ସମ୍ପାଦକୀୟ |

ଗଳ୍ପ ଗୋଲାପର

ଗଳ୍ପ ଗୋଲାପର
ପ୍ରକାଶ କୁମାର ସିଂହ କଣ୍ଟାର ଆଘାତ ସହିଯାଇ ହୁଏ ଗୋଲାପ ତୋଳିଲା ବେଳେ; ବିରହର କଷ୍ଟ ଭୁଲିଯାଇ ହୁଏ ପ୍ରିୟାକୁ ପାଇଲେ କୋଳେ।“ ଏ ଦୁଇ ମନଛୁଆଁ ଧାଡି କେଉଁ ଶାଏରୀର କେଜାଣି... କେଉଁ ଦରଦୀ ପ୍ରେମିକର ପ୍ରାଣ ପ୍ରେମିକାର ପ୍ରେମମନସ୍କ ହୋଇଉଠିଛି ଯେ ଲେଖିଦେଇଛି ଏମିତି ଅନାବନା ଗୀତଟିଏ। ସତରେ ଆଜ୍ଞା ଗୋଲାପର ସ୍ବର୍ଗୀୟ ସୁଷମା ମତୁଆଲା କରେ ସଭିଙ୍କୁ। ପ୍ରେମିକଟିଏ ହେଉ ବା ପ୍ରେମିକାଟିଏ କାହିଁକି ଯେ ଦୁର୍ବଳ ହୋଇପଡେ ଏଇ ପ୍ରୀତିଭରା ଏକ ଗୋଲାପ ପାଖରେ ମନସ୍ତତ୍ତ୍ୱବିତ୍‌ମାନେ ମଧ୍ୟ ତା’ର କାରଣ ଖୋଜି ପାଇନାହାନ୍ତି। ଏତେ ଫୁଲ ଥାଉ ଥାଉ ଦୁନିଆରେ କାହିଁକି ଏଇ ଗୋଲାପ ଲେଖିଚାଲିଛି ଗଳ୍ପ ହୃଦୟର, ପ୍ରଣୟର ଓ ପ୍ରୀତିର। କାହିଁକି ଗୋଲାପ କରୁଛି ଆନମନା? କାହିଁକି ଗୋଲାପଫୁଲର ଉପହାର ତିଆରି କରୁଛି ନୂଆ ସମ୍ପର୍କର ପରିଭାଷା, କାହିଁକି ଗୋଲାପ ପାଲଟୁଛି ମିଠା ମିଠା ଦୋସ୍ତିର ଦସ୍ତାବିଜ? ଆଉ କାହିଁକି ଗୋଲାପୀ ରଙ୍ଗର ଶାଢି, ଚୁଡି, କୁଙ୍କୁମ ପାଲଟୁଛି ପ୍ରେମିକାର ପେଡିସଜ। ଧନ୍ୟରେ ଗୋଲାପ... ଧନ୍ୟ ତୋର ଜନ୍ମ ଏ ମହୀରେ। ଗୋଲାପ ତା’ର ରଙ୍ଗର ରୋଶଣିରେ କାବୁ କରିଛି ସାଧାରଣ ମଣିଷକୁ, ହାଲ୍‌କା ମିଠା ସୁରଭିରେ ପ୍ରଲୋଭିତ କରିଛି ସମ୍ରାଟ୍‌କୁ। କିଏ ଫୁଲଦାନିରେ ରଖି ସୌନ୍ଦର୍ଯ୍ୟକୁ ଆସ୍ବାଦନ କରିଛି ତ କିଏ ଛାତି ପକେଟରେ ରଖି ସାଜିଛି ରସିକନାଗର। ଗୋଲାପପ୍ରେମୀ ଆମ ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ନେହେରୁ ଗୋଲାପ କଢ ଭଳି ଛୋଟ ଛୋଟ ଶିଶୁଙ୍କୁ କୋଳେଇ ନେବାରେ ଅସୀମ ଆନନ୍ଦ ଲାଭ କରିଛନ୍ତି। ନିଜ ଜନ୍ମଦିନକୁ ଶିଶୁମାନଙ୍କ ପାଇଁ ଉତ୍ସର୍ଗ କରି ଦେଇଛନ୍ତି। ଚାଚା ନେହେରୁ ପିଲାମାନଙ୍କଠୁ ଏକ ଏକ ଗୋଲାପ ଫୁଲ ଗ୍ରହଣକରି ସେମାନଙ୍କର ସୁରକ୍ଷିତ ଭବିଷ୍ୟତ ପାଇଁ ଚିନ୍ତା କରୁଥିଲେ। ମାତ୍ର ସ୍ବାଧୀନତାର ସତୁରିବର୍ଷରେ ବି ଏଇ ଛୋଟ ଛୋଟ ଗୋଲାପ ଫୁଲମାନଙ୍କ ଜୀବନ ଦଳିହୋଇଯାଉଛି କେଉଁ କାମାତୁର ଲମ୍ପଟ ହାତରେ ତ ଆଉ କେଉଁ ନିଷ୍ଠୁର ମାନବିକତାହୀନ ଠିକାଦାରର କବ୍‌ଜାରେ। ମାତୃପିତୃହୀନ ଅନାଥ ଶିଶୁ କେଉଁଠି ଭୋଗୁଛି ଯମଯନ୍ତ୍ରଣା ବନ୍ଦୀ ହୋଇ କାହାର ନିବୁଜ କକ୍ଷରେ। ଅନ୍ଧବିଶ୍ୱାସର ବଶବର୍ତ୍ତୀ ହୋଇ କିଏ ଦେଉଛି ଚେଙ୍କ ତ ଆଉ କିଏ ଚଢ଼ଉଛି ବଳି କୋଉ ମନ୍ଦିରରେ ନିଜ କାମନାବାସନାର ପରିପୂରଣ ପାଇଁ। ଗୋଟିଏ ପୁତ୍ରପ୍ରାପ୍ତି ଆଶାରେ ମାନବରୂପୀ ଦାନବ ନଷ୍ଟ କରୁଛି କେତେକେତେ କନ୍ୟାଭ୍ରୂଣ ଅମାନୁଷିକ ଭାବରେ। ଗୋଲାପ କଳି ତେଣୁ ଏବେ ଚିତ୍କାର କରୁଛି... ଖୋଜୁଛି ମୁକ୍ତି। ବିଳପି ବିଳପି କାନ୍ଦୁଛି। କେବଳ ଗୋଲାପର ବିନିମୟ ଯଥେଷ୍ଟ ନୁହେଁ। ଭଲପାଇବାକୁ ଶାଶ୍ୱତ କରିବା ପାଇଁ ପ୍ରେମୀଯୁଗଳଙ୍କ ମନରେ ପ୍ରତିବଦ୍ଧତା ରହିବା ଆବଶ୍ୟକ। ନଚେତ୍‌ ପ୍ରେମର ଗୋଲାପ ମଉଳିଯିବ। ଝଡିପଡିବ ତା’ର ସ୍ନିଗ୍ଧ ପାଖୁଡା ସବୁ। ପ୍ରେମର ଆରମ୍ଭ ବଡ କଥା ନୁହେଁ ଏହାକୁ ବଜାୟ ରଖିବା ବଡକଥା। ପ୍ରେମ ଗୋଲାପୀ ରଙ୍ଗରେ ମନକୁ ରଙ୍ଗିନ କରୁ, ପ୍ରେମ ମଧୁର ରସରେ ଜୀବନକୁ ମଧୁମୟ କରୁ। ‘ଲାଇଫ୍‌ ଇଜ୍‌ ନଟ୍‌ ଏ ବେଡ୍‌ ଅଫ୍‌ ରୋଜେସ୍‌’- ଜୀବନ ଗୋଲାପର ଶେଯ ନୁହେଁ। ଏ ଜୀବନରେ ଅନେକ ଦୁଃଖଯନ୍ତ୍ରଣା, ବାଧାବିଘ୍ନ, ଜୟ ପରାଜୟକୁ ସାମ୍ନା କରିବାକୁ ପଡେ। ପ୍ରତିକୂଳ ପରିସ୍ଥିତି ସାଙ୍ଗରେ ଲଢେଇ କରି ବିଜୟମୁକୁଟ ପିନ୍ଧିବାରେ ହିଁ ପ୍ରକୃତ ଆନନ୍ଦ ଥାଏ। ଗୋଲାପ ଜଗାଏନି କେବଳ ଭାବୁକ ମନରେ ମିଠା ଭାବନା, ଆଣିଦିଏ ବଞ୍ଚିବାର ନୂଆ ସମ୍ଭାବନା। ଆମ ରାଜ୍ୟର ଚାଷୀ ଧାନ ପଛରେ ଧାଇଁ ଧାଇଁ ବହୁ ସମୟରେ ହତାଶ ହୁଏ। ଆମ ପଡୋଶୀ ରାଜ୍ୟର ଚାଷୀ ଫୁଲପଛରେ ରହି ସମ୍‌ୃଦ୍ଧ ହୁଏ। ଗୋଲାପ ବାହାଘର ଗାଡି ସଜାଠାରୁ ମଧୁଶଯ୍ୟା ଯାଏ ଖୋଜାପଡେ। ଗୋଲାପ ପୁଣି ଲୋଡାହୁଏ ଶବାଧାରରେ। ଜୀବନର ଶେଷ ସମୟରେ। ଏହା କାହା ପାଇଁ ଶ୍ରଦ୍ଧାର ଫୁଲ ତ କାହା ପାଇଁ ବରମାଲ୍ୟ ଆଉ କାହା ପାଇଁ ଜୟମାଲ୍ୟ। ଆମକୁ ବୁଝିବାକୁ ହେବ ଏହାର ମୂଲ୍ୟ। ଗୋଲାପ ଜଳରେ ସ୍ନାନ ମନରେ ଆଣେ ସତେଜତା, ଜଗାଏ ସ୍ଫୂର୍ତ୍ତି, ତ୍ବଚାକୁ କରେ ନରମ ମୁଲାୟମ, ବଢାଏ ଆଖିର ଜ୍ୟୋତି। ଗୋଲାପ ଫୁଲର ଅତର ମନକୁ ଭିଜାଇଦିଏ ନୂଆ ସ୍ବପ୍ନରେ। ଗୋଲାପ ପାଲଟିଛି ଅନେକ ଦେଶର ଜାତୀୟ ପୁଷ୍ପ। ଆମ ଭାରତର ରାଜସ୍ଥାନର ଜୟପୁର ସହର ପିଙ୍କ୍‌ ସିଟି ବା ଗୋଲାପନଗରୀର ମାନ୍ୟତା ପାଇଛି। ଗୋଲାପକୁ ନେଇ କେତେ କାବ୍ୟ ଓ କବିତା। ଗୋଲାପରେ ଲେଖା କେତେ ପ୍ରେମୀ ହୃଦୟର କଥା। ଜୟ ହେଉ ଗୋଲାପର ଆଉ ତା’ର ଗୌରବର ଗାଥା। ସିମିନଈ, ଢେଙ୍କାନାଳ,ମୋ:୯୫୮୩୨୯୪୩୦୬
All Right Reserved By

ସମ୍ପାଦକୀୟ |

ସମ୍ପାଦକୀୟ/ ଋଣ ଛାଡ଼

ସମ୍ପାଦକୀୟ/ ଋଣ ଛାଡ଼

ଡିସେମ୍ବର ୧୭ରେ କମଲନାଥ ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ୨ ଲକ୍ଷ ଟଙ୍କା ପର୍ଯ୍ୟନ୍ତ କୃଷିଋଣ ଛାଡ଼ ହେବ ବୋଲି ଘୋଷଣା କରିଛନ୍ତି। କ୍ଷମତାକୁ ଆସିଲେ ୧୦ ଦିନ ମଧ୍ୟରେ କୃଷିଋଣ ଛାଡ଼ କରାଯିବ ବୋଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ନିର୍ବାଚନ ପ୍ରଚାର ବେଳେ ପ୍ରତିଶ୍ରୁତି ଦେଇଥିବାରୁ କମଲନାଥ ତତ୍‌କ୍ଷଣାତ୍‌ ପଦକ୍ଷେପ ନେଇଛନ୍ତି। ସେହିପରି ଏହିଦିନ କେନ୍ଦ୍ର ..

ସୁନ୍ଦର ଜାଗା, ଭଲ ଲୋକ

ସୁନ୍ଦର ଜାଗା, ଭଲ ଲୋକ

ନବୀନ ପଟ୍ଟନାୟକ

ଗତ କେତେ ସପ୍ତାହ ଧରି ଓଡ଼ିଶା ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ତଥା ପ୍ରସିଦ୍ଧ ଅନେକ ବ୍ୟକ୍ତିଙ୍କୁ ଆତିଥେୟତା ପ୍ରଦାନ କରିଛି। ଭୁବନେଶ୍ୱରରେ ଅନୁଷ୍ଠିତ ମେକ୍‌-ଇନ୍‌-ଓଡ଼ିଶା କାର୍ଯ୍ୟକ୍ରମରେ ବିଶିଷ୍ଟ ଭାରତୀୟ ଶିଳ୍ପପତିମାନେ ଏକାଠି ହୋଇଥିଲେ। ସେହିପରି ବିଭିନ୍ନ ସ୍ବେଚ୍ଛାସେବୀ ସଙ୍ଗଠନ, ବିଶ୍ୱ ପ୍ରସିଦ୍ଧ କଳାକାର, ସାଂସ୍କୃତିକ ତଥା କ୍ରୀଡ଼ା ଜଗତର ଖ୍ୟାତନାମା ବ୍ୟକ୍ତିତ୍ୱ, ବିଭିନ୍ନ ଦେଶର ..

ଆତ୍ମହତ୍ୟା ମହାପାପ

ଆତ୍ମହତ୍ୟା ମହାପାପ

ଇଂ. ବିଦ୍ୟାଧର ପଣ୍ଡା

ହାଡୁ ପୁରୋହିତଙ୍କର ପୁରାଣ ଜ୍ଞାନ ଭଲ। ଛକ ଚା’ଦୋକାନରେ ବସି କେତେ କଥା ଆଲୋଚନା କରନ୍ତି। କାଲି ପେଥାଇ ବାତ୍ୟାର କୋହଲା ପାଗରେ ଅଦିନିଆ ଚାଷୀମାନେ ଚା’ ପିଇବାକୁ ଛକକୁ ଝଡପରି କୁଆଡୁ ମାଡିଆସି ଭିଡ କରିଥାନ୍ତି। ଗୋସେଇଁଙ୍କୁ ଦେଖିବା ମାତ୍ରେ ପାଦତଳେ ଓଳଗି ହୋଇ ଚାରିପଟେ ଚକ୍ରାକାରରେ ଛିଡା ହୋଇଗଲେ। ଚା’ ପିଇବା ସହ ଟିଭି ଖବର ଦେଖିବେ ଓ ଲୋକଙ୍କଠାରୁ ଆଗାମୀ ବର୍ଷା ଓ ବାତ୍ୟା କଥା ଜାଣିବେ। ଏମିତି ପ୍ରକାରର ଲୋକଙ୍କୁ ଦେଖି ହାଡୁ ପୁରୋହିତଙ୍କର ପାକୁଆ ପାଟିରେ ପ୍ରବଚନ ଶକ୍ତି ବଢିଯାଏ। ଗତବର୍ଷ ଚାଷକାମରେ ହାରି ଚାରିଜଣ ଅଧାବରଷିଆ ଚାଷୀ ଆତ୍ମହତ୍ୟା କଲେ। ଏକଥା ଗୋସେଇଁଙ୍କୁ ...

ସୂର୍ଯ୍ୟ ନମସ୍କାର

ସୂର୍ଯ୍ୟ ନମସ୍କାର

ଅଲେଖ ଚନ୍ଦ୍ର ମିଶ୍ର

ସକଳ ଶକ୍ତିର ଉତ୍ସ ସୂର୍ଯ୍ୟଙ୍କୁ କେଉଁ ଆଦିମ କାଳରୁ ଏକ ସ୍ବତନ୍ତ୍ର ସ୍ଥାନ ଦିଆ ହୋଇଛି। ଋତୁଚକ୍ର, ଦିନରାତି, ମେଘ, ରଙ୍ଗ, ଅଗ୍ନି, ତାପଶକ୍ତି ଇତ୍ୟାଦି ସୂର୍ଯ୍ୟଙ୍କ ଯୋଗୁ ସମ୍ଭବ। ସୂର୍ଯ୍ୟଙ୍କ ନାମ ସହିତ ଅନେକ ଦେଶର ଭୌଗୋଳିକ ସ୍ଥିତିକୁ ଯୋଡାଯାଇଛି, ଯଥା ନିଶିଥସୂର୍ଯ୍ୟର ଦେଶ (ନରଓ୍ବେ), ସୂର୍ଯ୍ୟୋଦୟର ଦେଶ (ଜାପାନ) ଇତ୍ୟାଦି। ସାରା ପୃଥିବୀରେ ରବିବାର (ସନ୍‌ଡେ)ର ଏକ ସ୍ବ...

ଏଇ ଭାରତରେ

ଏଇ ଭାରତରେ

ଭାରତର ଅନେକ ଲୋକ ଦାରିଦ୍ର୍ୟ ସୀମାରେଖା ତଳେ ବାସ କରନ୍ତି। ଆର୍ଥତ୍କ ସ୍ଥିତି ସ୍ବଚ୍ଛଳ ନ ଥିବାରୁ ଅନେକେ ଭିକ୍ଷାବୃତ୍ତି କରି ପେଟ ପୋଷିଥାନ୍ତି। ତେବେ ଭାରତର ଏକ ଗଁା ରହିଛି, ଯେଉଁଠି ଭିକ ମାଗିବା ଲୋକଙ୍କର ପେସା। ଉତ୍ତରପ୍ରଦେଶର କାନପୁର ଜିଲାରେ ରହିଛି ଏକ କପାଡିଆ ବସ୍ତି। ଏଠାରେ ବାସ କରୁଥିବା ଲୋକେ ଭିକ୍ଷାବୃତ୍ତି କରି ଚଳନ୍ତି। ଏହା ତାଙ୍କର କୌଳିକ ବୃତ୍ତି। ବସ୍ତିର କୌଣ..

ସମ୍ପାଦକୀୟ/ରାୟର ରଙ୍ଗ

ସମ୍ପାଦକୀୟ/ରାୟର ରଙ୍ଗ

ଭାରତର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ତାଙ୍କ ଦେହରକ୍ଷୀ ବେୟନ୍ତ ସିଂ ଓ ସତ୍‌ଓ୍ବନ୍ତ ସିଂ ୧୯୮୪ ଅକ୍ଟୋବର ୩୧ରେ ଗୁଳିକରି ହତ୍ୟା କରିଥିଲେ। ଏହା ପରେ ଦିଲ୍ଲୀ ସମେତ ସମଗ୍ର ଦେଶରେ ଶିଖ୍‌ ବିରୋଧୀ ଦଙ୍ଗାରେ ୮,୦୦୦ରୁ ଊର୍ଦ୍ଧ୍ୱ ଲୋକଙ୍କ ଜୀବନ ଯାଇଥିଲା। ଅବଶ୍ୟ ବେସରକାରୀ ହିସାବରେ ଏହି ସଂଖ୍ୟା ଯଥେଷ୍ଟ ଅଧିକ ଥିବା ସେତେବେଳେ ଗଣମାଧ୍ୟମରେ ପ୍ରକାଶ ପାଇଥିଲା। ଏଭଳି ଗଣହତ୍ୟା ସେହି ସମୟରେ ସମଗ୍ର ଦେଶରେ ଚହଳ ପକାଇ ଦେଇଥିଲା। ଦୀର୍ଘ ୩୪ ବର୍ଷ ପରେ ଦଙ୍ଗାର ...

ମାନବାଧିକାର ଓ ମୃତ୍ୟୁଦଣ୍ଡ

ମାନବାଧିକାର ଓ ମୃତ୍ୟୁଦଣ୍ଡ

ବୈକୁଣ୍ଠନାଥ ମିଶ୍ର

ଭାରତ ସମ୍ବିଧାନର ଧାରା ୨୧ ଭାରତୀୟ ନାଗରିକଙ୍କୁ ସ୍ବାଧୀନଭାବେ ବଞ୍ଚିବାର ଅଧିକାର ପ୍ରଦାନ କରିଛି। ବ୍ୟକ୍ତିର ସେହି ଅଧିକାର କ୍ଷୁଣ୍ଣ ହେଲେ ମାନବିକ ଅଧିକାର ବିପନ୍ନ ହେଲା ବୋଲି ବୁଝିବାକୁ ହେବ। ଆଧୁନିକ ଯୁଗରେ ମାନବାଧିକାର ଏକ ବିତର୍କିତ ପ୍ରସଙ୍ଗ। କାରଣ ମାନବାଧିକାରର ସଂଜ୍ଞା ଅସ୍ପଷ୍ଟ। ସମାନ ଅପରାଧ ପାଇଁ ଜଣେ ଫାଶୀ ଦଣ୍ଡାଦିଷ୍ଟ ହେଉଥିବା ବେଳେ ଆଉ ଜଣେ ଆଜୀବନ ଜେଲଦଣ୍ଡ ପାଏ। ଜଣେ ନ୍ୟାୟମୂର୍ତ୍ତିଙ୍କ ଦୃଷ୍ଟିରେ ଫାଶୀ ମାନବାଧିକାରର ପରିପନ୍ଥୀ ତ ଆଉ ଜଣେ ବିରଳରୁ ଅତି ବିରଳ ଅପରାଧ ପାଇଁ ଫାଶୀଦଣ୍ଡ ଏକମାତ୍ର ବିକଳ୍ପ ବୋଲି ବିବେଚନା କରନ୍ତି। କେତେକ ମାନବାଧିକାର କର୍ମୀଙ୍କ ମତରେ ଜଣଙ୍କର ଜୀବ..

ଶୀତ ପରେ ବସନ୍ତ

ଶୀତ ପରେ ବସନ୍ତ

ଉପେନ୍ଦ୍ର ବିଶ୍ୱାଳ

‘ଧାରେ ହସ’ ଶୀର୍ଷକ ମୋର ପ୍ରବନ୍ଧଟିଏ ପାଠକଲା ପରେ କଲ୍ୟାଣୀ ନାମ୍ନୀ ଶିକ୍ଷୟିତ୍ରୀ କହିଲେ ”ଭଗବାନ ଯାହା ଓଠରୁ ସବୁଦିନ ପାଇଁ ହସ ଲିଭାଇ ଦେଇଛନ୍ତି, ସେ ବା ହସିବ କେମିତି?“ ଅବଶ୍ୟ ବେଦନାଭରା ଥିଲା ତାଙ୍କ ଜୀବନ କାହାଣୀ। ଦୁର୍ଭାଗ୍ୟର କଳାବାଦଲ ଘୋଟିଆସିଛି ତାଙ୍କ ଜୀବନରେ। ପ୍ରଥମେ ମା’ଙ୍କୁ ଓ ପରେ ବାପାଙ୍କୁ ହରାଇ ଦିଗହରା ହେଲେ। ଏକମାତ୍ର ଭାଇ ହିଁ ସାହାରା ସାଜି ଭଉଣୀର ବିବାହ କରାଇଦିଏ। ମାତ୍ର ନିୟତି ନିଷ୍ଠୁର ସାଜିଥିଲା। ସ୍ବାମୀଙ୍କ ନିର୍ଯାତନା ଥିଲା ତାଙ୍କ ପାଇଁ ଆହୁରି ଅସହ୍ୟ। ଜୀବନ ବଞ୍ଚାଇବାକୁ ଯାଇ ଭଉଣୀଟି ଫେରିଆସେ ଭାଇର ଆଶ୍ରାରେ। ବିବାହ ପରେ ଭାଇ ମଧ୍ୟ ହାତ ଛାଡ଼ିଦିଏ। ତା’ପରେ ଚାରିଦି..

ଏଇ ଭାରତରେ

ଏଇ ଭାରତରେ

କେତେକେ ଜୀବନ ଧାରଣ ପାଇଁ ଯେଭଳି କଷ୍ଟ ବରଣ କରିଥାଆନ୍ତି ତାହା ଅନ୍ୟମାନଙ୍କ ଦୃଷ୍ଟି ଆକର୍ଷଣ କରିଥାଏ। ଏଭଳି ଜଣେ ବ୍ୟକ୍ତିତ୍ୱ ହେଉଛନ୍ତି ତ୍ରିପୁରାର ରାଜଧାନୀ ଅଗରତାଲାରେ ରିକ୍‌ସା ଚଳାଉଥିବା ସୋମା ଚକ୍ରବର୍ତ୍ତୀ। ସେ ଝିଅକୁ କପଡାରେ ବାନ୍ଧି ଛାତିରେ ଧରିବା ସହିତ ପେଟ ପୋଷିବା ପାଇଁ ଦିନସାରା ରାଜରାସ୍ତାରେ ରିକ୍ସା ଟାଣନ୍ତି। ତାଙ୍କ ପ୍ରତି ସହାନୁଭୂତି ଦେଖାଇ ଅନେକେ ଅଧାବାଟରୁ..

ବିଶ୍ୱାସ ତୁଟିଲା

ବିଶ୍ୱାସ ତୁଟିଲା

ତଥାଗତ ସତପଥୀ

ଫ୍ରାନ୍ସରୁ ରାଫାଲ ଯୁଦ୍ଧ ବିମାନ କିଣାଯିବା ନେଇ ହୋଇଥିବା ଚୁକ୍ତିରେ କୌଣସି ଅନିୟମିତତା ହୋଇ ନାହିଁ ବୋଲି ସୁପ୍ରିମକୋର୍ଟ ଡିସେମ୍ବର ୧୪ରେ ରାୟ ଦେବା ପରେ ରାଜନୈତିକ କାଦୁଅ ଫିଙ୍ଗାଫୋପଡ଼ା ଆରମ୍ଭ ହୋଇଯାଇଛି। 

ଦୁଇଗୁଣା ଚାଷୀ ଆୟ ଓ କୃଷିବିବିଧତା

ଦୁଇଗୁଣା ଚାଷୀ ଆୟ ଓ କୃଷିବିବିଧତା

ଚିନ୍ମୟ ରଞ୍ଜନ କୁମାର

କୃଷି ଓ କୃଷକ ବିଭିନ୍ନ କାରଣ ପାଇଁ ଏବେ ଚାପଗ୍ରସ୍ତ। କୃଷି ମୁଖ୍ୟତଃ ବର୍ଦ୍ଧିତ ଜନସଂଖ୍ୟା, ସହରୀକରଣ, ସରକାରୀ ଅର୍ଥ ବିନିଯୋଗର ହ୍ରାସ, ନୀତି ନିର୍ଦ୍ଧାରଣ ଓ ପ୍ରଣୟନରେ ଅସମାନତା ଏବଂ ପ୍ରାକୃତିକ ସମ୍ପଦର ସ୍ଖଳନ ଭଳି ସମସ୍ୟା ଦ୍ୱାରା ପୀଡ଼ିତ।

ଆଦିବାସୀ ଇଲାକାରେ ଅତିଥି ଚର୍ଚ୍ଚା

ଆଦିବାସୀ ଇଲାକାରେ ଅତିଥି ଚର୍ଚ୍ଚା

ଇଂ. ହାଡ଼ିବନ୍ଧୁ ଖଣ୍ଡୁଆଳ

୧୯୭୨ ମସିହାର ଏକ ଘଟଣା। ମୁଁ ରାଉରକେଲାକୁ ବଦଳି ହୋଇ, ସେଠାରେ ଥିବା ଓଡ଼ିଶା-ମିଲିଟାରୀ ପୋଲିସ (ଓଏମ୍‌ପି)ର ତ୍ରିତାଲା ଫ୍ଲାଟ୍‌ର ଉପର ମହଲାର ଏକ ବାସଗୃହରେ ରହୁଥାଏ।