ସମ୍ପାଦକୀୟ |

କୁକୁର ବୋର୍ଡିଂ ହାଉସ୍‌

କୁକୁର ବୋର୍ଡିଂ ହାଉସ୍‌

ପରିବେଶ ପରିଚିନ୍ତା/ ମାନେକା ଗାନ୍ଧୀ
ଗୋଟିଏ ଝିଅର ଦୁଇଟି କୁକୁର ଥିଲା ଏବଂ ହଠାତ୍‌ ତା’ର ନିଜ ଗଁାକୁ ଯିବା ଦରକାର ପଡ଼ିଲା। ଏକ କୁକୁର ବୋର୍ଡିଂ ହାଉସ୍‌ ଚଳାଉଥିବା ଆଉ ଗୋଟିଏ ଝିଅକୁ ସେ ନିଜ କୁକୁର ଦୁହିଙ୍କ ଯତ୍ନ ନେବାକୁ ଦେଲା ଏବଂ ଏଥିପାଇଁ ଦୈନିକ ୧୫୦ ଟଙ୍କା ହିସାବରେ ୧୨୦୦ ଟଙ୍କା ମଧ୍ୟ ଅଗ୍ରିମ ଦେଲା। ଦୁଇଦିନ ପରେ ସେ ଏକ ଇମେଲ ବାର୍ତ୍ତା ପାଇଲା ଯେ ଗୋଟିଏ କୁକୁର କୁଆଡ଼େ ପଳାଇଛି ଏବଂ ଏଥିପାଇଁ ସେ ଦାୟୀ ନୁହନ୍ତି କାରଣ କୁକୁରଟା ପକ୍କା ବଦ୍‌ମାସ ଅଛି। ଉକ୍ତ କୁକୁରଙ୍କ ବୋର୍ଡିଂ ହାଉସ୍‌ଟି ହେଉଛି ଫରିଦାବାଦର ଏକ ରାସାୟନିକ କାରଖାନା ଏବଂ ଉକ୍ତ କାରଖାନା ମାଲିକଙ୍କ ଝିଅ ଏହାକୁ ଚଳାନ୍ତି। ସେ କେବଳ ଅଳ୍ପ କେତୋଟି ଘରେ କୁକୁରମାନଙ୍କୁ ତାଲା ପକାଇ ରଖନ୍ତି। ତାଙ୍କର ଜଣେ ସାହାଯ୍ୟକାରୀ ଅଛି। ତା’ଛଡ଼ା କୌଣସି ଡାକ୍ତର, ଉପଯୁକ୍ତ ଖାଦ୍ୟ ବ୍ୟବସ୍ଥା, କୌଣସି ବିଛଣା, ଗାଧୋଇବାର ବ୍ୟବସ୍ଥା, ଟିଙ୍କ ଝାଡ଼ିବାର ବ୍ୟବସ୍ଥା ଏବଂ କୁକୁରଙ୍କ ଆରାମ ପ୍ରତି ସାମାନ୍ୟ ଧ୍ୟାନ ଦେବା ବି ସେଠାରେ ଦେଖିବାକୁ ମିଳେ ନାହିଁ। ଆଉ ଜଣେ ଲୋକ ଦୂରଯାତ୍ରାରେ ଯିବା ପୂର୍ବରୁ ନୋଏଡ଼ାସ୍ଥିତ ଏକ ବୋର୍ଡିଂ ହାଉସ୍‌ରେ ନିଜ କୁକୁରକୁ ସପ୍ତାହକ ପାଇଁ ରଖିଲେ। ରାତିରେ କୁକୁରର ବାନ୍ତି ହେଲା। ଡାକ୍ତର ତାକୁ ଚିକିତ୍ସା କରିବାକୁ ମନା କରିଦେଲେ କାରଣ ତା’ର କୌଣସି ମେଡିକାଲ ହିଷ୍ଟ୍ରି ନ ଥିଲା। ରାତିରେ କୁକୁର ମାଲିକଙ୍କ ଫୋନ୍‌ ଲାଗିଲା ନାହିଁ। ତେଣୁ ପରଦିନ ସକାଳେ ତାଙ୍କୁ ଖବର ଦିଆଗଲା। ସେଦିନ ଡାକ୍ତର ଛୁଟିରେ ଥିଲେ। କୁକୁରର ମାଲିକ ସଙ୍ଗେ ସଙ୍ଗେ ବିମାନ ଯୋଗେ ଫେରିଆସିଲେ। କିନ୍ତୁ ସେତେବେଳକୁ କୁକୁରଟି ମରିଯାଇଥିଲା। ଆଉ ଗୋଟିଏ ଘଟଣା। ଗୋଟିଏ ଜାତିଆ କୁକୁରକୁ କଲିକତାର ଏକ କୁକୁରଶାଳାକୁ ଦୁଇ ସପ୍ତାହ ଲାଗି ପ୍ରଜନନ କାର୍ଯ୍ୟରେ ନିୟୋଜିତ କରିବା ପାଇଁ ଭଡ଼ାରେ ଦିଆଯାଇଥିଲା। ମାଲିକ ଫେରିଲା ବେଳକୁ କୁକୁରଟି ଅତ୍ୟନ୍ତ ଦୁର୍ବଳ ଓ ମାନସିକ ଚାପଗ୍ରସ୍ତ ହୋଇପଡ଼ିଥିଲା। ବୋର୍ଡିଂ ହାଉସ୍‌ରେ କିଛି ଦିନ ପାଇଁ ନିଜ କୁକୁରକୁ ଛାଡ଼ିଥିବା ଲୋକମାନଙ୍କଠାରୁ ଗତ ଦୁଇବର୍ଷ ଭିତରେ ମୁଁ ବହୁ ଅଭିଯୋଗ ପାଇଛି। କେଉଁଠି ବୋର୍ଡିଂ ହାଉସ୍‌ରୁ ଫେରିବା ବେଳେ କୁକୁରଟି ରୋଗଗ୍ରସ୍ତ ହୋଇପଡ଼ିଛି ବା ତା’ ଦେହରେ ଟିଙ୍କ ହୋଇଛି ତ କେଉଁଠି ସେ ଅନ୍ୟ କୁକୁରଙ୍କ ସହ ଲଢ଼େଇ କରି ଖଣ୍ଡିଆଖାବରା ହୋଇଛି। ପୁଣି କେଉଁଠି ମାଲିକକୁ ଖବର ମିଳେ ଯେ ତାଙ୍କ କୁକୁରଟି କୁଆଡ଼େ ପଳାଇଯାଇଛି ବା ମରିଯାଇଛି। ‘ପଳାଇଯାଇଛି’ ମାନେ କୁକୁରଟି ଖୁବ୍‌ ଜାତିଆ ଏବଂ ବୋର୍ଡିଂ ହାଉସ୍‌ର ମାଲିକ ତାକୁ କେଉଁ କୁକୁର ପ୍ରଜନନ କେନ୍ଦ୍ରକୁ ବିକ୍ରି କରିଦେଇଛନ୍ତିି। ଆପଣ ପାଖରେ ଥାନ୍ତୁ କି ନ ଥାନ୍ତୁ କୁକୁର ସବୁବେଳେ ଆପଣଙ୍କ ସେବାଯତ୍ନ ଉପରେ ନିର୍ଭର କରେ। ଯଦି ଆପଣ କୌଣସି ବୋର୍ଡିଂ ହାଉସ୍‌ରେ କିଛିଦିନ ପାଇଁ କୁକୁରକୁ ଛାଡ଼ି ବାହାରକୁ ଯିବାକୁ ଚାହୁଁଥାନ୍ତି, ତେବେ ପ୍ରଥମେ ନିଶ୍ଚିତ ହୁଅନ୍ତୁ ଯେ ସେହି ବୋର୍ଡିଂ ହାଉସ୍‌ଟି ଉପରବର୍ଣ୍ଣିତ ପରି ନୁହେଁ। ଗୋଟିଏ ଛୋଟ ପିଲାକୁ ତା’ର ଅଜଣା ଜାଗାରେ ଓ ଅଚିହ୍ନା ଲୋକଙ୍କ ପାଖରେ ଛାଡ଼ି ଯିବା ଯାହା ଗୋଟିଏ କୁକୁରକୁ ତା’ ପାଇଁ ଅପରିଚିତ ବୋର୍ଡିଂ ହାଉସ୍‌ରେ ଛାଡ଼ି ଯିବା ସେଇଆ। ପିଲାଟି ଅଚିହ୍ନା ଜାଗାରେ ମାନସିକ ଚାପଗ୍ରସ୍ତ ହୋଇପାରେ। ଠିକ୍‌ ସେମିତି ଘଟିପାରେ କୁକୁରଙ୍କ କ୍ଷେତ୍ରରେ। କୁକୁରଙ୍କ ମାନସିକ ଚାପର ଲକ୍ଷଣ ନାନାଭାବରେ ପ୍ରକାଶ ପାଇଥାଏ- ଅତ୍ୟଧିକ ଭୁକିବା, କୁଁ କୁଁ ଶବ୍ଦ କରି କାନ୍ଦିବା, କିଛି ନ ଖାଇବା ଇତ୍ୟାଦି। ଅଭ୍ୟସ୍ତ ଖାଦ୍ୟ ନ ଦେଇ ଅଲଗା ଖାଦ୍ୟ ଦେଲେ ତାଙ୍କର ବାନ୍ତି ହୋଇପାରେ, ପତଳା ଝାଡ଼ା ହୋଇପାରେ। ତେଣୁ ଆପଣ ନିଜ କୁକୁରକୁ କୌଣସି ବୋର୍ଡିଂ ହାଉସ୍‌ରେ ଛାଡ଼ିବା ପୂର୍ବରୁ ନିମ୍ନଲେଖ୍ୟ ଜିନିଷଗୁଡ଼ିକୁ ତନଖି କରନ୍ତୁ: ୧. ଆପଣଙ୍କ କୁକୁର ସାଧାରଣ ନିର୍ଦ୍ଦେଶାବଳି ବୁଝିପାରୁଥିବା ଏବଂ ଅନ୍ୟ ମଣିଷ ଓ ପ୍ରାଣୀଙ୍କ ସହ ସହଜରେ ମିଶିପାରୁଥିବା ଦରକାର। ୨. ପ୍ରଥମେ ଆପଣଙ୍କ କୁକୁରକୁ ସପ୍ତାହାନ୍ତରେ ଗୋଟିଏ ଦିନ ବୋର୍ଡିଂ ହାଉସ୍‌ରେ ରଖି ସେଠାରେ ଭବିଷ୍ୟତରେ ଅଧିକ ଦିନ ରହିବା ପାଇଁ ଅଭ୍ୟସ୍ତ କରାନ୍ତୁ। ୩. କୁକୁରକୁ ରାବିଜ୍‌ ପ୍ରଭୃତି ସମସ୍ତ ଆବଶ୍ୟକ ରୋଗପ୍ରତିଷେଧକ ଟିକା ଦିଆଯାଇଥିବା ଦରକାର। ନୀଳମାଛି ଓ ଟିଙ୍କ ପ୍ରତିଷେଧକର ବି ବ୍ୟବସ୍ଥା କରାଯାଇଥିବା ଦରକାର। ୫. ଆପଣଙ୍କ କୁକୁର ପାଇଁ କି କି ଔଷଧ ଦରକାର ପଡ଼ିପାରେ ଓ ସେ କ’ଣ ଖାଇବ, ତା’ର ବ୍ୟବସ୍ଥା କରିଯାନ୍ତୁ। ବୋର୍ଡିଂ ହାଉସ୍‌ ମାଲିକଙ୍କୁ ଖାଦ୍ୟ ଓ ଔଷଧର ତାଲିକା ସହ ଆପଣଙ୍କ ପ୍ରାଣୀ ଚିକିତ୍ସକଙ୍କ ଫୋନ୍‌ ନମ୍ବର ବି ଦେଇଯାନ୍ତୁ। ୬. ଆପଣଙ୍କ କୁକୁରର ଯଦି କିଛି ସ୍ବାସ୍ଥ୍ୟଗତ ବା ବ୍ୟବହାରଗତ ସମସ୍ୟା ଥାଏ, ତାହା ବୋର୍ଡିଂ କର୍ମଚାରୀଙ୍କୁ ଜଣାନ୍ତୁ। ବୋର୍ଡିଂ ହାଉସ୍‌ ଚୟନ: ୧. ଏ ବିଷୟରେ ଆପଣଙ୍କ ପ୍ରାଣୀ ଚିକିତ୍ସକଙ୍କ ପରାମର୍ଶ ନିଅନ୍ତୁ। କାରଣ ସେମାନଙ୍କର ଅଭିଜ୍ଞତା ଅଧିକ। ତା’ଛଡ଼ା ଅନ୍ୟ ପଶୁପ୍ରେମୀଙ୍କୁ ପଚାରିପାରନ୍ତି ଏବଂ ନେଟ୍‌ରେ ଅନୁସନ୍ଧାନ କରିପାରନ୍ତି। ଶେଷରେ ବାଛିଥିବା କୁକୁରଶାଳାଗୁଡ଼ିକ ମଧ୍ୟରୁ କେଉଁଠି ଆପଣଙ୍କ କୁକୁରକୁ କିଛିଦିନ ରଖିବା ପାଇଁ ଜାଗା ଅଛି ଏବଂ ସେମାନେ ଆପଣଙ୍କ କୁକୁରର ବିଶେଷ ଆବଶ୍ୟକତା ପୂରଣ ପାଇଁ ରାଜି ଅଛନ୍ତି କି ନା ବୁଝନ୍ତୁ। ୨. ସବୁବେଳେ କୁକୁରଶାଳା ସମ୍ପୂର୍ଣ୍ଣ ବୁଲି ଦେଖିବା ପାଇଁ ଅନୁରୋଧ କରନ୍ତୁ। ଯଦି ସେମାନେ ମନା କରନ୍ତି, ତେବେ ବୁଝିନିଅନ୍ତୁ ଯେ ସମ୍ଭବତଃ ଦୁର୍ବଳ ଭିତ୍ତିଭୂମିକୁ ଲୁଚାଇବା ପାଇଁ ସେମାନେ ଉଦ୍ୟମ କରୁଛନ୍ତି। ୩. ଏକ ଭଲ କୁକୁରଶାଳାରେ ପବନ ଓ ଆଲୋକ ଚଳାଚଳ ଏବଂ ଉତ୍ତାପ ନିୟନ୍ତ୍ରଣର ବ୍ୟବସ୍ଥା ଥାଏ। ଯେଉଁଠି କୁକୁରମାନେ ଚଳପ୍ରଚଳ ଓ ଖେଳାବୁଲା କରିବେ ସେ ସ୍ଥାନଟି ଦୁର୍ଗନ୍ଧ ଓ ଆବର୍ଜନାମୁକ୍ତ ହୋଇଥିବା ଦରକାର। ଚଟାଣ ମଧ୍ୟ ଗଡ଼ାଣିଆ ହୋଇଥିବ, ଯେଉଁଠି ପାଣି ବା କୌଣସି ପ୍ରକାର ତରଳ ପଦାର୍ଥ ଅବଶୋଷିତ ହେଉ ନ ଥିବ। ୪. ଶେଷକୁ କ’ଣ କାଗଜପତ୍ର କାମ ହେବା ଦରକାର? ସଂସ୍ଥା ଆପଣଙ୍କଠାରୁ କୁକୁରର ଖାଦ୍ୟ, ଔଷଧ, ଅଭ୍ୟାସ, ଟିକାକରଣ ଆଦି ବିଷୟରେ ପଚାରି ତାକୁ ନଥିଭୁକ୍ତ କରୁଛି କି? ଯଦି ତାହା ନ କରେ ଆପଣ ସେ ସ୍ଥାନ ତୁରନ୍ତ ଛାଡ଼ି ଚାଲିଯାଆନ୍ତୁ। ୪. ଆପଣ କୁକୁରଶାଳାର ଚାରିଆଡ଼େ ବୁଲିବା ସମୟରେ ସେଠାକାର କର୍ମଚାରୀମାନେ ଅନ୍ୟ କୁକୁରମାନଙ୍କ ସହ କିପରି ବ୍ୟବହାର କରୁଛନ୍ତି ତାହା ଲକ୍ଷ୍ୟ କରନ୍ତୁ। କୁକୁର ଯଦି କର୍ମଚାରୀକୁ ଦେଖି ଲାଞ୍ଜ ହଲାଉଥାଏ, ତେବେ କର୍ମଚାରୀର ତା’ ସହ ଭଲ ସମ୍ପର୍କ ଅଛି। ସେମାନଙ୍କର କୁକୁରଶାଳା ପରିଚାଳନାର ଅଭିଜ୍ଞତା ଅଛି କି ନାହିଁ ଓ ସେମାନେ ଏ ବିଷୟରେ ତାଲିମ ନେଇଛନ୍ତି କି ନାହିଁ ବୁଝନ୍ତୁ। ୫. କୁକୁରମାନଙ୍କ ଖେଳକୁଦ ଓ ବ୍ୟାୟାମର କି ବ୍ୟବସ୍ଥା ଅଛି ଦେଖନ୍ତୁ। ୬. କୁକୁରଙ୍କ ପାଇଁ ବେଡିଂ ବ୍ୟବସ୍ଥା ଅଛି କି? ଯଦି ଅଛି ତେବେ ତାକୁ ନିୟମିତ ସଫା କରାଯାଉଛି କି ନା ବୁଝନ୍ତୁ। ୭. କୁକୁରଙ୍କଠାରୁ ବିରାଡ଼ିମାନଙ୍କୁ ଦୂରରେ ଅଲଗା ଜାଗାରେ ରଖାଯାଉଛି ତ? ୮. ବିରାଡ଼ିଙ୍କ ପାଇଁ ବି ଚଲାବୁଲାର ସୁବିଧା ଅଛି ତ? ୯. ପ୍ରାଣୀମାନଙ୍କୁ କ’ଣ ଓ କେତେ ଥର ଖାଇବାକୁ ଦିଆଯାଉଛି? ୧୧. କୁକୁରଶାଳାର ମାଲିକ ପ୍ରୟୋଜନ ବେଳେ ଆପଣଙ୍କ କୁକୁର ପାଇଁ ସ୍ବତନ୍ତ୍ର ଖାଦ୍ୟ ମଗାଇପାରିବେ କି? ୧୨. ସେଠାରେ ପ୍ରାଣୀଙ୍କ ପାଇଁ ଡାକ୍ତରୀ ସୁବିଧା କ’ଣ ଅଛି? ୧୩. ସେଠାରେ କୁକୁରଙ୍କୁ ଫିଟ୍‌ଫାଟ୍‌ କରି ସଜାଇବା (grooming), ତାଲିମ ଦେବା ବା ଗାଧୋଇଦେବାର ବ୍ୟବସ୍ଥା ଅଛି କି? ୧୪. କେହି ସେଠାରେ ସବୁ ସମୟରେ ରହନ୍ତି କି ନାହିଁ, ରାତିରେ କୌଣସି କର୍ମଚାରୀ କୁକୁରମାନଙ୍କର ଭଲମନ୍ଦ ବୁଝନ୍ତି କି ନାହିଁ। ୧୫. ରୋଷେଇଘର ସଫାସୁତୁରା ଅଛି କି ନାହିଁ ଏବଂ ସେଠାରେ ଥିବା ଫ୍ରିଜ୍‌ଟି ସଫା ଅଛି କି ନାହିଁ। ସେ ଫ୍ରିଜ୍‌ରେ କି କି ଖାଦ୍ୟ ଅଛି ତାହା ଦେଖନ୍ତୁ। ୧୬. ସବୁ ସମୟରେ ସେଠାରେ ପାଣି ମିଳୁଛି ତ? ୧୭. ସେଠାରେ ନିଅଁାଲିଭା ଯନ୍ତ୍ରର ବ୍ୟବସ୍ଥା ଅଛି କି ନାହିଁ। ୧୮. ପ୍ରାଣୀମାନଙ୍କ ମଳମୂତ୍ରକୁ କ’ଣ କରାଯାଉଛି, ତାହା ବି ଦେଖନ୍ତୁ। ଏ ସବୁ ଜିନିଷ ଭଲଭାବେ ବୁଝିବା ପରେ ନିଜ ପୋଷା କୁକୁରକୁ କିଛିଦିନ ପାଇଁ କୁକୁର ବୋର୍ଡିଂ ହାଉସ୍‌ରେ ବା କୁକୁରଶାଳାରେ ରଖିବାରେ କୌଣସି ଅସୁବିଧା ନାହିଁ।
Email: gandhim@nic.in

All Right Reserved By

ସମ୍ପାଦକୀୟ |

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ଭାରତରେ ପିଲାମାନଙ୍କୁ ବଡ଼ ହେଲେ କ’ଣ ହେବ ବୋଲି ଏକ ନିର୍ଦ୍ଦିଷ୍ଟ ପ୍ରଶ୍ନ ସର୍ବଦା ପଚରାଯାଇଆସୁଛି। ପ୍ରାୟ ଅଧିକାଂଶଙ୍କଠାରୁ ଉତ୍ତର ମିଳିଆସୁଛି ଡାକ୍ତର ଓ ଇଞ୍ଜିନିୟର ହେବେ। ଯଦିଓ ଛୁଆଟିଏ ଏହି ପାଠ୍ୟକ୍ରମ ସହିତ ଅଭ୍ୟସ୍ତ ନ ଥାଏ, ତଥାପି ମାତାପିତାଙ୍କ ଅଭିଳଷିତ ସ୍ବପ୍ନ ପିଲାଙ୍କ ଉପରେ ଅଜାଡ଼ି ହୋଇଯାଇଥାଏ ବୋଲି କୁହାଯାଏ। ଏବେ ଏହି ଦୁଇ ବୃତ୍ତିରେ ଘରୋଇ କଲେଜରେ ନାମ ଲେଖାଉଥିବା ପିଲାଙ୍କ ବିଷୟରେ ଅନେକ ନକାରାତ୍ମକ ତଥ୍ୟ ସାମ୍ନାକୁ ଆସିବା ଆରମ୍ଭ କଲାଣି। ଏକ ରିପୋର୍ଟରୁ ଜଣାପଡ଼ିଛି ଯେ ୨୦୧୭ରେ ନ୍ୟାଶନାଲ ଏଲିଜିବିଲିଟି କମ୍‌ ଏଣ୍ଟ୍ରାନ୍ସ ଟେଷ୍ଟ (ଏନ୍‌ଇଇଟି) ଅନ୍ତର୍ଗତ ଫିଜିକ୍ସ (ପଦାର୍ଥ ବିଜ୍ଞାନ) ଓ କେମିଷ୍ଟ୍ରି (ରସାୟନ ବିଜ୍ଞାନ) ବିଷୟବସ୍ତୁରେ ୫୧୦ ବିଦ୍ୟାର୍ଥୀ ଶୂନ ...

 ବଳାତ୍କାର ଓ ସାମାଜିକ ବିଫଳତା

ବଳାତ୍କାର ଓ ସାମାଜିକ ବିଫଳତା

ସବ୍ୟସାଚୀ ଅମିତାଭ ବଳାତ୍କାର କେବଳ ଦଣ୍ଡନୀୟ ଅପରାଧ ନୁହେଁ ବରଂ ଦେଶ ଓ ସମାଜ ପାଇଁ ଲଜ୍ଜା। ଇତିମଧ୍ୟରେ କେନ୍ଦ୍ର କ୍ୟାବିନେଟ୍‌ କ୍ରିମିନାଲ ଲ’ ସଂଶୋଧନ ଅଧ୍ୟାଦେଶ ଆଣିିଛନ୍ତି। ଏଥିରେ ୧୨ ବର୍ଷ ପର୍ଯ୍ୟନ୍ତ ନାବାଳିକା ଓ ଶିଶୁଙ୍କ ସହ ବଳାତ୍କାର କରୁଥିବା ଅପରାଧୀଙ୍କୁ ମୃତ୍ୟୁଦଣ୍ଡ ଦେବାର ବ୍ୟବସ୍ଥା ରହିଛି। ଅତୀତରେ ନିର୍ଭୟା କାଣ୍ଡ ସାରା ଦେଶକୁ ବିଚଳିତ କରିଥିଲା। ସେତେବେଳେ ବି ଆଇନରେ ସଂଶୋଧନ ଅଣାଯାଇଥିଲା। ନାବାଳକ ବା କିଶୋରଙ୍କ ଦ୍ୱାରା କରାଯାଉଥିବା ଜଘନ୍ୟ ଅପରାଧରେ ବିଚାର ପାଇଁ ଅଭିଯୁକ୍ତଙ୍କ ବୟସ ୧୮ ବର୍ଷ ବଦଳରେ ୧୬ ବର୍ଷ କରାଯାଇଥିଲା। ପୋକ୍‌ସୋ ଆଇନକୁ କଡା କରାଯାଇସାରିଛି।...

ଅପରିଣାମଦର୍ଶୀ ମଣିଷ

ଅପରିଣାମଦର୍ଶୀ ମଣିଷ

ବୈକୁଣ୍ଠନାଥ ମିଶ୍ର ଏକଦା ଜଣେ ଆଧୁନିକ ଶିକ୍ଷିତ ଯୁବକ ବନ୍ଧୁମାନଙ୍କ ସହ ଶିକାର ଓ ବଣଭୋଜି ପାଇଁ ଘୋର ଜଙ୍ଗଲ ମଧ୍ୟକୁ ଯାଇ ବାଟବଣା ହୋଇଗଲେ। ଏଣେତେଣେ ବୁଲୁ ବୁଲୁ ଯୁବକ ଦେଖିଲେ ତାଙ୍କୁ ବଣର ସବୁ ପ୍ରାଣୀ ଘେରି ଯାଇଛନ୍ତି। ଯୁବକଙ୍କୁ ଭୟଭୀତ ହେବାର ଦେଖି ପଶୁରାଜ ସିଂହ କହିଲା, ଭୟ କରନାହିଁ ଯୁବକ। ଆଜି ତୁମ ସହ ଆମର ଏକ ଆଲୋଚନା ସଭା ଅନୁଷ୍ଠିତ ହେବ। ଆଲୋଚନାର ପ୍ରସଙ୍ଗ ପଶୁ-ମଣିଷ ସମ୍ପର୍କ। ଏଥିରେ ତୁମେ ତୁମର ଓ ଆମେ ଆମର ବକ୍ତବ୍ୟ ରଖିବୁ। ଆମେ ପରାସ୍ତ ହେଲେ ପୂର୍ବବତ୍‌ ତୁମର ବଶ୍ୟତା ସ୍ବୀକାର କରିବୁ ଏବଂ ତୁମେ ପରାସ୍ତ ହେଲେ ଆମ୍ଭମାନଙ୍କୁ ଶିକାର କରିବ ନାହିଁ କିମ୍ବା ଆମ ବାସସ୍ଥାନ ଉପରେ କର୍ତ୍ତୃତ୍ୱ ଜାହିର କରି ଏହାକୁ ଧ୍ୱଂସ କରିବ ନାହିଁ। ଆମ ଆଲୋଚନାର ସାକ୍ଷୀ ରହିବେ ଏ ବନଭୂମି ଓ ବୃକ୍ଷଲତା।...

ଏଇ ଭାରତରେ

ଏଇ ଭାରତରେ

ସମାଜରେ ଅନେକ ବ୍ୟକ୍ତି ଅଛନ୍ତି ଯେଉଁମାନେ ଅର୍ଥ ଏବଂ ଯୋଗାଡ଼ଯନ୍ତ୍ର ଅଭାବରୁ ବିବାହ କରିପାରି ନ ଥାନ୍ତି। ସେହି ଆର୍ଥତ୍କ ଦୁର୍ବଳ ଶ୍ରେଣୀର ଯୁବତୀଯୁବକଙ୍କୁ ବିବାହ ବନ୍ଧନରେ ଆବଦ୍ଧ କରିବା ପାଇଁ ଜାଫ୍ରି କାଉନସିଲ୍‌ ଆଗେଇ ଆସିଛି। ଦୀର୍ଘ ୪ବର୍ଷ ଧରି ଏହି ଅନୁଷ୍ଠାନ ବର୍ଷକୁ ଥରେ ଗଣବିବାହ ଆୟୋଜନ କରିଆସୁଛି। ଚଳିତ ବର୍ଷ ଶ୍ରୀନଗରରେ ଆୟୋଜିତ ଗଣବିବାହ କାର୍ଯ୍ୟକ୍ରମରେ ୧୦୫ ଦମ୍ପତି ବିବାହ ବନ୍ଧନରେ ବାନ୍ଧି ହୋଇଛନ୍ତି। ଉକ୍ତ ରାଜ୍ୟର ବିଭିନ୍ନ ଜିଲାରୁ ଆର୍ଥତ୍କ ଦୁର୍ବଳ ଶ୍ରେଣୀର କନ୍ୟାବର ସାମିଲ ହୋଇଥିଲେ। ଏହା ଏକ ସରଳ ତଥା ନିରାଡମ୍ବର ବିବାହ ଉତ୍ସବ ଥିଲା। ରବିବାର ଅମରସିଂ କ୍ଲବ୍‌ଠାରେ ଧର୍ମୀୟ ତଥା ସାମାଜିକ ସଂଗଠନ ଜାଫ୍ରି କାଉନସିଲ୍‌ ଦ୍ୱାରା ଏହା ଆୟୋଜିତ ହୋଇଥିଲା। ଉକ୍ତ କାଉନସିଲ୍‌ ପୂର୍ବରୁ ଗଣବିବାହ ଆୟୋଜନ କରାଇଥିଲେ ମଧ୍ୟ ଏଥର ସଂଖ୍ୟା ଥିଲା ସବୁଠୁ ଅଧିକ। ବିବାହ କରିବାକୁ ଥିବା କନ୍ୟାବର ଏହି ସଂଗଠନରେ ପ୍ରଥମେ ନାମ ...

ହିସାବରେ ଅତିକ୍ରମ

ହିସାବରେ ଅତିକ୍ରମ

ତଥାଗତ ସତପଥୀ: ବିଶ୍ୱ ବ୍ୟାଙ୍କ ରିପୋର୍ଟ ୨୦୧୭ ଅନୁଯାୟୀ ମୋଟ ଘରୋଇ ଉତ୍ପାଦ(ଜିଡିପି) ଦୃଷ୍ଟିକୋଣରୁ ଫ୍ରାନ୍ସକୁ ଅତିକ୍ରମ କରି ଭାରତ ବିଶ୍ୱର ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଲାଭ କରିଛି। ଆମେରିକା ସର୍ବବୃହତ୍‌ ଅର୍ଥନୀତିର ଟ୍ୟାଗ୍‌କୁ ବଜାୟ ରଖିଥିବା ବେଳେ ତା’ ପଛକୁ ଚାଇନା, ଜାପାନ, ଜର୍ମାନୀ ଏବଂ ବ୍ରିଟେନ୍‌ ରହିଛନ୍ତି। ରିପୋର୍ଟ କହେ, ଫ୍ରାନ୍ସର ଜିଡିପି ୨.୫୮୨ ଟ୍ରିଲିୟନ୍‌ ଡଲାର ଥିବାବେଳେ ଭାରତର ରହିଛି ୨.୫୯୭ ଟ୍ରିଲିୟନ୍‌ ଡଲାର। ଏହି ୧୫ ଟ୍ରିଲିୟନ ଡଲାର ପାର୍ଥକ୍ୟକୁ କୌଣସି ଭାବେ ଗୌଣ କରାଯିବା ଉଚିତ ନୁହେଁ। ବାସ୍ତବରେ ଭାରତୀୟଙ୍କ ପାଇଁ ଏହା କିପରି ଗୁରୁତ୍ୱ ବହନ କରୁଛି, ତାହା ବର୍ତ୍ତମାନ ପ୍ରଶ୍ନବାଚୀ ସୃଷ୍ଟି କରିଛିି। ସଂଖ୍ୟା ହିସାବକୁ ନିଆଗଲେ ଷଷ୍ଠ ବୃହତ୍‌ ଅର୍ଥନୀତି ହେଲେ ସୁଦ୍ଧା ଭାରତକୁ ଆହୁରି ଅନେକ ମାଇଲଖୁଣ୍ଟ ଅତିକ୍ରମ କରିବାକୁ ପଡ଼ିିବ ବୋଲି ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର କହିଛନ୍ତି। ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଆଶା ବାହାରେ ନୁହେଁ, ମାତ୍ର ଦେଶର ମୁଣ୍ଡପିଛା ଆୟ ଚିନ୍ତାର ବିଷୟ ବୋଲି ସେ ମତବ୍ୟକ୍ତ କରିଛନ୍ତି। କାରଣ ଫ୍ରାନ୍ସରେ ଏହା ୪୩,୭୨୦ ଡଲାର ହୋଇଥିବାବେଳେ ଭାରତରେ ମାତ୍ର ୭,୦୬୦ ଡଲାର ରହିଛି।...

ମଦ୍ୟପାନ: ନକଲ ଓ ଅକଲ

ମଦ୍ୟପାନ: ନକଲ ଓ ଅକଲ

ଡ. ରମେଶ ଚନ୍ଦ୍ର ପରିଡ଼ା: କଥାରେ କହନ୍ତି ”ନକଲରେ ଅକଲ“ ନ ଥାଏ। ଏଠାରେ ନକଲ କହିଲେ ବୁଝାଏ ଅନ୍ଧ ଅନୁକରଣକୁ। ଏଭଳି କରିବା ନିର୍ବୋଧତାର ପରିଚୟ ଦିଏ। ତେବେ ଆମେ ଅନେକେ ଅଧିକାଂଶ ସମୟରେ ତାହା କରୁ। ବଡ ବୋଲି ଭାବୁଥିବା କୌଣସି ଲୋକର ବାହ୍ୟ ଚାକଚକ୍ୟ ଦେଖି ତାକୁ ନକଲ କରୁ, ତାହାର ଭଲମନ୍ଦ ବିଚାର ନ କରି। ଆମ ସମାଜରେ ମଦ୍ୟପାନର ପ୍ରସାର ଘଟିଛି ଏବଂ ଘଟୁଛି ସେହିଭଳି କାରଣରୁ। ପ୍ରଥମେ ଆଭିଜାତ୍ୟରେ ବିଦେଶୀ ଶାସକଙ୍କ ସମକକ୍ଷ ହେବା ଲାଗି ଆମ ସମାଜର ତଥାକଥିତ ଉଚ୍ଚବର୍ଗର ଲୋକେ ତାଙ୍କୁ ଏଥିରେ ଅନୁକରଣ କଲେ। ଏବେ ତ ଆମେ ସମସ୍ତେ ନିଜକୁ ଆଭିଜାତ୍ୟସମ୍ପନ୍ନ ବୋଲି ଉପସ୍ଥାପିତ କରିବାରେ ବ୍ୟସ୍ତ। ସେଇଥିପାଇଁ ଏହା ବଢୁଛି। ପୁନଶ୍ଚ ଆଗେ ଆମେ ମଦ୍ୟପାନ କରୁଥିବା ଲୋକଙ୍କୁ ଘୃଣା କରୁଥିଲୁ। ଆଜିକାଲି ତାହା ନାହିଁ। ପକ୍ଷାନ୍ତରେ, ଆମ ଦୃଷ୍ଟିରେ ସେଲିବ୍ରିଟି ହୋଇଥିବା ବର୍ଗର ଲୋକଙ୍କ ଜୀବନଧାରାର ଏହା ଏକ ଅବିଚ୍ଛେଦ୍ୟ ଅଙ୍ଗ। ଆମେ ବି ତାଙ୍କୁ ନକଲ କରି ନିଜର ଗୁରୁତ୍ୱ ବଢାଇବାରେ ବ୍ୟସ୍ତ। ଏଥିପାଇଁ ଅକଲର ଦରକାର ପଡୁନାହିଁ।...

କାଳିଆ, ତୁ’ ସତରେ କାହାର

କାଳିଆ, ତୁ’ ସତରେ କାହାର

ଡ. ନରହରି ବେହେରା: ମୁଁ ଏଇଠି ଠିଆ ହେଇଚିରେ କାଳିଆ! ବଅସ ହଟିଲାଣି, ଆଖିକି ଭଲ ଦୁଶୁନି, ତଥାପି ତୋତେ ଦେଖିବି ବୋଲି ଦୌଡ଼ି ଆସିଛି। ହେଲେ ମୁଁ ତୋ ପାଖକୁ ଯାଇପାରୁନି। ମୁଁ ନ ଯାଇପାରିଲେ କ’ଣ ହେଲା, ତୁ କ’ଣ ମୋ ପାଖକୁ ଟିକିଏ ଆସିବୁନି? ନିଶ୍ଚୟ ଆସିବୁ। ହେଇ ତୁ ତ ରଥରେ ବସିଲୁଣି। ତୋର ସେଇ ଚକା ଚକା ଆଖି ଦି’ଟା ଦିଶିଲାଣି। ଆରେ, ମୋ ଆଡ଼େ ଟିକିଏ ନ ଚାହିଁ ସିଧା ସିଧା କୁଆଡ଼େ ପଳାଇ ଯାଉଛୁ, ମୋ ଆଖିର ଲୁହ ତୋତେ କ’ଣ ଦେଖାଯାଉନି? ଏ ବୁଢ଼ୀଟା ତୋତେ ବିକଳରେ ଚାହିଁଛି, ତୋ ହୃଦୟ ତରଳି ଯାଉନି? ହଁ ମୁଁ ବି ବାୟାଣୀ ହେଇଗଲିଣି। ତୁ କେତେବେଳେ କାହାର ଥିଲୁ ଯେ, ଆଜି ମୋର ହବୁ? ତୁ ତ ନଟନାଗର, ହଟିଆ କଳାକାର। ତୁ ଯାହାକୁ ଚାହିଁବୁ ତା’ ପାଖକୁ ଯିବୁ, ତୋତେ ଯିଏ ଯେତେ ଚାହିଁଲେ ବି ଯିବୁନି।...

ଏଇ ଭାରତରେ

ଏଇ ଭାରତରେ

ନିଜେ ପରିଷ୍କାର ରହିବା ସହିତ ପରିବେଶକୁ ନିର୍ମଳ ରଖିବା ଲାଗି ଆମ ଦେଶରେ କିଏ କେତେ ପ୍ରକାର ଉଦ୍ୟମ କରୁଛନ୍ତି। ଏହି ଉଦ୍ୟମର ଅଂଶ ସ୍ବରୂପ ଅହମଦାବାଦ୍‌ ମହାନଗର ନିଗମ (ଏଏମ୍‌ସି) ଅଧୀନରେ ଥିବା ପ୍ରାଥମିକ ସ୍କୁଲ୍‌ ପିଲାମାନଙ୍କର ମାସକୁ ଥରେ ମାଗଣା କେଶ କଟାଯିବ। ଏହା ‘ସ୍ବଚ୍ଛତା ଆଡକୁ ପାଦେ’ କାର୍ଯ୍ୟକ୍ରମର ଅଂଶବିଶେଷ। ଏଥିପାଇଁ ନିଗମ ଏକ ସ୍ବେଚ୍ଛାସେବୀ ସଂଗଠନ (ଇଣ୍ଟରନ୍ୟାଶନାଲ୍‌ ସ୍କୁଲ୍‌ ଅଫ୍‌ ଆସ୍‌ଥେଟିକ୍ସ ଆଣ୍ଡ୍‌ ସ୍ପା) ସହିତ ଚୁକ୍ତି ସ୍ବାକ୍ଷର କରିଛି।...

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ଆକାର ପଟେଲ ପାକିସ୍ତାନ ଅପେକ୍ଷା କରିଛି ତା’ର ପରବର୍ତ୍ତୀ ତ୍ରାଣକର୍ତ୍ତା ଦ୍ରୁତ ବୋଲର ଇମ୍ରାନ୍‌ ଖାନ୍‌ଙ୍କୁ, ଯିଏ କି ଚଳିତ ମାସରେ ହେବାକୁ ଯାଉଥିବା ନିର୍ବାଚନରେ ଜିତି ପ୍ରଧାନମନ୍ତ୍ରୀ ହେବାର ଯଥେଷ୍ଟ ସମ୍ଭାବନା ରହିଛି। ଦେଶର ସେନା ତଥା ପ୍ରଭାବଶାଳୀ ଅମଲାତନ୍ତ୍ରୀମାନେ ତାଙ୍କୁ ସମର୍ଥନ କରୁଥିବା ବେଳେ ଗଣମାଧ୍ୟମରେ ଏପରି ଖବର ପ୍ରକାଶ ପାଉଛି। କଶ୍ମୀରୀ ମୂଳ ପଞ୍ଜାବୀ ନେତା ନଓ୍ବାଜ ଶରିଫ ଗିରଫ ହୋଇ ଜେଲ ଯିବା ଏ ଦିଗରେ ଅନ୍ତିମ ପଦକ୍ଷେପ। ଖାନ୍‌ଙ୍କ ଦଳ ତେହରିକ୍‌ ଇ ଇନ୍‌ସାଫ ଖାଇବର ପାଖତୁନ୍‌ଖ୍ବା ଅଞ୍ଚଳରେ ମଜଭୁତ ଥିବା ବେଳେ ଶରିଫଙ୍କ ଦଳ ମଧ୍ୟ ଏ ଅଞ୍ଚଳରେ ବେଶ୍‌ ଶକ୍ତିଶାଳୀ ରହିଛି। ଦୁର୍ନୀତି ଓ ବିପୁଳ ସମ୍ପତ୍ତି ଠୁଳ ଅଭିଯୋଗରେ ଦୋଷୀ ସାବ୍ୟସ୍ତ ହୋଇ ଶରିଫ ଯଦି ଜେଲ ଯାଇ ନ ଥାନ୍ତେ ତେବେ ଗଣତାନ୍ତ୍ରିକ ଭାବେ ସଫଳତା ପାଇବା ଖାନ୍‌ଙ୍କ ...

ସେଇ ଆଖି ଦିଓଟି

ସେଇ ଆଖି ଦିଓଟି

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ ବଡ ରହସ୍ୟମୟ ସେଇ ଆଖି ଦିଓଟି। ବିଶ୍ୱାସ ଓ ବିଜ୍ଞାନର ଦ୍ୱନ୍ଦ୍ୱ ମଧ୍ୟରେ ସେଇ ଆଖି ଦିଓଟିର ଆକର୍ଷଣ ଯେମିତି ଅଭିନବ, ସେମିତି ଅବୋଧ୍ୟ। କାଳ କାଳ ଧରି ଏହା ଆକର୍ଷିତ କରିଆସିଛି ବିଶ୍ୱର ଅଗଣିତ ମଣିଷଙ୍କୁ। ଜାତି, ଧର୍ମ, ବର୍ଣ୍ଣ, ଲିଙ୍ଗ ବା ବୟସ ନିର୍ବିଶେଷରେ ବିମୋହିତ କରିଛି ମୂର୍ଖଙ୍କଠାରୁ ପଣ୍ଡିତଙ୍କ ଯାଏଁ, ଧନୀଙ୍କଠୁ ନିର୍ଦ୍ଧନଙ୍କ ପର୍ଯ୍ୟନ୍ତ। ସେଇ ଆଖି ଦିଓଟି ସହ ନିଜ ନିଜର ଆଖି ମିଶାଇବା ପୂର୍ବରୁ ଅବଶ୍ୟ ଅଭିଳାଷରେ ଅତିଷ୍ଠ ହୋଇଛନ୍ତି ସଭିଏଁ ଓ ଚାରିଚକ୍ଷୁର ମିଳନ ପରେ ଅମୃତମୟ ଅନୁଭବରେ ବିଭୋର ହୋଇଛନ୍ତି ସମସ୍ତେ।...

ଅନନ୍ୟ ବିଚାରକ

ଅନନ୍ୟ ବିଚାରକ

ବ୍ୟକ୍ତିତ୍ୱ/ଜିତେନ୍ଦ୍ର ବିଶିଷ୍ଟ ସ୍ଥପତି ରଘୁନାଥ ମହାପାତ୍ର, ଶାସ୍ତ୍ରୀୟ ଶିଳ୍ପୀ ସୋନାଲ ମାନ୍‌ସିଂ, ପୂର୍ବତନ ଏମ୍‌ପି ରାମ ଶକଲ ଏବଂ ରାଷ୍ଟ୍ରୀୟ ସ୍ବୟଂସେବକ ସଂଘ (ଆର୍‌ଏସ୍‌ଏସ୍‌) ବିଚାରକ ତଥା ଦିଲ୍ଲୀ ବିଶ୍ୱବିଦ୍ୟାଳୟ ପ୍ରଫେସର ରାକେଶ ସିହ୍ନାଙ୍କୁ ୨୦୧୮ ଜୁଲାଇ ୧୪ରେ ରାଷ୍ଟ୍ରପତି ରାମନାଥ କୋବିନ୍ଦ ରାଜ୍ୟ ସଭାକୁ ମନୋନୀତ କରିଛନ୍ତି। ପ୍ରତ୍ୟେକ ନିଜ କ୍ଷେତ୍ରରେ ଉତ୍ତମ ପାରଦର୍ଶିତା ଦେଖାଇ ସାରିଛନ୍ତି। ତେବେ ବିଚାରଗତ ଆଦର୍ଶ ଓ ଶିକ୍ଷା କ୍ଷେତ୍ରରେ ଉତ୍କର୍ଷ ଲାଭ କରି ଚର୍ଚ୍ଚିତ ...

ଏଇ ଭାରତରେ

ଏଇ ଭାରତରେ

ସରକାରୀ ସ୍କୁଲର କେତେକ ଛାତ୍ର ଘରୋଇ ସ୍କୁଲ୍‌ମୁହଁା ହେଉଥିବା ବେଳେ ସେମାନଙ୍କୁ ଏଥିରୁ ନିବୃତ୍ତ କରିବା ପାଇଁ ବିଭାଗୀୟ କର୍ତ୍ତୃପକ୍ଷ ଏକ ଅଭିନବ ଉପାୟ ଆପଣାଇଛନ୍ତି। କର୍ନାଟକସ୍ଥିତ ମହୀଶୂର ଜିଲାର ନାଞ୍ଜାନଗୁଡ ତାଲୁକ ଅଧୀନ ଏକ ସରକାରୀ ସ୍କୁଲ କାନ୍ଥକୁ ଟ୍ରେନ୍‌ ଭଳି ଚିତ୍ରିତ କରାଯାଇଛି। ଏହାକୁ ଏକ ନୂଆ ରୂପ ଦେବାଦ୍ୱାରା ପିଲା ଓ ଅଭିଭାବକଙ୍କ ଦୃଷ୍ଟିଭଙ୍ଗୀ ବଦଳିଯିବ ବୋଲି ବ୍ଲକ୍‌ ଶିକ୍ଷା ଅଧିକାରୀ ଏମ୍‌. ନାରାୟଣ ପ୍ରକାଶ କରିଛନ୍ତି। ପ୍ରଥମରୁ ...

Model This Week

ରୂପେଶ