ସମ୍ବଲପୁର

୨ ବାଇକ୍‌କୁ ଧକ୍କା ଦେଲା କାର, ୨ ମୃତ

୨ ବାଇକ୍‌କୁ ଧକ୍କା ଦେଲା କାର, ୨ ମୃତ

ରାଉରକେଲା ଅଫିସ/ବେଦବ୍ୟାସ(ଡିଏନଏ)୨୨।୮-ସୁନ୍ଦରଗଡ଼ ଜିଲା ବ୍ରାହ୍ମଣୀତରଙ୍ଗ ଥାନା ଅଧୀନ ଚିକଟମାଟି ଅଞ୍ଚଳରେ ମଙ୍ଗଳବାର ଏକ ସଡ଼କ ଦୁର୍ଘଟଣାରେ ଦୁଇ ବାଇକ ଆରୋହୀଙ୍କ ମୃତ୍ୟୁ ଘଟିଛି। ସେମାନେ ହେଲେ ଜମନକିରାର ଅମିତ୍‌ ଟେଟେ ଓ ବଡ଼ଗାଁର ଅମୃତ ମିଞ୍ଜ । ମୃତଦେହକୁ ଆରଜିଏଚ୍‌ ମର୍ଗ ହାଉସରେ ରଖାଯାଇଛି। ଦୁର୍ଘଟଣା ଘଟାଇଥିବା କାର (ନଂ. ଓଆର-୧୪କେ-୮୯୦୧ ଓ କ୍ଷତିଗ୍ରସ୍ତ ହୋଇଥିବା ବାଇକ (ନଂ. ଓଡି-୧୪ଜେ ୭୩୩)କୁ ପୋଲିସ ଜବତ କରିଛି। ଅନ୍ୟ ଏକ ବାଇକ ସମ୍ପର୍କରେ କୌଣସି ସୂଚନା ମିଳି ପାରିନି। ସୁନ୍ଦରଗଡ଼ ପଟୁ ଆସୁଥିବା ସମ୍ପୃକ୍ତ କାର ବିପରୀତ ଦିଗରୁ ଆସୁଥିବା ଦୁଇ ବାଇକକୁ ଚିକଟମାଟି ନିକଟରେ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ଉଭୟ ବାଇକ୍‌ ଚାଳକଙ୍କ ମୃତ୍ୟୁ ଘଟିଥିଲା। ଏନେଇ ପୋଲିସ ତଦନ୍ତ ଜାରି ରଖିଛି ।

All Right Reserved By

ସମ୍ବଲପୁର

୧୨ ଜାଷୀଙ୍କ ଜମି ଛତିଶଗଡ଼ ରାଜସ୍ବ ବିଭାଗ ଛଡ଼ାଇ ନେବା ଘଟଣା

୧୨ ଜାଷୀଙ୍କ ଜମି ଛତିଶଗଡ଼ ରାଜସ୍ବ ବିଭାଗ ଛଡ଼ାଇ ନେବା ଘଟଣା

ନୂଆପଡା ଅଫିସ/ସିନାପାଲି,୧୮।୬(ଡି.ଏନ.ଏ.)- ନୂଆପଡା ଜିଲା ସିନାପାଲି ତହସିଲ ଅନ୍ତର୍ଗତ ନୂଆମାଲପଡା ଗ୍ରାମପଞ୍ଚାୟତ ସୀମାରେ ଥିବା ଚାଷୀଙ୍କ ପଟ୍ଟାଭୁକ୍ତ ଜମିକୁ ଛତିଶଗଡ଼ ରାଜସ୍ବ ବିଭାଗ ଜବରଦଖଲ କରିଛି । ସେହି ଜମିକୁ ଛତିଶଗଡ଼ର ଭୂମିହୀନ ଚାଷୀଙ୍କୁ ବାଣ୍ଟି ଦିଆଯାଇଛି। ଛତିଶଗଡ଼ ଚାଷୀମାନେ ଠେଙ୍ଗା ବାଡି ଧରି ପାଇଥିବା ଜମିକୁ ଜଗି ବସିଛନ୍ତି ।

ଓଡ଼ିଶାର କଳାହାଣ୍ଡିରୁ ହିଁ କଂଗ୍ରେସ ବିଜୟ ଯାତ୍ରା ଆରମ୍ଭ କରିବ

ଓଡ଼ିଶାର କଳାହାଣ୍ଡିରୁ ହିଁ କଂଗ୍ରେସ ବିଜୟ ଯାତ୍ରା ଆରମ୍ଭ କରିବ

ଭବାନୀପାଟଣା,୧୮।୬(ଡି.ଏନ.ଏ.)- କଂଗ୍ରେସ କର୍ମୀ ଓ ନେତାଙ୍କ ଏହି ଉତ୍ସାହ ଓ ମନବଳ ସୁଦୃଢ ରହିଲେ ୨୦୧୯ ସାଧାରଣ ନିର୍ବାଚନ କଂଗ୍ରେସ କଳାହାଣ୍ଡିରୁ ହିଁ ବିଜୟ ଯାତ୍ରା ଆରମ୍ଭ କରିବ ।

ବସ୍ତି ବାସିନ୍ଦାଙ୍କୁ ସ୍ଥାୟୀ ପଟ୍ଟା ପ୍ରଦାନ ଦାବି  ଶୋଭାଯାତ୍ରା, ଗଣବିକ୍ଷୋଭ

ବସ୍ତି ବାସିନ୍ଦାଙ୍କୁ ସ୍ଥାୟୀ ପଟ୍ଟା ପ୍ରଦାନ ଦାବି ଶୋଭାଯାତ୍ରା, ଗଣବିକ୍ଷୋଭ

ଜୁନାଗଡ,୧୮।୬(ଡି.ଏନ.ଏ.)- କଳାହାଣ୍ଡି ଜିଲା ଜୁନାଗଡ ସହରର ବସ୍ତିବାସିନ୍ଦାଙ୍କୁ ସ୍ଥାୟୀ ପଟ୍ଟା ପ୍ରଦାନ ଦାବିରେ ସୋମବାର ମା’ ମାଟି ମମତା ସଙ୍ଗଠନ ପକ୍ଷରୁ ଶୋଭାଯାତ୍ରା, ଗଣବିକ୍ଷୋଭ କରାଯାଇଛି।

ମରଣାନ୍ତକ ଆକ୍ରମଣ ଘଟଣା:ଅଭିଯୁକ୍ତ ବାପପୁଅ ଗିରଫ

ମରଣାନ୍ତକ ଆକ୍ରମଣ ଘଟଣା:ଅଭିଯୁକ୍ତ ବାପପୁଅ ଗିରଫ

ଲୋଇସିଂହା,୧୮।୬(ଡି.ଏନ.ଏ.) ଜମିବାଡି ବିବାଦକୁ କେନ୍ଦ୍ର କରି ବଲାଙ୍ଗୀର ଜିଲା ଲୋଇସିଂହା ଥାନା ତଥା ଖଲିଆପାଲି ପଞ୍ଚାୟତ ଅନ୍ତର୍ଗତ ରାମସିଆ ଗ୍ରାମର ଦୁଇ ପରିବାର ମଧ୍ୟରେ ରବିବାର ଗଣ୍ଡଗୋଳ ହୋଥିଲା ା ପ୍ରତିପକ୍ଷଙ୍କ ଟାଙ୍ଗିଆ ଆକ୍ରମଣରେ ଗୋଟିଏ ପରବାରର ୪ଜଣ ଗୁରୁତର ହୋଇଥିଲେ ା

ପାଗ ଅନୁକୂଳ, ବିହନ ନାହିଁ

ପାଗ ଅନୁକୂଳ, ବିହନ ନାହିଁ

ଲୋଇସିଂହା,୧୮।୬(ଡି.ଏନ.ଏ.) ବଲାଙ୍ଗୀର ଜିଲା ଲୋଇସିଂହା ବ୍ଲକର ଚାଷୀ ଏବେ ବିହନ ଅଭାବଜନିତ ସମସ୍ୟାର ସମ୍ମୁଖୀନ ହୋଇଛନ୍ତି। ପ୍ୟାକ୍ସ କିମ୍ବା ଡିଲରମାନଙ୍କ ପାଖରେ ଆବଶ୍ୟକ ବିହନ ନ ଥିବାରୁ ଚଳିତ ଖରିଫ ଧାନ ଫସଲ କିପରି କରିବେ ଚିନ୍ତାରେ ପଡି ଯାଇଛନ୍ତି।

ଦିନଦ୍ୱିପ୍ରହରରେ ନାବାଳିକାଙ୍କୁ ବଳାତ୍କାର

ଦିନଦ୍ୱିପ୍ରହରରେ ନାବାଳିକାଙ୍କୁ ବଳାତ୍କାର

ବୌଦ୍ଧ,୧୮।୬(ସ୍ବ.ପ୍ର.) ବୌଦ୍ଧ ସହରର ବାପୁଜୀନଗରରେ ଦିନଦ୍ୱିପ୍ରହରରେ ଜଣେ ୧୫ବର୍ଷୀୟ ଦଳିତ ନାବାଳିକା ବଳାତ୍କାରର ଶିକାର ହୋଇଛନ୍ତି। ଗଁ। ଦୋକାନରୁ ସଉଦା ନେଇ ଫେରୁଥିବା ବେଳେ ତାଙ୍କୁ ରାସ୍ତାରୁ ଉଠାଇ ନେଇ ଏକ ପରିତ୍ୟକ୍ତ ଘରେ ହାତଗୋଡ଼ ବାନ୍ଧି ବଳାତ୍କାର କରାଯାଇଥିବା ଥାନାରେ ଅଭିଯୋଗ କରାଯାଇଛି।

ପୁନରୁଦ୍ଧାର ହେଉନି, ହଜିଯାଉଛି ଜଳାଶୟ

ପଦ୍ମପୁର, ୧୮।୬ (ଡି.ଏନ.ଏ) ବରଗଡ଼ ଜିଲା ପଦ୍ମପୁର ବିଜ୍ଞାପିତ ଅଞ୍ଚଳ ପରିଷଦ (ଏନଏସି) ଅଞ୍ଚଳରେ ୧୦ଟିରୁ ଊର୍ଦ୍ଧ୍ୱ ପୋଖରୀ ଥିବାବେଳେ ଏବେ ଜଳାଶୟ ଗୁଡିକର ଅବସ୍ଥା ଶୋଚନୀୟ ହୋଇପଡିଛି । କେଉଁଠାରେ ପୋଖରୀ ପୋତି ହୋଇଗଲାଣି ତ ଆଉ କେଉଁଠି ଜବରଦଖଲ। ପଦ୍ମପୁର କ୍ଷୁଦ୍ର ଜଳସେଚନ ବିଭାଗ କାର୍ଯ୍ୟାଳୟକୁ ଲାଗି ରହିଥିବା ଦାନୀବନ୍ଧ ଏକଦା ସହରବାସୀଙ୍କ ମୁଖ୍ୟ ଜଳାଶୟ ଥିଲା। ମାତ୍ର ରକ୍ଷଣାବେକ୍ଷଣ ଅଭାବରୁ ଏହି ପୋଖରୀ ସତ୍ତା ହରାଇଥିବା ବେଳେ ଦାନୀବନ୍ଧକୁ ଲାଗି ରହିଥିବା ଏକ ବନ୍ଧ ଏବେ ଜବରଦଖଲକାରୀଙ୍କ କବ୍‌ଜାରେ ରହିଛି ।

ବୀମାକୁ ନେଇ ଦ୍ୱନ୍ଦ୍ୱରେ ଚାଷୀ

ପ୍ରେମାନନ୍ଦ ଖମାରୀ, ବରଗଡ଼ ଅଫିସ୍‌,୧୮।୬ ଫସଲବୀମା ପାଇଁ ବୀମା କମ୍ପାନୀ ଓ ସରକାରୀ ଅଧିକାରୀମାନେ ତତ୍ପରତାର ସହିତ ପ୍ରିମିୟମ ଅସୁଲି କରୁଛନ୍ତି । ନିର୍ଦ୍ଧାରିତ ସମୟ ଗଡ଼ିଗଲେ ବୀମା କମ୍ପାନୀ କିମ୍ବା ସମ୍ପୃକ୍ତ ସରକାରୀ ଅଧିକାରୀ ପ୍ରିମିୟମ ରାଶି ଗ୍ରହଣ କରୁନାହାନ୍ତି । ହେଲେ ଫସଲକ୍ଷତି ପରେ ବୀମା କ୍ଷତିପୂରଣ ପ୍ରଦାନ ସମୟ ଆସିଗଲେ ବୀମା କମ୍ପାନୀର ସେହି ତତ୍ପରତା ଯେଭଳି ଭାବେ ହଜି ଯାଉଛି, ବିଭାଗୀୟ ପ୍ରଶାସନିକ ଅଧିକାରୀଙ୍କ ମଧ୍ୟରେ ବି ସେଭଳି ଆନ୍ତରିକତା କିମ୍ବା ଇଚ୍ଛାଶକ୍ତି ଦେଖିବାକୁ ମିଳୁନାହିଁ । ଏଭଳି ସ୍ଥିତିରେ ବୀମା କ୍ଷତିପୂରଣ ପାଇବା ଆଶା ନେଇ ପ୍ରିମିୟମ ଜମା କରିଥିବା ଚାଷୀଙ୍କୁ ଦୋ ଛକିରେ ରହିବାକୁ ପଡ଼ୁଛି । ଗତ ୨୦୧୭ ଫସଲକ୍ଷତିକୁ ନେଇ କ୍ଷତିଗ୍ରସ୍ତ ଚାଷୀଙ୍କୁ ବର୍ତ୍ତମାନ ଅନୁରୂପ ଦୁର୍ଦ୍ଦଶା ଭୋଗିବାକୁ ପଡ଼ୁଛି । ମରୁଡ଼ି ଓ ଚକଡ଼ା ରୋଗପୋକ ଉପଦ୍ରବ ଯୋଗୁ ସେତେବେଳେ ରାଜ୍ୟର ଅନ୍ୟ ଜିଲାଗୁଡ଼ିକ ମଧ୍ୟରୁ ବରଗଡ଼ ଜିଲାରେ ସର୍ବାଧିକ ଫସଲକ୍ଷତି ହୋଇଥିଲା। ଏପରିକି ଫସଲକ୍ଷତି ଯୋଗୁ ଚାଷୀ ଆତ୍ମହତ୍ୟା ଅଭିଯୋଗର ଧାରା ଲମ୍ବି ଚାଲିଥିବାବେଳେ ଏହା ଏକ ରାଜନୈତିକ ପ୍ରସଙ୍ଗ ପାଲଟି ଯାଇଥିଲା। କେନ୍ଦ୍ର କୃଷି ରାଷ୍ଟ୍ରମନ୍ତ୍ରୀ ଏଠାକୁ ପହଞ୍ଚି କ୍ଷତିଗ୍ରସ୍ତ ଫସଲ ବୁଲି ଦେଖିବା ସହିତ ମୃତଚାଷୀଙ୍କ ଶୋକାକୁଳ ପରିବାର ବର୍ଗଙ୍କୁ ଭେଟିଥିଲେ । ବିଧାନସଭା ମଧ୍ୟ ସେତେବେଳେ ହୁଲସ୍ତୁଲ ହୋଇଥିଲା ।

ଶୀତଳଷଷ୍ଠୀ ସ୍ବତନ୍ତ୍ର ଲଫାପା ଉନ୍ମୋଚିତ

ଶୀତଳଷଷ୍ଠୀ ସ୍ବତନ୍ତ୍ର ଲଫାପା ଉନ୍ମୋଚିତ

ସମ୍ବଲପୁର, ୧୮।୬ (ବ୍ୟୁରୋ)-ସମ୍ବଲପୁର ଡାକ ମଣ୍ଡଳ ବିଭାଗ ପକ୍ଷରୁ ରବିବାର ରାତିରେ ଝାଡୁଆପଡା ବ୍ରହ୍ମପୁରା ମନ୍ଦିର ସମ୍ମୁଖରେ ଶୀତଳଷଷ୍ଠୀ ସ୍ବତନ୍ତ ଲଫାପା ଉନ୍ମୋଚିତ କରାଯାଇଛି ।

ସେବା,ସଂକ୍ପଳର ହାତ ବଢ଼ାଇଲେ ସ୍ବେଚ୍ଛାସେବୀ : ମୁଖ୍ୟସ୍ରୋତକୁ ଫେରିବେ ଅଶୋକ

ସେବା,ସଂକ୍ପଳର ହାତ ବଢ଼ାଇଲେ ସ୍ବେଚ୍ଛାସେବୀ : ମୁଖ୍ୟସ୍ରୋତକୁ ଫେରିବେ ଅଶୋକ

ରାଉରକେଲା ଅଫିସ,୧୮।୬-ପାରିବାରିକ ଅବହେଳାର ଶିକାର ହୋଇ ମାନସିକ ଭାରସାମ୍ୟ ହରାଇଥିବା ଜଣେ ବରିଷ୍ଠ ନାଗରିକ ଅଶୋକ ଦାସଙ୍କୁ ରବିବାର ଆଖି ସଙ୍ଗଠନର କର୍ମକର୍ତ୍ତା ଆମ୍ବାଗନ ଅଞ୍ଚଳରୁ ଉଦ୍ଧାର କରିଥିଲେ। ତାଙ୍କ ଦାଢି ଚୁଟି କାଟିବା ସହ ନୂଆ ପୋଷାକ ପିନ୍ଧାଇ ସ୍ବାଦିଷ୍ଟ ଖାଦ୍ୟ ପ୍ରଦାନ କରିଥିଲେ। ତାଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ କରିବା ପାଇଁ ଅନୁଷ୍ଠାନର କର୍ମକର୍ତ୍ତାମାନେ ପ୍ରୟାସ ଆରମ୍ଭ କରିଛନ୍ତି।

୧୦ ହଜାର କଳାକାର ଏକାକାର

୧୦ ହଜାର କଳାକାର ଏକାକାର

ସମ୍ବଲପୁର,୧୮।୬(ବ୍ୟୁରୋ)-ପ୍ରସିଦ୍ଧ ଶୀତଳଷଷ୍ଠୀ ଯାତ୍ରା ହୁଏ କଳାକାରଙ୍କ ମହାମିଳନ । ରାଜ୍ୟ ତଥା ରାଜ୍ୟ ବାହାରୁ ଲୋକବାଦ୍ୟ, ଲୋକନୃତ୍ୟ, ଲୋକଗୀତ କଳାକାରଙ୍କ ସମାଗମ ହୋଇଥାଏ । ଆଧୁନିକ ନୃତ୍ୟଶିଳ୍ପୀ ଓ କଣ୍ଠଶିଳ୍ପୀଙ୍କ ଯାଦୁରେ ଦର୍ଶକଙ୍କୁ ବିମୋହିତ ହୋଇଥାନ୍ତି। ଚଳିତ ବର୍ଷ ୧୦ହଜାର କଳାକାରଙ୍କ ସମାଗମ ହୋଇଛି । ନନ୍ଦପଡା ଯାତ୍ରା କମିଟିରେ ୨ହଜାର, ଝାଡୁଆପଡାରେ ୧ହଜାର ୮ଶହ, ମୁଦିପଡାରେ ୨ହଜାର ୫ଶହ, ବଡବଜାରରେ ୧ହଜାର ୩ଶହ, ଠାକୁରପଡାରେ ୮ଶହ, ବାଲିବନ୍ଧାରେ ୨ଶହ କଳାକାର ଆସିଛନ୍ତି । ଏତତ୍‌ବ୍ୟତୀତ ବୁଢ଼ାରଜା, ସାକ୍ଷୀପଡା, ସାଲିହାବଗିଚା, ଦୁର୍ଗାପାଲି, ଫାଟକ ଯାତ୍ରାରେ ପ୍ରାୟ ୧ହଜାର ୪ଶହ କଳାକାର ନୃତ୍ୟ ପରିବେଷଣ କରିବେ । ମହାଦେବଙ୍କ ବରାତି ଏବଂ ଶିବ ଓ ପାର୍ବତୀଙ୍କ ନଗର ପରିକ୍ରମାରେ ଦୁଲଦୁଲି,ସଂପ୍ରଦା, କସରତ୍‌, ଦଣ୍ଡନାଚ, ଘୁମୁରା, ମେଢ଼ ନାଚ, କଳଙ୍ଗି, ଆଦିବାସୀ ନୃତ୍ୟ, ଝାଞ୍ଜି, ବାଡିନାଚ, ଛଉ ନାଚ, ପୁତୁଲା ନାଚ, ବ୍ଲାକ୍‌ କୋବ୍ରା, ଭାଙ୍ଗଡା, ବିହୁ, ଧମାଲ୍‌ ବଜା, କାଠି ନାଚ, ପାଇକ ଆଖଡା, ସବର ନାଚ ଓ ସଂକୀର୍ତ୍ତନ, ଗୌରବାଡି, କରମା ନାଚ,ଯୋଡି ଶଙ୍ଖ ଓ ଦଶବତାର ଏବଂ ଆଧୁନୀକ ନୃତ୍ୟ ଆଦି ସାମିଲ ହୋଇଛି । ଏତଦ୍‌ବ୍ୟତୀତ୍‌ ଢ଼େଙ୍କାନାଳ, ଅନୁଗୁଳ, କଟକ, ସମ୍ବଲପୁରର ଅର୍କେଷ୍ଟ୍ରା ଦଳ ରହିଛନ୍ତି ।

ମହାନଦୀ ଜଳ ପରେ ଏବେ ଜମି ବିବାଦ : ୧୨ ଚାଷୀଙ୍କ ଚାଷଜମି  ଜବରଦଖଲ କଲା ଛତିଶଗଡ଼

ମହାନଦୀ ଜଳ ପରେ ଏବେ ଜମି ବିବାଦ : ୧୨ ଚାଷୀଙ୍କ ଚାଷଜମି ଜବରଦଖଲ କଲା ଛତିଶଗଡ଼

ନୂଆପଡା ଅଫିସ/ସିନାପାଲି,୧୮।୬(ଡି.ଏନ.ଏ.)- ମହାନଦୀ ଜଳକୁ ନେଇ ଓଡିଶା ଏବଂ ଛତିଶଗଡ ସରକାରଙ୍କ ମଧ୍ୟରେ ବିବାଦ ଲାଗି ରହି ଥିବାବେଳେ ଏବେ ଜମି ବିବାଦ ସାମ୍‌ନାକୁ ଆସିଛି । ନୂଆପଡା ଜିଲା ସିନାପାଲି ତହସିଲ ଅନ୍ତର୍ଗତ ନୂଆମାଲପଡା ଗ୍ରାମପଞ୍ଚାୟତ ସୀମାରେ ଥିବା ଚାଷୀଙ୍କ ପଟ୍ଟାଭୁକ୍ତ ଜମିକୁ ଛତିଶଗଡ ରାଜସ୍ବ ବିଭାଗ ଜବରଦଖଲ କରିଛି । ସେହି ଜମିକୁ ଛତିଶଗଡର ଭୂମିହୀନ ଚାଷୀଙ୍କୁ ବାଣ୍ଟି ଦିଆଯାଇଛି। ଛତିଶଗଡ଼ ଚାଷୀମାନେ ଠେଙ୍ଗା ବାଡି ଧରି ପାଇଥିବା ଜମିକୁ ଜଗି ବସିଛନ୍ତି । ଜିଲା ପ୍ରଶାସନ ଏହା ପରେ ବି କୌଣସି ପଦକ୍ଷେପ ଗ୍ରହଣ କରୁ ନ ଥିବାରୁ ସୀମାନ୍ତରେ ଉତ୍ତେଜନା ପ୍ରକାଶ ପାଇଛି ।

Model This Week

ପ୍ରଭାତ