Posted inଜାତୀୟ

ଆସନ ବଞ୍ଚାଇପାରିଲେ ୧୯୭ ଏମ୍‌ପି

ନୂଆଦିଲ୍ଲୀ,୨୫ା୫(ପି.ଟି.): ୨୦୧୪ରେ ନିର୍ବାଚିତ ହୋଇଥିବା ଏମ୍‌ପିଙ୍କ ମଧ୍ୟରୁ ଏଥର ସାଧାରଣ ନିର୍ବାଚନରେ ୧୯୭ ଜଣ ନିଜ ଆସନ ବଞ୍ଚାଇପାରିଛନ୍ତି। ସେମାନଙ୍କ ମଧ୍ୟରେ ୨୭ ମହିଳା ଏମ୍‌ପି ଅଛନ୍ତି। ୭ ପର୍ଯ୍ୟାୟ ଲୋକ ସଭା ନିର୍ବାଚନର ୫୪୨ ଆସନରେ ଭୋଟଗ୍ରହଣ କରାଯାଇଥିଲା। ଫଳାଫଳ ଆସିବା ପରେ ଜଣାପଡ଼ିଛି ଯେ, ସାରା ଦେଶର ୧୪୫ ଭାଜପା ଏମ୍‌ପି ନିଜ ଆସନ ସୁରକ୍ଷିତ ରଖିପାରିଛନ୍ତି। ସେମାନଙ୍କ ମଧ୍ୟରେର କିରେନ୍‌ ରିଜିଜୁ, ନୀତୀନ ଗଡ଼କରୀ, ବାବୁଲ ସୁପ୍ରିୟୋ ଅଛନ୍ତି। ବିହାରରେ ୧୨ ଭାଜପା ଏମ୍‌ପି ନିଜ ଭାଗ୍ୟ ପରୀକ୍ଷାରେ ସଫଳ ହୋଇଛନ୍ତି। କଂଗ୍ରେସର ସୁପାଉଆଲ ଏମ୍‌ପି ପରାଜିତ ହୋଇଛନ୍ତି। ସେହିପରି ପାଟନା ସାହିବରୁ କଂଗ୍ରେସ ଟିକେଟରେ ଲଢ଼ିଥିବା ଶତ୍ରୁଘ୍ନ ସିହ୍ନାଙ୍କୁ ମଧ୍ୟ ପରାଜୟ ସ୍ବୀକାର କରିବାକୁ ପଡ଼ିଛି। ଜେଡିୟୁର ୨ ଏବଂ ଏଲ୍‌ଜେପିର ୩ ଏମ୍‌ପି ନିଜ ନିଜ ଆସନରେ ଜିତିଥିବାବେଳେ ଆର୍‌ଜେଡିର ୩ ଏମ୍‌ପି ହାରିଯାଇଛନ୍ତି। ଜାତୀୟ ରାଜଧାନୀ ଦିଲ୍ଲୀର ୫ ଏମ୍‌ପି ରେକର୍ଡ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି। ଆନ୍ଧ୍ରପ୍ରଦେଶରେ ଶାସକ ଟିଡିପିର ୯ଏମ୍‌ପିଙ୍କ ମଧ୍ୟରୁ ମାତ୍ର ୨ ଜଣ ନିଜ (ବିଜୟଓ୍ବାଡ଼ା ଓ ଗୁଣ୍ଟୁର) ଆସନ ରକ୍ଷା କରିପାରିଛନ୍ତି। ଓ୍ବାଇଏସ୍‌ଆର୍‌ କଂଗ୍ରେସ ପାର୍ଟି କଡପା ଓ ରାଜାମ୍‌ପେଟ ଆସନରେ ସ୍ଥିତାବସ୍ଥା ବଜାୟ ରଖିଛି। ଆସାମରେ କଂଗ୍ରେସ ଓ ଭାଜପାର ଦୁଇଜଣ ଲେଖାଏ ଏମ୍‌ପି ଥିଲେ। ଭାଜପା ଏମ୍‌ପି ନିଜ ଦୁଇ ଆସନରେ ପୁନର୍ବାର ବିଜୟୀ ହୋଇଥିବାବେଳେ କଂଗ୍ରେସକୁ ଗୋଟିଏ ଆସନ ହରାଇବାକୁ ପଡ଼ିଛି। ଏଆଇୟୁଡିଏଫ୍‌ ଅଧ୍ୟକ୍ଷ ବଦ୍‌ରୁଦ୍ଦିନ୍‌ ଅଜମଲ ଧୁବ୍ରି ଆସନରେ ଜିତିଛନ୍ତି। ଲାକ୍ଷାଦ୍ୱୀପର ଏନ୍‌ସିପି ଏମ୍‌ପି ମହମ୍ମଦ ଫୈଜାଲ ପିପି ନିଜ ଆସନରେ ଜିତିଛନ୍ତି। ସିପିଆଇଏମ୍‌ ତ୍ରିପୁରାରେ ଦଳୀୟ ୨ ଏମ୍‌ପିଙ୍କୁ ଟିକେଟ ଦେଇଥିଲା। କିନ୍ତୁ ଉଭୟ ଆସନକୁ ଭାଜପା ଛଡ଼ାଇନେଇଛି। ତେଲେଙ୍ଗାନାରେ ଟିଆର୍‌ଏସ୍‌ ୬ ଏମ୍‌ପିଙ୍କୁ ପୁଣିଥରେ ପ୍ରତିଦ୍ୱନ୍ଦ୍ୱିତାର ସୁଯୋଗ ଦେଇଥିଲେ ହେଁ ସେମାନଙ୍କ ମଧ୍ୟରୁ ୨ ଜଣ ବିଜୟୀ ହୋଇଛନ୍ତି। ୪ ଆସନ ଭାଜପା ହାତକୁ ଯାଇଛି। ସେହିପରି ତାମିଲନାଡ଼ୁରେ ଏଆଇଏଡିଏମ୍‌କେ ତା’ର ୭ ଏମ୍‌ପିଙ୍କ ଉପରେ ଭରସା କରିଥିଲା। ହେଲେ ସେମାନଙ୍କ ମଧ୍ୟରୁ ଜଣେ ହେଲେ ନିଜ ଆସନ ରକ୍ଷାକରି ପାରିନାହାନ୍ତି। ମୋଦି ହାଓ୍ବା ସତ୍ତ୍ୱେ କନ୍ୟାକୁମାରୀ ଏମ୍‌ପି ନିଜ ଆସନରେ ପୁନଃ ନିର୍ବାଚିତ ହୋଇପାରି ନାହାନ୍ତି। ପଶ୍ଚିମବଙ୍ଗରେ ଟିଏମ୍‌ସି ଯେଉଁ ୨୩ ଏମ୍‌ପିଙ୍କୁ ଟିକେଟ ଦେଇଥିଲା, ସେମାନଙ୍କ ମଧ୍ୟରୁ ମାତ୍ର ୯ ଜଣ ନିଜ ଗଡ଼ରେ ସଫଳ ହୋଇଛନ୍ତି। ଭାଜପା ଆସାନସୋଲ ଆସନରେ ବାବୁଲ ସୁପ୍ରିୟୋଙ୍କୁ ଟିକେଟ ଦେଇଥିବାବେଳେ ସେ ବିଜୟୀ ହୋଇଛନ୍ତି। ଅନୁରୂପ ଭାବେ ରାଜସ୍ଥାନରେ ୧୬ ଏମ୍‌ପିଙ୍କୁ ଭାଜପା ଟିକେଟ ଦେଇଥିଲା, ଯେଉଁମାନେ ବିପୁଳ ଭୋଟରେ ବିଜୟୀ ହୋଇଛନ୍ତି। ମହାରାଷ୍ଟ୍ରରେ ଭାଜପାର ୧୫ ଏମ୍‌ପିଙ୍କ ମଧ୍ୟରୁ ୧୪ ଜିତିଛନ୍ତି। ଶିବସେନାର ସମସ୍ତ ୧୫ ଏମ୍‌ପି ନିଜ ଆସନରେ ସଫଳ ହୋଇଛନ୍ତି। ପଞ୍ଜାବ କଥା ଦେଖିଲେ କଂଗ୍ରେସର ୩ ଏମ୍‌ପି ନିଜ ଆସନରେ ଜିତିଥିବାବେଳେ ଶିରୋମଣି ଅକାଳୀ ଦଳର ୨ ଏମ୍‌ପି ବିଜୟୀ ହୋଇଛନ୍ତି। ଲୋକ ସଭାରେ ଏଏପିରୁ ପ୍ରତିନିଧିତ୍ୱ କରୁଥିବା ଭଗବନ୍ତ ମାନ୍‌ ନିଜ ଆସନରେ ବିଜୟୀ ହୋଇଛନ୍ତି। ଓଡ଼ିଶାରେ ବିଜେଡିର ୪ ଏମ୍‌ପିଙ୍କୁ ଦଳ ଟିକେଟ ଦେଇଥିବାବେଳେ ସେମାନଙ୍କ ମଧ୍ୟରୁ ମାତ୍ର ୨ ଜଣ ଜିତିଛନ୍ତି। ସୁନ୍ଦରଗଡ଼ ଆସନର ଜୁଏଲ୍‌ ଓରାମ ଭାଜପା ଟିକେଟରେ ଲଢ଼ି ନିଜ ସ୍ଥିତି ବଜାୟ ରଖିଛନ୍ତି। ଶିଲଂର କଂଗ୍ରେସ ଏମ୍‌ପି ଭିନ୍‌ସେଣ୍ଟ ପାଲା ମଧ୍ୟ ନିଜ ଆସନରେ ସଫଳ ହୋଇଛନ୍ତି। ଗୋଆରେ ଭାଜପା ୨ ଏମ୍‌ପିଙ୍କୁ ଟିକେଟ ଦେଇଥିଲା। ଶ୍ରୀପଦ ୟାସୁ ନାଏକ ନର୍ଥ ଗୋଆ ଆସନରେ ଜିତିଥିବାବେଳେ ନରେନ୍ଦ୍ର କେଶବ ସାଓ୍ବିକର ସାଉଥ୍‌ ଗୋଆରେ ହାରି ଯାଇଛନ୍ତି। ଗୁଜରାଟରେ ଭାଜପାର ୧୬ ଏମ୍‌ପି ନିଜ ନିଜ ଆସନରେ ସଫଳତା ହାସଲ କରିଛନ୍ତି। ହରିୟାଣାର ୫ ଭାଜପା ଏମ୍‌ପି ନିଜ ଆସନରେ ଜିତିଥିବାବେଳେ ରୋହତକର କଂଗ୍ରେସ ଏମ୍‌ପି ଦୀପେନ୍ଦ୍ର ସିଂ ହୁଡାଙ୍କୁ ଭୋଟର ପ୍ରତ୍ୟାଖ୍ୟାନ କରିଛନ୍ତି। ହିମାଚଳ ପ୍ରଦେଶର ୪ ଭାଜପା ଏମ୍‌ପିଙ୍କ ମଧ୍ୟରୁ ୨ ଜଣ (ହମିରପୁର ଓ ମଣ୍ଡି) ଜିତିଛନ୍ତି। ଜମ୍ମୁରେ ଭାଜପା ପୁଣିଥରେ ଟିକେଟ ଦେଇଥିବା ଯୁଗଳ କିଶୋର ବିଜୟୀ ହୋଇଛନ୍ତି। ଅନନ୍ତନାଗ ଆସନର ଏମ୍‌ପି ତଥା ପିଡିପି ମୁଖ୍ୟ ମେହବୁବା ମୁଫ୍‌ତିଙ୍କୁ ପରାଜୟ ସ୍ବୀକାର କରିବାକୁ ପଡ଼ିଛି। ନ୍ୟାଶନାଲ୍‌ କନ୍‌ଫରେନ୍ସ ଅଧ୍ୟକ୍ଷ ଫାରୁକ୍‌ ଅବ୍‌ଦୁଲ୍ଲା ଶ୍ରୀନଗର ଆସନରେ ପୁନର୍ବାର ବିଜୟୀ ହୋଇଛନ୍ତି। ଝାଡ଼ଖଣ୍ଡରେ ଭାଜପା ୮ ଏମ୍‌ପିଙ୍କୁ ଟିକେଟ ଦେଇଥିବାବେଳେ ୭ ବିଜୟୀ ହୋଇଛନ୍ତି। ୨ ଜେଏମ୍‌ଏମ୍‌ ଏମ୍‌ପିଙ୍କ ମଧ୍ୟରୁ ଜଣେ ଜିତିଛନ୍ତି। କର୍ନାଟକର ୮ ଭାଜପା ଏମ୍‌ପିଙ୍କ ମଧ୍ୟରୁ ୭ ଜିତିଛନ୍ତି। କଂଗ୍ରେସର ୭ ଏମ୍‌ପି ହାରିଯାଇଛନ୍ତି। ନାଗାଲାଣ୍ଡ, ମଣିପୁର, ସିକିମ, ଛତିଶଗଡ଼, ପୁଡୁଚେରୀ ଏବଂ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜର କୌଣସି ସିଟିଙ୍ଗ୍‌ ଏମ୍‌ପି ନିର୍ବାଚନ ମଇଦାନକୁ ପୁନର୍ବାର ଓହ୍ଲାଇ ନ ଥିଲେ।


Enter your email to get our daily news in your inbox.

All Right Reserved By Dharitri.Com

ନିର୍ବାଚନ ପୂର୍ବରୁ ମାୟାବତୀଙ୍କୁ ବଡ଼ ଝଟ୍‌କା: ଦଳ ଛାଡିଲେ ବରିଷ୍ଠ ନେତା

ଲକ୍ଷ୍ନୌ,୧୯।୩: ଲୋକ ସଭା ନିର୍ବାଚନ ପୂର୍ବରୁ ମାୟାବତୀଙ୍କ ବହୁଜନ ସମାଜ ପାର୍ଟି (ବିଏସପି) ଉତ୍ତରପ୍ରଦେଶରେ ଏକ ବଡ଼ ଝଟ୍‌କା ଲାଗିଛି। ଉତ୍ତରପ୍ରଦେଶର ଲାଲଗଞ୍ଜ ସଂସଦୀୟ ନିର୍ବାଚନମଣ୍ଡଳୀରୁ...

ଇଲେକ୍ଟୋରାଲ ବଣ୍ଡ୍‌ ଯୋଜନା ବିଶ୍ୱର ସର୍ବବୃହତ୍‌ ଦୁର୍ନୀତି: ପ୍ରକାଶ ରାଜ

ମେଙ୍ଗାଲୁରୁ,୧୯ା୩: ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଏବଂ ଆୟକର ବିଭାଗ ରାଡାରରେ ଥିବା କର୍ପୋରେଟ୍‌ କମ୍ପାନୀ ଓ ବ୍ୟବସାୟୀମାନଙ୍କଠାରୁ ଇଲେକ୍ଟୋରାଲ ବଣ୍ଡ୍‌ ଜରିଆରେ ଭାଜପା ବିପୁଳ ଅର୍ଥ...

ଦୁର୍ଘଟଣାରେ ଆହତ ଅଭିନେତ୍ରୀ ଅରୁନ୍ଧତୀ ଭେଣ୍ଟିଲେଟରରେ

ଚେନ୍ନାଇ,୧୯।୩: ‘ସୈତାନ’ ଫିଲ୍ମରେ ଅଭିନୟ କରି ଖ୍ୟାତି ଅର୍ଜନ କରିଥିବା ତାମିଲ ଅଭିନେତ୍ରୀ ଅରୁନ୍ଧତୀ ନାୟାର ଦୁର୍ଘଟଣାରେ ଗୁରୁତର ହୋଇ ଭେଣ୍ଟିଲେଟର ସପୋର୍ଟରେ ରହିଛନ୍ତି। ଗତ...

ଦୈବୀଶକ୍ତି ବନାମ ଅସୁର ଶକ୍ତି

ହାଇଦ୍ରାବାଦ/ନୂଆଦିଲ୍ଲୀ,୧୯ା୩: ଇଣ୍ଡିଆ ବ୍ଲକ୍‌ର ଇସ୍ତାହାର କେବଳ ‘ଶକ୍ତି’କୁ ଶେଷ କରିଦେବା ଉପରେ ଗୁରୁତ୍ୱ ଦେଉଛି। ଏହି ଲଢ଼େଇ ଦୁଇଟି ପକ୍ଷ ମଧ୍ୟରେ ଚାଲିଛି। ଗୋଟିଏ ପକ୍ଷ...

କିଏ ସେହି ରାଜୀବ କୁମାର, ଯାଙ୍କୁ ଡିଜିପି ପଦରୁ ହଟାଇଲେ ନିର୍ବାଚନ କମିଶନ

ନୂଆଦିଲ୍ଲୀ,୧୯।୩:ପଶ୍ଚିମବଙ୍ଗ ପୋଲିସ ମହାନିର୍ଦ୍ଦେଶକ ପଦରୁ ରାଜୀବ କୁମାରଙ୍କୁ ସୋମବାର ଅପରାହ୍ନରେ ନିର୍ବାଚନ କମିଶନ ହଟାଇବା ପରେ ଏହି ବରିଷ୍ଠ ପୋଲିସ ଅଧିକାରୀ ପୁଣି ଚର୍ଚ୍ଚାକୁ ଆସିଛନ୍ତି।...

ରାଜ୍ୟ ସଭା ସଦସ୍ୟ ଭାବେ ଶପଥ ନେବେ ସଞ୍ଜୟ

ନୂଆଦିଲ୍ଲୀ,୧୮।୩: ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ଗିରଫ ହୋଇ ତିହାର ଜେଲରେ ଥିବା ଆମ୍‌ ଆଦ୍‌ମୀ ପାର୍ଟି ନେତା ସଞ୍ଜୟ ସିଂ ମଙ୍ଗଳବାର ରାଜ୍ୟ ସଭା...

୧୫ ବର୍ଷୀୟା ନାବାଳିକାଙ୍କୁ ବଳାତ୍କାର: ଗିରଫ ହେଲେ ଡିଏସ୍‌ପି

ଗୁଆହାଟୀ,୧୮।୩: ଆସାମରେ ଜଣେ ନାବାଳିକା ଚାକରାଣୀଙ୍କୁ ବଳାତ୍କାର ଅଭିଯୋଗରେ ଜଣେ ଡିଏସ୍‌ପିଙ୍କୁ ପୋଲିସ ଗିରଫ କରିଛି। ଅଭିଯୁକ୍ତ ଡିଏସ୍‌ପି କିରନ ନାଥ ଗୋଲାଘାଟ ଜିଲାର ଲଚିତ...

ବିହାରରେ ଏନ୍‌ଡିଏର ଆସନ ବୁଝାମଣା ଶେଷ: କେଉଁ ଦଳକୁ କେତେ ଆସନ…

ପାଟଣା,୧୮।୩: ବିହାରରେ ଭାଜପା ବଡ଼ଭାଇ ଭାବେ ନିର୍ବାଚନ ଲଢିବ। ସୋମବାର ଏନ୍‌ଡିଏ ମଧ୍ୟରେ ଆସନ ବୁଝାମଣା ହୋଇଯାଇଛି। ଚୁକ୍ତିନାମା ଅନୁଯାୟୀ ବିହାରର ୪୦ଟି ଲୋକ ସଭା...

Advertisement
Business Eminence Awards 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri