ସମ୍ପାଦକୀୟ |

ଶୌଚାଳୟ ଓ ସ୍ବଚ୍ଛ ଭାରତ ଅଭିଯାନ

ଶୌଚାଳୟ ଓ ସ୍ବଚ୍ଛ ଭାରତ ଅଭିଯାନ
ଡ. ପ୍ରଫୁଲ୍ଲ କୁମାର ସାହୁ କଥାରେ ଅଛି ଗାଁ ପରିମଳ ଧୋବା ତୁଠରୁ। ସୁସ୍ଥ ଜୀବନ ଓ ସୁସ୍ଥ ସମାଜ ଗଠନ କ୍ଷେତ୍ରରେ ପରିଷ୍କାର ପରିଚ୍ଛନ୍ନତାର ସମ୍ପର୍କ ଅତ୍ୟନ୍ତ ନିବିଡ଼। ପରିମଳ ବ୍ୟବସ୍ଥାର ସବୁଠାରୁ ଗୁରୁତ୍ୱପୂର୍ଣ୍ଣ ଅଙ୍ଗ ହେଉଛି ଶୌଚାଳୟ। ଆମର ଏଣେତେଣେ ମଳତ୍ୟାଗ କରିବାର ଅଭ୍ୟାସ ହିଁ ଅନେକ ରୋଗର କାରଣ। ଗାଁ ହେଉ କି ସହର ସବୁଠି ଏବେ ବିପର୍ଯ୍ୟସ୍ତ ଆମ ପରିମଳ ବ୍ୟବସ୍ଥା। ଆର୍ଥିକ ଦୃଷ୍ଟିକୋଣରୁ ଗ୍ରାମାଞ୍ଚଳରେ ସୁଧୁରିଲାଣି ଲୋକଙ୍କ ସ୍ଥିତି। ପୂର୍ବାପେକ୍ଷା ସେମାନେ ଭଲ ଖାଇଲେଣି, ଭଲ ପିନ୍ଧିଲେଣି ଏବଂ ରହିବା ପାଇଁ ନିର୍ମାଣ କଲେଣି ଭଲ ଘର। ଗାଁର ଘରେ ଘରେ ଏବେ ଉପଲବ୍ଧ ହେଲାଣି ଟେଲିଭିଜନ୍‌ ଓ ମୋବାଇଲ୍‌ ଫୋନ୍‌। ସବୁ ଥିବା ଭିତରେ କିନ୍ତୁ ମିଳୁନି ଶୌଚାଳୟ ସୁବିଧା। ଲୋକଙ୍କ ଚଳଣି ବଦଳିଛି ସତ କିନ୍ତୁ ବଦଳିପାରୁନି ମୁକ୍ତ ଆକାଶ ତଳେ ମଳମୂତ୍ର ତ୍ୟାଗ କରିବାର ମାନସିକତା। ଲକ୍ଷ ଲକ୍ଷ ଟଙ୍କା ବିନିମୟରେ ତିଆରି ହେଉଛି ଘର, ମାତ୍ର ସ୍ଥଳବିଶେଷରେ ଘରେ ପାଇଖାନା ନିର୍ମାଣକୁ ବିରୋଧ କରୁଛନ୍ତି ପରିବାରର ବୟସ୍କ ସଦସ୍ୟ। ସେମାନଙ୍କ ଦୃଷ୍ଟିରେ ବୋହୂ ମଥାରୁ ଟିକେ ଓଢ଼ଣା ଖସିଗଲେ ତଳେ ପଡ଼ିଯାଏ ଘରର ଇଜ୍ଜତ୍‌, ଅଥଚ ଖୋଲା ପଡ଼ିଆରେ କିମ୍ବା ରାସ୍ତା କଡ଼ରେ ବୋହୂ ଝାଡ଼ା ବସିଲେ ଆଦୌ ଊଣା ହୁଏନି ପରିବାରର ସମ୍ମାନ। ପୁରୁଷ ଲୋକଟିଏ ଦିନ ଦ୍ୱିପ୍ରହରରେ ଖୋଲା ଜାଗାରେ ମଳତ୍ୟାଗ କରି ନଈ ପୋଖରୀରେ ଶୌଚକ୍ରିୟା ସାରିଦେଇ ପାରେ ନିଧଡ଼କ ଭାବରେ, ମାତ୍ର ସମାନ ସ୍ଥିତିରେ ଜଣେ ମହିଳା ପାଇଁ ଥାଏ ସମ୍ମାନ ଓ ନିରାପତ୍ତାର ପ୍ରଶ୍ନ। ତେଣୁ ଅଧିକାଂଶ ସ୍ଥଳେ ଏହି ପ୍ରାକୃତିକ କ୍ରିୟା ସମ୍ପାଦନ କରିବା ପାଇଁ ସେମାନଙ୍କୁ ଅପେକ୍ଷା କରିବାକୁ ପଡ଼େ ରାତି ଆସିବା ପର୍ଯ୍ୟନ୍ତ। ଆମ ରାଜ୍ୟର ଗ୍ରାମାଞ୍ଚଳରେ ୮୬ ପ୍ରତିଶତ ପରିବାର ପାଖରେ ପାଇଖାନା ସୁବିଧା ନାହିଁ। ଯେଉଁ ୧୪ ପ୍ରତିଶତ ପରିବାର ପାଖରେ ଅଛି, ସେଗୁଡ଼ିକ ମଧ୍ୟରୁ କେଉଁଠି ପାଣିର ସୁବିଧା ନାହିଁ ତ କିଏ ପଡ଼ି ରହିଛି ଅଚଳ ଅବସ୍ଥାରେ। ଘରେ ପାଇଖାନା ଥାଇ ବି କିଛି ଲୋକ ବାହାରକୁ ଯିବା ପାଇଁ ପସନ୍ଦ କରୁଛନ୍ତି ଅଭ୍ୟାସବଶତଃ। ରାଜ୍ୟର ଏକ ଚତୁର୍ଥାଂଶ ଅଙ୍ଗନଓ୍ବାଡ଼ି ଓ ସାତ ପ୍ରତିଶତ ସରକାରୀ ବିଦ୍ୟାଳୟରେ ଶୌଚାଳୟ ନାହିଁ। ଏବେ ଦେଖିବା ଦ୍ରୁତ ବିକାଶ ପଥରେ ଧାଉଁଥିବା ସହରାଞ୍ଚଳର ପରିମଳ ଚିତ୍ର। ସହର କହିଲେ ତ ସବୁଆଡ଼େ ଖାଲି ନିର୍ମାଣ ଇ ନିର୍ମାଣ। ସେଠାରେ ମୁକ୍ତାକାଶ ତଳେ ମଳମୂତ୍ର ତ୍ୟାଗ ପାଇଁ ନ ଥାଏ ବିସ୍ତୃତ ଖୋଲାପଡ଼ିଆ। ନଈ, ନାଳ ଓ ରାସ୍ତା କଡ଼ରେ ମଳମୂତ୍ର ତ୍ୟାଗ କରିବାକୁ ବାଧ୍ୟ ହୁଅନ୍ତି ଘରେ ପାଇଖାନା ନ ଥିବା ହଜାର ହଜାର ଲୋକ। ଜନସଂଖ୍ୟା ଦୃଷ୍ଟିରୁ ସହର ଭିତରେ ଥିବା ସର୍ବସାଧାରଣ ଶୌଚାଳୟଗୁଡ଼ିକର ସଂଖ୍ୟା ଅତି ନଗଣ୍ୟ। ପୁଣି ବସଷ୍ଟାଣ୍ଡ ଭଳି ଜନାକୀର୍ଣ୍ଣ ସ୍ଥାନରେ ରହିଥିବା ପରିସ୍ରାଗାରଗୁଡ଼ିକର ଅବସ୍ଥା ଏତେ ଶୋଚନୀୟ ଯେ ସେସବୁ ବ୍ୟବହାର କରିବା ଅର୍ଥ ଜୀବାଣୁ ସଂକ୍ରମଣକୁ ଆମନ୍ତ୍ରଣ କରିବା। ତେଣୁ ଲୋକେ ଅନନ୍ୟୋପାୟ ହୋଇ ପରିସ୍ରା କରିପକାନ୍ତି କେଉଁ କ୍ୟାବିନ୍‌ ପଛରେ ବା କାହା ପାଚେରି କଡ଼ରେ। ଏଭଳି ସ୍ଥିତିରେ ମହିଳା ଯାତ୍ରୀମାନେ ଭୋଗୁଥିବା ଯନ୍ତ୍ରଣା କଥା ନ କହିବା ଭଲ। ଦେଶବାସୀଙ୍କୁ ଉନ୍ନତ ପରିମଳ ବ୍ୟବସ୍ଥା ଉପଲବ୍ଧ କରାଇବା ପାଇଁ ୧୯୮୬ ମସିହାରେ କାର୍ଯ୍ୟକାରୀ ହେଲା କେନ୍ଦ୍ର ପରିମଳ ବ୍ୟବସ୍ଥା। ଏହି କ୍ରମରେ ସମ୍ପୂର୍ଣ୍ଣ ପରିମଳ ବ୍ୟବସ୍ଥା (୧୯୯୯), ନିର୍ମଳ ଭାରତ ଅଭିଯାନ (୨୦୧୨) ଏବଂ ୨୦୧୪ରେ ଆରମ୍ଭ ହେଲା ସ୍ବଚ୍ଛଭାରତ ଅଭିଯାନ। ମାତ୍ର ଯେତେଯାହା ଯୋଜନା ହେଲେ ବି ଆଖିଦୃଶିଆ ଭାବେ ବଦଳୁ ନାହିଁ ପରିଚ୍ଛନ୍ନତାର ଚିତ୍ର। ଏବେ ବି ଦେଶର ପ୍ରାୟ ୫୦କୋଟି ଲୋକ ମଳତ୍ୟାଗ କରନ୍ତି ନଦୀ ଆଡ଼ି, ପୋଖରୀ ହୁଡ଼ା କିମ୍ବା ବୁଦା ଉହାଡ଼ରେ। ଖୋଲା ସ୍ଥାନରେ ମଳତ୍ୟାଗ କରିବା କ୍ଷେତ୍ରରେ ଭାରତର ସ୍ଥାନ ହେଉଛି ପୃଥିବୀରେ ପ୍ରଥମ ଏବଂ ଆମ ଦେଶ ତଳକୁ ରହିଛି ଯଥାକ୍ରମେ ଇଣ୍ଡୋନେସିଆ, ପାକିସ୍ତାନ ଓ ନାଇଜେରିଆ। ଭାରତରେ ଏଭଳି ବିପର୍ଯ୍ୟସ୍ତ ପରିମଳ ବ୍ୟବସ୍ଥାକୁ କୁହାଯାଉଛି ଜାତୀୟ ଲଜ୍ଜା। ଏହି ବିଫଳତାକୁ ନେଇ ଜାତୀୟ ସ୍ତରରେ ଓଡ଼ିଶାର ସ୍ଥିତି ଆହୁରି ଲଜ୍ଜାଜନକ। ଜାତୀୟ ସାମ୍ପଲ ସର୍ଭେ ରିପୋର୍ଟ ଅନୁସାରେ ସ୍ବଚ୍ଛତା ତାଲିକାରେ ୨୬ଟି ପ୍ରମୁଖ ରାଜ୍ୟ ମଧ୍ୟରୁ ଓଡ଼ିଶାର ସ୍ଥାନ ତଳଆଡ଼ୁ ତୃତୀୟ। ଓଡ଼ିଶା ତଳକୁ ଅଛି ଝାଡ଼ଖଣ୍ଡ ଓ ଛତିଶଗଡ଼। ୨୦୧୪ ଅକ୍ଟୋବର ୨ ତାରିଖରୁ ସ୍ବଚ୍ଛ ଭାରତ ଅଭିଯାନ ଆରମ୍ଭ ହେବାର ୮ମାସ ପରେ ସହରଗୁଡ଼ିକର ପରିଷ୍କାର ପରିଚ୍ଛନ୍ନତା ପରଖିବା ପାଇଁ ୪୭୬ଟି ସହରକୁ ନେଇ ଦେଶରେ ଆରମ୍ଭ ହୋଇଥିଲା ଏକ ବିଶ୍ଳେଷଣାମତ୍କ ସର୍ଭେ କାର୍ଯ୍ୟକ୍ରମ। ଏଥିରେ ସାମିଲ ହୋଇଥିଲା ଆମ ରାଜ୍ୟର ରାଜଧାନୀ ସମେତ ୧୦ଟି ସହର। ସର୍ବେକ୍ଷଣ ତଥ୍ୟ ଅନୁସାରେ କଟକ, ପୁରୀ ଓ ଭୁବନେଶ୍ୱର ଯଥାକ୍ରମେ ୨୯୬, ୨୯୮ ଓ ୩୩୧ ସ୍ଥାନରେ ଥିବାବେଳେ ସମ୍ବଲପୁରକୁ ମିଳିଛି ୪୬୭ତମ ସ୍ଥାନ। ଅନ୍ୟ ୬ଟି ସହରର ସ୍ଥିତି ମଧ୍ୟ ଲଜ୍ଜାଜନକ। ରାଜ୍ୟ ନଗର ଊନ୍ନୟନ ବିଭାଗ ପକ୍ଷରୁ ୫୦ଟି ପୌରାଞ୍ଚଳକୁ ନେଇ କରାଯାଇଥିବା ସର୍ବେକ୍ଷଣରୁ ଜଣାଯାଏ, ଦେଶରେ ୧ ନମ୍ବର ସ୍ମାର୍ଟ ସିଟି ଭାବେ ମାନ୍ୟତା ପାଇଥିବା ଭୁବନେଶ୍ୱର ପୌରାଞ୍ଚଳରେ ମାତ୍ର ୮୧ ପ୍ରତିଶତ ପରିବାର ପାଖରେ ଅଛି ନିଜସ୍ବ ପାଇଖାନା। ଅନ୍ୟତମ ସ୍ମାର୍ଟ ସିଟି ଇସ୍ପାତ ନଗରୀରେ ନିଜସ୍ବ ପାଇଖାନା ବ୍ୟବହାର କରନ୍ତି ୮୪ ପ୍ରତିଶତ ପରିବାର। ପୁରୀରେ ଏହି ହାର ୭୭ ହୋଇଥିବା ବେଳେ ହଜାର ବର୍ଷର ସହର କଟକରେ ତାହା ୬୫ ପ୍ରତିଶତରେ ସୀମିତ। ଏ ବିଷୟରେ ବ୍ୟାପକ ପ୍ରଚାର ହେଲେ ଲୋକେ ବୁଝିବେ ଶୌଚାଳୟ ସହିତ ସ୍ବାସ୍ଥ୍ୟରକ୍ଷାର ସମ୍ପର୍କ। ମୋ- ୯୪୩୮୮୫୫୦୮୮
All Right Reserved By

ସମ୍ପାଦକୀୟ |

ସମ୍ପାଦକୀୟ/ରାୟର ରଙ୍ଗ

ସମ୍ପାଦକୀୟ/ରାୟର ରଙ୍ଗ

ଭାରତର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ତାଙ୍କ ଦେହରକ୍ଷୀ ବେୟନ୍ତ ସିଂ ଓ ସତ୍‌ଓ୍ବନ୍ତ ସିଂ ୧୯୮୪ ଅକ୍ଟୋବର ୩୧ରେ ଗୁଳିକରି ହତ୍ୟା କରିଥିଲେ। ଏହା ପରେ ଦିଲ୍ଲୀ ସମେତ ସମଗ୍ର ଦେଶରେ ଶିଖ୍‌ ବିରୋଧୀ ଦଙ୍ଗାରେ ୮,୦୦୦ରୁ ଊର୍ଦ୍ଧ୍ୱ ଲୋକଙ୍କ ଜୀବନ ଯାଇଥିଲା। ଅବଶ୍ୟ ବେସରକାରୀ ହିସାବରେ ଏହି ସଂଖ୍ୟା ଯଥେଷ୍ଟ ଅଧିକ ଥିବା ସେତେବେଳେ ଗଣମାଧ୍ୟମରେ ପ୍ରକାଶ ପାଇଥିଲା। ଏଭଳି ଗଣହତ୍ୟା ସେହି ସମୟରେ ସମଗ୍ର ଦେଶରେ ଚହଳ ପକାଇ ଦେଇଥିଲା। ଦୀର୍ଘ ୩୪ ବର୍ଷ ପରେ ଦଙ୍ଗାର ...

ମାନବାଧିକାର ଓ ମୃତ୍ୟୁଦଣ୍ଡ

ମାନବାଧିକାର ଓ ମୃତ୍ୟୁଦଣ୍ଡ

ବୈକୁଣ୍ଠନାଥ ମିଶ୍ର

ଭାରତ ସମ୍ବିଧାନର ଧାରା ୨୧ ଭାରତୀୟ ନାଗରିକଙ୍କୁ ସ୍ବାଧୀନଭାବେ ବଞ୍ଚିବାର ଅଧିକାର ପ୍ରଦାନ କରିଛି। ବ୍ୟକ୍ତିର ସେହି ଅଧିକାର କ୍ଷୁଣ୍ଣ ହେଲେ ମାନବିକ ଅଧିକାର ବିପନ୍ନ ହେଲା ବୋଲି ବୁଝିବାକୁ ହେବ। ଆଧୁନିକ ଯୁଗରେ ମାନବାଧିକାର ଏକ ବିତର୍କିତ ପ୍ରସଙ୍ଗ। କାରଣ ମାନବାଧିକାରର ସଂଜ୍ଞା ଅସ୍ପଷ୍ଟ। ସମାନ ଅପରାଧ ପାଇଁ ଜଣେ ଫାଶୀ ଦଣ୍ଡାଦିଷ୍ଟ ହେଉଥିବା ବେଳେ ଆଉ ଜଣେ ଆଜୀବନ ଜେଲଦଣ୍ଡ ପାଏ। ଜଣେ ନ୍ୟାୟମୂର୍ତ୍ତିଙ୍କ ଦୃଷ୍ଟିରେ ଫାଶୀ ମାନବାଧିକାରର ପରିପନ୍ଥୀ ତ ଆଉ ଜଣେ ବିରଳରୁ ଅତି ବିରଳ ଅପରାଧ ପାଇଁ ଫାଶୀଦଣ୍ଡ ଏକମାତ୍ର ବିକଳ୍ପ ବୋଲି ବିବେଚନା କରନ୍ତି। କେତେକ ମାନବାଧିକାର କର୍ମୀଙ୍କ ମତରେ ଜଣଙ୍କର ଜୀବ..

ଶୀତ ପରେ ବସନ୍ତ

ଶୀତ ପରେ ବସନ୍ତ

ଉପେନ୍ଦ୍ର ବିଶ୍ୱାଳ

‘ଧାରେ ହସ’ ଶୀର୍ଷକ ମୋର ପ୍ରବନ୍ଧଟିଏ ପାଠକଲା ପରେ କଲ୍ୟାଣୀ ନାମ୍ନୀ ଶିକ୍ଷୟିତ୍ରୀ କହିଲେ ”ଭଗବାନ ଯାହା ଓଠରୁ ସବୁଦିନ ପାଇଁ ହସ ଲିଭାଇ ଦେଇଛନ୍ତି, ସେ ବା ହସିବ କେମିତି?“ ଅବଶ୍ୟ ବେଦନାଭରା ଥିଲା ତାଙ୍କ ଜୀବନ କାହାଣୀ। ଦୁର୍ଭାଗ୍ୟର କଳାବାଦଲ ଘୋଟିଆସିଛି ତାଙ୍କ ଜୀବନରେ। ପ୍ରଥମେ ମା’ଙ୍କୁ ଓ ପରେ ବାପାଙ୍କୁ ହରାଇ ଦିଗହରା ହେଲେ। ଏକମାତ୍ର ଭାଇ ହିଁ ସାହାରା ସାଜି ଭଉଣୀର ବିବାହ କରାଇଦିଏ। ମାତ୍ର ନିୟତି ନିଷ୍ଠୁର ସାଜିଥିଲା। ସ୍ବାମୀଙ୍କ ନିର୍ଯାତନା ଥିଲା ତାଙ୍କ ପାଇଁ ଆହୁରି ଅସହ୍ୟ। ଜୀବନ ବଞ୍ଚାଇବାକୁ ଯାଇ ଭଉଣୀଟି ଫେରିଆସେ ଭାଇର ଆଶ୍ରାରେ। ବିବାହ ପରେ ଭାଇ ମଧ୍ୟ ହାତ ଛାଡ଼ିଦିଏ। ତା’ପରେ ଚାରିଦି..

ଏଇ ଭାରତରେ

ଏଇ ଭାରତରେ

କେତେକେ ଜୀବନ ଧାରଣ ପାଇଁ ଯେଭଳି କଷ୍ଟ ବରଣ କରିଥାଆନ୍ତି ତାହା ଅନ୍ୟମାନଙ୍କ ଦୃଷ୍ଟି ଆକର୍ଷଣ କରିଥାଏ। ଏଭଳି ଜଣେ ବ୍ୟକ୍ତିତ୍ୱ ହେଉଛନ୍ତି ତ୍ରିପୁରାର ରାଜଧାନୀ ଅଗରତାଲାରେ ରିକ୍‌ସା ଚଳାଉଥିବା ସୋମା ଚକ୍ରବର୍ତ୍ତୀ। ସେ ଝିଅକୁ କପଡାରେ ବାନ୍ଧି ଛାତିରେ ଧରିବା ସହିତ ପେଟ ପୋଷିବା ପାଇଁ ଦିନସାରା ରାଜରାସ୍ତାରେ ରିକ୍ସା ଟାଣନ୍ତି। ତାଙ୍କ ପ୍ରତି ସହାନୁଭୂତି ଦେଖାଇ ଅନେକେ ଅଧାବାଟରୁ..

ବିଶ୍ୱାସ ତୁଟିଲା

ବିଶ୍ୱାସ ତୁଟିଲା

ତଥାଗତ ସତପଥୀ

ଫ୍ରାନ୍ସରୁ ରାଫାଲ ଯୁଦ୍ଧ ବିମାନ କିଣାଯିବା ନେଇ ହୋଇଥିବା ଚୁକ୍ତିରେ କୌଣସି ଅନିୟମିତତା ହୋଇ ନାହିଁ ବୋଲି ସୁପ୍ରିମକୋର୍ଟ ଡିସେମ୍ବର ୧୪ରେ ରାୟ ଦେବା ପରେ ରାଜନୈତିକ କାଦୁଅ ଫିଙ୍ଗାଫୋପଡ଼ା ଆରମ୍ଭ ହୋଇଯାଇଛି। 

ଦୁଇଗୁଣା ଚାଷୀ ଆୟ ଓ କୃଷିବିବିଧତା

ଦୁଇଗୁଣା ଚାଷୀ ଆୟ ଓ କୃଷିବିବିଧତା

ଚିନ୍ମୟ ରଞ୍ଜନ କୁମାର

କୃଷି ଓ କୃଷକ ବିଭିନ୍ନ କାରଣ ପାଇଁ ଏବେ ଚାପଗ୍ରସ୍ତ। କୃଷି ମୁଖ୍ୟତଃ ବର୍ଦ୍ଧିତ ଜନସଂଖ୍ୟା, ସହରୀକରଣ, ସରକାରୀ ଅର୍ଥ ବିନିଯୋଗର ହ୍ରାସ, ନୀତି ନିର୍ଦ୍ଧାରଣ ଓ ପ୍ରଣୟନରେ ଅସମାନତା ଏବଂ ପ୍ରାକୃତିକ ସମ୍ପଦର ସ୍ଖଳନ ଭଳି ସମସ୍ୟା ଦ୍ୱାରା ପୀଡ଼ିତ।

ଆଦିବାସୀ ଇଲାକାରେ ଅତିଥି ଚର୍ଚ୍ଚା

ଆଦିବାସୀ ଇଲାକାରେ ଅତିଥି ଚର୍ଚ୍ଚା

ଇଂ. ହାଡ଼ିବନ୍ଧୁ ଖଣ୍ଡୁଆଳ

୧୯୭୨ ମସିହାର ଏକ ଘଟଣା। ମୁଁ ରାଉରକେଲାକୁ ବଦଳି ହୋଇ, ସେଠାରେ ଥିବା ଓଡ଼ିଶା-ମିଲିଟାରୀ ପୋଲିସ (ଓଏମ୍‌ପି)ର ତ୍ରିତାଲା ଫ୍ଲାଟ୍‌ର ଉପର ମହଲାର ଏକ ବାସଗୃହରେ ରହୁଥାଏ। 

ଏଇ ଭାରତରେ

ଏଇ ଭାରତରେ

ଆମ ଦେଶରେ ବିଭିନ୍ନ ଧର୍ମର ଲୋକ ବାସକରନ୍ତି। ବିଭିନ୍ନ ଧର୍ମବିଶ୍ୱାସୀ ଲୋକଙ୍କ ପ୍ରଥା ଓ ପରମ୍ପରା ମଧ୍ୟ ଭିନ୍ନ ଭିନ୍ନ। ସେଥିପାଇଁ ଆମ ଦେଶରେ ମନ୍ଦିର, ମସ୍‌ଜିଦ୍‌, ଗିର୍ଜା ଓ ଗୁରୁଦ୍ୱାର ଭଳି ବିଭିନ୍ନ ଉପାସନା ପୀଠ ଦେଖିବାକୁ ମିଳେ। ବିଭିନ୍ନ ଧର୍ମୀୟ ପୀଠରେ ଭିନ୍ନ ଭିନ୍ନ ପରମ୍ପରା ମଧ୍ୟ ଦୃଷ୍ଟିଗୋଚର ହୁଏ। ତାମିଲନାଡୁରେ ଏପରି ଏକ ମନ୍ଦିର ରହିଛି ଯେଉଁଠାରେ ଭକ୍ତ ଦେହରେ ଲଙ୍କାଗୁଣ୍ଡ ବୋଳିହୋଇ ନିଆଁରେ ଚାଲିଲେ ମନସ୍କାମନା ପୂରଣ ହୁଏ ବୋଲି ବିଶ୍ୱାସ ରହିଛି।

ହାଇକମାଣ୍ଡ

ହାଇକମାଣ୍ଡ

ଆକାର ପଟେଲ

ଯେତେବେଳେ ମୋତେ ୧୮ ବର୍ଷ ହେଲା ଓ ଭୋଟ ଦେବାର ଅଧିକାର ପ୍ରାପ୍ତ ହେଲି, ସେତେବେଳେ ସୁରତରୁ ପାର୍ଲାମେଣ୍ଟ ସଦସ୍ୟ ଥିଲେ ଭାଜପାର କାଶୀରାମ ରାଣା।  ମୋତେ ୪୦ ବର୍ଷ ବୟସ ହେବା ପର୍ଯ୍ୟନ୍ତ ସେ ସୁରତର ଏମ୍‌ପି ଥିଲେ। ତୃଣମୂଳସ୍ତରରୁ ସେ ଜଣେ ଲୋକପ୍ରିୟ ନେତା ଥିଲେ, ଛଅଥର ଜିତିଥିଲେ ଏବଂ କେବେ ବି ହାରି ନ ଥିଲେ। ଅଟଳ ବିହାରୀ ବାଜପେୟୀଙ୍କ କ୍ୟାବିନେଟ୍‌ରେ ସେ ଜଣେ ମନ୍ତ୍ରୀ ମଧ୍ୟ ଥିଲେ। ବିନା କାରଣରେ ୨୦୦୮ରେ ତାଙ୍କୁ ଟିକେଟ୍‌ରୁ ବଞ୍ଚିତ କରାଗଲା ଏବଂ ତା’ର କିଛିବର୍ଷ ପରେ ତାଙ୍କର ମୃତ୍ୟୁ ଘଟିଲା। ତାଙ୍କ ବିଷୟରେ ଏଠାରେ ଉଲ୍ଲେଖ କରିବାର କାରଣ ଟିକିଏ ପରେ କହିବି। ..

ମଣିଷରୁ ଅମଣିଷ

ମଣିଷରୁ ଅମଣିଷ

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ

ନିଜର ସକଳ ସୃଷ୍ଟି ମଧ୍ୟରେ କେବଳ ମଣିଷ ଭିତରେ ଦିବ୍ୟ ଚେତନା ସଞ୍ଚାର କରି ସେ ଦିନ ସ୍ରଷ୍ଟା ବେଶ୍‌ ସନ୍ତୋଷ ପ୍ରକାଶ କରିଥିଲେ। ସେ ଦିନରୁ ଏ ଯାଏ ସମଗ୍ର ପ୍ରାଣିଜଗତ ମଧ୍ୟରେ ମଣିଷ ନିଜ ବୌଦ୍ଧିକ ବିକାଶ ତଥା ଚେତନାର ପରିପକ୍ୱ ପରିସ୍ଫୁଟନ ପାଇଁ ଶ୍ରେଷ୍ଠଜୀବ ଭାବେ ପରିଗଣିତ ହୋଇଆସୁଛି। ନିଜ ବୋଧଶକ୍ତି ମାଧ୍ୟମରେ ଅତୀତର ମଧୁର ସ୍ମୃତି ରୋମନ୍ଥନ କରି ରୋମାଞ୍ଚିତ ହେଉଛି ତ ଭବିଷ୍ୟତର ଅନାଗତ ଆଶଙ୍କାରେ ବି ଆତଙ୍କିତ ହେଉଛି। ଅଶ୍ରୁଳ ଅତୀତକୁ ମନେପକାଇ ନୀରବରେ ବାହୁନୁଛି ତ ଭବିଷ୍ୟତର ସୁନେଲି ସ୍ବପ୍ନ ଦେଖି ମୁଗ୍ଧବିଭୋର ଅନୁଭବରେ ଜଡସଡ ହେଉଛି। ପୁଣି କେତେବେଳେ ଦାନବ ସାଜି ଅନ୍ୟ ତୁଣ୍ଡରୁ ...

 ସାମ୍ବାଦିକରୁ ସାହିତି୍ୟକ

ସାମ୍ବାଦିକରୁ ସାହିତି୍ୟକ

ବ୍ୟକ୍ତିତ୍ୱ/ଜିତେନ୍ଦ୍ର

ସାହିତ୍ୟ କ୍ଷେତ୍ରରେ ଉଲ୍ଲେଖନୀୟ ଅବଦାନ ଲାଗି ଭାରତୀୟ ଜ୍ଞାନପୀଠ ପକ୍ଷରୁ ପ୍ରତିବର୍ଷ ଜ୍ଞାନପୀଠ ପୁରସ୍କାର ପ୍ରଦାନ କରାଯାଇଆସୁଛି। ୧୯୬୧ ମସିହାଠାରୁ ଏହି ସମ୍ମାନ ପ୍ରଦାନ କରାଯାଇଆସୁଛି। ଚଳିତଥର ଇଂଲିଶ୍‌ ଭାଷାରେ ପ୍ରଥମ ଥର ପାଇଁ ଅମିତାଭ ଘୋଷଙ୍କ ନାମ ଘୋଷଣା ହେବା ପରେ ତାଙ୍କ ବ୍ୟକ୍ତିତ୍ୱ ଓ ସାହିତ୍ୟକୃତି ଚର୍ଚ୍ଚାକୁ ଆସିଛି। ..

ଏଇ ଭାରତରେ

ଏଇ ଭାରତରେ


ଆମ ଦେଶର ଅନେକ ଲୋକ ପ୍ରକୃତିକୁ ଦେବତା ଭାବି ପୂଜା କରିଥାଆନ୍ତି। ଲୋକଙ୍କ ଧର୍ମୀୟ ଭାବନା ଏତେ ଦୃଢ଼ ଯେ, ଏଠାରେ ପଥରକୁ ପୂଜା କଲେ ବି ସେ ଦେବତା ପାଲଟି ଯାଆନ୍ତି।  ତେବେ ମନୋବାଞ୍ଛା କେତେଦୂର ପୂରଣ ହୁଏ କେବଳ ସମ୍ପୃକ୍ତ ବ୍ୟକ୍ତି ହିଁ କହିପାରେ। ଗୋବରରେ ପ୍ରଭୁ ଗଣେଶଙ୍କ ପୂଜା କଲେ ମନସ୍କାମନା ପୂରଣ ହୋଇଥାଏ ବୋଲି ଶାସ୍ତ୍ରରେ ଉଲ୍ଲେଖ ଅଛି। ଗୋବରରେ..