ସରିନି କମଳାଙ୍କ ଜୀବନ ଯୁଦ୍ଧ: ୨୧ବର୍ଷ ପରେ ଫେରିଲେ ପୁଅ

କାମାକ୍ଷାନଗର, ୨୦।୫(ଡି.ଏନ୍‌.ଏ.)   କୁହାଯାଏ ନାରୀ ସର୍ବସଂହା। ଦୁନିଆର ଯେତେ ଦୁଃଖକୁ ସେ ହସି ହସି ସହିଯାଇପାରେ। ଏହାର ଜ୍ୱଳନ୍ତ ଉଦାହରଣ ହେଉଛନ୍ତି କାମାକ୍ଷାନଗର ଏନ୍‌ଏସି ୮ନଂ. ଓ୍ବାର୍ଡରେ ରହୁଥିବା କମଳା ରାଉଳ। ୨୧ବର୍ଷ ତଳେ ଚାକିରି ଖୋଜିବାକୁ ଯାଇ ନିଖୋଜ ହୋଇଗଲେ କମଳାଙ୍କ ମଝିଆ ପୁଅ। ୧୫ବର୍ଷ ତଳେ ରୋଜଗାର ଆଶାରେ ଘରୁ ଗୋଡ଼ କାଢ଼ିଥିବା ସାନ ପୁଅର ବି ପତ୍ତା ମିଳୁନି। ୧୦ବର୍ଷ ହେଲା ସ୍ବାମୀ ଆରପାରିରେ। ଏପଟେ ବେକରେ ବନ୍ଧା ହୋଇଛନ୍ତି ମାନସିକ ଅନଗ୍ରସର ଝିଅ। ଏଠାରେ ପ୍ରଶ୍ନ ଉଠିବା ସ୍ବାଭାବିକ, ସତରେ କ’ଣ ସମୟ ଜଣଙ୍କ ପ୍ରତି ଏତେ ନିଷ୍ଠୁର ହୋଇପାରେ। ହେଲେ ଏବେ ଭାଗ୍ୟ କଡ଼ ଲେଉଟାଇଛି। ଘରକୁ ଫେରି ଆସିଛନ୍ତି ମେଧାବୀ ମଝିଆ ପୁଅ। ଏହାପରେ ଅସଜଡ଼ା ଘର ପୁଣି ଥରେ ସଜାଡ଼ି ହୋଇଯିବ, ସେହି ଆଶା ଉଙ୍କିମାରିଛି କମଳାଙ୍କ ମନରେ।
ଜୀବନ ଯୁଦ୍ଧରେ କମଳାଙ୍କୁ ଦେବାକୁ ପଡ଼ିଛି ବାରମ୍ବାର ପରୀକ୍ଷା। ଅନେକ ଥର ତାଙ୍କ ଧୈର୍ଯ୍ୟର ପରୀକ୍ଷା ନେଇଛି ସମୟ। ୧୯୯୯ ମହାବାତ୍ୟା ଓଡ଼ିଶାକୁ ଦୋହଲାଇ ଦେଇଥିବାବେଳେ କମଳାଙ୍କ ଜୀବନରେ ମଧ୍ୟ ସୃଷ୍ଟି ହୋଇଥିଲା ଝଡ଼। ମେଧାବୀ ମଝିଆ ପୁଅ ରଞ୍ଜନ ଯୁକ୍ତ ୨ ବିଜ୍ଞାନରେ ପାସ୍‌ କରିବା ପରେ ଚାକିରି ଅନ୍ବେଷଣରେ ରାଜ୍ୟ ବାହାରକୁ ଚାଲିଯାଇଥିଲେ। ଏହାପରେ ତାଙ୍କର କୌଣସି ଖୋଜ୍‌ ଖବର ମିଳିଲାନାହିଁ। ସେତିକିରେ ମଧ୍ୟ ସରି ନ ଥିଲା ଦୁଃଖ। ଏହା ପରେ କମଳାଙ୍କ ସାନପୁଅ ମଧ୍ୟ କେଉଁଆଡେ ଚାଲିଗଲେ। ଏଯାଏ ତାଙ୍କର ପତ୍ତା ମିଳୁନାହିଁ। ଏସବୁ ଭିତରେ ଆହୁରି ଦାରୁଣ ହେଲା ଭାଗ୍ୟ। ୧୦ବର୍ଷ ତଳେ ସ୍ବାମୀ ଗୌରାଙ୍ଗ ରାଉଳଙ୍କୁ ହରାଇଲେ କମଳା। ଗୌରାଙ୍ଗଙ୍କ ଆକସ୍ମିକ ମୃତ୍ୟୁ ପରେ ଦୋହଲିଗଲା ସମ୍ପୂର୍ଣ୍ଣ ପରିବାର। କମଳାଙ୍କ ବେକରେ ବାନ୍ଧି ହୋଇଥିଲେ ମାନସିକ ଅନଗ୍ରସର ସାନ ଝିଅ। ଏତେ ସବୁ ପ୍ରତିକୂଳ ପରିସ୍ଥିତି ସତ୍ତ୍ୱେ ଅଣ୍ଟାରେ ପଣତ ବାନ୍ଧି ଘର ସଜାଡ଼ିବା ଆରମ୍ଭ କଲେ ସେ। ରବିବାର ହଠାତ୍‌ ରଞ୍ଜନ ଘରେ ଆସି ପହଞ୍ଚତ୍ବା ପରେ ନିଜ ଆଖିକୁ ବିଶ୍ୱାସ କରିପାରି ନ ଥିଲେ କମଳା। ଖୁସିରେ ଆତ୍ମହରା ହୋଇ ସେ କହୁଥିଲେ କେବଳ ଗୋଟିଏ କଥା ‘ସବୁ ଭଗବାନଙ୍କ ଲୀଳା’। ‘୨୧ବର୍ଷ ହେଲା ପୁଅ ବାଟକୁ ଚାହିଁ ରହିଥିଲି। ମନ କହୁଥିଲା କେବେ ନା କେବେ ପୁଅ ଫେରିବ। ଠାକୁରଙ୍କ ପାଖରେ ସବୁଦିନ ଗୁହାରି କରୁଥିଲି। ଶେଷରେ ଠାକୁର ଡାକ ଶୁଣିଛନ୍ତି। ପୁଅ ଘରକୁ ଫେରି ଆସିଛି। ସାନପୁଅ ମଧ୍ୟ ଦିନେ ଫେରିବ, ସେହି ଆଶାରେ ବଞ୍ଚତ୍ଛି ବୋଲି ଲୁହ ଛଳ ଛଳ ଆଖିରେ କହିଛନ୍ତି କମଳା। ଉଲ୍ଲେଖଯୋଗ୍ୟ, ରଞ୍ଜନଙ୍କ ବଡ଼ଭାଇ, ବଡ଼ ଭଉଣୀଙ୍କ ବିବାହ ଶେଷ ହୋଇଛି। ସେମାନେ ଖୁସିରେ ଘରସଂସାର କରି ରହିଛନ୍ତି। ଏବେ ରଞ୍ଜନଙ୍କ ଫେରିବା ପରେ ପରିବାରରେ ଖୁସି ହିଁ ଖୁସି।
ରଞ୍ଜନଙ୍କୁ ଉଦ୍ଧାର କରିଥିବା ମହାରାଷ୍ଟ୍ରସ୍ଥିତ ଶ୍ରଦ୍ଧା ରିହାବିଲିଟେଶନ ଫାଉଣ୍ଡେଶନର ସାମାଜିକ କର୍ମୀ ବାସ ବରାଜ, ଅଜୟ ଭାଡି, ଅଜୟ ରାନସୁଙ୍କ କହିବା କଥା, ଚାକିରି ଅନ୍ବେଷଣରେ ରଞ୍ଜନ ମହାରାଷ୍ଟ୍ର ଯାଇଥିବାବେଳେ କୌଣସି କାରଣରୁ ମାନସିକ ଭାରସାମ୍ୟ ହରାଇ ବସିଥିଲେ। ରାସ୍ତାରେ ବୁଲୁଥିବାବେଳେ ଭାୟଗଡ଼ ଜିଲାରୁ ତାଙ୍କୁ ଉଦ୍ଧାର କରିଥିଲେ ସଂସ୍ଥାର ସ୍ବେଚ୍ଛାସେବୀ। ଦୀର୍ଘ ୮ବର୍ଷ ଧରି ତାଙ୍କର ଚିକିତ୍ସା ଚାଲିଲା। ଧୀରେ ଧୀରେ ରଞ୍ଜନ ସୁସ୍ଥ ହେବାକୁ ଲାଗିଲେ। ତାଙ୍କର ସ୍ମୃତି ଶକ୍ତି ଫେରିଲା। ସେ ନିଜର ଘର ଠିକଣା ଓ ପରିଚୟ ଦେବା ପରେ ରବିବାର ତାଙ୍କୁ ଧରି କାମାକ୍ଷାନଗର ଆସିଥିବା ସେମାନେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କପି କରୁଥିଲେ ପରୀକ୍ଷାର୍ଥୀ: ମାଡ଼ି ବସିଲେ ସ୍କ୍ବାର୍ଡ

ପାଟଣା,୧୯।୩(ବୀର କିଶୋର ଦାଶ): ଧରଣୀ ଧର ବିଶ୍ୱବିଦ୍ୟାଳୟ ଦ୍ୱାରା ପରିଚାଳିତ ଯୁକ୍ତ ୩ ବିଜ୍ଞାନ ଏବଂ କଳା ପ୍ରଥମ ବର୍ଷ ଛାତ୍ରୀଛାତ୍ରଙ୍କ ପରୀକ୍ଷା ମଙ୍ଗଳବାରଠାରୁ ଆରମ୍ଭ...

ବ୍ଲାକରୋଜ ଜାହାଜ ବୁଡ଼ି ମାମଲା; ହାଇକୋର୍ଟରେ ସିବିଆଇର୍ ସତ୍ୟପାଠ ଦାଖଲ

କଟକ,୧୯।୩ (କାର୍ତ୍ତିକ ସାହୁ) ବ୍ଲାରୋଜ ଜାହାଜ ବୁଡ଼ି ଘଟଣାର ସିବିଆଇ ତଦନ୍ତ ଦାବି ନେଇ ରୁଜୁ ମାମଲାରେ ସିବିଆଇ ପକ୍ଷରୁ ହାଇକୋର୍ଟରେ ମଙ୍ଗଳବାର ସତ୍ୟପାଠ ଦାଖଲ...

ଦୁଇ ବନ କର୍ମଚାରୀଙ୍କୁ ବାଜିଥିଲା ଗୁଳି : ଏସସିବି ସର୍ଜରୀ ବିଭାଗରେ ଭର୍ତ୍ତି

କଟକ,୧୯।୩(ଶିଳ୍ପା ପ୍ରିୟଦର୍ଶିନୀ): ଏସ୍‌ସିବି ମେଡିକାଲରେ ଗୁରୁତର ହୋଇ ଭର୍ତ୍ତି ହେଲେ ବାଲେଶ୍ୱର ଜିଲାର ଦୁଇ ବନ କର୍ମଚାରୀ । ସୋମବାର ବିଳମ୍ବିତ ରାତିରେ ପଞ୍ଚଲିଙ୍ଗେଶର ଅଭୟାରଣ୍ୟରେ...

ପରୀକ୍ଷା ଦେବାକୁ ଯାଉଥିଲେ ୨ ଛାତ୍ର: ଧକ୍କା ଦେଲା ଅଜଣା ଗାଡ଼ି, ଚାଲିଗଲା ଜୀବନ

ପାପଡ଼ାହାଣ୍ଡି,୧୯।୩(ସ୍ବପ୍ନଜିତ ପଟ୍ଟନାୟକ): ନବରଙ୍ଗପୁର ଜିଲା ପାପଡ଼ାହାଣ୍ଡି-ନବରଙ୍ଗପୁର ରାସ୍ତା ମୃଗବିହାର ନିକଟରେ ମଙ୍ଗଳବାର ଏକ ଗାଡ଼ି ଧକ୍କାରେ ଜଣେ କେନ୍ଦ୍ରୀୟ ବିଦ୍ୟାଳୟ ଛାତ୍ରଙ୍କ ମୃତ୍ୟୁ ଘଟିଛି। ମୃତ...

ଦୋଳ ପୂର୍ଣ୍ଣିମାରେ ଶ୍ରୀଜିଉଙ୍କ ସୁନାବେଶ

ପୁରୀ,୧୯।୩: ଶ୍ରୀମନ୍ଦିରରେ ଦୋଳ ପୂର୍ଣ୍ଣିମା ପାଇଁ ଛତିଶା ନିଯୋଗ ବୈଠକରେ ନୀତିକାନ୍ତି ଚୂଡାନ୍ତ ହୋଇଛି। ଶ୍ରୀମନ୍ଦିର ମୁଖ୍ୟ ପ୍ରଶାସକ ସମର୍ଥ ବର୍ମାଙ୍କ ଅଧ୍ୟକ୍ଷତାରେ ଏହି ବୈଠକ...

ଝାଟିମାଟି ଘରେ ଜୀବନ

ନାକଟିଦେଉଳ,୧୯ା୩(ବୈକୁଣ୍ଠ ନାଥ ସାହୁ): ଗରିବ ଅସହାୟ ପରିବାରକୁ ପକ୍କା ଘର ଯୋଗାଇଦେବାକୁ ସରକାର ଆବାସ ଯୋଜନା ପ୍ରଣୟନ କରିଛନ୍ତି। ଏଥିପାଇଁ ଉଭୟ ରାଜ୍ୟ ଓ କେନ୍ଦ୍ର...

ବନ କର୍ମଚାରୀଙ୍କୁ ଗୁଳି ମାରିଲେ ଶିକାରୀ

ନୀଳଗିରି,୧୯।୩ (ପ୍ରଶାନ୍ତ କୁମାର ବିଶ୍ବାଳ): ବନ କର୍ମଚାରୀଙ୍କୁ ଶିକାରୀଙ୍କ ଗୁଳିମାଡ଼। ଏପରି ଏକ ଅଘଟଣ ଗତକାଲି ବିଳମ୍ବିତ ରାତିରେ ବାଲେଶ୍ୱର ଜିଲା ନୀଳଗିରି କୁଲଡିହା ଅଭୟାରଣ୍ୟର...

ବିପଦସଙ୍କୁଳ ଅଚଳ ମୋବାଇଲ ଟାୱାର

ଯାଜପୁରରୋଡ୍‌,୧୯ା୩(ପବିତ୍ର ରଞ୍ଜନ ମହାନ୍ତି):ଯାଜପୁର ଜିଲାର ବିଭିନ୍ନ ଅଞ୍ଚଳରେ ଛତୁ ଫୁଟିଲା ପରି ମୋବାଇଲ ଟାୱାର ନିର୍ମାଣ ହୋଇଛି। ମୋବାଇଲ ଟାୱାର କମ୍ପାନୀଗୁଡ଼ିକ ସେମାନଙ୍କ ସୁବିଧା ଅନୁଯାୟୀ...

Advertisement
Business Eminence Awards 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri