ସମ୍ପାଦକୀୟ |

ଭୋକ ଓ ଭାରତ

ଭୋକ ଓ ଭାରତ

ରାଧାମୋହନ ମହାପାତ୍ର
୧୯୯୫ ମସିହାର କୌଣସି ଏକ ଦିନରେ ପଶ୍ଚିମବଙ୍ଗର ପୋଲିସ-କର୍ତ୍ତା ତୁଷାର ତାଲୁକଦାର ମହାଶୟ ଦିଲ୍ଲୀରୁ କଲିକତା ଫେରୁଥାନ୍ତି। ବିମାନରେ ଦେଖିଲେ ସଂଲଗ୍ନ ସିଟ୍‌ରେ ବସିଛନ୍ତି ନୋବେଲ ବିଜୟିନୀ ମଦର ଟେରେସା। ସେ ପୂର୍ବରୁ ତାଙ୍କୁ ଜାଣିଥିଲେ। ବିମାନ ଛାଡିବାର କିଛି ସମୟ ପରେ ବିମାନ ପରିଚାରିକା ଖାଦ୍ୟ ପ୍ୟାକେଟ୍‌ ସହ ହାଜର ହେଲେ। ପ୍ୟାକେଟ୍‌ଟିକୁ ଟ୍ରେରେ ରଖି ମଦରଙ୍କ ଆଡକୁ ଅନାଇଲେ। ସେ ଜାଣିଥିଲେ ଯେ ମଦର ବାହାରେ କିଛି ଖାଆନ୍ତି ନାହିଁ। ସେଦିନ ତାଙ୍କ ସ୍ତ୍ରୀ ସୁଷମାର ସନିର୍ବନ୍ଧ ଅନୁରୋଧରେ କେବଳ ପାଣି ଗ୍ଲାସ୍‌ଟିଏ ପିଇଥିଲେ। କହିଥିଲେ, ଏହି ନିଷେଧାଜ୍ଞା ମିଶନାରିଜ୍‌ ଅଫ୍‌ ଚ୍ୟାରିଟି (ମଦରଙ୍କ ଦ୍ୱାରା ପ୍ରତିଷ୍ଠିତ ଅନୁଷ୍ଠାନ)ର ପ୍ରତ୍ୟେକଙ୍କ ପାଇଁ ପ୍ରଯୁଜ୍ୟ, ଯେମିତି ଗୌତମ ବୁଦ୍ଧ ତାଙ୍କ ସଂଘର ଭିକ୍ଷୁଙ୍କ ପାଇଁ ଏହି ପ୍ରକାର ନିୟମ ପ୍ରବର୍ତ୍ତନ କରିଥିଲେ- ଭିକ୍ଷୁମାନେ କେବଳ ମୁଷ୍ଟିଭିକ୍ଷା ସଂଗ୍ରହ କରି ସଂଘରେ ଜମା ଦେଉଥିଲେ, ଯାହା କ୍ଷୁଧାର୍ତ୍ତମାନଙ୍କ ପାଇଁ ଉଦ୍ଦିଷ୍ଟ ଥିଲା।ତୁଷାର ତାଲୁକ୍‌ଦାର ଲକ୍ଷ୍ୟ କଲେ- ମଦର ଖାଦ୍ୟ ପ୍ୟାକେଟ୍‌ଟିକୁ ହାତରେ ନେଇ ତାଙ୍କର ଝୋଲା ବ୍ୟାଗ୍‌ରେ ପୂରାଇଲେ। ଆଉ ତା’ପରେ ତାଲୁକ୍‌ଦାରଙ୍କ ପ୍ୟାକେଟ୍‌କୁ ଧରି ସେଇ ସମାନ ଜାଗାରେ ନିକ୍ଷେପ କଲେ। ତାଲୁକ୍‌ଦାର ମହାଶୟ ବିମର୍ଷ ହୋଇ ଅନୁନୟ କରି କହିଲେ, ‘ମଦର ମୋତେ ସତରେ ଖୁବ୍‌ ଭୋକ ଲାଗୁଛି।’ ମଦରଙ୍କର ପ୍ରତ୍ୟୁତ୍ତର ଥିଲା- ‘ତୁମକୁ ଭୋକ ଲାଗେ? ଭୋକ କ’ଣ ତୁମେମାନେ କେବେ ଜାଣିପାର?’ ସବୁ ସମୟରେ ତୁମମାନଙ୍କ ସାମ୍ନାରେ ଯଦି ଖାଦ୍ୟ ମହଜୁଦ ଥାଏ, ଭୋକକୁ ତେବେ ଜାଣିବ କେମିତି? ଆଜି ଯଦି ଟିକିଏ ଭୋକ ଲାଗେ, ସେ ତ ଆନନ୍ଦର କଥା। ସବୁବେଳେ ମୁଣ୍ଡରେ ରଖ ଯେ ଏହି ପୃଥିବୀର ପ୍ରାୟ ଅର୍ଦ୍ଧେକ ମଣିଷ ଅନାହାରରେ ରହନ୍ତି, ସେମାନଙ୍କୁ ମଧ୍ୟ ଭୋକ ଲାଗେ, ସେମାନେ ଖାଦ୍ୟ ଗୋଟେଇ ବୁଲନ୍ତି। ତୁମ ନିଜ ସହରରେ ଏପରି କେତେ ଅଛନ୍ତି, ତୁମେ କ’ଣ ଜାଣିଛ? ଆଜି ତୁମ ଖାଦ୍ୟ ଏହିପରି ଜଣେ ଭୋକିଲା ଲୋକ ପାଇବ। ତୁମେ ଗର୍ବବୋଧ କରିବା ଉଚିତ। ମଦରଙ୍କ ଭର୍ତ୍ସନା ବୋଧହୁଏ ବିମାନ ପରିଚାରିକାଙ୍କ କାନରେ ପଡିଲା। ସେ ଆଉ ଦୁଇଟି ଖାଦ୍ୟ ପ୍ୟାକେଟ୍‌ ନେଇ ହାଜର। ସେ ଆଡକୁ ତାଲୁକଦାର ମହାଶୟ ଭୁଲ୍‌ରେ ମଧ୍ୟ ଚାହିଁଲେ ନାହିଁ। ମଦର ହସ ହସ ମୁହଁରେ ସେଇ ଖାଦ୍ୟ ପ୍ୟାକେଟ୍‌ ଦୁଇଟିକୁ ମଧ୍ୟ ତାଙ୍କ ଝୋଲାମୁଣିର ଯଥା ସ୍ଥାନରେ ନେଇ ଥୋଇଲେ। ଅଧଘଣ୍ଟାଏ ମଧ୍ୟରେ ବିମାନ ଦମ୍‌ ଦମ୍‌ ଏୟାରପୋର୍ଟରେ ପହଞ୍ଚିବ ବୋଲି ଘୋଷଣା ହେଲା। ଦୁଇଜଣ ବିମାନ ସେବିକା ଗୋଟିଏ ବଡ ବ୍ୟାଗ୍‌ ଧରି ଅଭୁକ୍ତ, ପରିତ୍ୟକ୍ତ ଖାଦ୍ୟ, ଖାଦ୍ୟ ପ୍ୟାକେଟ୍‌, ପାଣି ବୋତଲ ସଂଗ୍ରହ କରି ବ୍ୟାଗ୍‌ରେ ରଖିବାକୁ ଲାଗିଲେ। ହଠାତ୍‌ ମଦର ପଚାରିଲେ- ଏ ବ୍ୟାଗ୍‌ଟି ନେଇ ସେମାନେ ଏହାପରେ କ’ଣ କରିବେ ଟିକିଏ ବୁଝ। ତାଲୁକଦାର କହିଲେ-ମୁଁ ଜାଣେ। ଦମ୍‌ଦମ୍‌ରେ ପ୍ଲେନ୍‌ ଓହ୍ଲାଇଲେ ଯେଉଁମାନେ ପ୍ଲେନ୍‌ ସଫା କରନ୍ତି, ସେମାନେ ତାକୁ ନେଇ ଆବର୍ଜନା ରଖୁଥିବା ଜାଗାରେ ଥୋଇଦେବେ। ମଦର କହିଲେ- ଏଇ ବ୍ୟାଗ୍‌ଟି ମୋର ଦରକାର। କହିବା ବାହୁଲ୍ୟ, ପଶ୍ଚିମବଙ୍ଗର ପ୍ରାକ୍ତନ ପୋଲିସ କର୍ତ୍ତା ତୁଷାର ତାଲୁକଦାର ମଦରଙ୍କ ଅନୁରୋଧକ୍ରମେ ଦୁଇଟି ଫୁଡ୍‌ ପ୍ୟାକେଟ୍‌ ହାତରେ ଧରି ମଦରଙ୍କ ପଛେ ପଛେ ବିମାନରୁ ଓହ୍ଲାଇଲେ ଜଣେ ସହଯୋଗୀ ଭଳି। ମଦରଙ୍କୁ ବିଦାୟ ଦେବା ସମୟରେ ମଦର ସ୍ମିତହାସ୍ୟରେ କହିଲେ- ଯାହାହେଉ ତୁମଠାରୁ ଗୋଟିଏ ସାହାଯ୍ୟ ପାଇଲି। ଏହା ଥିଲା ସେଦିନ ଭୋକିଲା ଭାରତର ଚିତ୍ର।ପରିସଂଖ୍ୟାନ ଅନୁଯାୟୀ ପୃଥିବୀରେ ୭୯୫ ନିୟୁତ ଭୋକିଲା ମଣିଷ ଅଦ୍ୟାପି ବାସ କରୁଛନ୍ତି। ତନ୍ମଧ୍ୟରୁ ଭାରତର ଭୋକିଲା ସଂଖ୍ୟା ୧୯୫ ନିୟୁତ। ପୃଥିବୀର ପ୍ରତି ୯ ଜଣରେ ଜଣେ ଭାରତୀୟ କ୍ଷୁଧାର୍ତ୍ତ। ପ୍ରତିଦିନ ୭୦୦୦ ଭାରତୀୟ ଅନାହାର ଯୋଗୁ ମୃତ୍ୟୁବରଣ କରନ୍ତି ଏବଂ ବାର୍ଷିକ ମୃତ୍ୟୁ ସଂଖ୍ୟା ୨୫ ଲକ୍ଷ। ୧୯୫ ନିୟୁତ ମଧ୍ୟରୁ ୧୬୫ ନିୟୁତ ଶିଶୁ ଅପପୁଷ୍ଟିରେ ଆକ୍ରାନ୍ତ। ଏହାର ଅଧାଅଧି ୫ ବର୍ଷର କମ୍‌ ଶିଶୁ ବେଶି ମୃତ୍ୟୁବରଣ କରନ୍ତି। ଅନେକ ଗର୍ଭବତୀ ମହିଳା ରକ୍ତହୀନତା ଓ ଭିଟାମିନ୍‌ ଅଭାବରୁ ପ୍ରାଣତ୍ୟାଗ କରିଥାନ୍ତି। ପୁରୁଷମାନଙ୍କ ଅନୁପାତରେ ଭୋକିଲା ନାରୀଙ୍କ ସଂଖ୍ୟା ଶତକଡା ୬୦ ଭାଗ। ମିଳିତ ଜାତିସଂଘ ତଥା ଏଫ୍‌ଏଓ ବିଶ୍ୱରେ ଖାଦ୍ୟୋତ୍ପାଦନ ଓ ସୁଷମ ବଣ୍ଟନ ପାଇଁ ଯେତେ ଜୋର୍‌ରେ ଡିଣ୍ଡିମ ପିଟିଲେ ମଧ୍ୟ ଓଡିଶାର ନଗଡା ଓ ବାମ୍ଫିଡି ଭଳି ଦୁଃଖଦ ଚିତ୍ର ଭାରତର ସବୁ ପ୍ରଦେଶରେ ଦେଖାଯାଉଛି, ଯାହା ପୁନରୁଲ୍ଲେଖ ଆବଶ୍ୟକ କରେନାହିଁ।ବାହାଘର ଓ ଅନ୍ୟାନ୍ୟ ଉତ୍ସବାନୁଷ୍ଠାନରେ ଛୋଟ ବଡ ହୋଟେଲ ଓ ରେଷ୍ଟୁରାଣ୍ଟରେ ଖାଇବା ଟେବୁଲରେ ବିପୁଳ ପରିମାଣର ନଷ୍ଟ ହେଉଥିବା ଖାଦ୍ୟ ସାମଗ୍ରୀକୁ ଦେଖିଲେ କେହି ଭାବିପାରିବ ନାହିଁ ଯେ ଏ ଦେଶରେ କେହି ଭୋକିଲା ଅଛନ୍ତି। ଏକ ଅନୌପଚାରିକ ସର୍ଭେ ସଂସ୍ଥା ଅନୁଯାୟୀ ହୋଟେଲ ଓ ଅନୁଷ୍ଠାନମାନଙ୍କରେ ୩୦ରୁ ୫୦ ପ୍ରତିଶତ ଖାଦ୍ୟ ନଷ୍ଟ ହୋଇଥାଏ। ବିନା ନଷ୍ଟରେ ଯଦି ପୃଥିବୀର ଖାଦ୍ୟ ଯୋଗାଣ ସମାନ ଭାବେ ବଣ୍ଟନ କରାଯାଏ, ତା’ହେଲେ କେହି ଉପାସରେ କାଳ କାଟିବେ ନାହିଁ, ବରଂ ୧୦ ପ୍ରତିଶତ ଖାଦ୍ୟ ବଳିପଡିବ। ପୃଥିବୀରେ ଆଜିର ଖାଦ୍ୟାଭାବ ମନୁଷ୍ୟକୃତ, ଅସାଧୁ ବଣ୍ଟନ ପ୍ରକ୍ରିୟାଜନିତ। ଅଷ୍ଟ୍ରେଲିଆର ଜଣେ ପାଇଲଟ୍‌ ଭୋକର ଜ୍ୱାଳା ସହି ନ ପାରି ନିଜର ହେଲିକପ୍ଟରକୁ ଏକ ଫାଷ୍ଟଫୁଡ୍‌ ରେଷ୍ଟୁରାଣ୍ଟ ସମ୍ମୁଖରେ ଅବତରଣ କରାଇଦେଲେ। ହଠାତ୍‌ ହେଲିକପ୍ଟର ଅବତରଣ କରିଥିବାରୁ ସ୍ଥାନୀୟ ବାସିନ୍ଦା ଚକିତ ଓ ସ୍ତବ୍ଧ ହୋଇଗଲେ। ପାଇଲଟ୍‌ ଜଣକ ତରବରରେ ଦୌଡି ଦୌଡି ରେଷ୍ଟୁରାଣ୍ଟ ମଧ୍ୟରେ ପ୍ରବେଶ କଲେ। କିଛି ସମୟ ପରେ ସେ ଏକ ବ୍ୟାଗ ଭର୍ତ୍ତି ଖାଦ୍ୟ ଧରି ରେଷ୍ଟୁରାଣ୍ଟରୁ ବାହାରିଆସିଲେ ଓ ପୁନଶ୍ଚ ହେଲିକପ୍ଟର ଷ୍ଟାର୍ଟ କରି ଗନ୍ତବ୍ୟସ୍ଥଳକୁ ଉଡିଗଲେ। ଏଥିରୁ ଆମ ଓଡିଆ ଢଗ- ‘ପେଟ ପାଇଁ ସବୁ ନାଟ’ର ସତ୍ୟତା ପ୍ରମାଣିତ ହୁଏ ନାହିଁ କି ?
ବୁଦ୍ଧେଶ୍ୱରୀ, ଭୁବନେଶ୍ୱର, ଫୋନ୍‌- ୯୮୬୧୧୮୯୯୩୬

All Right Reserved By

ସମ୍ପାଦକୀୟ |

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଗତମାସରେ ବୀମା ନିୟାମକ ଓ ଉନ୍ନୟନ କର୍ତ୍ତୃପକ୍ଷ (ଆଇଆର୍‌ଡିଏ)ଠାରୁ ଅନୁମତି ପାଇବା ପରେ ଜୀବନବୀମା ନିଗମ (ଏଲ୍‌ଆଇସି) ବୋର୍ଡ କ୍ଷତିରେ ଚାଲୁଥିବା ଆଇଡିବିଆଇ ବ୍ୟାଙ୍କରେ ନିଜର ଅଂଶଧନ ୫୧ ପ୍ରତିଶତକୁ ବୃଦ୍ଧି କରିବା ଲାଗି ସରକାରଙ୍କୁ ପ୍ରସ୍ତାବ ଦେଇଛି। ଆଉ କେତେଟା ପ୍ରକ୍ରିୟା ଶେଷହେବା ପରେ ଉକ୍ତ ରାଷ୍ଟ୍ରାୟତ୍ତ ବ୍ୟାଙ୍କ ଏଲ୍‌ଆଇସିର ଅଧୀନ ହୋଇଯିବ। ଆଇଡିବିଆଇ ବ୍ୟାଙ୍କରେ ଜୀବନବୀମା ନିଗମର ବର୍ତ୍ତମାନ ୭.୯୮ ପ୍ରତିଶତ ଅଂଶଧନ ରହିଛି, ଯାହା ମାର୍ଚ୍ଚ ୨୦୧୮ ସୁଦ୍ଧା ୧୦.୮୨ ପ୍ରତିଶତ ଥିଲା। ରୁଗ୍ଣ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକୁ ସୁସ୍ଥ କରିତୋଳିବା ଦୀର୍ଘଦିନ ହେଲା ସରକାରଙ୍କର ଏକ ନୀତି ...

 ସଙ୍କଟରେ ଭବିଷ୍ୟତ

ସଙ୍କଟରେ ଭବିଷ୍ୟତ

ଉପେନ୍ଦ୍ର ବିଶ୍ୱାଳ ପାଗଳପ୍ରାୟ ଘୂରି ବୁଲୁଥାନ୍ତି ମହାମାନ୍ୟ ମଦନମୋହନ ମାଲବ୍ୟ। ନିଶା ଘାରିଥାଏ ବନାରସରେ ବିଶ୍ୱସ୍ତରୀୟ ହିନ୍ଦୁ ବିଶ୍ୱବିଦ୍ୟାଳୟଟିଏ ପ୍ରତିଷ୍ଠା କରିବାକୁ। ହାତ ପତଉଥାନ୍ତି ସମସ୍ତଙ୍କୁ। ଏପରିକି ମୃତଦେହ ଶୋଭାଯାତ୍ରାରେ ଫିଙ୍ଗାଯାଉଥିବା ପଇସା କଉଡ଼ିକୁ ମଧ୍ୟ ସାଉଁଟି ରଖୁଥାନ୍ତି। ବଡ଼ ଆଶା ନେଇ ପହଞ୍ଚତ୍ଲେ ଦିନେ ଘନଶ୍ୟାମ ଦାସ ବିର୍ଲାଙ୍କ ବାସଭବନରେ। ବୈଠକଖାନାରେ ଟିକିଏ ବସିବାକୁ କହି ଠାକୁର ପୂଜା ପାଇଁ ଗଲେ ସେ। ଦୀପଟି ଜଳାଇଲାବେଳେ ପ୍ରଥମ ପରେ ଦ୍ୱିତୀୟ ଦିଆସିଲିକାଠିଟି ଲିଭିଗଲା। ତୃତୀୟ କାଠିଟି ବି ଲିଭିଗଲା ସାମାନ୍ୟ ଅସାବଧାନତାବଶତଃ। ଗର୍ଜିଉଠି ବର୍ଷିଗଲେ ପୂଜକ ଉପରେ। ଆଚମ୍ବିତ ହେଲେ ...

ପ୍ରାଣବନ୍ତ, ପ୍ରଣବସ୍ବରୂପ

ପ୍ରାଣବନ୍ତ, ପ୍ରଣବସ୍ବରୂପ

ଡା. ଅଂଶୁମାନ୍‌ କର ଗତ ସ୍ନାନପୂର୍ଣ୍ଣିମା ଦିନ ଗଜପତି ମହାରାଜ ପ୍ରଭୁ ଜଗନ୍ନାଥଙ୍କ ଆଳତି କରିବା ସମୟରେ ପ୍ରଭୁଙ୍କ ଶିରରୁ ଫୁଲମାଳ ଖସିବାକୁ ନେଇ ଅନେକ ଚର୍ଚ୍ଚା ଚାଲିଛି। ଆଜିର ସୋସିଆଲ ମିଡିଆ ଯୁଗରେ ଏହି ଘଟଣାର ଭୂରି ଭୂରି ପ୍ରଚାର ଓ ପ୍ରସାର ଚାଲିଛି। ଜଗନ୍ନାଥ ଓ ପୁରୀ ଶ୍ରୀମନ୍ଦିରର ପ୍ରାଣବନ୍ତ ଅସ୍ତିତ୍ୱର ଏହା ଏକ ଦିବ୍ୟ ପ୍ରମାଣ ବୋଲି ଅନେକେ ମତ ବ୍ୟକ୍ତ କରୁଛନ୍ତି। କେତେଜଣ କହୁଛନ୍ତି, ଏହାଦ୍ୱାରା ପ୍ରଭୁ ନିଜ ପ୍ରତ୍ୟକ୍ଷ ଉପସ୍ଥିତିର ପ୍ରମାଣ ଦେଉଛନ୍ତି।...

ଏଇ ଭାରତରେ

ଏଇ ଭାରତରେ

ଜଣେ ନବଜାତ ଶିଶୁ କ୍ଷୀର ପାନ କରିବା ପରେ କୋମା ଅବସ୍ଥାରେ ଥିବା ତା’ ମା’ଙ୍କର ଚେତା ଫେରିଆସିଛି। ଏପରି ଏକ ଘଟଣା କେରଳରେ ଘଟିଛି। ବେଟିନା ନାମ୍ନୀ ଜଣେ ମହିଳା ଶିଶୁପୁତ୍ରର କାନ୍ଦ ଶୁଣି ଧୀରେ ଧୀରେ ପ୍ରତିକ୍ରିୟା ପ୍ରକାଶ କରିଥିଲେ। ଜୁନ୍‌ ୧୪ରେ ଶିଶୁଟି ଜନ୍ମଗ୍ରହଣ କରିଥିଲା। ଶିଶୁଟି ସ୍ତନ୍ୟପାନ କରିବା ପରେ ମହିଳାଙ୍କର ସ୍ନାୟୁଗତ ସମସ୍ୟା ଧୀରେ ଧୀରେ ସୁଧୁରିବାରେ ଲାଗିଥିଲା ବୋଲି ହସ୍ପିଟାଲ୍‌ର ଇଣ୍ଟେନ୍‌ସିଭ୍‌ କେୟାର ୟୁନିଟ୍‌ର ମୁଖ୍ୟ ଡକ୍ଟର ଆର. ବିବେକ ପ୍ରକାଶ କରିଛନ୍ତି। ...

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପୂର୍ବରୁ ଏହି ସ୍ତମ୍ଭରେ ଶସ୍ୟକ୍ଷେତ୍ରରେ ପଞ୍ଚଗବ୍ୟର ବ୍ୟବହାର ଉପରେ ଏକ ନିବନ୍ଧ ଲେଖିଥିଲି। ବହୁବର୍ଷର ଗବେଷଣା ପରେ ଉକ୍ତ ପୁସ୍ତକ ଲେଖିଥିବା ଡ. କେ. ନଟରାଜନ୍‌ ଏଥିରେ ପ୍ରାଣୀମାନଙ୍କ ଉପରେ ପଞ୍ଚଗବ୍ୟର ପ୍ରଭାବ ସମ୍ବନ୍ଧରେ ମଧ୍ୟ ଏକ ଅଧ୍ୟାୟ ଲେଖିଛନ୍ତି। ଗଛଲତା ଉପରେ ଅଧ୍ୟୟନ ପରେ ତାଙ୍କ ଗବେଷକ ଦଳ ପ୍ରାଣୀ ଓ ମନୁଷ୍ୟ ଉପରେ ଅଧ୍ୟୟନ ଆରମ୍ଭ କରିଦେଇଥିଲେ। ପୂର୍ବ ନିବନ୍ଧଟି ଯେଉଁମାନେ ପଢ଼ି ନ ଥିବେ ସେମାନଙ୍କ ପାଇଁ ଏହାର ପ୍ରସ୍ତୁତି ପ୍ରଣାଳୀ ନିମ୍ନରେ ଆଉ ଥରେ ଲେଖୁଛି।...

ଅଭାବର ଚିତ୍ରପଟ

ଅଭାବର ଚିତ୍ରପଟ

ଡ. ସୁବାସ ଚନ୍ଦ୍ର ପାତ୍ର ଦାରିଦ୍ର୍ୟର ମାତ୍ରା ତଥା କିସମ ଅଛି। ବିଭିନ୍ନ ପ୍ରକାର ଦାରିଦ୍ର୍ୟରେ ମଣିଷ ହନ୍ତସନ୍ତ କିନ୍ତୁ ଅର୍ଥନୈତିକ ଦାରିଦ୍ର୍ୟ ମଣିଷକୁ ବେଶି ନିପୀଡ଼ିତ କରେ କାରଣ ତା’ର ପ୍ରଭାବ ଦୃଶ୍ୟମାନ। ସବୁ ଦରିଦ୍ରତା ପଛରେ ଥାଏ ଏକ ଅଭାବବୋଧ ଏବଂ ଏହି ଅଭାବ ଯେତେବେଳେ ସର୍ବବ୍ୟାପୀ ଓ ସର୍ବଗ୍ରାସୀ ହୋଇଯାଏ ସେଇଠି ଦାରିଦ୍ର୍ୟ ହୋଇପଡ଼େ ଦୁର୍ବିଷହ।...

ପତିତପାବନ ଯାତ୍ରା

ପତିତପାବନ ଯାତ୍ରା

ପଣ୍ଡିତ ଡ. ଅନ୍ତର୍ଯ୍ୟାମୀ ମିଶ୍ର ପୁରୁଷୋତ୍ତମ ଜଗନ୍ନାଥ ଦିବ୍ୟ ନୀଳାଚଳରେ ଅନାଦିକାଳରୁ ଦାରବୀ ଲୀଳା ସଂରଚନା କରିଛନ୍ତି। ତାଙ୍କ ଦିବ୍ୟ ଲୀଳାକୁ ଦୁଇଭାଗରେ ବିଭକ୍ତ କରାଯାଇଛି- ଶ୍ରୀମନ୍ଦିର ରତ୍ନସିଂହାସନରେ ଚତୁର୍ଦ୍ଧାମୂର୍ତ୍ତି ସ୍ବରୂପରେ ଐଶ୍ୱର୍ଯ୍ୟଲୀଳା ଏବଂ ରଥଯାତ୍ରାରେ ଅଗଣିତ ଭକ୍ତଙ୍କ ସହିତ ମାଧୁର୍ଯ୍ୟଲୀଳା। ତାଙ୍କର ଏହି ମାଧୁର୍ଯ୍ୟଲୀଳା ଶତାବ୍ଦୀ ଶତାବ୍ଦୀ ଧରି ବିଶ୍ୱମାନସକୁ ଉଦ୍‌ବୁଦ୍ଧ କରିଆସିଛି। ବିଶ୍ୱର କୋଣ ଅନୁକୋଣରୁ ଲକ୍ଷ ଲକ୍ଷ ଭକ୍ତ ଶ୍ରୀଜଗନ୍ନାଥଙ୍କ ରଥଯାତ୍ରା ଦର୍ଶନ କରିବାକୁ ଶ୍ରୀକ୍ଷେତ୍ର ଆଗମନ କରିଥାନ୍ତି। ଏହି ଯାତ୍ରାରେ ପ୍ରଭୁ ...

ଏଇ ଭାରତରେ

ଏଇ ଭାରତରେ

ଦୃଢ଼ ଇଚ୍ଛାଶକ୍ତି ଦିନେ ନା ଦିନେ ସଫଳତା ଆଣି ଦେଇଥାଏ। ଯାହାକି ପୂର୍ବ ବାଙ୍ଗାଲୋରର ଲିଙ୍ଗରାଜପୁରମ୍‌ ଅଞ୍ଚଳରେ ବାସ କରୁଥିବା ଜଣେ ମହିଳାଙ୍କ କ୍ଷେତ୍ରରେ ଦେଖିବାକୁ ମିଳିଛି। ସ୍ବାମୀଙ୍କ କ୍ଷଣିକ ରାଗର ଶିକାର ହୋଇ ନିଜର ମୁଖମଣ୍ଡଳର ସୌନ୍ଦର୍ଯ୍ୟକୁ ହରାଇଥିବା ଅନୀଥା ପାର୍କର ମେରୀ ନାମ୍ନୀ ଜଣେ ମହିଳା ଦୀର୍ଘ ୧୮ବର୍ଷ ଧରି ସଂଘର୍ଷ କରିବା ପରେ ଏବେ ସ୍ବାବଲମ୍ବୀ ହୋଇପାରିଛନ୍ତି। ସ୍ବାମୀଙ୍କ ମୃତ୍ୟୁ ପରେ ଏକ ସ୍ବେଚ୍ଛାସେବୀ ସଂଗଠନର କର୍ମକର୍ତ୍ତାଙ୍କ ସହଯୋଗରେ ଅନୀଥା ଏକ ଦୋକାନ କରି ନିଜର ଆର୍ଥିକ ସ୍ଥିତିକୁ ସୁଦୃଢ଼ କରିପାରିଛନ୍ତି। ସାମାନ୍ୟ କଥାକୁ କେନ୍ଦ୍ର କରି ୧୮ବର୍ଷ ତଳେ ଅନୀଥାଙ୍କ ସ୍ବାମୀ ଏକ ଜଳନ୍ତା ଲଣ୍ଠନକୁ ତାଙ୍କ ଉପରକୁ ଫିଙ୍ଗି ଦେଇଥିଲେ। ଏଥିରେ ଅନୀଥାଙ୍କ ମୁହଁ ଓ ଶରୀରର ବିଭିନ୍ନ ଅଂଶ ପୋଡ଼ି ଯାଇଥିଲା। ଦୀର୍ଘଦିନ ଧରି ଚିକିତ୍ସିତ...

ସାମରିକ ପ୍ରଶିକ୍ଷିତ ଯୁବକ

ସାମରିକ ପ୍ରଶିକ୍ଷିତ ଯୁବକ

ସମ୍ପାଦକୀୟ/ତଥାଗତ ସତପଥୀ ଭାରତର ବିରାଟ ଯୁବଶକ୍ତିକୁ କାର୍ଯ୍ୟରେ ଲଗାଇବା ସକାଶେ କେନ୍ଦ୍ର ସରକାର ଜାତୀୟ ଯୁବ ସଶକ୍ତୀକରଣ ଯୋଜନା (ଏନ୍‌-ଓ୍ବାଇଇଏସ୍‌) ସୃଷ୍ଟି ଲାଗି ଚିନ୍ତା କରିଛନ୍ତି। ଏଥିରେ ପ୍ରତିବର୍ଷ ୧୦ ଲକ୍ଷ ଯୁବତୀଯୁବକ ବିଶେଷକରି ଦଶମ ଓ ଦ୍ୱାଦଶ ଶ୍ରେଣୀରେ ପଢ଼ୁଥିବା ଛାତ୍ରୀଛାତ୍ରଙ୍କୁ ସାମରିକ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବାର ବ୍ୟବସ୍ଥା କରାଯାଇପାରେ। ଏମାନଙ୍କୁ ୧୨ ମାସ ପାଇଁ ଷ୍ଟାଇପେଣ୍ଡ୍‌ ଦିଆଯାଇ ସାମରିକ ତାଲିମ ଦିଆଗଲେ ସେମାନେ ପ୍ରତିରକ୍ଷା, ଅର୍ଦ୍ଧସାମରିକ ବଳ ଏବଂ ପୋଲିସ ବାହିନୀରେ ନିଯୁ....

 ବୋଲକରା ବୋଲ୍‌ ବମ୍‌

ବୋଲକରା ବୋଲ୍‌ ବମ୍‌

ବୈଷ୍ଣବ ଚରଣ ମହାନ୍ତି ‘ବୋଲ୍‌ ବମ୍‌...ହର ହର ବମ୍‌...ଭୋଲା ବାବା ପାର୍‌ କରେଗା...ଜଟିଆ ବାବା ପାର୍‌ କରେଗା...’- ଏ ଡାକ ହେଉଛି କାଉଡ଼ିଆମାନଙ୍କର। ଦିନ ଥିଲା କାଉଡ଼ିଆ ଶବ୍ଦଟାର ଅର୍ଥ କାଢ଼ିବାକୁ ଅଭିଧାନ ଖେଳେଇବାକୁ ପଡ଼ୁଥିଲା। କିନ୍ତୁ ବର୍ତ୍ତମାନ ଏ ଶବ୍ଦଟା ଖୁବ୍‌ ସାଧାରଣ ହୋଇଯାଇଛି ଏବଂ ଓଡ଼ିଶାର ଗଁାଗହଳିଠାରୁ ସହର ବଜାର ପର୍ଯ୍ୟନ୍ତ ସବୁଆଡ଼େ ସବୁରି ତୁଣ୍ଡରେ ଆସ୍ଥାନ ଜମେଇ ବସିଛି। ଏଇମାତ୍ର କୋଡ଼ିଏ ପଚିଶ ବର୍ଷ ତଳେ କାଉଡ଼ିଆ କ’ଣ କେହି ଜାଣି ନ ଥିଲେ। ପ୍ରଥମେ ଜଣେ ଦି’ଜଣ ପାଣିଭାର ଧରି ରାସ୍ତାରେ ଯାଉଥିବାର ଦେଖି ଲୋକେ କୌତୂହଳୀ ହେଇ ଚାହଁୁଥିଲେ, ଏବେ ତ ପିମ୍ପୁଡ଼ି ଧାର ପରି ରାସ୍ତାସାରା କାଉଡ଼ିଆଙ୍କ ...

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଡ. ଶରତ ଚନ୍ଦ୍ର ରଥ ହେ ନୀଳାଦ୍ରିନାଥ! ତୁମକୁ ସହସ୍ର ପ୍ରଣାମ। ତୁମେ ଅନନ୍ତ, ତୁମ ମହିମା ଅନନ୍ତ। ତୁମ ମହିମାର ଲଳିତ ସଙ୍ଗୀତ ଝରିପଡେ ବିହଙ୍ଗ ଗାନରେ, ଝରଣାର ଝର୍ଝର ତାନରେ। ତୁମ ଅଙ୍ଗର ସୁବାସ ଫୁଟିପଡେ ଫୁଲର ସୁରଭିରେ, ତୁମ ସ୍ମିତହାସ୍ୟର ମଧୁରିମା ଫିଟିପଡେ ଜୋଛନାର ଲାବଣ୍ୟରେ। ତୁମେ ସର୍ବମୟ କର୍ତ୍ତା, ବିଶ୍ୱବିଧାତା, ତୁମକୁ କଳିବାକୁ ମୁଁ ଶକ୍ତିହୀନ, ତୁମେ ବିଶାଳ ନୀଳସିନ୍ଧୁ, ମୁଁ କ୍ଷୀଣ ଏକ ଜଳାଧାର।...

ଏଇ ଭାରତରେ

ଏଇ ଭାରତରେ

ବର୍ତ୍ତମାନ ପରିବେଶକୁ ବହୁ ଭାବରେ ପ୍ରଦୂଷଣ କରୁଛି ପ୍ଲାଷ୍ଟିକ୍‌। ଏହାଦ୍ୱାରା ଜଳ, ସ୍ଥଳ, ମୃତ୍ତିକା ପ୍ରଦୂଷଣ ହେଉଛି। ପ୍ଲାଷ୍ଟିକ୍‌ ଜରିରେ ବାସିଖାଦ୍ୟ ରଖି ବାହାରେ ଫିଙ୍ଗାଯାଉଥିବାରୁ ଏହାକୁ ଖାଇ ବହୁ ଗୋରୁ, ଛେଳି, କୁକୁର ଅସୁସ୍ଥ ହେଉଛନ୍ତି। ଅନେକ ପ୍ରାଣୀ ମୃତ୍ୟୁବରଣ କରୁଛନ୍ତି। ସମୁଦ୍ରରେ ପ୍ଲାଷ୍ଟିକ୍‌ ବୋତଲ, ପଲିଥିନ୍‌, ଜରି ପ୍ରଭୃତିର ଭାସମାନ ପାହାଡ଼ ସୃଷ୍ଟି ହେଉଛି। ଏହା ଜଳଜନ୍ତୁଙ୍କ ପାଇଁ ବଇରୀ ସାଜିଛି। ଏଣୁ ସମ୍ପ୍ରତି ପ୍ଲାଷ୍ଟିକ୍‌ ଓ ପଲିଥିନ୍‌ର ବ୍ୟବହାରକୁ ହ୍ରାସ କରିବା ପାଇଁ ସବୁ ରାଜ୍ୟ ସରକାର ଉଦ୍ୟମ କରୁଛନ୍ତି...

Model This Week

ରୂପେଶ