ସମ୍ପାଦକୀୟ |

ଅଫିସ୍‌ ପଲିଟିକ୍ସ

ଅଫିସ୍‌ ପଲିଟିକ୍ସ

ସହଦେବ ସାହୁ
ଆମ ଗଣତନ୍ତ୍ରରେ ରାଜନେତାମାନଙ୍କ ଦୁର୍ଗୁଣ ଦେଖୁଥିବା ଲୋକ ପାଇଁ ପଲିଟିକ୍ସ ଗୋଟିଏ ଗନ୍ଧିଆ ଶବ୍ଦ। ସେ ଥଟ୍ଟାରେ ଯେତେବେଳେ କହେ, ‘ଆଜିକାଲି ରାଜନୀତିରେ ପଲିଟିକ୍ସ ପଶିଗଲାଣି’, ସେ ‘ପଲିଟିକ୍ସ’ ଶବ୍ଦଟିକୁ ରାଜନୀତି ଶବ୍ଦର ଅପଭ୍ରଂଶ ବୋଲି ଭାବେ- ଅର୍ଥାତ୍‌ ପଲିଟିକ୍ସ ରାଷ୍ଟ୍ର ଚଳାଇବାର ବିଦ୍ୟା ନ ହୋଇ ବ୍ୟକ୍ତିର ସ୍ବାର୍ଥ ହାସଲ କରିବାର ବିଦ୍ୟା ହୋଇପଡିଛି। ୨୪୦୦ ବର୍ଷ ତଳେ ମଣିଷର ଆଚରଣ ଅନୁଧ୍ୟାନ କରି ଆରିଷ୍ଟଟଲ୍‌ (ଖ୍ରୀଷ୍ଟପୂର୍ବ ୩୮୪-୩୨୨) କହିଥିଲେ- ”ସ୍ବଭାବ ଦୃଷ୍ଟିରୁ ମଣିଷ ଗୋଟିଏ ରାଜନୈତିକ ପ୍ରାଣୀ (ପଲିଟିକାଲ୍‌ ଆନିମଲ)। ଆମେ ପଲିଟିକ୍ସରେ ଭାଗ ନେଉ କି ନ ନେଉ, ଆମକୁ ପଲିଟିକ୍ସ ଘେରି ରହିଛି।“ କିନ୍ତୁ ଆଜି ଭଳି ସର୍ବବ୍ୟାପୀ ପଲିଟିକ୍ସ କଥା ହୁଏତ ସେ ଭାବି ନ ଥିଲେ - ମା’ ପେଟରେ ସଞ୍ଚାର ହେଲା ଦିନୁ ଶ୍ମଶାନରେ ପୋତା ବା ପୋଡା ହେଲା ଯାଏ, ଆମେ କି କି ଘଟଣା ଦେଇ ଯାଉଛୁ, ଆମେ କି କି କାମ କରୁଛୁ, କ’ଣ କ’ଣ କଳ୍ପନା କରୁଛୁ, କି କି ଯୋଜନା କରୁଛୁ, ସହକର୍ମୀମାନେ କିପରି ଆମର ସହାୟତା ବା ହାନି କରୁଛନ୍ତି, ଏ ସବୁ ଏବେ ପଲିଟିକ୍ସ ଦ୍ୱାରା ନିୟନ୍ତ୍ରିତ। କିନ୍ତୁ ଅଫିସ୍‌ ପଲିଟିକ୍ସର ପରିସର ସଂକୀର୍ଣ୍ଣ- ଅଫିସ୍‌ ଭିତରେ ଓ ଅଫିସ୍‌ ସମ୍ବନ୍ଧିତ ହୋଇଥିବାରୁ ଏହା ବାହାରକୁ ଦିଶେ ନାହିଁ କି ଶୁଭେ ନାହିଁ। ଅଦୃଶ୍ୟ ଓ ନିଃଶବ୍ଦ ହେଲେ ମଧ୍ୟ ସରକାରଙ୍କ କାର୍ଯ୍ୟକଳାପକୁ ପ୍ରଭାବିତ କରେ। ଅଫିସ୍‌ ପଲିଟିକ୍ସର ଜନ୍ମ କର୍ପୋରେଟ୍‌ କଲ୍ଚର୍‌ (କମ୍ପାନୀ ସଂସ୍କୃତି)ରୁ। ସରକାରଙ୍କ ମଙ୍ଗ ଧରିଥିବା ନେତା ଓ ଅଧିକାରୀମାନଙ୍କୁ ଅଫିସ୍‌ରେ ମିଶି କାମ ଆଦାୟ କରିବାର ପ୍ରକ୍ରିୟା ହିଁ ଅଫିସ୍‌ ପଲିଟିକ୍ସ; ତୋଷାମୋଦିଆ ପୁଞ୍ଜିବାଦ ବା କ୍ରୋନି କ୍ୟାପିଟାଲିଜମ୍‌ ଏହିଥିରୁ ଜନ୍ମ। ଅଫିସ୍‌ ପଲିଟିକ୍ସରେ ଭାଗନେବାକୁ ସହଜ କରିବା ଲାଗି କମ୍ପାନୀମାନେ କାରଖାନାରେ ନୁହେଁ, ରାଜଧାନୀରେ ଲିଏଜନ (ଯୋଗସୂତ୍ର) ଅଫିସ୍‌ ଖୋଲିଥାନ୍ତି। କମ୍ପାନୀ ସଂସ୍କୃତି ଏବେ ଆମ ସଂସ୍କୃତିର ଅଙ୍ଗ ହୋଇଯାଇଛି। ସଂସ୍କୃତି ଏକ ଗାଲିଚା, କେତେଗୁଡିଏ ବଦ୍ଧ ଧାରଣା (ଆସମ୍ପସନ୍‌), ମୂଲ୍ୟବୋଧ, ବିଶ୍ୱାସ, ନିୟମ ଓ ଅଭ୍ୟାସ ଆଦିରେ ବୁଣା ଏକ ଗାଲିଚା। ଏଥିରେ ଭଲ ଅଛି, ମନ୍ଦ ଅଛି। ପଲିଟିକ୍ସ ଶବ୍ଦଟା ସଂସ୍କୃତିର ମନ୍ଦ ପାଖର କେତେକ ଗୁଣକୁ ବୁଝାଏ। ‘କିଏ’, ‘କ’ଣ’, ‘କେତେବେଳେ’ ଓ ‘କିପରି’ ପାଇବ, ତାହାକୁ ନିୟନ୍ତ୍ରଣ କରୁଥିବା ଅଲିଖିିତ ନିୟମମାନ ହିଁ ଅଫିସ୍‌ ପଲିଟିକ୍ସ। ପ୍ରମୋଶନ୍‌ଟିିଏ ମିଳୁ, ପ୍ରକଳ୍ପ ପାଇଁ ଆବଶ୍ୟକ ବଜେଟ୍‌ ରହୁ, ଉପରିସ୍ଥ ଅଧିକାରୀ ନିଷ୍ପତ୍ତି ନେଲାବେଳେ ମୋ କଥା ଶୁଣନ୍ତୁ - ଏ କଥା କେଉଁ କର୍ମଚାରୀ ନ ଚାହେଁ? ଏହା ହିଁ ଅଫିସ୍‌ ପଲିଟିକ୍ସ। ମୋତେ ଭୋଟ୍‌ ଦେଇଥିବା ବା ପଇସା ଦେଇଥିବା ଲୋକ ସୁବିଧା ପାଉ, ତାହା ଟଙ୍କିକିଆ ଚାଉଳ ହେଉ କି ଇନ୍ଦିରା ଆବାସ, ଏ କଥା କେଉଁ ମନ୍ତ୍ରୀ ନ ଚାହେଁ? ଏହା ତ ମନ୍ତ୍ରୀଙ୍କ ବା ମୁଖ୍ୟମନ୍ତ୍ରୀଙ୍କ ଅଫିସ୍‌ ପଲିଟିକ୍ସ। ପ୍ରାଇଭେଟ୍‌ ସେକ୍ରେଟାରୀ ଭଳି ଯିଏ କାନରେ କୁହେ ଓ ନିଷ୍ପତ୍ତି ନେବାବେଳେ ପାଖରେ ରହେ, ସିଏ ବେଶି ପ୍ରଭାବଶାଳୀ ବ୍ୟକ୍ତି ହୋଇପଡେ। ତାକୁ ସାଙ୍ଗ କରି ଅଫିସ୍‌ ପଲିଟିକ୍ସରେ ଭାଗ ନେଇପାରିଲେ ଭଲ ପଦବୀ ମିଳିବ, ଅବସର ପରେ ବି ସୁଖକର ପଦବୀ ମିଳିବ। ଯେଉଁ କର୍ମଚାରୀ ବା ଅଧିକାରୀ ଅଫିସ୍‌ ପଲିଟିକ୍ସରୁ ଦୂରରେ ରହେ, ସିଏ ଅପାରଗ ବା ଅନାଡିି। ଏବେ ପାଠକମାନେ ବୁଝୁଥିବେ - ମେରିଟ୍‌ ଗୋଟିଏ ଆଡେ ତ ଅଫିସ୍‌ ପଲିଟିକ୍ସ ଆଉ ଗୋଟିଏ ଆଡେ। ମେରିଟ୍‌ ପାଇଁ ନିୟମ ଅଛି, ତାହା ପାଇଁ ଲିଖିତ କାନୁନ ଲାଗୁ ହୁଏ। କିନ୍ତୁ ଭାଗ୍ୟ ତିଆରି ହୁଏ ଅଫିସ୍‌ ପଲିଟିକ୍ସରେ- ମୌଖିକ ଆଦେଶରେ। ତାକୁ ଲିଖିତ ନିୟମର ଗୁଳାରେ ପକାଇବାର ପ୍ରବନ୍ଧ କରନ୍ତି ‘ହାଁ ଜି’ କରୁଥିବା ଅଧିକାରୀମାନେ। ଯିଏ ଅଫିସ୍‌ ପଲିଟିକ୍ସରେ ପଶିନାହିଁ ତାକୁ ଲାଗିବ- ବ୍ୟବସ୍ଥା ଭିତରେ ଫନ୍ଦିଫିକର ଚାଲିଛି, ଜାଲିଆତି ଆଉ ଭଣ୍ଡାମି ଚାଲିଛି, ସବୁ କାମ ପକ୍ଷପାତ ଓ ମନମୁଖି, ଚିହ୍ନାପରଚରେ କାମ ଚାଲିଛି। ସଚିବାଳୟର ତୃତୀୟ ମହଲାରେ ମୁଖ୍ୟମନ୍ତ୍ରୀଙ୍କ ଦପ୍ତର ଥିବାରୁ କୌଣସି ସରକାରୀ କାମ ସରକାରଙ୍କ ଘୋଷିତ ନିୟମ ବିରୁଦ୍ଧରେ ଯାଉଥିଲେ ବୁଦ୍ଧିଜୀବୀଏ କହନ୍ତି ଏ ତୃତୀୟ ମହଲାର ପଲିଟିକ୍ସ। ଆମ ରାଜ୍ୟରେ କେହି ଯେତେବେଳେ କହେ ଅମୁକ କାମଟା ତୃତୀୟ ମହଲା କରିଛି, ସେ ପ୍ରକୃତରେ ଅଙ୍ଗୁଳି ଦେଖାଏ ତୃତୀୟ ମହଲାରେ ଥିବା ମୁଖ୍ୟମନ୍ତ୍ରୀଙ୍କ ଦପ୍ତରର ଅଧିକାରୀମାନଙ୍କ ପଲିଟିକ୍ସକୁ। ଧରାଧରି କରି ପଦବୀରେ ଅବସ୍ଥିତ ହୋଇଥିବା ଲୋକେ ଅଫିସ୍‌ ପଲିଟିକ୍ସକୁ ସ୍ବାଗତ କରନ୍ତି, ରାଜନୀତିର ଖେଳ ଖେଳନ୍ତି, କେତେକେ ବି ବିବେକକୁ ବିକି ଦିଅନ୍ତି। ଗବେଷଣାରୁ ଜଣାଯାଏ, ଯେତେବେଳେ ଜଣେ କର୍ମଚାରୀ ଭାବିନିଏ ଯେ ସେ କାମକରୁଥିବା ଜାଗାଟା ପଲିଟିକ୍ସର ଜାଗା ହୋଇଛି, ସେ ଆଗଠାରୁ କମ୍‌ କାମ କରେ, ତା’ କାମ ଆଗଠାରୁ ବେଶି ଉପରଠାଉରିଆ ହୁଏ, ସେଭଳି ଅଫିସ୍‌କୁ ଛାଡିଦିଏ। ଖରାପ ପଲିଟିକ୍ସକୁ ଚିହ୍ନଟ କରିବା ବଡ଼ ସହଜ। ସେଥିରେ ଥାଏ ବିବଦମାନ ଉକ୍ତି, ଧନ୍ଦାବାଜି, କାନକୁହା କଥା, ବିରୋଧୀ ବା ପ୍ରତିଯୋଗୀ ବିରୁଦ୍ଧରେ ଗୁଜବ ପ୍ରଚାର, ଅନ୍ୟକୁ ପଛକୁ ପକାଇ ନିଜେ ଆଗକୁ ଉଠିବାର ଯାବତୀୟ ଉପାୟ- ପ୍ରତ୍ୟକ୍ଷ ହେଉ କି ପରୋକ୍ଷ। ଭଲ ପଲିଟିକ୍ସ ବି ନିଜର ସ୍ବାର୍ଥକୁ ଊର୍ଦ୍ଧ୍ୱରେ ରଖେ, କିନ୍ତୁ ଅନ୍ୟମାନଙ୍କ ଅଧିକାରକୁ ଦଳି ଦିଏ ନାହିଁ କିମ୍ବା ସଂସ୍ଥାର ବିଧିଗତ ସ୍ବାର୍ଥକୁ ଜଳାଞ୍ଜଳି ଦିଏ ନାହିଁ। ତୁମର ନିଜର କାମକୁ ଅନ୍ୟମାନଙ୍କ ଦ୍ୱାରା ସ୍ବୀକୃତିଯୋଗ୍ୟ କରିବା, ତୁମର ଧାରଣା ଓ କଳ୍ପନାକୁ ଅନ୍ୟମାନେ ଗୁରୁତ୍ୱର ସହ ଗ୍ରହଣ କରନ୍ତୁ ବୋଲି ଚେଷ୍ଟା କରିବା, ଅନ୍ୟମାନେ ତୁମ ବିଷୟରେ ଯେମିତି ଭାବୁଛନ୍ତି ତାକୁ ପ୍ରଭାବିତ କରିବା ଏବଂ ନିଷ୍ପତ୍ତି ଯେପରି ତୁମ ନିଜ ସପକ୍ଷରେ ଆସେ, ତହିଁର ଉପାୟ କରିବା- ଏ ସବୁ ଅଫିସ୍‌ ପଲିଟିକ୍ସର ଲକ୍ଷଣ। ସାମାଜିକ ବିଜ୍ଞାନ ସମସ୍ତଙ୍କୁ ଭଲ ପଲିଟିକ୍ସ କରିବାକୁ କହେ। ପଲିଟିକ୍ସର ଚାରିଟି ପରିସର ଅଛି: ୧. ସାମାଜିକ ଦକ୍ଷତା- ଅନ୍ୟମାନେ ଆମକୁ କିପରି ଦେଖୁଛନ୍ତି ତାକୁ ଜାଣି ନିଜର ଆଚରଣ ବଦଳାଇବା। ୨. ପରସ୍ପର ମଧ୍ୟରେ ପ୍ରଭାବ- ଅନ୍ୟମାନଙ୍କୁ ବୁଝି ସେମାନଙ୍କର କ’ଣ ଦରକାର, ସେମାନଙ୍କର ଏଜେଣ୍ଡା କ’ଣ ଜାଣି ତଦନୁଯାୟୀ ନିଜର ସ୍ବାର୍ଥକୁ ପ୍ରସାରିତ କରିବା। ୩. ନେଟ୍‌ୱର୍କିଂ- ଚିହ୍ନାପରିଚୟଙ୍କୁ ଧରି କାମ କରିନେବା, ମିଳାମିଶାକରି ଉଭୟର ଉପକାର ହେଲାଭଳି ସମ୍ପର୍କ ରଖିବା। ଚିହ୍ନାପରିଚୟରେ କାମ କରିନେବା ସହଜ। ସେଥିପାଇଁ ଲୋକେ ରୋଟାରୀ, ଲାୟନ୍ସ ଭଳି କ୍ଲବ୍‌ ବା ଅଫିସର୍ସ କ୍ଲବ୍‌ରେ ମେମ୍ବର ହୁଅନ୍ତି। ଆଉ କହନ୍ତି- କଣ୍ଟାକ୍ଟ ମାନେ ତ କଣ୍ଟ୍ରାକ୍ଟ। ୪. ନିଷ୍ଠା ପ୍ରଦର୍ଶନ- ମନ ଭିତରେ ଯାହା ଥାଉ ନା କାହିଁକି ନିଷ୍ଠାର ସହ କାମ କରୁଛ ବୋଲି ଦେଖାଇହେବା। କାମ ଯାହା କର ନା କାହିଁକି ସଚ୍ଚୋଟପଣିଆର ପ୍ରଦର୍ଶନ କର, ଲୋକେ ଯେମିତି ତୁମକୁ ସଚ୍ଚୋଟ ସାଧୁ ଓ ଦିଲଦାର ଭାବିବେ ସେଭଳି ପରିବେଶ ସୃଷ୍ଟି କର। ଏସବୁ ମିଶିଗଲେ ପଲିଟିକାଲ ସ୍କିଲ୍‌ ହୁଏ। ତୁମର ଦୋଷ ଲୁଚିଯାଏ, ତୁମ କ୍ୟାରିୟର ଭଲ ହୁଏ। ଏଭଳି ପଲିଟିକ୍ସ କରି ନ ପାରିଲେ ତୁମେ ପଛରେ ପଡିଯିବ। ଗ୍ରୀକ୍‌ ଦାର୍ଶନିକ ପ୍ଲାଟୋ କହିଛନ୍ତି, ତୁମେ ଯଦି ପଲିଟିକ୍ସରେ ଭାଗ ନ ନେବ, ତୁମଠାରୁ ଅଳ୍ପ ଜ୍ଞାନ ଓ ଅଳ୍ପ ଦକ୍ଷତାର ଲୋକେ ତୁମ ଉପରେ ଶାସନ କରିବେ। ଏ ହେଉଛି ଅଫିସ ପଲିଟିକ୍ସର ଅଲିଖିତ ନିୟମ।
ଇମେଲ୍‌ : sahadevas@yahoo.com

All Right Reserved By

ସମ୍ପାଦକୀୟ |

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ଭାରତରେ ପିଲାମାନଙ୍କୁ ବଡ଼ ହେଲେ କ’ଣ ହେବ ବୋଲି ଏକ ନିର୍ଦ୍ଦିଷ୍ଟ ପ୍ରଶ୍ନ ସର୍ବଦା ପଚରାଯାଇଆସୁଛି। ପ୍ରାୟ ଅଧିକାଂଶଙ୍କଠାରୁ ଉତ୍ତର ମିଳିଆସୁଛି ଡାକ୍ତର ଓ ଇଞ୍ଜିନିୟର ହେବେ। ଯଦିଓ ଛୁଆଟିଏ ଏହି ପାଠ୍ୟକ୍ରମ ସହିତ ଅଭ୍ୟସ୍ତ ନ ଥାଏ, ତଥାପି ମାତାପିତାଙ୍କ ଅଭିଳଷିତ ସ୍ବପ୍ନ ପିଲାଙ୍କ ଉପରେ ଅଜାଡ଼ି ହୋଇଯାଇଥାଏ ବୋଲି କୁହାଯାଏ। ଏବେ ଏହି ଦୁଇ ବୃତ୍ତିରେ ଘରୋଇ କଲେଜରେ ନାମ ଲେଖାଉଥିବା ପିଲାଙ୍କ ବିଷୟରେ ଅନେକ ନକାରାତ୍ମକ ତଥ୍ୟ ସାମ୍ନାକୁ ଆସିବା ଆରମ୍ଭ କଲାଣି। ଏକ ରିପୋର୍ଟରୁ ଜଣାପଡ଼ିଛି ଯେ ୨୦୧୭ରେ ନ୍ୟାଶନାଲ ଏଲିଜିବିଲିଟି କମ୍‌ ଏଣ୍ଟ୍ରାନ୍ସ ଟେଷ୍ଟ (ଏନ୍‌ଇଇଟି) ଅନ୍ତର୍ଗତ ଫିଜିକ୍ସ (ପଦାର୍ଥ ବିଜ୍ଞାନ) ଓ କେମିଷ୍ଟ୍ରି (ରସାୟନ ବିଜ୍ଞାନ) ବିଷୟବସ୍ତୁରେ ୫୧୦ ବିଦ୍ୟାର୍ଥୀ ଶୂନ ...

 ବଳାତ୍କାର ଓ ସାମାଜିକ ବିଫଳତା

ବଳାତ୍କାର ଓ ସାମାଜିକ ବିଫଳତା

ସବ୍ୟସାଚୀ ଅମିତାଭ ବଳାତ୍କାର କେବଳ ଦଣ୍ଡନୀୟ ଅପରାଧ ନୁହେଁ ବରଂ ଦେଶ ଓ ସମାଜ ପାଇଁ ଲଜ୍ଜା। ଇତିମଧ୍ୟରେ କେନ୍ଦ୍ର କ୍ୟାବିନେଟ୍‌ କ୍ରିମିନାଲ ଲ’ ସଂଶୋଧନ ଅଧ୍ୟାଦେଶ ଆଣିିଛନ୍ତି। ଏଥିରେ ୧୨ ବର୍ଷ ପର୍ଯ୍ୟନ୍ତ ନାବାଳିକା ଓ ଶିଶୁଙ୍କ ସହ ବଳାତ୍କାର କରୁଥିବା ଅପରାଧୀଙ୍କୁ ମୃତ୍ୟୁଦଣ୍ଡ ଦେବାର ବ୍ୟବସ୍ଥା ରହିଛି। ଅତୀତରେ ନିର୍ଭୟା କାଣ୍ଡ ସାରା ଦେଶକୁ ବିଚଳିତ କରିଥିଲା। ସେତେବେଳେ ବି ଆଇନରେ ସଂଶୋଧନ ଅଣାଯାଇଥିଲା। ନାବାଳକ ବା କିଶୋରଙ୍କ ଦ୍ୱାରା କରାଯାଉଥିବା ଜଘନ୍ୟ ଅପରାଧରେ ବିଚାର ପାଇଁ ଅଭିଯୁକ୍ତଙ୍କ ବୟସ ୧୮ ବର୍ଷ ବଦଳରେ ୧୬ ବର୍ଷ କରାଯାଇଥିଲା। ପୋକ୍‌ସୋ ଆଇନକୁ କଡା କରାଯାଇସାରିଛି।...

ଅପରିଣାମଦର୍ଶୀ ମଣିଷ

ଅପରିଣାମଦର୍ଶୀ ମଣିଷ

ବୈକୁଣ୍ଠନାଥ ମିଶ୍ର ଏକଦା ଜଣେ ଆଧୁନିକ ଶିକ୍ଷିତ ଯୁବକ ବନ୍ଧୁମାନଙ୍କ ସହ ଶିକାର ଓ ବଣଭୋଜି ପାଇଁ ଘୋର ଜଙ୍ଗଲ ମଧ୍ୟକୁ ଯାଇ ବାଟବଣା ହୋଇଗଲେ। ଏଣେତେଣେ ବୁଲୁ ବୁଲୁ ଯୁବକ ଦେଖିଲେ ତାଙ୍କୁ ବଣର ସବୁ ପ୍ରାଣୀ ଘେରି ଯାଇଛନ୍ତି। ଯୁବକଙ୍କୁ ଭୟଭୀତ ହେବାର ଦେଖି ପଶୁରାଜ ସିଂହ କହିଲା, ଭୟ କରନାହିଁ ଯୁବକ। ଆଜି ତୁମ ସହ ଆମର ଏକ ଆଲୋଚନା ସଭା ଅନୁଷ୍ଠିତ ହେବ। ଆଲୋଚନାର ପ୍ରସଙ୍ଗ ପଶୁ-ମଣିଷ ସମ୍ପର୍କ। ଏଥିରେ ତୁମେ ତୁମର ଓ ଆମେ ଆମର ବକ୍ତବ୍ୟ ରଖିବୁ। ଆମେ ପରାସ୍ତ ହେଲେ ପୂର୍ବବତ୍‌ ତୁମର ବଶ୍ୟତା ସ୍ବୀକାର କରିବୁ ଏବଂ ତୁମେ ପରାସ୍ତ ହେଲେ ଆମ୍ଭମାନଙ୍କୁ ଶିକାର କରିବ ନାହିଁ କିମ୍ବା ଆମ ବାସସ୍ଥାନ ଉପରେ କର୍ତ୍ତୃତ୍ୱ ଜାହିର କରି ଏହାକୁ ଧ୍ୱଂସ କରିବ ନାହିଁ। ଆମ ଆଲୋଚନାର ସାକ୍ଷୀ ରହିବେ ଏ ବନଭୂମି ଓ ବୃକ୍ଷଲତା।...

ଏଇ ଭାରତରେ

ଏଇ ଭାରତରେ

ସମାଜରେ ଅନେକ ବ୍ୟକ୍ତି ଅଛନ୍ତି ଯେଉଁମାନେ ଅର୍ଥ ଏବଂ ଯୋଗାଡ଼ଯନ୍ତ୍ର ଅଭାବରୁ ବିବାହ କରିପାରି ନ ଥାନ୍ତି। ସେହି ଆର୍ଥତ୍କ ଦୁର୍ବଳ ଶ୍ରେଣୀର ଯୁବତୀଯୁବକଙ୍କୁ ବିବାହ ବନ୍ଧନରେ ଆବଦ୍ଧ କରିବା ପାଇଁ ଜାଫ୍ରି କାଉନସିଲ୍‌ ଆଗେଇ ଆସିଛି। ଦୀର୍ଘ ୪ବର୍ଷ ଧରି ଏହି ଅନୁଷ୍ଠାନ ବର୍ଷକୁ ଥରେ ଗଣବିବାହ ଆୟୋଜନ କରିଆସୁଛି। ଚଳିତ ବର୍ଷ ଶ୍ରୀନଗରରେ ଆୟୋଜିତ ଗଣବିବାହ କାର୍ଯ୍ୟକ୍ରମରେ ୧୦୫ ଦମ୍ପତି ବିବାହ ବନ୍ଧନରେ ବାନ୍ଧି ହୋଇଛନ୍ତି। ଉକ୍ତ ରାଜ୍ୟର ବିଭିନ୍ନ ଜିଲାରୁ ଆର୍ଥତ୍କ ଦୁର୍ବଳ ଶ୍ରେଣୀର କନ୍ୟାବର ସାମିଲ ହୋଇଥିଲେ। ଏହା ଏକ ସରଳ ତଥା ନିରାଡମ୍ବର ବିବାହ ଉତ୍ସବ ଥିଲା। ରବିବାର ଅମରସିଂ କ୍ଲବ୍‌ଠାରେ ଧର୍ମୀୟ ତଥା ସାମାଜିକ ସଂଗଠନ ଜାଫ୍ରି କାଉନସିଲ୍‌ ଦ୍ୱାରା ଏହା ଆୟୋଜିତ ହୋଇଥିଲା। ଉକ୍ତ କାଉନସିଲ୍‌ ପୂର୍ବରୁ ଗଣବିବାହ ଆୟୋଜନ କରାଇଥିଲେ ମଧ୍ୟ ଏଥର ସଂଖ୍ୟା ଥିଲା ସବୁଠୁ ଅଧିକ। ବିବାହ କରିବାକୁ ଥିବା କନ୍ୟାବର ଏହି ସଂଗଠନରେ ପ୍ରଥମେ ନାମ ...

ହିସାବରେ ଅତିକ୍ରମ

ହିସାବରେ ଅତିକ୍ରମ

ତଥାଗତ ସତପଥୀ: ବିଶ୍ୱ ବ୍ୟାଙ୍କ ରିପୋର୍ଟ ୨୦୧୭ ଅନୁଯାୟୀ ମୋଟ ଘରୋଇ ଉତ୍ପାଦ(ଜିଡିପି) ଦୃଷ୍ଟିକୋଣରୁ ଫ୍ରାନ୍ସକୁ ଅତିକ୍ରମ କରି ଭାରତ ବିଶ୍ୱର ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଲାଭ କରିଛି। ଆମେରିକା ସର୍ବବୃହତ୍‌ ଅର୍ଥନୀତିର ଟ୍ୟାଗ୍‌କୁ ବଜାୟ ରଖିଥିବା ବେଳେ ତା’ ପଛକୁ ଚାଇନା, ଜାପାନ, ଜର୍ମାନୀ ଏବଂ ବ୍ରିଟେନ୍‌ ରହିଛନ୍ତି। ରିପୋର୍ଟ କହେ, ଫ୍ରାନ୍ସର ଜିଡିପି ୨.୫୮୨ ଟ୍ରିଲିୟନ୍‌ ଡଲାର ଥିବାବେଳେ ଭାରତର ରହିଛି ୨.୫୯୭ ଟ୍ରିଲିୟନ୍‌ ଡଲାର। ଏହି ୧୫ ଟ୍ରିଲିୟନ ଡଲାର ପାର୍ଥକ୍ୟକୁ କୌଣସି ଭାବେ ଗୌଣ କରାଯିବା ଉଚିତ ନୁହେଁ। ବାସ୍ତବରେ ଭାରତୀୟଙ୍କ ପାଇଁ ଏହା କିପରି ଗୁରୁତ୍ୱ ବହନ କରୁଛି, ତାହା ବର୍ତ୍ତମାନ ପ୍ରଶ୍ନବାଚୀ ସୃଷ୍ଟି କରିଛିି। ସଂଖ୍ୟା ହିସାବକୁ ନିଆଗଲେ ଷଷ୍ଠ ବୃହତ୍‌ ଅର୍ଥନୀତି ହେଲେ ସୁଦ୍ଧା ଭାରତକୁ ଆହୁରି ଅନେକ ମାଇଲଖୁଣ୍ଟ ଅତିକ୍ରମ କରିବାକୁ ପଡ଼ିିବ ବୋଲି ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର କହିଛନ୍ତି। ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଆଶା ବାହାରେ ନୁହେଁ, ମାତ୍ର ଦେଶର ମୁଣ୍ଡପିଛା ଆୟ ଚିନ୍ତାର ବିଷୟ ବୋଲି ସେ ମତବ୍ୟକ୍ତ କରିଛନ୍ତି। କାରଣ ଫ୍ରାନ୍ସରେ ଏହା ୪୩,୭୨୦ ଡଲାର ହୋଇଥିବାବେଳେ ଭାରତରେ ମାତ୍ର ୭,୦୬୦ ଡଲାର ରହିଛି।...

ମଦ୍ୟପାନ: ନକଲ ଓ ଅକଲ

ମଦ୍ୟପାନ: ନକଲ ଓ ଅକଲ

ଡ. ରମେଶ ଚନ୍ଦ୍ର ପରିଡ଼ା: କଥାରେ କହନ୍ତି ”ନକଲରେ ଅକଲ“ ନ ଥାଏ। ଏଠାରେ ନକଲ କହିଲେ ବୁଝାଏ ଅନ୍ଧ ଅନୁକରଣକୁ। ଏଭଳି କରିବା ନିର୍ବୋଧତାର ପରିଚୟ ଦିଏ। ତେବେ ଆମେ ଅନେକେ ଅଧିକାଂଶ ସମୟରେ ତାହା କରୁ। ବଡ ବୋଲି ଭାବୁଥିବା କୌଣସି ଲୋକର ବାହ୍ୟ ଚାକଚକ୍ୟ ଦେଖି ତାକୁ ନକଲ କରୁ, ତାହାର ଭଲମନ୍ଦ ବିଚାର ନ କରି। ଆମ ସମାଜରେ ମଦ୍ୟପାନର ପ୍ରସାର ଘଟିଛି ଏବଂ ଘଟୁଛି ସେହିଭଳି କାରଣରୁ। ପ୍ରଥମେ ଆଭିଜାତ୍ୟରେ ବିଦେଶୀ ଶାସକଙ୍କ ସମକକ୍ଷ ହେବା ଲାଗି ଆମ ସମାଜର ତଥାକଥିତ ଉଚ୍ଚବର୍ଗର ଲୋକେ ତାଙ୍କୁ ଏଥିରେ ଅନୁକରଣ କଲେ। ଏବେ ତ ଆମେ ସମସ୍ତେ ନିଜକୁ ଆଭିଜାତ୍ୟସମ୍ପନ୍ନ ବୋଲି ଉପସ୍ଥାପିତ କରିବାରେ ବ୍ୟସ୍ତ। ସେଇଥିପାଇଁ ଏହା ବଢୁଛି। ପୁନଶ୍ଚ ଆଗେ ଆମେ ମଦ୍ୟପାନ କରୁଥିବା ଲୋକଙ୍କୁ ଘୃଣା କରୁଥିଲୁ। ଆଜିକାଲି ତାହା ନାହିଁ। ପକ୍ଷାନ୍ତରେ, ଆମ ଦୃଷ୍ଟିରେ ସେଲିବ୍ରିଟି ହୋଇଥିବା ବର୍ଗର ଲୋକଙ୍କ ଜୀବନଧାରାର ଏହା ଏକ ଅବିଚ୍ଛେଦ୍ୟ ଅଙ୍ଗ। ଆମେ ବି ତାଙ୍କୁ ନକଲ କରି ନିଜର ଗୁରୁତ୍ୱ ବଢାଇବାରେ ବ୍ୟସ୍ତ। ଏଥିପାଇଁ ଅକଲର ଦରକାର ପଡୁନାହିଁ।...

କାଳିଆ, ତୁ’ ସତରେ କାହାର

କାଳିଆ, ତୁ’ ସତରେ କାହାର

ଡ. ନରହରି ବେହେରା: ମୁଁ ଏଇଠି ଠିଆ ହେଇଚିରେ କାଳିଆ! ବଅସ ହଟିଲାଣି, ଆଖିକି ଭଲ ଦୁଶୁନି, ତଥାପି ତୋତେ ଦେଖିବି ବୋଲି ଦୌଡ଼ି ଆସିଛି। ହେଲେ ମୁଁ ତୋ ପାଖକୁ ଯାଇପାରୁନି। ମୁଁ ନ ଯାଇପାରିଲେ କ’ଣ ହେଲା, ତୁ କ’ଣ ମୋ ପାଖକୁ ଟିକିଏ ଆସିବୁନି? ନିଶ୍ଚୟ ଆସିବୁ। ହେଇ ତୁ ତ ରଥରେ ବସିଲୁଣି। ତୋର ସେଇ ଚକା ଚକା ଆଖି ଦି’ଟା ଦିଶିଲାଣି। ଆରେ, ମୋ ଆଡ଼େ ଟିକିଏ ନ ଚାହିଁ ସିଧା ସିଧା କୁଆଡ଼େ ପଳାଇ ଯାଉଛୁ, ମୋ ଆଖିର ଲୁହ ତୋତେ କ’ଣ ଦେଖାଯାଉନି? ଏ ବୁଢ଼ୀଟା ତୋତେ ବିକଳରେ ଚାହିଁଛି, ତୋ ହୃଦୟ ତରଳି ଯାଉନି? ହଁ ମୁଁ ବି ବାୟାଣୀ ହେଇଗଲିଣି। ତୁ କେତେବେଳେ କାହାର ଥିଲୁ ଯେ, ଆଜି ମୋର ହବୁ? ତୁ ତ ନଟନାଗର, ହଟିଆ କଳାକାର। ତୁ ଯାହାକୁ ଚାହିଁବୁ ତା’ ପାଖକୁ ଯିବୁ, ତୋତେ ଯିଏ ଯେତେ ଚାହିଁଲେ ବି ଯିବୁନି।...

ଏଇ ଭାରତରେ

ଏଇ ଭାରତରେ

ନିଜେ ପରିଷ୍କାର ରହିବା ସହିତ ପରିବେଶକୁ ନିର୍ମଳ ରଖିବା ଲାଗି ଆମ ଦେଶରେ କିଏ କେତେ ପ୍ରକାର ଉଦ୍ୟମ କରୁଛନ୍ତି। ଏହି ଉଦ୍ୟମର ଅଂଶ ସ୍ବରୂପ ଅହମଦାବାଦ୍‌ ମହାନଗର ନିଗମ (ଏଏମ୍‌ସି) ଅଧୀନରେ ଥିବା ପ୍ରାଥମିକ ସ୍କୁଲ୍‌ ପିଲାମାନଙ୍କର ମାସକୁ ଥରେ ମାଗଣା କେଶ କଟାଯିବ। ଏହା ‘ସ୍ବଚ୍ଛତା ଆଡକୁ ପାଦେ’ କାର୍ଯ୍ୟକ୍ରମର ଅଂଶବିଶେଷ। ଏଥିପାଇଁ ନିଗମ ଏକ ସ୍ବେଚ୍ଛାସେବୀ ସଂଗଠନ (ଇଣ୍ଟରନ୍ୟାଶନାଲ୍‌ ସ୍କୁଲ୍‌ ଅଫ୍‌ ଆସ୍‌ଥେଟିକ୍ସ ଆଣ୍ଡ୍‌ ସ୍ପା) ସହିତ ଚୁକ୍ତି ସ୍ବାକ୍ଷର କରିଛି।...

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ଆକାର ପଟେଲ ପାକିସ୍ତାନ ଅପେକ୍ଷା କରିଛି ତା’ର ପରବର୍ତ୍ତୀ ତ୍ରାଣକର୍ତ୍ତା ଦ୍ରୁତ ବୋଲର ଇମ୍ରାନ୍‌ ଖାନ୍‌ଙ୍କୁ, ଯିଏ କି ଚଳିତ ମାସରେ ହେବାକୁ ଯାଉଥିବା ନିର୍ବାଚନରେ ଜିତି ପ୍ରଧାନମନ୍ତ୍ରୀ ହେବାର ଯଥେଷ୍ଟ ସମ୍ଭାବନା ରହିଛି। ଦେଶର ସେନା ତଥା ପ୍ରଭାବଶାଳୀ ଅମଲାତନ୍ତ୍ରୀମାନେ ତାଙ୍କୁ ସମର୍ଥନ କରୁଥିବା ବେଳେ ଗଣମାଧ୍ୟମରେ ଏପରି ଖବର ପ୍ରକାଶ ପାଉଛି। କଶ୍ମୀରୀ ମୂଳ ପଞ୍ଜାବୀ ନେତା ନଓ୍ବାଜ ଶରିଫ ଗିରଫ ହୋଇ ଜେଲ ଯିବା ଏ ଦିଗରେ ଅନ୍ତିମ ପଦକ୍ଷେପ। ଖାନ୍‌ଙ୍କ ଦଳ ତେହରିକ୍‌ ଇ ଇନ୍‌ସାଫ ଖାଇବର ପାଖତୁନ୍‌ଖ୍ବା ଅଞ୍ଚଳରେ ମଜଭୁତ ଥିବା ବେଳେ ଶରିଫଙ୍କ ଦଳ ମଧ୍ୟ ଏ ଅଞ୍ଚଳରେ ବେଶ୍‌ ଶକ୍ତିଶାଳୀ ରହିଛି। ଦୁର୍ନୀତି ଓ ବିପୁଳ ସମ୍ପତ୍ତି ଠୁଳ ଅଭିଯୋଗରେ ଦୋଷୀ ସାବ୍ୟସ୍ତ ହୋଇ ଶରିଫ ଯଦି ଜେଲ ଯାଇ ନ ଥାନ୍ତେ ତେବେ ଗଣତାନ୍ତ୍ରିକ ଭାବେ ସଫଳତା ପାଇବା ଖାନ୍‌ଙ୍କ ...

ସେଇ ଆଖି ଦିଓଟି

ସେଇ ଆଖି ଦିଓଟି

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ ବଡ ରହସ୍ୟମୟ ସେଇ ଆଖି ଦିଓଟି। ବିଶ୍ୱାସ ଓ ବିଜ୍ଞାନର ଦ୍ୱନ୍ଦ୍ୱ ମଧ୍ୟରେ ସେଇ ଆଖି ଦିଓଟିର ଆକର୍ଷଣ ଯେମିତି ଅଭିନବ, ସେମିତି ଅବୋଧ୍ୟ। କାଳ କାଳ ଧରି ଏହା ଆକର୍ଷିତ କରିଆସିଛି ବିଶ୍ୱର ଅଗଣିତ ମଣିଷଙ୍କୁ। ଜାତି, ଧର୍ମ, ବର୍ଣ୍ଣ, ଲିଙ୍ଗ ବା ବୟସ ନିର୍ବିଶେଷରେ ବିମୋହିତ କରିଛି ମୂର୍ଖଙ୍କଠାରୁ ପଣ୍ଡିତଙ୍କ ଯାଏଁ, ଧନୀଙ୍କଠୁ ନିର୍ଦ୍ଧନଙ୍କ ପର୍ଯ୍ୟନ୍ତ। ସେଇ ଆଖି ଦିଓଟି ସହ ନିଜ ନିଜର ଆଖି ମିଶାଇବା ପୂର୍ବରୁ ଅବଶ୍ୟ ଅଭିଳାଷରେ ଅତିଷ୍ଠ ହୋଇଛନ୍ତି ସଭିଏଁ ଓ ଚାରିଚକ୍ଷୁର ମିଳନ ପରେ ଅମୃତମୟ ଅନୁଭବରେ ବିଭୋର ହୋଇଛନ୍ତି ସମସ୍ତେ।...

ଅନନ୍ୟ ବିଚାରକ

ଅନନ୍ୟ ବିଚାରକ

ବ୍ୟକ୍ତିତ୍ୱ/ଜିତେନ୍ଦ୍ର ବିଶିଷ୍ଟ ସ୍ଥପତି ରଘୁନାଥ ମହାପାତ୍ର, ଶାସ୍ତ୍ରୀୟ ଶିଳ୍ପୀ ସୋନାଲ ମାନ୍‌ସିଂ, ପୂର୍ବତନ ଏମ୍‌ପି ରାମ ଶକଲ ଏବଂ ରାଷ୍ଟ୍ରୀୟ ସ୍ବୟଂସେବକ ସଂଘ (ଆର୍‌ଏସ୍‌ଏସ୍‌) ବିଚାରକ ତଥା ଦିଲ୍ଲୀ ବିଶ୍ୱବିଦ୍ୟାଳୟ ପ୍ରଫେସର ରାକେଶ ସିହ୍ନାଙ୍କୁ ୨୦୧୮ ଜୁଲାଇ ୧୪ରେ ରାଷ୍ଟ୍ରପତି ରାମନାଥ କୋବିନ୍ଦ ରାଜ୍ୟ ସଭାକୁ ମନୋନୀତ କରିଛନ୍ତି। ପ୍ରତ୍ୟେକ ନିଜ କ୍ଷେତ୍ରରେ ଉତ୍ତମ ପାରଦର୍ଶିତା ଦେଖାଇ ସାରିଛନ୍ତି। ତେବେ ବିଚାରଗତ ଆଦର୍ଶ ଓ ଶିକ୍ଷା କ୍ଷେତ୍ରରେ ଉତ୍କର୍ଷ ଲାଭ କରି ଚର୍ଚ୍ଚିତ ...

ଏଇ ଭାରତରେ

ଏଇ ଭାରତରେ

ସରକାରୀ ସ୍କୁଲର କେତେକ ଛାତ୍ର ଘରୋଇ ସ୍କୁଲ୍‌ମୁହଁା ହେଉଥିବା ବେଳେ ସେମାନଙ୍କୁ ଏଥିରୁ ନିବୃତ୍ତ କରିବା ପାଇଁ ବିଭାଗୀୟ କର୍ତ୍ତୃପକ୍ଷ ଏକ ଅଭିନବ ଉପାୟ ଆପଣାଇଛନ୍ତି। କର୍ନାଟକସ୍ଥିତ ମହୀଶୂର ଜିଲାର ନାଞ୍ଜାନଗୁଡ ତାଲୁକ ଅଧୀନ ଏକ ସରକାରୀ ସ୍କୁଲ କାନ୍ଥକୁ ଟ୍ରେନ୍‌ ଭଳି ଚିତ୍ରିତ କରାଯାଇଛି। ଏହାକୁ ଏକ ନୂଆ ରୂପ ଦେବାଦ୍ୱାରା ପିଲା ଓ ଅଭିଭାବକଙ୍କ ଦୃଷ୍ଟିଭଙ୍ଗୀ ବଦଳିଯିବ ବୋଲି ବ୍ଲକ୍‌ ଶିକ୍ଷା ଅଧିକାରୀ ଏମ୍‌. ନାରାୟଣ ପ୍ରକାଶ କରିଛନ୍ତି। ପ୍ରଥମରୁ ...

Model This Week

ରୂପେଶ