ା ବିଭିନ୍ନ ସ୍କୁଲରେ ହୋଇଥିଲା। ବୁର୍ଲାରେ ୬ଷ୍ଠ, ୭ମ ଓ ଦେବଗଡ଼ରେ ୮ମ, ୯ମ ଏବଂ ଶେଷରେ ରେଢ଼ାଖୋଲସ୍ଥିତ ଗୌରଚନ୍ଦ୍ର ଉଚ୍ଚବିଦ୍ୟାଳୟରୁ ଏକାଦଶ ଶ୍ରେଣୀ ପାସ୍‌ କରିଥିଲି। ତା’ପରେ ସମ୍ବଲପୁର ମହିଳା ମହାବିଦ୍ୟାଳୟରେ ଆଇଏ ପଢ଼ିଥିଲି। ଏହାପରେ ମୋର କମାଣ୍ଡ ଏରିଆ ଡେଭଲପମେଣ୍ଟ ଅଥୋରିଟି (କାଡା)ରେ ସିନିୟର କ୍ଲର୍କ ପୋଷ୍ଟରେ ଚାକିରି ହୋଇଗଲା। ପୋଷ୍ଟିଂ ସମ୍ବଲପୁରରେ ହେଲା। ପ୍ରଥମ ମାସର ଦରମାରେ ମୋର ଦୁଇ ମା’ (ମା’ ସମଲେଶ୍ୱରୀ ଓ ମୋ ଜନ୍ମଦାତ୍ରୀ)ଙ୍କ ପାଇଁ ନୂଆ ଲୁଗା କିଣିଥିଲି। ବଡ଼ବାପାଙ୍କ ପାଇଁ ବି ଗୋଟେ ଉଇଣ୍ଟର କୋଟ୍‌ କିଣିଥିଲି। ସମ୍ବଲପୁରରେ ଦୁଇବର୍ଷ କାମ କରିବା ପରେ କଟକକୁ ମୋର ବଦଳି ହେଲା। ତା’ ଭିତରେ ମୁଁ ପ୍ରାଇଭେଟ୍‌ରେ ବିଏ ପଢ଼ା ଆରମ୍ଭ କରିଦେଇଥାଏ। କଟକ ଆସିବାର ମାତ୍ର ୬/୭ ମାସ ପରେ ଚାକିରି ଛାଡ଼ିଦେଲି। କାରଣ ଥିଲା ଗୀତ ପ୍ରତି ଥିବା ମୋର ଦୁର୍ବଳତା। ୬ଷ୍ଠ/୭ମରୁ ମୋର ଗୀତ ଲେଖିବା ଆରମ୍ଭ ହୋଇଥିଲା। କ୍ରମେ ସ୍କୁଲ ମାଗାଜିନ୍‌, କଲେଜ ମାଗାଜିନ୍‌, ବିଭିନ୍ନ ପତ୍ରପତ୍ରିକାରେ ମୋ ଗୀତ ପ୍ରକାଶିତ ମଧ୍ୟ ହେଲା। ଏ ଲାଇନରେ ମୋ ବଡ଼ଭାଇ କବି ଦାମୋଦର ପଣ୍ଡା ମୋତେ ଗାଇଡ୍‌ କରୁଥିଲେ। ଧୀରେ ଧୀରେ ଅଲ୍‌ ଇଣ୍ଡିଆ ରେଡିଓ ପାଇଁ ବି ଗୀତ ଲେଖିଲି। ଏପରିକି କିଛିଦିନ ପରେ ରେଡିଓର ସ୍ବୀକୃତିପ୍ରାପ୍ତ ଗୀତିକାର ମଧ୍ୟ ହେଲି। ସମ୍ବଲପୁରୀ କ୍ୟାସେଟ୍‌ କରିବା ପାଇଁ ସମ୍ବଲପୁରରେ ସେମିତି କିଛି ଖାସ୍‌ ସୁବିଧା ନ ଥିଲା। ସଙ୍ଗୀତ ନିର୍ଦ୍ଦେଶକ ଶ୍ରୀରାମ ଲୁହାଙ୍କ ସହ ମୋର ପରିଚୟ ଥିଲା। କଟକ ଆସିଲା ପରେ ତାଙ୍କରି ସହାୟତାରେ ପ୍ରଥମେ ଗୋଟିଏ ସମ୍ବଲପୁରୀ କ୍ୟାସେଟ୍‌ ‘ପରଦେଶୀ ବାବୁ’ରେ ୫ଟି ଗୀତ ଲେଖିଲି। ତନ୍ମଧ୍ୟରୁ ‘ହଇଗୋ ଏ ମୋର୍‌ ପରଦେଶୀ ବାବୁ ମୋତେ ଛାଡି ନାଇଁ ପଲାବୁ’ ଗୀତଟି ହିଟ୍‌ ହେଲା। ତା’ପରଠୁ ମୋତେ ଗୋଟେ ପରେ ଗୋଟେ ସମ୍ବଲପୁରୀ କ୍ୟାସେଟ୍‌ ପାଇଁ ଗୀତ ଲେଖିବାକୁ ଅଫର ମିଳିଚାଲିଲା। ଚାକିରି ସହ ଏସବୁ କାମ କରିବାରେ ଅସୁବିଧା ହେବାରୁ ବାଧ୍ୟ ହୋଇ ଚାକିରି ଛାଡିଦେଲି। ୟା’ ଭିତରେ ମୁଁ ପ୍ରାୟ ୨୬୫ଟି କ୍ୟାସେଟ୍‌ (ଉଭୟ ସମ୍ବଲପୁରୀ ଓ ଓଡ଼ିଆ)ରେ ଗୀତ ଲେଖିସାରିଲିଣି। ମୋର ଆଉ କେତୋଟି ହିଟ୍‌ ଗୀତ ହେଲା- ଜଙ୍ଗଲୀ ହାତୀ ମାତିଛି କ୍ୟାସେଟ୍‌ର ‘କିନ୍ଦିରି କିନ୍ଦିରି ନାଚ୍‌ ମଲ୍ଲିଫୁଲ’ ଏବଂ ‘ବାଦଲ ତଲୁ ଲୁଚି କରି’ କ୍ୟାସେଟ୍‌ର ଟାଇଟଲ ଗୀତ ପରି ଆହୁରି ଅନେକ। ଗୀତ ଲେଖା ଚାଲିଥାଏ, ସ୍କ୍ରିପ୍ଟ ରାଇଟିଂ ପାଇଁ ଅଫର ମିଳିଲା। ଦୂରଦର୍ଶନର ୩ଟି ଧାରାବାହିକ ‘ଯାହା ମୁଁ ଖୋଜିଛି ତାହା ମୁଁ ପାଇଛି’, ‘ଆକାଶ କଇଁଆ ଚିଲିକା ମାଛ’, ‘ସମୟ କହୁଛି କାହାଣୀ’ ଏବଂ ଗୋଟିଏ କମେଡି ଶୋ’ ପାଇଁ ପ୍ରଥମେ ସ୍କ୍ରିପ୍ଟ ଲେଖିବା ଆରମ୍ଭ କଲି। କ୍ରମେ ମୋତେ ସିନେମା ପାଇଁ ବି ଡାଇଲଗ୍‌ ଲେଖିବାକୁ ସୁଯୋଗ ମିଳିଲା। ‘ହେ ସଖା’ ଚଳଚ୍ଚିତ୍ର ପାଇଁ ଡାଇଲଗ୍‌ ଲେଖିବା ସହ ଏଥିରେ ଅଭିନୟ ମଧ୍ୟ କରିଛି। ତା’ପରେ ଆଉ ତିନୋଟି ଚଳଚ୍ଚିତ୍ର ପାଇଁ ବି ଡାଇଲଗ୍‌ ଲେଖିଲି, କିନ୍ତୁ କୌଣସି କାରଣ ପାଇଁ ତାହା ରିଲିଜ୍‌ ହୋଇପାରିଲା ନାହିଁ। ହେ ସଖା ବ୍ୟତୀତ ପ୍ରଥମ ପ୍ରେମ, ଅଗ୍ନିଶିଖା, ମେଟ୍ରିକ୍‌ ଫେଲ୍‌, ଗଡ୍‌ବଡ୍‌ ଇତ୍ୟାଦି ଚଳଚ୍ଚିତ୍ର ଏବଂ କହିଲେ କୁଳ କୁଟୁମ୍ବକୁ ଲାଜ, ଦୁର୍ଗା, ସ୍ବାଭିମାନ, ଅବୁଝା ଏ ମନ, ଶଙ୍ଖା ସିନ୍ଦୂର ଇତ୍ୟାଦି ଧାରାବାହିକରେ ମୁଁ ଅଭିନୟ ବି କରିଛି। ଏହା ବ୍ୟତୀତ ଗପ ଓ କବିତା ଲେଖିବାରେ ବି ମୋର ରୁଚି ରହିଛି। ୟା’ ଭିତରେ ମୋର ‘ମୃତ୍ୟୁ ଅପେକ୍ଷାରେ’ ଗଳ୍ପ ସଂକଳନ ଏବଂ ‘ମାନସ ଗୀତି’ କବିତା ସଂକଳନ ପ୍ରକାଶ ପାଇସାରିଲାଣି। ସେହିପରି ମୋର ସ୍ବାମୀ ଜଗଦୀଶ ପଣ୍ଡା ଓ ମୁଁ ମିଶି ସମ୍ବଲପୁରୀ ଭାଷାରେ ଗୀତା ମଧ୍ୟ ଲେଖିଥିଲୁ। ଏବେ ମୋର ସ୍କ୍ରିପ୍ଟ ଲେଖା ଓ ଅଭିନୟ ସହିତ ଗୀତ ଲେଖା ବି ଜାରି ରହିଛି। ଫୁର୍‌ସତ ମିଳିଲେ ଗପ ଓ କବିତା ମଧ୍ୟ ଲେଖୁଛି। -ଅମ୍ବ୍ରିତା

All Right Reserved By

Model This Week

Model This Week

ଫୁରସତ |

ଡିୟୁରେ ବଢ଼ୁଛି ଯୌନ ନିର୍ଯାତନା

ଡିୟୁରେ ବଢ଼ୁଛି ଯୌନ ନିର୍ଯାତନା

ନୂଆଦିଲ୍ଲୀ: ସମ୍ପ୍ରତି ଦେଶରେ ନାବାଳିକା ଓ ମହିଳାଙ୍କୁ ଯୌନ ନିର୍ଯାତନା ପ୍ରସଙ୍ଗକୁ ନେଇ ଆଲୋଡ଼ନ ସୃଷ୍ଟି ହୋଇଛି। ଝିଅଙ୍କ ସୁରକ୍ଷାକୁ ନେଇ ଏବେ ଅଭିଭାବକମାନେ ଚିନ୍ତାରେ। ସମ୍ପର୍କୀୟ ଓ ପଡ଼ୋଶୀଙ୍କ ଦ୍ୱାରା ଅଧିକାଂଶ ଝିଅ ବଳାତ୍କାର ଶିକାର ହେଉଛନ୍ତି।

ବାଜ୍ୟାପ୍ତି ହେବ ମମତା କୁଲକର୍ନୀଙ୍କ ସମ୍ପତ୍ତି

ବାଜ୍ୟାପ୍ତି ହେବ ମମତା କୁଲକର୍ନୀଙ୍କ ସମ୍ପତ୍ତି

ଠାଣେ: ବହୁ କୋଟି ଟଙ୍କାର ଡ୍ରଗ୍‌ ର଼୍ୟାକେଟ୍‌ ମାମଲାର ଅନ୍ୟତମ ମୁଖ୍ୟ ଅଭିଯୁକ୍ତ ତଥା ବିଗତ ଦିନର ବଲିଉଡ୍‌ ଅଭିନେତ୍ରୀ ମମତା କୁଲ୍‌କର୍ନୀଙ୍କୁ ବଡ଼ ଝଟ୍‌କା ଲାଗିଛି। ତାଙ୍କ ସମ୍ପତ୍ତି ବାଜ୍ୟାପ୍ତି କରିବା ଲାଗି ଏକ ସ୍ବତନ୍ତ୍ର ଏନ୍‌ଡିପିଏସ୍‌ କୋର୍ଟ ନିର୍ଦ୍ଦେଶ ଦେଇଛନ୍ତି।

ୟୁରୋପ ଯିବାକୁ ପସନ୍ଦ କରନ୍ତି ଅଧିକାଂଶ ଭାରତୀୟ

ୟୁରୋପ ଯିବାକୁ ପସନ୍ଦ କରନ୍ତି ଅଧିକାଂଶ ଭାରତୀୟ

ବମ୍ବେ: କକ୍ସ ଆଣ୍ଡ କିଙ୍ଗ୍‌ସ ଟ୍ରାଭେଲ ସର୍ଭିସର ସର୍ଭେ ଅନୁଯାୟୀ ଅଧିକାଂଶ ଭାରତୀୟ ୟୁରୋପ ଯିବାକୁ ପସନ୍ଦ କରନ୍ତି ବୋଲି ଜଣାପଡିଛି। ବିଶେଷକରି ଗ୍ରୀଷ୍ମ ଛୁଟି କାଟିବାକୁ ଲୋକେ ୟୁରୋପକୁ ବାଛି ଥାଆନ୍ତି।

ଫୁଲରସ ପାନ କରୁଥିବା ବିଶାଳକାୟ ମଶା

ଫୁଲରସ ପାନ କରୁଥିବା ବିଶାଳକାୟ ମଶା

ବେଜିଂ, ୨୫।୪ : ଚାଇନା ସିଚୁଆନ୍‌ ପ୍ରଦେଶରେ ବିଶାଳକାୟ ମଶା ଦେଖାଯାଇଥାନ୍ତି। ଏମାନଙ୍କର ଆକାର ଦେଖି ଯେକେହି ଭୟଭୀତ ହେବା ସ୍ବାଭାବିକ। କିନ୍ତୁ ଏଭଳି ମଶା ଫୁଲରସ ପାନ କରି ବଞ୍ଚିଥାନ୍ତି। ଏଭଳି ମଶାଙ୍କ ଆକାର ସାଢ଼େ ୪ ଇଞ୍ଚ(୧୧.୧୫ ସେମି) ହୋଇଥାଏ। ଏହି ବିଶାଳକାୟ ମଶା ଅତି ଶାନ୍ତ ସ୍ବଭାବର। ଲୋକଙ୍କ ଦେଶରେ ବସିଲେ ମଧ୍ୟ କୌଣସି କ୍ଷତି କରନ୍ତି ନାହିଁ।

ସମୁଦ୍ର ତଳେ ଶୋଇବାର ମଜା

ସମୁଦ୍ର ତଳେ ଶୋଇବାର ମଜା

ମାଲେ, ୨୫।୪ : ଗ୍ରାହକଙ୍କୁ ଆକର୍ଷିତ କରିବା ପାଇଁ ଅନେକ କମ୍ପାନୀ ରୋମାଞ୍ଚଭରା ଅନୁଭୁତି ପ୍ରଦାନ ସମ୍ପର୍କରେ ଘୋଷଣା କରିଥାନ୍ତି। ଏହାଦ୍ୱାରା ସେମାନଙ୍କର କାରବାର ବଢ଼ିଥାଏ। ସେହିପରି ମାଳଦୀପର କୋନାଇ ମାଳଦୀପ ରଙ୍ଗୋଲୀ ଦୀପରେ ଥିବା ଏକ ହୋଟେଲ ଗ୍ରାହକଙ୍କୁ ସମୁଦ୍ର ପାଣିତଳେ ଶୋଇବାର ଅନୁଭୁତି ପ୍ରଦାନ କରିବା ସମ୍ପର୍କରେ ଘୋଷଣା କରିଛି।

ହସ୍ପିଟାଲରେ ଜର୍ଜ ଏଚ୍‌.ଡବ୍ଲ୍ୟୁ. ବୁଶ

ହସ୍ପିଟାଲରେ ଜର୍ଜ ଏଚ୍‌.ଡବ୍ଲ୍ୟୁ. ବୁଶ

ହ୍ୟୁଷ୍ଟନ୍‌: ସ୍ତ୍ରୀ ଆରପାରିକୁ ଯିବାର କିଛିଦିନ ବିତିଛି କି ନାହିଁ ଏବେ ହସ୍ପିଟାଲରେ ଶଯ୍ୟାଶାୟୀ ହୋଇଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ଜର୍ଜ ଏଚ୍‌.ଡବ୍ଲ୍ୟୁ. ବୁଶ୍‌। ସଂକ୍ରମଣଜନିତ ରୋଗରେ ସେ ପୀଡ଼ିତ ଅଛନ୍ତି।

ବୟସର ଅପରାହ୍ନରେ ବି ସାଥୀ ଲୋଡ଼ା

ବୟସର ଅପରାହ୍ନରେ ବି ସାଥୀ ଲୋଡ଼ା

କଲିକତା: ନିଃସଙ୍ଗ ଜୀବନ ଅନେକ ଯନ୍ତ୍ରଣାଦାୟକ। ଏହା କେବଳ ମାନସିକ ସ୍ତରରେ ବ୍ୟକ୍ତିକୁ ଦୁଃଖ ଦିଏ ନାହିଁ, ଅନେକ ରୋଗକୁ ମଧ୍ୟ ଡାକିଆଣେ। ତେଣୁ ସୁସ୍ଥ ଓ ସୁଖମୟ ଜୀବନ ପାଇଁ ସାଥୀଟିଏ ଜରୁରୀ।

କାଳିଦାସଙ୍କ ଅଭିଜ୍ଞାନ ଶାକୁନ୍ତଳମ୍‌ ସତ୍ୟାସତ୍ୟ ସମ୍ପର୍କରେ ମିଳିବ ତଥ୍ୟ

କାଳିଦାସଙ୍କ ଅଭିଜ୍ଞାନ ଶାକୁନ୍ତଳମ୍‌ ସତ୍ୟାସତ୍ୟ ସମ୍ପର୍କରେ ମିଳିବ ତଥ୍ୟ

ଡେରାଡୁନ୍‌, ୨୪।୪ : ମହାକବି କାଳିଦାସଙ୍କ ଦ୍ୱାରା ରଚିତ ବିଶ୍ୱ ବିଖ୍ୟାତ ନାଟକ ଅଭିଜ୍ଞାନ ଶାକୁନ୍ତଳମ୍‌ର ସତ୍ୟାସତ୍ୟ ନେଇ ଏବେ ତଥ୍ୟ ମିଳିପାରିବାର ଆଶା ରହିଛି। ନାଟକରେ ବର୍ଣ୍ଣନା କରାଯାଇଥିବା ଉତ୍ତରଖଣ୍ଡ ଗଢ଼ଓ୍ବାଲ ଅଞ୍ଚଳର ଡେରଡୁନ୍‌ ନିକଟରେ ଥିବା କୋଟଦ୍‌ବାରସ୍ଥିତ କଣ୍ବାଶ୍ରମ ଅଞ୍ଚଳରେ ଭାରତୀୟ ପ୍ରତ୍ନତତ୍ତ୍ୱ ବିଭାଗକୁ ଖୋଦନ କାର୍ଯ୍ୟ ପାଇଁ ଅନୁମତି ମିଳିଛି। ଏଠାରେ ମାଳିନୀ ନଦୀ ତଟରେ କଣ୍ବାଶ୍ରମ ନାମକ ଏକ ଅଞ୍ଚଳ ରହିଛି। ତେବେ ଏଠାରେ ପୁରାତନ ଆଶ୍ରମ ଭଳି କୌଣସି ଭଗ୍ନାବଶେଷ ନାହିଁ। ହୁଏତ ଏହା ମାଟିତଳେ ପୋତି ହୋଇ ରହିଛି।

କେଟ୍‌-ଓ୍ବିଲିୟମ୍‌ଙ୍କ କୋଳରେ ୩ୟ ସନ୍ତାନ

କେଟ୍‌-ଓ୍ବିଲିୟମ୍‌ଙ୍କ କୋଳରେ ୩ୟ ସନ୍ତାନ

ଲଣ୍ଡନ: ବ୍ରିଟେନ ରାଜ ପରିବାରରେ ଖୁସିର ଲହରି। ପ୍ରିନ୍ସ ଓ୍ବିଲିୟମ୍‌ ଏବଂ ତାଙ୍କ ଅର୍ଦ୍ଧାଙ୍ଗିନୀ କେଟ୍‌ ମିଡିଲ୍‌ଟନ୍‌ ପୁଣି ପୁତ୍ର ସନ୍ତାନ ଲାଭ କରିଛନ୍ତି। ସୋମବାର ଡଚେସ୍‌ ଅଫ୍‌ କ୍ୟାମ୍ବ୍ରିଜ୍‌ ତୃତୀୟ ସନ୍ତାନକୁ ଜନ୍ମ ଦେଇଥିବା କେନ୍‌ସିଙ୍ଗ୍‌ଟନ୍‌ ପ୍ୟାଲେସ୍‌ ପକ୍ଷରୁ କୁହାଯାଇଛି। ନୂଆ ପ୍ରିନ୍ସଙ୍କ ଓଜନ ୩.୮୨ କେଜି। ଶିଶୁପୁତ୍ରର ଜନ୍ମବେଳେ ୩୫ ବର୍ଷୀୟ ଓ୍ବିଲିୟମ୍‌ ସେଠାରେ ଉପସ୍ଥିତ ଥିଲେ।

ବିଷ ବଳୟ ଆମ ରୋଷେଇଘର

ବିଷ ବଳୟ ଆମ ରୋଷେଇଘର

ରୋଷେଇଘର ଆମ ପାଇଁ ଏକ ଅତି ପବିତ୍ର ସ୍ଥାନ। ଧନଦାତ୍ରୀ ଦେବୀ ଲକ୍ଷ୍ମୀ ଏଥିମଧ୍ୟରେ ଅବସ୍ଥାନ କରନ୍ତି ବୋଲି ଆମର ବିଶ୍ୱାସ। ତେଣୁ ଆମେ ଏହାକୁ ଯଥାସମ୍ଭବ ସଫାସୁତରା ରଖୁ। ଭିନ୍ନ ଦୃଷ୍ଟିରେ ଦେଖିଲେ ସେଠାରେ ଆମ ଖାଦ୍ୟ ପ୍ରସ୍ତୁତ କରାଯାଉଥିବାରୁ ଏହା ଏକାନ୍ତ ଆବଶ୍ୟକ। କିନ୍ତୁ ଏହି ଘର ଭିତରର ଆବଦ୍ଧ ବାୟୁ ଅତ୍ୟନ୍ତ ଦୂଷିତ। କାରଣ ଏବେ ବି ଆମ ଦେଶର ଅଧିକାଂଶ ରୋଷେଇରେ ବ୍ୟବହୃତ ହେଉଛି କାଠ, କୋଇଲା ଓ ଘଷି ଭଳି ଇନ୍ଧନ, ଯହିଁରୁ ନିର୍ଗତ ହୁଏ ବହୁ ବିଷାକ୍ତ ବାଷ୍ପ, ଧୂଆଁ ଓ ଧୂଳି ।

ମାଟିତଳେ ପୋତି ହୋଇରହିଥିବା ଲୋକଙ୍କ ସମ୍ପର୍କରେ ସୂଚନା ଦେବ ସେନସର୍‌

ମାଟିତଳେ ପୋତି ହୋଇରହିଥିବା ଲୋକଙ୍କ ସମ୍ପର୍କରେ ସୂଚନା ଦେବ ସେନସର୍‌

ଲଣ୍ଡନ, ୨୩।୪ : ଭୂମିକମ୍ପ କିମ୍ବା କୌଣସି ଦୁର୍ଘଟଣାରେ ମାଟିତଳେ ପୋତି ହୋଇ ରହିଥିବା ଲୋକଙ୍କ ସମ୍ପର୍କରେ ଏବେ ସହଜରେ ସୂଚନା ମିଳିପାରିବ। ଗବେଷକ ଏକ ସ୍ବତନ୍ତ୍ର ଧରଣର ସେନସର୍‌ ବାହାର କରିଛନ୍ତି। ଏହା ସହଜରେ ମାଟି ତଳେ ଥିବା ଜୀବଜନ୍ତୁ ଅଥବା ମଣିଷଙ୍କ ନିକଟକୁ ଏକ ପ୍ରକାର ତରଙ୍ଗ ପ୍ରେରଣ କରିବ। ସେମାନଙ୍କ ଶରୀରରେ ବାଜି ଏହି ତରଙ୍ଗ ସେନସରକୁ ଫେରିବ।

ବଢ଼ୁଛି ବରିଷ୍ଠ ନାଗରିକଙ୍କ ଆୟ

ବଢ଼ୁଛି ବରିଷ୍ଠ ନାଗରିକଙ୍କ ଆୟ

ନୂଆଦିଲ୍ଲୀ,୨୩।୪: ବୟସର ଅପରାହ୍ନରେ ଲୋକମାନେ ପିଲାଙ୍କ ପାଇଁ ବୋଝ ପାଲଟିଯାଆନ୍ତି ବୋଲି ସାଧାରଣରେ କୁହାଯାଏ। ଆୟ ନ ଥିବାରୁ ଅନେକ ବୟସ୍କ ବ୍ୟକ୍ତି ଯନ୍ତ୍ରଣାରେ ଦିନ କାଟନ୍ତି। କିନ୍ତୁ ସଦ୍ୟ ଏକ ରିପୋର୍ଟ ଏହି ଧାରଣାକୁ ଭୁଲ୍‌ ପ୍ରମାଣ କରିଦେଇଛି। ଭାରତରେ ବରିଷ୍ଠ ନାଗରିକଙ୍କ ଆର୍ଥିକ ସ୍ଥିତି ସୁଧୁରିବାରେ ଲାଗିଛି। ଏମାନେ ଆୟ କରିବା ସହ ଦେଶର ପ୍ରମୁଖ ଗ୍ରାହକ ଗୋଷ୍ଠୀରେ ସାମିଲ ହୋଇଛନ୍ତି ବୋଲି ଏକ ସର୍ଭେରୁ ଜଣାପଡ଼ିଛି। ତେବେ ବୃଦ୍ଧାବସ୍ଥାରେ ବିଭିନ୍ନ ସ୍ବାସ୍ଥ୍ୟ ସମସ୍ୟା ଦେଖାଦେଉଥିବାରୁ ଏହି ବାବଦକୁ ଅଧିକ ଖର୍ଚ୍ଚ କରୁଛନ୍ତି।