Posted inଖେଳ

ଏୟାର ବ୍ୟାଡମିଣ୍ଟନକୁ ଭାରତୀୟ ତାରକାଙ୍କ ସମର୍ଥନ

ନୂଆଦିଲ୍ଲୀ,୧୯।୫ (ପି.ଟି.)- କ୍ରୀଡ଼ା ତଥା ବ୍ୟାଡମିଣ୍ଟନର ଏକ ନୂଆ ଫର୍ମାଟ ଏୟାର ବ୍ୟାଡମିଣ୍ଟନକୁ ସାଇନା ନେହ୍ବାଲଙ୍କ ସମେତ ଭାରତର କେତେକ ଆଗଧାଡ଼ିର ବ୍ୟାଡମିଣ୍ଟନ ଖେଳାଳି ସମର୍ଥନ ଜଣାଇଛନ୍ତି। ଅବସରପ୍ରାପ୍ତ ଖେଳାଳିଙ୍କୁ ଏୟାର ବ୍ୟାଡମିଣ୍ଟନ ଏକ ବିକଳ୍ପ କ୍ୟାରିୟର ପ୍ରଦାନ କରିପାରିବ ବୋଲି ଖେଳାଳିମାନେ କହିଛନ୍ତି। ମନୋରଞ୍ଜନ ପାଇଁ ଆଉଟଡୋର ବ୍ୟାଡମିଣ୍ଟନ ଭାରତ ସବୁଠାରୁ ପସନ୍ଦ କ୍ରୀଡ଼ା। ଦେଶରେ ଏଭଳି ସ୍ଥାନ ରହିଛି ଯେଉଁଠାରେ ଏହା ଦ୍ୱାରା ଅର୍ଥ ରୋଜଗାର କରିବା ସମ୍ଭବ ହୋଇପାରିବ।
ବ୍ୟାଡମିଣ୍ଟନ ଓ୍ବାଲର୍‌ଡ ଫେଡେରେଶନ (ବିଡବ୍ଲ୍ୟୁଏଫ୍‌) ଗତ ସପ୍ତାହରେ ଗୁଆଝୁଠାରେ ବିଶ୍ୱସ୍ତରରେ ଏୟାର ବ୍ୟାଡମିଣ୍ଟନର ଶୁଭାରମ୍ଭ କରିଥିଲା। ଏୟାର ବ୍ୟାଡମିଣ୍ଟନରେ କୋର୍ଟର ଦୈର୍ଘ୍ୟ ଓ ପ୍ରସ୍ଥ ଭିନ୍ନ ହୋଇଥାଏ। ଏକ ନୂଆ ପ୍ରକାର ସଟଲକକ୍‌ ବା ଏୟାରସଟଲର ବ୍ୟବହାର ହୋଇଥାଏ। ଏୟାରସଟଲ ଉପରେ ବାୟୁ ବା ପବନର ବହୁତ କମ୍‌ ପ୍ରଭାବ ପଡ଼ିଥାଏ। ବାୟୁରେ ଥିବା ଆର୍ଦ୍ରତାର ପରିବର୍ତ୍ତନରେ ଏହି ଏୟାରସଟଲ ପ୍ରଭାବିତ ହୋଇ ନ ଥାଏ। ପାରମ୍ପରିକ ଇଣ୍ଡୋର ସଟଲ ଭଳି ଏୟାରସଟଲ ମଧ୍ୟ ସମାନ ଭାବେ ଗତିପଥ ଅତିକ୍ରମ କରିବା ସହ ସମାନ ପ୍ରକାର ଧ୍ୱନୀ ଉତ୍ପନ୍ନ କରିଥାଏ। ଏୟାର ବ୍ୟାଡମିଣ୍ଟନ କ୍ରୀଡ଼ାର ପ୍ରଚାର ଓ ପ୍ରସାରରେ ସହାୟକ ହେବ ଓ ଏହା ବିଶ୍ୱର କୋଣ ଅନୁକୋଣରେ ପହଞ୍ଚିପାରିବ ବୋଲି ଅଲିମ୍ପିକ୍‌ ବ୍ରୋଞ୍ଜ ପଦକ ବିଜୟିନୀ ସାଇନା ନେହ୍ବାଲ କହିଛନ୍ତି।
ଭାରତରେ ଏହା ଏକ ଆଉଟ୍‌ଡୋର ଗେମ୍‌ ବୋଲି ଆମେ ଆରମ୍ଭରୁ ଜାଣିଥିଲୁ। ଘର ବାହାରେ ଆମେ ମାତାପିତା, ବନ୍ଧୁ ତଥା ଭାଇଭଉଣୀଙ୍କ ସହ ଏୟାରବ୍ୟାଡମିଣ୍ଟନ ଖେଳିଥାଉ। ଏହାର ପଚାର ପ୍ରସାର କରିବାକୁ ବିଡବ୍ଲ୍ୟୁଏଫ୍‌ ପ୍ରୟାସ ଆରମ୍ଭ କରିବା ଏକ ବଡ଼ କଥା। ଆମେଚର ଖେଳାଳିମାନେ ମଧ୍ୟ ଏୟାରବ୍ୟାଡମିଣ୍ଟନ ଖେଳିବାକୁ ଆଗକୁ ଆସିବେ ବୋଲି ମୋର ବିଶ୍ୱସ ରହିଛି ବୋଲି ବୋଲି ସାଇନା କହିଛନ୍ତି। ଏହା ହୋଇପାରିଲେ ସାରା ବିଶ୍ୱରେ ଏୟାର ବ୍ୟାଡମିଣ୍ଟନର ଲୋକପ୍ରିୟତାର ବୃଦ୍ଧି ଘଟିବ। ଆନ୍ତର୍ଜାତିକ ଓ ଘରୋଇ ଖେଳାଳିମାନେ ଅବସର ନେବା ପରେ ଏୟାରବ୍ୟାଡମିଣ୍ଟନକୁ ଏକ ବିକଳ୍ପ କ୍ୟାରିୟର ରୂପେ ଗ୍ରହଣ କରିପାରିବେ ୨୦୧୭ ୟୁଏସ୍‌ ଓପନ ଚାମ୍ପିୟନ ଏଚ୍‌.ଏସି. ପ୍ରଣୟ କହିଛନ୍ତି। ଇଣ୍ଡୋର ବ୍ୟାଡମିଣ୍ଟନ ଶାରୀରିକ ଭାବେ ବେଶ୍‌ ଚ୍ୟାଲେଞ୍ଜିଂ ହୋଇଥାଏ। ତେଣୁ ଅବସର ପରେ ଖେଳାଳିମାନେ ଏୟାରବ୍ୟାଡମିଣ୍ଟନ ଖେଳି ବିକଳ୍ପ ଭାବେ କ୍ୟାରିୟରକୁ ଆଗକୁ ନେଇପାରିବେ ବୋଲି ପ୍ରଣୟ କହିଛନ୍ତି।
ଏୟାର ବ୍ୟାଡମିଣ୍ଟନ ଭିନ୍ନ ପରିବେଶରେ ଖେଳାଯାଇପାରିବ। ପାର୍କରେ ଘାସ ଉପରେ, ସମୁଦ୍ରକୂଳ ବାଲି ଉପରେ, ରାସ୍ତା, ଲେନ୍‌ରେ ଏହା ଖେଳାଯାଇପାରିବ। ଏ ନେଇ ବିଡବ୍ଲ୍ୟୁଏଫ୍‌ର ପ୍ରୟାସକୁ ବ୍ୟାଡମିଣ୍ଟନ ଆସୋସିଏଶନ ଅଫ୍‌ ଇଣ୍ଡିଆ (ବିଏଆଇ) ସମ୍ପାଦକ ଅଜୟ ସିଂଘାଣିଆ ପ୍ରଶଂସା କରିଛନ୍ତି। ପୁରୁଷ ବ୍ୟାଡମିଣ୍ଟନ ତାରକା ପାରୁପାଲୀ କାଶ୍ୟପ ମଧ୍ୟ ଏୟାରବ୍ୟାଡମିଣ୍ଟନ ସମର୍ଥନରେ ବାହରିଛନ୍ତି। ବିଡବ୍ଲ୍ୟୁଏଫ୍‌ ମଧ୍ୟ ଆଉଏକ ନୂଆ ଫର୍ମାଟ ଲଞ୍ଚ୍‌ କରିଛି। ତାହାକୁ ଟ୍ରିପଲ୍‌ କୁହାଯାଉଛି। ୩ଜଣ ଖେଳାଳିଙ୍କୁ ନେଇ ଦୁଇ ଦଳ ପରସ୍ପରକୁ ଭେଟିବେ। ପୁଣି ପ୍ରତ୍ୟେକ ଦଳରେ ଜଣେ ମହିଳା ଖେଳାଳି ରହିବେ। ପୁଣି ଖେଳାଳିମାନେ କ୍ରମାଗତ ଦୁଇଥର ଶଟ୍‌ ଖେଳିବାର ବାରଣ ରହିଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଆଇପିଏଲ୍‌ ୨୦୨୪ ପୂର୍ବରୁ ଚେନ୍ନାଇ ସୁପର୍‌ କିଙ୍ଗ୍ସର ୩ ଖେଳାଳି ଆହତ: ଜଣେ ଷ୍ଟ୍ରେଚରରେ ଗଲେ

ନୂଆଦିଲ୍ଲୀ,୧୯।୩: ଆଇପିଏଲ୨୦୨୪ରେ ଚେନ୍ନାଇ ସୁପର କିଙ୍ଗ୍ସର ପ୍ରଥମ ମ୍ୟାଚ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଖେଳିବ। ଏହି ମ୍ୟାଚ ୨୨ ମାର୍ଚ୍ଚରେ ଚେନ୍ନାଇରେ ଖେଳାଯିବ। ଏଥିପାଇଁ...

ସର୍ଫରାଜ, ଜୁରେଲଙ୍କୁ ସେଣ୍ଟ୍ରାଲ କଣ୍ଟ୍ରାକ୍ଟ

ନୂଆଦିଲ୍ଲୀ,୧୯ା୩: ବିସିସିଆଇର ଆପେକ୍ସ କାଉନସିଲ୍‌ ବୈଠକ ସୋମବାର ଅନୁଷ୍ଠିତ ହୋଇଯାଇଛି। ଏହି ବୈଠକରେ ଧ୍ରୁବ ଜୁରେଲ ଓ ସର୍ଫରାଜ ଖାନଙ୍କୁ କେନ୍ଦ୍ରୀୟ ଚୁକ୍ତିରେ ସାମିଲ କରାଯାଇଛି।...

ଅଭିଷେକ, ବିଶ୍ୱଭୂଷଣ, ଦିବ୍ୟଶକ୍ତିଙ୍କ ଶତକ

ଭୁବନେଶ୍ୱର,୧୯ା୩(ସରୋଜ ଜେନା): ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ପକ୍ଷରୁ ଆରମ୍ଭ ହୋଇଥିବା ସିନିୟର ଆନ୍ତଃଜିଲା କଳାହାଣ୍ଡି କପ୍‌ କ୍ରିକେଟର ଦ୍ୱିତୀୟ ଦିନରେ ଭୁବନେଶ୍ୱର ଏ, ଇକୋର୍ସା,...

ବାଂଲାଦେଶ ସିରିଜ ବିଜୟୀ

ଚିଟ୍ଟାଗଙ୍ଗ, ୧୯ା୩ (ଏପି): ଶ୍ରୀଲଙ୍କା ବିପକ୍ଷ ତୃତୀୟ ଅନ୍ତର୍ଜାତୀୟ ଦିନିକିଆ କ୍ରିକେଟ ମ୍ୟାଚ୍‌ରେ ବାଂଲାଦେଶ ୪ ଉଇକେଟରେ ବିଜୟ ହାସଲ କରିଛି। ଦଳ ଏଥିସହିତ ୩...

ଟାଇଟଲ ବଜାୟ ରଖିଲେ ଅଲ୍‌କାରାଜ

ଇଣ୍ଡିଆନ ଓ୍ବେଲ୍ସ, ୧୯ା୩ (ଏପି): କାର୍ଲୋସ ଅଲ୍‌କାରାଜ ବିଏନ୍‌ପି ପାରିବାସ ଓପନ୍‌ ଟେନିସ ଟାଇଟଲ ବଜାୟ ରଖିଛନ୍ତି। ଫାଇନାଲରେ ସେ ଡାନିଲ ମେଡଭେଡେଭଙ୍କୁ ୭-୬ (୫),...

ଆର୍‌ସିବି ଟ୍ରେନିଂ କ୍ୟାମ୍ପ୍‌ରେ କୋହଲି

ବେଙ୍ଗାଲୁରୁ,୧୮ା୩(ପି.ଟି.): ରବିବାର ଭାରତ ପ୍ରତ୍ୟାବର୍ତ୍ତନ କରିଥିବା ସୁପରଷ୍ଟାର ବିରାଟ କୋହଲି ସୋମବାର ଆଇପିଏଲ ଫ୍ରାଞ୍ଚାଇଜ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରସିବି)ର ଟ୍ରେନିଂ କ୍ୟାମ୍ପ୍‌ରେ ଯୋଗଦେଇଛନ୍ତି। ସୋମବାର କୋହଲି...

ଖୁସିରେ ଝୁମିଲେ ପଳାତକ ବ୍ୟବସାୟୀ ବିଜୟ ମାଲ୍ୟା

ନୂଆଦିଲ୍ଲୀ,୧୮।୩: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମହିଳା ପ୍ରିମିୟର ଲିଗ (ଡବ୍ଲ୍ୟୁପିଏଲ) ୨୦୨୪ ଟାଇଟଲ ଜିତି ଫ୍ରାଞ୍ଚାଇଜ ଟ୍ରଫି ମରୁଡ଼ିକୁ ସମାପ୍ତ କରିଛି। ପୁରୁଷ ଦଳ ଏପର୍ଯ୍ୟନ୍ତ...

ମୁମ୍ବାଇର ଅଧିନାୟକ ଉପରେ ମୁହଁ ଖୋଲିଲେ ପାଣ୍ଡ୍ୟା, କହିଲେ ରୋହିତ ହେଉଛନ୍ତି…

ନୂଆଦିଲ୍ଲୀ,୧୮।୩: ଆଇପିଏଲ ୨୦୨୪ ପୂର୍ବରୁ ହାର୍ଦ୍ଦିକ ପାଣ୍ଡ୍ୟାଙ୍କୁ ମୁମ୍ବାଇ ଇଣ୍ଡିଆନ୍ସର ଅଧିନାୟକ କରାଯାଇଥିଲା। ହାର୍ଦ୍ଦିକ ମୁମ୍ବାଇର ନିୟମିତ ଅଧିନାୟକ ରୋହିତ ଶର୍ମାଙ୍କ ସ୍ଥାନ ନେଇଥିଲେ। ବର୍ତ୍ତମାନ...

Advertisement
Business Eminence Awards 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri