ବରଗଡ଼,୫ା୧୦(ପ୍ରେମାନନ୍ଦ ଖମାରୀ): ବରଗଡ଼ର ଅଧିଷ୍ଠାତ୍ରୀ ଗ୍ରାମ୍ୟଦେବୀ ମା’ ସମଲେଶ୍ୱରୀ ମନ୍ଦିର ପରିସରରେ ରହିଥିବା ଦାନବାକ୍ସ(ହୁଣ୍ଡି)କୁ ବର୍ଷକ ପରେ ରବିବାର ସନ୍ଧ୍ୟାରେ ଖୋଲାଯାଇଥିଲା। ରାତି ପ୍ରାୟ ୯ଟା ୩୦ମିନିଟ୍ ପର୍ଯ୍ୟନ୍ତ ଦାନବାକ୍ସରୁ ମିଳିଥିବା ଭକ୍ତଙ୍କ ଦାନ ରାଶି ଗଣତି ଚାଲିଥିଲା। ତେବେ ଗଣତି ସରିବା ପରେ ଦାନବାକ୍ସରୁ ସମୁଦାୟ ୫ଲକ୍ଷ ୪୨ହଜାର ୨୦୦ ଟଙ୍କା ମିଳିଥିବା ଜଣାପଡ଼ିଥିଲା। ଏହି ଦାନରାଶିକୁ ସମଲେଶ୍ୱରୀ ମନ୍ଦିର ପରିଚାଳନା କମିଟିର ଆକାଉଣ୍ଟରେ ଜମା କରାଯିବ। ଗଣତି ସମୟରେ ସମଲେଶ୍ୱରୀ ମନ୍ଦିର ପରିଚାଳନା କମିଟିର କର୍ମକର୍ତ୍ତା ଏବଂ ସଭ୍ୟବୃନ୍ଦ ଉପସ୍ଥିତ ଥିଲେ।


