Posted inଖେଳ

ଏଥର ବିଶ୍ୱକପ୍‌ରେ ଦେଖିବାକୁ ମିଳିବ ୩୫ ପାର୍‌ କ୍ରିକେଟରଙ୍କ ଜଲଓ୍ବା

ଇଂଲଣ୍ଡ, ୧୯।୫: ବିଶ୍ୱର ଶ୍ରେଷ୍ଠ ୧୦ଟି ଟିମ୍‌କୁ ନେଇ ଇଂଲଣ୍ଡରେ ଆରମ୍ଭ ହେବାକୁ ଯାଉଛି କ୍ରିକେଟ ବିଶ୍ୱକପ୍‌। ମେ ୩୦ରୁ ଆରମ୍ଭ ହେଉଥିବା ଏହି ମହାକୁମ୍ଭରେ ଯୁବ କ୍ରିକେଟରଙ୍କ ପ୍ରତିଭାର ପ୍ରଦର୍ଶନ ତ ଦେଖିବାକୁ ମିଳିବ, ଏହାସହ ସେହି ଖେଳାଳିଙ୍କ ଦମ ମଧ୍ୟ ଦେଖିବାକୁ ମିଳିବ ଯେଉଁମାନଙ୍କ ବୟସ ୩୫ ପାର୍‌ କରି ସାରିଛି। ସବୁ ଦଳରେ ରହିଛି ଯୁବ ଓ ବୟୋଜେଷ୍ଠ ଖେଳାଳିଙ୍କ ମିଶ୍ରଣ। ଯୁବ ଖେଳାଳି ନିଜ ଶ୍ରେଷ୍ଠ ପ୍ରଦର୍ଶନ ଦେବା ପାଇଁ ଉତ୍ସୁକ ଥିବାବେଳେ ସେହିପରି ପୁରୁଖା ଖେଳାଳିଙ୍କ ଜଲଓ୍ବା ବି କିଛି କମ୍‌ ହେବ ନାହିଁ। ବହୁ ହେଭିଓ୍ବେଟ୍‌ କ୍ରିକେଟର ୩୫ ପାର୍‌ କରି ସାରିଲେଣି। ବୋଧହୁଏ ଏଥର କ୍ରିକେଟ ମହାକୁମ୍ଭ ତାଙ୍କ ପାଇଁ ଶେଷ ହୋଇପାରେ। ଏହିସବୁ ବୟସ୍କଙ୍କ ଭିତରେ ପ୍ରଥମେ ଅଛନ୍ତି ଓ୍ବେଷ୍ଟଇଣ୍ଡିଜ୍‌ ବିସ୍ଫୋରକ ବ୍ୟାଟ୍ସମ୍ୟାନ କ୍ରିସ୍‌ ଗେଲ୍‌। ବୟସ ୩୯ ପାର୍‌ କରିଥିଲେ ସୁଦ୍ଧା ଗେଲ୍‌ଙ୍କ ପ୍ରହାରରେ ଆଜିବି ଧରାଶାୟୀ ହୋଇପଡନ୍ତି ବିପକ୍ଷ। ଲମ୍ବା ଲମ୍ବା ଛକା ମାରିବାରେ ମାହିର ଗେଲଙ୍କ ନାଁରେ ଅନ୍ତର୍ଜାତୀୟ କ୍ରିକେଟରେ ମୋଟ ୫୧୭ଟି ଛକା ରହିଛି। ଏଥିମଧ୍ୟରୁ ୩୧୪ଟି ଛକା ସେ ଏକଦିବସୀୟ କ୍ରିକେଟ ମାରିଛନ୍ତି। ସେହିପରି ଭାରତର ମିଷ୍ଟର କୁଲ୍‌ ମହେନ୍ଦ୍ର ସିଂ ଧୋନୀ ଚତୁର୍ଥ ତଥା ସମ୍ଭବତଃ ଶେଷଥର ପାଇଁ ବିଶ୍ୱକପରେ ଜଲଓ୍ବା ଦେଖାଇବେ। ବ୍ୟାଟିଂ ହେଉ ବା ଷ୍ଟମ୍ପିଂରେ ୩୭ ବର୍ଷୀୟ ମାହି ରଣନୀତି ପ୍ରସ୍ତୁତ କରିବାରେ ଏକଦମ ମାହିର। ଦକ୍ଷିଣ ଆଫ୍ରିକାର ଇମ୍ରାନ ତାହିର ତାଙ୍କ ଦେଶର ବିଶ୍ୱକପ୍‌ ଟିମର ସବୁଠୁ ବୟସ୍କ ଖେଳାଳି ତାଙ୍କ ବୟସ ଏବେ ୪୦। କିନ୍ତୁ ସେ ଦଳର ପ୍ରମୁଖ ସ୍ପିନର ଭାବେ ଗଣା ହେଉଛନ୍ତି। ଏ ବୟସରେ ବି ତାଙ୍କର ଲେଗ୍‌ ସ୍ପିନ୍‌ ପ୍ରତି ଉତ୍ସାହ କାଏମ ରହିଛି। ଇମ୍ରାନଙ୍କୁ କ୍ଲାସିକ୍‌ ସ୍ପିନର୍‌ ବୋଲି ମଧ୍ୟ କୁହାଯାଏ। ତାଙ୍କ ଯାଦୁ ଚାଲିରେ ଦକ୍ଷିଣ ଆଫ୍ରିକା ଇଂଲଣରେ ଇତିହାସ ରଚିପାରେ ବୋଲି କ୍ରିକେଟ ପଣ୍ଡିତମାନେ କହୁଛନ୍ତି। ପାକିସ୍ତାନର ଅଲରାଉଣ୍ଡର ସୋଏବ ମଲିକ ମଧ୍ୟ ଏଥର ଶେଷ ବିଶ୍ୱକପ୍‌ ଖେଳିବାକୁ ଯାଉଛନ୍ତି। ୩୭ବର୍ଷୀୟ ମଲିକ ଗତ କିଛି ମ୍ୟାଚରେ ପାକିସ୍ତାନ ପାଇଁ ଭଲ ଫିନିସର୍‌ ଭାବେ ପ୍ରମାଣିତ ହୋଇଆସିଛନ୍ତି। ମିଡିଲ ଅର୍ଡରକୁ ଦୃଢତା ଦେବା ସହ ଟିମରେ ସନ୍ତୁଳନ କାଏମ ରଖିବାର କାମ କରନ୍ତି। ଶ୍ରୀଲଙ୍କର ଦ୍ରୁତ ବୋଲର ଲାସିଥ୍‌ ମାଲିଙ୍ଗା ମଧ୍ୟ ଏଥର ଶେଷ ବିଶ୍ୱକପ୍‌ ଖେଳିବାକୁ ଯାଉଛନ୍ତି। ୩୭ ବର୍ଷୀୟ ମାଲିଙ୍ଗାଙ୍କ ପ୍ରଦର୍ଶନ ଆଇପିଏଲରେ ଭଲ ରହିଛି। ଏଥର ବିଶ୍ୱକପ୍‌ରେ ବି ସେ ଶ୍ରୀଲଙ୍କାର ଟ୍ରମ୍ପକାର୍ଡ ପ୍ରମାଣିତ ହୋଇପାରନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଆଇପିଏଲ୍‌ ୨୦୨୪ ପୂର୍ବରୁ ଚେନ୍ନାଇ ସୁପର୍‌ କିଙ୍ଗ୍ସର ୩ ଖେଳାଳି ଆହତ: ଜଣେ ଷ୍ଟ୍ରେଚରରେ ଗଲେ

ନୂଆଦିଲ୍ଲୀ,୧୯।୩: ଆଇପିଏଲ୨୦୨୪ରେ ଚେନ୍ନାଇ ସୁପର କିଙ୍ଗ୍ସର ପ୍ରଥମ ମ୍ୟାଚ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଖେଳିବ। ଏହି ମ୍ୟାଚ ୨୨ ମାର୍ଚ୍ଚରେ ଚେନ୍ନାଇରେ ଖେଳାଯିବ। ଏଥିପାଇଁ...

ସର୍ଫରାଜ, ଜୁରେଲଙ୍କୁ ସେଣ୍ଟ୍ରାଲ କଣ୍ଟ୍ରାକ୍ଟ

ନୂଆଦିଲ୍ଲୀ,୧୯ା୩: ବିସିସିଆଇର ଆପେକ୍ସ କାଉନସିଲ୍‌ ବୈଠକ ସୋମବାର ଅନୁଷ୍ଠିତ ହୋଇଯାଇଛି। ଏହି ବୈଠକରେ ଧ୍ରୁବ ଜୁରେଲ ଓ ସର୍ଫରାଜ ଖାନଙ୍କୁ କେନ୍ଦ୍ରୀୟ ଚୁକ୍ତିରେ ସାମିଲ କରାଯାଇଛି।...

ଅଭିଷେକ, ବିଶ୍ୱଭୂଷଣ, ଦିବ୍ୟଶକ୍ତିଙ୍କ ଶତକ

ଭୁବନେଶ୍ୱର,୧୯ା୩(ସରୋଜ ଜେନା): ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ପକ୍ଷରୁ ଆରମ୍ଭ ହୋଇଥିବା ସିନିୟର ଆନ୍ତଃଜିଲା କଳାହାଣ୍ଡି କପ୍‌ କ୍ରିକେଟର ଦ୍ୱିତୀୟ ଦିନରେ ଭୁବନେଶ୍ୱର ଏ, ଇକୋର୍ସା,...

ବାଂଲାଦେଶ ସିରିଜ ବିଜୟୀ

ଚିଟ୍ଟାଗଙ୍ଗ, ୧୯ା୩ (ଏପି): ଶ୍ରୀଲଙ୍କା ବିପକ୍ଷ ତୃତୀୟ ଅନ୍ତର୍ଜାତୀୟ ଦିନିକିଆ କ୍ରିକେଟ ମ୍ୟାଚ୍‌ରେ ବାଂଲାଦେଶ ୪ ଉଇକେଟରେ ବିଜୟ ହାସଲ କରିଛି। ଦଳ ଏଥିସହିତ ୩...

ଟାଇଟଲ ବଜାୟ ରଖିଲେ ଅଲ୍‌କାରାଜ

ଇଣ୍ଡିଆନ ଓ୍ବେଲ୍ସ, ୧୯ା୩ (ଏପି): କାର୍ଲୋସ ଅଲ୍‌କାରାଜ ବିଏନ୍‌ପି ପାରିବାସ ଓପନ୍‌ ଟେନିସ ଟାଇଟଲ ବଜାୟ ରଖିଛନ୍ତି। ଫାଇନାଲରେ ସେ ଡାନିଲ ମେଡଭେଡେଭଙ୍କୁ ୭-୬ (୫),...

ଆର୍‌ସିବି ଟ୍ରେନିଂ କ୍ୟାମ୍ପ୍‌ରେ କୋହଲି

ବେଙ୍ଗାଲୁରୁ,୧୮ା୩(ପି.ଟି.): ରବିବାର ଭାରତ ପ୍ରତ୍ୟାବର୍ତ୍ତନ କରିଥିବା ସୁପରଷ୍ଟାର ବିରାଟ କୋହଲି ସୋମବାର ଆଇପିଏଲ ଫ୍ରାଞ୍ଚାଇଜ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରସିବି)ର ଟ୍ରେନିଂ କ୍ୟାମ୍ପ୍‌ରେ ଯୋଗଦେଇଛନ୍ତି। ସୋମବାର କୋହଲି...

ଖୁସିରେ ଝୁମିଲେ ପଳାତକ ବ୍ୟବସାୟୀ ବିଜୟ ମାଲ୍ୟା

ନୂଆଦିଲ୍ଲୀ,୧୮।୩: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମହିଳା ପ୍ରିମିୟର ଲିଗ (ଡବ୍ଲ୍ୟୁପିଏଲ) ୨୦୨୪ ଟାଇଟଲ ଜିତି ଫ୍ରାଞ୍ଚାଇଜ ଟ୍ରଫି ମରୁଡ଼ିକୁ ସମାପ୍ତ କରିଛି। ପୁରୁଷ ଦଳ ଏପର୍ଯ୍ୟନ୍ତ...

ମୁମ୍ବାଇର ଅଧିନାୟକ ଉପରେ ମୁହଁ ଖୋଲିଲେ ପାଣ୍ଡ୍ୟା, କହିଲେ ରୋହିତ ହେଉଛନ୍ତି…

ନୂଆଦିଲ୍ଲୀ,୧୮।୩: ଆଇପିଏଲ ୨୦୨୪ ପୂର୍ବରୁ ହାର୍ଦ୍ଦିକ ପାଣ୍ଡ୍ୟାଙ୍କୁ ମୁମ୍ବାଇ ଇଣ୍ଡିଆନ୍ସର ଅଧିନାୟକ କରାଯାଇଥିଲା। ହାର୍ଦ୍ଦିକ ମୁମ୍ବାଇର ନିୟମିତ ଅଧିନାୟକ ରୋହିତ ଶର୍ମାଙ୍କ ସ୍ଥାନ ନେଇଥିଲେ। ବର୍ତ୍ତମାନ...

Advertisement
Business Eminence Awards 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri