ସମ୍ପାଦକୀୟ |

ବିକାଶର ମଳ

ବିକାଶର ମଳ

ବିଚିତ୍ର ବିଶ୍ୱାଳ
ବସ୍ତୁବାଦୀ ବିକାଶ ରାସ୍ତାରେ ଦୌଡ଼ି ଦୌଡ଼ି ଆମେ ଆସି ଏମିତି ଜାଗାରେ ପହଞ୍ଚିଯାଇଛୁ ଯେ, ବିଭିନ୍ନ ପ୍ରକାର ଇଲେକ୍ଟ୍ରୋନିକ୍ସ ଉପକରଣ ଆମ ଜୀନର ଅଭିନ୍ନ ଅଙ୍ଗ ପାଲଟିଯାଇଛି। ଖାଦ୍ୟ, ବସ୍ତ୍ର, ବାସଗୃହ ପରି ମୋବାଇଲ୍‌, କମ୍ପ୍ୟୁଟର, ଲାପ୍‌ଟପ୍‌, ଟିଭି, ଫ୍ରିଜ୍‌, ଏଆର୍‌କଣ୍ଡିଶନର୍‌ ଆଦି ଇଲେକ୍ଟ୍ରୋନିକ୍‌ସ ଉପକରଣ ଆମକୁ ମୌଳିକ ଆବଶ୍ୟକତା ପରି ବୋଧ ହେବାକୁ ଆରମ୍ଭ କଲାଣି। ଭଳିକି ଭଳି ଇଲେକ୍ଟ୍ରୋନିକ୍ସ ଉପକରଣ ଆଧାରରେ ଏକ ଅଜବ ପ୍ରକାର ଭୋଗବାଦୀ ବିକାଶ ପଥରେ ଆଗେଇ ଚାଲିଛି ଆମ ଦୁନିଆ। ଯେପରି ଭାବେ ଆଜିର ବିକାଶ ପ୍ରକ୍ରିୟା ଆଗେଇ ଚାଲିଛି, ସେହି ହିସାବରେ ବିକାଶର ମଳ ବା ଇଲେକ୍ଟ୍ରୋନିକ୍ସ ଆବର୍ଜନା ବି ପାହାଡ଼ ପ୍ରମାଣେ ଗଦା ହେବାରେ ଲାଗିଛି ସମଗ୍ର ବିଶ୍ୱରେ। ଆସନ୍ତା ଦିନରେ ଏହି ଆବର୍ଜନା ହଁି ସମଗ୍ର ବିଶ୍ୱର ମୁଣ୍ଡବ୍ୟଥାର କାରଣ ହେବାକୁ ଯାଉଛି। ‘ଜାତିସଂଘ ପରିବେଶ କାର୍ଯ୍ୟକ୍ରମ’ର ଗବେଷଣା ଅନୁଯାୟୀ ଇଲେକ୍ଟ୍ରୋନିକ୍ସ ଉଦ୍ୟୋଗଗୁଡ଼ିକ ପ୍ରତିବର୍ଷ ୪୧ ମିଲିୟନ୍‌ ଟନ୍‌ ଆବର୍ଜନା ସୃଷ୍ଟି କରୁଛନ୍ତି। ଯେପରି ଭାବେ ଇଲେକ୍ଟ୍ରୋନିକ୍ସ ଉପକରଣର ଉପଭୋକ୍ତାମାନଙ୍କ ସଂଖ୍ୟା ବଢ଼ୁଛି ଓ ଇଲେକ୍ଟ୍ରୋନିକ୍ସ ଉପକରଣର ଆୟୁଷ କମିବାରେ ଲାଗୁଛି ଚଳିତବର୍ଷ ଏହି ଆବର୍ଜନାର ପରିମାଣ ୫୦ ମିଲିୟନ୍‌ ଟନ୍‌କୁ ଛୁଇଁବ ବୋଲି ଆକଳନ କରାଯାଉଛି। ଏହି ପ୍ରଚୁର ପରିମାଣର ବିଷାକ୍ତ ଆବର୍ଜନାକୁ ବଡ଼ ବଡ଼ ମାଫିଆମାନଙ୍କ ସହାୟତାରେ ବେଆଇନ୍‌ଭାବେ ବିକାଶଶୀଳ ଦେଶମାନଙ୍କରେ ଓ ସେମାନଙ୍କ ସମୁଦ୍ର ସୀମାରେ ଫୋପାଡ଼ି ଦିଆଯାଉଛି। ବିକଶିତ ଦେଶମାନଙ୍କରୁ ବାହାରୁଥିବା ପ୍ରଚୁର ପରିମାଣର ଇଲେକ୍ଟ୍ରୋନିକ୍ସ ଆବର୍ଜନାକୁ ପଶ୍ଚିମ ଆଫ୍ରିକା ଓ ଏସିଆ ମହାଦେଶର ଅନେକ ଦେଶରେ ଗଦା କରାଯାଉଛି, ଯାହାର ସ୍ବାସ୍ଥ୍ୟଗତ କୁପରିଣାମ ସେହି ଦେଶର ଜନସାଧାରଣଙ୍କୁ ଭୋଗିବାକୁ ପଡ଼ୁଛି। ପୁରୁଣା କମ୍ପ୍ୟୁଟର, ଅଚଳ ମୋବାଇଲ୍‌ ଫୋନ୍‌, ଅଚଳ ଟିଭି, ଫ୍ରିଜ୍‌, ଏସି, କଫି ମେଶିନ, ପ୍ରିଣ୍ଟର, ବୈଦ୍ୟୁତିକ କେବୁଲ୍‌ ଆଦି ରୂପରେ ପ୍ରତି ବର୍ଷ ଲକ୍ଷ ଲକ୍ଷ ଟନ୍‌ ଇଲେକ୍ଟ୍ରୋନିକ୍ସ ଆବର୍ଜନା ସୃଷ୍ଟି ହେଉଛି। ଗବେଷଣା ଅନୁଯାୟୀ ଏହି ସବୁ ଆବର୍ଜନାରେ ପ୍ରଚୁର ପରିମାଣରେ ବିଷାକ୍ତ ତତ୍ତ୍ୱ ଭରିରହିଛି, ଯାହା ମଣିଷର ସ୍ବାସ୍ଥ୍ୟ ଓ ପରିବେଶ ପାଇଁ ଅତ୍ୟନ୍ତ କ୍ଷତିକାରକ। ୧୯୯୭ ମସିହାରେ ଗୋଟିଏ କମ୍ପ୍ୟୁଟରର ହାରାହାରି ଆୟୁଷ ପ୍ରାୟ ୫ ବର୍ଷ ଥିବା ବେଳେ ସଂପ୍ରତି ଏହା ୨ ବର୍ଷକୁ କମିଯାଇଛି। ସେହିପରି ସଂପ୍ରତି ବିକାଶର ନାଭିନାଡ଼ ଭାବେ ପରିଚିତ ମୋବାଇଲ୍‌ ଫୋନ୍‌ର ଆୟୁଷ ବି ସର୍ବାଧିକ ୨ ବର୍ଷ ବୋଲି ବିବେଚନା କରାଯାଉଛି। ତେଣୁ ଅଚଳ ହେଉଥିବା ଏହିସବୁ ଉପକରଣ ଆମ ପୃଥିବୀରେ ଆବର୍ଜନା ରୂପେ ଜମା ହେଉଛି। ଏହିସବୁ ଆବର୍ଜନାର ବିକିରଣ ବହୁତ ଅଧିକ, ଯାହା ମଣିଷର ସ୍ବାସ୍ଥ୍ୟ, ଜୀବଜନ୍ତୁ ଓ ପରିବେଶ ପାଇଁ ଅତ୍ୟନ୍ତ କ୍ଷତିକାରକ। ତୃତୀୟ ବିଶ୍ୱର ତଥା ବିକାଶଶୀଳ ଦେଶର ଜନସାଧାରଣଙ୍କ ପ୍ରତି ଏହି ବିପଦ ଅତ୍ୟନ୍ତ ଅଧିକ। କାରଣ ବିକଶିତ ଦେଶମାନେ ଭିନ୍ନ ଭିନ୍ନ ବୈଶ୍ୱିକ ଆଇନ୍‌କାନୁନ୍‌ର ବାଟରେ ଏହି ସବୁ ଆବର୍ଜନାକୁ ବିକାଶଶୀଳ ଦେଶମାନଙ୍କୁ ରପ୍ତାନି କରି ସେଠାରେ ଜମା କରୁଛନ୍ତି ବା ପ୍ରକ୍ରିୟାକରଣ କରାଉଛନ୍ତି। ଏହିସବୁ ଇଲେକ୍ଟ୍ରୋନିକ୍ସ ଉପକରଣକୁ ଯେଉଁ ଦେଶରେ ପୋଡ଼ି ଦିଆଯାଉଛି, ପୋତି ଦିଆଯାଉଛି କିମ୍ବା ପ୍ରକ୍ରିୟାକରଣ କରାଯାଉଛି, ଏହାର ବିକିରଣଜନିତ କୁପ୍ରଭାବ ସେହି ଦେଶର ପରିବେଶ ଓ ଜନସାଧାରଣଙ୍କ ଉପରେ ପଡ଼ିବା ନିଶ୍ଚିତ। ଅନ୍ୟ ଦେଶର ଇଲେକ୍ଟ୍ରୋନିକ୍ସ ଆବର୍ଜନାକୁ ପ୍ରକ୍ରିୟାକରଣ କରୁଥିବା ଦେଶମାନଙ୍କ ମଧ୍ୟରୁ ଭାରତ ଗୋଟିଏ। ଏହି ଆବର୍ଜନା ବିଭିନ୍ନ ପ୍ରକାର ମାରାତ୍ମକ ରୋଗକୁ ଜନ୍ମ ଦେଉଛି ବୋଲି ଡାକ୍ତରମାନେ ମତ ଦେଉଛନ୍ତି। ଏହିସବୁ ଆବର୍ଜନାକୁ ଗୋଟିଏ ଦେଶରୁ ସମୁଦ୍ର ପଥ ଦେଇ ଆଉ ଗୋଟିଏ ଦେଶକୁ ନେବାକୁ ବିଭିନ୍ନ ପ୍ରକାର ଅପରାଧୀ କଂପାନୀମାନେ ବି କାମ କରୁଛନ୍ତି। ତୃତୀୟ ବିଶ୍ୱର ଦେଶମାନଙ୍କର ଦୁର୍ନୀତିଖୋର ନେତା ଓ ଅମଲାଙ୍କୁ ଧରି ଏହି ବେପାର ଖୁବ୍‌ ଜୋର୍‌ରେ ଚାଲୁଛି। ଯଦିଓ ଏହି ଅପରାଧୀ କଂପାନୀମାନେ ଇଲେକ୍ଟ୍ରୋନିକ୍ସ ଆବର୍ଜନାକୁ ନିରାପଦ ଭାବେ ପରିଚାଳନା କରିବା ପାଇଁ ମୋଟା ଅଙ୍କର ଟଙ୍କା ନିଅନ୍ତି ସେମାନେ ବେଆଇନ୍‌ ଭାବେ ଏହାକୁ ଖୋଲାରେ ଛାଡ଼ି ଦିଅନ୍ତି ବା ପୋଡ଼ି ଦିଅନ୍ତି। ଏହିସବୁ କଂପାନୀ ଅଚଳ ବ୍ୟାଟେରି, ଅଚଳ କମ୍ପ୍ୟୁଟର ମନିଟର ଆଦି ଇଲେକ୍ଟ୍ରୋନିକ୍‌ସ ଆବର୍ଜନାକୁ କୌଶଳ କରି ପ୍ଲାଷ୍ଟିକ୍‌ ଓ ଧାତବ ଟୁକୁଡ଼ା ଘୋଷଣା କରି ଫୋପାଡ଼ି ଦିଅନ୍ତି ବା ପୋଡ଼ି ଦିଅନ୍ତି। ଏହିସବୁ ଆବର୍ଜନାକୁ ଖୋଲାରେ ଫୋପାଡ଼ିଲେ ବା ପୋଡ଼ିଲେ ଏଥିରୁ ବିଭିନ୍ନ ପ୍ରକାର ଘାତକ ଗ୍ୟାସ୍‌ ନିର୍ଗତ ହୋଇଥାଏ, ଯାହା ମାରାତ୍ମକ କ୍ୟାନ୍‌ସର ଓ ଅନ୍ୟାନ୍ୟ ଜୀବନଘାତୀ ରୋଗର କାରଣ ହୋଇଥାଏ। ଜାତିସଂଘର ପରିବେଶ କାର୍ଯ୍ୟକ୍ରମର ଗବେଷଣା ଅନୁସାରେ ଏହିସବୁ ଇଲେକ୍ଟ୍ରୋନିକ୍‌ସ ଆବର୍ଜନାକୁ ଅତ୍ୟନ୍ତ ଯତ୍ନର ସହିତ ପରିଚାଳନା କରିବାକୁ ପଡ଼ିଥାଏ, ଯାହାଦ୍ୱାରା ପରିବେଶ ଓ ମାନବ ଶରୀର ଉପରେ କୁପ୍ରଭାବକୁ କମ୍‌ କରିହେବ। କିନ୍ତୁ ଏହା ବ୍ୟୟବହୁଳ ପ୍ରକ୍ରିିୟା ହୋଇଥିବାରୁ ଅନେକ ଦେଶ ଏହି ପ୍ରକ୍ରିୟା ଆପଣେଇବାକୁ ପଛଘୁଞ୍ଚା ଦେଇଥାନ୍ତି। ତେବେ ଏହାର ବିପଦ ସମଗ୍ର ବିଶ୍ୱକୁ ମୁଣ୍ଡେଇବାକୁ ହେବ ବୋଲି ଗବେଷକମାନେ ଚେତେଇ ଦେଇଛନ୍ତି। ଯଦିଓ ସଂପ୍ରତି ଇଲେକ୍ଟ୍ରୋନିକ୍‌ସ ଉପକରଣମାନ ଆମ ଜୀବନର ଏକ ଅଭିନ୍ନ ଅଂଗ ପାଲଟି ଯାଇଛନ୍ତି, କିନ୍ତୁ ଏହାର ଆବର୍ଜନାର କୁପରିଣାମକୁ ଭୁଲିଗଲେ ସମଗ୍ର ବିଶ୍ୱ ବିଷାକ୍ତ ଅଳିଆକୁଣ୍ଡରେ ପରିଣତ ହୋଇଯିବ। ଆମେ ଭୁଲିଯିବା ଉଚିତ ନୁହେଁ ଯେ, ଆମର ଅୟସଆରାମକୁ ବଢ଼େଇବା ପାଇଁ ଆମେ ଯେତେ ପରିମାଣରେ ଇଲେକ୍ଟ୍ରୋନିକ୍ସ ଉପକରଣ ବ୍ୟବହାର କରୁଛେ ସେତିକି ପରିମାଣରେ ଆବର୍ଜନାକୁ ବି ଜନ୍ମ ଦେଉଛେ। ବିକାଶ ପଛରେ ଧାଇଁ ଧାଇଁ ବିକାଶର ଏହି ମଳର କୁପ୍ରଭାବକୁ ଭୁଲିଯିବା ସମଗ୍ର ମାନବ ଜାତି ପାଇଁ ଅତ୍ୟନ୍ତ ଘାତକ ସାବ୍ୟସ୍ତ ହେବ। ତେଣୁ ଏହି ସବୁ ଆବର୍ଜନାର ସୁପରିଚାଳନା ଉପରେ ଗୁରୁତ୍ୱ ଦେବା ସହିତ ଇଲେକ୍ଟ୍ରୋନିକ୍ସ ଉପକରଣ ପାଇଁ ଆମ ମନରେ ଥିବା ଭୋକ ଉପରେ ବି ଲଗାମ୍‌ ଲଗାଇବାକୁ ହେବ। ତା’ହେଲେ ଆମ ଉତ୍ତରପିଢ଼ି ପାଇଁ ଆମେ ଏକ ବାସୋପଯୋଗୀ ପୃଥିବୀ ଛାଡ଼ି ଯାଇପାରିବା।
ମୋ-୯୪୩୮୪୬୮୪୭୪

All Right Reserved By

ସମ୍ପାଦକୀୟ |

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଗତମାସରେ ବୀମା ନିୟାମକ ଓ ଉନ୍ନୟନ କର୍ତ୍ତୃପକ୍ଷ (ଆଇଆର୍‌ଡିଏ)ଠାରୁ ଅନୁମତି ପାଇବା ପରେ ଜୀବନବୀମା ନିଗମ (ଏଲ୍‌ଆଇସି) ବୋର୍ଡ କ୍ଷତିରେ ଚାଲୁଥିବା ଆଇଡିବିଆଇ ବ୍ୟାଙ୍କରେ ନିଜର ଅଂଶଧନ ୫୧ ପ୍ରତିଶତକୁ ବୃଦ୍ଧି କରିବା ଲାଗି ସରକାରଙ୍କୁ ପ୍ରସ୍ତାବ ଦେଇଛି। ଆଉ କେତେଟା ପ୍ରକ୍ରିୟା ଶେଷହେବା ପରେ ଉକ୍ତ ରାଷ୍ଟ୍ରାୟତ୍ତ ବ୍ୟାଙ୍କ ଏଲ୍‌ଆଇସିର ଅଧୀନ ହୋଇଯିବ। ଆଇଡିବିଆଇ ବ୍ୟାଙ୍କରେ ଜୀବନବୀମା ନିଗମର ବର୍ତ୍ତମାନ ୭.୯୮ ପ୍ରତିଶତ ଅଂଶଧନ ରହିଛି, ଯାହା ମାର୍ଚ୍ଚ ୨୦୧୮ ସୁଦ୍ଧା ୧୦.୮୨ ପ୍ରତିଶତ ଥିଲା। ରୁଗ୍ଣ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକୁ ସୁସ୍ଥ କରିତୋଳିବା ଦୀର୍ଘଦିନ ହେଲା ସରକାରଙ୍କର ଏକ ନୀତି ...

 ସଙ୍କଟରେ ଭବିଷ୍ୟତ

ସଙ୍କଟରେ ଭବିଷ୍ୟତ

ଉପେନ୍ଦ୍ର ବିଶ୍ୱାଳ ପାଗଳପ୍ରାୟ ଘୂରି ବୁଲୁଥାନ୍ତି ମହାମାନ୍ୟ ମଦନମୋହନ ମାଲବ୍ୟ। ନିଶା ଘାରିଥାଏ ବନାରସରେ ବିଶ୍ୱସ୍ତରୀୟ ହିନ୍ଦୁ ବିଶ୍ୱବିଦ୍ୟାଳୟଟିଏ ପ୍ରତିଷ୍ଠା କରିବାକୁ। ହାତ ପତଉଥାନ୍ତି ସମସ୍ତଙ୍କୁ। ଏପରିକି ମୃତଦେହ ଶୋଭାଯାତ୍ରାରେ ଫିଙ୍ଗାଯାଉଥିବା ପଇସା କଉଡ଼ିକୁ ମଧ୍ୟ ସାଉଁଟି ରଖୁଥାନ୍ତି। ବଡ଼ ଆଶା ନେଇ ପହଞ୍ଚତ୍ଲେ ଦିନେ ଘନଶ୍ୟାମ ଦାସ ବିର୍ଲାଙ୍କ ବାସଭବନରେ। ବୈଠକଖାନାରେ ଟିକିଏ ବସିବାକୁ କହି ଠାକୁର ପୂଜା ପାଇଁ ଗଲେ ସେ। ଦୀପଟି ଜଳାଇଲାବେଳେ ପ୍ରଥମ ପରେ ଦ୍ୱିତୀୟ ଦିଆସିଲିକାଠିଟି ଲିଭିଗଲା। ତୃତୀୟ କାଠିଟି ବି ଲିଭିଗଲା ସାମାନ୍ୟ ଅସାବଧାନତାବଶତଃ। ଗର୍ଜିଉଠି ବର୍ଷିଗଲେ ପୂଜକ ଉପରେ। ଆଚମ୍ବିତ ହେଲେ ...

ପ୍ରାଣବନ୍ତ, ପ୍ରଣବସ୍ବରୂପ

ପ୍ରାଣବନ୍ତ, ପ୍ରଣବସ୍ବରୂପ

ଡା. ଅଂଶୁମାନ୍‌ କର ଗତ ସ୍ନାନପୂର୍ଣ୍ଣିମା ଦିନ ଗଜପତି ମହାରାଜ ପ୍ରଭୁ ଜଗନ୍ନାଥଙ୍କ ଆଳତି କରିବା ସମୟରେ ପ୍ରଭୁଙ୍କ ଶିରରୁ ଫୁଲମାଳ ଖସିବାକୁ ନେଇ ଅନେକ ଚର୍ଚ୍ଚା ଚାଲିଛି। ଆଜିର ସୋସିଆଲ ମିଡିଆ ଯୁଗରେ ଏହି ଘଟଣାର ଭୂରି ଭୂରି ପ୍ରଚାର ଓ ପ୍ରସାର ଚାଲିଛି। ଜଗନ୍ନାଥ ଓ ପୁରୀ ଶ୍ରୀମନ୍ଦିରର ପ୍ରାଣବନ୍ତ ଅସ୍ତିତ୍ୱର ଏହା ଏକ ଦିବ୍ୟ ପ୍ରମାଣ ବୋଲି ଅନେକେ ମତ ବ୍ୟକ୍ତ କରୁଛନ୍ତି। କେତେଜଣ କହୁଛନ୍ତି, ଏହାଦ୍ୱାରା ପ୍ରଭୁ ନିଜ ପ୍ରତ୍ୟକ୍ଷ ଉପସ୍ଥିତିର ପ୍ରମାଣ ଦେଉଛନ୍ତି।...

ଏଇ ଭାରତରେ

ଏଇ ଭାରତରେ

ଜଣେ ନବଜାତ ଶିଶୁ କ୍ଷୀର ପାନ କରିବା ପରେ କୋମା ଅବସ୍ଥାରେ ଥିବା ତା’ ମା’ଙ୍କର ଚେତା ଫେରିଆସିଛି। ଏପରି ଏକ ଘଟଣା କେରଳରେ ଘଟିଛି। ବେଟିନା ନାମ୍ନୀ ଜଣେ ମହିଳା ଶିଶୁପୁତ୍ରର କାନ୍ଦ ଶୁଣି ଧୀରେ ଧୀରେ ପ୍ରତିକ୍ରିୟା ପ୍ରକାଶ କରିଥିଲେ। ଜୁନ୍‌ ୧୪ରେ ଶିଶୁଟି ଜନ୍ମଗ୍ରହଣ କରିଥିଲା। ଶିଶୁଟି ସ୍ତନ୍ୟପାନ କରିବା ପରେ ମହିଳାଙ୍କର ସ୍ନାୟୁଗତ ସମସ୍ୟା ଧୀରେ ଧୀରେ ସୁଧୁରିବାରେ ଲାଗିଥିଲା ବୋଲି ହସ୍ପିଟାଲ୍‌ର ଇଣ୍ଟେନ୍‌ସିଭ୍‌ କେୟାର ୟୁନିଟ୍‌ର ମୁଖ୍ୟ ଡକ୍ଟର ଆର. ବିବେକ ପ୍ରକାଶ କରିଛନ୍ତି। ...

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପୂର୍ବରୁ ଏହି ସ୍ତମ୍ଭରେ ଶସ୍ୟକ୍ଷେତ୍ରରେ ପଞ୍ଚଗବ୍ୟର ବ୍ୟବହାର ଉପରେ ଏକ ନିବନ୍ଧ ଲେଖିଥିଲି। ବହୁବର୍ଷର ଗବେଷଣା ପରେ ଉକ୍ତ ପୁସ୍ତକ ଲେଖିଥିବା ଡ. କେ. ନଟରାଜନ୍‌ ଏଥିରେ ପ୍ରାଣୀମାନଙ୍କ ଉପରେ ପଞ୍ଚଗବ୍ୟର ପ୍ରଭାବ ସମ୍ବନ୍ଧରେ ମଧ୍ୟ ଏକ ଅଧ୍ୟାୟ ଲେଖିଛନ୍ତି। ଗଛଲତା ଉପରେ ଅଧ୍ୟୟନ ପରେ ତାଙ୍କ ଗବେଷକ ଦଳ ପ୍ରାଣୀ ଓ ମନୁଷ୍ୟ ଉପରେ ଅଧ୍ୟୟନ ଆରମ୍ଭ କରିଦେଇଥିଲେ। ପୂର୍ବ ନିବନ୍ଧଟି ଯେଉଁମାନେ ପଢ଼ି ନ ଥିବେ ସେମାନଙ୍କ ପାଇଁ ଏହାର ପ୍ରସ୍ତୁତି ପ୍ରଣାଳୀ ନିମ୍ନରେ ଆଉ ଥରେ ଲେଖୁଛି।...

ଅଭାବର ଚିତ୍ରପଟ

ଅଭାବର ଚିତ୍ରପଟ

ଡ. ସୁବାସ ଚନ୍ଦ୍ର ପାତ୍ର ଦାରିଦ୍ର୍ୟର ମାତ୍ରା ତଥା କିସମ ଅଛି। ବିଭିନ୍ନ ପ୍ରକାର ଦାରିଦ୍ର୍ୟରେ ମଣିଷ ହନ୍ତସନ୍ତ କିନ୍ତୁ ଅର୍ଥନୈତିକ ଦାରିଦ୍ର୍ୟ ମଣିଷକୁ ବେଶି ନିପୀଡ଼ିତ କରେ କାରଣ ତା’ର ପ୍ରଭାବ ଦୃଶ୍ୟମାନ। ସବୁ ଦରିଦ୍ରତା ପଛରେ ଥାଏ ଏକ ଅଭାବବୋଧ ଏବଂ ଏହି ଅଭାବ ଯେତେବେଳେ ସର୍ବବ୍ୟାପୀ ଓ ସର୍ବଗ୍ରାସୀ ହୋଇଯାଏ ସେଇଠି ଦାରିଦ୍ର୍ୟ ହୋଇପଡ଼େ ଦୁର୍ବିଷହ।...

ପତିତପାବନ ଯାତ୍ରା

ପତିତପାବନ ଯାତ୍ରା

ପଣ୍ଡିତ ଡ. ଅନ୍ତର୍ଯ୍ୟାମୀ ମିଶ୍ର ପୁରୁଷୋତ୍ତମ ଜଗନ୍ନାଥ ଦିବ୍ୟ ନୀଳାଚଳରେ ଅନାଦିକାଳରୁ ଦାରବୀ ଲୀଳା ସଂରଚନା କରିଛନ୍ତି। ତାଙ୍କ ଦିବ୍ୟ ଲୀଳାକୁ ଦୁଇଭାଗରେ ବିଭକ୍ତ କରାଯାଇଛି- ଶ୍ରୀମନ୍ଦିର ରତ୍ନସିଂହାସନରେ ଚତୁର୍ଦ୍ଧାମୂର୍ତ୍ତି ସ୍ବରୂପରେ ଐଶ୍ୱର୍ଯ୍ୟଲୀଳା ଏବଂ ରଥଯାତ୍ରାରେ ଅଗଣିତ ଭକ୍ତଙ୍କ ସହିତ ମାଧୁର୍ଯ୍ୟଲୀଳା। ତାଙ୍କର ଏହି ମାଧୁର୍ଯ୍ୟଲୀଳା ଶତାବ୍ଦୀ ଶତାବ୍ଦୀ ଧରି ବିଶ୍ୱମାନସକୁ ଉଦ୍‌ବୁଦ୍ଧ କରିଆସିଛି। ବିଶ୍ୱର କୋଣ ଅନୁକୋଣରୁ ଲକ୍ଷ ଲକ୍ଷ ଭକ୍ତ ଶ୍ରୀଜଗନ୍ନାଥଙ୍କ ରଥଯାତ୍ରା ଦର୍ଶନ କରିବାକୁ ଶ୍ରୀକ୍ଷେତ୍ର ଆଗମନ କରିଥାନ୍ତି। ଏହି ଯାତ୍ରାରେ ପ୍ରଭୁ ...

ଏଇ ଭାରତରେ

ଏଇ ଭାରତରେ

ଦୃଢ଼ ଇଚ୍ଛାଶକ୍ତି ଦିନେ ନା ଦିନେ ସଫଳତା ଆଣି ଦେଇଥାଏ। ଯାହାକି ପୂର୍ବ ବାଙ୍ଗାଲୋରର ଲିଙ୍ଗରାଜପୁରମ୍‌ ଅଞ୍ଚଳରେ ବାସ କରୁଥିବା ଜଣେ ମହିଳାଙ୍କ କ୍ଷେତ୍ରରେ ଦେଖିବାକୁ ମିଳିଛି। ସ୍ବାମୀଙ୍କ କ୍ଷଣିକ ରାଗର ଶିକାର ହୋଇ ନିଜର ମୁଖମଣ୍ଡଳର ସୌନ୍ଦର୍ଯ୍ୟକୁ ହରାଇଥିବା ଅନୀଥା ପାର୍କର ମେରୀ ନାମ୍ନୀ ଜଣେ ମହିଳା ଦୀର୍ଘ ୧୮ବର୍ଷ ଧରି ସଂଘର୍ଷ କରିବା ପରେ ଏବେ ସ୍ବାବଲମ୍ବୀ ହୋଇପାରିଛନ୍ତି। ସ୍ବାମୀଙ୍କ ମୃତ୍ୟୁ ପରେ ଏକ ସ୍ବେଚ୍ଛାସେବୀ ସଂଗଠନର କର୍ମକର୍ତ୍ତାଙ୍କ ସହଯୋଗରେ ଅନୀଥା ଏକ ଦୋକାନ କରି ନିଜର ଆର୍ଥିକ ସ୍ଥିତିକୁ ସୁଦୃଢ଼ କରିପାରିଛନ୍ତି। ସାମାନ୍ୟ କଥାକୁ କେନ୍ଦ୍ର କରି ୧୮ବର୍ଷ ତଳେ ଅନୀଥାଙ୍କ ସ୍ବାମୀ ଏକ ଜଳନ୍ତା ଲଣ୍ଠନକୁ ତାଙ୍କ ଉପରକୁ ଫିଙ୍ଗି ଦେଇଥିଲେ। ଏଥିରେ ଅନୀଥାଙ୍କ ମୁହଁ ଓ ଶରୀରର ବିଭିନ୍ନ ଅଂଶ ପୋଡ଼ି ଯାଇଥିଲା। ଦୀର୍ଘଦିନ ଧରି ଚିକିତ୍ସିତ...

ସାମରିକ ପ୍ରଶିକ୍ଷିତ ଯୁବକ

ସାମରିକ ପ୍ରଶିକ୍ଷିତ ଯୁବକ

ସମ୍ପାଦକୀୟ/ତଥାଗତ ସତପଥୀ ଭାରତର ବିରାଟ ଯୁବଶକ୍ତିକୁ କାର୍ଯ୍ୟରେ ଲଗାଇବା ସକାଶେ କେନ୍ଦ୍ର ସରକାର ଜାତୀୟ ଯୁବ ସଶକ୍ତୀକରଣ ଯୋଜନା (ଏନ୍‌-ଓ୍ବାଇଇଏସ୍‌) ସୃଷ୍ଟି ଲାଗି ଚିନ୍ତା କରିଛନ୍ତି। ଏଥିରେ ପ୍ରତିବର୍ଷ ୧୦ ଲକ୍ଷ ଯୁବତୀଯୁବକ ବିଶେଷକରି ଦଶମ ଓ ଦ୍ୱାଦଶ ଶ୍ରେଣୀରେ ପଢ଼ୁଥିବା ଛାତ୍ରୀଛାତ୍ରଙ୍କୁ ସାମରିକ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବାର ବ୍ୟବସ୍ଥା କରାଯାଇପାରେ। ଏମାନଙ୍କୁ ୧୨ ମାସ ପାଇଁ ଷ୍ଟାଇପେଣ୍ଡ୍‌ ଦିଆଯାଇ ସାମରିକ ତାଲିମ ଦିଆଗଲେ ସେମାନେ ପ୍ରତିରକ୍ଷା, ଅର୍ଦ୍ଧସାମରିକ ବଳ ଏବଂ ପୋଲିସ ବାହିନୀରେ ନିଯୁ....

 ବୋଲକରା ବୋଲ୍‌ ବମ୍‌

ବୋଲକରା ବୋଲ୍‌ ବମ୍‌

ବୈଷ୍ଣବ ଚରଣ ମହାନ୍ତି ‘ବୋଲ୍‌ ବମ୍‌...ହର ହର ବମ୍‌...ଭୋଲା ବାବା ପାର୍‌ କରେଗା...ଜଟିଆ ବାବା ପାର୍‌ କରେଗା...’- ଏ ଡାକ ହେଉଛି କାଉଡ଼ିଆମାନଙ୍କର। ଦିନ ଥିଲା କାଉଡ଼ିଆ ଶବ୍ଦଟାର ଅର୍ଥ କାଢ଼ିବାକୁ ଅଭିଧାନ ଖେଳେଇବାକୁ ପଡ଼ୁଥିଲା। କିନ୍ତୁ ବର୍ତ୍ତମାନ ଏ ଶବ୍ଦଟା ଖୁବ୍‌ ସାଧାରଣ ହୋଇଯାଇଛି ଏବଂ ଓଡ଼ିଶାର ଗଁାଗହଳିଠାରୁ ସହର ବଜାର ପର୍ଯ୍ୟନ୍ତ ସବୁଆଡ଼େ ସବୁରି ତୁଣ୍ଡରେ ଆସ୍ଥାନ ଜମେଇ ବସିଛି। ଏଇମାତ୍ର କୋଡ଼ିଏ ପଚିଶ ବର୍ଷ ତଳେ କାଉଡ଼ିଆ କ’ଣ କେହି ଜାଣି ନ ଥିଲେ। ପ୍ରଥମେ ଜଣେ ଦି’ଜଣ ପାଣିଭାର ଧରି ରାସ୍ତାରେ ଯାଉଥିବାର ଦେଖି ଲୋକେ କୌତୂହଳୀ ହେଇ ଚାହଁୁଥିଲେ, ଏବେ ତ ପିମ୍ପୁଡ଼ି ଧାର ପରି ରାସ୍ତାସାରା କାଉଡ଼ିଆଙ୍କ ...

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଡ. ଶରତ ଚନ୍ଦ୍ର ରଥ ହେ ନୀଳାଦ୍ରିନାଥ! ତୁମକୁ ସହସ୍ର ପ୍ରଣାମ। ତୁମେ ଅନନ୍ତ, ତୁମ ମହିମା ଅନନ୍ତ। ତୁମ ମହିମାର ଲଳିତ ସଙ୍ଗୀତ ଝରିପଡେ ବିହଙ୍ଗ ଗାନରେ, ଝରଣାର ଝର୍ଝର ତାନରେ। ତୁମ ଅଙ୍ଗର ସୁବାସ ଫୁଟିପଡେ ଫୁଲର ସୁରଭିରେ, ତୁମ ସ୍ମିତହାସ୍ୟର ମଧୁରିମା ଫିଟିପଡେ ଜୋଛନାର ଲାବଣ୍ୟରେ। ତୁମେ ସର୍ବମୟ କର୍ତ୍ତା, ବିଶ୍ୱବିଧାତା, ତୁମକୁ କଳିବାକୁ ମୁଁ ଶକ୍ତିହୀନ, ତୁମେ ବିଶାଳ ନୀଳସିନ୍ଧୁ, ମୁଁ କ୍ଷୀଣ ଏକ ଜଳାଧାର।...

ଏଇ ଭାରତରେ

ଏଇ ଭାରତରେ

ବର୍ତ୍ତମାନ ପରିବେଶକୁ ବହୁ ଭାବରେ ପ୍ରଦୂଷଣ କରୁଛି ପ୍ଲାଷ୍ଟିକ୍‌। ଏହାଦ୍ୱାରା ଜଳ, ସ୍ଥଳ, ମୃତ୍ତିକା ପ୍ରଦୂଷଣ ହେଉଛି। ପ୍ଲାଷ୍ଟିକ୍‌ ଜରିରେ ବାସିଖାଦ୍ୟ ରଖି ବାହାରେ ଫିଙ୍ଗାଯାଉଥିବାରୁ ଏହାକୁ ଖାଇ ବହୁ ଗୋରୁ, ଛେଳି, କୁକୁର ଅସୁସ୍ଥ ହେଉଛନ୍ତି। ଅନେକ ପ୍ରାଣୀ ମୃତ୍ୟୁବରଣ କରୁଛନ୍ତି। ସମୁଦ୍ରରେ ପ୍ଲାଷ୍ଟିକ୍‌ ବୋତଲ, ପଲିଥିନ୍‌, ଜରି ପ୍ରଭୃତିର ଭାସମାନ ପାହାଡ଼ ସୃଷ୍ଟି ହେଉଛି। ଏହା ଜଳଜନ୍ତୁଙ୍କ ପାଇଁ ବଇରୀ ସାଜିଛି। ଏଣୁ ସମ୍ପ୍ରତି ପ୍ଲାଷ୍ଟିକ୍‌ ଓ ପଲିଥିନ୍‌ର ବ୍ୟବହାରକୁ ହ୍ରାସ କରିବା ପାଇଁ ସବୁ ରାଜ୍ୟ ସରକାର ଉଦ୍ୟମ କରୁଛନ୍ତି...

Model This Week

ରୂପେଶ