ଜୀବନଚର୍ଯ୍ୟା |

ମହିଳା ଓ ମଧୁମେହ

ମହିଳା ଓ ମଧୁମେହ

ଆଜି ବିଶ୍ୱ ମଧୁମେହ ଦିବସ। ପ୍ରତିବର୍ଷ ଏହି ଅବସରରେ ଏକ ନିର୍ଦ୍ଦିଷ୍ଟ ଥିମ୍‌ ବଛାଯାଇଥାଏ। ଚଳିତ ବର୍ଷ ମହିଳାଙ୍କଠାରେ ମଧୁମେହ ପ୍ରତି ବିଶେଷ ଗୁରୁତ୍ୱ ଦିଆଯାଉଛି...
ସାରା ବିଶ୍ୱରେ ମଧୁମେହ ରୋଗୀଙ୍କ ସଂଖ୍ୟା ଦ୍ରୁତ ଗତିରେ ବଢ଼ିଚାଲିଛି ଏବଂ ଆମ ଦେଶ ଏ କ୍ଷେତ୍ରରେ ଶୀର୍ଷସ୍ଥାନ ଅଧିକାର କରିଛି। ପୁରୁଷଙ୍କ ଭଳି ମହିଳାମାନେ ମଧ୍ୟ ମଧୁମେହ ରୋଗରେ ବିଶେଷ ଭାବରେ ଆକ୍ରାନ୍ତ ହେଉଛନ୍ତି। ତେଣୁ ୨୦୧୭ ମସିହା ବିଶ୍ୱ ମଧୁମେହ ଦିବସର ବାର୍ତ୍ତା ହେଉଛି, ”ମହିଳା ଓ ମଧୁମେହ ରୋଗ, ଏକ ସୁସ୍ଥ ଭବିଷ୍ୟତ ପାଇଁ ଆମର ଅଧିକାର“। ପ୍ରତ୍ୟେକ ମହିଳା ମଧୁମେହ ରୋଗୀ ନିଜ ନିଜର ଚିକିତ୍ସା ଏବଂ ଯନତ୍ପାଇଁ ସଚେତନ ହେବା ଏହି ଦିବସର ଲକ୍ଷ୍ୟ।
ବର୍ତ୍ତମାନ ସୁଦ୍ଧା ସାରା ବିଶ୍ୱରେ ୧୯.୯ କୋଟି ମହିଳା ମଧୁମେହ ରୋଗ ଭୋଗୁଛନ୍ତି। ୨୦୪୦ ମସିହା ସୁଦ୍ଧା ଏହା ୩୧.୩ କୋଟି ଛୁଇଁବ। ପ୍ରତ୍ୟେକ ୫ ଜଣ ମହିଳା ମଧୁମେହ ରୋଗୀଙ୍କ ମଧ୍ୟରୁ ଅନ୍ତତଃ ଦୁଇ ମହିଳା ମଧୁମେହ ରୋଗୀ ପ୍ରଜନନ ବୟସ ସୀମାମଧ୍ୟରେ ଥାଆନ୍ତି ଏବଂ ସେମାନଙ୍କର ସଂଖ୍ୟା ପ୍ରାୟ ୫କୋଟି। ବିଶ୍ୱରେ ମହିଳାଙ୍କ ମୃତ୍ୟୁର ପ୍ରମୁଖ କାରଣ ମଧ୍ୟରୁ ମଧୁମେହ ରୋଗ ଅନ୍ୟତମ, ଯେଉଁଥିରେ ବର୍ଷକୁ ୨୦ଲକ୍ଷ ମହିଳା ମୃତ୍ୟୁବରଣ କରିଥାନ୍ତି। ଟାଇପ୍‌ ୨ ମହିଳା ମଧୁମେହ ରୋଗୀ ତାଙ୍କ ସମବୟସ୍କ ମହିଳାଙ୍କଠାରୁ ୧୦ ଗୁଣ ଅଧିକ। ଏମାନେ ଅଧିକ କରୋନାରୀ ହାର୍ଟ ଡିଜିଜ୍‌ ବା’ ହୃତ୍‌ପିଣ୍ଡ ଧମନୀଜନିତ୍‌ ରୋଗରେ ପୀଡିତ ହୁଅନ୍ତି। ଟାଇପ୍‌ ୧ ମହିଳା ମଧୁମେହ ରୋଗୀଙ୍କର ଗର୍ଭନଷ୍ଟ ଓ ଗର୍ଭସ୍ଥ ଶିଶୁ ବିକଳାଙ୍ଗ ହେବାର ଆଶଙ୍କା ଅଧିକ ଥାଏ।
ମଧୁମେହ ରୋଗ ଏକ କ୍ରନିକ୍‌ ରୋଗ। ବିଶେଷ କରି ଗର୍ଭାବସ୍ଥାରେ ମଧୁମେହ ରୋଗ ହେଲେ ଏହା ଉଭୟ ମା’ ଓ ଶିଶୁଙ୍କୁ ବିଶେଷ କ୍ଷତି ପହଞ୍ଚାଇଥାଏ। ଏହା ସାଧାରଣତଃ ଦୁଇ ପ୍ରକାରର ଥାଏ-
୧) ଆଗରୁ ମଧୁମେହ ରୋଗ ଭୋଗୁଥିବା ରୋଗୀଙ୍କର ଗର୍ଭଧାରଣ।
୨) ଗର୍ଭଧାରଣ ସମୟରେ ଗର୍ଭାବସ୍ଥା ଯୋଗୁ ମଧୁମେହ ରୋଗର ଉପତ୍ତ୍ତି। ଏହାକୁ ‘ଜେଷ୍ଟେସ୍‌ନାଲ୍‌ ଡାଇବେଟିସ’ କୁହାଯାଏ।
ପ୍ରତ୍ୟେକ ୭ ଶିଶୁଙ୍କ ମଧ୍ୟରୁ ଗୋଟିଏ ଶିଶୁ ଗର୍ଭାବସ୍ଥାରେ ମଧୁମେହ ରୋଗ ଦ୍ୱାରା ପ୍ରଭାବିତ ହୋଇଥାନ୍ତି। ଭାରତରେ ମଧୁମେହ ରୋଗର ଆକଳନ ଅନୁଯାୟୀ ପ୍ରାୟ ୨୧୦ ଲକ୍ଷ ଶିଶୁଙ୍କର ମା’ମାନେ ଗର୍ଭାବସ୍ଥାରେ ମଧୁମେହ ରୋଗ ଭୋଗିଥାନ୍ତି। ତେବେ ଗର୍ଭାବସ୍ଥାରେ ମଧୁମେହ ରୋଗୀଙ୍କ ମଧ୍ୟରୁ ଅଧିକାଂଶ ମହିଳା ନିମ୍ନ ବା’ ନିମ୍ନ ମଧ୍ୟବିତ୍ତ ପରିବାରର, ଯେଉଁଠାରେ ମା’ର ଯନତ୍ ଠିକ୍‌ ଭାବେ ନିଆ ଯାଇପାରେ ନାହିଁ। ଯଦି ମା’ର ମଧୁମେହ ରୋଗ ନିୟନ୍ତ୍ରଣ ହୋଇ ନ ଥାଏ ଏବଂ ଗର୍ଭାବସ୍ଥାର ପ୍ରଥମ ୩ ମାସରେ ରକ୍ତରେ ଶର୍କରାର ପରିମାଣ ବେଶି ଥାଏ, ତେବେ ଶିଶୁ ବିକଳାଙ୍ଗ ହୁଏ। ଏଥିରେ ମୁଣ୍ଡ ନ ଥିବା ଭୂତ ଶିଶୁ, ଛୋଟମୁଣ୍ଡ, ହୃତପିଣ୍ଡରେ ଛିଦ୍ର ଏବଂ ବୃକକ୍‌ ତଥା ଖାଦ୍ୟନଳୀରେ ଅସୁବିଧା ଥିବା ଶିଶୁ ଜନ୍ମ ହୋଇଥାଏ। ତେଣୁ ଗର୍ଭଧାରଣ ସମୟରେ ରକ୍ତରେ ଗ୍ଲାଇକୋସିଲେଟେଡ୍‌ ହିମୋଗ୍ଲୋବିନ୍‌ ଏବଂ ୧୪ରୁ ୧୮ ସପ୍ତାହ ମଧ୍ୟରେ ଆଲ୍‌ଫାଫିଟୋ ପ୍ରୋଟିନ୍‌ ଏଷ୍ଟିମେଶନ୍‌ କରାଯାଏ। ୧୧ରୁ ୧୪ ସପ୍ତାହ ମଧ୍ୟରେ ଏନ୍‌.ଟି. ସ୍କାନ କରାଯାଏ। ଏହାଛଡ଼ା ଗର୍ଭଧାରଣର ୨୦ ସପ୍ତାହ ବେଳକୁ ଅଲ୍‌ଟ୍ରାସାଉଣ୍ଡ କରି ବିକଳାଙ୍ଗତା ଦେଖାଯାଏ। ସାଧାରଣ ପ୍ରସବ ହେଲେ ଶିଶୁର ସ୍ନାୟୁ, ହାଡ ଓ ମାଂସପେଶୀରେ କ୍ଷତ ହୋଇଥାଏ। ଜନ୍ମପରେ ଶିଶୁରକ୍ତରେ ଶର୍କରା କମିଯାଏ ଏବଂ ନିଃଶ୍ୱାସ ନେବାରେ କଷ୍ଟହୁଏ । ଏମିତିକି ପ୍ରସବର ୭ ଦିନ ମଧ୍ୟରେ କିଛି କାରଣ ନ ଥାଇ ଶିଶୁର ମୃତ୍ୟୁ ବି ହୋଇଯାଏ। ତେଣୁ ମଧୁମେହ ପୀଡିତାଙ୍କର ସାଧାରଣ ପ୍ରସବ ନ ହୋଇ ସିଜରିଆନ୍‌ ସେକ୍‌ସନ୍‌ ହୁଏ।
ଗର୍ଭଧାରଣ ପୂର୍ବରୁ ପରାମର୍ଶ: ପ୍ରତ୍ୟେକ ନାରୀ ଗର୍ଭଧାରଣ ପୂର୍ବରୁ ମଧୁମେହ ରୋଗ ଭୋଗୁଥିଲେ ନିଜର ରକ୍ତର ଶର୍କରାକୁ ନିୟନ୍ତ୍ରଣ କରିବା ସହ ଫଲିକ୍‌ ଏସିଡ୍‌ ଖାଇ ଗର୍ଭଧାରଣ କରିବା ଦରକାର। ଗର୍ଭାବସ୍ଥାରେ ମଧୁମେହ ରୋଗୀ ପ୍ରଥମ ୫ମାସ ପର୍ଯ୍ୟନ୍ତ ପ୍ରତି ମାସରେ ଏବଂ ତା’ପରେ ପ୍ରତି ୧୫ ଦିନରେ ଚେକ୍‌ଅପ୍‌ କରିବା ଆବଶ୍ୟକ। ଆବଶ୍ୟକ ସ୍ଥଳେ ବିଶେଷଜ୍ଞଙ୍କ ପରାମର୍ଶ ନେଇ ଇନ୍‌ସୁଲିନ୍‌ ଇଞ୍ଜେକଶନ୍‌ ନେବା ଜରୁରୀ। ବଟିକା ଖାଇବା ଉଚିତ୍‌ ନୁହେଁ । ନିୟମିତ ରକ୍ତରେ ଗ୍ଲୁକୋଜ୍‌ ଓ ଗ୍ଲାଇକୋସିଲେଟେଡ୍‌ ହିମୋଗ୍ଳୋବିନ୍‌ ଏଷ୍ଟିମେଶନ କରିବା ସହିତ ସ୍ଥଳ ବିଶେଷରେ ଶିଶୁର ଜନ୍ମଗତ ହୃଦ୍‌ରୋଗର ବିକଳାଙ୍ଗତା ଜାଣିବା ପାଇଁ ଗର୍ଭସ୍ଥ ଶିଶୁର ‘ଇକୋ କାର୍ଡିଓଗ୍ରାମ୍‌’ କରିବା ଦରକାର। ୩୭ ସପ୍ତାହ ଶେଷ ହେବା ମାତ୍ରେ ପ୍ରସବ କରାଇ ଦେବା ଆବଶ୍ୟକ। କୌଣସି ପରିସ୍ଥିତିରେ ମଧୁମେହ ରୋଗୀକୁ ଏକ୍ସପେକ୍ଟେଡ୍‌ ଡେଟ୍‌ଅଫ୍‌ ଡେଲିଭରି ଗଡିଯିବାକୁ ଦେବା ଅନୁଚିତ। ତେଣୁ ଗର୍ଭଧାରଣ ପୂର୍ବରୁ, ଗର୍ଭାବସ୍ଥାରେ, ପ୍ରସବ ସମୟରେ ଏବଂ ପ୍ରସବ ପରେ ସ୍ତ୍ରୀ ରୋଗ ଓ ପ୍ରସୂତି ବିଶେଷଜ୍ଞ, ମଧୁମେହ ରୋଗ ବିଶେଷଜ୍ଞ ତଥା ଶିଶୁରୋଗ ବିଶେଷଜ୍ଞଙ୍କର ମିଳିତ ଚିକିତ୍ସାରେ ମା’ ଓ ଶିଶୁ ଉଭୟ ରହିବା ଆବଶ୍ୟକ।
-ଡା. ସରୋଜିନୀ ଷଡ଼ଙ୍ଗୀ
-ସ୍ତ୍ରୀରୋଗ ଓ ପ୍ରସୂତି ବିଶେଷଜ୍ଞ
ମୋ: ୯୪୩୭୦୫୫୦୦୭

All Right Reserved By

Model This Week

Model This Week

ଜୀବନଚର୍ଯ୍ୟା |

ଶିଶୁ ଉପରେ ପ୍ରଭାବ ପକାଏ ପ୍ରସବକାଳୀନ କଷ୍ଟ

ଶିଶୁ ଉପରେ ପ୍ରଭାବ ପକାଏ ପ୍ରସବକାଳୀନ କଷ୍ଟ

ଓ୍ବାଶିଂଟନ: ପ୍ରସବ ସମୟରେ ସୃଷ୍ଟି ହେଉଥିବା ବିଭିନ୍ନ ଅସୁବିଧା ଯୋଗୁ ଶିଶୁ ଜନ୍ମରେ ବାଧା ସୃଷ୍ଟି ହୋଇଥାଏ। ଏହାର ପ୍ରଭାବରେ ନବଜାତକର ମସ୍ତିଷ୍କରେ ରାସାୟନିକ ପ୍ରତିକ୍ରିୟା ସୃଷ୍ଟି ହୋଇଥାଏ ବୋଲି ଗବେଷକ କହିଛନ୍ତି। ଏହି ରାସାୟନିକ ପରିବର୍ତ୍ତନ ଦ୍ୱାରା ଶିଶୁଠାରେ ଏକାଗ୍ରତାର ଅଭାବ ରହିଥାଏ ଓ ଶିଶୁ ପରବର୍ତ୍ତୀ ସମୟରେ ସାଧାରଣ ଜୀବନରେ କୌଣସି ଆନନ୍ଦ ମୂହୂର୍ତ୍ତକୁ ଠିକ୍‌ ଭାବେ ଗ୍ରହଣ କରି ପାରି ନ ଥାଏ ବୋଲି ନ୍ୟୁୟର୍କ ମାଉଣ୍ଟ୍‌ ସିନାଇ ମେଡିକାଲ ସ୍କୁଲର ଗବେଷକ ପ୍ରଫେସର ଡାକ୍ତର ସଅନ୍‌ ଫ୍ରୋଡିଷ୍ଟ୍‌ ସୂଚିତ କରିଛନ୍ତି।

ଗ୍ରୀଷ୍ମଋତୁରେ ଟାଇଟ୍‌ ଜିନ୍ସ୍‌ ପିନ୍ଧିବା କ୍ଷତିକାରକ

ଗ୍ରୀଷ୍ମଋତୁରେ ଟାଇଟ୍‌ ଜିନ୍ସ୍‌ ପିନ୍ଧିବା କ୍ଷତିକାରକ

ନୂଆଦିଲ୍ଲୀ : ଗ୍ରୀଷ୍ମଋତୁରେ ସାଧାରଣ ଜୀବନଶୈଳୀରେ କିଛିଟା ପରିବର୍ତ୍ତନ ଆଣିବାର ଆବଶ୍ୟକତା ରହିଛି। ଏହି ଋତୁରେ ଟାଇଟ୍‌ ଜିନ୍ସ୍‌ ପିନ୍ଧିବା କ୍ଷତିକାରକ ସାବ୍ୟସ୍ତ ହୋଇଥାଏ। ପ୍ରବଳ ଖରାଯୋଗୁ ଦେହରୁ ଝାଳ ବାହାରିଥାଏ। ଟାଇଟ୍‌ ଜିନ୍ସ୍‌ ପିନ୍ଧିଲେ ଖରାକୁ ସହ୍ୟ କରି ହୋଇ ନ ଥାଏ। ଏହାଛଡା ଝାଳରେ ଜିନ୍ସ୍‌ ଓଦା ହେବାଯୋଗୁ ଦୁର୍ଗନ୍ଧ ସୃଷ୍ଟି ହୋଇଥାଏ।

ଋତୁସ୍ରାବ ସମସ୍ୟା ସୃଷ୍ଟି କରେ ମଦ୍ୟପାନ

ଋତୁସ୍ରାବ ସମସ୍ୟା ସୃଷ୍ଟି କରେ ମଦ୍ୟପାନ

ଓ୍ବାଶିଂଟନ : ମଦ୍ୟପାନ ଯୋଗୁ ମହିଳାଙ୍କ କ୍ଷେତ୍ରରେ ଋତୁସ୍ରାବ ସମସ୍ୟା ସୃଷ୍ଟି ହୋଇଥାଏ। ଏନେଇ ଗବେଷକ ସର୍ଭେ ଭିତ୍ତିକ ତଥ୍ୟ ଉପସ୍ଥାପନ କରିଛନ୍ତି। ସ୍ପେନ୍‌ର ଗବେଷକ ଦଳ ମହିଳାଙ୍କଠାରେ ଦେଖାଯାଉଥିବା ଋତୁସ୍ରାବ ସମସ୍ୟା ଉପରେ ଦୀର୍ଘଦିନ ଧରି ଅଧ୍ୟୟନ କରୁଥିଲେ। ଏଥିରେ ୧୯ଟି ରାଷ୍ଟ୍ରର ୪୭ ହଜାର ମହିଳାଙ୍କୁ ସାମିଲ୍‌ କରାଯାଇଥିଲା।

ସ୍କିନ୍‌ଟୋନ୍‌ ବଢାଏ ଆଳୁ

ସ୍କିନ୍‌ଟୋନ୍‌ ବଢାଏ ଆଳୁ

ଆଖିତଳ କଳା ପଡିବା ଅନେକଙ୍କ ଲାଗି ଏକ ଚିନ୍ତାର କାରଣ, ଯାହାକୁ ଦୂର କରିବାରେ ଆଳୁ ବେଶ୍‌ ଲାଭଦାୟକ। ଆଳୁର ଚୋପା ଛଡାଇ ପତଳା ପତଳା କାଟି ଆଖି ଉପରେ ୨୦ ମିନିଟ୍‌ ରଖନ୍ତୁ। ପ୍ରତିଦିନ ଏପରି କରିବା ଦ୍ୱାରା ଦାଗ ଶୀଘ୍ର ଦୂର ହୋଇଯିବ।

ଟ୍ରାଇବାଲ୍‌ ଜୁଏଲେରି ଫ୍ୟାଶନ୍‌

ଟ୍ରାଇବାଲ୍‌ ଜୁଏଲେରି ଫ୍ୟାଶନ୍‌

ଟ୍ରାଇବାଲ୍‌ ଜୁଏଲେରିରେ ବ୍ରାଇଟ୍‌ ଏବଂ ବୋଲ୍ଡ କଲରର ଉଭୟ ଛୋଟ ଏବଂ ବଡ଼ ବିଡ୍ସ ବ୍ୟବହାର କରାଯାଇଥାଏ, ଯାହାକୁ ଡ୍ରେସ୍‌ ସହ ଉଭୟ ମ୍ୟାଚ୍‌ କରି ହେଉ ଅବା କଣ୍ଟ୍ରାଷ୍ଟ କରି ପିନ୍ଧିଲେ ଆକର୍ଷଣୀୟ ଲୁକ୍‌ ମିଳିଥାଏ। ଏଭଳି ଜୁଏଲେରି ମଧ୍ୟରେ ବିଶେଷକରି ଆଭୁ ଷ୍ଟୋନ୍‌ ଗ୍ଲାସ୍‌ ବିଡେଡ୍‌ ତାଇବାନ୍‌ ଷ୍ଟାଇଲ୍‌ ନେକ୍‌ଲେସ୍‌ ବର୍ତ୍ତମାନ ବେଶି ଡିମାଣ୍ଡରେ ଅଛି।

ଆସିବ ପୁରୁଷଙ୍କ ପାଇଁ ଗର୍ଭନିରୋଧକ ଟ୍ୟାବଲେଟ୍‌

ଆସିବ ପୁରୁଷଙ୍କ ପାଇଁ ଗର୍ଭନିରୋଧକ ଟ୍ୟାବଲେଟ୍‌

ଓ୍ବାଶିଂଟନ, ୨୩।୪ : ବଜାରରେ ମହିଳାଙ୍କ ଉପଯୋଗୀ ଗର୍ଭନିରୋଧକ ଟ୍ୟାବଲେଟ୍‌ ଉପଲବ୍ଧ ହୋଇଥାଏ। ଏହାର ବ୍ୟବହାର କରିବା ଦ୍ୱାରା ମହିଳାଙ୍କ ସେକ୍ସ୍‌ ହରମୋନ୍‌ ଉପରେ ପ୍ରଭାବ ପଡିଥାଏ। ଯାହାଦ୍ୱାରା ଶୁକ୍ରାଣୁ ଓ ଡିମ୍ବାଣୁର ମିଳନରେ ଭ୍ରୁଣ ସୃଷ୍ଟି ହୋଇପାରି ନ ଥାଏ। ଆଗାମୀ ଦିନରେ ପୁରୁଷଙ୍କ ପାଇଁ ଏଭଳି ଟ୍ୟାବଲେଟ୍‌ ବଜାରରେ ଉପଲବ୍ଧ ହେବ। ଏହାର ବ୍ୟବହାରଦ୍ୱାରା ଶୁକ୍ରାଣୁର ଗତି ଶିଥିଳ ହୋଇଯିବ।

ଫୁସ୍‌ଫୁସ୍‌କୁ ସୁସ୍ଥ ରଖିବ ଟମାଟୋ

ଫୁସ୍‌ଫୁସ୍‌କୁ ସୁସ୍ଥ ରଖିବ ଟମାଟୋ

ଟମାଟୋର ସ୍ବାସ୍ଥ୍ୟୋପକାରୀ ଗୁଣ ତାଲିକାରେ ଆଉ ଏକ କଥା ସାମିଲ ହୋଇଛି। ଏହା ଫୁସ୍‌ଫୁସ୍‌କୁ ସୁରକ୍ଷା ଦେବାରେ ଅନେକାଂଶରେ ସହାୟକ ହୋଇଥାଏ। ବିଶେଷ ଭାବରେ ଯେଉଁମାନେ ନିୟମିତ ନିଶାଦ୍ରବ୍ୟ ସେବନ କରନ୍ତି ସେମାନେ ଯଦି ନିୟମିତ ଟମାଟୋ ଖାଆନ୍ତି ତେବେ ସେମାନଙ୍କର ଫୁସ୍‌ଫୁସ୍‌ କେତେକାଂଶରେ ସୁରକ୍ଷିତ ରହିଥାଏ।

କଫି, ଚା ହୃଦ୍‌ଘାତରୁ ସୁରକ୍ଷା ଦିଏ

କଫି, ଚା ହୃଦ୍‌ଘାତରୁ ସୁରକ୍ଷା ଦିଏ

ନୂଆଦିଲ୍ଲୀ : କଫି ଓ ଚା ହୃଦ୍‌ଘାତରୁ ମନୁଷ୍ୟକୁ ସୁରକ୍ଷା ଦେଇଥାଏ। ଏନେଇ ଚିକିତ୍ସା ବିଜ୍ଞାନୀ ଏକ ସର୍ଭେ ରିପୋର୍ଟ ଉପସ୍ଥାପନ କରିଛନ୍ତି। କଫିରେ ଥିବା କାଫିନ୍‌ ଓ ଚାରେ ଥିବା ନିକୋଟାଇନ୍‌ ରକ୍ତରେ ମିଶିବା ଦ୍ୱାରା ଏହାର କୋଷିକା ଉତ୍ତେଜିତ ହୋଇଥାଏ। ଫଳରେ ହୃଦୟର ସାଧାରଣ କାର୍ଯ୍ୟକାରିତା ବୃଦ୍ଧି ପାଇଥାଏ।

ଔଷଧୀୟ ଗୁଣରେ ଭରପୂର ତେଜପତ୍ର

ଔଷଧୀୟ ଗୁଣରେ ଭରପୂର ତେଜପତ୍ର

ବେଳେବେଳେ ଆମେ ଥଣ୍ଡା ସର୍ଦ୍ଦି ଭଳି ଛୋଟ ଛୋଟ ରୋଗରେ ପଡିଲେ ମା’ ଆମ ରୋଷେଇ ଘରେ ଥିବା କିଛି ଜିନିଷ ବ୍ୟବହାର କରି ଆମକୁ ରୋଗମୁକ୍ତ କରିଥାଆନ୍ତି। ବିଶେଷ କରି ରୋଷେଇରେ ବ୍ୟବହୃତ କିଛି ମସଲାରେ ରହିଥିବା ଔଷଧୀୟ ଗୁଣ ଆମକୁ ସୁସ୍ଥ ରଖିବାକୁ ବେଶ୍‌ ସହାୟକ ହୋଇଥାଏ।

ଭିଟାମିନ୍‌-ଡି’ସ୍ତର କମିଲେ ମଧୁମେହ ଆଶଙ୍କା ବଢ଼େ

ଭିଟାମିନ୍‌-ଡି’ସ୍ତର କମିଲେ ମଧୁମେହ ଆଶଙ୍କା ବଢ଼େ

ଓ୍ବାଶିଂଟନ : ଶରୀରରରେ ଭିଟାମିନ୍‌-ଡି’ସ୍ତର କମ୍‌ ହେଲେ ମଧୁମେହ ଆଶଙ୍କା ବଢ଼ିଥାଏ ବୋଲି କାର୍ଲିଫର୍ନିଆ ବିଶ୍ୱବିଦ୍ୟାଳୟର ଗବେଷକ ଏକ ତଥ୍ୟ ଉପସ୍ଥାପନ କରିଛନ୍ତି। ଏହି ମର୍ମରେ ଗବେଷକ ୯୦୩ ଜଣ ବ୍ୟକ୍ତିଙ୍କ ଉପରେ ଅନୁଧ୍ୟାନ କରିଥିଲେ। ଜଣାପଡିଥିଲା ଯେ, ରକ୍ତରେ ଭିଟାମିନ୍‌-ଡି’ ସ୍ତର ହ୍ରାସ ପାଇଲେ ଟାଇପ୍‌-୨ ମଧୁମେହ ହେବାର ଆଶଙ୍କା ଦେଖାଦେଇଥାଏ।

ବିଛା ବିଷରୁ ଔଷଧ

ବିଛା ବିଷରୁ ଔଷଧ

ନୂଆଦିଲ୍ଲୀ,୧୯।୪: ବିଛା ବିଷରେ ଆଣ୍ଠୁଗଣ୍ଠି ଯନ୍ତ୍ରଣା ଉପଶମକାରୀ ଯୋଗିକ ରହିଛି ବୋଲି ଗବେଷକ ଜାଣିପାରିଛନ୍ତି। ଏହି ଯୌଗିକରୁ ପ୍ରସ୍ତୁତ ଔଷଧ ଦ୍ୱାରା ଆଣ୍ଠୁଗଣ୍ଠି ଯନ୍ତ୍ରଣା ଭୋଗୁଥିବା ବ୍ୟକ୍ତିମାନେ ଉପକୃତ ହୋଇପାରିବେ। ବୟସ ବଢ଼ିବା ସହିତ ଗଣ୍ଠିସ୍ଥାନରେ ଥିବା ଲିଗାମେଣ୍ଟ ଧୀରେ ଧୀରେ ଏହାର ନମନିୟତା ହରାଇ ବସିଥାଏ।

ସାଲାଡ୍‌ ଖାଇଲେ ଦାନ୍ତ ରହେ ସୁସ୍ଥ

ସାଲାଡ୍‌ ଖାଇଲେ ଦାନ୍ତ ରହେ ସୁସ୍ଥ

ଦାନ୍ତ ମୁଖମଣ୍ଡଳର ସୌନ୍ଦର୍ଯ୍ୟ ବୃଦ୍ଧି କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିଥାଏ। ସଫା ଧଳା ଓ ସମାନ ଆକାରର ଦାନ୍ତରେ ସାମାନ୍ୟ ହସିଦେଲେ ଏହା ମୁହଁର ସୌନ୍ଦର୍ଯ୍ୟକୁ ଦ୍ୱିଗୁଣିତ କରେ।