ସମ୍ପାଦକୀୟ |

ମାଙ୍କଡ଼ ହାତରେ ଶାଳଗ୍ରାମ

 ମାଙ୍କଡ଼ ହାତରେ ଶାଳଗ୍ରାମ

ଉପେନ୍ଦ୍ର ବିଶ୍ୱାଳ
ସତେଜ ମନରେ ସକାଳର ଖବରକାଗଜଟି ଦେଖୁଦେଖୁ ଶିହରି ଉଠିଲେ ଆଲ୍‌ଫ୍ରେଡ୍‌ ନୋବେଲ। ‘ମୃତ୍ୟୁର ସୌଦାଗରଙ୍କ ଅକାଳ ମୃତ୍ୟୁ’ ଶୀର୍ଷକ ଖବରଟି ଦୋହଲାଇଦେଲା ତାଙ୍କୁ। ଲୋକଙ୍କୁ କାଳର କରାଳ ଗହ୍ବରକୁ ଠେଲିଦେଇ, ମୃତ୍ୟୁ ବିନିମୟରେ ଅମାପ ଅର୍ଥ ଉପାର୍ଜନ କରି ବାଦଶାହ ବନିଥିବା, ବିଧ୍ୱଂସକାରୀ ବିସ୍ଫୋରକ ଡିନାମାଇଟ୍‌ର ଉଦ୍ଭାବକ ମତଲବ୍‌ଖୋର ମଣିଷ ଆଲ୍‌ଫ୍ରେଡ୍‌ ନୋବେଲ ଶେଷରେ ନିଜେ ମୃତ୍ୟୁ ଯନ୍ତାରେ। ଏହିପରି ବିସ୍ତୃତ ଖବରଟି ବିଚଳିତ କରିଦେଲା ଆଲଫ୍ରେଡ୍‌ ନୋବେଲଙ୍କୁ। ଫ୍ରାନ୍‌ସର ଏକ ପ୍ରତିଷ୍ଠିତ ଖବରକାଗଜ ତାଙ୍କ ଭାଇଙ୍କ ଅକାଳବିୟୋଗ ଘଟଣାକୁ ଭୁଲ୍‌ବଶତଃ ଆଲ୍‌ଫ୍ରେଡ୍‌ ନୋବେଲଙ୍କ ମୃତ୍ୟୁ ହୋଇଥିବା ମନେକରି ଦୁଃସମ୍ବାଦଟି ଛାପିଦେଇଥିଲା। ଏହି ଖବରଟି ହିଁ ଦାରୁଣ ଦୁଃଖରେ ବିଦୀର୍ଣ୍ଣ କରିଥିଲା, ବିଗଳିତ କରିଥିଲା ତାଙ୍କ ଦରଦୀ ହୃଦୟକୁ। ବିଜ୍ଞାନୀଟିଏ ସମାଜର ସଦା ହିତଚିନ୍ତକ, ମଙ୍ଗଳମନସ୍କ। ଲୋକକଲ୍ୟାଣ ହିଁ ତା’ର ସାଧନାର ସାର। ପ୍ରଗତି ହିଁ ତା’ର ପ୍ରାର୍ଥନା, ପୁଣ୍ୟର ପୟୋଧି, ଅମୃତ ଅଭିଳାଷ। ଦୁନିଆର ଧ୍ୱଂସ ବା ବିଭୀଷିକା ସୃଷ୍ଟି ପାଇଁ ବିଜ୍ଞାନର ଗବେଷଣା କେବେ ଅଭିପ୍ରେତ ନୁହେଁ। ସେଥିରୁ ଆଲ୍‌ଫ୍ରେଡ୍‌ ନୋବେଲ ବ୍ୟତିକ୍ରମ ହେବେ କିପରି? ଅନୁସନ୍ଧିତ୍ସୁ ମନରେ ଲୋକଙ୍କ କଲ୍ୟାଣ ପାଇଁ ସେ ଅବଶ୍ୟ ଉଦ୍ଭାବନ କରିଥିଲେ ଡିନାମାଇଟ୍‌। ମାତ୍ର ତାହାର ଦୁରୁପଯୋଗ ଘଟି ଧ୍ୱଂସର କାରଣ ସାଜିବ, ତାହା ଥିଲା ତାଙ୍କ ଚିନ୍ତାର ବାହାରେ। କିନ୍ତୁ ଏହା କ’ଣ ତାଙ୍କ ସାଧନାର ଶାସ୍ତି? ବିଜ୍ଞାନକୁ ଏମିତି ବାଟବଣା କରିବାଟା ଖୁବ୍‌ ବ୍ୟଥିତ, ବିବ୍ରତ କରିଥିଲା ତାଙ୍କୁ। ଦିନରାତି ଏହିପରି ଗଭୀର ଚିନ୍ତାରେ ବୁଡ଼ି ରହିଲେ ଆଲ୍‌ଫ୍ରେଡ୍‌। ଲୋକଙ୍କ ମନରେ ତାଙ୍କ ପ୍ରତି ଥିବା ନକାରାମତ୍କ ଓ ଘୃଣା ଭାବ କିପରି ଦୂର ହୋଇପାରିବ? ଚିରଦିନ ପାଇଁ କିପରି ଲୋକଙ୍କ ହୃଦୟକୁ ସେ ଜୟ କରିପାରିବେ? ଏହିପରି ଚିନ୍ତା କରି ଶେଷରେ ଅର୍ଜିତ ସମସ୍ତ ସମ୍ପତ୍ତିକୁ ଏକ ଟ୍ରଷ୍ଟ ନାମରେ ଉତ୍ସର୍ଗ କରିଦେଲେ ସେ। ଶେଷ ଇଚ୍ଛାପତ୍ର ଅନୁଯାୟୀ ତାଙ୍କ ପ୍ରଦତ୍ତ ଅର୍ଥରାଶିରୁ ହିଁ ଆଜିର ନୋବେଲ ପୁରସ୍କାରର ବ୍ୟବସ୍ଥା। ବିଜ୍ଞାନର ବରଦାନକୁ ଭୁଲ୍‌ ବାଟରେ ବିନିଯୋଗ କରି ଅଭିଶାପକୁ ଆମନ୍ତ୍ରିତ କରୁଛି ଆଜିର ମଣିଷ। ଏ ପ୍ରସଂଗରେ ଆଇନ୍‌ଷ୍ଟାଇନ୍‌ଙ୍କ ଉକ୍ତିଟିଏ ମନେପଡ଼େ- ”ମୁଁ ଆଶଙ୍କା କରୁଛି ବୈଷୟିକ ଜ୍ଞାନକୌଶଳ ଦିନେ ମଣିଷର ମାନବିକତାକୁ ତା’ଠାରୁ ଛଡ଼ାଇନେବ ଏବଂ ସେଦିନ କିଛି ମୂର୍ଖଙ୍କ ଦ୍ୱାରା ଭାରାକ୍ରାନ୍ତ ହୋଇଉଠିବ ଦୁନିଆ।“ ଆଇନଷ୍ଟାଇନ୍‌ଙ୍କର ସେଦିନର ସେ ଆଶଙ୍କା ଆଜି ଅନେକାଂଶରେ ସତ୍ୟ ସାବ୍ୟସ୍ତ ହୋଇଚାଲିଛି। ଦୁଇଟି ଦୃଷ୍ଟାନ୍ତ ହିଁ ଯଥେଷ୍ଟ ଆମ ମୂର୍ଖାମିକୁ ମାପିବାକୁ। ଶିଶୁଟିଏ କାଖରେ ଧରି ମହିଳାଜଣକ ଆସି ପହଞ୍ଚତ୍ଲେ ଷ୍ଟେସନ୍‌ର ପ୍ଲାଟ୍‌ଫର୍ମରେ। ଗାଡ଼ି ଆସିବାକୁ ସମ୍ଭବତଃ ଡେରି ଥାଏ। ନିଛାଟିଆ ଜାଗାଟିଏ ଚିହ୍ନଟ କରି ନଥ୍‌ କରି ବସିଗଲେ ମହିଳାଜଣକ ପ୍ଲାଟ୍‌ଫର୍ମସ୍ଥ ଏକ ଚେୟାରରେ। କୋଳରେ ଥିବା ଶିଶୁଟିକୁ ପ୍ଲାଟ୍‌ଫର୍ମର ଚଟାଣରେ ଶୁଆଇଦେଇ ମାତିଗଲେ ଚାଟିଂରେ। କଅଁଳ ଦେହକୁ ଅସ୍ବସ୍ତିିବୋଧ ହେବାରୁ ଶିଶୁଟି କଇଁ କଇଁ ହୋଇ କାନ୍ଦିଉଠିଛି। ମାଆ ଜଣକ କିନ୍ତୁ ବେଶ୍‌ ମଜ୍ଜି ଯାଇଥିଲେ ମୋବାଇଲରେ। ଶିଶୁଟିର କ୍ରନ୍ଦନ କିନ୍ତୁ ତରଳାଇ ଦେଇଥିଲା ପାଖରେ ଥିବା କିଛି ମଣିଷଙ୍କୁ। ବ୍ୟତିବ୍ୟସ୍ତ କରିଥିଲା ତାଙ୍କ ହୃଦୟକୁ। ମୋବାଇଲରେ ମୋହାବିଷ୍ଟ ମହିଳାଙ୍କର ବାଧ୍ୟହୋଇ ଦୃଷ୍ଟି ଆକର୍ଷଣ କରିଥିଲେ, ବିରକ୍ତି ଭାବ ସହିତ। ମାଆର କୋଳ ହେଉଛି ଶିଶୁଟିର ସ୍ବର୍ଗ। ମାତ୍ର ଆଜିର ବୈଷୟିକ ଜ୍ଞାନ ଯୁଗରେ ଉଚ୍ଚଶିକ୍ଷିତା ମାଆ ଶିଶୁଟିକୁ ସେଥିରୁ ବଞ୍ଚିତ କରି ଶୁଆଇ ଦିଅନ୍ତି ପ୍ଲାଟଫର୍ମରେ। ଶିଶୁଟି ସହିତ ଗେଲ ହେବା ଅପେକ୍ଷା ମୋବାଇଲ ସହିତ ଗେଲ ହେବାଟା ତାଙ୍କ ପାଇଁ ଅଧିକ ମହତ୍ତ୍ୱ ରଖେ। ସେମିତି ଅନ୍ୟ ଏକ ସ୍ପର୍ଶକାତର, ସମ୍ବେଦନଶୀଳ ଘଟଣା। ପ୍ରାଥମିକ ସ୍କୁଲର ଶିକ୍ଷୟିତ୍ରୀ ଜଣକ ପିଲାମାନଙ୍କ ସହିତ ଖୁସି-ଗପ ହେଉ ହେଉ ପଚାରି ବସିଲେ ”ପିଲେ କହିଲ, ତୁମ ଜୀବନର ସ୍ବପ୍ନ କ’ଣ ? ତୁମେ ଭବିଷ୍ୟତରେ କ’ଣ ହେବାକୁ ଚାହଁ?“ ସେଇଠୁ ପିଲାମାନେ ଜଣେ ପରେ ଜଣେ କହି ଚାଲିଲେ। କିଏ ଡାକ୍ତର ହେବ ତ ଆଉ କିଏ ଇଂଜିନିୟର। ପୁଣି କିଏ ଶିକ୍ଷକ ଅବା ହାକିମ। ମାତ୍ର ୭ବର୍ଷର କୁନି ଝିଅଟିଏ କହି ଉଠିଲା- ମୁଁ ଗୋଟିଏ ସୁନ୍ଦର ମୋବାଇଲ ହେବାକୁ ଚାହେଁ। ଠୋ ଠୋ ହୋଇ ହସି ଉଠିଲେ ସବୁ ପିଲା। କିନ୍ତୁ ଦିଦି ଜଣକ ସ୍ନେହଭରା କଣ୍ଠରେ ପିଲାଟିକୁ ପଚାରିଲେ- ମୋବାଇଲଟିଏ ହେବାକୁ କାହିଁକି ତୁମର ଏତେ ଇଚ୍ଛା? ସେଇଠୁ ଝିଅଟି କୋହପୂର୍ଣ୍ଣ କଣ୍ଠରେ ଧୀରେ ଧୀରେ କହିଉଠିଲା- ମୁଁ ଭାବୁଛି ମୋବାଇଲଟି ମୋଠାରୁ ଖୁବ୍‌ ମୂଲ୍ୟବାନ। କାରଣ ମୋ ମାଆ ମୋ ଅପେକ୍ଷା ତାକୁ ଅଧିକ ଆଦର କରନ୍ତି। ସବୁବେଳେ ମୋବାଇଲରେ ବ୍ୟସ୍ତ ରହନ୍ତି। ମୋ ସହିତ ଟିକେ ଖେଳିବାକୁ, ଖାଇବାକୁ, ମୋତେ ପାଠ କହିବାକୁ ଅବା ଟିକେ ଗେଲ ହେବାକୁ ତାଙ୍କର ସମୟ ନ ଥାଏ। କାନ୍ଦି କି ଜିଦି କଲେ ବି କିଛି ଫଳ ମିଳେନା। ବରଂ ମୁଁ ଗାଳିଖାଏ, ମାଡ଼ ବି ଖାଏ। ଭାବେ ମୋବାଇଲଟିଏ ହୋଇଥିଲେ ମାଆ ମୋତେ ନିଶ୍ଚିତ ଭଲ ପାଉଥାନ୍ତେ, ଆଦର କରୁଥାନ୍ତେ...। ଏହା ହେଉଛି ବିଜ୍ଞାନ ଓ ବୈଷୟିକ ଜ୍ଞାନ ବଳରେ ବଳୀୟାନ ବନିଥିବା ଆଜିର ଦୁନିଆର ଏକ ଏକ ଦୁଃଖଦ ଦୃଶ୍ୟପଟ୍ଟ। ବାସ୍ତବରେ ଆଜିର ଦୁନିଆରେ ମୋବାଇଲ ହେଉଛି ବିଜ୍ଞାନର ଆଶ୍ଚର୍ଯ୍ୟ ବରଦାନ। ଦିନକୁ ଦିନ ବୈଷୟିକ ଜ୍ଞାନକୌଶଳ ବୃଦ୍ଧି ପାଉଥିବା ଯୋଗୁଁ ମୋବାଇଲର ସିଷ୍ଟମ ମଧ୍ୟ ପରିବର୍ତ୍ତିତ ହୋଇଚାଲିଛି। ଅଧିକରୁ ଅଧିକ ସୁବିଧା, ସୁଯୋଗ, ସଉକ ଖଞ୍ଜି ଦେଉଛି ଆମ ପାଇଁ। ମାତ୍ର ଅନେକାଂଶରେ ତାହା ଆଜି ବୁମେରାଂ ସାବ୍ୟସ୍ତ ହେଉଛି। ଶିଉଳି ଲାଗିଥିବା ପାଦଚଲା ରାସ୍ତା ଅତ୍ୟନ୍ତ ଖସଡ଼ା ଓ ବିପଦଯୁକ୍ତ। ସନ୍ତର୍ପଣରେ ପାଦଥାପି ବାଟ ନ ଚାଲିଲେ ତଳେ ପଡ଼ିଯିବାର ଭୟ ଥାଏ। ଠିକ୍‌ ସେମିତି କୈଶୋର ତଥା ଆଦ୍ୟ ଯୌବନ ହେଉଛି ଜୀବନର ଅତ୍ୟନ୍ତ ସ୍ପର୍ଶକାତର ସମୟ। ଏହି ସମୟରେ ଦାମିକା ମୋବାଇଲମାନ ଆମ ପିଲାମାନଙ୍କୁ କେତେ ବାଟବଣା କରୁଛି, କେତେ ବଢ଼ିଲା ଝିଅଙ୍କ ଜୀବନକୁ ବିପଦଗ୍ରସ୍ତ କରୁଛି ତାହା ଆମେ ଜାଣିପାରୁଥିବା ଚତୁଃପାର୍ଶ୍ୱରେ ଘଟୁଥିବା ଘଟଣା ଓ ଦୁର୍ଘଟଣାଗୁଡ଼ିକରୁ। ସେହିପରି କମ୍ୟୁନିଷ୍ଟ ଶାସିତ ଉଦ୍ଧତ ଉତ୍ତରକୋରିଆ ଆଜି ଉଭା ହୋଇଛି ଆଉ ଏକ ବିଶ୍ୱଯୁଦ୍ଧ ବା ଧ୍ୱଂସର ସମ୍ଭାବନା ସାଜି। ଏହା ପଛରେ ମଧ୍ୟ ବିଜ୍ଞାନକୁ ବାଟବଣା କରୁଥିବା ଆମେ ମୂର୍ଖ, ଅହଂକାରୀମାନେ ଦାୟୀ। ଅଣୁଠୁ ପରମାଣୁ, ହାଇଡ୍ରୋଜେନଠୁ ନାଇଟ୍ରୋଜେନ୍‌ ପର୍ଯ୍ୟନ୍ତ ବିଜ୍ଞାନର ଉଦ୍ଭାବନ ସବୁ ଜଗତର ହିତ ପାଇଁ। ଉଦ୍‌ଜାନ ପରମାଣୁକୁ ଉପଯୋଗ କଲୁ ବୋମା ତିଆରିରେ। ସଂପ୍ରତି ସେହି ‘ଉଦ୍‌ଜାନ ବୋମା’ ନିକ୍ଷେପର ଧମକ ଦେଇ ଦୁନିଆକୁ ଧ୍ୱଂସ କରିବାକୁ ଚେଷ୍ଟା କରୁଛି ଉତ୍ତରକୋରିଆ। ଅନ୍ଧ ପାଇଁ ବାଡ଼ିଟିଏ ବରଦାନ ସାବ୍ୟସ୍ତ ହୋଇଥାଏ, ଯଦି ତାହାର ଯଥାର୍ଥ ଉପଯୋଗ ସେ କରେ। ମାତ୍ର ସାହାରା ସାଜିଥିବା ବାଡ଼ିଟି ପାଇ ଯଦି ସେ ଭାବି ବସେ ଯେ ସେ ହେଉଛି ଦୁନିଆର ସବୁଠୁ ବଳଶାଳୀ ବ୍ୟକ୍ତି ଏବଂ ବଜାରର ଭିଡ଼ ଭିତରେ ବାଡ଼ିକୁ ଖୁବ୍‌ ବଳ ଲଗାଇ ଚାରିଦିଗକୁ ଘୂରାଇ ଚାଲେ...? ଠିକ୍‌ ସେମିତି ଆଜିର ଅନ୍ଧ ଦୁନିଆର ସାହାରା ସାଜି ବିଜ୍ଞାନ ଓ ବୈଷୟିକ ଜ୍ଞାନକୌଶଳ ଅନେକ ଅନେକ ସୁବିଧା ସୁଯୋଗ ଖଞ୍ଜି ଆମକୁ ଆଶୀର୍ବାଦ ଦେଇ ଚାଲିଥିଲା ବେଳେ ଆମ ପରି ମୂର୍ଖମାନେ ତା’ର ଦୁରୁପଯୋଗ କରି ତାକୁ ଭୁଲ ଦିଗରେ ବାଟ କଢ଼ାଇ ନେଇ ସମାଜକୁ ସଂକଟଗ୍ରସ୍ତ କରିଚାଲିଛୁ। ବିଜ୍ଞାନର ବରଦାନ ସବୁ ଆମପରି ଭସ୍ମାସୁରଙ୍କ ହାତରେ ପଡ଼ି ବାଟବଣା ହୋଇଚାଲିଛି, ବିନାଶର ପଥକୁ ପ୍ରଶସ୍ତ କରି ଚାଲିଛି। ଏହା ଯେମିତି ମାଙ୍କଡ଼ ହାତରେ ଶାଳଗ୍ରାମ!
ମୋ-୯୪୩୭୪୩୬୦୭୩, ଇ-ମେଲ : unbiswal05@gmail.com

All Right Reserved By

Model This Week

ସନ୍ତୋଷ

ସମ୍ପାଦକୀୟ |

ମେଳି ରହିବ ତ

ମେଳି ରହିବ ତ

ଆକାର ପଟେଲ କଂଗ୍ରେସ ସହ ମେଣ୍ଟ ଗଠନ କରି ଜେଡିଏସ୍‌ ନେତା କୁମାରସ୍ବାମୀ କର୍ନାଟକର ମୁଖ୍ୟମନ୍ତ୍ରୀ ଭାବେ ଶପଥ ନେବା ଅବସରରେ ବାଙ୍ଗାଲୋରରେ ବିରୋଧୀ ଦଳ ନେତାମାନେ ଏକାଠି ହେବା ଘଟଣା କ’ଣ ସୂଚାଉଛି? ସେମାନେ କାହିଁକି ଏକଜୁଟ ହେବାରେ ଲାଗିଛନ୍ତି ଏବଂ ସେମାନଙ୍କର ଏହି ମେଳି ଆଗାମୀ ନିର୍ବାଚନ ପର୍ଯ୍ୟନ୍ତ ରହିବ ତ? ଏ ବିଷୟରେ ତର୍ଜମା କରିବା ପୂର୍ବରୁ ଆଗ ଦେଖିନେବା କେଉଁ ନେତାମାନେ ବାଙ୍ଗାଲୋର ଆସି ନ ଥିଲେ। ଓଡ଼ିଶାର ମୁଖ୍ୟମନ୍ତ୍ରୀ ତଥା ବିଜେଡି ନେତା ନବୀନ ପଟ୍ଟନାୟକ ଆସି ନ ଥିଲେ। ୨୦୧୪ ସାଧାରଣ ନିର୍ବାଚନରେ ତାଙ୍କ ...

ସଚ୍ଚା ଦେଶପ୍ରେମୀ ଆଢୁଆଳରେ

ସଚ୍ଚା ଦେଶପ୍ରେମୀ ଆଢୁଆଳରେ

ପ୍ରକାଶ ତ୍ରିପାଠୀ ଗତ ରବିବାର ସାରେ ଆମେ କିଛି ବନ୍ଧୁ ଚିରାଚରିତ ଢଙ୍ଗରେ ଏକତ୍ରିତ ହୋଇଥିଲୁ ପୁରୀ ବେଳାଭୂମିର ଏକ ନିଛାଟିଆ ସ୍ଥାନରେ। ଜଣେ ବନ୍ଧୁ ପ୍ରଶ୍ନ ଛଳରେ ପଚାରିଥିଲେ, ଆପଣମାନେ ଅଭିନେତ୍ରୀ ଶ୍ରୀଦେବୀଙ୍କର ଅନ୍ତିମ ସଂସ୍କାରର ଦୃଶ୍ୟ ଟିଭିରେ ଦେଖିଛନ୍ତି? ତ୍ରିରଙ୍ଗା ପତାକା ଆବୃତ୍ତ ଶ୍ରୀଦେବୀଙ୍କ ମର ଶରୀରକୁ ଦେଖି ଆପଣମାନଙ୍କୁ କେମିତି ଲାଗିଲା? ଜାତୀୟ ପତାକାରେ ଏ ସଂସାରରୁ ବିଦାୟ ନେବା ଏକ ମହାନ୍‌ ଗୌରବ ଓ ସୌଭାଗ୍ୟର କଥା। ଭାରତ ମାତାର ସୁଯୋଗ୍ୟ ସନ୍ତାନମାନଙ୍କ ଭାଗ୍ୟରେ ଏଭଳି ବିରଳ ସୁଯୋଗ ସମ୍ଭବ ହୋଇଥାଏ। ଦେଶମାତୃକାର ସୁରକ୍ଷାରେ ଦିବାରାତ୍ର ନିୟୋଜିତ ବୀର ଯବାନଙ୍କ ମରଶରୀରରେ...

‘ଫ୍ଲାଇଟ୍‌ସ’ର ରୂପକାର

‘ଫ୍ଲାଇଟ୍‌ସ’ର ରୂପକାର

ବ୍ୟକ୍ତିତ୍ୱ/ଜିତେନ୍ଦ୍ର ଯାତ୍ରା ଓ ମଣିଷ ଶରୀରର ଗଠନ ବିଜ୍ଞାନ (ହ୍ୟୁମାନ ଆନାଟୋମି) ଉପରେ ଗଭୀର ଅନୁଶୀଳନ କରି ସେ ଭିନ୍ନ ଧରଣର ଏକ ପୁସ୍ତକ ରଚନା କରିଥିଲେ। ୨୦୦୮ରେ ‘ଫ୍ଲାଇଟ୍‌ସ’ ପ୍ରକାଶ ପାଇବା ପରେ ୨୦୧୮ରେ ଏହାର ଲେଖକ ଓଲ୍‌ଗା ତୋକାର୍କଜୁକ୍‌ଙ୍କୁ ମିଳିପାରିଛି ‘ମ୍ୟାନ୍‌ ବୁକର ଇଣ୍ଡରନ୍ୟାଶନାଲ ପୁରସ୍କାର’। ନିକଟରେ ପୁରସ୍କାର ଘୋଷଣା ହେବା ପରେ ଫ୍ଲାଇଟ୍‌ସ ଓ ଏହାର ଲେଖକଙ୍କ ବିଷୟରେ ଜାଣିବା ପାଇଁ ପାଠିକାପାଠକ ବିଶେଷ ଆଗ୍ରହ ଦେଖାଇଛନ୍ତି। ବିଶ୍ୱରେ ଆମେ ସମସ୍ତେ ଏକ ଯାଯାବର ଜୀବନ ଜିଉଛେ। ଆମର ଅବିରତ ଗତି ଓ କିଛି ପାଇବା ପାଇଁ ଅବିରତ ଇଚ୍ଛା ଆମକୁ ଅଗକୁ ନେଇଯାଉଛି। ମଣିଷ ଶରୀର ମରଣଶୀଳ ହେବା ପରେ ଭୂମିଆଡ଼କୁ ଟାଣି ହୋଇଯିବା ମଧ୍ୟ ଏକ ଗତିର ପ୍ରତୀକ। ତୋକାର୍କଜୁକ୍‌ ‘ଫ୍ଲାଇଟସ୍‌’ ମାଧ୍ୟମରେ ଏହିଭଳି ମନସ୍ତତ୍ତ୍ୱାତ୍ତିକ ଚିରନ୍ତନ ସତ୍ୟକୁ ପ୍ରକାଶ କରିବାକୁ ଚାହିଁ ସାହିତ୍ୟ କ୍ଷେତ୍ରରେ ନୂଆ ଧାରା ସୃଷ୍ଟି କରିଥିବାରୁ ଏବେ ତାଙ୍କ ବ୍ୟକ୍ତିତ୍ୱ ଚର୍ଚ୍ଚାକୁ ଆସିଛି। ...

ଏଇ ଭାରତରେ

ଏଇ ଭାରତରେ

ପ୍ରକୃତ ଅର୍ଥରେ ଦେଖିଲେ ସାହସ ହିଁ ଶକ୍ତି। ସେହିଭଳି ଅଦମ୍ୟ ସାହସିକତା ପ୍ରଦର୍ଶନ କରି ତାମିଲନାଡୁର ଜଣେ ମହିଳା ନିଜର ୧୧ବର୍ଷର ଝିଅକୁ ଚିତାବାଘ ମୁହଁରୁ ଉଦ୍ଧାର କରିପାରିଛନ୍ତି। ଘଟଣାଟି ଘଟିଛି ଶନିବାର ସାରେ ତାମିଲନାଡୁ କୋଏମ୍ବାଟୁର ଜିଲାର ଭାଲପରାଇ ଅଞ୍ଚଳରେ। ଏହି ଅଞ୍ଚଳରେ ପରିବାର ସହ ବାସ କରନ୍ତି ମୁଥୁଲକ୍ଷ୍ମୀ। ଶନିବାର ସାରେ ସେ ରୋଷେଇ ପାଇଁ ଘର ପଛପଟକୁ ଜାଳେଣି କାଠ ଆଣିବାକୁ ଯାଇଥିଲେ। ବାଡିପଟ ଅନ୍ଧାର ହୋଇଥିବାରୁ ଏକ ଡିବିରି ଧରି ଝିଅ ମଧ୍ୟ ତାଙ୍କ ସହ ଯାଇଥିଲେ। ମୁଥୁଲକ୍ଷ୍ମୀ ଭାଡିରୁ କାଠ ବାହାର କରୁଥିବା ବେଳେ ସେଠାରେ ଲୁଚି ରହିଥିବା ଏକ ଚିତାବାଘ ଝିଅକୁ ଆକ୍ରମଣ କରିଥିଲା। ଝିଅ ବେକଠାରୁ କାମୁଡିଧରି ଟାଣିନେବାକୁ ଉଦ୍ୟମ କରିଥିଲା ଏହି ବାଘ। ଝିଅର ଚିତ୍କାର ଶୁଣି ମୁଥୁଲକ୍ଷ୍ମୀ ତୁରନ୍ତ ଏକ କାଠଫାଳିଆରେ ଚିତାକୁ ଜୋରଦାର ପ୍ରହାର କରିଥିଲେ। ସମ୍ଭବତଃ ଆଘାତ ଜୋର ଲାଗିଥିଲା ଚିତାକୁ। ଏଥିରେ ଜନ୍ତୁଟି ଭୟଭୀତ ହୋଇ ଝିଅକୁ ଛାଡିଦେଇ ଜଙ୍ଗଲ ଆଡକୁ ଦୌଡି ପଳାଇଥିଲା। ଝିଅକୁ ଗୁରୁତର ଅବସ୍ଥାରେ ନିକଟବର୍ତ୍ତୀ ଚିକିତ୍ସାଳୟରେ ଭର୍ତ୍ତି କରାଯାଇଛି। ଖବର ପାଇ ବନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଚିତାକୁ ଧରିବାକୁ ଉଦ୍ୟମ ଚଳାଇଛନ୍ତି।

କାର୍ଯ୍ୟକାଳ ବୃଦ୍ଧି ସମ୍ଭାବନା

କାର୍ଯ୍ୟକାଳ ବୃଦ୍ଧି ସମ୍ଭାବନା

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଜମ୍ମୁ-କଶ୍ମୀରର ମୁଖ୍ୟ ଶାସନ ସଚିବ ବି.ବି. ବ୍ୟାସଙ୍କ କାର୍ଯ୍ୟକାଳ ତୃତୀୟ ଥର ପାଇଁଛଅ ମାସ ବୃଦ୍ଧି କରାଯିବାର ସମ୍ଭାବନା ଦେଖାଦେଇଛି। ବ୍ୟାସ ଗତବର୍ଷ ନଭେମ୍ବର ମାସରେ ଅବସର ନେବାର ଥିଲା। କିନ୍ତୁ ତାଙ୍କୁ ଦୁଇଥର ତିନିମାସିଆ ସମ୍ପ୍ରସାରଣ ଦିଆଗଲା। ତାଙ୍କର ଦ୍ୱିତୀୟ ସମ୍ପ୍ରସାରିତ ଅବଧି ଚଳିତ ମାସରେ ପୂରିବାକୁ ଯାଉଛି। ପ୍ରାପ୍ତ ସୂଚନା ଅନୁସାରେ, ମୁଖ୍ୟମନ୍ତ୍ରୀ ମେହବୁବା ମୁଫ୍‌ତିଙ୍କ ସୁପାରିସକ୍ରମେ ରାଜ୍ୟ ସରକାର ୧୯୮୬ ବ୍ୟାଚ୍‌ର ଏହି ରାଜସ୍ଥାନ କ୍ୟାଡର ଅଫିସରଙ୍କୁ ଆଉ କିଛି କାଳ ରଖିବା ପାଇଁ କେନ୍ଦ୍ର ସରକାରଙ୍କ ସହ ପରାମର୍ଶ କରୁଛନ୍ତି। ଏହା ପୂର୍ବରୁ ବ୍ୟାସ କେନ୍ଦ୍ରୀୟ ଓ ଅନ୍ତର୍ଜାତୀୟ ଡେପୁଟେଶନରେ କାର୍ଯ୍ୟ ...

କଶ୍ମୀର ସମସ୍ୟା

କଶ୍ମୀର ସମସ୍ୟା

ଶରତ ଚନ୍ଦ୍ର ମିଶ୍ର କଶ୍ମୀର ଭାରତର ଏକ ପୁରାତନ ସମସ୍ୟା। ସ୍ବାଧୀନତା ପରେ ପରେ ୧୯୪୭ ମସିହାରେ ବ୍ରିଟିଶ୍‌ ସେନା ଅଫିସରଙ୍କ ସହାୟତାରେ ମୁସଲମାନ ସୈନ୍ୟମାନେ ବଲ୍‌ଟିକ ସ୍ଥାନ ଓ ଗିଲ୍‌ଗିଟ ଅଞ୍ଚଳରେ କଶ୍ମୀର ମହାରାଜାଙ୍କ ବିରୁଦ୍ଧରେ ବିଦ୍ରୋହ କରି ସେଇ ଅଞ୍ଚଳ ଦୁଇଟିକୁ ପାକିସ୍ତାନରେ ମିଶାଇ ଦେଇଥିଲେ। ପାକିସ୍ତାନୀ ଲୋକ ୧୯୪୮ ମସିହାରେ କଶ୍ମୀର ଆକ୍ରମଣ କରି କିଛି ଅଂଶ ଦଖଲ କରିନେଲେ ଓ ମୁଜାଫରବାଦକୁ ରାଜଧାନୀ କରି ଆଜାଦ କଶ୍ମୀର ସରକାର ସ୍ଥାପନ ହୋଇଛି। କଶ୍ମୀର ମହାରାଜା ତାଙ୍କ ରାଜ୍ୟକୁ ଭାରତରେ ମିଶାଇଲା ପରେ ଭାରତୀୟ ସୈନ୍ୟ ପାକିସ୍ତାନୀ ଆକ୍ରମଣକାରୀଙ୍କୁ ପରାସ୍ତ କଲେ। କିନ୍ତୁ ପାକିସ୍ତାନୀମାନେ କଶ୍ମୀରରୁ ସମ୍ପୂର୍ଣ୍ଣ ବିତାଡିତ ହେବା ପୂର୍ବରୁ ଜାତିସଂଘରେ ଭାରତ ଫେରାଦ ହେଲାରୁ ସ୍ଥିତାବସ୍ଥା ଜାରି ରହିଲା ଓ କଶ୍ମୀରର କିଛି ଅଂଶ ...

ସଂକଳ୍ପ ଗଡ଼ ଜିଣେ

ସଂକଳ୍ପ ଗଡ଼ ଜିଣେ

ମନ-ମାନଚିତ୍ର/ ଡ. ନରହରି ବେହେରା ଚେତନାର ଜାଗରଣ ହିଁ ସଭ୍ୟତା ଅଭ୍ୟୁଦୟର ମୂଳମନ୍ତ୍ର। ଚେତନାର ଉତ୍ତରଣ ବିନା ନୂତନ ସର୍ଜନା ଅସମ୍ଭବ। ଆଜି ସମାଜରେ ଯେଉଁ ସବୁ ପରିବର୍ତ୍ତନ ଘଟିଛି, ତାହା କେବଳ ସମ୍ଭବ ହୋଇଛି ଏହି ଚେତନାର ସ୍ବତଃସ୍ଫୂର୍ତ୍ତ ପରିପ୍ରକାଶ ଯୋଗୁ। ଏ ସଂସାର ହେଉଛି ଚେତନାର ଗନ୍ତାଘର। ମାତ୍ର ଏହା ସବୁବେଳେ ସବୁ ବ୍ୟକ୍ତିସତ୍ତାକୁ ସ୍ପର୍ଶ କରେନାହିଁ। କେବଳ ମନନଶୀଳ ଏବଂ ନିଃସ୍ବାର୍ଥପର ବ୍ୟକ୍ତିବିଶେଷଙ୍କୁ ହିଁ ଏହି ମହାଜାଗତିକ ଶକ୍ତି ଛୁଇଁଥାଏ। ପ୍ରଜ୍ୱଳିତ ଅଗ୍ନିକୁ ଜଳ ପ୍ରଶମିତ କରିବାପରି ହୃଦୟରେ ଥିବା ସକଳ ...

ଏଇ ଭାରତରେ

ଏଇ ଭାରତରେ

ସରକାର କାହାକୁ କ’ଣ ଜୀବନସାଥୀ ଦେଇପାରିବେ? କିନ୍ତୁ ରାଜସ୍ଥାନ ଆଜମେର ଜିଲାର ଜଣେ ଯୁବକ ସେମିତି ଦାବି ଉଠାଇଲେ ସରକାରୀ ଭାବେ ଆୟୋଜିତ ଅଭିଯୋଗ ଶୁଣାଣି ଶିବିରରେ। ଯୁବକଙ୍କ ଏଭଳି ଦାବି ଶୁଣି ଶିବିରରେ ଉପସ୍ଥିତ ଲୋକେ ନ ହସି ରହିପାରି ନ ଥିଲେ। ବତୀତଲୋରା ପଞ୍ଚାୟତର ମୁକେଶ ଭଟ୍ଟି ଜଣେ ବିବାହିତ ଯୁବକ। ଦୁଇବର୍ଷ ପୂର୍ବରୁ ସ୍ତ୍ରୀ ତାଙ୍କୁ ଛାଡି ଅନ୍ୟ ଜଣଙ୍କ ସହ ଫେରାର ହୋଇଯାଇଛନ୍ତି। ଏତେଦିନ ବିତିଯାଇଥିଲେ ମଧ୍ୟ ମୁକେଶ ଦ୍ୱିତୀୟ ବିବାହ ପାଇଁ ମନ ବଳାଇ ନ ଥିଲେ। ଏବେ ବାହା ହେବାକୁ ଚାହୁଁଥିଲେ ମଧ୍ୟ ଝିଅ ମିଳୁନାହାନ୍ତି। ତେଣୁ ସେ ଚାହୁଁଛନ୍ତି ତାଙ୍କର ପ୍ରଥମ ସ୍ତ୍ରୀକୁ ଫେରାଇ ଅଣାଯାଉ ନଚେତ୍‌ ଦ୍ୱିତୀୟ ବିବାହ ପାଇଁ ଝିଅଟିଏ ଖୋଜି ଦିଆଯାଉ। ଏଥିପାଇଁ ସେ ପ୍ରଥମେ ପଞ୍ଚାୟତ ବୈଠକରେ କଥା ପକାଇ ଲିଖିତ ଆବେଦନ ...

ଆଜିର ଅର୍ଥନୀତି/ ତୈଳ ବୋମା

ଆଜିର ଅର୍ଥନୀତି/ ତୈଳ ବୋମା

ଦେଶରେ ତୈଳ ଦର କ୍ରମାଗତଭାବେ ବୃଦ୍ଧି ପାଇଚାଲିଛି। ଏହାଦ୍ୱାରା ସାଧାରଣ ଲୋକ ହଇରାଣ ହେଉଛନ୍ତି। ପେଟ୍ରୋଲ ପମ୍ପକୁ ପେଟ୍ରୋଲ ବା ଡିଜେଲ ପକାଇବାକୁ ଗଲାବେଳେ ସାଧାରଣ ଗାଡ଼ିଚାଳକ ମନରେ ଖୁବ୍‌ କ୍ରୋଧ ସୃଷ୍ଟି ହେଉଛି, କିନ୍ତୁ ସେ ନିରୁପାୟ। ଗୁରୁବାର ସୁଦ୍ଧା ତୈଳ କମ୍ପାନୀଗୁଡ଼ିକ କ୍ରମାଗତ ଭାବେ ୧୧ ଦିନ ଧରି ତୈଳ ଦର ବୃଦ୍ଧି କରିଛନ୍ତି। ଭୁବନେଶ୍ୱରରେ ପେଟ୍ରୋଲ ଦର ଲିଟର ପିଛା ପାଖାପାଖି ୭୭ ଓ ଡିଜେଲ ଦର ପ୍ରାୟ ୭୪ ଟଙ୍କା ହୋଇଛି। ପେଟ୍ରୋଲ ଓ ଡିଜେଲ ଦର ମଧ୍ୟରେ ବ୍ୟବଧାନ ହ୍ରାସ ପାଇଛି, ଯାହା କି ଆଗରୁ ନ ଥିଲା। ଏହା ବିରୋଧରେ ଦେଶ ସାରା ଗରିବ ଧନୀ ନିର୍ବିଶେଷରେ ଖାଉଟିମାନେ ବିକ୍ଷୋଭ ଓ ପ୍ରତିବାଦ କଲେ ମଧ୍ୟ ଆଶ୍ଚର୍ଯ୍ୟଜନକଭାବେ ସରକାର ନୀରବ ରହିଛନ୍ତି। ଯଦି ସରକାର ତୁରନ୍ତ ଦର ହ୍ରାସ ନ କରନ୍ତି, ତେବେ ...

କୁନ୍ଦୁଲିରୁ କାଠୁଆ

କୁନ୍ଦୁଲିରୁ କାଠୁଆ

ଡ. ପ୍ରଫୁଲ୍ଲ କୁମାର ସାହୁ ୨୦୧୨ ମସିହା ଡିସେମ୍ବର ମାସରେ ଦେଶର ସାମୂହିକ ଗଣବିବେକକୁ ଦୋହଲେଇ ଦେଇଥିଲା ରାଜଧାନୀ ଦିଲ୍ଲୀର ଲୋମହର୍ଷଣକାରୀ ନିର୍ଭୟା ଗଣଦୁଷ୍କର୍ମ ଘଟଣା। ମହିଳା ସୁରକ୍ଷା ଦାବିରେ ଆନ୍ଦୋଳନକୁ ଓହ୍ଲାଇଥିଲେ ସାରା ଦେଶର ଲୋକେ। ଏଭଳି ଜନ ଆକ୍ରୋଶର ତାତି ପୁଣି ଥରେ ଦେଖିବାକୁ ମିଳିଲା ଗତ ଏପ୍ରିଲ୍‌ ମାସରେ ଉତ୍ତରପ୍ରଦେଶର ଉନ୍ନାଓ ଓ ଜମ୍ମୁର କାଠୁଆ ଘଟଣା ଗଣମାଧ୍ୟମରେ ପ୍ରଘଟ ହେଲା ପରେ। ଏହାକୁ ନେଇ ରାଷ୍ଟ୍ରବ୍ୟାପୀ କ୍ରୋଧ ଓ ବିରୋଧ ପୃଷ୍ଠଭୂମିରେ ସରକାର ଆଣିଲେ ଶିଶୁ କନ୍ୟା ବଳାକତ୍ାରୀଙ୍କ ପାଇଁ ଫାଶୀ ଦଣ୍ଡବିଧାନର ଅଧ୍ୟାଦେଶ। ଏହି ଅଧ୍ୟାଦେଶ ଅନୁସାରେ ୧୨ବର୍ଷରୁ କମ୍‌ ବର୍ଷ ବୟସର ...

ପଞ୍ଚପୀର

ପଞ୍ଚପୀର

ଦେବଦତ୍ତ ପଟ୍ଟନାୟକ ଦକ୍ଷିଣ ଏସିଆରେ ଇସଲାମ ଧର୍ମରେ ଏକ ସ୍ବତନ୍ତ୍ର ଜିନିଷ ଦେଖିବାକୁ ମିଳେ। ତାହା ହେଉଛି ପାଞ୍ଚଜଣ ମହାପୁରୁଷ ବା ସନ୍ଥ (ଆଉଲିଆ) ଯାହାଙ୍କୁ କୁହାଯାଏ ପଞ୍ଚପୀର। ଅନେକ ସମୟରେ ପୀରବାବାଙ୍କ ସ୍ତୂପାକୃତି କବର ବା ମଜାର ଉପରେ ରଖାଯାଇଥିବା ହାତ ପାପୁଲି ଚିହ୍ନ ସେମାନଙ୍କର ପ୍ରତିନିଧିତ୍ୱ କରେ। ପଞ୍ଜାବ, ରାଜସ୍ଥାନ, ଉତ୍ତରପ୍ରଦେଶ ଓ ପଶ୍ଚିମବଙ୍ଗରେ ଆମେ ପଞ୍ଚ ପୀରବାବାଙ୍କ ମଜାର ବା ଦରଘା ଦେଖିବାକୁ ପାଉ। ଅନେକ ସମୟରେ ସେମାନଙ୍କୁ ଶିଆ ଇସଲାମ ସମ୍ପ୍ରଦାୟର ପାଞ୍ଚଜଣ ମହାତ୍ମା ବୋଲି ଚିହ୍ନଟ କରାଯାଏ: ରସୁଲ ମହମ୍ମଦ, ତାଙ୍କ ଝିଅ, ତାଙ୍କ ଜାମାତା ଓ ତାଙ୍କର ଦୁଇଜଣ ନାତି। ଅନ୍ୟମାନେ ସେମାନଙ୍କୁ ...

ଏଇ ଭାରତରେ

ଏଇ ଭାରତରେ

ସମ୍ଭବତଃ କିଛି ଭଲ କାମ ଲୋକଙ୍କ ଆଖିରେ ଯାଏନାହିଁ। ଏପରି କି ନିଜ ପରିବାର ପରିଜନ ସମାଲୋଚନା କରିବାକୁ ପଛାନ୍ତି ନାହିଁ। କେତେକେ ତ ପାଗଳର ଆଖ୍ୟା ଦେଇ ଦିଅନ୍ତି। ମଧ୍ୟପ୍ରଦେଶର ଭୋପାଳ ଅଞ୍ଚଳର ଡା. ଡି.ପି. କନୌଜିୟାଙ୍କ କ୍ଷେତ୍ରରେ ତାହା ହିଁ ଘଟିଛି। ମୋଟାଅଙ୍କର ଦରମାରେ ସରକାରୀ ଚାକିରିରେ ଥିବା କନୌଜିୟା ଦୀର୍ଘ ୩୦ବର୍ଷ ଧରି ଗଛର ଯତ୍ନ ପାଇଁ ଯେଉଁଭଳି କାର୍ଯ୍ୟ କରିଆସିଛନ୍ତି ତାହା ଯେ କେହି ବ୍ୟକ୍ତିକୁ ଆଶ୍ଚର୍ଯ୍ୟ କରିବ। କନୌଜିୟାଙ୍କୁ ଇତିମଧ୍ୟରେ ହେଲାଣି ୭୭ବର୍ଷ। ସେ ଯେତେବେଳେ ୪୭ ବର୍ଷର ହୋଇଥିଲେ ସେବେଠାରୁ ତାଙ୍କର ଗଛ ଲଗାଇବାର ନିଶା ଘାରିଲା। ସେ ଭୋପାଳ ନିକଟବର୍ତ୍ତୀ ଏକ ବା ଜମିରେ ଆରମ୍ଭ କଲେ ଚାରାରୋପଣ। ବିଭିନ୍ନ ପ୍ରଜାତିର ପ୍ରାୟ ୬୦ ଚାରା ଆଣି ସେ ସେଠାରେ ଲଗାଇଥିଲେ। ଗାଈଗୋରୁ, ...