ଫୁରସତ |

କୁହୁଡିରେ...

କୁହୁଡିରେ...

ଥଣ୍ଡା ଥଣ୍ଡା ଶୀତୁଆ ସକାଳେ ବାୟୁମଣ୍ଡଳରେ ଆଚ୍ଛାଦିତ ଘନ କୁହୁଡି ଫାଙ୍କରୁ ଝାପ୍ସା ସୂର୍ଯ୍ୟାଲୋକର ଦୃଶ୍ୟ କାହାକୁ ବା ଭଲ ନ ଲାଗେ। ହେଲେ ଅପରପକ୍ଷେ ଏହି କୁହୁଡି ଯୋଗୁ ଜରୁରୀ କାର୍ଯ୍ୟ ଲାଗି ଗାଡିମୋଟର ଯାତାୟାତ ହୋଇଯାଏ ମୁସ୍କିଲ। ଏମିତିକି ଏଥିପାଇଁ ବଢିଥାଏ ଦୁର୍ଘଟଣା...
ଶୀତଦିନେ କୁହୁଡି ହେବା ଏକ ପ୍ରାକୃତିକ ପ୍ରକ୍ରିୟା। ହେଲେ ବର୍ତ୍ତମାନ ସମୟରେ ବିଭିନ୍ନ କାରଣରୁ ପରିବେଶ ପ୍ରଦୂଷଣ ହେବା ସହ ଭୂପୃଷ୍ଠ ଓ ବାୟୁମଣ୍ଡଳର ତାପମାତ୍ରା ବୃଦ୍ଧି ଯୋଗୁ ଜଳୀୟ ବାସ୍ପ ସହ ଧୂଆଁ, ଧୂଳି ମିଶି ଘନ କୁହୁଡି ସୃଷ୍ଟି ହେଉଛି। ଯାହାକି ଅସ୍ବାଭାବିକ ଭାବେ ଦୀର୍ଘ ସମୟ ପର୍ଯ୍ୟନ୍ତ ଲାଗିରହୁଛି। ଏପରି ସ୍ଥଳେ ଅତ୍ୟାବଶ୍ୟକ କାର୍ଯ୍ୟ ଲାଗି ବାହାରକୁ ଗାଡିମୋଟର ଯୋଗେ ଯିବା କଷ୍ଟ କର ହୋଇପଡୁଛି। ପାଠ ପଢା, ଜବ୍‌ ଲାଗି ବାହାରକୁ ଯାଉଥିବା ଛାତ୍ରୀଛାତ୍ରମାନଙ୍କୁ ମଧ୍ୟ ଏଥିପାଇଁ ଅସୁବିଧାର ସମ୍ମୁଖୀନ ହେବାକୁ ପଡୁଛି। ଏଭଳି ଘନ କୁହୁଡି ଯୋଗୁ ସଡ଼କ ଦୁର୍ଘଟଣା ମଧ୍ୟ ବୃଦ୍ଧି ପାଉଥିବା ଦେଖିବାକୁ ମିଳୁଛି। ଆମ ଦେଶରେ ସବୁ ରାଜ୍ୟ ତୁଳନାରେ ରାଜଧାନୀ ଦିଲୀରେ କୁହୁଡି ଜନିତ ଦୁର୍ଘଟଣା ସର୍ବାଧିକ। ବିଶ୍ୱର ସବୁଠୁ ପ୍ରଦୂଷିତ ସହରଗୁଡିକ ମଧ୍ୟରେ ଦଲ୍ଲୀ ମଧ୍ୟ ରହିଛି, ଅର୍ଥାତ୍‌ ଏଠାରେ ବାୟୁମଣ୍ଡଳରେ ପ୍ରଚୁର ପରିମାଣରେ ଥିବା ଧୂଆଁ, ଧୂଳି ଆଦି ମିଶି ଘନ କୁହୁଡି ସୃଷ୍ଟି କରୁଛି। ଆଉ ଏଥିପାଇଁ ଏଠାରେ ଦୁର୍ଘଟଣା ହାର ବି ଅଧିକ। ତେବେ କୁହୁଡି ସମୟରେ ଯାନବାହନ ଚଳାଚଳକୁ ସୁରକ୍ଷିତ କରିବା ଲାଗି କେତୋଟି ବିଷୟ ପ୍ରତି ସଜାଗ ହେବା ନିହାତି ଜରୁରୀ। ଜାଣି ରଖନ୍ତୁ ସେ ସମ୍ପର୍କରେ...
- ସକାଳ ଏବଂ ସନ୍ଧ୍ୟା ସମୟରେ ଘରୁ ବାହାରିବା ପୂର୍ବରୁ ପ୍ରଥମେ ଲୋକାଲ ଓ୍ବେଦର କଣ୍ଡିଶନ୍‌ ବା ସ୍ଥାନୀୟ ପାଣିପାଗ ସ୍ଥିତି ଜାଣି ରଖନ୍ତୁ। ଏହାଦ୍ୱାରା ଆପଣଙ୍କୁ ଯଥା ସମୟରେ ବାହାରକୁ ବାହାରିବା ସହଜ ହେବ।
- କୁହୁଡିରେ ଗାଡି ଚଲାଉଥିଲେ ସର୍ବପ୍ରଥମେ ଷ୍ପିଡ୍‌ ନିୟନ୍ତ୍ରଣ କରିବାକୁ ଚେଷ୍ଟା କରନ୍ତୁ। ଆଗରେ ଯାଉଥିବା ଗାଡିଗୁଡିକ ଠାରୁ ଆବଶ୍ୟକ ଦୂରତା ରକ୍ଷା କରନ୍ତୁ।
- ଅଧିକ କୁହୁଡିରେ ସକାଳ ସମୟରେ ବି ସୂର୍ଯ୍ୟ କିରଣ ଢାଙ୍କି ହୋଇ ରାସ୍ତାଘାଟ ଅନ୍ଧିରିଆ ଲାଗିଥାଏ। ତେଣୁ ଗାଡି ଚଲାଇବା ସମୟରେ ଦୁର୍ଘଟଣାଠାରୁ ଦୂରେଇ ରହିବା ଲାଗି ଲାଇଟ୍‌ ଦେବାକୁ ଆଦୌ ଭୁଲନ୍ତୁ ନାହିଁ। କାର୍‌ରେ ଏବଂ ଅନେକ ବାଇକ୍‌ରେ ମଧ୍ୟ ଏଥିପାଇଁ ଥିବା ସ୍ପେଶାଲ୍‌ ଫଗ୍‌ ଲାଇଟ୍‌ ବ୍ୟବହାର କରନ୍ତୁ।
- ଘନ କୁହୁଡି ଥିଲେ ଲାଇଟ୍‌ ସହ ହର୍ନ ମଧ୍ୟ ବ୍ୟବହାର କରନ୍ତୁ। ବିଶେଷ କରି ଟର୍ନିଂ ବା ବୁଲାଣି ସ୍ଥାନରେ ଗାଡି ଧୀରେ ଚଲାନ୍ତୁ ଏବଂ ଲମ୍ବା ହର୍ନ ଦିଅନ୍ତୁ। କାରଣ ଏଭଳି ସ୍ଥାନରେ ସାମନ୍ୟ ଅସର୍ତକତା ଯୋଗୁ ଦୁର୍ଘଟଣା ହେବାର ଆଶଙ୍କା ବେଶି।
- ସାଧାରଣତଃ କୁହୁଡିରେ ରାସ୍ତା ଦେଖାଯିବା ମୁସ୍କିଲ। ଆଉ ଏମିତିରେ ବାଇକ୍‌ରେ ଯିବା ସମୟରେ କହୁଡି ଲାଗି ହେଲ୍‌ମେଟ୍‌ ଗ୍ଲାସ୍‌ ଅଧିକ ଅସ୍ପଷ୍ଟ ହୋଇଯାଏ ଏବଂ ରାସ୍ତା ଦେଖିବା କଷ୍ଟ ହୁଏ। ତେଣୁ ଏଥିପ୍ରତି ବିଶେଷ ଦୃଷ୍ଟି ଦିଅନ୍ତୁ। ମଝିରେ ମଝିରେ ଏହାକୁ କଟନ ରୁମାଲ କିମ୍ବା କପଡାରେ ପୋଛନ୍ତୁ।
- କାର୍‌ ବ୍ୟବହାର କରୁଥିଲେ କୁହୁଡି ସମୟରେ ଡିଫ୍ରଷ୍ଟର ବ୍ୟବହାର କରନ୍ତୁ। କାରଣ କୁହୁଡି ଗାଡିର ଓ୍ବିଣ୍ଡସିଲ୍ଡରେ ଜମା ହେବା ଦ୍ୱାରା ଦେଖାଯିବା କଷ୍ଟ ହୋଇଥାଏ। ଆବଶ୍ୟକ ସ୍ଥଳେ ଓ୍ବାଇପର ମଧ୍ୟ ବ୍ୟବହାର କରନ୍ତୁ।
- କହୁଡିରେ ଗାଡି ଚଲାଉଥିବା ସମୟରେ ମୋବାଇଲ୍‌ରେ ଆଦୌ କଥା ହୁଅନ୍ତୁ ନାହିଁ। ଏପରିକି ଇୟରଫୋନ୍‌ କିମ୍ବା ବ୍ଲୁଟୁଥ୍‌ ବ୍ୟବହାର କରିବା ମଧ୍ୟ ବିପଜ୍ଜନକ। ଏହାଦ୍ୱାରା ନା କେବଳ ଆପଣ ଅନ୍ୟମନସ୍କ ହେବା କିମ୍ବା ପଛ ଗାଡିଗୁଡିକର ହର୍ନ ନ ଶୁଣି ପାରିବା କାରଣରୁ ଦୁର୍ଘଟଣାର ସମ୍ମୁଖୀନ ହୋଇପାରନ୍ତି ବରଂ କୁହୁଡି ସଂସ୍ପର୍ଶରେ ଆସି ମୋବାଇଲ୍‌ ଖରାପ ହେବାର ମଧ୍ୟ ଆଶଙ୍କା ରହିଛି।
- କୁହୁଡିରେ ରାସ୍ତା ଉପରରେ ଚାଲୁଥିବା ପଶୁ ବିଶେଷ କରି ଧଳା ବାଛୁରୀ, ଗାଈ, କୁକୁର ଆଦି ସହଜରେ ଦେଖାଯାଇ ନ ଥାନ୍ତି। ଯାହାଦ୍ୱାରା ଦୁର୍ଘଟଣାର ଆଶଙ୍କା ବଢିଥାଏ। ତେଣୁ ଗାଡିର ସ୍ପିଡ୍‌ ନିୟନ୍ତ୍ରଣରେ ରଖିବା ନିତାନ୍ତ ଆବଶ୍ୟକ।
କୁହୁଡ଼ିର କାରଣ
ବାୟୁରେ ଜଳୀୟବାଷ୍ପ ରହିଛି ା କିନ୍ତୁ ଆମ ଆଖିକୁ ତାହା ଦେଖାଯାଏ ନାହିଁ ା ଜଳୀୟବାଷ୍ପର ପରିମାଣ ବାୟୁର ତାପାମାତ୍ରା ଉପରେ ନିର୍ଭର କରେ ା ଗରମ ବାୟୁରେ ଅଧିକ ଜଳୀୟବାଷ୍ପ ରହିପାରେ ା ବର୍ତ୍ତମାନ ବୃଦ୍ଧି ପାଉଥିବା ଗାଡିମୋଟର, କଳ କାରଖାନା ସଂଖ୍ୟା ସାଙ୍ଗକୁ ଜଙ୍ଗଲ କ୍ଷୟ ବାୟୁମଣ୍ଡଳ ପ୍ରଦୂଷିତ ହେଉଛି ଏବଂ ଏହାର ତାପମାତ୍ରା ମଧ୍ୟ ଅହେତୁକ ଭାବେ ବଢୁଛି। ଫଳରେ ବାୟୁମଣ୍ଡଳରେ ସାଧାରଣ ଠାରୁ ଯଥେଷ୍ଟ ଅଧିକ ପରିମାଣରେ ଜଳୀୟବାଷ୍ପ ରହୁଛି, ଯାହାକି ଶୀତଦିନେ ଥଣ୍ଡା ହେବା ଦ୍ୱାରା ଘନୀଭୂତ ହୋଇ ଛୋଟ ଛୋଟ ଜଳକଣାରେ ପରିଣତ ହୋଇ କୁହୁଡି ଆକାରରେ ଭୂପୃଷ୍ଠ ନିକଟରେ ଭାସି ବୁଲୁଛି। ବିଭିନ୍ନ ସ୍ଥାନ ତଥା ସେଠାକାର ପରିବେଶରେ ଅନୁଯାୟୀ ସୃଷ୍ଟି ହେଉଥିବା କୁହୁଡିର ନାମ ପ୍ରବାହ କୁହୁଡି, ବିକିରଣ କୁହୁଡି, ଊଦ୍ଧର୍‌ବାରୋହଣ କୁହୁଡି ଓ ଅଧଃକ୍ଷେପଣ କୁହୁଡି ଇତ୍ୟାଦି ରହିଛି ା ବାୟୁପ୍ରଦୂଷଣ ହେତୁ ଧୂଆଁମିଶା ଘନକୁହୁଡି ବା ସ୍ମଗ୍‌ ସୃଷ୍ଟି ହେଉଛି ା ଏହି ଘନ କୁହୁଡି ଯୋଗୁ ଆଲୋକ ସଂକେତରେ ଚଳାଚଳ କରୁଥିବା ବିମାନ ଓ ରେଳଗାଡି ବିଳମ୍ବ ଘଟୁଛି ା କେବଳ ଏତିକି ନୁହେଁ ଅଧିକ ସମୟ ପର୍ଯ୍ୟନ୍ତ ରାସ୍ତାଘାଟ ଭଲଭାବେ ଦେଖାଯାଉ ନ ଥିବାରୁ ଗାଡିମୋଟର ଦୁର୍ଘଟଣା ବୃଦ୍ଧିପାଉଛି ା କୁହୁଡିଜନିତ ଦୁର୍ଘଟଣା ହ୍ରାସ କରିବା ଲାଗି ବର୍ତ୍ତମାନ ଗାଡିଗୁଡିକରେ ଦିଆଯାଉଥିବା ସ୍ପେଶାଲ ଫଗ୍‌ ଲାଇଟ୍‌ (ହଳଦିଆ ଆଲୁଅ) ବ୍ୟବହାର କରାଯିବା ସହ ସ୍ମଗ୍‌ କମାଇବା ଲାଗି ପରିବେଶ ପ୍ରଦୂଷଣ ମୁକ୍ତ କରିବା ଦିଗରେ ସଚେତନ ହେବା ଆବଶ୍ୟକ।
                                                                                           - କମଳାକାନ୍ତ ଜେନା ସହକାରୀ ପ୍ରଫେସର, ଭଦ୍ରକ ଅଟୋନମସ୍‌ କଲେଜ
କ’ଣ କରନ୍ତି ଏମାନେ...
ତପନ କୁମାର(ଏମ୍‌ବିଏ ୧ମ ବର୍ଷ, କଲେଜ ଅଫ୍‌ ଆଇଟି ଆଣ୍ଡ ମ୍ୟାନେଜମେଣ୍ଟ ଏଜୁକେଶନ, ଭୁବନେଶ୍ୱର)- ଶୀତଦିନେ ସକାଳୁ ଥଣ୍ଡାରେ କଲେଜ ଯିବା ଯେତିକି କଷ୍ଟ ନୁହେଁ କୁହୁଡି ପାଇଁ ବେଶି ଅସୁବିଧା। ଭଲରେ ରାସ୍ତା ଦେଖା ନ ଯିବା ଯୋଗୁ ଦୁର୍ଘଟଣାର ଆଶଙ୍କା ବଢିଥାଏ। ଯେଉଁଥିଲାଗି ଗାଡିର ସ୍ପିଡ୍‌ କମ୍‌ ରଖିବା ସହ ଆବଶ୍ୟକ ସ୍ଥଳେ ଲାଇଟ୍‌ ଏବଂ ହର୍ନ ବ୍ୟବହାର କରିଥାଏ।
ରାଜଶ୍ରୀ ସାହୁ(ଏମ୍‌ବିଏ ୨ୟ ବର୍ଷ, ଗାନ୍ଧୀ ଇନ୍‌ଷ୍ଟିଚ୍ୟୁଟ୍‌ ଫର୍‌ ଟେକ୍ନୋଲୋଜିକାଲ୍‌ ଆଡଭାନ୍ସମେଣ୍ଟ, ଭୁବନେଶ୍ୱର)- ବର୍ତ୍ତମାନ ପରିବେଶ ପ୍ରଦୂଷଣ ବଢିଯାଇଥିବାରୁ ଶୀତଦିନେ ପୂର୍ବ ଭଳି କୁହୁଡି ନ ହୋଇ ଧୂଆଁ ଏବଂ ଧୂଳି ମିଶା କୁହୁଡି ହେଉଛି। ଯାହାକି ଅଧିକ ଘନ ଏବଂ ଦୀର୍ଘ ସମୟ ପର୍ଯ୍ୟନ୍ତ ଲାଗି ରହୁଛି। ଏମିତିରେ ସକାଳ ସମୟରେ ବାହାରକୁ ବାହାରିବା କଷ୍ଟ ହେଉଛି। ତେବେ ଏହାକୁ ହଠାତ୍‌ ରୋକିବା ତ ହାତର କଥା ନୁହେଁ। ତେଣୁ ଏହି ସମୟରେ ଯେପରି ଦୁର୍ଘଟଣା ନ ଘଟେ ସେଥିଲାଗି ସତର୍କ ରହିବା ବୁଦ୍ଧିମତ୍ତାର କାମ।

All Right Reserved By

ଫୁରସତ |

ସ୍ମାର୍ଟ ରୋବୋ

ସ୍ମାର୍ଟ ରୋବୋ

ଆପଣ କୌଣସି ସମସ୍ୟାକୁ ନେଇ ଚିନ୍ତିତ କି ? ଏହାକୁ କିପରି ସମାଧାନ କରିବେ ବାଟ ପାଉ ନାହାନ୍ତି? ତେବେ ଏ ନେଇ ବ୍ୟସ୍ତ ହେବାର ଆବଶ୍ୟକତା ନାହିଁ। କାରଣ ଏପରି କ୍ଷେତ୍ରରେ ଆପଣଙ୍କୁ ସହଯୋଗର ହାତ ବଢ଼ାଇବ ସ୍ମାର୍ଟ ରୋବୋ। ହେଲେ କିପରି ?

ଓଡ଼ିଶାରେ ଦେଖାଯାଉଥିବା ସାପ

ଓଡ଼ିଶାରେ ଦେଖାଯାଉଥିବା ସାପ

ଓଡ଼ିଶାରେ ସାଧାରଣ ଯେତିକି ସାପ ଦେଖାଯାନ୍ତି ତନ୍ମଧ୍ୟରୁ ନାଗ, ତମ୍ପ, ଚିତି, ରଣା, ଚନ୍ଦନ ବୋଡ଼ା(ରସଲ ଭାଇପର), ଧୂଳିଆ ବୋଡ଼ା(ସ’ ସ୍କେଲ୍‌ଡ ଭାଇପର), ଡାଳୁଆ ବୋଡ଼ା(ବାମ୍ବୋ ପିଟ୍‌ ଭାଇପର), ଅହିରାଜ(କିଙ୍ଗ୍‌ କୋବ୍ରା) ଆଦି ବିଷଧର ଅଟନ୍ତି।

ଫର୍ମାଲିନ ଆତଙ୍କ

ଫର୍ମାଲିନ ଆତଙ୍କ

ଫର୍ମାଲଡିହାଇଡ୍‌ ଏକ ଜୈବିକ ରାସାୟନିକ ଦ୍ରବ୍ୟ ଯାହା ପ୍ରକୃତିରେ ଉପଲବ୍ଧ ଥାଏ। ସର୍ବପ୍ରଥମେ ରୁଷିଆ ବୈଜ୍ଞାନିକ ଆଲେକଜାଣ୍ଡର ବଟଲେର ୧୮୫୯ରେ ଏହାକୁ ଠାବ କରିଥିଲେ। ପରବର୍ତ୍ତୀ ସମୟରେ ଭନ୍‌ ହଫମ୍ୟାନ୍‌ ଏହାକୁ ଚିହ୍ନିତ କରିଥିଲେ। ୪୦ ଭାଗ ଫର୍ମାଲଡିହାଇଡ୍‌ ଜଳରେ ମିଶାଇଲେ ତାହାକୁ ଫର୍ମାଲିନ୍‌ କୁହାଯାଏ।

ମୃତ୍ୟୁର ୧୦ ଦିନ ପରେ ପୁତ୍ର ଜନ୍ମ ଦେଲେ ମହିଳା

ମୃତ୍ୟୁର ୧୦ ଦିନ ପରେ ପୁତ୍ର ଜନ୍ମ ଦେଲେ ମହିଳା

ମୃତ୍ୟୁର ୧୦ ଦିନ ପରେ ଜଣେ ମହିଳା ଶିଶୁପୁତ୍ର ଜନ୍ମ କରିଛନ୍ତି। ଆଫ୍ରିକାର ଭ୍ମାସୀ ଗାଁରେ ଘଟିଛି ଏପରି ଏକ ଘଟଣା। ୩୩ ବର୍ଷ ବୟସ୍କା ହେଉଛନ୍ତି ନୋମବେଲିସୋ ନୋମାସନ୍ତୋ ଦ୍ମୋୟୀ।

ପୁରୁଣା ବହି ବଜାର

ପୁରୁଣା ବହି ବଜାର

ବିଦ୍ୟାର୍ଥୀଙ୍କ ଇଏ ହେଉଛି ପ୍ରିୟ ବଜାର। ଏଠାରେ ପାଠପଢ଼ା ହେଉ ବା ଚାକିରି ସମ୍ପର୍କିତ ଯେକୌଣସି ବହି ମିଳେ। ପୂରା-ଅଧାଦାମରେ। ବିଶେଷକରି ଗରିବ ଓ ମଧ୍ୟବିତ୍ତ ପରିବାରର ବିଦ୍ୟାର୍ଥୀମାନେ ବେଶୀ ନିର୍ଭର କରନ୍ତି ଏହି ବଜାର ଉପରେ। ଇଏ ହେଲା ଭୁବନେଶ୍ୱରର ପୁରୁଣା ବହି ବଜାର।

ପ୍ରଥମ ରୋଜଗାର: ପ୍ରଥମ ଦରମା ରୋଗୀଙ୍କୁ ଦାନ କରିଥିଲି -ଡା. ଶଙ୍କର ରାମଚନ୍ଦାନୀ

ପ୍ରଥମ ରୋଜଗାର: ପ୍ରଥମ ଦରମା ରୋଗୀଙ୍କୁ ଦାନ କରିଥିଲି -ଡା. ଶଙ୍କର ରାମଚନ୍ଦାନୀ

ବୁର୍ଲାସ୍ଥିତ ବୀର ସୁରେନ୍ଦ୍ର ସାଏ ଆୟୁର୍ବିଜ୍ଞାନ ଓ ଗବେଷଣା ପ୍ରତିଷ୍ଠାନରେ ସିନିୟର ରେସିଡେନ୍ସ (ମେଡିସିନ) ଭାବେ କାର୍ଯ୍ୟରତ ଡା. ଶଙ୍କର ରାମଚନ୍ଦାନୀ ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି...

ଜାଣନ୍ତୁ କ’ଣ କୁହେ ଆପଣଙ୍କ ବସିବାର ଶୈଳୀ

ଜାଣନ୍ତୁ କ’ଣ କୁହେ ଆପଣଙ୍କ ବସିବାର ଶୈଳୀ

ମଣିଷର ଚାଲିଚଳନ, ବ୍ୟବହାରରୁ ବ୍ୟକ୍ତିଙ୍କ ବ୍ୟକ୍ତିତ୍ୱ ବିଷୟରେ ଅନେକ କଥା ଜାଣିହୁଏ। ତେବେ ମନୋବିଜ୍ଞାନୀଙ୍କ ଅନୁଯାୟୀ ଆପଣଙ୍କ ବସିବାର ଶୈଳୀରୁ ମଧ୍ୟ ଜାଣିହେବ ଆପଣ କେଉଁ ପ୍ରକାରର ବ୍ୟକ୍ତି।

କୁକୁରଙ୍କ ପାଇଁ ମହଲ

କୁକୁରଙ୍କ ପାଇଁ ମହଲ

ଅନେକ କୁକୁର ପ୍ରେମୀ ଅଛନ୍ତି ଯେଉଁମାନେ ନିଜ ପୋଷା କୁକୁରଙ୍କ ଆରାମ ଏବଂ ସୁବିଧା ସୁଯୋଗ ପାଇଁ ବେଶ୍‌ ଯତ୍ନବାନ ଥା’ନ୍ତି। କିନ୍ତୁ ପୃଥିବୀରେ ଏଭଳି ମଧ୍ୟ କିଛି କୁକରପ୍ରେମୀ ଅଛନ୍ତି ଯେଉଁମାନେ ନିଜ ପୋଷା କୁକୁରଙ୍କ ପାଇଁ ନିର୍ମାଣ କରିଛନ୍ତି ବିଳାସପୂର୍ଣ୍ଣ ମହଲ।

ପାର୍କ ନୁହେଁ ଇଏ ଘର

ପାର୍କ ନୁହେଁ ଇଏ ଘର

ଛୋଟ ପିଲାଙ୍କୁ ସ୍ଲାଇଡ୍‌ ବା ଖସଡ଼ାରେ ଖସିବାକୁ କେତେ ଭଲ ଲାଗେ ତାହା ସମସ୍ତେ ଜାଣନ୍ତି। ସେଥିପାଇଁ ତ ସବୁ ପାର୍କରେ ଥାଏ ସ୍ଲାଇଡ୍‌। ତେବେ ଜାପାନର ଷ୍ଟୁଡିଓ ଲେଭଲ୍‌ ଆର୍କିଟେକ୍ଟ ଏମିତି ଏକ ତିନି ମହଲା ଘର ତିଆରି କରିଛନ୍ତି, ଯେଉଁ ଘରକୁ ଦେଖିଲେ ସମସ୍ତଙ୍କ ପିଲାଦିନ କଥା ମନେ ପଡ଼ିଯିବ।

ଲେଗୋର କଳାକୃତି

ଲେଗୋର କଳାକୃତି

କିଏ ରଙ୍ଗ ତୂଳୀରେ ତ କିଏ ମାଟି, ବ୍ରୋଞ୍ଜ ଓ ଅନ୍ୟାନ୍ୟ ଧାତୁରେ ଗଢନ୍ତି କଳାକୃତି। ତେବେ ନ୍ୟୁୟର୍କର ନାଥନ ସଓ୍ବାୟଙ୍କ କଳାକୃତି ତିଆରି ଛୋଟ ପିଲାମାନେ ଖେଳୁଥିବା ଲେଗୋ ବ୍ରିକ୍ସରେ। ନାଥନ ଜଣେ ଓକିଲ ଥିଲେ କିନ୍ତୁ ଏହି କଳାରେ ସମ୍ପୂର୍ଣ୍ଣ ମନୋନିବେଶ କରି ପୃଥିବୀର ଏକ ନାମକରା ଲେଗୋ ଆର୍ଟିଷ୍ଟ ହେବା ପାଇଁ ସେ ଓକିଲାତି ଛାଡିଦେଲେ।

ଛେଳିଙ୍କ ସ୍ବୟଂବର

ଛେଳିଙ୍କ ସ୍ବୟଂବର

ପୌରାଣିକ ଯୁଗରେ ସୁନ୍ଦରୀ ସର୍ବଗୁଣସମ୍ପନ୍ନା ରାଜକୁମାରୀଙ୍କ ସ୍ବୟଂବର ହେଉଥିଲା। ବହୁ ରାଜ୍ୟର ପ୍ରବଳ ପ୍ରତାପୀ ରାଜା ମହାରାଜା ଏଥିରେ ଯୋଗ ଦେଉଥିଲେ। ଆଉ ରାଜକୁମାରୀ ସେମାନଙ୍କ ଭିତରୁ, ଯାହାକୁ ନିଜ ଜୀବନସାଥୀ ଭାବେ ଚୟନ କରୁଥିଲେ ତାଙ୍କ ସହ ତାଙ୍କର ବିବାହ ହେଉଥିଲା। ଏବେ ଆଉ ଏହି ପରମ୍ପରା ନାହିଁ।

ରଙ୍ଗିନ୍‌ ଏକ୍ସ-ରେ ଉଦ୍ଭାବନ

ରଙ୍ଗିନ୍‌ ଏକ୍ସ-ରେ ଉଦ୍ଭାବନ

ଓ୍ବେଲିଂଟନ୍‌: ଉଭୟ ଡାକ୍ତର ଏବଂ ରୋଗୀଙ୍କ ପାଇଁ ଖୁସି ଖବର। ନିକଟରେ ନ୍ୟୁଜିଲାଣ୍ଡର ବୈଜ୍ଞାନିକମାନେ ପ୍ରଥମ କରି ୩-ଡି, କଲର୍‌ ଏକ୍ସ-ରେ ଦ୍ୱାରା ମଣିଷର ଆଭ୍ୟନ୍ତରୀଣ ଅଙ୍ଗପ୍ରତ୍ୟଙ୍ଗର ରଙ୍ଗିନ୍‌ ଫଟୋଚିତ୍ର ଉତ୍ତୋଳନ କରିବାକୁ ସକ୍ଷମ ହୋଇଛନ୍ତି। ଚିକିତ୍ସା ବିଜ୍ଞାନ କ୍ଷେତ୍ରରେ ଏହାକୁ ଏକ ଐତିହାସିକ ଉଦ୍ଭାବନ ଭାବେ ଦେଖାଯାଉଛି।

Model This Week

ରୂପେଶ