ଖେଳ |

ପାକିସ୍ତାନ ବିଶ୍ୱକପ୍‌ ମ୍ୟାଚ ଉପରେ ନିଷ୍ପତ୍ତି ହୋଇନି, ସରକାରଙ୍କ ପରାମର୍ଶ ଲୋଡ଼ାଯିବ : ବିନୋଦ ରାୟ

ପାକିସ୍ତାନ ବିଶ୍ୱକପ୍‌ ମ୍ୟାଚ ଉପରେ ନିଷ୍ପତ୍ତି ହୋଇନି, ସରକାରଙ୍କ ପରାମର୍ଶ ଲୋଡ଼ାଯିବ : ବିନୋଦ ରାୟ

ନୂଆଦିଲ୍ଲୀ, ୨୩ା୨ (ପି.ଟି.)-ପାକିସ୍ତାନ ବିପକ୍ଷ  ବିଶ୍ୱକପ୍‌ ମୁକାବିଲା ଉପରେ କୌଣସି ନିଷ୍ପତ୍ତି ନ ନେବା ଲାଗି ଭାରତୀୟ କ୍ରିକେଟର ପରିଚାଳନା ଦାୟିତ୍ୱରେ ଥିବା ପ୍ରଶାସକ କମିଟି (ସିଓଏ) ଶୁକ୍ରବାର ସ୍ଥିର କରିଛି। କିନ୍ତୁ ଯେଉଁ ଆତଙ୍କବାଦୀ ସୃଷ୍ଟିକାରୀ ରାଷ୍ଟ୍ର ସହିତ ସମ୍ପର୍କ ଛିନ୍ନ କରିବା ଲାଗି ଇଣ୍ଟରନ୍ୟାଶନାଲ କ୍ରିକେଟ କାଉନ୍‌ସିଲ (ଆଇସିସି) ଓ ଅନ୍ୟଦେଶଗୁଡ଼ିକୁ ଅନୁରୋଧ  କରିବା ଲାଗି ସ୍ଥିର କରିଛି। ପୁଲ୍‌ଓ୍ବାମା ଆତଙ୍କବାଦୀ ଆକ୍ରମଣ ଘଟଣାରେ ୪୦ ସିଆର୍‌ପିଏଫ୍‌ ଯବାନ ଶହୀଦ ହେବାପରେ ଏନେଇ ଦେଶରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଜୁନ୍‌ ୧୬ରେ ଓଲ୍ଡ ଟ୍ରାଫୋର୍ଡଠାରେ ଖେଳାଯିବାକୁଥିବା ପାକିସ୍ତାନ ବିପକ୍ଷ ବିଶ୍ୱକପ୍‌ ମ୍ୟାଚକୁ ବର୍ଜ୍ଜନ କରିବା ଲାଗି ଅନେକ ମତବ୍ୟକ୍ତ କରିଛନ୍ତି। ଶୁକ୍ରବାର ଏଠାରେ ଅନୁଷ୍ଠିତ ପ୍ରଶାସକ କମିଟି ବୈଠକରେ ଏ ସମ୍ପର୍କରେ କୌଣସି ନିଷ୍ପତ୍ତି ନିଆଯିବ ବୋଲି ଆଶା କରାଯାଉଥିଲା। ମାତ୍ର ବର୍ତ୍ତମାନ ପରିସ୍ଥିତିରେ ଏ ବିଷୟରେ କୌଣସି ନିଷ୍ପତ୍ତି ନିଆଯାଇ ପାରିବ ନାହିଁ। ଏନେଇ ସରକାରଙ୍କ ସହିତ ପରାମର୍ଶ କରାଯିବ ବୋଲି ସିଓଏ ମୁଖ୍ୟ ବିନୋଦ ରାୟ ବୈଠକ ପରେ କହିଛନ୍ତି। ଏହି ପ୍ରସଙ୍ଗରେ ଏପର୍ଯ୍ୟନ୍ତ ଖେଳାଳିମାନଙ୍କ ପରାମର୍ଶ ନିଆଯାଇ ନାହିଁ। ଆତଙ୍କବାଦୀ ଆକ୍ରମଣ ଘଟଣାରେ ଉଦ୍‌ବେଗ ପ୍ରକାଶ କରି ଆଇସିସି ନିକଟକୁ ଆମେ ଇତିମଧ୍ୟରେ ଏକ ଇ-ମେଲ କରିଛୁ। ବିଶ୍ୱକପ୍‌ ବେଳେ ଆମ ଖେଳାଳି ଓ ଅଫିସିଆଲଙ୍କୁ ଆବଶ୍ୟକ ସୁରକ୍ଷା ଯୋଗାଇଦେବା ଲାଗି ଏଥିରେ ଅନୁରୋଧ କରିଛୁ। ଆତଙ୍କବାଦୀ ସୃଷ୍ଟିକାରୀ ଦେଶ ସହିତ ସମ୍ପର୍କ ଛିନ୍ନ କରିବା ଉଚିତ। ଆଗକୁ ଦୁବାଇରେ ହେବାକୁଥିବା ଆଇସିସି ବୋର୍ଡ ବୈଠକରେ ଆମେ ଏହି ପ୍ରସଙ୍ଗ ଉଠାଇବୁ। ଏହି ବୈଠକ ଫେବୃୟାରୀ ୨୬ରୁ ମାର୍ଚ୍ଚ ୨ ପର୍ଯ୍ୟନ୍ତ ହେବ। ଅନ୍ୟପକ୍ଷରେ ସ୍ବରାଷ୍ଟ୍ରମନ୍ତ୍ରୀ ରାଜନାଥ ସିଂଙ୍କ ମନ୍ତବ୍ୟ ଉପରେ କୌଣସି ଟିପ୍ପଣୀ ଦେବାଲାଗି ରାୟ ମନା କରି ଦେଇଥିଲେ। ପାକିସ୍ତାନ ବିପକ୍ଷ ମ୍ୟାଚ ଭାରତ ବର୍ଜନ କରିବା ଉଚିତ୍‌ ବୋଲି ରାଜନାଥ କହିଥିଲେ। ସିଓଏ ମୁଖ୍ୟ କହିଛନ୍ତି, ମ୍ୟାଚ ପାଇଁ ଆହୁରି ୩ ମାସ ସମୟ ରହିଛି।  ବିଭିନ୍ନ ଦିଗରୁ ବିଚାର କରି ଯାହା ନିଷ୍ପତ୍ତି ନିଆଯିବ। ସରକାରଙ୍କ  ନିର୍ଦ୍ଦେଶ ଆମେ ମାନିବାକୁ ବାଧ୍ୟ।  ଏହି ପ୍ରସଙ୍ଗରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ଜଣେ ସିନିୟର ଅଫିସିଆଲ କହିଛନ୍ତି, ଆଇସିସିରେ ବର୍ତ୍ତମାନ ଆମ ପ୍ରସ୍ତାବ ସପକ୍ଷରେ ସଂଖ୍ୟଗରିଷ୍ଠ ସମର୍ଥନ ମିଳିବନାହିଁ। ଆଇସିସି  ଚେୟାରମ୍ୟାନ ହିସାବରେ ଶଶାଙ୍କ ମନୋହରଙ୍କ ଭୋଟ ରହିଥିଲେ ମଧ୍ୟ ଆମେ କାର୍ଯ୍ୟ ହାସଲ କରିପାରିବା ନାହିଁ। ପୁଲ୍‌ଓ୍ବାମା ଆକ୍ରମଣ ଘଟଣାରେ ପାକିସ୍ତାନକୁ ବାସନ୍ଦ  କରାଯିବା ଲାଗି କୌଣସି ନିୟମ ନାହିଁ। ପୁନଶ୍ଚ ଯଦି ଆମେ ପାକିସ୍ତାନ ବିପକ୍ଷ ମ୍ୟାଚ ବର୍ଜନ ଲାଗି ନିଷ୍ପତ୍ତି ନେଉ ତେବେ ଆମେ ୨୦୨୧ରେ ଚାମ୍ପିୟନ୍ସ ଟ୍ରଫି ଏବଂ ୨୦୨୩ରେ ବିଶ୍ୱକପ୍‌ ଆୟୋଜନ ଅଧିକାର ହରାଇପାରୁ।

All Right Reserved By

ଖେଳ |

ଓଡ଼ିଶା ଅଲିମ୍ପିକ ଆସୋସିଏଶନ ସମ୍ପାଦକ ଆଲାମଙ୍କ ପରଲୋକ

ଓଡ଼ିଶା ଅଲିମ୍ପିକ ଆସୋସିଏଶନ ସମ୍ପାଦକ ଆଲାମଙ୍କ ପରଲୋକ

କଟକ ଅଫିସ, ୨୬ା୩-ବରିଷ୍ଠ କ୍ରୀଡ଼ା ସଙ୍ଗଠକ ତଥା ଓଡ଼ିଶା ଅଲିମ୍ପିକ ଆସୋସିଏଶନ(ଓଓଏ)ର ସମ୍ପାଦକ ଏମ.ଏ. ଆଲାମଙ୍କର ସୋମବାର ବିଳମ୍ବିତ ରାତିରେ ପରଲୋକ ଘଟିଛି। ତାଙ୍କ ବିୟୋଗରେ ରାଜ୍ୟ କ୍ରୀଡ଼ା ଜଗତରେ ଶୋକର ଛାୟା ଖେଳିଯାଇଛି।  

୪ ହଜାର ରନ୍‌ କରିବାରେ ଗେଲ୍‌ ଦ୍ରୁତତମ

୪ ହଜାର ରନ୍‌ କରିବାରେ ଗେଲ୍‌ ଦ୍ରୁତତମ

ଜୟପୁର, ୨୬।୩-ଓ୍ବେଷ୍ଟଇଣ୍ଡିଜର ବିସ୍ଫୋରକ ଓପନର ବ୍ୟାଟ୍ସମ୍ୟାନ କ୍ରିସ ଗେଲ୍‌ ଆଇପିଏଲ୍‌ରେ ୪ ହଜାର ରନ୍‌ ସଂଗ୍ରହ କରିବାରେ ଦ୍ରୁତତମ ବ୍ୟାଟ୍ସମ୍ୟାନ ବିବେଚିତ ହୋଇଛନ୍ତି। ସୋମବାର ଏଠାରେ ଘରୋଇ ରାଜସ୍ଥାନ ରୟାଲ୍ସ ଓ କିଙ୍ଗ୍ସ ଇଲେଭେନ ପଞ୍ଜାବ ମଧ୍ୟରେ ଅନୁଷ୍ଠିତ ମ୍ୟାଚ୍‌ ଅବସରରେ ଗେଲ୍‌ ଏହି ରେକର୍ଡ କରିଛନ୍ତି। 

ମାଲିଙ୍ଗା ଖେଳିବେ

ମାଲିଙ୍ଗା ଖେଳିବେ

ନୂଆଦିଲ୍ଲୀ, ୨୬ା୩ (ପି.ଟି.)- କ୍ରିକେଟ ଶ୍ରୀଲଙ୍କା (ଏସ୍‌ଏଲ୍‌ସି) ଲସିଥ ମାଲିଙ୍ଗାଙ୍କ ପ୍ରତି କୋହଳ ନୀତି ଅବଲମ୍ବନ କରିଛି। ଫଳରେ ଏହି ଭେଟେରାନ ପେସ୍‌ ବୋଲର ମୁମ୍ବାଇ ଇଣ୍ଡିଆନ୍ସର ପରବର୍ତ୍ତୀ ଦୁଇଟି ମ୍ୟାଚ୍‌ରେ ଖେଳିପାରିବେ। 

ଜିମ୍ନାଷ୍ଟିକ ଚାମ୍ପିୟନଶିପ୍‌ ଉଦ୍‌ଯାପିତ

ଜିମ୍ନାଷ୍ଟିକ ଚାମ୍ପିୟନଶିପ୍‌ ଉଦ୍‌ଯାପିତ

ପୁରୀ ଅଫିସ,୨୬ା୩ : ରାଜ୍ୟ ଜିମ୍ନାଷ୍ଟିକ ଆସୋସିଏଶନ ଆନୁକୂଲ୍ୟରେ ପୁରୀଠାରେ ଚାଲିଥିବା ରାଜ୍ୟସ୍ତରୀୟ ୪୧ତମ ଜିମ୍ନାଷ୍ଟିକ ଚାମ୍ପିୟନଶିପ୍‌ ଉଦ୍‌ଯାପିତ ହୋଇଯାଇଛି। 

ଫ୍ୟୁରି-ସ୍କ୍ବାର୍ଜ ମୁକାବିଲା ଜୁନ୍‌ରେ

ଫ୍ୟୁରି-ସ୍କ୍ବାର୍ଜ ମୁକାବିଲା ଜୁନ୍‌ରେ

ଲସଏଞ୍ଜେଲ୍ସ,୨୬ା୩ (ଏଏଫ୍‌ପି)-ଅପରାଜେୟ ବ୍ରିଟିଶ ହେଭିଓ୍ବେଟ୍‌ ଟାଇସନ ଫ୍ୟୁରି ରିଙ୍ଗ୍‌କୁ ପ୍ରତ୍ୟାବର୍ତ୍ତନ କରିବେ। ପ୍ରମୋଟର ଟପ୍‌ ର଼୍ୟାଙ୍କ୍‌ ଏ ବିଷୟରେ ସ୍ପଷ୍ଟ ସୂଚନା ଦେଇଛନ୍ତି। ବକ୍ସିଂ ରିଙ୍ଗ୍‌ଙ୍କୁ ପ୍ରତ୍ୟାବର୍ତ୍ତନ ଅବସରରେ ସେ ପ୍ରଥମେ ଜୁନ୍‌ ୧୫ରେ ଜର୍ମାନୀର ଟମ୍‌ ସ୍କ୍ବାର୍ଜଙ୍କ ସହିତ ମୁକାବିଲା କରିବେ। 

ଫେରାରିରେ ଫର୍ମୁଲା ଓ୍ବାନ୍‌ ପଦାର୍ପଣ କରିବେ ମିକ୍‌ ସୁମାକର

ଫେରାରିରେ ଫର୍ମୁଲା ଓ୍ବାନ୍‌ ପଦାର୍ପଣ କରିବେ ମିକ୍‌ ସୁମାକର

ବର୍ଲିନ, ୨୬ା୩ (ଏ.ଏଫ୍‌.ପି)-ମାଇକେଲ ସୁମାକରଙ୍କ ପୁତ୍ର ମିକ୍‌ ଫେରାରି ତରଫରୁ ଫର୍ମୁଲା ଓ୍ବାନରେ ପଦାର୍ପଣ କରିବା ଲାଗି ପ୍ରସ୍ତୁତ ହେଉଛନ୍ତି।  ଅଟୋ ବାଇଲ୍ଡ ରିପୋର୍ଟରେ ଏ ବିଷୟ ପ୍ରକାଶ ପାଇଛି। ୭ଥର ବିଶ୍ୱଚାମ୍ପିୟନ ସୁମାକରଙ୍କ ୨୦ବର୍ଷୀୟ ପୁତ୍ର ଆସନ୍ତା ମାସ୍‌ରେ ଯୁବ ଡ୍ରାଇଭରମାନଙ୍କ ଏକ ଟେଷ୍ଟରେ ଅଂଶଗ୍ରହଣ କରିବେ। 

ଶାରଜା ମାଷ୍ଟର୍ସ ଅନ୍ତର୍ଜାତୀୟ ଚେସ୍‌  : ଡବଲ ବିଜୟ ସହ ଦେବାଶିଷଙ୍କ ଅଭିଯାନ

ଶାରଜା ମାଷ୍ଟର୍ସ ଅନ୍ତର୍ଜାତୀୟ ଚେସ୍‌ : ଡବଲ ବିଜୟ ସହ ଦେବାଶିଷଙ୍କ ଅଭିଯାନ

ଭୁବନେଶ୍ୱର, ୨୬।୩ (କ୍ରୀଡ଼ା ପ୍ରତିନିଧି)-ଶାରଜାଠାରେ ଆରମ୍ଭ ହୋଇଛି ୩ୟ ଶାରଜା ମାଷ୍ଟର୍ସ ଅନ୍ତର୍ଜାତୀୟ ଚେସ୍‌ ଚାମ୍ପିୟନଶିପ୍‌। ଏଥିରେ ୩୫ ଗ୍ରାଣ୍ଡମାଷ୍ଟର, ୨ ମହିଳା ଗ୍ରାଣ୍ଡମାଷ୍ଟର, ୩୫ ଅନ୍ତର୍ଜାତୀୟ ମାଷ୍ଟର, ୭ ମହିଳା ଅନ୍ତର୍ଜାତୀୟ ମାଷ୍ଟର, ୬ କ୍ୟାଣ୍ଡିଂଡେଟ ମାଷ୍ଟର ଓ ୪ ମହିଳା କ୍ୟାଣ୍ଡିଂଡେଟ ମାଷ୍ଟରଙ୍କୁ ମିଶାଇ ୧୧୧ ଟାଇଟଲଧାରୀଙ୍କ ସହ ମୋଟ ୧୭୮ ପ୍ରତିଯୋଗୀ ଅଂଶଗ୍ରହଣ କରିଛନ୍ତି। ଏଥିରେ ଭାଗ ନେଇଥିବା ଓଡ଼ିଶାର ଏକମାତ୍ର ଗ୍ରାଣ୍ଡମାଷ୍ଟର ଦେବାଶିଷ ଦାସ ଡବଲ ବିଜୟ ସହ ଅଭିଯାନ ଆରମ୍ଭ କରିଛନ୍ତି। 

କିଙ୍ଗ୍ସ ଇଲେଭେନର ବିଜୟ ଅଭିଯାନ

କିଙ୍ଗ୍ସ ଇଲେଭେନର ବିଜୟ ଅଭିଯାନ

ଜୟପୁର, ୨୫।୩- କ୍ରିସ୍‌ ଗେଲ୍‌ ଓ ସର୍ଫରାଜ ଖାଁଙ୍କ ବିସ୍ଫୋରକ  ବ୍ୟାଟିଂ ପରେ ଡେଥ୍‌ ଓଭରରେ ବୋଲରଙ୍କ ଧୈର୍ଯ୍ୟପୂର୍ଣ୍ଣ ପ୍ରଦର୍ଶନ ଯୋଗୁ କିଙ୍ଗ୍ସ ଇଲେଭେନ ପଞ୍ଜାବ ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ-୧୨)ରେ ବିଜୟ ସହ ଅଭିଯାନ ଆରମ୍ଭ କରିଛି। 

 ଭାରତର ତୃତୀୟ ପ୍ରତିଦ୍ୱନ୍ଦ୍ୱୀ ମାଲେସିଆ

ଭାରତର ତୃତୀୟ ପ୍ରତିଦ୍ୱନ୍ଦ୍ୱୀ ମାଲେସିଆ

ଇପୋ (ମାଲେସିଆ), ୨୫।୩(ପି.ଟି.)- ଏଠାରେ ଚାଲିଥିବା ସୁଲତାନ ଆଜଲାନଶାହ କପ୍‌ ହକି ଟୁର୍ନାମେଣ୍ଟରେ ଭାରତର ତୃତୀୟ ପ୍ରତିଦ୍ୱନ୍ଦ୍ୱୀ ହେଉଛି ମାଲେସିଆ। ପ୍ରଥମ ମ୍ୟାଚରେ ଜାପାନକୁ ହରାଇବାପରେ ଦ୍ୱିତୀୟ ମ୍ୟାଚକୁ ଦକ୍ଷିଣ କୋରିଆ ସହିତ ଡ୍ର ରଖିଥିବା ଭାରତ ମଙ୍ଗଳବାର ତୃତୀୟ ଲିଗ୍‌ ମ୍ୟାଚରେ ମାଲେସିଆକୁ ଭେଟିବାକୁ ଯାଉଛି। 

ସିଏସ୍‌କେ ସାମ୍ନାରେ କ୍ୟାପିଟାଲ୍ସ ଟେଷ୍ଟ

ସିଏସ୍‌କେ ସାମ୍ନାରେ କ୍ୟାପିଟାଲ୍ସ ଟେଷ୍ଟ

ନୂଆଦିଲ୍ଲୀ, ୨୫।୩(ପି.ଟି.)- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଦ୍ୱାଦଶ ସଂସ୍କରଣର ୫ମ ମୁକାବିଲାରେ ମଙ୍ଗଳବାର ଦିଲ୍ଲୀ କ୍ୟାପିଟାଲ୍ସ ଡିଫେଣ୍ଡିଂ ଚାମ୍ପିୟନ ଚେନ୍ନାଇ ସୁପର୍‌ କିଙ୍ଗ୍ସ (ସିଏସ୍‌କେ)କୁ ଭେଟିବାକୁ ଯାଉଛି। 

ବିଜେନ୍ଦ୍ରଙ୍କ ୟୁଏସ୍‌ ପ୍ରୋ ପଦାର୍ପଣ ମ୍ୟାଚ୍‌ ସ୍ଥଗିତ

ବିଜେନ୍ଦ୍ରଙ୍କ ୟୁଏସ୍‌ ପ୍ରୋ ପଦାର୍ପଣ ମ୍ୟାଚ୍‌ ସ୍ଥଗିତ

ନୂଆଦିଲ୍ଲୀ,୨୫।୩- ଭାରତୀୟ ଷ୍ଟାର ବକ୍ସର ବିଜେନ୍ଦ୍ର ସିଂ ଆମେରିକାରେ ଟ୍ରେନିଂ ବେଳେ ଆହତ ହୋଇଛନ୍ତି। ଏଥିଯୋଗୁ ତାଙ୍କର ବହୁ ପ୍ରତୀକ୍ଷିତ ୟୁଏସ୍‌ଏ ପ୍ରୋ ପଦାର୍ପଣ ମ୍ୟାଚ୍‌ ସ୍ଥଗିତ କରିଦିଆଯାଇଛି।

ଅଷ୍ଟ୍ରେଲିଆ ଦଳର ବୋଲିଂ କୋଚ୍‌ ଗ୍ରିଫିଟ

ଅଷ୍ଟ୍ରେଲିଆ ଦଳର ବୋଲିଂ କୋଚ୍‌ ଗ୍ରିଫିଟ

ମୁମ୍ବାଇ,୨୫।୩(ଏଏଫ୍‌ପି)- ଆଡାମ ଗ୍ରିଫିଟଙ୍କୁ ଅଷ୍ଟ୍ରେଲିଆ ଦଳର ବୋଲିଂ କୋଚ୍‌ ପଦରେ ନିଯୁକ୍ତ କରାଯାଇଛି। 


Model This Week

ରଶ୍ମି
Why Dharitri