ସମ୍ପାଦକୀୟ |

କଲମର ଇତିବୃତ୍ତ

କଲମର ଇତିବୃତ୍ତ
ଶିବରାମ ଶତପଥୀ କୁହାଯାଏ କଲମ ଖଣ୍ଡାଠାରୁ ଶକ୍ତିଶାଳୀ। ଥରେ ପ୍ରୟୋଗ କଲେ ଖଣ୍ଡା ଜଣକୁ କ୍ଷତାକ୍ତ କରେ କିନ୍ତୁ କଲମ ଏକାସାଙ୍ଗରେ ଲକ୍ଷ ଲକ୍ଷ ଲୋକଙ୍କୁ ଉତ୍‌ପ୍ରେରିତ କରିବାର ଅନେକ ଉଦାହରଣ ଅଛି। କଲମ ଦ୍ୱାରା ଲିଖିତ ଏକ ପତ୍ର ପ୍ରାପକ କ୍ଷତରେ ମଲମ ବୋଳିବା ସଙ୍ଗେ ସଙ୍ଗେ ଲେଖକର ଆତ୍ମପ୍ରସାଦ ଓ ଆତ୍ମବିଶ୍ୱାସ ବୃଦ୍ଧି କରେ। ସହସ୍ର ବର୍ଷ ପୂର୍ବେ ମସୀ ଯେପରି ଶକ୍ତିଶାଳୀ ଥିଲା ଆଜି ବି ସେପରି। କଲମ ବିବିଧ ସଂଗଠନମୂଳକ କାର୍ଯ୍ୟ ସହିତ ସାଂସ୍କୃତିକ ପରିବର୍ତ୍ତନ ଆଣିବାରେ ପ୍ରମୁଖ ଭୂମିକା ଗ୍ରହଣ କରେ। ବୈଦିକ ଯୁଗରେ ଅବଶ୍ୟ କଲମ ନ ଥିଲା। ଗୁରୁଠାରୁ ଶିଷ୍ୟ ଶୁଣିଶୁଣି ମନେ ରଖୁଥିବାରୁ ବେଦର ଅନ୍ୟ ନାମ ଶ୍ରୁତି। ଉପନିଷଦ୍‌ର ଅର୍ଥ ପାଖରେ ବସିବା। ଗୁରୁ ପାଖରେ ବସି ଶିଷ୍ୟ ଗୂଢ ମନ୍ତ୍ରଗୁଡିକର ରହସ୍ୟ ଓ ପ୍ରୟୋଗ ବିଧି ଆଦି ଶିକ୍ଷା କରୁଥିବାରୁ ତାହା ହେଲା ଉପନିଷଦ୍‌। ପୁରାଣ ଯୁଗ ବେଳକୁ ତାଳପତ୍ରରେ ଲିପିବଦ୍ଧ କରି ଅନେକ ବର୍ଷ ସଂରକ୍ଷଣ କରିବାକୁ ଲୌହ ଲେଖନୀର ଉଦ୍ଭାବନ ହେଲା। କ୍ରମଶଃ ପେପିରସ୍‌ରୁ କାଗଜ ତିଆରି ହେବା ପରେ ସ୍ୟାହିରେ ବୁଡାଇ ଲେଖାଯାଉଥିବା କାଠି କଲମ ଓ ପରକଲମ ସୃଷ୍ଟି ହେଲା। ୧୮୮୪ରେ ଲୁଇସ୍‌ ଓ୍ବାଟରମ୍ୟାନ୍‌ ନାମକ ଜଣେ ଆମେରିକୀୟ ଝରକଲମର ଉଦ୍ଭାବକ ବୋଲି ପ୍ରସିଦ୍ଧି ଲାଭ କରିଛନ୍ତି। ତଥାପି ଏହାର ୫୭ବର୍ଷ ପୂର୍ବରୁ ଅର୍ଥାତ୍‌ ୧୮୨୭ରେ ପେତ୍ରାଚେ ପୋନାରୁ ନାମକ ଜଣେ ରୋମାନିଆନ୍‌ ଗଣିତଜ୍ଞ ବିଶ୍ୱର ପ୍ରଥମ ଝରକଲମ ଉଦ୍ଭାବନ କରିଥିଲେ। ଫାଉଣ୍ଟେନ ପେନ୍‌ର ଉଦ୍ଭାବନ ପରେ ପରକଲମ ଓ କାଠିକଲମ ଲୋପ ପାଇଗଲା। ୧୯୬୦ରେ ବଲ୍‌ ପଏଣ୍ଟ ପେନ୍‌ ବା ଡଟ୍‌ପେନ୍‌ର ବହୁଳ ବ୍ୟବହାର ଆରମ୍ଭ ହେଲା, ଯଦିଚ ୧୯୩୮ରେ ଲାଜ୍‌ଲୋ ଯୋସେଫ ବିରୋ ନାମକ ଜଣେ ହଙ୍ଗେରୀୟଙ୍କ ଦ୍ୱାରା ଡଟ୍‌ପେନ୍‌ ଉଦ୍ଭାବନ ହୋଇଥିଲା। ଜାପାନର ଓସାକା ସହରସ୍ଥିତ ସାକୁରା କଲର ପ୍ରଡକ୍ଟ କମ୍ପାନୀ ଏପରି ଏକ ସ୍ୟାହିର ପରିକଳ୍ପନା କଲା, ଯାହା ପୃଥିବୀରେ ପ୍ରଚଳିତ ହୋଇ ନ ଥିଲା। ପରିଣାମତଃ ୧୯୯୭ରେ ବିଶ୍ୱର ପ୍ରଥମ ଜେଲ୍‌ ପେନ୍‌ର ଉଦ୍ଭାବନ ହେଲା। ବର୍ତ୍ତମାନ ଯାହା ଦେଖିବାକୁ ମିଳୁଛି ପରକଲମ ପରି ଝରକଲମ ମଧ୍ୟ ଆଉ କିଛିବର୍ଷ ପରେ କେବଳ ମ୍ୟୁଜିୟମରେ ଦେଖିବାକୁ ମିଳିବ। କଲମର ବିକଳ୍ପ ଭାବେ ଯେଉଁ ପେନ୍‌ସିଲ୍‌ ବ୍ୟବହୃତ ହୁଏ ତା’ର ଉଦ୍ଭାବନର କାହାଣୀ ମଧ୍ୟ କମ୍‌ ରୋମାଞ୍ଚକର ନୁହେଁ। ଯଦିଚ ଲେଡ୍‌ ପେନ୍‌ସିଲ୍‌ କୁହାଯାଏ ତଥାପି ବ୍ୟବହୃତ ପେନ୍‌ସିଲରେ ସୀସା ଧାତୁର ବ୍ୟବହାର ମୋଟେ ନାହିଁ। ଗ୍ରାଫାଇଟ୍‌ ଓ ଚିକିଟା ମାଟିର ମିଶ୍ରଣରେ ପେନ୍‌ସିଲ୍‌ର ସୀସା ନିର୍ମିତ ହୁଏ। ଖ୍ରୀ:ଅ ୧୫୬୪ରେ ଇଂଲଣ୍ଡର କ୍ୟୁବ୍ରିଆଠାରେ ଗ୍ରାଫାଇଟ୍‌ ଖଣିର ସନ୍ଧାନ ପ୍ରଥମେ ମିଳିଥିଲା। କର୍ନଡ ଗେସ୍‌ନେର ନାମକ ଜଣେ ବ୍ୟକ୍ତି ଏ ଗ୍ରାଫାଇଟ୍‌କୁ କାଟି ପ୍ରଥମେ ଲେଖିବାରେ ବ୍ୟବହାର କରିଥିଲେ। ଆଜିକାଲି ଆମେ ଯେଉଁ ପେନ୍‌ସିଲ୍‌ ବ୍ୟବହାର କରୁଛେ ତାକୁ ୧୭୯୫ରେ ନିକୋଲାସ୍‌ ଯାକ୍ୱେସ କାନ୍ତେ ନାମକ ନେପୋଲିଅନଙ୍କ ସୈନ୍ୟବାହିନୀର ଜଣେ ବୈଜ୍ଞାନିକ ଉଦ୍ଭାବନ କରିଥିଲେ। ପିଲାଏ ପାଠପଢା ଆରମ୍ଭ କଲାବେଳେ ପ୍ରଥମ ଦୁଇ ତିନି ବର୍ଷ ତ କେବଳ ପେନ୍‌ସିଲ୍‌ରେ ଲେଖିବାକୁ ଦିଆଯାଏ। ଡଟ୍‌ପେନ୍‌ ବର୍ତ୍ତମାନ ୟୁଜ ଆଣ୍ଡ ଥ୍ରୋ ପେନ୍‌ ଭାବେ ଉପଲବ୍ଧ। ରିଫିଲର ଦାମ୍‌ ଚାରି ଟଙ୍କା ହେଲାବେଳକୁ ନୂଆପେନ୍‌ର ଦାମ୍‌ କେବଳ ପାଞ୍ଚଟଙ୍କା। ଦୋକାନୀ କହୁଛି, ଆଜ୍ଞା ଆମେ ଆଉ ରିଫିଲ ରଖୁନୁ। ଦୀର୍ଘଦିନ ଧରି ରିଫିଲ ପଡିରହିଲେ ସେଗୁଡିକ ଶୁଖିଯାଉଛି। ଝରକଲମର କଥା କିନ୍ତୁ ସେପରି ନ ଥିଲା। ପଞ୍ଚମରୁ ଦଶମ ଶ୍ରେଣୀ ଯାଏ ମୋ ପାଖରେ କେବଳ ଗୋଟିଏ ଝରକଲମ ଥିଲା। ଝରକଲମର ଦାମ୍‌ ମଧ୍ୟ ଅପେକ୍ଷାକୃତ ବେଶି ଥିଲା। କେବଳ ବର୍ଷରେ ଥରେ ପାଳି (ନିବ୍‌) ବଦଳାଇବାକୁ ପଡୁଥିଲା। ପାଳିଟିରେ ଇରିଡିଅମ୍‌ ଟିପ୍‌ ଥିଲା। ଅବଶ୍ୟ ପ୍ରାୟ ମାସରେ ଥରେ ନିବ୍‌ ଟଙ୍ଗ୍‌ ଖୋଲି ଝରକଲମଟିକୁ ଉଷୁମ ପାଣିରେ ସଫା କରୁଥିଲି। ସ୍ମୃତି ଶାସ୍ତ୍ର (ବିଶେଷତଃ ମନୁସ୍ମୃତି) ଓ ଅଷ୍ଟାଦଶ ପୁରାଣ ଆର୍ଯ୍ୟାବର୍ତ୍ତରେ ଏକ ସୁସମାହିତ ସମାଜ ପ୍ରତିଷ୍ଠା କରିବାରେ ପ୍ରଧାନ ସାଧନ ହୋଇଥିଲା। ମନୀଷୀମାନଙ୍କ ସମୃଦ୍ଧ ଚିନ୍ତାଧାରା ସେମାନଙ୍କ ରଚନାବଳୀରେ ସମ୍ୟକ୍‌ ପ୍ରତିଫଳିତ ହୋଇଥାଏ। ତାହା କ୍ଷମତାଲିପ୍ସୁ, ସ୍ବେଚ୍ଛାଚାରୀ ସମ୍ରାଟ୍‌ଙ୍କୁ ନିୟନ୍ତ୍ରଣାଧୀନ କରିବାରେ ସହାୟକ ହୋଇଥାଏ। ୟୁରୋପରେ ଭୋଲ୍‌ଟାୟର, ମଣ୍ଟେସ୍କୁ ଓ ରୁଷୋଙ୍କ ରଚନାମାନ କିପରି ବିପ୍ଳବ ସୃଷ୍ଟି କରିଥିଲା ତାହା ବର୍ଣ୍ଣନା କରିବା ନିଷ୍ପ୍ରୟୋଜନ। ଡଟ୍‌ପେନ୍‌ ଓ ଜେଲ୍‌ ପେନ୍‌ର ଉଦ୍ଭାବନ ପରେ ଲୋକେ ଝରକଲମକୁ ଭୁଲିଗଲେ। ଏବେ କମ୍ପ୍ୟୁଟରର ଉଦ୍ଭାବନ ପରେ ଲୋକେ କାଗଜକଲମର ବ୍ୟବହାର ନିରର୍ଥକ ମନେ କରୁଛନ୍ତି। କମ୍ପ୍ୟୁଟର ଟିପା ଖାତା ପରି ବ୍ୟବହାର କରାଯାଉଥିବା ସ୍ଥଳେ ଚିଠିପତ୍ରର ଆଦାନ ପ୍ରଦାନ ଇଣ୍ଟରନେଟ୍‌ ଦ୍ୱାରା ହୋଇପାରୁଛି। କଲମର ବ୍ୟବହାର କେବଳ ଦସ୍ତଖତରେ ସୀମିତ ରହୁଛି। ”କେତେବେଳେ ପିଏ କଳାପାଣି ମୁହିଁ କେତେବେଳେ ପିଏ ନାଲି, ପାଣି ଶୁଖିଗଲେ ମୁହଁ ଶୁଖିଯାଏ ଆଉ ନ ପାରଇ ଚାଲି।“ ଝରକଲମ ପାଇଁ ଏହା କୁହାଯାଇଥିବା ସ୍ଥଳେ ଏହା ମଦ୍ୟପଙ୍କ ପ୍ରତି ଅଭିପ୍ରେତ ବୋଲି କିଛି ବଗୁଲିଆ ଟୋକା ଏହା ଉପରେ ମନ୍ତବ୍ୟ ଦେଲେ। ଶିଳାଲିପି, ତାମ୍ରଫଳକରୁ ତାଳପତ୍ର ପୋଥି ଦେଇ କଲମର ଉଦ୍ଭାବନ ବାସ୍ତବିକ ଖୁବ୍‌ ରୋମାଞ୍ଚକର। ଜ୍ଞାନ ଆହରଣରେ ମନୁଷ୍ୟର ଆଗ୍ରହ ଓ ଅଧ୍ୟବସାୟର ଦ୍ୟୋତକ ହେଉଛି କଲମ, ଏଥିରେ ଦ୍ୱିରୁକ୍ତି ନାହିଁ। ମୋ- ୦୭୯୭୮୭୮୬୮୧୬
All Right Reserved By

ସମ୍ପାଦକୀୟ |

ମ୍ୟାଗଟ୍‌ ସଂକ୍ରମଣ

ମ୍ୟାଗଟ୍‌ ସଂକ୍ରମଣ

ପରିବେଶ ପରିଚିନ୍ତା/ ମାନେକା ଗାନ୍ଧୀ

ପିପୁଲ ଫର୍‌ ଆନିମଲ୍‌ସ, ମହୀଶୂର ଶାଖାର କର୍ମୀମାନେ ଏକ ଘୋଡ଼ା ଉଦ୍ଧାର କରିଥିଲେ, ଯାହାର ମୁଣ୍ଡକୁ ପରଜୀବୀ (ପାରାସାଇଟ୍‌)ମାନଙ୍କ ଦ୍ୱାରା ଅଧା ଖିଆଯାଇ ସାରିଥିଲା। ମୁଁ ତା’ର ପୂର୍ବ ଓ ପର ଅବସ୍ଥାର ଛବି ଏଥିରେ ପ୍ରଦାନ କରୁଛି। ଏହା ଏକ ସଫଳତାର କାହାଣୀ, ମାତ୍ର ଅନେକ ପ୍ରାଣୀଙ୍କ ଦେହରେ ପରଜୀବୀ ପୂରା ଭିତରକୁ ପ୍ରବେଶ କରିସାରିଥିବାରୁ ସେମାନଙ୍କ ବଞ୍ଚିବା ଅସମ୍ଭବ ହୋଇପଡ଼ୁଛି। ଏଭଳି ରୋଗ ସଂକ୍ରମଣ ହେଲେ ମଣିଷଙ୍କଠାରୁ ପ୍ରାଣୀମାନେ ବେଶି କଷ୍ଟ ପାଇଥାନ୍ତି, କାରଣ ସେମାନଙ୍କ ପାଖରେ କିଛି ବିକଳ୍ପ ନ ଥାଏ। ସେମାନଙ୍କର ଚିକିତ୍ସା କରିବା ପାଇଁ ଡାକ୍ତର ନ ଥାନ୍ତି। ରୋଗଗ୍ରସ୍ତ ହୋଇପଡ଼ିଲେ ଅଧିକାଂଶ ମାଲିକ ଏପରି ପ୍ରାଣୀମାନଙ୍କୁ ପରିତ୍ୟାଗ କରିଥାନ୍ତି। ...

ଆର୍ଥିକ ଉପନିବେଶବାଦ ଓ ଭାରତ

ଆର୍ଥିକ ଉପନିବେଶବାଦ ଓ ଭାରତ

ଅରୁଣ କୁମାର ପଣ୍ଡା

ସ୍ବାଧୀନତାକୁ ୭୨ବର୍ଷ ହେବା ପରେ ବି ଭାରତୀୟ ଅର୍ଥ ବ୍ୟବସ୍ଥା ସିଦ୍ଧାନ୍ତ ରୂପରେ ଉପନିବେଶବାଦ ଟ୍ରାକ୍‌ରୁ ଓହ୍ଲାଇ ନୂଆ ମାର୍ଗରେ ଚାଲିବା ପାଇଁ ଏ ପର୍ଯ୍ୟନ୍ତ ସମର୍ଥ ହୋଇପାରିନାହିଁ। ଦୀର୍ଘ ଦିନର ଗୋଲାମି କାରଣରୁ ଦେଶର ଅର୍ଥ ବ୍ୟବସ୍ଥା ଲମ୍ବା ସମୟ ଧରି ଘୁଷୁଡ଼ି ଘୁଷୁଡି ଏବେ ବିଶ୍ୱର ଷଷ୍ଠ ସବୁଠାରୁ ବଡ଼ ଆର୍ଥିକ ପ୍ରଗତିର ରାଷ୍ଟ୍ରରେ ପରିଣତ ହୋଇଛି। ଏହି ୭୨ବର୍ଷରେ ଦେଶରେ ଅର୍ଥ ବ୍ୟବସ୍ଥାର ବିସ୍ତାର ନିଶ୍ଚିତ ଭାବରେ ହୋଇଛି। ପରନ୍ତୁ ଆମକୁ ଅପେକ୍ଷିତ ସଫଳତା ମିଳିପାରିନାହିଁ।...

ସାଧକ ଶ୍ରୀଯଶୋବନ୍ତ ସ୍ମରଣେ

ସାଧକ ଶ୍ରୀଯଶୋବନ୍ତ ସ୍ମରଣେ

ଡ. ଜ୍ୟୋତିର୍ମୟୀ ମହାନ୍ତି

ଖ୍ରୀଷ୍ଟୀୟ ଷୋଡ଼ଶ ଶତାବ୍ଦୀରେ ଗଜପତି ପ୍ରତାପରୁଦ୍ରଦେବଙ୍କ ରାଜତ୍ୱ କାଳରେ ସିଦ୍ଧ ସାଧକ, ଶ୍ରୀଜଗନ୍ନାଥଙ୍କ ପରମଭକ୍ତ ପଞ୍ଚସଖାଙ୍କର ଆବିର୍ଭାବ ଘଟିଥିଲା। ଯେଉଁମାନେ କି ନିଜ ନିଜର ସାଧନା ବଳରେ ଓଡ଼ିଶାରେ ଆଧ୍ୟାତ୍ମିକ ଚେତନା ଓ ଧାର୍ମିକ ଭାବନାରେ ଆଲୋଡ଼ନ ସୃଷ୍ଟି କରିଥିଲେ। ଏମାନଙ୍କ ମଧ୍ୟରେ ମାନବ ଜୀବନ ଦର୍ଶନ ସମ୍ପର୍କରେ ବିଶ୍ଳେଷଣ କରି ତତ୍କାଳୀନ ସମାଜରେ ଏକ ଯୁଗାନ୍ତକାରୀ ସ୍ବର ତୋଳିଥିବା ସାଧକଶ୍ରେଷ୍ଠ ଶ୍ରୀଯଶୋବନ୍ତ ଗୋସେଇଁ ଅନ୍ୟତମ। ତାଙ୍କର ଜନ୍ମସ୍ଥାନ ଅବିଭକ୍ତ କଟକ ତଥା ବର୍ତ୍ତମାନର ଜଗତ୍‌ସିଂହପୁର ଜିଲା ଅନ୍ତର୍ଗତ ଅଢ଼ଙ୍ଗ ଗ୍ରାମ। ଜନ୍ମ ସମୟ ଓ ପିତାଙ୍କ ନାମ ସମ୍ପର୍କରେ ଉଦୟ କାହାଣୀ, ଭକ୍ତି ଚନ୍ଦ୍ରିକା, ଶୂନ୍ୟସଂହିତା ଆଦି ଗ୍ରନ୍ଥରୁ ବିଭିନ୍ନ ପ୍ରକାର ତଥ୍ୟ ମିଳିଥାଏ। ଆଲୋଚକଗଣ ତାଙ୍କ ଜନ୍ମ ସମୟ ୧୪୭୦ରୁ ୧୫୫୦ ଖ୍ରୀଷ୍ଟାବ୍ଦ ...

ଏଇ ଭାରତରେ

ଏଇ ଭାରତରେ


ଦୁର୍ନୀତି, ଶୋଷଣ, ଅରାଜକତା ପାଇଁ ସାଧାରଣତଃ ରାଜନେତା, ଉଚ୍ଚ ପଦବୀରେ ଥିବା ସରକାରୀ ଅଧିକାରୀଙ୍କୁ ଦାୟୀ କରାଯାଏ। ଦୁର୍ନୀତି ପ୍ରମାଣିତ ହେଲେ ସେମାନେ ଦଣ୍ଡିତ ହେବା ଅନେକ ନଜିର ରହିଛି। ହେଲେ ଅନେକଙ୍କ ବିରୋଧରେ ପ୍ରମାଣ ମିଳେନାହିଁ କିମ୍ବା ସେମାନଙ୍କ ବିରୋଧରେ ସ୍ବର ଉଠାଇବାକୁ ଲୋକେ ସାହସ କରନ୍ତି ନାହିଁ। ଏସବୁ ବର୍ତ୍ତମାନ ସମାଜରେ ସାଧାରଣ କଥା ହୋଇଥିଲାବେଳେ ଅନେକ ଲୋକଙ୍କ ମନରେ ରାଜନେତା ଓ ଉଚ୍ଚପଦସ୍ଥ ଅଧିକାରୀଙ୍କ ...

୫ ଫଳ

୫ ଫଳ

ସମ୍ପାଦକୀୟ/ ତଥାଗତ ସତପଥୀ

ନିକଟରେ ଶେଷ ହୋଇଥିବା ନିର୍ବାଚନ କୌଣସି ସାଧାରଣ ନିର୍ବାଚନ ନ ଥିଲା ଏବଂ ଏହାର ଫଳାଫଳରୁ ଯେଉଁ ସୂଚନା ମିଳୁଛି, ତାକୁ ମଧ୍ୟ ଉପେକ୍ଷା କରାଯାଇ ନ ପାରେ। କେବଳ ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡ଼ରେ ୬୫ ଲୋକ ସଭା ଆସନ ଥିବାରୁ ଏହା ଭବିଷ୍ୟତ ପାଇଁ ଭାବିବାର ଖୋରାକ ଯୋଗାଉଛି। ଗୋଟିଏ ବଡ଼କଥା ହେଉଛି, ଏହି ରାଜ୍ୟଗୁଡ଼ିକରୁ ୨୦୧୪ ନିର୍ବାଚନରେ କଂଗ୍ରେସ ମାତ୍ର ୩ଟି ଲୋକ ସଭା ଆସନ ଜିତିଥିଲା। ଆଗକୁ ସାଧାରଣ ନିର୍ବାଚନ ଆଉ ମାତ୍ର କେଇ ମାସ ବାକି ଥିବାବେଳେ ଏହି ଫଳାଫଳରୁ ଜଣାପଡ଼ୁଛି, ସରକାରଙ୍କର ଧନୀ-ସପକ୍ଷବାଦୀ ମନୋଭାବ ଓ ଧନୀ-ସପକ୍ଷବାଦୀ ନୀତି ନିର୍ଦ୍ଧାରଣ କରିବାର ମାନସିକତାକୁ ଜନତା ଗ୍ରହଣ କରୁନାହାନ୍ତି। ଏଥର ମଧ୍ୟପ୍ରଦେଶ ଓ ଛତିଶଗଡ଼ର ଗ୍ରାମାଞ୍ଚଳ ଲୋକ ଭାଜପା ପ୍ରତି...

ଅସ୍ପୃଶ୍ୟତା, ଲକ୍ଷ୍ମୀପୁରାଣ ଓ ବଳରାମ

ଅସ୍ପୃଶ୍ୟତା, ଲକ୍ଷ୍ମୀପୁରାଣ ଓ ବଳରାମ

ନାରାୟଣ ପଣ୍ଡା 

ଉତ୍କଳ ପଞ୍ଚସଖାଙ୍କ ମହାପାତ୍ର, ଖୁଣ୍ଟିଆ, ମହାନ୍ତି, ଦାସ ଓ ମୁନି ଇତ୍ୟାଦି ସଂଜ୍ଞା ଥିଲା। ସେମାନେ କିନ୍ତୁ ସମସ୍ତେ ନିଜକୁ ଶୂଦ୍ର ବୋଲି ପରିଚିତ କରାଇଛନ୍ତି। ସନ୍ଥ ଅଚ୍ୟୁତାନନ୍ଦଙ୍କ ଉଦୟ କାହାଣୀ ଗ୍ରନ୍ଥରେ ପଞ୍ଚସଖାମାନଙ୍କର ଜାତି ପ୍ରସଙ୍ଗରେ କୁହାଯାଇଛି, ସେମାନେ ସତ୍ୟଯୁଗରେ ବ୍ରାହ୍ମଣ, ତ୍ରେତୟାରେ କ୍ଷତ୍ରିୟ, ଦ୍ୱାପରରେ ବୈଶ୍ୟ ଓ କଳିଯୁଗରେ ଶୂଦ୍ର। ଭକ୍ତି ଧର୍ମର ବର୍ଣ୍ଣ ହେଉଛି ଶୂଦ୍ର ବର୍ଣ୍ଣ। ସେମାନଙ୍କର ସ୍ବଭାବ ମିଷ୍ଟ, ବିନୟୀ ଓ ସରଳ। ଶୂଦ୍ର ନିଜର ନିର୍ଲିପ୍ତ ସେବା ଦ୍ୱାରା ଈଶ୍ୱର ସାନ୍ନିଧ୍ୟ ଓ ଚତୁର୍ବର୍ଗ ଫଳପ୍ରାପ୍ତ ହୋଇଥାଏ। ପଞ୍ଚଦଶ ଶତାବ୍ଦୀରେ ଜନ୍ମିତ ଉତ୍କଳର ପଞ୍ଚସଖା- ବଳରାମ ଦାସ ୧୪୮୨, ଯଶୋବନ୍ତ ଦାସ ୧୪୮୨, ଅଚ୍ୟୁତାନନ୍ଦ ଦାସ ୧୪୮୫, ଶିଶୁ ଅନନ୍ତ ୧୪୮୫ ଓ ଜଗନ୍ନାଥ ଦାସ ୧୪୯୦- ସାହିତ୍ୟ ଓ ସମାଜ ସଂସ୍କାର କ୍ଷେତ୍ରରେ ତାଙ୍କର ଅମଳିନ ସ୍ବାକ୍ଷର ରଖି...

ଅସୁରକ୍ଷିତ ଆଶ୍ରମ ଗୃହ

ଅସୁରକ୍ଷିତ ଆଶ୍ରମ ଗୃହ

ପ୍ରୀତିଛନ୍ଦା ଧଳ

ନିକଟରେ ହଇଚଇ ସୃଷ୍ଟି କରିଛି ବେଲ୍‌ଟିକିରି ସେଲ୍‌ଟର ହୋମ୍‌ କାରନାମା। ‘ହାପି ଆଣ୍ଡ ହୋଲି ହୋମ୍‌’ ନାମକ ଆଶ୍ରମରେ ନାବାଳିକାମାନଙ୍କୁ ଯୌନ ନିର୍ଯାତନାର କଥା ଶୁଣି ସାଧାରଣ ଜନତାଙ୍କ ଲୋମ ଟାଙ୍କୁରି ଉଠୁଛି। କେତେ ଅସୁରକ୍ଷିତ ଆମର ଆଶ୍ରମ ଉଭୟ ଝିଅ ଓ ପୁଅମାନଙ୍କ ପାଇଁ ଏବେ ଏଠାରେ ଏକ ବଡ଼ ପ୍ରଶ୍ନ। ପ୍ରକୃତରେ ଦେଖିବାକୁ ଗଲେ ଲାଜ ଲାଗେ ଯେ ଏତେସବୁ ହୋଇଥାଏ ଆଶ୍ରମ ଗୃହରେ କିନ୍ତୁ ଆମର ପ୍ରଶାସନ ପାଖରେ କିଛି ଖବର ନ ଥାଏ। ଏହାର ଉତ୍ତର କିଏ ଦେବ ଏବଂ ଏହାର ଗୁରୁଦାୟିତ୍ୱ କାହାର? ...

ଏଇ ଭାରତରେ

ଏଇ ଭାରତରେ

ଭାରତର ବିଭିନ୍ନ ପ୍ରାନ୍ତରେ ଭିନ୍ନ ଭିନ୍ନ ପରମ୍ପରା ରହିଛି। ଏହାକୁ ସ୍ଥାନୀୟ ଲୋକେ ମାନି ଚଳିଥାଆନ୍ତି। ପରମ୍ପରାକୁ ଅମାନ୍ୟ କଲେ ଅମଙ୍ଗଳ ହୁଏ ବୋଲି ଲୋକମାନେ ବିଶ୍ୱାସ କରନ୍ତି। ତେଣୁ ସେଠାରେ ପ୍ରଥା-ପରମ୍ପରାକୁ ମାନି ଲୋକେ ଜୀବନଯାପନ କରନ୍ତି। ମଧ୍ୟପ୍ରଦେଶ ଓ ଛତିଶଗଡରେ ଏପରି ଏକ ନିଆରା ପରମ୍ପରା ରହିଛି ଯାହା ଅବିଶ୍ୱାସ ଲାଗିଲେ ମଧ୍ୟ ସତ। ଏହି ଦୁଇ ରାଜ୍ୟରେ ବାସ କରୁଥିବା ଗୋଣ୍ଡ ଜନଜାତିର ଲୋକମାନେ ଏହି ଅଜବ ପରମ୍ପରାକୁ ମାନିଥାଆନ୍ତି। ଉକ୍ତ ଜନଜାତିରେ ବିବାହ ପୂର୍ବରୁ ବରକୁ ରକ୍ତପାନ କରିବାକୁ ପଡିଥାଏ। ଏଥିପାଇଁ ବରକୁ ଘୁଷୁରି ମାରିବାକୁ ଦିଆଯାଏ। ପରେ ବ...

ସମ୍ପାଦକୀୟ/ଆସ୍ଥା ତୁଟୁଛି

ସମ୍ପାଦକୀୟ/ଆସ୍ଥା ତୁଟୁଛି

ସାଧାରଣ ନିର୍ବାଚନ ପ୍ରାୟ ୫ ମାସ ଥିବାବେଳେ ଏବେଠାରୁ ରାଜନୈତିକ ବାତାବରଣ ସରଗରମ ହେବାରେ ଲାଗିଲାଣି। କେନ୍ଦ୍ରର ନରେନ୍ଦ୍ର ମୋଦିଙ୍କ ସରକାରକୁ ଟକ୍କରଦେବା ଲାଗି ବିରୋଧୀ ଦଳଗୁଡ଼ିକ ଡିସେମ୍ବର ୧୦ରେ ନୂଆଦିଲ୍ଲୀଠାରେ ଏକତ୍ରିତ ହୋଇଛନ୍ତି। ବିଜୁ ଜନତା ଦଳ (ବିଜେଡି), ସମାଜବାଦୀ ପାର୍ଟି(ଏସ୍‌ପି) ଏବଂ ବହୁଜନ ସମାଜ ପାର୍ଟି (ବିଏସ୍‌ପି)କୁ ଛାଡ଼ିଦେଲେ ଟିଡିପି ମୁଖ୍ୟ ଏନ୍‌. ଚନ୍ଦ୍ରାବାବୁ ନାଇଡୁଙ୍କ ନେତୃତ୍ୱରେ ଅନ୍ୟାନ୍ୟ ବିରୋଧୀ ଦଳଗୁଡ଼ିକ ଶୀତକାଳୀନ ଅଧିବେଶନର ଅବ୍ୟବହିତ ପୂର୍ବରୁ ଗୋଟିଏ ମଞ୍ଚରେ ଏକାଠି ହୋଇଛନ୍ତି। ଏଭଳି ସମୟରେ ରାଷ୍ଟ୍ରୀୟ ଲୋକ ସମତା ପାର୍ଟି (ଆର୍‌ଏଲ୍‌ଏସ୍‌ପି) ସଭାପତି ଉପେନ୍ଦ୍ର କୁଶ୍‌ଓ୍ବାହା ମୋଦି ସରକାରଙ୍କ ମନ୍ତ୍ରିମଣ୍ଡଳରୁ ଇସ୍ତଫା ଦେବା ଭାଜପା ପାଇଁ ମୁଣ୍ଡବ୍ୟଥାର କାରଣ ପାଲଟିଛି। ମୋଦି ସରକାର ତାଙ୍କୁ ଧୋକାଦେବା ସହ ଜନସାଧାରଣଙ୍କ ଆକାଂକ୍ଷା ପୂରଣ କରିବାରେ ଅସମର୍ଥ ହେବାରୁ ଇସ୍ତଫା...

 ଆଜିର ଯୁବବର୍ଗ କ୍ରୋଧିତ କାହଁକି

ଆଜିର ଯୁବବର୍ଗ କ୍ରୋଧିତ କାହଁକି

ସହଦେବ ସାହୁ

ଭାରତ ଏକ ପ୍ରାଚୀନ ସଭ୍ୟତା କିନ୍ତୁ ଏକ ଯୁବରାଷ୍ଟ୍ର। ଚାଇନା ବି ଏକ ପ୍ରାଚୀନ ସଭ୍ୟତା, କିନ୍ତୁ ସେଠାକାର କମ୍ୟୁନିଷ୍ଟ ସରକାର ପରିବାର ନିୟନ୍ତ୍ରଣ କଡ଼ାକଡ଼ି ଲାଗୁ କରିଥିବାରୁ ତାହାର ଜନସଂଖ୍ୟାରେ ବୃଦ୍ଧଙ୍କ ସଂଖ୍ୟା କାଳକ୍ରମେ ବଢ଼ିଚାଲିଲା। ଚାଇନାରେ କାମିକା ଲୋକ (୨୦ରୁ ୫୦ ବର୍ଷ)ଙ୍କ ସଂଖ୍ୟା କମିବାରେ ଲାଗିଛି। ୨୦୧୨ରେ ଦେଶରେ କାମକରିପାରିବା ଲୋକଙ୍କ ସଂଖ୍ୟା ୩୦ ଲକ୍ଷ କମିଯିବା ଦେଖି ଚାଇନା ସରକାର ଚିନ୍ତିତ ହୋଇପଡ଼ିଲେ। ଏ ଦୃଷ୍ଟିରୁ ଭାରତ ଉତ୍ତମ ସ୍ଥିତିରେ ଅଛି ବୋଲି ବିଲାତର ପ୍ରସିଦ୍ଧ ପତ୍ରିକା ‘ଦି ଇକୋ...

ଦେଶ, ରାଜନୀତି ଓ ଆଜିର ଶିକ୍ଷା

ଦେଶ, ରାଜନୀତି ଓ ଆଜିର ଶିକ୍ଷା


ଡ. ଶରତ ଚନ୍ଦ୍ର ରଥ

ଦେଶର ଅଛି ଅର୍ଥ ସମସ୍ୟା। ଅତୀତରେ ସମସ୍ୟା ଥିଲା ଆଜି ମଧ୍ୟ ଅଛି। ପ୍ରଥମେ ସମସ୍ୟାଗୁଡ଼ିକର ତାଲିକା କରିବା ଦରକାର। ତା’ପରେ ସମାଧାନର ସୂତ୍ର ବିଷୟରେ ଚିନ୍ତା, ଆଲୋଚନା ଓ ପଦକ୍ଷେପ ଗ୍ରହଣର ବ୍ୟବସ୍ଥା। ଯେହେତୁ ଆଜିକାଲି ସମସ୍ତ କ୍ଷମତା ରାଜନେତାମାନଙ୍କ ହାତରେ ଠୁଳ, ସେମାନଙ୍କର ଏସବୁ ସର୍ବାଦୌ କରଣୀୟ। ସେମାନଙ୍କୁ ବୁଦ୍ଧିଜୀବୀମାନେ ସହଯୋଗ କରିପାରନ୍ତି।...

ଏଇ ଭାରତରେ

ଏଇ ଭାରତରେ

ସବୁ ମାତାପିତା ପରିଣତ ବୟସରେ ପୁତ୍ର  ସନ୍ତାନର ମୁହଁ ଦେଖି ଖୁସି ହୁଅନ୍ତି। କିନ୍ତୁ ଯେଉଁ ମାତାପିତା ଏହି ସୁଖରୁ ବଞ୍ଚତ୍ତ ସେମାନେ ଦୁଃଖ ଅନୁଭବ କରନ୍ତି। ଏହି ପରିସ୍ଥିତିର ସାମ୍‌ନା କରିଛନ୍ତି ୬୨ବର୍ଷର ଜଣେ ମହିଳା। ଗୁଜରାଟର ସୁରତ ନଗରୀରେ ବାସ କରୁଥିବା ମଧୁବେନ ଗେହଲଟ୍‌ ନାମ୍ନୀ ଏହି ମହିଳା ୬୨ବର୍ଷ ...