ସମ୍ପାଦକୀୟ |

ଦ୍ୱାରଦେଶରେ ଆଇନସେବା

ଦ୍ୱାରଦେଶରେ ଆଇନସେବା

ଗିରିଜାଶଙ୍କର ତରାସିଆ
ଇଂଲଣ୍ଡରେ ନାମକୁମାତ୍ର ରାଜତନ୍ତ୍ର ଥିଲେ ମଧ୍ୟ ଆଧୁନିକ ସମାଜରେ ଏହା ସଂସଦୀୟ ଗଣତନ୍ତ୍ରର ଜନନୀ ବୋଲି ପ୍ରସିଦ୍ଧି ଲାଭ କରିଛି। ତ୍ରୟୋଦଶ ଶତାବ୍ଦୀର ଆଦ୍ୟ ଭାଗରେ ଇଂଲଣ୍ଡରେ ଆତ୍ମପ୍ରକାଶ କରିଥିବା ମାଗ୍‌ନାକାର୍ଟା ଥିଲା ଆଧୁନିକ ବିଶ୍ୱରେ ଆଇନର ଶାସନ (Rule of law) ପ୍ରଚଳନର ଆଦ୍ୟ ବାର୍ତ୍ତା। ମାଗ୍‌ନାକାର୍ଟାର ପରିଚ୍ଛେଦ ୩୯ ଉଦ୍‌ଘୋଷଣା କରେକି: No freeman shall be arrested or imprisoned or outlawed except by the lawful judgement of his peers or by the law of the land. ଅର୍ଥାତ୍‌ ସମାଜରେ ପ୍ରଚଳିତ ଆଇନ କିମ୍ବା ବିଚାରପତିଙ୍କ ରାୟ ବ୍ୟତୀତ କୌଣସି ମୁକ୍ତ ବ୍ୟକ୍ତିଙ୍କୁ ଗିରଫ କରାଯାଇ ପାରିବ ନାହିଁ କିମ୍ବା ବନ୍ଦୀ କରାଯାଇ ପାରିବ ନାହିଁ କିମ୍ବା ପଳାତକ ଅପରାଧୀ ଭାବେ ଦର୍ଶାଯାଇ ପାରିବ ନାହିଁ। ମାଗ୍‌ନାକାର୍ଟାର ଉଦ୍ଭବ ପରେ ଆମେରିକା ସମେତ ବିଶ୍ୱର ପ୍ରଗତିଶୀଳ ରାଷ୍ଟ୍ରମାନେ ଆଇନର ଶାସନକୁ ଗୁରୁତ୍ୱାରୋପ କଲେ। ସ୍ବାଧୀନ ଭାରତର ନୂତନ ସମ୍ବିଧାନରେ ଆମେରିକୀୟ ଢାଞ୍ଚାର Due process of law (ଆଇନର ସମୁଚିତ ଧାରା) ଅନୁଯାୟୀ ଶାସନ ପ୍ରଚଳନ ନିମନ୍ତେ ବ୍ୟବସ୍ଥା ରଖିବା ପାଇଁ ଆସିଥିବା ପ୍ରସ୍ତାବକୁ ସମ୍ବିଧାନର ଖସଡ଼ା ପ୍ରଣୟନ କମିଟିର ଅଧ୍ୟକ୍ଷ ଡକ୍ଟର ବି.ଆର୍‌. ଆମ୍ବେଦକର ସଂଶୋଧିତ କରାଇ ଭାରତରେ ଆଇନ ଦ୍ୱାରା ପ୍ରତିଷ୍ଠିତ କାର୍ଯ୍ୟବିଧି ବା Procedure established by law ନୀତି ପ୍ରଚଳନ କରାଇଥିଲେ। ଆଇନ ଆଗରେ ସମସ୍ତେ ସମାନ ବୋଲି ସମ୍ବିଧାନର ଧାରା ୧୪ରେ ଉଲ୍ଲେଖ ରହିଲା। ମୂଳ ସମ୍ବିଧାନରେ ଗରିବ ଲୋକମାନଙ୍କ ପାଇଁ ମାଗଣାରେ ଆଇନ ସହାୟତା ନିମନ୍ତେ କୌଣସି ବ୍ୟବସ୍ଥା ନ ଥିଲା। ଏହି ଅଭାବକୁ ଲକ୍ଷ୍ୟ କରି ପ୍ରତ୍ୟେକ ନାଗରିକକୁ ଆଇନ ସହାୟତା ଯୋଗାଇବା ଏବଂ ଗରିବ ବ୍ୟକ୍ତିଙ୍କୁ ମାଗଣାରେ ଆଇନ ସହାୟତା ଯୋଗାଇଦେବା ନିମନ୍ତେ ୧୯୭୬ ମସିହାରେ ୪୨ତମ ସମ୍ବିଧାନ ସଂଶୋଧନ କରାଯାଇ ସମ୍ବିଧାନରେ ଧାରା ୩୯ (କ) ସଂଯୋଗ କରାଗଲା। ଏହି ନୂତନ ବ୍ୟବସ୍ଥା ଅନୁଯାୟୀ ଆଇନ ସହାୟତା ପରିକଳ୍ପନାକୁ ଉଭୟ କେନ୍ଦ୍ର ଏବଂ ରାଜ୍ୟ ସ୍ତରରେ କାର୍ଯ୍ୟକାରୀ ତଥା ତଦାରଖ କରିବା ନିମନ୍ତେ ସର୍ବୋଚ୍ଚ ନ୍ୟାୟାଳୟର ତଦନାନ୍ତୀନ ବିଚାରପତି ନ୍ୟାୟମୂର୍ତ୍ତି ପି.ଏନ୍‌. ଭଗବତୀଙ୍କ ଅଧ୍ୟକ୍ଷତାରେ ୧୯୮୦ ମସିହା ସେପ୍ଟେମ୍ବର ୨୬ ତାରିଖ ଦିନ ଏକ କମିଟି ଗଠନ କରାଗଲା। ଏହି କମିଟିର ନାମ ରଖାଗଲା Committee for Implementing legal Aid Schemes. ଭାରତବର୍ଷର ବିଭିନ୍ନ ନିମ୍ନ ଅଦାଲତଙ୍କଠାରୁ ଆରମ୍ଭକରି ସର୍ବୋଚ୍ଚ ନ୍ୟାୟାଳୟ ପର୍ଯ୍ୟନ୍ତ ବିଭିନ୍ନ ଅଦାଲତରେ ଦୀର୍ଘଦିନ ଧରି ବିଚାର ନ ହୋଇ ପଡ଼ିରହିଥିବା ଗଦା ଗଦା ମକଦ୍ଦମାର ଫଇସଲା ପାଇଁ ଉପାୟ ଚିନ୍ତା କରାଗଲା ଏବଂ ଏଥିପାଇଁ ୧୯୮୭ ମସିହାରେ ଆଇନ ସେବା ପ୍ରାଧିକରଣ ଆଇନ ସଂସଦରେ ଗୃହୀତ ହୋଇ ସେହିବର୍ଷ ଅକ୍ଟୋବର ୧୧ ତାରିଖରେ ରାଷ୍ଟ୍ରପତିଙ୍କ ସ୍ବାକ୍ଷର ବହନ କରିଥିଲା। କିନ୍ତୁ ଏହା କାର୍ଯ୍ୟକାରୀ କରାଯାଇ ନ ଥିଲା। ପ୍ରାୟ ସାତବର୍ଷ ପରେ ୧୯୯୪ ମସିହା ଅକ୍ଟୋବର ୨୯ ତାରିଖରେ ଏହି ଆଇନରେ ସଂଶୋଧନ କରାଯାଇ ସଂଶୋଧିତ ଆଇନକୁ ମହାମହିମ ରାଷ୍ଟ୍ରପତି ଅନୁମୋଦନ କରିବା ପରେ ଏହା ୧୯୯୫ ନଭେମ୍ବର ୯ ତାରିଖରୁ ବିଧିବଦ୍ଧ ଭାବେ କାର୍ଯ୍ୟକାରୀ ହେଲା। ଏହି ନୂତନ ଆଇନକୁ ବ୍ୟାପକ ଜନାଭିମୁଖୀ କରିବା ପାଇଁ ୧୯୯୫ ଡିସେମ୍ବର ୫ ତାରିଖରେ National Legal Services Authority (NALSA) ଗଠିତ ହେଲା। ସୁପ୍ରିମକୋର୍ଟର ବରିଷ୍ଠ ବିଚାରପତି ଡ. ଜଷ୍ଟିସ୍‌ ଆଦର୍ଶ ସେନ୍‌ ଆନନ୍ଦ NALSAର କାର୍ଯ୍ୟନିର୍ବାହୀ ଅଧ୍ୟକ୍ଷ ଭାବେ ୧୯୯୭ ଜୁଲାଇ ୧୭ ତାରିଖରେ ଦାୟିତ୍ୱ ଗ୍ରହଣ କଲେ। ନ୍ୟାୟମୂର୍ତ୍ତି ଡ. ଆନନ୍ଦ ୧୯୯୮ ମସିହା ଅକ୍ଟୋବର ୧୦ ତାରିଖରେ ସର୍ବୋଚ୍ଚ ନ୍ୟାୟାଳୟର ମୁଖ୍ୟ ବିଚାରପତି ଭାବେ ଦାୟିତ୍ୱ ଗ୍ରହଣ କଲେ। ତାଙ୍କର ପ୍ରଥମ ବାର୍ଷିକ ବୈଠକରେ ସେ ପ୍ରତିବର୍ଷ ନଭେମ୍ବର ୯ ତାରିଖକୁ ଜାତୀୟ ଆଇନ ସେବା ଦିବସ ଭାବେ ପାଳନ କରିବା ପାଇଁ ଆହ୍ବାନ ଦେଇଥିଲେ ଏବଂ ତାଙ୍କ ଆହ୍ବାନ ଅନୁଯାୟୀ ପ୍ରତିବର୍ଷ ନଭେମ୍ବର ୯ ତାରିଖକୁ ଜାତୀୟ ଆଇନ ସେବା ଦିବସ ଭାବେ ପାଳନ କରାଯାଇ ଆସୁଛି। ଜାତୀୟ ସ୍ତରରେ ଜାତୀୟ ଆଇନ ସେବା ପ୍ରାଧିକରଣ ରହିଥିବା ବେଳେ ରାଜ୍ୟ ସ୍ତରରେ, ଜିଲା ସ୍ତରରେ ଏବଂ ତାଲୁକ ସ୍ତରରେ ଆଇନସେବା ପ୍ରାଧିକରଣ କମିଟିମାନ ରହିଛି। ଆଇନ ସେବା ପ୍ରାଧିକରଣ ଧାରା ୧୨ ଅନୁଯାୟୀ ଆର୍ଥିକ ଏବଂ ସାମାଜିକ ଦୁର୍ବଳ ଶ୍ରେଣୀ ବ୍ୟକ୍ତିମାନଙ୍କୁ ମାଗଣାରେ ଆଇନ ସହାୟତା ଯୋଗାଇ ଦିଆଯାଉଛି। ଏହି ଯୁଗାନ୍ତକାରୀ ଆଇନକୁ ସାଧାରଣ ଜନତାଙ୍କ ନିକଟରେ ପହଞ୍ଚାଇବା ପାଇଁ ତାଲୁକ ସ୍ତର ଏବଂ ଜିଲା ସ୍ତରରେ ପ୍ରଶିକ୍ଷଣ ପାଇଥିବା ପାରା ଲିଗାଲ ଭଲ୍ୟୁଣ୍ଟିୟର୍ସଙ୍କ ଉଲ୍ଲେଖନୀୟ ଭୂମିକା ରହିଛି। ବାସ୍ତବରେ ଆଇନ ସେବା ଆଜି ଦ୍ୱାରଦେଶରେ ପହଞ୍ଚି ପାରିଛି।
(ଜାତୀୟ ଆଇନସେବା ଦିବସ ଉପଲକ୍ଷେ)
ଖଣ୍ଡପଡ଼ା, ନୟାଗଡ଼, ମୋ: ୯୯୩୭୩୩୪୮୦୦

All Right Reserved By

Model This Week

ନିକିତା

ସମ୍ପାଦକୀୟ |

ଆଜିର ଅର୍ଥନୀତି/ଏଟିଏମ୍‌ ସଂକଟ

ଆଜିର ଅର୍ଥନୀତି/ଏଟିଏମ୍‌ ସଂକଟ

ଅଟୋମେଟଡ୍‌ ଟେଲର ମେଶିନ୍‌ (ଏଟିଏମ୍‌)ଗୁଡ଼ିକରେ ପୁଣି ଟଙ୍କାର ଅଭାବ ଦେଖାଦେଇଛି। ଟଙ୍କା ଉଠାଇବା ପାଇଁ ଏ ବୈଶାଖ ମାସର ମୁଣ୍ଡଫଟା ଖରାରେ ଲୋକମାନେ ଗୋଟିଏ ଏଟିଏମ୍‌ରୁ ଆଉ ଗୋଟିଏ ଏଟିଏମ୍‌କୁ ଦୌଡ଼ୁଥିବାର ଦେଖାଯାଉଛି। ଏହି ନଗଦ ଟଙ୍କାର ସଂକଟ ବୁଧବାର ପବିତ୍ର ଅକ୍ଷୟ ତୃତୀୟା ଅବସରରେ ସୁନା କିଣିବା ପାଇଁ ଚାହୁଁଥିବା ଲୋକଙ୍କ ଉତ୍ସାହରେ ପାଣି ପକେଇଦେଇଛି। ଛଅଟି ରାଜ୍ୟରେ ଏଭଳି ଅବସ୍ଥା ସୃଷ୍ଟି ହୋଇଥିବାର ରିପୋର୍ଟ ମିଳିଥିବା ବେଳେ ଏହି ସମସ୍ୟା ଅସ୍ଥାୟୀ ଓ ତିନିଦିନ ଭିତରେ ଦୂର ହୋଇଯିବ ବୋଲି ଲୋକଙ୍କୁ ବୁଝାଇବାକୁ ଯାଇ ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ନାକେଦମ୍‌ ହୋଇଯାଇଛନ୍ତି। ସେ ମଧ୍ୟ ଆଶ୍ୱାସନା ଦେଇ କହିଛନ୍ତି ଯେ, ନୋଟ୍‌ର ଅଭାବ ନାହିଁ ଏବଂ ବିମୁଦ୍ରୀକରଣ ପୂର୍ବରୁ ଯେତିକି ସଂଖ୍ୟକ ନୋଟ୍‌ ପ୍ରଚଳିତ ଥିଲା, ଏବେ ସେତିକି ପ୍ରଚଳିତ ଅଛି। ଯଦିଚ ଛଅଟି ରାଜ୍ୟରେ ଏଭଳି ସଂକଟ ଦେଖାଦେଇଥିବାର ରିପୋର୍ଟ ପ୍ରକାଶ ପାଇଛି, ସେ ସଂଖ୍ୟା ପ୍ରକୃତରେ ଆହୁରି ଅଧିକ ହୋଇପାରେ। ଓଡ଼ିଶାର ଅନେକ ଏଟିଏମ୍‌ରେ ଟଙ୍କା ନ ଥିବାର ଦେଖାଯାଉଛି ଏବଂ ଆଗରୁ ବି ଏପରି ସଂକଟ ଦେଖାଦେଇଥିବାର ରିପୋର୍ଟ ପ୍ରକାଶ ପାଇଛି। ...

ଘର ନୁହେଁ, ଭଲ ଜେଲ୍‌

ଘର ନୁହେଁ, ଭଲ ଜେଲ୍‌

ଡ. ନିଖିଳାନନ୍ଦ ପାଣିଗ୍ରାହୀ ଦେଖାଯାଏ ଯେ, ଜାପାନର ଜେଲରେ ବହୁସଂଖ୍ୟକ ବୁଢୀ ବନ୍ଦୀ ଭାବେ ଅଛନ୍ତି। ସେମାନଙ୍କ ସଂଖ୍ୟା ଜଣକୁ ନିଶ୍ଚୟ ବିସ୍ମିତ କରିବ, ଦୁଃଖିତ କରିବ ମଧ୍ୟ। କେତେକ ବିଜ୍ଞ ବ୍ୟକ୍ତି ଏହା ଏକ ସମସ୍ୟା ବୋଲି ସନ୍ଦେହ କରି ଏହାର କାରଣ ଜାଣିବାକୁ କୌତୂହଳୀ ହେଲେ। ଅନୁଧ୍ୟାନରୁ ସ୍ପଷ୍ଟ ହେଲା ଯେ, ସେମାନଙ୍କ ମଧ୍ୟରୁ ପ୍ରାୟତଃ ସମସ୍ତେ ଛୋଟ ଛୋଟ ଅପରାଧରେ ଜଡ଼ିତ। ପୁଣି ଜଣେ ଜଣେ ବନ୍ଦିନୀ ବହୁବାର ଏମିତି ଦୋଷ କରିଥିବାରୁ ଜେଲକୁ ଆସୁଛନ୍ତି। ଅଧିକାଂଶ ବୃଦ୍ଧା ଦୋକାନରୁ ଛୋଟ ଜିନିଷ ଚୋରି କରିବା ପରି ସାମାନ୍ୟ ଭୁଲ କାର୍ଯ୍ୟ କରିଥାନ୍ତି। ସେମାନଙ୍କ ମନକଥା ଜାଣିବାକୁ ଚେଷ୍ଟା କରାଯିବା ପରେ ଯାହା ପଦାକୁ ଆସିଲା ତାହା ଥିଲା ମର୍ମସ୍ପର୍ଶୀ। ସେମାନେ ଖୋଲାଖୋଲି ଭାବେ ସ୍ବୀକାର କଲେ ଯେ ସେମାନଙ୍କ ଘର ଦ୍ୱାର ଅଛି। ...

ଦିଶାହୀନ ଶିକ୍ଷା, ଦିଗହରା ଶିକ୍ଷକ

ଦିଶାହୀନ ଶିକ୍ଷା, ଦିଗହରା ଶିକ୍ଷକ

ଅଞ୍ଜନ ଚାନ୍ଦ ବିଦ୍ୟାଳୟ ଏକ କାର୍ଯ୍ୟାଳୟ ନୁହେଁ, ଏକ ମନ୍ଦିର। ଶିକ୍ଷାଦାନ କେବଳ ବୃତ୍ତି ନୁହେଁ, ଗୋଟିଏ ପୂଜା। ଶିକ୍ଷକ ବେତନଭୋଗୀ କର୍ମଚାରୀ ନୁହନ୍ତି, ଏକ ଆଦର୍ଶ। ଛାତ୍ରମାନେ ତାଙ୍କୁ ଅନୁସରଣ କରନ୍ତି। ତାଙ୍କ ପ୍ରଭାବରେ ପ୍ରଭାବିତ ହୁଅନ୍ତି। ଦେଶର ଭବିଷ୍ୟତ ନାଗରିକଙ୍କ ମୂଳଦୁଆ ଶିକ୍ଷକଙ୍କ ଦ୍ୱାରା ହିଁ ଗଠିତ ହୁଏ। ସୁତରାଂ ଶିକ୍ଷକମାନଙ୍କୁ ନିଜର କର୍ତ୍ତବ୍ୟ ଅତ୍ୟନ୍ତ ନିଷ୍ଠାର ସହିତ ପାଳନ କରିବାକୁ ହୁଏ। ସେଥିରେ ବ୍ୟତିକ୍ରମ ହେଲେ ଛାତ୍ରମାନେ କ୍ରମଶଃ ନଷ୍ଟପଥକୁ ଚାଲିଯାଆନ୍ତି। ଶିକ୍ଷାର ଗୁଣାତ୍ମକ ମାନ ହ୍ରାସ ପାଏ। ଛାତ୍ରମାନେ ଅଣାୟତ୍ତ ଓ ଦୁଷ୍ଟ ହୋଇଯାଆନ୍ତି। ସାମ୍ପ୍ରତିକ ସମୟରେ ଯାହା ଅଧିକରୁ ଅଧିକ ଦେଖାଯାଉଛି ଓ ବିଦ୍ୟାଳୟର ପବିତ୍ର ପରିବେଶ କ୍ରମଶଃ ନଷ୍ଟ ହେଉଛି। ...

ଏଇ ଭାରତରେ

ଏଇ ଭାରତରେ

ସାରା ଦେଶରେ ପୋଲିସ ଚରିତ୍ରକୁ ନେଇ ଏକ ଅପବାଦ ରହିଛି। କୁହାଯାଏ ଏମାନଙ୍କ ମଧ୍ୟରୁ ଅଧିକାଂଶ ଲାଞ୍ଚୁଆ। ଏହିଭଳି ଲାଞ୍ଚୁଆ ପୋଲିସ ଅଧିକାରୀ ଓ କର୍ମଚାରୀଙ୍କ ସକାଶେ ସାରା ବିଭାଗ ବଦ୍‌ନାମ। ସେମାନେ କେବଳ ଲାଞ୍ଚୁଆ ନୁହନ୍ତି, ଖାଦ୍ୟଲୋଭୀ ମଧ୍ୟ। ନିକଟରେ ଉତ୍ତରପ୍ରଦେଶର ଜଣେ ଦାରୋଗା ଏବଂ କନଷ୍ଟେବଳଙ୍କ ବିରୋଧରେ ଏ ପ୍ରକାର ଅଭିଯୋଗ ଆସିଛି। ଏତଲା କପି ଦେବା ସକାଶେ ସେମାନେ ଅଭିଯୋଗକାରୀଙ୍କୁ ଖାଦ୍ୟର ଲମ୍ବା ତାଲିକା ଧରାଇବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଘଟଣାଟି ଘଟିଛି ହସନଗଞ୍ଜ ଥାନାରେ। ଜଣେ ଯୁବକ ନିଜକୁ ଆଇପିଏସ୍‌ ଅଧିକାରୀଙ୍କ ପୁଅ ବୋଲି ପରିଚୟ ଦେଇ ସ୍ଥାନୀୟ ଏକ ରେଷ୍ଟୁରାଣ୍ଟର ମାଲିକ ରୋହିତ ବେରୀଙ୍କୁ ଠକିଥିଲେ। ଚଞ୍ଚକତା କରି ପ୍ରାୟ ୨୦ ହଜାର ଟଙ୍କାର ଖାଦ୍ୟ ବିଲ୍‌ ଦେଇ ନ ଥିଲେ। ଏ ସମ୍ପର୍କରେ ରୋହିତ ଏତଲା ପାଇଁ ପହଞ୍ଚିଲେ ହସନଗଞ୍ଜ ଥାନାରେ। ଥାନାବାବୁ କିନ୍ତୁ ଏତଲା ରଖିଲେ ନାହିଁ।...

ଲୋକଙ୍କ ଆଇନ ତିଆରି କ୍ଷମତା

ଲୋକଙ୍କ ଆଇନ ତିଆରି କ୍ଷମତା

ପରିବେଶ ପରିଚିନ୍ତା/ ମାନେକା ଗାନ୍ଧୀ କାଲିଫର୍ନିଆରେ ଅଛି ଏକ କୌତୂହଳପ୍ରଦ ରାଜନୈତିକ ବ୍ୟବସ୍ଥା। ଏହା ବ୍ୟକ୍ତିବିଶେଷ ତଥା ସଂଗଠନଗୁଡ଼ିକୁ ରାଜନେତାମାନଙ୍କୁ ବାଇପାସ୍‌ କରି ସାଧାରଣ ଲୋକଙ୍କ ଭୋଟ୍‌ ମାଧ୍ୟମରେ ସିଧାସଳଖ ଆଇନ ତିଆରି କରିବାକୁ ଅନୁମତି ଦେଇଛି। ତେବେ ଏଥିପାଇଁ ସେମାନଙ୍କୁ ସଂଖ୍ୟାଧିକ ଲୋକଙ୍କ ସ୍ବାକ୍ଷରସମ୍ବଳିତ ସମର୍ଥନ ହାସଲ କରିବାକୁ ପଡ଼ିଥାଏ। ମୋତେ ଏ ବ୍ୟବସ୍ଥା ଖୁବ୍‌ ଭଲ ଲାଗୁଛି। କାରଣ ଭାରତରେ ଆମକୁ ରାଜନେତାମାନଙ୍କ ଦୟା ଉପରେ ନିର୍ଭର କରିବାକୁ ପଡ଼ିଥାଏ, ଯେଉଁମାନେ ସାଧାରଣ ଲୋକଙ୍କ ସ୍ବାର୍ଥ ଲାଗି କ୍ୱଚିତ୍‌ କିଛି କରିଥାନ୍ତି। ସେମାନେ ମଧ୍ୟ ଜନସାଧାରଣଙ୍କୁ ପ୍ରତିକୂଳଭାବେ ପ୍ରଭାବିତ କରୁଥିବା ପ୍ରସଙ୍ଗଗୁଡ଼ିକ ଉପରେ ପ୍ରାୟତଃ ଚିନ୍ତା କରି ନ ଥାନ୍ତି କି ସେଗୁଡ଼ିକର ସଂଶୋଧନ କରି ନ ଥାନ୍ତି। ତା’ ବଦଳରେ ସେମାନେ ବଡ଼ ବଡ଼ ଯୋଜନା ପ୍ରଣୟନ କରିଥାନ୍ତି, ଯାହାକୁ ଠିକ୍‌ଭାବେ କାର୍ଯ୍ୟକାରୀ କରାଯାଏ ନାହିଁ। ଉଦାହରଣସ୍ବରୂପ- ନଦୀ ସଂଯୋଗୀକରଣ, ମନ୍‌ରେଗା, ଶିଶୁମାନଙ୍କୁ ଖାଦ୍ୟ ଯୋଗାଣ, ବିନା ଯାଞ୍ଚରେ ଆଦିବାସୀମାନଙ୍କୁ ଜଙ୍ଗଲ ଜମି ଯୋଗାଣ ଇତ୍ୟାଦି। ଖାଦ୍ୟ ଯୋଗାଣ ସତ୍ତ୍ୱେ ବହୁ ଶିଶୁ ଅପପୁଷ୍ଟିର ...

 ଜୀବନର ଅପଚୟ

ଜୀବନର ଅପଚୟ

ଡ. ସୁବାସ ଚନ୍ଦ୍ର ପାତ୍ର ଅପଚୟ ପ୍ରସଙ୍ଗ ପଡ଼ିଲେ ମନକୁ ଆସେ ଅର୍ଥ ଓ ସମୟର କଥା, ସତେ ଯେପରି ଏ ଦୁଇଟି କ୍ଷେତ୍ର ଛଡ଼ା ଆଉ କେଉଁଠି ଅପଚୟ ସେପରି କ୍ଷତିକାରକ ନୁହେଁ! ତେବେ ଅପଚୟ ଏକ ଆପେକ୍ଷିକ ମାନସିକତା। ଜଣଙ୍କ ପାଇଁ ଯାହା ସଞ୍ଚୟ, ଅନ୍ୟ ପାଇଁ ତାହା ଅପଚୟ; ଜଣଙ୍କ ପାଇଁ ଯାହା ମୂଲ୍ୟବାନ, ସଂରକ୍ଷଣ ଯୋଗ୍ୟ ଅନ୍ୟଜଣଙ୍କ ପାଇଁ ତାହା ଅଲୋଡ଼ା; ଜଣଙ୍କ ପାଇଁ ଯାହା ଅଧ୍ୟବସାୟର କଥା, ଏକ ମହତ୍‌ କାମ ଅନ୍ୟ ଜଣଙ୍କ ପାଇଁ ତାହା ‘ଅକାମ’, ଦୃଷ୍ଟିଯୋଗ୍ୟ ବି ନୁହେଁ। ବନ୍ଧୁତ୍ୱ ପାଇଁ କେତେ କଥା କୁହାଯାଏ, କେତେ କବିତା ଓ କଥା ସାହିତ୍ୟ ଲେଖାଯାଇଛି। ଇଂଲିଶ ଔପନ୍ୟାସିକ ଇ.ଏମ୍‌. ଫଷ୍ଟର ...

ନିଜକୁ ସୁଧାର

ନିଜକୁ ସୁଧାର

ସୌମ୍ୟା ପରିଡ଼ା ଅଧିକାଂଶ ଛୋଟବଡ଼ ସରକାରୀ ଓ ବେସରକାରୀ କାମ ପାଇଁ ପାସ୍‌ପୋର୍ଟ ଫଟୋ ଦରକାର ହୁଏ। ଆମ ଭିତରୁ ବହୁ ଲୋକ ଦରକାର ବେଳେ ହିଁ ଫଟୋ ଷ୍ଟୁଡିଓକୁ ଦଉଡ଼ନ୍ତି। ଆଉ ଷ୍ଟୁଡ଼ିଓବାଲା ବି ଆମଠୁ ଅଲଗା ଅଲଗା ଟଙ୍କା ନିଅନ୍ତି। ସାଙ୍ଗେସାଙ୍ଗେ ନେଲେ ଏତେ, ୪ ଘଣ୍ଟା ପରେ ନେଲେ ଏତେ, ଗୋଟାଏ ଦିନ ପରେ ନେଲେ ଏତେ। ଆଜିକାଲି ତ ଡିଜିଟାଲ୍‌ ପ୍ରିଣ୍ଟ୍‌, ସାଙ୍ଗେସାଙ୍ଗେ କାମ ହେବା କଥା। ହେଲେ ଆମ ଅସୁବିଧାର ସୁଯୋଗ ନିଅନ୍ତି ଫଟୋ ଷ୍ଟୁଡିଓବାଲା। ପୁଣି ଯଦି ଫଟୋର ସଫ୍‌ଟ କପି ମାଗିଲ, ତେବେ ତା’ ପାଇଁ ପୁଣି ଅଧିକ ଟଙ୍କା। କେବଳ ଫଟୋ ଷ୍ଟୁଡ଼ିଓବାଲା ନୁହେଁ ବରଂ ନିତିଦିନିଆ ଜୀବନରେ ଆପଣ ଏମିତି ଅନେକ କଥାର ସମ୍ମୁଖୀନ ହୁଅନ୍ତି। ଯେମିତି ପାଣି ବଟଲ୍‌ଟା ୧୨ରୁ ୨୦ ଟଙ୍କା ଭିତରେ ମିଳେ। ହେଲେ ସେହି ସମାନ ପାଣି ବଟଲ୍‌ଟା ବଡ଼ ହୋଟେଲରେ ଆଉ ଫିଲ୍ମ ହଲ୍‌ରେ ୭୦-୮୦ ଟଙ୍କା ଭିତରେ ମିଳେ। ୩୦ ଟଙ୍କିଆ ଜୁସ୍‌ଟା ଶହେ-ଦେଢ଼ଶହ ଟଙ୍କାରେ ମିଳେ, ଯେତେବେଳେ ଆପଣ ବିମାନଯାତ୍ରା କରନ୍ତି। ହେଲେ ଏସବୁର ଆମେ କେବେ ବିରୋଧ କରୁନା। ଏସବୁ ଆମ ନଜରରେ ଦୁର୍ନୀତି ନୁହେଁ। ଠିକ୍‌୍‌ ସେମିତି ସରକାରୀ, ବେସରକାରୀ କାମ ପାଇଁ ଅନେକ ଲୋକ ହାତଗୁଞ୍ଜା ଦିଅନ୍ତି। ଆଉ କିଛି ଲୋକ ସଚ୍ଚୋଟ ...

ଏଇ ଭାରତରେ

ଏଇ ଭାରତରେ

ମଣିଷ କିମ୍ବା ପଶୁଙ୍କୁ ରୋଗ ହେଲେ ତାହାର ଉପଶମ ପାଇଁ ସାଲାଇନ୍‌ ଏବଂ ଔଷଧ ଦିଆଯାଇଥାଏ। କିନ୍ତୁ ଗଛର ଡାଳ ସଂକ୍ରମିତ ହେଲେ ସେଥିରେ ସାଲାଇନ୍‌ ଲଗାଯିବା କଥା ଶୁଣିଲେ ଆଶ୍ଚର୍ଯ୍ୟ ଲାଗୁଥିବ, ଯାହା ତେଲେଙ୍ଗାନାର ମେହବୁବ୍‌ ନଗରଠାରେ ଦେଖିବାକୁ ମିଳିଛି। ମଣିଷ ଭଳି ଗଛର ସେବା କରାଯିବା ପରିବେଶ ପାଇଁ ନୂଆ ବାର୍ତ୍ତା ଦେଇଛି। ଏଠାକାର ଏକ ବରଗଛ ‘ପିଲାଲା ମାରି’ ନାମରେ ଜଣାଶୁଣା। ଏହା ୭୦୦ ବର୍ଷର ପୁରୁଣା ହୋଇଥିବା ବେଳେ ୩ ଏକର ଜମି ଉପରେ କାୟା ବିସ୍ତାର କରିଛି। ଏହାର ଗୋଟିଏ ଡାଳ ରୋଗପୋକ ଦ୍ୱାରା ସଂକ୍ରମିତ ହୋଇଥିଲା। ...

ସମ୍ପାଦକୀୟ/ ନିମ୍ନମୁଖୀ ମାନସିକତା

ସମ୍ପାଦକୀୟ/ ନିମ୍ନମୁଖୀ ମାନସିକତା

ଆଧାର କାର୍ଡ ପାଇଁ ବାୟୋମେଟ୍ରିକ ସଂଗ୍ରହ କରି ବ୍ୟକ୍ତିର ଅନ୍ତରଙ୍ଗ ଗୋପନୀୟତା (ପ୍ରିଭେସି) ସମ୍ପର୍କରେ କେନ୍ଦ୍ର ସରକାର ତଥ୍ୟ ହାସଲ କରୁଛନ୍ତି। ଏହିସବୁ ତଥ୍ୟ ଗୋପନ ରହିବ ବୋଲି ସରକାର ଏବଂ ଭାରତୀୟ ଏକକ ପରିଚୟପତ୍ର କର୍ତ୍ତୃପକ୍ଷ (ୟୁଆଇଡିଏଆଇ) ବାରମ୍ବାର କହୁଥିଲେ ମଧ୍ୟ ବିଭିନ୍ନ ମାର୍ଗରେ ଏହା ପ୍ରଘଟ ହୋଇ ଯାଉଥିବା ଦେଖିବାକୁ ମିଳୁଛି। ସାଧାରଣ ଭାରତୀୟ ନାଗରିକ ଅନ୍ତରଙ୍ଗ ତଥ୍ୟର ଆର୍ଥିକ ଗୁରୁତ୍ୱକୁ ବୁଝିପାରୁ ନ ଥିବାରୁ, ଏପର୍ଯ୍ୟନ୍ତ ସେହି ସମ୍ପର୍କରେ ଗୁରୁତ୍ୱପୂର୍ଣ୍ଣ ଆଲୋଚନା ଆରମ୍ଭ ହୋଇନାହିଁ। ଏଭଳି ପରିସ୍ଥିତିରେ ସରକାର ବ୍ୟକ୍ତିର ପସନ୍ଦ ଅପସନ୍ଦ ଜାଣିବା ସକାଶେ ଆଉ ଏକ ଚାଲାକି କରିବାକୁ ଯାଉଛନ୍ତି। ଘରର ଚାରିକାନ୍ଥ ଭିତରେ ବସି ବ୍ୟକ୍ତି ଟେଲିଭିଜନରେ କେଉଁ ଚାନେଲ ଉପଭୋଗ କରୁଛି ତା’ର ତଥ୍ୟ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ସଂଗ୍ରହ କରିବ। ଏଥିପାଇଁ ଟେଲିଭିଜନ ସେଟ୍‌ଅପ୍‌ ବକ୍ସରେ ଚିପ୍‌ (ଏକ କ୍ଷୁଦ୍ର ଯନ୍ତ୍ର) ଖଞ୍ଜିବାକୁ ମନ୍ତ୍ରଣାଳୟ ପ୍ରସ୍ତୁତ ହେଉଛି।...

ଦଳିତ ରାଜନୀତି

ଦଳିତ ରାଜନୀତି

ଅରୁଣ କୁମାର ପଣ୍ଡା ଦଳିତ ଅତ୍ୟାଚାର ସମ୍ପର୍କିତ ଆଇନର ଦୁରୁପଯୋଗ ବିରୋଧରେ ଆଗତ ଏକ ପିଟିଶନର ବିଚାର କରି ସୁପ୍ରିମ୍‌କୋର୍ଟ କହିଛନ୍ତି ଯେ, ଜଣେ ଡିଏସ୍‌ପିସ୍ତରୀୟ ପୋଲିସ ତଦନ୍ତ କରି ଆଗତ ଅଭିଯୋଗର ସତ୍ୟାସତ୍ୟ ସମ୍ପର୍କରେ ତିନିଦିନ ଭିତରେ ରିପୋର୍ଟ ଦେବା ପରେ ହିଁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ। ଏଫ୍‌ଆଇଆର୍‌ ପଞ୍ଜୀକରଣରେ ଏବଂ ଗିରଫଦାରିରେ ବିଳମ୍ବ ହେଲେ ଏସ୍‌ସି/ଏସ୍‌ଟିଙ୍କ ସୁରକ୍ଷା ପାଇଁ ଅଭିପ୍ରେତ ଏହି ଆଇନର ଠିକ୍‌ କାର୍ଯ୍ୟକାରିତା ହେବନାହିଁ ବୋଲି କେନ୍ଦ୍ର ସରକାର ପୁନର୍ବିଚାର ଯାଚିକାରେ ଉଲ୍ଲେଖ କରଛନ୍ତି। ଏହି କାନୁନକୁ କୋହଳ କରାଗଲେ ଅନୁସୂଚିତ ଜାତି ଓ ଜନଜାତିଙ୍କ ଉପରେ ଅତ୍ୟାଚାର ବଢିବ ଏବଂ ଆଇନ ପ୍ରତି ଅପରାଧୀଙ୍କ ଭୟ ରହିବ ନାହିଁ ବୋଲି ଏଥିରେ ଯୁକ୍ତି କରାଯାଇଛି। କେନ୍ଦ୍ର ସରକାରଙ୍କ ଆଇନମନ୍ତ୍ରୀ ରବିଶଙ୍କର ପ୍ରସାଦ ଏବଂ ସାମାଜିକ ନ୍ୟାୟ ମନ୍ତ୍ରୀ ଥାଓ୍ବାର ଚାନ୍ଦ ଗେହଲଟଙ୍କ ସହ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ବିସ୍ତୃତ ଆଲୋଚନା ପରେ ସର୍ବୋଚ୍ଚ ନ୍ୟାୟାଳୟରେ ପୁନର୍ବିଚାର ଯାଚିକା ଦାଖଲ କରାଯାଇଥିବା କୁହାଯାଉଛି। ସୁପ୍ରିମ୍‌କୋର୍ଟ ମଧ୍ୟ ଏହି ଯାଚିକାକୁ ବିଚାର ପାଇଁ ଗ୍ରହଣ କରିଛନ୍ତି।...

ବିଶ୍ୱ ଐତିହ୍ୟ ସ୍ଥଳ

ବିଶ୍ୱ ଐତିହ୍ୟ ସ୍ଥଳ

ଇଂ. ମାୟାଧର ସ୍ବାଇଁ ବିଶ୍ୱର ପ୍ରାୟ ପ୍ରତ୍ୟେକ ଦେଶରେ ଅନେକ ପ୍ରାଚୀନ କୀର୍ତ୍ତି ଓ ସୌନ୍ଦର୍ଯ୍ୟଭରା ସ୍ଥଳ ଅଛି। ମିଳିତ ଜାତିସଂଘର ଶିକ୍ଷା, ବିଜ୍ଞାନ ଓ ସାଂସ୍କୃତିକ ସଂସ୍ଥା ୟୁନେସ୍କୋ ଏଗୁଡିକ ମଧ୍ୟରୁ ବାଛି ବାଛି ସାଂସ୍କୃତିକ ଓ ଗୁରୁତ୍ୱପୂର୍ଣ୍ଣ ଦୃଷ୍ଟିରୁ କେତୋଟିକୁ ବିଶ୍ୱ ଐତିହ୍ୟ ସ୍ଥଳର ମାନ୍ୟତା ଦେଇଛି ଏବଂ ଏଗୁଡିକର ସଂରକ୍ଷଣ ପାଇଁ ବିଭିନ୍ନ ପଦକ୍ଷେପ ନେଇଛି। ଏଗୁଡିକ ମଧ୍ୟରେ ଜଙ୍ଗଲ, ପର୍ବତ, ହ୍ରଦ, ଦ୍ୱୀପ, ମରୁଭୂମି, ପ୍ରାଚୀନ କୀର୍ତ୍ତି, କୋଠା ଏବଂ ସହର ଆଦି ଅଛି। ୟୁନେସ୍କୋର ସାଧାରଣ ପରିଷଦ ଦ୍ୱାରା ନିର୍ବାଚିତ ୨୧ ସଦସ୍ୟ ରାଷ୍ଟ୍ରକୁ ନେଇ ବିଶ୍ୱ ଐତିହ୍ୟ କମିଟି ଗଠନ କରାଯାଇଛି ଏବଂ ଏହି କମିଟି ପ୍ରତିବର୍ଷ ନୂଆ ନୂଆ ଐତିହ୍ୟ ସ୍ଥଳକୁ ତାଲିକାରେ ଯୋଗ କରୁଛି। ସାଧାରଣତଃ ପ୍ରାଚୀନ କୀର୍ତ୍ତିଗୁଡିକ ପୁରାତନ କାରିଗରି ବିଦ୍ୟା ଅନୁଯାୟୀ ନିର୍ମିତ ହୋଇଛି। ସମୟର ସ୍ରୋତ ସହିତ ଏଗୁଡିକ ମଧ୍ୟରୁ ଅନେକ ଭାଙ୍ଗିରୁଜି ଗଲାଣି। ଅନେକ ଦେଶ ପାଖରେ ଏହାର ରକ୍ଷଣାବେକ୍ଷଣ ଓ ସଂରକ୍ଷଣ ପାଇଁ କାରିଗରି ଜ୍ଞାନ କିମ୍ବା ଅର୍ଥ ନାହିଁ। ପୁନଶ୍ଚ ଅନେକ ଦେଶରେ ଏଥିପ୍ରତି ମନୋବୃତ୍ତିର ଅଭାବ ଅଛି। ଏଣୁ ଅବକ୍ଷୟିଷ୍ଣୁ ଏହି କୀର୍ତ୍ତିରାଜିର ରକ୍ଷଣାବେକ୍ଷଣ ନିହାତି ଆବଶ୍ୟକ। ଏଥିପାଇଁ ୟୁନେସ୍କୋ ଆଗେଇ ଆସିଛି। ଏହା କାରିଗରି ବିଦ୍ୟା ସାଙ୍ଗକୁ ଆବଶ୍ୟକ କ୍ଷେତ୍ରରେ ଅର୍ଥ ବ୍ୟବସ୍ଥା ମଧ୍ୟ କରୁଛି। କେବଳ କୀର୍ତ୍ତିରାଜି ନୁହେଁ, ସଭ୍ୟତାର ବିକାଶ ସହ ଅନେକ ପ୍ରାକୃତିକ ଐତିହ୍ୟ ସ୍ଥଳ ତାହାର ବିଶେଷତା ହରାଇଲାଣି। କଳକାରଖାନା, ଜଳବିଦ୍ୟୁତ୍‌ କେନ୍ଦ୍ର, ରାସ୍ତା ଆଦି ନିର୍ମାଣ ଯୋଗୁ ଜଙ୍ଗଲ ପରିବେଷ୍ଟିତ ସୌନ୍ଦର୍ଯ୍ୟଭରା ଅନେକ ପ୍ରାକୃତିକ ଐତିହ୍ୟ ସ୍ଥଳ ଏହାର ପୂର୍ବ ଶୋଭା ହରାଇବାକୁ ବସିଲାଣି। ...

ଏଇ ଭାରତରେ

ଏଇ ଭାରତରେ

ବିବାହ ବେଦିକୁ ଆସିବା ପୂର୍ବରୁ କନ୍ୟା ଫେରାର ହେବାର ନଜିର ଅନେକ ରହିଛି। ସେହିପରି ବର ଫେରିଯିବା କାରଣରୁ ମଙ୍ଗୁଳା କନ୍ୟା ବାହା ହୋଇ ନ ପାରି ରହିଯିବା ଭଳି ଘଟଣା ଘଟୁଛି। କିନ୍ତୁ ବାହାହୋଇ ନୂଆକରି ଘରକୁ ଆସୁଥିବା ବୋହୂ ୫ ଦିନ ନ ପୂରୁଣୁ ଲୁଟେରା ସାଜିବା ଭଳି ଘଟଣା ଘଟିଛି ଗୁଜରାଟ ରାଜ୍ୟର ଶାମିଲ ଜିଲା କୋତଓ୍ବାଲୀ ଅଞ୍ଚଳରେ। ନୂଆବୋହୂ ଜଣକ ପ୍ରାୟ ଅଢେଇ ଲକ୍ଷ ଟଙ୍କାର ସୁନା ଗହଣା ଓ ନଗଦ ୫୦ ହଜାର ଟଙ୍କା ଧରି ବିବାହର ମଧ୍ୟସ୍ଥ ଥିବା ବ୍ୟକ୍ତିଙ୍କ ସହ ଫେରାର ହୋଇଯାଇଛନ୍ତି। ଏହି ଅଞ୍ଚଳର ଆର୍ଯ୍ୟପୁରୀ ମୋହଲାରେ ରହୁଥିବା ରାକେଶ କୁମାର ଚଳିତ ମାସ ୧୦ ତାରିଖରେ ହରଦ୍ୱାରର ଜଣେ ଯୁବତୀଙ୍କୁ ବିବାହ କରିଥିଲେ। ରାକେଶଙ୍କର ଜଣେ ପରିଚିତ ବ୍ୟକ୍ତି ବିଶାଲ ଏହି ବିବାହର ମଧ୍ୟସ୍ଥ ଥିଲେ। ହିନ୍ଦୁ ରୀତିନୀତିରେ ବିବାହ ଖୁବ୍‌ ଧୁମ୍‌ଧାମ୍‌ରେ ହୋଇଥିଲା।...