ସମ୍ପାଦକୀୟ |

ପରୀକ୍ଷା ପରେ ପରୀକ୍ଷା

ପରୀକ୍ଷା ପରେ ପରୀକ୍ଷା

ଭାରତରେ ଶିକ୍ଷା ବ୍ୟବସ୍ଥା ଓ ନିକଟରେ ଘଟିଥିବା କେତୋଟି ଘଟଣା ସମ୍ପର୍କରେ ଜାତୀୟସ୍ତରରେ ଚିନ୍ତା କରିବାର ପ୍ରୟୋଜନ ଦେଖାଦେଲାଣି। ଅନେକ ଉଦାହରଣ ମଧ୍ୟରୁ ଅଳ୍ପ କେତୋଟି ଉଲ୍ଲେଖ କରାଯାଇପାରେ। ୨୦୧୬ରେ ବିହାର ସ୍କୁଲ ଏକ୍‌ଜାମିନେଶନ  ବୋର୍ଡ (ବିଏସ୍‌ଇବି) ଅଧୀନରେ ହୋଇଥିବା ଇଣ୍ଟରମିଡିଏଟ୍‌ ଆଟର୍‌ସ (ଆଇଏ) ପରୀକ୍ଷା ଦେଇ କୁମାରୀ ରୁବି ରାୟ ବିହାର ରାଜ୍ୟରେ ପ୍ରଥମ ସ୍ଥାନ ହାସଲ କରିଥିଲେ। ପରବର୍ତ୍ତୀ ସମୟରେ ଏକ ଟିଭି ଚ୍ୟାନେଲ ତରଫରୁ ଯେତେବେଳେ ଏହି ଛାତ୍ରୀଙ୍କୁ ପଲିଟିକାଲ ସାଇନ୍ସରେ କ’ଣ ପଢ଼ାଯାଏ ବୋଲି ପ୍ରଶ୍ନ କରାଯାଇଥିଲା, ସେତେବେଳେ ରୁବି କହିଥିଲେ ରୋଷେଇ ସମ୍ପର୍କୀୟ ଶିକ୍ଷା ଦିଆଯାଇଥାଏ। ଏଥିରେ ଓଡ଼ିଶାବାସୀ କୌଣସି ଆଶ୍ଚର୍ଯ୍ୟ ହେବାକଥା ନୁହେଁ। କାରଣ ଓଡ଼ିଶାର ସବୁ ଜିଲାରେ ପରୀକ୍ଷାର୍ଥୀମାନଙ୍କୁ ନଡ଼ିଆ ଗଛ ଚଢ଼ି କିମ୍ବା ପାଚେରି ଡେଇଁ କପି ଯୋଗାଇବାର ଦାୟିତ୍ୱ ନେଇଥାନ୍ତି ଅଭିଭାବକ, ଯେଉଁଥିରେ ମାତାପିତାଠାରୁ କକା, ଦଦା ପର୍ଯ୍ୟନ୍ତ ସମସ୍ତେ ଲାଗିପଡ଼ନ୍ତି। ଏହାର ଅର୍ଥ ହେଲା ଭାରତର ଆସନ୍ତାକାଲିର ପିଢ଼ିକୁ ଆମେ ଶିଖାଉଛୁ ଯେ କପିକରି ପାସ୍‌ ହେଲେ କୌଣସି ଦୋଷ ନାହିଁ। ଶିକ୍ଷାର ଚେରକୁ ପ୍ରଥମ ଚୋଟ ମାରୁଛନ୍ତି ଅଭିଭାବକ। ଅନ୍ୟ ଏକ ଦୃଷ୍ଟାନ୍ତ ଅତ୍ୟନ୍ତ କୌତୂହଳପୂର୍ଣ୍ଣ। ହ୍ବାଟ୍ସଆପ୍‌ରେ ଏକ ଭିଡିଓ ବୁଲୁଛି ଯେଉଁଥିରେ ଦେଖିବାକୁ ମିଳୁଛି ଜଣେ ଛାତ୍ରଙ୍କର ପାରଙ୍ଗମତା। ପରୀକ୍ଷା ଖାତା ରଖି ଲେଖିବାର ବୋର୍ଡ ବା ପଟାକୁ ଏହି ଛାତ୍ର ବିଭିନ୍ନ ରଙ୍ଗରେ ଚିତ୍ରିତ କରିଥିଲେ। ଗୋଟିଏ  ସ୍ଥାନରେ ସେହି ବୋର୍ଡକୁ ମାପରେ କାଟି ତଳ ପଟରୁ ଏକ ମୋବାଇଲ ଫୋନ୍‌ ଯୋଡିଥିଲେ। ସେହି ମୋବାଇଲ ଫୋନ୍‌ର ସ୍କ୍ରିନ୍‌ସେଭରକୁ ପଟା ରଙ୍ଗର ଫଟୋ ଉଠାଇ ଏକାଭଳିଆ ଦିଶୁଥିବାର ଡିଜାଇନ କଲେ। ପରୀକ୍ଷା ବେଳେ ସ୍କ୍ରିନ୍‌ସେଭରକୁ ଘୁଞ୍ଚାଇ ଉତ୍ତରର କପି ପରୀକ୍ଷା ଖାତାରେ ଲେଖୁଥିଲେ। ଏଥିରୁ ପ୍ରମାଣିତ ହେଉଛି ଯେ ବୁଦ୍ଧିଆ ପିଲାଙ୍କ ବୁଦ୍ଧି ପରୀକ୍ଷାର ଚାପ ଯୋଗୁ ନକାରାତ୍ମକ ଦିଗରେ ଯାଉଛି। ହୁଏତ ଅନ୍ୟ ଦେଶରେ ଏହି ପିଲା ପରୀକ୍ଷାରେ କପି କରିବା ଦିଗରେ ଧ୍ୟାନ ଦେବା ପରିବର୍ତ୍ତେ ନିଜର ବୁଦ୍ଧିକୁ କିଛି ଗୋଟିଏ ଉଦ୍ଭାବନରେ  ଲଗାଇଥାନ୍ତା। ଆମର ଶିକ୍ଷା ବ୍ୟବସ୍ଥା ସେଭଳି ସୁଯୋଗ ଦେଉନାହିଁ।ତୃତୀୟ ଦୃଷ୍ଟାନ୍ତ ଏକ ଅତି ଉଗ୍ର ରୂପ ଦେଖାଉଛି। ଦିଲ୍ଲୀ ନିକଟ ଗୁର୍‌ଗାଓଁସ୍ଥିତ ରାୟାନ ଇଣ୍ଟରନ୍ୟାଶନାଲ ସ୍କୁଲର ଛାତ୍ରହତ୍ୟା ଘଟଣା ଏକ ନୂଆ ମୋଡ଼ ନେଇଛି। ଗତ ସେପ୍ଟେମ୍ବର ୮ରେ ଏହି ସ୍କୁଲର ୭ ବର୍ଷର ଛାତ୍ର ପ୍ରଦ୍ୟୁମ୍ନ ଠାକୁରଙ୍କ ମୃତଦେହ ସ୍କୁଲ ପାଇଖାନାରୁ ମିଳିଥିଲା। ଏହି ଦାମୀ ସ୍କୁଲରେ ଦାମୀ ମାତାପିତାଙ୍କ ଛୁଆ ପଢ଼ିଥାନ୍ତି।  ପ୍ରଦ୍ୟୁମ୍ନଙ୍କ ହତ୍ୟା ଗଣମାଧ୍ୟମରେ ବହୁଚର୍ଚ୍ଚିତ ହୋଇଥିଲା। ତଦନ୍ତ କରୁଥିବା ଗୁର୍‌ଗାଓଁ ପୋଲିସ ଅତ୍ୟନ୍ତ ତତ୍ପରତା ଦେଖାଇବା ପାଇଁ ସ୍କୁଲ ବସ୍‌ର ଜଣେ କଣ୍ଡକ୍ଟର ଅଶୋକ କୁମାରଙ୍କୁ ଗିରଫ କରିଥିଲା। ସେତେବେଳେ କୁହାଗଲା ପ୍ରଦ୍ୟୁମ୍ନଙ୍କୁ ଯୌନ ନିର୍ଯାତନା ଦେବାକୁ ଯାଇ ହତ୍ୟା କରାଯାଇଥିଲା। ସାମାଜିକ ସ୍ତରରେ ଜାତୀୟ ଚ୍ୟାନେଲ ଦେଖୁଥିବା ଅତି ବୁଦ୍ଧିଆ ଭାରତୀୟମାନେ ଗୁର୍‌ଗାଓଁ ପୋଲିସର ସମ୍ପୂର୍ଣ୍ଣ ମିଥ୍ୟା କାହାଣୀକୁ ବିଶ୍ୱାସ କରିଗଲେ। ଏହା ବିଶେଷକରି ବିଶ୍ୱାସଯୋଗ୍ୟ ହୋଇଥିଲା ଯେହେତୁ ଅଶୋକ ଜଣେ ଅର୍ଦ୍ଧଶିକ୍ଷିତ ଗରିବ ଯୁବକ। ଏଭଳି ହିଂସାତ୍ମକ କାର୍ଯ୍ୟ କରିବା ପାଇଁ ଅର୍ଥନୈତିକ ଦୃଷ୍ଟିକୋଣରୁ ଦୁର୍ବଳ ବ୍ୟକ୍ତିମାନେ ନିଶ୍ଚିତ ଭାବେ ଯୋଗ୍ୟ ବୋଲି ଆମେ ସମସ୍ତେ ଖୁସିରେ ବିଶ୍ୱାସ କରିଥାଉ। ଆମେ ସବୁ ଭଲ, ସେଗୁଡିକ ସବୁ ଦୁଷ୍ଟ। ଏହି ମାନସିକତା ଯୋଗୁ ଆମ ପିଲାଙ୍କ ଚିନ୍ତାଧାରାକୁ ବିକୃତ କରିବାରେ ଗୁରୁଜନମାନଙ୍କର ଯଥେଷ୍ଟ ଦକ୍ଷତା ଆସିଗଲାଣି। ରାୟାନ ସ୍କୁଲର ହତ୍ୟାକୁ  ପରବର୍ତ୍ତୀ ସମୟରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ଦ୍ୱାରା ତଦନ୍ତ କରାଯାଇଥିଲା। ସିବିଆଇର ଅନୁସନ୍ଧାନରୁ ଏବେ ନୂତନ ଏବଂ ସମ୍ପୂର୍ଣ୍ଣ ଭିନ୍ନ ତଥ୍ୟ ପ୍ରକାଶ ପାଇଛି। ଏହି ତଦନ୍ତ ଅନୁଯାୟୀ ପ୍ରଦ୍ୟୁମ୍ନଙ୍କ ହତ୍ୟାକାରୀ ସେହି ସ୍କୁଲର ଏକାଦଶ ଶ୍ରେଣୀର ଛାତ୍ର। ସିସିଟିଭି ଫୁଟେଜ୍‌ରୁ ସିବିଆଇ ଏହି ତଥ୍ୟ ପାଇଛି ବୋଲି କହୁଛି। ଏଠାରେ ହତ୍ୟାରେ ସମ୍ପୃକ୍ତ ଉପର ଶ୍ରେଣୀର ପିଲା କାହିଁକି ଏଭଳି ଘଟାଇଲେ ତାହା ଚିନ୍ତା କରାଯିବା ଦରକାର। ହୁଏତ ପ୍ରଦ୍ୟୁମ୍ନଙ୍କ ପ୍ରତି କୌଣସି ଯୌନ ଅବିଚାର କରାଯାଇ ନ ଥିଲା। ସେହି ଛାତ୍ର ଜଣକ ପାଠପଢ଼ାରେ ଦୁର୍ବଳ ଥିବାରୁ ସେ ଅଭିଭାବକ-ଶିକ୍ଷକ ବୈଠକ (ପିଟିଏମ୍‌) ଏବଂ ପରୀକ୍ଷା ଘୁଞ୍ଚାଇବାକୁ ଚାହୁଁଥିଲେ। ସେଥିପାଇଁ ସେ ଏଭଳି ଜଘନ୍ୟ କାଣ୍ଡ ଭିଆଇଥିବା ଜୁଭେନାଇଲ ଜଷ୍ଟିସ ବୋର୍ଡରେ ସିବିଆଇ କହିଛି। କୁହାଯାଉଛି ଯେ ଅଭିଯୁକ୍ତ ଛାତ୍ର ନିର୍ଦ୍ଦିଷ୍ଟ ଭାବେ ପ୍ରଦ୍ୟୁମ୍ନଙ୍କୁ  ହତ୍ୟା କରିବା ପାଇଁ ଯୋଜନା କରି ନ ଥିଲେ। ସେ ଏଭଳି ଏକ କାଣ୍ଡ ଭିଆଇବାକୁ ଚାହୁଁଥିଲେ, ଯଦ୍ଦ୍ବାରା ପରୀକ୍ଷା ଘୁଞ୍ଚତ୍ୟାଇପାରିବ। ପୂର୍ବରୁ ଏକ ଛୁରି ନେଇ ସେ ପାଇଖାନାରେ ଲୁଚି ରହିଥିବା ବେଳେ ଦୁର୍ଭାଗ୍ୟବଶତଃ ପ୍ରଦ୍ୟୁମ୍ନ ତାଙ୍କ ହାବୁଡ଼ରେ ପଡ଼ିଯାଇଥିଲେ। ହୁଏତ ସେହି ଜାଗାରେ ପ୍ରଦ୍ୟୁମ୍ନ ନ ହୋଇ ଅନ୍ୟ କୌଣସି ଛାତ୍ର ପଡ଼ିଯାଇପାରିଥାନ୍ତା। ଏହି ଘଟଣାରୁ, ଅତି ସହଜରେ, ବୁଝିହେବ ଆମର ଶିକ୍ଷା ବ୍ୟବସ୍ଥା ଏବେ ପିଲାଙ୍କ ମନରେ କେଉଁଭଳି ଉଗ୍ର ଚାପ ଓ ଭୟ ସୃଷ୍ଟି କରୁଛି। ସ୍କୁଲ ସ୍ତରରେ ପରିବାର ଏବଂ ବିଶେଷକରି ଅଭିଭାବକଙ୍କ ଦ୍ୱାରା ପରୀକ୍ଷାରେ ଭଲ ମାର୍କ୍ସ ରଖିବାର ମାରାତ୍ମକ ଚାପ ସହ ସ୍କୁଲରେ ଶିକ୍ଷୟିତ୍ରୀଶିକ୍ଷକଙ୍କ କାର୍ଯ୍ୟ କରିବାର ଅନିଚ୍ଛା ଏକ ବିଷାକ୍ତ ବାତାବରଣ ସୃଷ୍ଟି କରୁଛି। ପିଲାଙ୍କ ଇଚ୍ଛା କିମ୍ବା ଅନିଚ୍ଛା ବୁଝିବା ପାଇଁ କେହି ନାହିଁ। ମାଷ୍ଟର ବହିରୁ କିଛି ଅଂଶ ପଢ଼ାଇ ଜୀବନରେ ଆଗେଇଯିବାର ଚିନ୍ତା କରୁଛନ୍ତି। ଅପରପକ୍ଷରେ, ବର୍ଷବ୍ୟାପୀ ପରୀକ୍ଷା ପରେ ପରୀକ୍ଷାର ସମ୍ମୁଖୀନ ହେଉଛନ୍ତି ଛାତ୍ରୀଛାତ୍ର। ଏହି ବ୍ୟବସ୍ଥାର ଚାପ ସେମାନଙ୍କୁ କପି କରିବାକୁ ବାଧ୍ୟ କରୁଛି। ଯଦି କପି କରିପାରୁନାହଁ, ତେବେ ଅନ୍ୟ ଛାତ୍ରକୁ ହତ୍ୟା କର ନଚେତ୍‌ ନିଜେ ରେଳଧାରଣାରେ ଆତ୍ମହତ୍ୟା କର।ଏଭଳି କଦର୍ଯ୍ୟ ବାତାବରଣରେ ଗଢ଼ିଉଠୁଥିବା ଭବିଷ୍ୟତର ଭାରତୀୟ ବୟସ୍କ ହେବା ପରେ ଏକ ବିକୃତ ସମାଜ ଓ ଦେଶ ଗଠନରେ ସକ୍ରିୟ ସହଯୋଗୀ ହେଉଛି।

All Right Reserved By

Model This Week

Model This Week

ସମ୍ପାଦକୀୟ |

ଆଜିର ଅର୍ଥନୀତି/ ଖୋଲା ଲୁଣ୍ଠନ

ଆଜିର ଅର୍ଥନୀତି/ ଖୋଲା ଲୁଣ୍ଠନ

ଆଗାମୀ ଦିନରେ ସ୍ବଳ୍ପରୁ ମଧ୍ୟମ ଅବଧି ଭିତରେ ତୈଳ ମୂଲ୍ୟବୃଦ୍ଧିରେ ବିରତି ଲାଗିବାର ସମ୍ଭାବନା ନାହିଁ। କେନ୍ଦ୍ର ଅର୍ଥ ମନ୍ତ୍ରଣାଳୟ ତୈଳ ଉପରୁ ଉତ୍ପାଦ ଶୁଳ୍କ ହ୍ରାସ କରିବାକୁ ସିଧା ସିଧା ମନା କରିଦେଇଛି, ଯେଉଁଥିପାଇଁ ବିଭିନ୍ନ ରାଜ୍ୟ ସରକାରଙ୍କ ତରଫରୁ ତଥା ବିଭିନ୍ନ ମହଲରୁ ଦାବି ହୋଇ ଆସୁଥିଲା। ସେମାନଙ୍କ ଦାବି ବି ଯୁକ୍ତିଯୁକ୍ତ ଥିଲା। କିନ୍ତୁ ମନ୍ତ୍ରଣାଳୟ ତାହା ମାନିବାକୁ ରାଜି ନୁହେଁ। ପେଟ୍ରୋଲ ଓ ଡିଜେଲ ଦର ଏବେ ରେକର୍ଡ ସ୍ତରକୁ ବୃଦ୍ଧିପାଇଛି ଏବଂ ବୃଦ୍ଧି ପାଇଚାଲିଛି। ତାହା ହ୍ରାସ ପାଇବାର କୌଣସି ସମ୍ଭାବନା ଦେଖାଯାଉ ନାହିଁ। ମଙ୍ଗଳବାର ଅଶୋଧିତ ତୈଳ ଦର ବ୍ୟାରେଲ ପିଛା ୭୫ ଡଲାରକୁ ଟପିଛି, ଯାହା ନଭେମ୍ବର ୨୦୧୪ଠାରୁ ଏ ପର୍ଯ୍ୟନ୍ତ ସବୁଠାରୁ ଅଧିକ। ଓପିଇସି (ପେଟ୍ରୋଲିୟମ୍‌ ରପ୍ତାନିକାରୀ ଦେଶସମୂହର ସଂଗଠନ) ତୈଳ ଉତ୍ପାଦନ ହ୍ରାସ କରିବା, ବିଶ୍ୱ ବଜାରରେ ଚାହିଦା ବୃଦ୍ଧି ପାଇବା ଏବଂ ଇରାନ ପ୍ରତି ଆମେରିକାର ପ୍ରତିବନ୍ଧ ବୃଦ୍ଧି ପାଇବାର ସମ୍ଭାବନା ଆଦି ଏଥିପାଇଁ ଦାୟୀ। ଦେଶର ଅଧିକାଂଶ ସ୍ଥାନରେ ଡିଜେଲ ଦର ପେଟ୍ରୋଲ ପାଖାପାଖି ହୋଇଯାଇଛି। ଫଳରେ ପରିବହନ ଖର୍ଚ୍ଚ ବୃଦ୍ଧି ପାଇବା ଯୋଗୁ ଦେଶରେ ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି ପାଇବା ସହ ମୁଦ୍ରାସ୍ଫୀତି ମଧ୍ୟ ବଢ଼ିବା ଏକପ୍ରକାର ନିଶ୍ଚିତ।...

କାଠ ବଦଳରେ ସିଏନ୍‌ଜି

କାଠ ବଦଳରେ ସିଏନ୍‌ଜି

ଡ. ରମେଶ ଚନ୍ଦ୍ର ପରିଡ଼ା ଧନ ଅର୍ଜନ ପାଇଁ ଜୀବନବ୍ୟାପୀ ଅଣନିଃଶ୍ୱାସୀ ହୋଇ ଧାଇଁଥିବା ଏବଂ ସେଥିପାଇଁ ଭଲମନ୍ଦ ବିଚାର ନ କରି ଯେକୌଣସି ଅପକର୍ମ କରିବାକୁ ପଶ୍ଚାତ୍‌ପଦ ହୋଇ ନ ଥିବା ଅପରିଣାମଦର୍ଶୀ ମଣିଷର ଅନ୍ତିମ ଆବଶ୍ୟକତା କେବଳ ମାତ୍ର ଛ’ଖଣ୍ଡି କାଠ ବୋଲି ଚେତାଇ ଦେଇଥାଏ ମନବୋଧ ଚଉତିଶା। କାରଣ ତା’ର ଶବ ମଶାଣିକୁ ନେବା ନିମିତ୍ତ କୋକେଇ ପ୍ରସ୍ତୁତି ପାଇଁ ଏତିକି ହିଁ ଲୋଡ଼ା ହୋଇଥାଏ। ଅତଏବ ସେ ଅର୍ଜନ କରିଥିବା ଅନ୍ୟ ସମସ୍ତ ପଦାର୍ଥ ଅର୍ଥହୀନ- କେବଳ ଜୀବନରେ କରିଥିବା ସତ୍‌କର୍ମ ବ୍ୟତୀତ। ତେବେ ମୃତ୍ୟୁ ପରେ ମଧ୍ୟ ଏହି ସତ୍‌କର୍ମରେ କିଛି ଯୋଗ କରିବାର ଅବକାଶ ରହିଛି ବୋଲି କହୁଛନ୍ତି ବୈଜ୍ଞାନିକମାନେ। ତନ୍ମଧ୍ୟରୁ ...

ନାରୀ ବିଦ୍ୱେଷ

ନାରୀ ବିଦ୍ୱେଷ

ଦେବଦତ୍ତ ପଟ୍ଟନାୟକ ହିନ୍ଦୁଧର୍ମରେ ନାରୀ ପ୍ରତି ବିଦ୍ୱେଷ ଭାବ କିପରି ରହିଛି, ସେ ବିଷୟରେ ବର୍ଣ୍ଣନା କରିବା ପାଇଁ କେତେକ ନାରୀବାଦୀ ମୋତେ ଅନୁରୋଧ କରିଛନ୍ତି। ମନୁସ୍ମୃତିରେ ଅଛି: ସ୍ବଭାବ ଏଷ ନାରୀଣାଂ ନରାଣାମିହ ଦୂଷଣମ୍‌। ଅତୋଽର୍ଥାନ୍ନ ପ୍ରମାଦ୍ୟନ୍ତି ପ୍ରମଦାସୁ ବିପଶ୍ଚିତଃ।ା (ମନୁ ୨ା୨୧୩) ଅର୍ଥାତ୍‌ ନାରୀମାନଙ୍କ ସ୍ବଭାବ ହେଲା ପୁରୁଷମାନଙ୍କୁ ଦୂଷିତ ବା ପ୍ରଲୁବ୍ଧ କରିବା। କାରଣ ନାରୀମାନଙ୍କ ସଂସ୍ପର୍ଶରେ ଆସିଲେ ପୁରୁଷମାନେ ଆକର୍ଷିତ ହୋଇପଡ଼ନ୍ତି। ସେଥିପାଇଁ ବିଜ୍ଞ ଲୋକମାନେ ନାରୀମାନଙ୍କୁ କଦାପି ସ୍ପର୍ଶ କରିବା ଉଚିତ ନୁହେଁ, ଅର୍ଥାତ୍‌ ସେମାନଙ୍କଠାରୁ ସମ୍ମାନଯୋଗ୍ୟ ଦୂରତା ରକ୍ଷାକରିବା ଆବଶ୍ୟକ। ପୁଣି ଅନ୍ୟ ଏକ ଶ୍ଳୋକରେ ଅଛି: ...

ଏଇ ଭାରତରେ

ଏଇ ଭାରତରେ

ଆଜିକାଲି କେତେକ ତଥାକଥିତ ମାତା ଓ ବାବାଙ୍କ କାରନାମା ଯୋଗୁ ସମଗ୍ର ସନ୍ନ୍ୟାସୀକୁଳ ନିନ୍ଦିତ ହେଉଛନ୍ତି। ଏହା ସତ୍ତ୍ୱେ ଯେଉଁମାନେ ବାସ୍ତବରେ ପାର୍ଥିବ ସୁଖରୁ ଦୂରେଇଯାଇ ନିଜକୁ ସାନ୍ନ୍ୟାସୀ ସ୍ତରକୁ ନେଇଯାଇପାରୁଛନ୍ତି ସେମାନେ ସମ୍ମାନିତ ହେଉଛନ୍ତି। ଏବେ ଶିକ୍ଷିତ ଯୁବତୀ ଓ ଯୁବକମାନେ ଦୀକ୍ଷା ଗ୍ରହଣ କରି ନୂଆ ଉଦାହରଣ ସୃଷ୍ଟି କରିବାକୁ ଚାହୁଁଛନ୍ତି। ବୈଷୟିକ ପାଠ ପଢ଼ିଥିବା ଜଣେ ୨୯ ବର୍ଷୀୟା ଯୁବତୀ ଦୀକ୍ଷା ଗ୍ରହଣ କରି ସନ୍ନ୍ୟାସିନୀ ହୋଇଯିବା ବିଷୟ ଶୁଣିଲେ ଆଶ୍ଚର୍ଯ୍ୟ ଲାଗିବା ସ୍ବାଭାବିକ। ମଧ୍ୟପ୍ରଦେଶର ସାନାଓ୍ବାଦଠାରେ ଏପ୍ରିଲ ୨୫ରେ କୁମାରୀ ସିଦ୍ଧାୟିନୀ ସଂସାରର ସବୁ ମାୟା ଛାଡ଼ି ଚାରୁକୀର୍ତ୍ତି ଭଟ୍ଟାରକା ସ୍ବାମିଜୀଙ୍କ ଉପସ୍ଥିତିରେ ଦୀକ୍ଷା ଗ୍ରହଣ କରିଛନ୍ତି। ବିଭିନ୍ନ ପ୍ରକାର ପୂଜାପାଠ ପରେ ହଜାର ହଜାର ଭକ୍ତ ଓ ଶହଶହ ସନ୍ନ୍ୟାସୀଙ୍କ ଉପସ୍ଥିତିରେ ସିଦ୍ଧାୟିନୀଙ୍କୁ ମାତାଜୀ ଦୀକ୍ଷାରେ ଦୀକ୍ଷିତ କରାଯାଇଥିଲା। ଏହାପରେ ସେ ଆରିକା ମହାୟଶୋମତୀ ମାତାଜୀ ନାମରେ ନାମିତ ହୋଇଛନ୍ତି। ଏମ୍‌ଟେକ୍‌ ଡିଗ୍ରୀ ...

ନିରର୍ଥକ ପରୀକ୍ଷା

ନିରର୍ଥକ ପରୀକ୍ଷା

ପରିବେଶ ପରିଚିନ୍ତା/ ମାନେକା ଗାନ୍ଧୀ ଅନେକ କମ୍ପାନୀ ପ୍ରାଣୀଙ୍କ ଉପରେ ପରୀକ୍ଷା ନିରୀକ୍ଷା କରୁଛନ୍ତି। ଏପରି କି ଅନେକ ଅନାବଶ୍ୟକ ପରୀକ୍ଷା ବି ସେମାନେ କରୁଛନ୍ତି। ଉଦାହରଣସ୍ବରୂପ ପର୍‌ଫ୍ୟୁମ୍‌ (ବାସ୍ନା) କମ୍ପାନୀମାନେ ପର୍‌ଫ୍ୟୁମ୍‌ ତିଆରି ପାଇଁ ସବୁ ଜିନିଷ ଅଲଗା ଅଲଗା ରଖିଥାନ୍ତି। ତାକୁ କେବଳ ମିଶେଇବା କଥା। କିନ୍ତୁ ସେମାନେ ସେହି ପର୍‌ଫ୍ୟୁମ୍‌କୁ ଠେକୁଆଙ୍କ ଆଖିରେ ସ୍ପ୍ରେ କରୁଛନ୍ତି। ତାଙ୍କ ଚମକୁ ଚିରି ସେଥିରେ ଘଷୁଛନ୍ତି। ଆହୁରି ଅନେକ ଭୟଙ୍କର ପରୀକ୍ଷା କରୁଛନ୍ତି। ଏମାନେ ହେଲେ ଆରାମିଜ୍‌, ବାଲେନ୍ସିଆଗା, ବଲଗାରି, କାଚାରେଲ, ଡୋନ୍ନା କରନ, ଡନ୍‌ହିଲ ଫ୍ରାଗ୍ରାନ୍ସେସ୍‌, ଏଲିଜାବେଥ୍‌ ଆର୍ଡେନ୍‌, ଗୁସି ଫ୍ରାଗ୍ରାନ୍ସେସ୍‌, ହୁଗୋ ବସ୍‌, ଜୋ ମାଲୋନ୍‌, ଲାକୋଷ୍ଟ ଫ୍ରାଗ୍ରାନ୍ସେସ୍‌, ମାର୍କ ଜାକୋବ୍ସ ଫ୍ରାଗ୍ରାନ୍ସେସ୍‌, ମାଇକେଲ କୋର୍ସ, ମିସୋନି, ରାଲ୍‌ଫ ଲରେନ୍‌ ଫ୍ରାଗ୍ରାନ୍ସେସ୍‌, ଟମି ହିଲ୍‌ଫିଗର ଓ କେଞ୍ଜୋ ପ୍ରଭୃତି। ...

 ଲୋଡ଼ା ପ୍ରାକୃତିକ ଜଙ୍ଗଲ

ଲୋଡ଼ା ପ୍ରାକୃତିକ ଜଙ୍ଗଲ

ବିଚିତ୍ର ବିଶ୍ୱାଳ ପ୍ରକୃତି, ପରିବେଶ ଓ ସର୍ବୋପରି ମାନବ ସମାଜକୁ ବଞ୍ଚେଇ ରଖିବାରେ ଜଙ୍ଗଲର ଏକ ମହତ୍ତ୍ୱପୂର୍ଣ୍ଣ ଭୂମିକା ରହିଛି। ଜଙ୍ଗଲ ଏମିତି ଏକ ଜୈବ ସମାଜ, ଯେଉଁଥିରେ ଅନେକ ପ୍ରକାର ବୃକ୍ଷଲତା, ଜୀବଜନ୍ତୁ, କୀଟପତଙ୍ଗ ଓ କୋଟି କୋଟି ପ୍ରଜାତିର ଅଣୁଜୀବ ପରସ୍ପର ସହିତ ସଂଶ୍ଳିଷ୍ଟ ହୋଇ ସହାବସ୍ଥାନ କରିଥାନ୍ତି। ଏସବୁକୁ ନେଇ ଜଙ୍ଗଲର ପରିଭାଷା। ମାନବ ସମାଜର ଏକ ବଡ଼ ଭାଗ ଜଙ୍ଗଲ ଭିତରେ ବା ଜଙ୍ଗଲ ସହିତ ପ୍ରତ୍ୟକ୍ଷ ଭାବରେ ଜଡ଼ିତ ହୋଇ ବସବାସ କରିଥାନ୍ତି। ଠିକ୍‌ ସମୟରେ ବର୍ଷା ହେବାରେ, ବାୟୁମଣ୍ଡଳର ତାପମାତ୍ରାକୁ ସନ୍ତୁଳିତ ରଖିବାରେ, ଅଙ୍ଗାରକାମ୍ଳ ଗ୍ୟାସ୍‌କୁ ନିୟନ୍ତ୍ରଣରେ ରଖି ଅମ୍ଳଜାନ ପ୍ରଦାନ କରିବାରେ, ବିଭିନ୍ନ ପ୍ରକାର କାଷ୍ଠ ଓ ଅଣକାଷ୍ଠ ଦ୍ରବ୍ୟ ଯୋଗାଇବାରେ, ଔଷଧୀୟ ଉପାଦାନ ଆଦି ଯୋଗାଇ ମାନବ ସମାଜକୁ ତିଷ୍ଠି ରହିବାରେ ଜଙ୍ଗଲ ବହୁଳ ଭାବେ ସାହାଯ୍ୟ କରିଥାଏ। ୧୮୯୪ ଓ ୧୯୫୨ ମସିହାରେ ପ୍ରଣୀତ ଜଙ୍ଗଲ ନୀତିରେ ମୁଖ୍ୟତଃ ଉପତ୍ାଦନ ତଥା ଜଙ୍ଗଲରୁ ଆର୍ଥିକ ରୋଜଗାର ଉପରେ ହଁି ମୁଖ୍ୟ ଗୁରୁତ୍ୱ ଦିଆଯାଇଥିଲା। ତା’ପରେ ୧୯୮୮ ମସିହାର ଜଙ୍ଗଲ ନୀତିରେ ମାନବ ଓ ଅନ୍ୟାନ୍ୟ ଜୀବଜନ୍ତୁଙ୍କର ଜୀବନ ଧାରଣ ପାଇଁ ପରିବେଶ ଓ ପ୍ରକୃତିର ସନ୍ତୁଳନକୁ ବଜାୟ ରଖିବାରେ ଜଙ୍ଗଲର ଭୂମିକାକୁ ମୁଖ୍ୟ ଗୁରୁତ୍ୱ ଦିଆଯାଇଥିଲା। ...

କୃଷି ଅନୁରାଗୀ ଗଜପତି

କୃଷି ଅନୁରାଗୀ ଗଜପତି

ବିନୋଦ ଚନ୍ଦ୍ର ଜେନା ସମ୍ପ୍ରତି ଆମ ରାଜ୍ୟ ତଥା ଦେଶରେ କୃଷକମାନଙ୍କ ସମସ୍ୟା ଦିନକୁ ଦିନ ବଢିବାରେ ଲାଗିଛି ା କୃଷକ ଆତ୍ମହତ୍ୟା କରୁଛି ା କୃଷିକୁ ନେଇ ରାଜନୀତି ଚାଲିଛି। କିନ୍ତୁ ଉତ୍କଳ ପ୍ରଦେଶ ଗଠନ ପରେ କୃଷି ଓ କୃଷକଙ୍କ ଉନ୍ନତି ପାଇଁ ମହାରାଜା ଶ୍ରୀକୃଷ୍ଣଚନ୍ଦ୍ର ଗଜପତି (୨୬ା୦୪ା୧୮୯୨-୨୫ା୦୫ା୧୯୭୪)ଙ୍କ ଦୂରଦୃଷ୍ଟି ସୁଦୂରପ୍ରସାରୀ ଥିଲା ା ଇଂରେଜ ସରକାର ପାରଳା ରାଜ୍ୟକୁ ଏକ ଜମିଦାରି ରୂପେ ଗ୍ରହଣ କରିଥିଲେ ସୁଦ୍ଧା ଖେମୁଣ୍ଡି ରାଜ୍ୟର ବାସିନ୍ଦାମାନଙ୍କ ହୃଦୟର ବାସ୍ତବିକ୍‌ ସମ୍ରାଟ ଥିଲେ ...

ଏଇ ଭାରତରେ

ଏଇ ଭାରତରେ

ଭାରତର ମହାନ୍‌ ସଂସ୍କୃତି କହେ, ପିତାଙ୍କୁ ପୂଜାକଲେ ସମସ୍ତ ଦେବଦେବୀ ସନ୍ତୁଷ୍ଟ ହୁଅନ୍ତି। ମାତ୍ର ବସ୍ତୁବାଦୀ ସମାଜରେ ପିତାମାନେ ବାର୍ଦ୍ଧକ୍ୟରେ ଅଲୋଡ଼ା ହୋଇଯାଉଛନ୍ତି। କେତେକ କ୍ଷେତ୍ରରେ ସେମାନଙ୍କୁ ଜରାନିବାସରେ ଜୀବନ କଟାଇବାକୁ ପଡ଼ୁଛି, ନଚେତ୍‌ ରାସ୍ତାକଡ଼, ବସ୍‌ଷ୍ଟାଣ୍ଡ, ରେଳଷ୍ଟେଶନ ପାଲଟିଯାଉଛି ଆଶ୍ରୟସ୍ଥଳ। ପିଲାମାନେ ନିଜ ପରିବାର ସହ ରହୁଥିଲେ ମଧ୍ୟ ଅଧିକାଂଶ କ୍ଷେତ୍ରରେ ସେଠି ବୃଦ୍ଧ ମାତାପିତାଙ୍କୁ ସ୍ଥାନ ମିଳୁନି। ଯଦି କୌଣସି ସମୟରେ ବୃଦ୍ଧ ପିତା ଘରେ ରହିବାକୁ ଅଡ଼ିବସୁଛନ୍ତି ତାଙ୍କୁ ନିର୍ଯାତନାର ଶିକାର ହେବାକୁ ପଡ଼ୁଛି। ନିକଟରେ ଉତ୍ତରପ୍ରଦେଶର କୁଶୀନଗର ଜିଲାରେ ଦେଖିବାକୁ ମିଳିଛି ଏଭଳି ଏକ ଅମାନବୀୟ ଘଟଣା। ବୃଦ୍ଧ ପିତା ଘରେ ରହିବାକୁ ଜିଦି କରିବାରୁ ବଡ଼ପୁଅ ତାଙ୍କୁ ଏକ ଗଛରେ ବାନ୍ଧି ପିଟିବାକୁ ପଛାଇଲେ ନାହିଁ। ନିକଟରେ ସାନଭାଇ ଛିଡ଼ାହୋଇ ସବୁ ଦେଖୁଥିଲେ ମଧ୍ୟ କିଛି କହୁ ନ ଥିଲେ। ଏହି ବୃଦ୍ଧ ପିତା ଜଣକ ହେଉଛନ୍ତି ନୁରୁଲ ଇସ୍‌ଲାମ୍‌ ଓରଫ ହାଥୁ। ବାର୍ଦ୍ଧକ୍ୟରେ ତାଙ୍କର ମୁଣ୍ଡ ଠିକ୍‌ ରହୁ ...

 ସମ୍ପାଦକୀୟ/ବଂଶବାଦ ଏକ ମାଧ୍ୟମ

ସମ୍ପାଦକୀୟ/ବଂଶବାଦ ଏକ ମାଧ୍ୟମ

ଚଳିତବର୍ଷ ମେ ୧୨ରେ କର୍ନାଟକ ବିଧାନସଭା ନିର୍ବାଚନ। ଏହାକୁ ନେଇ ରାଜନୈତିକ ପରିସ୍ଥିତି ଉଷ୍ମ ଥିବାବେଳେ କର୍ନାଟକ ‘ପୁତ୍ର ଉଦୟ’ ବା ‘son rise’ ରାଜ୍ୟରେ ପରିଣତ ହୋଇଛି ବୋଲି ଆଲୋଚନା ଆରମ୍ଭ ହୋଇ ଗଲାଣି। ଏହି ରାଜ୍ୟରୁ ବିଭିନ୍ନ ସମୟରେ ମୁଖ୍ୟମନ୍ତ୍ରୀ ରହି ଆସିଥିବା ନେତାମାନଙ୍କର ପ୍ରାୟ ୮ଜଣ ପୁତ୍ର ଏଥର ନିର୍ବାଚନ ଲଢୁଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଏସ୍‌.ଆର୍‌. ବୋମାଇଙ୍କ ପୁତ୍ର ବାସବରାଜଙ୍କ ଠାରୁ ଆରମ୍ଭ କରି ଏସ୍‌. ବାଙ୍ଗରାପ୍ପାଙ୍କ ପୁତ୍ର ମହିମା, ଧରମ ସିଂଙ୍କ ପୁତ୍ର ଅଜୟ, ଏଚ୍‌ଡି ଦେବେଗୌଡାଙ୍କ ପୁତ୍ର କୁମାର ସ୍ବାମୀ ଓ ରେବାନ୍ନା ଏବଂ ବର୍ତ୍ତମାନର ମୁଖ୍ୟମନ୍ତ୍ରୀ ସିଦ୍ଧରାମାୟାଙ୍କ ପୁତ୍ର ଯତୀନ୍ଦ୍ର ନିର୍ବାଚନ ମଇଦାନରେ ଅବତୀର୍ଣ୍ଣ ହୋଇଛନ୍ତି। ଗୁରୁତ୍ୱପୂର୍ଣ୍ଣ କଥା ହେଉଛି ପୂର୍ବତନ ମୁଖ୍ୟମନ୍ତ୍ରୀ ତଥା ଏବେକାର ମୁଖ୍ୟ ଭାଜପା ନେତା ବି.ଏସ୍‌. ୟେଦୁରାପ୍ପା ତାଙ୍କର ପୁତ୍ର ବି. ଓ୍ବାଇ. ବିଜୟେନ୍ଦ୍ରଙ୍କୁ ପ୍ରାର୍ଥୀ କରିବାକୁ ନିଷ୍ପତ୍ତି ନେଇଥିଲେ ମଧ୍ୟ ଶେଷ ମୁହୂର୍ତ୍ତରେ ଏଥିରୁ ଓହରି ଯାଇଛନ୍ତି, ଯାହାକୁ ନେଇ ନାମାଙ୍କନପତ୍ର ଦାଖଲ...

ନଦୀର ସ୍ବାସ୍ଥ୍ୟ

ନଦୀର ସ୍ବାସ୍ଥ୍ୟ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ ନିକଟ ଅତୀତରେ ହୋଇଥିବା ବିଭିନ୍ନ ଘୋଷଣାରୁ ଲାଗୁଛି ଯେ ନଦୀ ବଞ୍ଚାଇବା ପାଇଁ ସରକାରୀ ଅଭିଯାନ ଆରମ୍ଭ ହୋଇଯାଇଛି ବା ହେବାକୁ ଯାଉଛି ଓଡ଼ିଶାରେ। ରାଜ୍ୟ ସରକାର ‘ସବୁଜ ମହାନଦୀ ଅଭିଯାନ’ କଥା କହିଛନ୍ତି। ସିଆଡ଼େ ସମ୍ବଲପୁର ଜିଲା ପ୍ରଶାସନ ସବୁଜ, ସ୍ବଚ୍ଛ ଓ ସୁନ୍ଦର ମହାନଦୀର ଆହ୍ବାନ ଦେଇ ବିଭିନ୍ନ ଆୟୋଜନ ଆରମ୍ଭ କରିଦେଇଛନ୍ତି। ନଦୀଜଳର ଭାଗବଣ୍ଟାକୁ ନେଇ ଦୁଇ ରାଜ୍ୟ ମଧ୍ୟରେ ବିବାଦ ଖୁବ୍‌ ଜମିଥିବା ବେଳେ ନଦୀର ସ୍ବାସ୍ଥ୍ୟକୁ ନେଇ ଚିନ୍ତା ପ୍ରକାଶ ପାଇବା ଖୁସିର କଥା। ନଦୀ ହେଉଛି ସଭ୍ୟତାର ଆଧାର, ନଦୀ ଯୋଗୁ ସଭ୍ୟତାର ପ୍ରବାହ ହୋଇଥାଏ। ନଦୀର ସ୍ଥିତିରୁ ସଭ୍ୟତା କେତେ ସୁସ୍ଥ ଓ ସଭ୍ୟ ତାହା ଜଣାପଡ଼ିଥାଏ। ଶ୍ରୀମଦ୍‌ଭାଗବତର ଦ୍ୱିତୀୟ ସ୍କନ୍ଧ ପ୍ରଥମ ଅଧ୍ୟାୟର ୩୨-୩୩ ଶ୍ଳୋକରେ ଉଲ୍ଲେଖ ଅଛି: ବୃକ୍ଷରାଜି ହେଉଛି ପ୍ରଭୁଙ୍କ ଶରୀରର ଲୋମ, ବାୟୁ ହେଉଛି ପ୍ରଭୁଙ୍କର ...

ମ୍ୟାଲେରିଆ ନିରାକରଣ

ମ୍ୟାଲେରିଆ ନିରାକରଣ

ଡା. ରାମଚନ୍ଦ୍ର ରାଉତ ଏପ୍ରିଲ ୨୫କୁ ‘ବିଶ୍ୱ ମ୍ୟାଲେରିଆ’ ଦିବସ ରୂପେ ପାଳନ କରାଯାଏ। ମ୍ୟାଲେରିଆ ଏକ ପ୍ରମୁଖ ସଂକ୍ରାମକ ରୋଗ ରୂପେ ଆବହମାନ କାଳରୁ ରହି ଆସିଛି ଏବଂ ଏହା ବିଶ୍ୱର ଅଧିକାଂଶ ମୃତ୍ୟୁ ଓ ଦାରିଦ୍ର୍ୟର ଏକ ପ୍ରମୁଖ କାରଣ। ପ୍ରତି ୨ ମିନିଟ୍‌ରେ ଗୋଟିଏ ଶିଶୁ କେଉଁଠି ନା କେଉଁଠି ମ୍ୟାଲେରିଆ ସଂକ୍ରମଣ ଦ୍ୱାରା ମୃତ୍ୟୁମୁଖରେ ପଡିଥାଏ। ୨୦୧୫ରେ ସାରା ବିଶ୍ୱରେ ୨୧କୋଟି ୨୦ଲକ୍ଷ ଲୋକ ମ୍ୟାଲେରିଆରେ ପୀଡିତ ହୋଇଥିବା ବେଳେ ତହିଁରୁ ୪ ଲକ୍ଷ ୨୯ ହଜାର ମୃତ୍ୟୁମୁଖରେ ପଡିଥିଲେ। ମାତ୍ର ୨୦୧୬ରେ ଏହା କମିବା ପରିବର୍ତ୍ତେ ଆହୁରି ୫୦ ଲକ୍ଷ ଲୋକ ଏହାଦ୍ୱାରା ଆକ୍ରାନ୍ତ ହୋଇଥିଲେ।...

ଏଇ ଭାରତରେ

ଏଇ ଭାରତରେ

ଝିଅର ବିବାହ ବୟସ ହେଲେ ମାତାପିତାଙ୍କର ଚିନ୍ତା ବଢ଼େ। ସବୁଠୁ ଚିନ୍ତା ଅଧିକ ଘାରେ ଯୌତୁକକୁ ନେଇ। ମଧ୍ୟପ୍ରଦେଶର ଟିକମଗଡ ଜିଲା ପୃଥ୍ବୀପୁରରେ ଏମିତି ଏକ ବାହାଘର ହେଲା ଯାହା ସମସ୍ତଙ୍କ ଆଖି ଖୋଲିଦେଇଛି। ବିବାହରେ ପୁଅଘର ଲୋକେ ଯୌତୁକ ଭାବେ ଝିଅଘରୁ କେବଳ ଗୋଟିଏ ଗଛର ଚାରା ନେଇଛନ୍ତି। ଝିଅ ଘରକୁ ମଧ୍ୟ ବଦଳରେ ଏକ ଚାରା ଦେଇଛନ୍ତି। ବାହାଘରକୁ ଯେଉଁ ବରଯାତ୍ରୀ ଯିବେ ସମସ୍ତଙ୍କୁ ଗୋଟିଏ କରି ଚାରା ଉପହାର ଦେବାକୁ ବରଘର ଝିଅଘରକୁ ଅନୁରୋଧ କରିଥିଲେ। ତାହା ହିଁ ହୋଇଛି। ଉପହାର ଭାବେ ଦିଆଯାଉଥିବା ଚାରାଟିକୁ ସଯତ୍ନରେ ଲଗାଇ ବଢାଇବାକୁ ସମସ୍ତଙ୍କୁ ସଂକଳ୍ପ କରାଯାଇଥିଲା। ଏଭଳି ଅନନ୍ୟ ବିବାହ କରିଥିବା ଯୁବକ ଜଣକ ହେଉଛନ୍ତି ଅମିତ ଦୁବେ। ଉକ୍ତ ଅଞ୍ଚଳରେ ପ୍ରତିବର୍ଷ ...