ନୂଆ ସରକାରଙ୍କ ପାଇଁ ଚ୍ୟାଲେଞ୍ଜ ହେବ ମୁଦ୍ରାସ୍ପୀତି, ଜିଡିପି

ନୂଆଦିଲ୍ଲୀ,୨୩-୫: ଗୁରୁବାର ଦେଶର ସାଧାରଣ ନିର୍ବାଚନ ଫଳାଫଳ ଆସୁଛି। କେନ୍ଦ୍ରରେ ଏନ୍‌ଡିଏ ସରକାର ପୁଣି ଥରେ କ୍ଷମତାକୁ ଫେରିବା ନେଇ ଏକଜିଟ୍‌ ପୋଲ୍‌ କହି ସାରିଛି। ଏପରି ସ୍ଥିତିରେ ଦେଶବାସୀଙ୍କ ମନରେ ଉତ୍କଣ୍ଠା ଭରି ରହିଥିବା ବେଳେ ନିର୍ବାଚନ ଫଳାଫଳର ପ୍ରକୃତ ରୂପ କଣ ରହିବ ତାକୁ ସମସ୍ତେ ଅପେକ୍ଷା କରି ରହିଛନ୍ତି। କେନ୍ଦ୍ରରେ ସରକାର କିଏ ବି ଗଢୁ, ମାତ୍ର ନୂଆ ସରକାରଙ୍କ ସାମ୍ନାରେ ମୁଦ୍ରାସ୍ଫୀତି ଏବଂ ଜିଡିପି ଭଳି ଅନ୍ୟ କେତେକ ପ୍ରସଙ୍ଗ ପ୍ରମୁଖ ଚ୍ୟାଲେଞ୍ଜ ଭାବେ ଉଭା ହେବ ବୋଲି ବଜାର ବିଶେଷଜ୍ଞମାନେ କହିଛନ୍ତି। ମୋଦି ସରକାର ପୁଣି ଥରେ ଶାସନ କ୍ଷମତାକୁ ଫେରିବ ବୋଲି ରବିବାର ପ୍ରକାଶିତ ଏକଜିଟ ପୋଲ୍‌ କହିଥିବା ବେଳେ କଂଗ୍ରେସ ସମେତ ଅନ୍ୟ ରାଜନୈତିକ ଦଳଗୁଡିକ ମଧ୍ୟ ଶାସନ ଡୋର ସମ୍ଭାଳିବେ ବୋଲି କହୁଛନ୍ତି। ମାତ୍ର ଯାହାବି ହେଉ ଅର୍ଥନୀତି ସାମ୍ନାରେ ଆସୁଥିବା ଆହ୍ବାନକୁ ନୂଆ ସରକାରଙ୍କୁ ସାମ୍ନା କରିବାକୁ ହେବ।
ମୋଦି ସରକାରଙ୍କୁ ୨୦୧୪-୧୯ ସମୟ ମଧ୍ୟରେ ମୁଦ୍ରାସ୍ଫୀତି ଦୃଷ୍ଟିକୋଣରୁ ବିଶେଷ ଅସୁବିଧା ସାମ୍ନା କରିବାକୁ ପଡି ନାହିଁ। ଏହି ସମୟରେ ଇନ୍ଧନ ହେଉ କିମ୍ବା ଖାଦ୍ୟ ସାମଗ୍ରୀ ଦରଦାମ ନିୟନ୍ତ୍ରଣରେ ରହିଥିଲା। ମାତ୍ର ନୂଆ ସରକାରଙ୍କ କ୍ଷେତ୍ରରେ ଏଭଳି ସ୍ଥିତି ଦେଖିବାକୁ ମିଳିବ ନାହିଁ। ଦରଦାମରେ ବୃଦ୍ଧି ପରିଲକ୍ଷିତ ହେଉଥିବା ଜଣାପଡିଛି। ପଶ୍ଚିମ ଏସିଆର ଦେଶଗୁଡିକର ସ୍ଥିତିରେ ପରିବର୍ତ୍ତନ ଆସିବା ଯୋଗୁ ତେଲ ଦର ବଢିବାର ସମ୍ଭାବନା ରହିଛି। ସେହିଭଳି ଖାଦ୍ୟ ସାମଗ୍ରୀ ଦରଦାମ ଅନେକ ଦିନ ଧରି ନିୟନ୍ତ୍ରଣରେ ରହିବା ପରେ ଦରବୃଦ୍ଧି ଘଟିଥିବା ସାମ୍ନାକୁ ଆସିଛି।

ଚାହିଦା ହ୍ରାସ ଚିନ୍ତା ବଢାଇବ
ଚାହିଦାରେ ହ୍ରାସ ଫଳରେ ଅର୍ଥନୀତି ଉପରେ ପ୍ରଭାବ ପଡିବାର ବିଶେଷ ସମ୍ଭାବନା ରହିଛି। ଏହା ନୂଆ ସରକାରଙ୍କ ଲାଗି ଚିନ୍ତା ବଢାଇବ ବୋଲି ବଜାର ବିଶେଷଜ୍ଞ କହିଛନ୍ତି। ଏଫ୍‌ଏମ୍‌ସିଜି ଏବଂ ଯାତ୍ରୀବାହି ଯାନ କ୍ଷେତ୍ରରେ ଚାହିଦା ହ୍ରାସ ହେବା ଯୋଗୁ ଅର୍ଥନୀତି ଉପରେ ଏହାର ପ୍ରଭାବ ପଡିଛି। ବ୍ଲୁମବର୍ଗ ରିପୋର୍ଟ ମୁତାବକ ୨୦୧୮ର ଶେଷ ତିନି ମାସରେ ଏଫ୍‌ଏମ୍‌ସିଜି କ୍ଷେତ୍ର ଅଭିବୃଦ୍ଧି ହାର ୧୬% ରହିଥିବା ବେଳେ ଚଳିତ ବର୍ଷ ପ୍ରଥମ ତିନି ମାସରେ ଏହା ୧୩.୬%କୁ ହ୍ରାସ ଘଟିଛି। ଗ୍ରାମାଞ୍ଚଳରେ ଅତ୍ୟାବଶ୍ୟକ ସାମଗ୍ରୀର ବିକ୍ରି ହ୍ରାସ ଘଟିଥିବା ସାମ୍ନାକୁ ଆସିଛି।

ଜିଡିପିରେ ହ୍ରାସ
ଚଳିତ ମାସରେ ଜିଡିପିର ନୂଆ ଆକଳନ ଜାରି ହେବ। ତୃତୀୟ ତ୍ରୈମାସର ଅଭିବୃଦ୍ଧି ଆକଳନ ୬.୬% ରହିଥିବା ବେଳେ ଚତୁର୍ଥ ତ୍ରୈମାସରେ ଏହା ହ୍ରାସ ଘଟିବ ବୋଲି ଅନୁମାନ କରାଯାଉଛି। ଘରୋଇ ବଜାରରେ ଆର୍ଥତ୍କ ମାନ୍ଦାବସ୍ଥା ରହିଥିବା ଅର୍ଥ ମନ୍ତ୍ରଣାଳୟ ଏହାର ମାସିକ ରିପୋର୍ଟରେ ସ୍ବୀକାର କରିଛି। ଘରୋଇ ବଜାରରେ ଚାହିଦା କମିବା ଯୋଗୁ ବଜାର ଏହାଦ୍ୱାରା ପ୍ରଭାବିତ ହୋଇଥିବା ରିପୋର୍ଟରେ ଉଲ୍ଲେଖ ରହିଛି। ଚାହିଦାରେ ଏହି ଶିଥିଳତା ଚଳିତ ଆର୍ଥତ୍କ ବର୍ଷରେ ରହିବ ବୋଲି ଆକଳନ କରାଯାଇଛି। ଏହାବାଦ ଅଣ ବ୍ୟାଙ୍କିଙ୍ଗ ବିତ୍ତ ପ୍ରତିଷ୍ଠାନ(ଏନ୍‌ବିଏଫ୍‌ସି) ଏବଂ ଏଚ୍‌ଏଫ୍‌ସି କ୍ଷେତ୍ରରେ ନଗଦ ସଙ୍କଟ ଜିଡିପି ଅଭିବୃଦ୍ଧି ଉପରେ ପ୍ରଭାବ ପକାଉଛି।

ପ୍ରଭାବିତ ମାନୁଫାକଚରିଂ
ଦେଶର ମାନୁଫାକଚରିଂ ଶିଳ୍ପ ମଧ୍ୟ ପ୍ରଭାବିତ ସ୍ଥିତିରେ ରହିଛି। ମାର୍ଚ୍ଚରେ ଔଦ୍ୟୋଗିକ ଉତ୍ପାଦନ ୨୧ ମାସର ସର୍ବନିମ୍ନ (-)୦.୧ ସ୍ତରକୁ ଖସି ଆସିଥିଲା।

ନିଯୁକ୍ତି ସଙ୍କଟ
ଆଗାମୀ ସରକାର ନୂଆ ନିଯୁକ୍ତି ପ୍ରଦାନ କ୍ଷେତ୍ରରେ ମଧ୍ୟ ଆହ୍ବାନର ସାମ୍ନା କରିବେ। ପ୍ରଭାବିତ ଅର୍ଥନୀତି ଯୋଗୁ ନିଯୁକ୍ତି ଯୋଗାଣ ଧାରା ଏବେ ଉନ୍ନତ ସ୍ଥିତିରେ ନାହିଁ। ନିଯୁକ୍ତି ସୃଷ୍ଟି ଏନ୍‌ଡିଏ ସରକାରଙ୍କ ଲାଗି ଏକ ବଡ ଚ୍ୟାଲେଞ୍ଜ ଭାବେ ଉଭା ହୋଇଛି। ବୃହତ୍ତ ପରିମାଣର ଚାକିରି ସୃଷ୍ଟି କରିବାକୁ ସରକାର କହିଥିବା ବେଳେ ଏହା କରିବାକୁ ସକ୍ଷମ ହୋଇ ନାହାନ୍ତି। ଏହାକୁ ନେଇ ବିରୋଧି ଦଳଗୁଡିକ ସରକାରଙ୍କୁ ଅନେକ ସମୟରେ ଟାର୍ଗେଟ କରୁଛନ୍ତି।

ଟିକସ ସଂଗ୍ରହ ବୃଦ୍ଧି
ରାଜସ୍ବ ବୃଦ୍ଧି ସରକାରଙ୍କ ଲାଗି ଏକ ପ୍ରାଥମିକତା ହେବ। ଉଭୟ କଂଗ୍ରେସ ଏବଂ ବିଜେପି ପ୍ରତ୍ୟକ୍ଷ ଆୟ ସହାୟତା ଦେବାକୁ ଘୋଷଣା କରିଥିବାରୁ ଏହାକୁ ପୂରଣ କରିବା ଲାଗି ଟିକସ ସଂଗ୍ରହ ଉନ୍ନତ ହେବା ଆବଶ୍ୟକ। ଶିଥିଳ ଆର୍ଥତ୍କ ସ୍ଥିତି, ଜିଏସ୍‌ଟି ସୁଧାରକୁ ସରକାରଙ୍କୁ ଟିକସ ସଂଗ୍ରହ କ୍ଷେତ୍ରରେ ସଂଘର୍ଷ କରିବାକୁ ପଡୁଛି। ଟିକସ ସଂଗ୍ରହ ଉନ୍ନତ ହେଲେ ସରକାର ପ୍ରତିଶ୍ରୁତି ରକ୍ଷା କରିବା ସହ ନଗଦ ଅର୍ଥ ଲୋକଙ୍କୁ ଦେଇ ପାରିବେ। ଏହା ବାବ ପୁଞ୍ଜି ପ୍ରତ୍ୟାହାର ଏବଂ ସ୍ପେକ୍ଟ୍ରମ ବିକ୍ରରୁ ସରକାର ଅର୍ଥ ସଂଗ୍ରହ କରିପାରନ୍ତି।


All Right Reserved By

ଘରୋଇ ସହାୟକ ପାଇବେ କର୍ମଚାରୀଙ୍କ ଭଳି ସୁବିଧା

ନୂଆଦିଲ୍ଲୀ,୨୬-୬: ମୋଦି ସରକାର ସାମାଜିକ କ୍ଷେତ୍ରରେ କାର୍ଯ୍ୟରତ ପରିଚାରିକା/ପରିଚାରକ, ଡ୍ରାଇଭରଙ୍କ ଭଳି ଶ୍ରମିକଙ୍କ ପାଇଁ ଏକ ରାଷ୍ଟ୍ରୀୟ ନୀତି ଆଣିବେ। କେନ୍ଦ୍ର ଶ୍ରମମନ୍ତ୍ରୀ ସନ୍ତୋଷ ଗଙ୍ଗଓ୍ବାର...

ଆସିଲା ହୋଣ୍ଡାର ନୂଆ ଆମେଜ୍‌ ଭିଏକ୍ସ ସିଭିଟି

ନୂଆଦିଲ୍ଲୀ,୨୪-୪:ପ୍ରମୁଖ ଅଟୋମୋବାଇଲ ମାନୁଫାକ୍‌ଚରର ହୋଣ୍ଡା କାର୍‌ସ ଇଣ୍ଡିଆ ଲିମିଟେଡ(ଏଚ୍‌ସିଆଇଏଲ୍‌) ପକ୍ଷରୁ ନୂଆ ଆମେଜ୍‌ ଭିକ୍ସ ସିଭିଟି ବଜାରକୁ ଆସିଛି। ହୋଣ୍ଡା ଆମେଜ୍‌ ଫ୍ୟାମିଲି ସେଡାନ୍‌ ବର୍ଗରେ...

ବର୍ଷକ ଭିତରେ ଆସିବ ନୂଆ ଇ-କମର୍ସ ପଲିସି

ନୂଆଦିଲ୍ଲୀ,୨୬-୬: କେନ୍ଦ୍ର ସରକାର ଆସନ୍ତା ଏକ ବର୍ଷ ଭିତରେ ନୂଆ ରାଷ୍ଟ୍ରୀୟ ଇ-ବାଣିଜ୍ୟ (ଇ-କମର୍ସ) ନୀତି ଜାରି କରିବେ। ଏହାଦ୍ୱାରା ଇଣ୍ଟରନେଟ୍‌ ଜରିଆରେ ଅନ୍‌ଲାଇନରେ ହେଉଥିବା...

୮.୬୫% ସୁଧ ହାର ଉପରେ ଇପିଏଫ୍‌ଓ କାଏମ

ନୂଆଦିଲ୍ଲୀ,୨୯-୬-ଶ୍ରମ ମନ୍ତ୍ରଣାଳୟ ଓ କର୍ମଚାରୀ ଭବିଷ୍ୟନିଧି ସଂଗଠନ(ଇପିଏଫ୍‌ଓ) ଆର୍ଥିକ ବର୍ଷ ୨୦୧୮-୧୯ ଲାଗି ପିଏଫ୍‌ ସୁଧ ହାର ୮.୫୫ରୁ ୮.୬୫%କୁ ବୃଦ୍ଧି କରିବା ଲାଗି ନେଇଥିବା...

ନିଜର ଉତ୍ତରାଧିକାରୀଙ୍କୁ ଆଦିତ୍ୟ ପୁରୀଙ୍କ ୧୫ ଦିନିଆ ଚ୍ୟାଲେଞ୍ଜ

ନୂଆଦିଲ୍ଲୀ,୧୩-୭: ଏଚ୍‌ଡିଏଫ୍‌ସି ବ୍ୟାଙ୍କ ଏମ୍‌ଡି ଆଦିତ୍ୟ ପୁରୀଙ୍କ ଉତ୍ତରାଧିକାରୀ ଖୋଜା ଆରମ୍ଭ ହୋଇଛି। ତେବେ ନୂଆ ଏମ୍‌ଡିଙ୍କୁ ୨ ସପ୍ତାହ ଭିତରେ ତାଙ୍କର ସମସ୍ତ କାମ...

ଅକ୍ଟୋବର ପରେ ଦରମା ଦେଇପାରିବନି ଏୟାର ଇଣ୍ଡିଆ

ନୂଆଦିଲ୍ଲୀ,୩-୭: ଘରୋଇ କ୍ଷେତ୍ରର ଏୟାର ଲାଇନ୍ସ କମ୍ପାନୀ ଜେଟ୍‌ ଏୟାରଓ୍ବେଜ୍‌ ଅର୍ଥ ସଙ୍କଟ କାରଣରୁ ବନ୍ଦ ହୋଇଯାଇଥିବା ବେଳେ ଏବେ ରାଷ୍ଟ୍ରାୟତ୍ତ ବିମାନ କମ୍ପାନୀ ଏୟାର...

ଦେଶରେ ଦରମା ସମସ୍ୟା ରହିଛି: ପାଇ

ବେଙ୍ଗାଲୁରୁ,୧୭-୬: ଭାରତରେ ନିଯୁକ୍ତିର ସମସ୍ୟା ନାହିଁ, ବରଂ ଦରମା ସମସ୍ୟା ରହିଛି ବୋଲି ଇନ୍‌ଫୋସିସ୍‌ର ପୂର୍ବତନ ସିଏଫଓ ତଥା ଶୀର୍ଷ ନିବେଶକ ଟି.ଭି.ମୋହନଦାସ ପାଇ କହିଛନ୍ତି।...

ସପ୍ତାହକ ଭିତରେ ଜେଟ୍‌ର ସ୍ଥିତି ସ୍ପଷ୍ଟ ହେବ: ଏସ୍‌ବିଆଇ ମୁଖ୍ୟ

ନୂଆଦିଲ୍ଲୀ,୨୦-୫: ଆର୍ଥିକ ସଙ୍କଟ କାରଣରୁ ଅସ୍ଥାୟୀଭାବେ ବନ୍ଦ ହୋଇଯାଇଥିବା ଜେଟ୍‌ ଏୟାରଓ୍ବେଜ୍‌ର ଭବିଷ୍ୟତକୁ ନେଇ ଏବେ ବି ଅନିଶ୍ଚିତତା ଲାଗି ରହିଛି। ଜେଟ୍‌ ପୁଣିଥରେ କାର୍ଯ୍ୟକ୍ଷମ...


selfi corner

Model This Week

Why Dharitri

Leave a comment

Your email address will not be published. Required fields are marked *