ଫୁରସତ |

ଅଦୃଶ୍ୟ ମଣିଷ

ଅଦୃଶ୍ୟ ମଣିଷ

‘ଅଦୃଶ୍ୟ ମଣିଷ’ ପ୍ରସିଦ୍ଧ କଳ୍ପ ବିଜ୍ଞାନ କଥାଶିଳ୍ପୀ ଏଚ୍‌.ଡି. ଓ୍ବେଭ୍‌ସ୍‌ଙ୍କ ଦ୍ୱାରା ଲିଖିତ ଏକ ଅମର ଉପନ୍ୟାସ। ଏଥିରେ ଏକ ମଣିଷକୁ ବୈଜ୍ଞାନିକ ଉପାୟରେ ଅଦୃଶ୍ୟ କରାଗଲେ ସମାଜରେ ବଞ୍ଚି ରହିବା ପାଇଁ କି ସୁବିଧା ଓ ଅସୁବିଧା ହେବ ସେ ସମ୍ପର୍କରେ ଚାଞ୍ଚଲ୍ୟକର ଅବତାରଣା କରାଯାଇଛି। ଉପନ୍ୟାସର ରଚନାକାଳ ୧୮୯୭। ଗ୍ରିଫିନ୍‌ ନାମକ ଜଣେ ଉତ୍ସାହୀ ତରୁଣ ବୈଜ୍ଞାନିକ ମଣିଷକୁ ବୈଜ୍ଞାନିକ ଉପାୟରେ ଅଦୃଶ୍ୟ କରିବା ପାଇଁ ଗବେଷଣା ଆରମ୍ଭ କରେ। ସେ ଏପରି ଏକ ରାସାୟନିକ ପଦାର୍ଥ ଆବିଷ୍କାର କରେ, ଯାହାକୁ ସେବନ କଲେ ଶରୀରର ପ୍ରତିସରଣାଙ୍କ (Refraction Index) କମି ବାୟୁର ପ୍ରତି ସରଣାଙ୍କ ସଙ୍ଗେ ସମାନ ହୋଇ ଶରୀର ଅଦୃଶ୍ୟ ହୋଇଯାଏ। ସେ ପ୍ରଥମେ ନିଜର ଏହି ଆବିଷ୍କାରକୁ ସଫଳତାର ସହ ଏକ ବିରାଡ଼ି ଉପରେ ପ୍ରୟୋଗ କରେ। ତା’ପରେ ସେ ଏହି ଆବିଷ୍କାରକୁ ନିଜ ଉପରେ ପ୍ରୟୋଗ କରି ନିଜକୁ ସମ୍ପୂର୍ଣ୍ଣ ଅଦୃଶ୍ୟ କରିଦିଏ। ପରେ ସେ ହୃଦୟଙ୍ଗମ କରେ ଯେ ଏକ ଅଦୃଶ୍ୟ ମଣିଷ ପାଇଁ ସମାଜରେ ଚଳିବା ଏକ କଷ୍ଟକର ବ୍ୟାପାର, କାରଣ ସାଧାରଣ ମଣିଷ ଭଳି ତାକୁ ଖାଇବା ପିଇବାକୁ ପଡ଼ିବ ତଥା ଜୀବନର ଅନ୍ୟାନ୍ୟ ମୌଳିକ କ୍ରିୟା ସମ୍ପାଦନ କରିବାକୁ ପଡ଼ିବ। ତେଣୁ ସେ ନିଜକୁ ପୁଣି ଦୃଶ୍ୟ କରିବା ପାଇଁ ଗବେଷଣା ଆରମ୍ଭ କରେ। ଏଥିପାଇଁ ସେ ନିଜର ଶରୀରକୁ କପଡ଼ାରେ ସମ୍ପୂର୍ଣ୍ଣ ଢାଙ୍କି ପଶ୍ଚିମ ସସେକ୍ସ୍‌ର ଆଇପିଙ୍ଗ ନାମକ ଏକ ଗାଁର ପାନ୍ଥଶାଳାରେ ଅବସ୍ଥାନ କରେ। ସେଠାରେ ସେ କାହା ସହିତ ମିଳାମିଶା ନ କରି ନିଭୃତ ଭାବେ କିଛି ବୋତଲ ଓ ରାସାୟନିକ ପଦାର୍ଥ ନେଇ ଗବେଷଣା ଆରମ୍ଭ କରେ। ସମୟକ୍ରମେ, ଗାଁର ଲୋକମାନେ ଏ ବିଚିତ୍ର ଆଗନ୍ତୁକର କାର୍ଯ୍ୟକଳାପ ଉପରେ ଘୋର ସନ୍ଦେହ ପ୍ରକାଶ କରି ତାକୁ ଏକ ଚୋରି ଘଟଣାରେ ଦୋଷୀ ସାବ୍ୟସ୍ତ କରନ୍ତି। ପାନ୍ଥଶାଳାର ମାଲିକାଣୀ ତା’କୁ ପାନ୍ଥଶାଳାର ବାକିଆ ପାଉଣା ପ୍ରଦାନ ପାଇଁ ବାଧ୍ୟକରି ତା’ର ଅସଲ ପରିଚୟ ଦାବି କରେ। ଗାଁ ଲୋକମାନେ ମଧ୍ୟ ତାକୁ ଧରି ପୋଲିସ୍‌ରେ ଜମା ଦେବା ପାଇଁ ଚେଷ୍ଟା କରନ୍ତି। ଏଥିରେ ଗ୍ରିଫିନ୍‌ ନିଜର କପଡ଼ାସବୁ ଖୋଲିଦେଇ ନିଜକୁ ଅଦୃଶ୍ୟ କରି ଖସି ପଳାଇଯାଏ। ମାତ୍ର ସେ ପାନ୍ଥଶାଳାରେ ନିଜ ଗବେଷଣାର ପରିଶ୍ରମ ଲବ୍ଧ ସ୍ବଲିଖିତ କିଛି ଟିପାଖାତା ଛାଡ଼ି ଯାଇଥିବାରୁ ତାକୁ ସଂଗ୍ରହ କରିବା ପାଇଁ ଉଦ୍ୟମ କରେ। ଅଦୃଶ୍ୟ ହୋଇଥିବାରୁ ଗ୍ରିଫିନ୍‌ ସମାଜ ପାଇଁ ଏକ ବଡ଼ ବିପଦ ରୂପେ ମୁଣ୍ଡ ଟେକେ। ସେ ନିକଟସ୍ଥ ଏକ ସହର ପୋର୍ଟ ଷ୍ଟୋଓ୍ବେ ପଳାୟନ କରି ସେଠାରେ ଚୋରି କରିବା ଲୋକଙ୍କୁ ମାର୍‌ଧର କରିବା ଆଦି ଦୁଷ୍କର୍ମରେ ନିଜକୁ ବ୍ୟସ୍ତ ରଖେ। ଶେଷରେ ସେ ଶ୍ରାନ୍ତକ୍ଳାନ୍ତ ହୋଇ ନିଜର ଜଣେ ପୁରୁଣା କଲେଜ ସହପାଠୀ କେମ୍ପର ଘରେ ପହଞ୍ଚି କିଛି ଖାଦ୍ୟ ଓ ପୋଷାକ ପାଇଁ ଅନୁରୋଧ କରେ। ସେ ନିଜର ଅଦୃଶ୍ୟତାର ସୁଯୋଗ ନେଇ ସମାଜରେ ଆତଙ୍କ ଖେଳାଇବାର ଯୋଜନା ପ୍ରକାଶ କରି ସେ ଦିଗରେ କେମ୍ପର ସାହାଯ୍ୟ କାମନା କରେ। ମାତ୍ର ସେଥିରେ କେମ୍ପ ରାଜି ନ ହୋଇ ଅଦୃଶ୍ୟ ମଣିଷକୁ ପୋଲିସରେ ଧରାଇଦେବା ପାଇଁ ଗୁପ୍ତ ଯୋଜନା ପ୍ରସ୍ତୁତ କରେ। ଗ୍ରିଫିନ୍‌ ଏହା ଜାଣିପାରି କେମ୍ପ ଉପରେ ଆକ୍ରମଣ କରେ। ମାତ୍ର ସ୍ଥାନୀୟ ଲୋକେ କେମ୍ପର ସହାୟତା କରି ଅଦୃଶ୍ୟ ମଣିଷ ଆକ୍ରମଣର ମୁକାବିଲା ପୂର୍ବକ ତାକୁ ମାରି ଦିଅନ୍ତି। ମୃତ୍ୟୁ ପରେ ଶରୀରର ଅଦୃଶ୍ୟତା ଧର୍ମ ଲୋପ ପାଏ ଏବଂ ଗ୍ରିଫିନ୍‌ର ସ୍ଥୂଳ ଶରୀର ଦୃଶ୍ୟ ହୁଏ। ଏହିପରି ଭାବରେ ରୋମାଞ୍ଚକର ଉପନ୍ୟାସଟିର ପରିସମାପ୍ତି ଘଟେ। ବୈଜ୍ଞାନିକ ବିଶ୍ଳେଷଣ ଆଲୋକରଶ୍ମି କୌଣସି ଗୋଟିଏ ମାଧ୍ୟମରେ ଗତି କରୁଥିବା ପର୍ଯ୍ୟନ୍ତ ସରଳରେଖାରେ ଯାଉଥାଏ। ମାତ୍ର ଏହା ଗୋଟିଏ ମାଧ୍ୟମରୁ ଯାଇ ଅନ୍ୟ ମାଧ୍ୟମରେ ପ୍ରବେଶ କଲେ ‘ପ୍ରତିସରଣ’ ପ୍ରଭାବ ହେତୁ ମୂଳ ଦିଗରୁ ବଙ୍କେଇଯାଏ। ମାତ୍ର ଉଭୟ ମାଧ୍ୟମର ପ୍ରତିସରଣାଙ୍କ ସମାନ ହେଲେ ଆଲୋକ ନିଜର ସରଳରୈଖିକ ଗତି ଅବ୍ୟାହତ ରଖେ ଏବଂ ମାଧ୍ୟମ ଦ୍ୱୟ ସ୍ଥୂଳ ଭାବରେ ପୃଥକ ହେଲେ ସୁଦ୍ଧା ଆଲୋକ ପାଇଁ ଗୋଟିଏ ମାଧ୍ୟମ ସଦୃଶ ଆଚରଣ କରେ। ଏହି ତତ୍ତ୍ୱକୁ ବୁଝିବା ପାଇଁ ଗୋଟିଏ ପରୀକ୍ଷା କରାଯାଇପାରେ। ଗୋଟିଏ କାଚ ବିକର୍‌ରେ କିଛି ଗ୍ଳିସେରିନ୍‌ ନେଇ ସେଥିରେ କାଚର ଗୋଟିଏ ପ୍ରିଜିମ୍‌ ବୁଡ଼ାନ୍ତୁ। ଦେଖିବେ, ଗ୍ଳିସେରିନ୍‌ ମଧ୍ୟରେ ପ୍ରିଜିମ୍‌ର ଉପସ୍ଥିତି ଆଦୌ ବାରିହେବ ନାହିଁ ଏବଂ ପ୍ରିଜିମ୍‌ଟି ଅଦୃଶ୍ୟ ହେଲା ଭଳି ଜଣାପଡ଼ିବ। ଏଠାରେ ଗ୍ଳିସେରିନ୍‌ର ପ୍ରତିସରଣାଙ୍କ (୧.୪୭) ଏବଂ ପ୍ରିଜିମ୍‌ କାଚ (କ୍ରାଉନ୍‌ ଗ୍ଳାସ୍‌)ର ପ୍ରତିସରଣାଙ୍କ (୧.୫୨) ପାଖାପାଖି ସମାନ ମୂଲ୍ୟର ଥିବାରୁ ଉଭୟ ପଦାର୍ଥ ଆଲୋକ ପାଇଁ ଗୋଟିଏ ମାଧ୍ୟମ ସଦୃଶ ଆଚରଣ କରେ ଏବଂ ଗ୍ଳିସେରିନ୍‌ ମାଧ୍ୟମରେ ପ୍ରିଜିମ୍‌ ଅଦୃଶ୍ୟ ହୋଇଗଲା ପରି ଭ୍ରମଧାରଣା ସୃଷ୍ଟି ହୁଏ।
ନିକୁଞ୍ଜ ବିହାରୀ ସାହୁ, ଏଜୁକେଶନ୍‌ ଅଫିସର୍‌ ଢେଙ୍କାନାଳ ବିଜ୍ଞାନ କେନ୍ଦ୍ର, ଢେଙ୍କାନାଳ

All Right Reserved By

Model This Week

ନିକିତା

ଫୁରସତ |

ମାଟିତଳେ ପୋତି ହୋଇରହିଥିବା ଲୋକଙ୍କ ସମ୍ପର୍କରେ ସୂଚନା ଦେବ ସେନସର୍‌

ମାଟିତଳେ ପୋତି ହୋଇରହିଥିବା ଲୋକଙ୍କ ସମ୍ପର୍କରେ ସୂଚନା ଦେବ ସେନସର୍‌

ଲଣ୍ଡନ, ୨୩।୪ : ଭୂମିକମ୍ପ କିମ୍ବା କୌଣସି ଦୁର୍ଘଟଣାରେ ମାଟିତଳେ ପୋତି ହୋଇ ରହିଥିବା ଲୋକଙ୍କ ସମ୍ପର୍କରେ ଏବେ ସହଜରେ ସୂଚନା ମିଳିପାରିବ। ଗବେଷକ ଏକ ସ୍ବତନ୍ତ୍ର ଧରଣର ସେନସର୍‌ ବାହାର କରିଛନ୍ତି। ଏହା ସହଜରେ ମାଟି ତଳେ ଥିବା ଜୀବଜନ୍ତୁ ଅଥବା ମଣିଷଙ୍କ ନିକଟକୁ ଏକ ପ୍ରକାର ତରଙ୍ଗ ପ୍ରେରଣ କରିବ। ସେମାନଙ୍କ ଶରୀରରେ ବାଜି ଏହି ତରଙ୍ଗ ସେନସରକୁ ଫେରିବ।

ବଢ଼ୁଛି ବରିଷ୍ଠ ନାଗରିକଙ୍କ ଆୟ

ବଢ଼ୁଛି ବରିଷ୍ଠ ନାଗରିକଙ୍କ ଆୟ

ନୂଆଦିଲ୍ଲୀ,୨୩।୪: ବୟସର ଅପରାହ୍ନରେ ଲୋକମାନେ ପିଲାଙ୍କ ପାଇଁ ବୋଝ ପାଲଟିଯାଆନ୍ତି ବୋଲି ସାଧାରଣରେ କୁହାଯାଏ। ଆୟ ନ ଥିବାରୁ ଅନେକ ବୟସ୍କ ବ୍ୟକ୍ତି ଯନ୍ତ୍ରଣାରେ ଦିନ କାଟନ୍ତି। କିନ୍ତୁ ସଦ୍ୟ ଏକ ରିପୋର୍ଟ ଏହି ଧାରଣାକୁ ଭୁଲ୍‌ ପ୍ରମାଣ କରିଦେଇଛି। ଭାରତରେ ବରିଷ୍ଠ ନାଗରିକଙ୍କ ଆର୍ଥିକ ସ୍ଥିତି ସୁଧୁରିବାରେ ଲାଗିଛି। ଏମାନେ ଆୟ କରିବା ସହ ଦେଶର ପ୍ରମୁଖ ଗ୍ରାହକ ଗୋଷ୍ଠୀରେ ସାମିଲ ହୋଇଛନ୍ତି ବୋଲି ଏକ ସର୍ଭେରୁ ଜଣାପଡ଼ିଛି। ତେବେ ବୃଦ୍ଧାବସ୍ଥାରେ ବିଭିନ୍ନ ସ୍ବାସ୍ଥ୍ୟ ସମସ୍ୟା ଦେଖାଦେଉଥିବାରୁ ଏହି ବାବଦକୁ ଅଧିକ ଖର୍ଚ୍ଚ କରୁଛନ୍ତି।

ବରବେଶରେ ବାନ୍ଧବୀଙ୍କୁ ବିବାହ କଲେ ଯୁବତୀ

ବରବେଶରେ ବାନ୍ଧବୀଙ୍କୁ ବିବାହ କଲେ ଯୁବତୀ

ନୂଆଦିଲ୍ଲୀ, ୨୩।୪ : ଅଗ୍ରା ଏତ୍ମାଦୌଲା ଥାନା ଅଞ୍ଚଳରେ ଏକ ସାମୁହିକ ବିବାହ ଉତ୍ସବରେ ଜଣେ ଯୁବତୀ ବର ବେଶରେ ତାଙ୍କ ବାନ୍ଧବୀଙ୍କୁ ବିବାହ କରିଛନ୍ତି। ପରେ ଏସମ୍ପର୍କରେ ପରିବାର ଲୋକ ଜାଣିବାରୁ ପୋଲିସର ସହାୟତା ଲୋଡିଛନ୍ତି। ଦୁଇ ବାନ୍ଧବୀଙ୍କ ଦୀର୍ଘଦିନ ଧରି ସମଲିଙ୍ଗୀ ସମ୍ପର୍କ ରହିଥିଲା। ତେବେ ଏହାକୁ କିପରି ବିବାହରେ ପରିଣତ କରିବେ ସେନେଇ ଯୋଜନା ପ୍ରସ୍ତୁତ କରିଥିଲେ।

ପ୍ରାଣୀଙ୍କ ଭୂକମ୍ପ ସୂଚନା ନେଇ ଦ୍ୱିମତ

ପ୍ରାଣୀଙ୍କ ଭୂକମ୍ପ ସୂଚନା ନେଇ ଦ୍ୱିମତ

ଲଣ୍ଡନ,୨୩ା୪: ଭୂକମ୍ପର କିଛି ସମୟ ପୂର୍ବରୁ କୁକୁର, ବିରାଡି ଏପରି କି ଗୋରୁ ଗାଈ ଅସ୍ବାଭାବିକ ଆଚରଣ ପ୍ରଦର୍ଶନ କରନ୍ତି ବୋଲି ଦୀର୍ଘଦିନରୁ ବିଶ୍ୱାସ କରାଯାଇ ଆସୁଛି। କିନ୍ତୁ ଏହା ପ୍ରମାଣସିଦ୍ଧ ନୁହେଁ ବୋଲି ସଦ୍ୟ କରାଯାଇଥିବା ଏକ ଅଧ୍ୟୟନରୁ ଜାଣିବାକୁ ମିଳିଛି। ଏହି ଅଧ୍ୟୟନ ‘ବୁଲେଟିନ୍‌ ଅଫ୍‌ ଦି ସିସ୍‌ମୋଲୋଜିକାଲ୍‌ ସୋସାଇଟି ଅଫ୍‌ ଆମେରିକା’ ଜର୍ନାଲ୍‌ରେ ପ୍ରକାଶ ପାଇଛି।

ଉଦ୍ଭିଦରୁ ଇନ୍ଧନ

ଉଦ୍ଭିଦରୁ ଇନ୍ଧନ

ପ୍ରତିଦିନ ପୃଥିବୀରେ ୯,୫୦,୦୦,୦୦୦ ବ୍ୟାରେଲ(ଏକ ବ୍ୟାରେଲ ୨୦୦ ଲିଟର) ପେଟ୍ରୋଲିୟମ ତୈଳ ଇନ୍ଧନ ହିସାବରେ ବ୍ୟବହୃତ ହେଉଅଛି। ଦୈନିକ ହାରାହାରି ମୁଣ୍ଡପିଛା ତିନିଲିଟର। ପେଟ୍ରୋଲିୟମ ଲାଟିନ ଶବ୍ଦ ପେଟ୍ରା (ପଥର) ଏବଂ ଓଲିୟମ (ତେଲ)ରୁ ଆସିଅଛି।

ମାର୍ଟିନା ମୁନ୍‌ ମିଶନ

ମାର୍ଟିନା ମୁନ୍‌ ମିଶନ

ମହାକାଶବିଜ୍ଞାନ କ୍ଷେତ୍ରରେ ନୂଆ ତଥ୍ୟ ଜାଣିବାକୁ ବିଭିନ୍ନ ଦେଶର ମହାକାଶବିଜ୍ଞାନୀମାନେ ଚେଷ୍ଟା ଚଳାଇଛନ୍ତି। ବିଶେଷଭାବରେ ମଙ୍ଗଳ ଗ୍ରହ ସମ୍ପର୍କରେ ରୋଚକ ତଥ୍ୟ ଜାଣିବାକୁ ଅନେକ ଦେଶ ଅଧିକ ଆଗ୍ରହ ପ୍ରକାଶ କରୁଛନ୍ତି। ଏଠାରେ ଜୀବସତ୍ତା ଥିଲା କି ନାହିଁ ତାହା ଜାଣିବାକୁ ଉଦ୍ୟମ ଜାରି ରହିଛି। ଏଥିପାଇଁ ଜାପାନର ମହାକାଶବିଜ୍ଞାନୀମାନେ ଆରମ୍ଭ କରିବାକୁ ଯାଉଛନ୍ତି ‘ମାର୍ଟିନା ମୁନ୍‌ ମିଶନ’।

ଫର୍ନିଚର ଡିଜାଇନର ରୋବୋ

ଫର୍ନିଚର ଡିଜାଇନର ରୋବୋ

ରୋବୋର କାର୍ଯ୍ୟ ତାଲିକାରେ ଆଉ ଏକ କଥାକୁ ନିକଟରେ ସାମିଲ କରାଯାଇଛି। ବେଶ୍‌ କିଛି ବର୍ଷ ପ୍ରୟାସ କରିବା ପରେ ଏଥିରେ ସଫଳ ହୋଇଛନ୍ତି ସିଙ୍ଗାପୁରର ବୈଜ୍ଞାନିକମାନେ। ସିଙ୍ଗାପୁରସ୍ଥିତ କଣ୍ଟ୍ରୋଲ ରୋବୋଟିକ୍‌ ଇଣ୍ଟେଲିଜେନ୍ସ ଗ୍ରୁପ୍‌ (ସିଆରଆଇଜି)ର ବୈଜ୍ଞାନିକମାନେ ଏଭଳି ଏକ ରୋବୋ ପ୍ରସ୍ତୁତ କରିଛନ୍ତି, ଯାହା କେତେକ ଫର୍ନିଚର୍‌ର ଡିଜାଇନ କରିପାରିବ।

ମହାକାଶରେ ବିଳାସମୟ ହୋଟେଲ

ମହାକାଶରେ ବିଳାସମୟ ହୋଟେଲ

ମହାକାଶରେ ଏକ ବିଳାସମୟ ହୋଟେଲ ନିର୍ମାଣ ପାଇଁ ପ୍ରସ୍ତୁତି ଚାଲିଛି। ଆଶ୍ଚର୍ଯ୍ୟ ଲାଗିଲେ ମଧ୍ୟ ଏହା ସତ। ପ୍ରଶ୍ନ ଉଠେ ଯେ ମହାକାଶରେ କାହିଁକି ହୋଟେଲ ନିର୍ମାଣ ହେବ ଏବଂ ସେଠାରେ କିଏ ରହିବେ?

ମୃତ୍ୟୁର ୫ ଘଣ୍ଟା ପରେ ଫେରିଲା ଜୀବନ

ମୃତ୍ୟୁର ୫ ଘଣ୍ଟା ପରେ ଫେରିଲା ଜୀବନ

ଅଲ୍ଲୀଗଡ଼, ୨୩।୪ : ଆଜିକାର ଆଧୁନିକ ଯୁଗରେ ମଧ୍ୟ ଅନେକ ସମୟରେ ବିଭିନ୍ନ ବିଚିତ୍ର ତଥା ଅଲୌକିକ ଘଟଣା ଘଟିଥାଏ, ଯାହାର ଉତ୍ତର ଦେବାକୁ ବିଜ୍ଞାନଶାସ୍ତ୍ର ସମର୍ଥ ହୋଇ ନ ଥାଏ। ଏଭଳି ଏକ ଘଟଣା ଉତ୍ତରପ୍ରଦେଶ ଅଲ୍ଲୀଗଡ଼ ଅତରୌଲିସ୍ଥିତ କିରଥଲ ଗାଁରେ ଘଟିଛି।

ଚିରନିଦ୍ରାରେ ପୃଥିବୀର ବୟସ୍କା ମହିଳା

ଚିରନିଦ୍ରାରେ ପୃଥିବୀର ବୟସ୍କା ମହିଳା

ଟୋକିଓ, ୨୨।୪ : ଦକ୍ଷିଣ ଜାପାନର କିକାଇ ସହରରେ ବାସ କରୁଥିବା ପୃଥିବୀର ବୟସ୍କା ମହିଳା ନାବି ତାଜିମାଙ୍କର ୧୧୭ ବର୍ଷ ବୟସ ପରଲୋକ ହୋଇଛି। ଗତ ଜାନୁୟାରୀଠାରୁ ସେ ହସ୍ପିଟାଲ ଭର୍ତ୍ତି ହୋଇଥିଲେ। ସେ ୧୯୦୦ ମସିହା ଅଗଷ୍ଟମାସରେ ଜନ୍ମଗ୍ରହଣ କରିଥିଲେ। ବର୍ତ୍ତମାନ ତାଙ୍କ ପରିବାରରେ ୧୬୦ ଜଣ ସଦସ୍ୟ ଅଛନ୍ତି।

ମହିଳାଙ୍କ ଶରୀର ଉପରେ ପରସା ଯାଏ ସୁସ୍ବାଦୁ ଖାଦ୍ୟ

ମହିଳାଙ୍କ ଶରୀର ଉପରେ ପରସା ଯାଏ ସୁସ୍ବାଦୁ ଖାଦ୍ୟ

ଟୋକିଓ, ୨୨।୪ : ବ୍ୟବସାୟ ବଢ଼ାଇବା ପାଇଁ ବର୍ତ୍ତମାନର ପ୍ରତିଦ୍ୱନ୍ଦ୍ୱିତା ମୂଳକ ବଜାରରେ କମ୍ପାନୀମାନେ ଅନେକ ସମୟରେ ବିଭିନ୍ନ ରୋଚକ ପଦକ୍ଷେପ ଗ୍ରହଣ କରୁଛନ୍ତି। ଯାହାକି ଗ୍ରାହକଙ୍କୁ ବିଶେଷ ଆକର୍ଷିତ କରିବାକୁ ସକ୍ଷମ ହେଉଛି। ସମ୍ପ୍ରତି ଜାପାନର ନ୍ୟୋଟିମୋରୀ ଏକ୍ସପେରିଏନ୍ସ୍‌ ନାମକ ଏକ ହୋଟେଲରେ ଗ୍ରାହକଙ୍କୁ ଆକୃଷ୍ଟ କରିବା ପାଇଁ ଏକ ଅନନ୍ୟ କାର୍ଯ୍ୟକ୍ରମର ଆୟୋଜନ କରାଯାଇଛି।

ପ୍ରଥମ ରୋଜଗାର: ପ୍ରଥମ ଦରମାରେ ପରିବାର ଲୋକଙ୍କ ପାଇଁ ଗିଫ୍ଟ କିଣିଥିଲି

ପ୍ରଥମ ରୋଜଗାର: ପ୍ରଥମ ଦରମାରେ ପରିବାର ଲୋକଙ୍କ ପାଇଁ ଗିଫ୍ଟ କିଣିଥିଲି

ଶିକ୍ଷାବିତ୍‌ ଡ. ଭାଗ୍ୟବତୀ ନାୟକ ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି... ବାଲେଶ୍ୱରର ଶୂନହଟରେ ମୋର ଜନ୍ମ। ସ୍ଥାନୀୟ ବାରବାଟି ବାଳିକା ଉଚ୍ଚ ବିଦ୍ୟାଳୟରୁ ୧୯୭୦ରେ ଏକାଦଶ ପାସ୍‌ କରିବା ପରେ ଫକୀରମୋହନ ମହାବିଦ୍ୟାଳୟରେ ପିୟୁ ସାଇନ୍ସ ଓ ପ୍ରି ପ୍ରଫେଶନାଲ୍‌ ପଢିଥିଲି। ତା’ପରେ ମୋର ବାହାଘର ହୋଇଗଲା। ଶାଶୁଘର ବି ସେଇ ବାଲେଶ୍ୱରରେ। ଆଗକୁ ଆହୁରି ପଢିବାକୁ ମୋର ଇଚ୍ଛା ଥାଏ।