ଫୁରସତ |

ବଢ଼ୁଛି ‘ପଦ୍ମାବତୀ’ ଅଡ଼ୁଆ

ବଢ଼ୁଛି ‘ପଦ୍ମାବତୀ’ ଅଡ଼ୁଆ

ଜୟପୁର/ବମ୍ବେ/ନୂଆଦିଲ୍ଲୀ:ସଞ୍ଜୟ ଲୀଲା ଭଂସାଲୀଙ୍କ ‘ପଦ୍ମାବତୀ’ ବିରୋଧୀ ବିକ୍ଷୋଭ ଜଟିଳ ରୂପ ଧାରଣ କରିବାରେ ଲାଗିଥିବା ବେଳେ ଫିଲ୍ମ ପାଇଁ ଅଡ଼ୁଆ ବଢ଼ିବାରେ ଲାଗିଛି। ଶୁକ୍ରବାର କର୍ନୀ ସେନାର ସଦସ୍ୟମାନେ ରାଣୀ ପଦ୍ମାବତୀଙ୍କ ରାଜଉଆସ ଚିତ୍ତୋରଗଡ଼ର ଦୁର୍ଗରେ ମାର୍ଗ ଅବରୋଧ କରିଛନ୍ତି। ଏହି ବିଶ୍ୱ ଐତିହ୍ୟସ୍ଥଳୀ ସରକାରୀ ଭାବେ ବନ୍ଦ ହୋଇନାହିଁ ବୋଲି ଚିତ୍ତୋରଗଡ଼ ଏସ୍‌ପି ପ୍ରସନ କୁମାର ଖାମ୍‌ଶେରା ପ୍ରକାଶ କରିଛନ୍ତି। ଏସ୍‌ପିଙ୍କ ସୂଚନା ଅନୁଯାୟୀ, ଆନ୍ଦୋଳନକାରୀ ଦୁର୍ଗ ପ୍ରବେଶପଥକୁ ଅବରୋଧ କରି ରଖିଥିବା ଖବର ମିଳିଛି। ସେମାନେ ପର୍ଯ୍ୟଟକଙ୍କୁ ଭିତରକୁ ଛାଡ଼ୁନାହାନ୍ତି। ସ୍ଥିତିର ମୁକାବିଲା ଲାଗି ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ସର୍ବ ସମାଜ ସଙ୍ଗଠନ ଏବଂ ଜୌହର୍‌ ସମ୍ରିତି ସଂସ୍ଥାନର ସଭାପତି ଉମ୍ମିଦ୍‌ ସିଂ କହିଛନ୍ତି ଯେ, ‘ପଦ୍ମାବତୀ’ ଉପରେ କଟକଣା ଦାବି ନେଇ ଗତ ୮ ଦିନ ହେଲା ପଦନ୍‌ପୋଲ ନିକଟରେ ଧାରଣା ଚାଲିଥିଲା। ଶୁକ୍ରବାର ଚିତ୍ତୋରଗଡ଼ ଦୁର୍ଗ ପ୍ରବେଶପଥ ବନ୍ଦ କରି ଦିଆଯାଇଛି। ରାଜସ୍ଥାନ ପର୍ଯ୍ୟଟନ ବିକାଶ କର୍ପୋରେସନ (ଆର୍‌ଟିଡିସି)ର ପରିଚାଳନା ନିର୍ଦ୍ଦେଶକ ପ୍ରଦୀପ କୁମାର ବୋରାଡ୍‌ ବିରୋଧ ପ୍ରଦର୍ଶନ କାରଣରୁ ଲକ୍‌ଜ୍ୟୁରି ଟ୍ରେନ୍‌ ଚଳାଚଳରେ କୌଣସି ପରିବତ୍ତର୍ନ କରାଯାଇ ନ ଥିବା ସୂଚନା ଦେଇଛନ୍ତି। ଚିତ୍ତୋରଗଡ଼କୁ ପୂର୍ବଭଳି ଏହା ଚାଲିଥିବା ସେ କହିଛନ୍ତି। ସୂଚନାଯୋଗ୍ୟ ଯେ, ମାର୍ଚ୍ଚରେ ଚିତ୍ତୋରଗଡ଼ ଦୁର୍ଗରେ ‘ପଦ୍ମାବତୀ’ ଶୁଟିଂ ଚାଲିଥିବାବେଳେ ଫିଲ୍ମରେ ଭୁଲ ତଥ୍ୟ ବର୍ଣ୍ଣନା କରାଯାଉଥିବା ଅଭିଯୋଗ ଆଣି କର୍ନୀ ସେନାର ସଦସ୍ୟମାନେ ଶୁଟିଂ ସେଟ୍‌ରେ ପୋଡ଼ାଜଳା କରିଥିଲେ। ବିରୋଧ ହେଲେ ସୁଦ୍ଧା ଡିସେମ୍ବର ୧ରେ ଫିଲ୍ମ ରିଲିଜକୁ କେହି ଅଟକାଇ ପାରିବେ ନାହିଁ ବୋଲି ଅଭିନେତ୍ରୀ ଦୀପିକା ପାଦୁକୋନ ଦୃଢ଼ୋକ୍ତି ପ୍ରକାଶ କରିବା ପରେ କର୍ନୀ ସେନା ସଭାପତି ଲୋକେନ୍ଦ୍ର ସିଂ କଲ୍‌ଭି ଶୁକ୍ରବାର ଅଭିନେତ୍ରୀଙ୍କୁ ତୀବ୍ର ସମାଲୋଚନା କରିଛନ୍ତି। ଦୀପିକା ଦେଶର ରାଷ୍ଟ୍ରପତି ନୁହନ୍ତି ଯେ ନିର୍ଦ୍ଦେଶନାମାକୁ ଅଣଦେଖା କରିବେ ବୋଲି କଲ୍‌ଭି କହିଛନ୍ତି। ଇତିମଧ୍ୟରେ ‘ପଦ୍ମାବତୀ’ ଫିଲ୍ମ ରିଲିଜ୍‌ ତାରିଖ ଡିସେମ୍ବର ୧ରୁ ଜାନୁୟାରୀ ୧୨କୁ ଘୁଞ୍ଚାଇ ଦେଇଥିବା ନେଇ ରିପୋର୍ଟ ପ୍ରକାଶ ପାଇଛି। କିନ୍ତୁ ଚଳଚ୍ଚିତ୍ର ନିର୍ମାତାମାନେ ଏଭଳି ରିପୋର୍ଟକୁ ଖଣ୍ଡନ କରିଛନ୍ତି। ରାଜନୈତିକ ଚାପରେ ବଶବର୍ତ୍ତୀ ହୋଇ ନିର୍ମାତାମାନେ ଏଭଳି କରିଥିବା ପ୍ରକାଶ ପାଇଥିଲା। କିନ୍ତୁ ଭାଇକମ୍‌ ୧୮ ମୋଶନ୍‌ ପିକ୍‌ଚର୍ସର ମୁଖ୍ୟ ପରିଚାଳନା ଅଧିକାରୀ ଅଜିତ୍‌ ଅନ୍ଧାରେ ଏହା ଏକ ଗୁଜବ ବୋଲି କହିଛନ୍ତି। ଏ ନେଇ ସେ ଟୁଇଟର୍‌ରେ ବିବୃତି ମଧ୍ୟ ଜାରି କରିଛନ୍ତି। ସେପଟେ ‘ପଦ୍ମାବତୀ’ ବିରୋଧକାରୀଙ୍କୁ ସତର୍କବାଣୀ ଶୁଣାଇଛି ବମ୍ବେ ପୋଲିସ। ଫିଲ୍ମକୁ ବିରୋଧ ବେଳେ ବ୍ୟକ୍ତିବିଶେଷ କିମ୍ବା ସଙ୍ଗଠନ ଆଇନକୁ ହାତମୁଠାରେ ନ ନେବା ଲାଗି ବମ୍ବେ ପୋଲିସ ପକ୍ଷରୁ ସତର୍କ କରାଯାଇଛି। ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠନ ଗ୍ରହଣ କରାଯିବ ବୋଲି ବମ୍ବେ ପୋଲିସର ଯୁଗ୍ମ କମିଶନର (ଆଇନ ଶୃଙ୍ଖଳା) ଦେବେନ୍‌ ଭାରତୀ ପ୍ରକାଶ କରିଛନ୍ତି। ଧମକ ପାଇଥିବା ଫିଲ୍ମରେ ସମ୍ପୃକ୍ତ ପ୍ରତିଟି ବ୍ୟକ୍ତିବିଶେଷଙ୍କ ସୁରକ୍ଷା ବ୍ୟବସ୍ଥା କଡ଼ାକଡ଼ି କରି ଦିଆଯାଇଥିବା ସେ କହିଛନ୍ତି। ସେପଟେ କେନ୍ଦ୍ରୀୟ ଚଳଚ୍ଚିତ୍ର ପ୍ରମାଣନ ବୋର୍ଡ (ସିବିଏଫ୍‌ସି ବା ସେନ୍‌ସର ବୋର୍ଡ) ‘ପଦ୍ମାବତୀ’ ଫିଲ୍ମକୁ ଶୁକ୍ରବାର ନିର୍ମାତାଙ୍କୁ ଫେରାଇ ଦେଇଥିବା ଜଣାପଡ଼ିଛି। ଟେକ୍ନିକାଲ୍‌ କାରଣରୁ ଏଭଳି କରାଯାଇଥିବା ଜଣାପଡ଼ିଛି। ଟେକ୍ନିକାଲ୍‌ ଜଟିଳତାର ସମାଧାନ ପରେ ଏହାକୁ ପୁଣିଥରେ ସିବିଏଫ୍‌ସିକୁ ପଠାଯିବା। ପରେ ଫିଲ୍ମକୁ ନିର୍ଦ୍ଧାରିତ ମାନଦଣ୍ଡ ଅନୁଯାୟୀ ତର୍ଜମା କରାଯାଇ ପ୍ରମାଣପତ୍ର ପ୍ରଦାନ କରାଯିବ। ‘ପଦ୍ମାବତୀ’କୁ ବିରୋଧ କରି ଶୁକ୍ରବାର ସୁପ୍ରିମକୋର୍ଟରେ ପୁଣି ଏକ ଆବେଦନ ହୋଇଛି। ବିବାଦୀୟ ତଥ୍ୟ ବର୍ଣ୍ଣନା କରିଥିବା ଅଭିଯୋଗରେ ଫିଲ୍ମ ନିର୍ମାତାଙ୍କ ବିରୋଧରେ ଏତଲା ଦାଏର ନିର୍ଦ୍ଦେଶ ଦେବାକୁ ଏଥିରେ ଗୁହାରି ହୋଇଛି। ପ୍ରଧାନ ବିଚାରପତି ଦୀପକ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ପୀଠ ମାମଲା ଶୁଣାଣି କରିବା ଲାଗି ରାଜି ହୋଇଛନ୍ତି। କିନ୍ତୁ ତ୍ୱରିତ ଶୁଣାଣି କରିବା ଲାଗି ମନା କରି ଦେଇଛନ୍ତି।

All Right Reserved By

ଫୁରସତ |

ଧରିତ୍ରୀ ଆଳାପ: ‘ଫେମିନିଜିମ୍‌’କୁ ଲୋକେ ଭୁଲ୍‌ ବୁଝୁଛନ୍ତି-ମୈତ୍ରୀ ମୋନାଲି ପ୍ରଧାନ

ଧରିତ୍ରୀ ଆଳାପ: ‘ଫେମିନିଜିମ୍‌’କୁ ଲୋକେ ଭୁଲ୍‌ ବୁଝୁଛନ୍ତି-ମୈତ୍ରୀ ମୋନାଲି ପ୍ରଧାନ

ଗତ ଜୁଲାଇ ୬ରେ ବ୍ୟାଙ୍କକ୍‌ରେ ଅନୁଷ୍ଠିତ ‘ମିସ୍‌ ଟିନ୍‌ ଇଣ୍ଟରନ୍ୟାଶନାଲ-୨୦୧୮’ରେ ଦୁଇ ଦୁଇଟି ଟାଇଟଲ ଜିତି ଓଡ଼ିଶା ପାଇଁ ଗୌରବ ଆଣିଥିଲେ ଭୁବନେଶ୍ୱରର ମୈତ୍ରୀ ମୋନାଲି ପ୍ରଧାନ। କେବଳ ଏତିକି ନୁହେଁ, ପୂର୍ବରୁ ୨୦୧୬ରେ କିଟ୍‌ ‘ନହ୍ନିପରୀ- ଲିଟିଲ୍‌ ମିସ୍‌ ଇଣ୍ଡିଆ’ ଟାଇଟଲ ଜିତି ସେ ଜାତୀୟସ୍ତରରେ ନିଜ ପ୍ରତିଭା ଓ ଦକ୍ଷତାର ପ୍ରମାଣ ଦେଖାଇଥିଲେ।

ମୋ ଅନୁଭୂତି: ଦର୍ପଣ ଭାଙ୍ଗି ହାତସାରା କାଚ ପଶି ଯାଇଥିଲା -ଲିପ୍‌ସା ମିଶ୍ର

ମୋ ଅନୁଭୂତି: ଦର୍ପଣ ଭାଙ୍ଗି ହାତସାରା କାଚ ପଶି ଯାଇଥିଲା -ଲିପ୍‌ସା ମିଶ୍ର

ଅଭିନେତ୍ରୀ ଲିପ୍‌ସା ମିଶ୍ର, ନିଜ ନାମରେ ସେ ଯେତିକି ପରିଚିତ ନୁହନ୍ତି ତା’ ଠାରୁ ଅଧିକ ପରିଚିତ ‘ତୁଳସୀ’ ନାମରେ। ଘରୋଇ ଚ୍ୟାନେଲରେ ପ୍ରସାରିତ ମେଗା ଧାରାବାହିକ ‘ତୋ ଅଗଣାର ତୁଳସୀ ମୁଁ’ ର ମୁଖ୍ୟ ଚରିତ୍ରରେ ଅଭିନୟ କରି ଅଗଣିତ ଦର୍ଶକଙ୍କ ପାଇଁ ସେ ପାଲଟିଛନ୍ତି ଜଣେ ଶାନ୍ତ, ସରଳ ଏବଂ ଆଦର୍ଶ ବୋହୂ, ଯିଏକି ନିଜ ପରିବାର ପାଇଁ ସବୁକିଛି କରିବାକୁ ପ୍ରସ୍ତୁତ।

ନିଜ କଥା: କ୍ରିକେଟର ହେବା ବଦଳରେ ଡାକ୍ତର ହୋଇଗଲି -ପ୍ରଫେସର ଡା. ବିଦ୍ୟୁତ୍‌ ଦାଶ

ନିଜ କଥା: କ୍ରିକେଟର ହେବା ବଦଳରେ ଡାକ୍ତର ହୋଇଗଲି -ପ୍ରଫେସର ଡା. ବିଦ୍ୟୁତ୍‌ ଦାଶ

ପ୍ରଫେସର ଡା. ବିଦ୍ୟୁତ୍‌ ଦାଶ। ଏସ୍‌ସିବି ମେଡିକାଲର ଏହି ଡାକ୍ତରଙ୍କ ନାମ ରାଜ୍ୟରେ ବେଶ୍‌ ପରିଚିତ। ଆର୍ଥାଇଟିସ୍‌ ରୋଗୀମାନଙ୍କୁ ସଫଳ ଚିକିତ୍ସା ଦେବାରେ ଡାକ୍ତର ଦାଶ ବେଶ୍‌ ଲୋକପ୍ରିୟ ମଧ୍ୟ।

ବୃହସ୍ପତିର ଆଉ ୧୨ ଚନ୍ଦ୍ର

ବୃହସ୍ପତିର ଆଉ ୧୨ ଚନ୍ଦ୍ର

ଓ୍ବାଶିଂଟନ୍‌: ସୌରମଣ୍ଡଳର ସର୍ବବୃହତ୍‌ ଗ୍ରହ ବୃହସ୍ପତି କକ୍ଷରେ ଠାବ ହେଲା ଆଉ ୧୨ଟି ଚନ୍ଦ୍ର। ୧୨ଟି ଯାକ ନୂଆ ଚନ୍ଦ୍ର ବୃହସ୍ପତି କକ୍ଷପଥରେ ଘୂରି ବୁଲୁଛନ୍ତି। ଏହାସହ ‘କିଙ୍ଗ୍‌ ଅଫ୍‌ ପ୍ଲାନେଟ୍‌’ର ମୋଟ ଚନ୍ଦ୍ର ସଂଖ୍ୟା ୭୯ରେ ପହଞ୍ଚିଛି। କେବଳ ସେତିକି ନୁହେଁ, ବୃହସ୍ପତି ନିକଟରେ ୧୧ଟି ଆଉଟର୍‌ ମୁନ୍‌ ଏବଂ ଏକ ଖଗୋଳୀୟ ପିଣ୍ଡ ଠାବ କରାଯାଇଛି।

ଜନ୍ମଦିନରେ ମଣ୍ଡେଲାଙ୍କୁ ଶ୍ରଦ୍ଧାଞ୍ଜଳି

ଜନ୍ମଦିନରେ ମଣ୍ଡେଲାଙ୍କୁ ଶ୍ରଦ୍ଧାଞ୍ଜଳି

ଜୋହାନ୍ସବର୍ଗ: ଦକ୍ଷିଣ ଆଫ୍ରିକାର ପୂର୍ବତନ ରାଷ୍ଟ୍ରପତି ତଥା ମହାନ୍‌ ବର୍ଣ୍ଣବିଦ୍ୱେଷ ନିରୋଧୀ ନେତା ନେଲ୍‌ସନ ମଣ୍ଡେଲାଙ୍କ ୧୦୦ତମ ଜୟନ୍ତୀ ବୁଧବାର ପାଳିତ ହୋଇଛି। ଦକ୍ଷିଣ ଆଫ୍ରିକାର ଗାନ୍ଧୀଙ୍କୁ ଏହି ଅବସରରେ ମନେପକାଇଛି ସମଗ୍ର ବିଶ୍ୱ। ସମଗ୍ର ବିଶ୍ୱରେ ଜୁଲାଇ ୧୮କୁ ‘ମଣ୍ଡେଲା ଦିବସ’ ଭାବେ ପାଳନ କରାଯାଉଛି।

ଯେଉଁଠି ଅକ୍ଷୟ ତୃତୀୟକୁ କୁହାଯାଏ ଅଶୁଭ

ଯେଉଁଠି ଅକ୍ଷୟ ତୃତୀୟକୁ କୁହାଯାଏ ଅଶୁଭ

ସାଧାରଣତଃ ଅକ୍ଷୟ ତୃତୀୟାକୁ ଶୁଭ ବୋଲି ଗ୍ରହଣ କରାଯାଇଥାଏ। ସେଥିଲାଗି ଏହି ଦିନ ବିଭିନ୍ନ କାର୍ଯ୍ୟର ଶୁଭାରମ୍ଭ କରାଯାଇଥାଏ। କିନ୍ତୁ ମଧ୍ୟପ୍ରଦେଶ ଓ ଉତ୍ତରପ୍ରଦେଶ ସୀମାରେ ଥିବା ଲଳିତପୁରରେ ଅକ୍ଷୟ ତୃତୀୟାକୁ ଅଶୁଭ ବୋଲି କୁହାଯାଇଥାଏ। ଏହି ଗାଁରେ ୧୬୮ବର୍ଷ ତଳେ ଘଟିଥିଲା ଏକ ଦୁଃଖଦ ଘଟଣା।

ଜଳବାୟୁ ପରିବର୍ତ୍ତନ ଦ୍ୱାରା ପ୍ରଭାବିତ ହେବ ଇଣ୍ଟରନେଟ୍‌

ଜଳବାୟୁ ପରିବର୍ତ୍ତନ ଦ୍ୱାରା ପ୍ରଭାବିତ ହେବ ଇଣ୍ଟରନେଟ୍‌

ଓ୍ବାଶିଂଟନ: ଜଳବାୟୁ ପରିବର୍ତ୍ତନ ଦ୍ୱାରା ସମୁଦ୍ରର ଜଳପତ୍ତନ ବୃଦ୍ଧିପାଇବ। ଏହାଦ୍ୱାରା ବିଶ୍ୱ ସ୍ତରୀୟ ଇଣ୍ଟରନେଟ୍‌ ଭିତ୍ତିଭୂମି ଗୁରୁତର ଭାବେ ପ୍ରଭାବିତ ହେବ ବୋଲି ବୈଜ୍ଞାନିକମାନେ ସତର୍କବାଣୀ ଶୁଣାଇଛନ୍ତି। ସେମାନଙ୍କ କହିବାନୁଯାୟୀ, ହଜାର ହଜାର ମାଇଲ୍‌ ଦୀର୍ଘ ଫାଇବର ଅପ୍‌ଟିକ୍‌ କେବୁଲ ଉପକୂଳ ଅଞ୍ଚଳରେ ପୋତିହୋଇ ରହିଛି। ସମୁଦ୍ରର ଜଳପତ୍ତନ ବୃଦ୍ଧିପାଇବା ଫଳରେ ଏହି ଅଞ୍ଚଳ ବନ୍ୟାପ୍ଳାବିତ ହୋଇପାରେ।

ମନୋଭାବ ପ୍ରକାଶ କରିପାରିବ ରୋବୋ

ମନୋଭାବ ପ୍ରକାଶ କରିପାରିବ ରୋବୋ

ଓ୍ବାଶିଂଟନ୍‌: ବୈଜ୍ଞାନିକମାନେ ଏକ ରୋବୋ ବିକଶିତ କରିଛନ୍ତି। ଏହାର ଶରୀରକୁ ଛୁଇଁଲେ କି ଆଘାତ କଲେ ଏହା ପ୍ରତିକ୍ରିୟା ସ୍ବରୂପ ନିଜର ମନୋଭାବ ପ୍ରକାଶ କରିପାରିବ। ରୋବୋ ଶରୀରର ବାହ୍ୟ ଆବରଣ ଏକ ପ୍ରକାର ଟିସୁରେ ତିଆରି ହୋଇଛି। ଏହାକୁ ଛୁଇଁବା ମାତ୍ରେ ରୋବୋ ଭାବନାତ୍ମକ ଯନ୍ତ୍ରାଂଶରେ ଉଦ୍ଦୀପନା ସୃଷ୍ଟିହେବ। ଫଳରେ ଏହା ପ୍ରତିକ୍ରିୟା ସୃଷ୍ଟି କରିବ।

ସୁଖ, ଶାନ୍ତି, ସମୃଦ୍ଧି ପାଇଁ ସକାଳେ କରନ୍ତୁ ଏହି ଉପାୟ

ସୁଖ, ଶାନ୍ତି, ସମୃଦ୍ଧି ପାଇଁ ସକାଳେ କରନ୍ତୁ ଏହି ଉପାୟ

ଘରେ ସୁଖ ସମୃଦ୍ଧି ବଜାୟ ରଖିବା ପାଇଁ ଜ୍ୟୋତିଷ ଶାସ୍ତ୍ରରେ କେତେକ ନୀତି ନିୟମ ସମ୍ପର୍କରେ ଉଲ୍ଲେଖ ଅଛି। ପ୍ରତିଦିନ ଅଭ୍ୟାସ କରି ଏହାର ପାଳନ କଲେ ଜୀବନ ସୁଖ ଓ ଶାନ୍ତିରେ ଭରିଯାଏ ବୋଲି ବିଶ୍ୱାସ ରହିଛି ।

ଆତ୍ମହତ୍ୟା ପ୍ରବୃତ୍ତି  କମାଇବାରେ ସହାୟକ ହୁଏ ଆନାଥେସିଆ

ଆତ୍ମହତ୍ୟା ପ୍ରବୃତ୍ତି କମାଇବାରେ ସହାୟକ ହୁଏ ଆନାଥେସିଆ

ମାନସିକ ଚାପଗ୍ରସ୍ତ ହେଲେ କେତେକ ଲୋକଙ୍କଠାରେ ଆତ୍ମହତ୍ୟା ପ୍ରବୃତ୍ତି ଦେଖାଯାଇଥାଏ। ତେବେ ଆନାଥେସିଆ ବା ଚେତାଶୂନ୍ୟ କରାଇବା ଲାଗି ବ୍ୟବହୃତ ଔଷଧ ଏଭଳି ବ୍ୟକ୍ତିଙ୍କ ପ୍ରବୃତ୍ତି କମାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।

ଯେଉଁଠି ଛୋଟ ବେଳୁ ଦିଆଯାଏ ଏପରି ଶିକ୍ଷା

ଯେଉଁଠି ଛୋଟ ବେଳୁ ଦିଆଯାଏ ଏପରି ଶିକ୍ଷା

ସାଧାରଣ ସମାଜରେ ୬ରୁ ୭ବର୍ଷରୁ ପିଲାମାନେ ଖେଳନା ଧରି ଖେଳନ୍ତି, ଅବା ନିଜ ଜୀବନରେ ଆଗକୁ ବଢିବା ଓ ଭବିଷ୍ୟତକୁ ସୁଦୃଢ କରିବା ପାଇଁ ବିଦ୍ୟାଳୟକୁ ଯିବା ଲାଗି ପ୍ରସ୍ତୁତି ଚଳାଇଥାନ୍ତି। ମାତ୍ର ଏଭଳି ଏକ ସମାଜ ରହିଛି, ଯେଉଁଠାରେ ଏହି ବୟସରେ ପିଲାମାନଙ୍କୁ ପାଠ ପଢାଇବା ପରିବର୍ତ୍ତେ ଦିଆଯାଇଥାଏ ଜୀବନ ଧାରଣର ଶିକ୍ଷା।

ଝିଅ ବିଦା ବେଳେ କାହିଁକି ଫୋପଡ଼ା ଯାଏ ଚାଉଳ

ଝିଅ ବିଦା ବେଳେ କାହିଁକି ଫୋପଡ଼ା ଯାଏ ଚାଉଳ

ବିବାହ ସମୟରେ ଭାରତରେ ଅନେକ ପରମ୍ପରା ପାଳିତ ହୋଇଥାଏ। ବିବାହରେ ଝିଅ ବିଦା ସମୟରେ ଚାଉଳରେ ହଳଦି ମିଶାଇ ଫୋପାଡ଼ିବା ପରମ୍ପରା ସମ୍ପନ୍ନ ହୋଇଥାଏ। ଏହା ଦ୍ୱାରା ନବଦମ୍ପତିଙ୍କ ଜୀବନରେ ଖୁସି ଆସିଥାଏ ବୋଲି ବିଶ୍ୱାସ ରହିଛି। ଏପରି କଲେ ନବଦମ୍ପତିଙ୍କର ସନ୍ତାନ ପ୍ରାପ୍ତି ହେବା ସହ ସୌଭାଗ୍ୟ ମିଳିଥାଏ।

Model This Week

ରୂପେଶ