ସମ୍ପାଦକୀୟ |

ଆସ ଖାଇବା ‘ରସଗୋଲା’

ଆସ ଖାଇବା ‘ରସଗୋଲା’
ଅରବିନ୍ଦ ଦାସ ଓଡ଼ିଆ ସିନେ ନିର୍ଦ୍ଦେଶକ ତଥା ବନ୍ଧୁ ବିଜୟର ପ୍ରସ୍ତାବ ଶୁଣି ଆଶ୍ଚର୍ଯ୍ୟ ହୋଇଗଲି। ମୋ ଆଗାମୀ ଫିଲ୍ମର ନାଁ ହେଉଛି ‘ରସଗୋଲା’ ଓ ତୁ ଏହାର ହିରୋ ହେବୁ। ହିରୋ ! ମୁଁ? ପୁଣି ଏମିତିକା ନାଁର ସିନେମାରେ! ମୋ ମୁହଁକୁ ବିସ୍ମୟରେ ଚାହିଁ କହିଲା, କାହିଁକି ନୁହେଁ? ତୁ ତ ଟିଭି ସିରିଏଲ ଓ ମଞ୍ଚରେ ଅଭିନୟ କରୁଛୁ। ସିନେମାରେ ବ୍ରେକ୍‌ ଦେବା ପାଇଁ କେବେଠୁ କହୁଥିଲୁ। ରସଗୋଲା ବର୍ତ୍ତମାନ ଏକଦମ ହଟ୍‌ ଟପିକ୍‌। ‘ବାଂଲା ରସଗୋଲା’ ପଶ୍ଚିମବଙ୍ଗର ବୋଲି ଜିଆଇ ଟ୍ୟାଗ୍‌ ମିଳିବାରୁ ଓଡ଼ିଶାର ନିଦ ଭାଙ୍ଗିଛି। ଆନ୍ଦୋଳନ ହୁଏତ ହେବ। ମାସେ ଭିତରେ ସିନେମା କରି ବଡ଼ଦିନ/ନୂଆବର୍ଷ ସମୟରେ ରିଲିଜ୍‌ କରିଦେବା। ଏକଦମ୍‌ ସୁପର ଡୁପର ହିଟ୍‌ ହେବ। ଦି’ଟା ଗୀତ ବି କାଲି ରେକର୍ଡିଙ୍ଗ୍‌ କରିଦେଇଛୁ ସଙ୍ଗୀତକାର ସତ୍ୟଜିତ୍‌ ମଜୁମଦାରଙ୍କ ସହ। ଜବରଦସ୍ତ ଲିରିକ୍‌- ‘ବାରି କବାଟ ମୋର ଠିଆ ମେଲା, ଚାଲିଆ ଗୋରୀ ଖାଇବୁ ରସଗୋଲା।’ ଆଉ ଗୋଟେ ଗୀତ ହେଲା- ‘ବୋପା ତୋର କ’ଣ କଲା, ନେଇଗଲା ଆମ ରସଗୋଲା।’ ଗୋଟାଏ ରାତି ଭିତରେ ଗୀତ ବି ସରିଲାଣି? ମୋ ମୁହଁରେ ଚିନ୍ତାର ରେଖା ସବୁ ଦେଖି ସହକାରୀ ନିର୍ଦ୍ଦେଶକ କାର୍ତ୍ତିକ ସାହୁ କହିଲେ, କିଛିଦିନ ତଳେ ଜଣେ ବାବା ଉପରେ ଓ ଜଣେ ସିନେ କଳାକାର ଜୀବନ ଉପରେ ମାସେ ଭିତରେ ସିନେମା କରି ରିଲିଜ୍‌ କରିଥିଲୁ। ଏବେ ତିନିଟା ଚ୍ୟାନେଲରେ ଆପଣଙ୍କ ସିରିଏଲ ହିଟ୍‌ ହୋଇଛି ବୋଲି ଆପଣଙ୍କୁ ହିରୋ କରାଯାଉଛି। ଏ ସୁଯୋଗ ହାତଛଡା କରନ୍ତୁନି। ବଡ଼ ବଡ଼ କଳାକାର ଅନେଇ ବସିଛନ୍ତି। ହେଲେ ସାର୍‌ ଚାହାନ୍ତି ଏକ ନୂଆ ମୁହଁ। ଛେପ ଢୋକି କହିଲି, ”କିଛି ଫ୍ୟାମିଲି କିମ୍ବା ଆକ୍ସନ୍‌ ଫିଲ୍ମ ହୋଇଥିଲେ ଭଲ ହୋଇଥାନ୍ତା। ଡେବ୍ୟୁ ସିନେମା ମୋର।“ ଷ୍ଟୋରିଟା ଶୁଣ। ହିରୋଇନ୍‌ ବଙ୍ଗାଳି ଝିଅ। ଆକ୍ସନ୍‌, ଡ୍ରାମା, ପୁନର୍ଜନ୍ମ, ରିଭେଞ୍ଜ ସବୁ ଅଛି। ଓଡ଼ିଆ ପୁଅ ରସିକ(ରସ) ଓ ବଙ୍ଗାଳି ଝିଅ ଗୋଲାପ(ଗୋଲା)ଙ୍କ ପ୍ରେମକାହାଣୀ ଉପରେ ସିନେମା। ପୁଅ ବାପା ଓ ଝିଅ ବାପା ଉଭୟେ ରସଗୋଲା ଦୋକାନୀ। ପୁରୀରେ ଉଭୟଙ୍କ ଦେଖା ଓ ପ୍ରେମ। ରସଗୋଲା ପାଇଁ ଦୁଇ ରାଜ୍ୟ ଭିତରେ ଲଢେଇ ହେଉଛି। ସେଇ ଦୋକାନୀ ହିଁ ବାଦ କରୁଛନ୍ତି ଜିଆଇ ଟ୍ୟାଗ୍‌ ପାଇଁ। ଦୁଇ ପ୍ରେମୀ ଅଲଗା। ଆନ୍ଦୋଳନ ସମୟରେ ହିରୋ, ହିରୋଇନ ମରିଯାଇଛନ୍ତି। ଉଭୟ ରାଜ୍ୟ ସୀମାରେ ମିଠା ସପ୍ଲାଇ ବନ୍ଦ ହୋଇଛି। ହିରୋ ମରିଯିବ? ମୋ ରୋଲ ଏତିକି? ଏକ ରହସ୍ୟମୟ ହସ ହସି ବିଜୟ କହିଲା, ଏଇଠି ହିଁ କାହାଣୀର ମୋଡ଼। ହିରୋ, ହିରୋଇନ୍‌ଙ୍କ ଡବଲ ରୋଲ। ପୁନର୍ଜନ୍ମ। ଟିକିଏ ଦମ୍‌ ନେଇ ବିଜୟ ପୁଣି କହିଲା, ଆମେ ଦେଖାଇବା ରସଗୋଲା ଓଡ଼ିଶାର, ଭାଣ୍ଡ ବେଙ୍ଗଲର। ଏବେ ବସିଥାନ୍ତୁ ଭାଣ୍ଡ ଧରି, ଏଠୁ ଗଲେସିନା ଭାଣ୍ଡ ପୂରିବ। ଛେନାପୋଡ଼, ରସାବଳୀ, ତାଡ଼ିଆ, ମୋହନଭୋଗ ଆମର ହଜାରେ ପ୍ରକାର ଛେନା ମିଠା ଆହୁରି ଅଛି। ତେବେ ଆମ ହିରୋ କି ଛାଡିବ? କ୍ଲାଇମାକ୍ସରେ ଆମ ହିରୋ, ମାନେ ତୁ, ପାହାଳ ଓ ସାଲେପୁର ରସଗୋଲା ମାରି ମାରି ସବୁ ଗଣ୍ଡଗୋଳ ଭିଆଇଥିବା ଗୁଣ୍ଡାଙ୍କୁ ନିପାତ କରିଦେବୁ। ହିରୋଇନ୍‌ର ଦେହ ହଠାତ୍‌ ବହୁତ ଖରାପ ହୋଇଯାଇଛି। ବଞ୍ଚିବାର ଚାନ୍‌ସ ନାହିଁ ଡାକ୍ତର କହିଛି। ହିରୋ ତାକୁ ପୁରୀ ନେଇଆସିଛି। ରଥଯାତ୍ରା ପରେ ନୀଳାଦ୍ରିବିଜୟ ଦିନ ଜଗନ୍ନାଥ ମନ୍ଦିର ସାମ୍ନାରେ ହିରୋ ହିରୋଇନକୁ ଆମ ରସଗୋଲା ଖୋଇଦେଇଛି। ହିରୋଇନ ସୁସ୍ଥ ହେଉଛି। ଓଡ଼ିଆ ରସଗୋଲା ମାଳ ପିନ୍ଧାଇ ବଡ଼ଦାଣ୍ଡରେ ହିରୋ ହିରୋଇନକୁ ବାହା ହେଉଛି ଓ ସେ ହିରୋ କଲିକତା ମିଠା ଦୋକାନ ମାଲିକ ବି ହୋଇଛି। ବାସ୍‌ ଶେଷରେ ଭାଇଚାରାର ମେସେଜ୍‌। ବିଜୟ ମୋ ପାଟିରେ ଗୋଟେ ରସଗୋଲା ଭର୍ତ୍ତି କରି କହିଲା- ଏଇଟା ତୋର ସାଇନିଙ୍ଗ ଆମାଉଣ୍ଟ। ମୋ ପାଟିରୁ କଥା ବାହାରୁ ନ ଥିଲା। ଭାବୁଥିଲି ଏମିତି କ’ଣ ସମ୍ଭବ ? ମୋ ଭାବନାର ଅନ୍ତ କରି କାର୍ତ୍ତିକ ବାବୁ ବିଜୟକୁ ପଚାରିଲା, ସାର୍‌, ସିନେମାଟାକୁ ବଙ୍ଗଳାରେ ଡବିଙ୍ଗ କରି ଦ୍ୱିଭାଷୀ ରିଲିଜ୍‌ କଲେ ? ବଢିଆ କଂଟ୍ରୋଭର୍ସି ହୁଅନ୍ତା। ଜୋର୍‌ରେ କାଶ ହେଲା ମୋର, ରସଗୋଲାଟା ତଣ୍ଟିରେ ଅଟକିଗଲା ବୋଧହୁଏ। ବିଶାଖାପାଟଣା, ମୋ- ୦୯୧୭୭୬୦୫୧୦୫
All Right Reserved By

ସମ୍ପାଦକୀୟ |

ସମ୍ପାଦକୀୟ/ ଚୋକ୍‌ସିଙ୍କ ପଥ

ସମ୍ପାଦକୀୟ/ ଚୋକ୍‌ସିଙ୍କ ପଥ

ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି) ସ୍କାମ୍‌ ପ୍ରାୟ ବର୍ଷେ ପୂରଣ କରିବାକୁ ଯାଉଛି। ଇତିମଧ୍ୟରେ ଏହାର ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ମୋଦି ଓ ତାଙ୍କ ମାମୁ ମେହୁଲ ଚୋକ୍‌ସିଙ୍କୁ ଭାରତ ପ୍ରତ୍ୟର୍ପଣ କରାଯାଇପାରିଲା ନାହିଁ। ଚୋକ୍‌ସି ଆଣ୍ଟିଗୁଆ ନାଗରିକତ୍ୱ ଗ୍ରହଣ କରିସାରିଥିବାରୁ ୨୦୧୯ ଜାନୁୟାରୀ ୨୧ରେ ଭାରତୀୟ ପାସ୍‌ପୋର୍ଟ ସମର୍ପଣ କରିଦେଇଛନ୍ତି। ଭାରତୀୟ ବୈଦେଶିକ ନୀତି ଅନୁଯାୟୀ, ଯେତେବେଳେ ଜଣେ ନାଗରିକ ଅନ୍ୟ ଦେଶର ..

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ

୨୦୧୯ ବର୍ଷର ଶେଷ ‘ମନ୍‌ କି ବାତ୍‌’ରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ, ନକାରାତ୍ମକତାର ପ୍ରସାର କରିବା ଅତି ସହଜ କିନ୍ତୁ ଲୋକେ ସକାରାତ୍ମକତାର ପ୍ରସାର ପାଇଁ ଆଗେଇ ଆସିବା ଦରକାର। ପ୍ରଧାନମନ୍ତ୍ରୀଙ୍କ ଭଳି ନେତୃସ୍ଥାନୀୟ ବ୍ୟକ୍ତି ଏଭଳି ସକାରାତ୍ମକତାର ବିଚାର ଦେବା ଅନେକ ଆଶା ଉଦ୍ରେକ କରାଏ। ଏହି ନିର୍ବାଚନୀ ଋତୁରେ ପ୍ରଧାନମନ୍ତ୍ରୀ ‘ମନ୍‌ କି ବାତ୍‌’ରେ ରଖିଥିବା ବିଚାରକୁ ନିଜ ଆଚାରରେ ପରିଣତ କରିପାରିଲେ ତାହା ସକାରାତ୍ମକତାର ଉଦାହରଣ ସୃଷ୍ଟିକରିବ। ନିଜ ବିଚାରକୁ ଆଚାରରେ ପରିଣତ କରି ବିରୋଧୀଙ୍କୁ ଟାହିଟାପରା କରିବାର ପ୍ରବୃତ୍ତିରୁ ନିଜକୁ ଦୂରେଇ ବା ବିରୋ..

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ଡ. ପ୍ରଫୁଲ୍ଲ କୁମାର ସାହୁ

ଉଚ୍ଚଶିକ୍ଷିତ ଭାରତୀୟଙ୍କ ପକ୍ଷରେ ଯେତେବେଳେ ଆଇସିଏସ୍‌ ଚାକିରି ଥିଲା ଶ୍ରେଷ୍ଠ ସଫଳତା, ସେତେବେଳେ ସୁଭାଷ ବୋଷ ଥିଲେ ପ୍ରଥମ ଭାରତୀୟ, ଯିଏ ଆଇସିଏସ୍‌ ପରୀକ୍ଷାରେ ସଫଳତା ଅର୍ଜନ କରି ମଧ୍ୟ ତାହାକୁ ପାଦରେ ଏଡ଼େଇ ଦେଇ କେମ୍ବ୍ରିଜ୍‌ରୁ ସ୍ବଦେଶ ଫେରି ଆସିଥିଲେ ଦେଶମାତୃକାକୁ ସ୍ବାଧୀନ କରିବାର ଦୃଢ଼ ସଂକଳ୍ପ ନେଇ। ସିଧାସଳଖ ବମ୍ବେରେ ମହାମତ୍ା ଗାନ୍ଧୀଙ୍କୁ ସାକ୍ଷାତ କରି (୨୦ଜୁଲାଇ ୧୯୨୧) ସେ କଂଗ୍ରେସରେ ଯୋଗଦେଲେ ଏବଂ..

ଏଇ ଭାରତରେ

ଏଇ ଭାରତରେ

ଦେଶର ବିଭିନ୍ନ ରାଜ୍ୟରେ ବିବାହକୁ ନେଇ ରହିଛି ଭିନ୍ନ ଭିନ୍ନ ପରମ୍ପରା। ବିବାହ ବେଳେ କନ୍ୟା ଓ ବର ଅଗ୍ନିକୁ ସାକ୍ଷୀ ରଖି ସାରା ଜୀବନ ଲାଗି ସାଥୀ ହୋଇଥାଆନ୍ତି। ତେବେ ରାଜସ୍ଥାନର ଶ୍ରୀମାଲୀ ସମ୍ପ୍ରଦାୟରେ ଏକ ଭିନ୍ନ ପରମ୍ପରା ଦେଖିବାକୁ ମିଳେ। ବିଭାଘର ବେଳେ ବର କନ୍ୟାକୁ କୋଳରେ ଧରି ଅଗ୍ନି ଚାରିପାଖରେ ସାତଥର ପ୍ରଦକ୍ଷିଣ କରିଥାଆନ୍ତି। ପୁରାଣରେ ଉଲ୍ଲେଖ ରହିଛି ପ୍ରଭୁ ଶ୍ରୀକୃଷ୍ଣ ରୁକ୍ମିଣୀଙ୍କୁ ବିବାହ କରିବା ସମୟରେ ବିଘ୍ନ ..

ସମ୍ପାଦକୀୟ/କୃଷି ଆଗ

ସମ୍ପାଦକୀୟ/କୃଷି ଆଗ

ଆଜିର ସ୍ଥିତି ଦେଖିଲେ ୨୦୧୪ରେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ପ୍ରତିଶ୍ରୁତି ଆଦୌ ପୂରଣ କରିନାହାନ୍ତି। ଉଚ୍ଚାଙ୍ଗ ସ୍ବରରେ ‘ସମସ୍ତଙ୍କୁ ସାଙ୍ଗରେ ନେଇ ବିକାଶ’ କଥା କହୁଥିଲେ ମଧ୍ୟ ତା’ର ଫଳ ଶୂନ ହୋଇଛି। ବିଶେଷକରି ସାମାଜିକ ଓ ଅର୍ଥନୈତିକ ଦିଗରୁ ତାଙ୍କ ଶାସନ ସମୟରେ ଦେଶର ଅଧିକ କ୍ଷତି ଘଟିଛି। ଅସହିଷ୍ଣୁତା, ମିଛିମିଛିକା ଦେଶପ୍ରେମ ଓ ବିଭାଜନ ରାଜନୀତି ସାମାଜିକ ବାତାବରଣକୁ ଘୋର ପ୍ରଭାବିତ କରିଛି। ଏକ ଉତ୍ତମ ଶାସନ ଜରିଆରେ ଭାରତୀୟ ଅର୍ଥନୀତିକୁ ନୂଆ ଦିଗ ଦେଖାଇଦିଆଯିବ ବୋଲି କୁହାଯାଇଥିଲେ ମଧ୍ୟ ତା’ର ସୁଫଳ ଲୋକେ ପାଇପାରିନାହାନ୍ତି। ଏହା ଜଣାଶୁଣା ଯେ, ମୋଦିଙ୍କ ଶାସନ ସମୟରେ କର୍ପୋରେଟ ପ୍ରୀତି ବଢ଼ିଛି..

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

ସହଦେବ ସାହୁ

ଜାତିସଂଘର ଖାଦ୍ୟ ଓ କୃଷି ସଂସ୍ଥା (ଏଫ୍‌ଏଓ) ସହିତ କାର୍ଯ୍ୟ କରୁଥିବା କ୍ଷୁଧା ଓ କୁପୁଷ୍ଟି ବିରୋଧୀ ଅନ୍ତର୍ଜାତୀୟ ସଂଗୋଷ୍ଠୀ (ଇଣ୍ଟରନ୍ୟାଶନାଲ ଆଲାଏନ୍ସ ଏଗେଁଷ୍ଟ ହଙ୍ଗର ଆଣ୍ଡ ମାଲନ୍ୟୁଟ୍ରିଶନ୍‌) କୃଷି କ୍ଷେତ୍ରରେ ଭାରତର ଅଭୂତପୂର୍ବ ବିକାଶକୁ ପ୍ରଶଂସା କରିଛି। ୧୯୫୦-୫୧ରେ ଭାରତରେ ଖାଦ୍ୟଶସ୍ୟ ଉପତ୍ାଦନ ପରିମାଣ ୫ କୋଟି ଟନ୍‌ ଥିବାବେଳେ ୨୦୧୬-୧୭ରେ ୨୭ କୋଟି ୨୦ ଲକ୍ଷ ଟନ୍‌ ହୋଇଛି, ପ୍ରାୟ ୫ଗୁଣ। ଲୋକସଂଖ୍ୟା ବଢ଼ିଛି ୪ ଗୁଣ। ତେଣୁ ଖାଦ୍ୟ-ଅଭାବୀ ପରିସ୍ଥିତିକୁ ପଛରେ ପକାଇ ଭାରତ ଏକ ଖାଦ୍ୟ ରପ୍ତାନିକାରୀ ରାଷ୍ଟ୍ର ହୋଇଗଲାଣି। ତଥାପି ଭାରତରେ କ୍ଷୁଧା ଓ କୁପୁଷ୍ଟି କାରଣରୁ ଏକଚତୁର୍ଥାଂଶ ଲୋକ କାର୍ଯ୍ୟକ୍ଷମ ହୋଇପାରୁ ନାହା..

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ..

ଏଇ ଭାରତରେ

ଏଇ ଭାରତରେ

କାହିଁ କେଉଁ ଆଦିମ କାଳରୁ କୁକୁର ହେଉଛି ମଣିଷର ସାଥୀ। ଏହି ପ୍ରାଣୀ ମଣିଷର ଅତ୍ୟନ୍ତ ବିଶ୍ୱସ୍ତ ଭୃତ୍ୟ ଭାବରେ କାର୍ଯ୍ୟ କରେ। ଏପରି କି ମାଲିକର ଲୁଣ ଖାଇବାରୁ ତା’ର ଗୁଣ ଗାଏ। ମାଲିକର ଜୀବନ ବଞ୍ଚାଇବାକୁ ଯାଇ ଦରକାର ପଡ଼ିଲେ ନିଜ ଜୀବନ ହାରିଦିଏ। ଏପରି ଏକ ଘଟଣା ଘଟିଛି ଜୟପୁରରେ। ରାଜସ୍ଥାନର ଜୟପୁରରେ ବାସ କରୁଥିବା ପୂର୍ବତନ ରଣଜୀ ଖେଳାଳି ସଞ୍ଜୀବ ଓହଲାନ୍‌ଙ୍କ ବାସଭବନରେ ନିଆଁ ଲାଗିଯାଇଥିଲା। ତଳ ମହଲାରେ ତାଙ୍କ ସ୍ତ୍ରୀ, ପୁଅ ଓ ଚାକରକୁ ଉଦ୍ଧାର କରାଯାଇଥିଲେ ମଧ୍ୟ ନିଆଁ ଲାଗିବା ଯୋଗୁ ସଞ୍ଜୀବ..

ମୋଦି: ସବୁଥିରେ ଆଙ୍ଗୁଠି

ମୋଦି: ସବୁଥିରେ ଆଙ୍ଗୁଠି

ସ।ଧାରଣ ନିର୍ବାଚନ ଯେତେ ନିକଟତର ହେଉଛି, ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଲାଣି। ଜାନୁୟାରୀ ୧୯ରେ କୋଲକାତାରେ  ବିରୋଧୀଙ୍କ ରାଲିର କଳେବର ଦେଖିଲେ ମହାଗଠବନ୍ଧନ ଶକ୍ତିଶାଳୀ ହେଉଥିବା ମନେହେଉଛି। 

ସବୁଜ ପରିବହନ ବ୍ୟବସ୍ଥା

ସବୁଜ ପରିବହନ ବ୍ୟବସ୍ଥା

 ବିଶ୍ୱ ସ୍ବାସ୍ଥ୍ୟ ସଂସ୍ଥାର ଏକ ରିପୋର୍ଟରୁ ଜଣାଯାଏ ଯେ, ଭାରତରେ ଅଧିକାଂଶ ସହର ବାୟୁ ପ୍ରଦୂଷଣ ଦ୍ୱାରା ଆକ୍ରାନ୍ତ। ଏପରି କି ପୃଥିବୀର ସବୁଠାରୁ ଅଧିକ ପନ୍ଦରଟି ସହର ମଧ୍ୟରେ ଭାରତର ଚଉଦଟି ସହର ଅଛି। ସବୁଠାରୁ ପ୍ରଦୂଷିତ ସହର ହେଉଛି କାନପୁର। 

ବାସିପାଣିରେ ପଚରା

ବାସିପାଣିରେ ପଚରା

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଏଇ ଭାରତରେ

ଏଇ ଭାରତରେ

ଭଲ ପାଇବାର ହୃଦୟଟିଏ ଥିଲେ କେତେକ ପୁରୁଷ ଓ ମହିଳା ଅତିକ୍ରାନ୍ତ ବୟସରେ ବି ଭଲପାଇ ବସନ୍ତି। ତେବେ ଭଲ ପାଇବା ପାଇଁ ଜଣେ ବିବାହିତା ମହିଳା ଏକ ଅଭିନବ ପନ୍ଥା ଆପଣାଇଥିଲେ।