Posted inଖେଳ

ବଡ଼ଭଉଣୀ ବ୍ଲାକମେଲ କରୁଛନ୍ତି: ଦୂତୀ

ଭୁବନେଶ୍ୱର,୨୨।୫ (ସ୍ପୋଟର୍‌ସ ବ୍ୟୁରୋ)- ଦେଶର ଦ୍ରୁତତମ ଧାବିକା ତଥା ସ୍ପ୍ରିଣ୍ଟ କୁଇନ୍‌ ଦୂତୀ ଚାନ୍ଦ ନିଜ ସମଲିଙ୍ଗୀ ସମ୍ପର୍କକୁ ନେଇ ମୁହଁ ଖୋଲିବା ପରେ କେବଳ ରାଜ୍ୟ ନୁହଁ ସାରା ଦେଶରେ ହଇଚଇ ସୃଷ୍ଟି ହୋଇଛି। ଏପରିକି ଲୋକେ ଦେଶରେ ଶେଷ ହୋଇଥିବା ସାଧାରଣ ନିର୍ବାଚନ, ଏକ୍‌ଜିଟ୍‌ ପୋଲ୍‌ର ଫଳାଫଳ ଓ ୨୩ ତାରିଖ ଦିନ ଘୋଷିତ ହେବାକୁ ଥିବା ନିର୍ବାଚନ ଫଳାଫଳକୁ କିଛି ସମୟ ପାଇଁ ଭୁଲି ଯାଇଛନ୍ତି। ଦୂତୀଙ୍କ ଏହି ସମଲିଙ୍ଗୀ ସମ୍ପର୍କକୁ ତାଙ୍କର ପରିବାର ସଦସ୍ୟ ଖୋଲାଖୋଲି ବିରୋଧ କରିବା କଥା କାହାକୁ ଅଛପା ନାହିଁ। ଏବେ ଦୂତୀ ଏ ସଂକ୍ରାନ୍ତରେ ନିଜର ମୁହଁ ଖୋଲିଛନ୍ତି। ମଙ୍ଗଳବାର ଆୟୋଜିତ ହୋଇଥିବା ଏକ ଖବରରଦାତା ସମ୍ମିଳନୀରେ ସେ ନିଜ ମନକଥା ଖୋଲି କହିଛନ୍ତି। ଦେଶର ପ୍ରଥମ କ୍ରୀଡ଼ାବିତ୍‌ ଭାବେ ସେ ସମଲିଙ୍ଗୀ ସମ୍ପର୍କକୁ ସ୍ବୀକାର କରି ସାହସିକତାର ପରିଚୟ ଦେଇଛନ୍ତି। ତେବେ ଏ ନେଇ ସାରା ଦେଶରେ ମିଶ୍ର ପ୍ରତିକ୍ରିୟା ପ୍ରକାଶ ପାଇଛି। ତାଙ୍କ ସମ୍ପର୍କକୁ ନେଇ ପରିବାର ଲୋକେ ବିରୋଧ କରିଥିବାରୁ ସେ ଏହାକୁ ନାପସନ୍ଦ କରିଛନ୍ତି। ପରିବାର ଲୋକଙ୍କ ବିରୋଧ ଆଗରେ ମୁଣ୍ଡ ନୁଆଁଇବି ନାହିଁ ବୋଲି ସେ ସ୍ପଷ୍ଟ କରିଛନ୍ତି। ତାଙ୍କୁ ପରିବାରରୁ ବେଦଖଲ କରିବାକୁ ପୂର୍ବରୁ ଧମକ ଦିଆଯାଇଥିଲା ବୋଲି ସେ କହିଥିଲେ। ଖାସ କରି ନିଜ ବଡ଼ଭଉଣୀ ସରସ୍ବତୀ ଚାନ୍ଦଙ୍କ ବିରେଧାରେ ଦୂତୀ ବିଷୋଦ୍‌ଗାର କରିଛନ୍ତି।
ସମଲିଙ୍ଗୀ ବୋଲି ଜଣାପଡ଼ିବା ପରେ ମୋତେ ଘରୁ ବାହାର କରିବାକୁ ମୋବଡ଼ ଭଉଣୀ ଧମକ ଦେଇଛନ୍ତି ବୋଲି ସେ ଖୋଲାଖୋଲି କହିଛନ୍ତି। ମୋ ସମ୍ପର୍କ ବିଷୟରେ ଜାଣିବା ପରେ ସରସ୍ବତୀ ବ୍ଳାକମେଲ କରିଆସୁଥିଲେ। ଏଥିପାଇଁ ସେ ମୋଠାରୁ ୨୫ ଲକ୍ଷ ଟଙ୍କା ଦାବି କରିଥିଲେ । ଥରେ ସେ ମୋତେ ବାଡ଼େଇଥିଲେ ଓ ଏ ନେଇ ମୁଁ ଥାନାରେ ଏତଲା ଦେଇଥିଲି। ସେ ବରାବର ବ୍ଲାକମେଲ୍‌ କରିବା ପରେ ମୋ ସମ୍ପର୍କ ନେଇ ମୁହଁ ଖୋଲିବାକୁ ବାଧ୍ୟହୋଇଥିଲି ବୋଲି ଦୂତୀ ସ୍ପଷ୍ଟ କରିଛନ୍ତି। ୩ ବର୍ଷ ପୂର୍ବରୁ ଆମର ସମ୍ପର୍କ ସୃଷ୍ଟି ହୋଇଥିଲା। କେବଳ ସେତିକି ନୁହଁ ମା’ଙ୍କୁ ମୋ ବିରୋଧରେ ପରିବାର ଲୋକେ ଉସ୍‌କାଇଛନ୍ତି। ମୋ ବିରୋଧରେ ଏକ ଷଡ଼ଯନ୍ତ୍ର ରଚାଯାଇଛି ବୋଲି ସେ ଅଭିଯୋଗ ଆଣିଛନ୍ତି। ପରିବାର ପାଇଁ ମୁଁ କିଛି କରିନାହିଁ ବୋଲି ମୋ ବିରୋଧରେ ଅପବାଦ କରାଯାଉଛି। କିନ୍ତୁ ତାହା ଆଦୌ ସତ ନୁହେଁ ବୋଲି ସେ କହିଛନ୍ତି। ଭାଇ, ଭଉଣୀ, ମା- ବାପାଙ୍କ ପାଇଁ ମୁଁ ଯଥା ସାଧ୍ୟ ସବୁ କିଛି କରିଛି। ଗାଁରେ ପରିବାର ଲୋକଙ୍କ ପାଇଁ ଘର କରିଛି। ଭଉଣୀମାନଙ୍କୁ ପଢ଼ାଇବାରେ ସାହାଯ୍ୟ କରିଛି। ଏପରିକି ଜଣେ ଭଉଣୀଙ୍କୁ ଗାଡି ଦେଇଛି। ମୋ ବିରୋଧରେ ମା’ଙ୍କୁ ମତାଇବାକୁ ପରିବାର ଲୋକେ ପ୍ରୟାସ କରିଛନ୍ତି। ଏହା ମୋତେ ଦୁଃଖ ଦେଇଛି। ତେବେ ପରିବାର ସଦସ୍ୟଙ୍କ ଚାପ୍‌ ଆଗରେ ମୁଣ୍ଡ ନୁଆଁଇବି ନାହିଁ ବୋଲି ସେ ସ୍ପଷ୍ଟ କରିଛନ୍ତି। ଏବେ ମୁଁ ବିଶ୍ୱ ଚାମ୍ପିୟନଶିପ୍‌ ଓ ୨୦୨୦ ଟୋକିଓ ଅଲିମ୍ପିକ୍ସ ପ୍ରସ୍ତୁତି ଉପରେ ଫୋକସ କରୁଛି ବୋଲି ଦୂତୀ କହିଛନ୍ତି। ଆୟୋଜିତ ଖବରଦାତା ସମ୍ମିଳନୀରେ ଦୂତୀଙ୍କ ସମେତ, ମିରା ପରିଡା, ସାଧନା ମିଶ୍ର, ଦୀପକ ମହାପାତ୍ର ଓ ତପି ମିଶ୍ର ଉପସ୍ଥିତ ଥିଲେ।
ପୂର୍ବରୁ ସରସ୍ବତୀ ମୋ ଭାଇଙ୍କୁ ମଧ୍ୟ ଘରୁ ବାହାର କରିଦେଇଥିଲେ। ଭାଉଜଙ୍କୁ ସେ ପସନ୍ଦ କରୁ ନ ଥିବାରୁ ସେ ଏଭଳି କଠୋର ନିଷ୍ପତ୍ତି ନେଇଥିଲେ। ସମଲିଙ୍ଗୀ ସମ୍ପର୍କ ନେଇ ସରସ୍ବତୀ ମୋତେ ଜେଲ ପଠାଇବାକୁ ମଧ୍ୟ ଧମକ ଦେବାକୁ ପିଛାଇ ନ ଥିଲେ ବୋଲି ସେ କହିଛନ୍ତି। ପୂର୍ବରୁ ନିଜ ତଥାକଥିତ ବାନ୍ଧବୀଙ୍କ ତାଙ୍କ ଗଁାର ବୋଲି ଦୂତୀ କହିଥିଲେ। କ୍ରୀଡ଼ା ହିଁ ଆମ ଦୁହିଁଙ୍କୁ ଏକାଠି କରିଥିଲା। ଏହା ମୋର ବ୍ୟକ୍ତିଗତ ପସନ୍ଦ। ସମସ୍ତଙ୍କୁ ସ୍ବାଧୀନ ଭାବେ ବଞ୍ଚିବାର ଅଧିକାର ଅଛି। ଆମେ କିଛି ଅପରାଧ କରୁନାହୁଁ ବୋଲି ସେ ପୂର୍ବରୁ କହିଥିଲେ। ଯଦି ସବୁ କିଛି ଠିକ୍‌ଠାକ୍‌ ଚାଲେ ସାଥିହୋଇ ବାନ୍ଧବୀଙ୍କ ସହ ଭବିଷ୍ୟତରେ ଆମେ ଏକାଠି ରହିବୁ ବୋଲି ଦୂତୀ କହିଥିଲେ।


All Right Reserved By

Posted inଖେଳ

ଏଫ୍‌ଆଇଏଚ୍‌ ସିରିଜ ଫାଇନାଲ୍ସ: ଜାପାନର କ୍ରମାଗତ ଦ୍ୱିତୀୟ ବିଜୟ

ଭୁବନେଶ୍ୱର,୯।୬(ସ୍ପୋଟର୍‌ସ ବ୍ୟୁରୋ)- ଏଠାରେ ଚାଲିଥିବା ଅନ୍ତର୍ଜାତୀୟ ହକି ଫେଡେରେଶନ (ଏଫ୍‌ଆଇଏଚ୍‌) ସିରିଜ ଫାଇନାଲ୍ସରେ ଏସିଆନ୍‌ ଗେମ୍ସ ଚାମ୍ପିୟନ ଜାପାନ ପୁଲ୍‌ ବି’ରେ କ୍ରମାଗତ ଦ୍ୱିତୀୟ ବିଜୟ...

ଓ୍ବାସିମ ଜାଫରଙ୍କୁ ନୂଆ ଦାୟିତ୍ୱ

କୋଲକାତା/ମୁମ୍ବାଇ, ୧୭|୫ (ପି.ଟି.)- ବାଂଲାଦେଶ କ୍ରିକେଟ ବୋର୍ଡ(ବିସିବିି) ପୂର୍ବତନ ଭାରତୀୟ ଓପନର ଓ୍ବାସିମ୍‌ ଜାଫରଙ୍କୁ ମୀରପୁରସ୍ଥିତ ଏହାର ଏକାଡେମୀରେ ବ୍ୟାଟିଂ ପରାମର୍ଶଦାତା ଭାବେ ନିଯୁକ୍ତି ଦେଇଛି।...

ଆଇଏଏଏଫ୍‌ ଟେଷ୍ଟୋଷ୍ଟେରୋନ ନିୟମକୁ ସସ୍‌ପେଣ୍ଡ

ଜେନେଭା, ୪ା୬ (ଏଏଫ୍‌ପି)-ସୁଇଜରଲାଣ୍ଡର ଟପ୍‌ କୋର୍ଟ ସୋମବାର ସାମୟିକ ଭାବେ ଇଣ୍ଟରନ୍ୟାଶନାଲ ଆସୋସିଏଶନ ଅଫ୍‌ ଆଥଲେଟିକ୍‌ ଫେଡେରେଶନ୍ସ (ଆଇଏଏଏଫ୍‌)ର ବିବାଦୀୟ ଟେଷ୍ଟୋଷ୍ଟେରୋନ ନିୟମକୁ ସସ୍‌ପେଣ୍ଡ କରିଛନ୍ତି।...

ନୌକା ଚାଳକ ଭୋକନାଲଙ୍କ ନାମରେ ମାମଲା

ନାଶିକ,୧୮।୫- ଅନ୍ତର୍ଜାତୀୟ ଖ୍ୟାତିସମ୍ପନ୍ନ ନୌକା ଚାଳକ ଦତ୍ତୁ ଭୋକାନାଲଙ୍କ ବିରୋଧରେ ନାଶିକର ଜଣେ ମହିଳା କନଷ୍ଟେବଳ ଠକାମି ଓ ଉତ୍ପୀଡନା ମାମଲା ଦାଏର କରିଛନ୍ତି। ଉକ୍ତ...

ଷ୍ଟଟଗାର୍ଟ ଓପନରୁ ଜେଭରେଭ ବିଦା

ଷ୍ଟଟଗାର୍ଟ,୧୪।୬(ଏଏଫ୍‌ପି): ବିଶ୍ୱର ୫ମ ର଼୍ୟାଙ୍କଧାରୀ ପୁରୁଷ ସିଙ୍ଗଲ୍ସ ଟେନିସ ଖେଳାଳି ଆଲେକ୍ସଜାଣ୍ଡାର ଜେଭରେଭ ଏଠାରେ ଚାଲିଥିବା ଷ୍ଟଟଗାର୍ଟ ଏଟିପି ଇଭେଣ୍ଟରେ ବିପର୍ଯ୍ୟୟର ସମ୍ମୁଖୀନ ହୋଇଛନ୍ତି। ତାଙ୍କୁ...

ଏଫ୍‌ଆଇଏଚ୍‌ ସିରିଜ ଫାଇନାଲ୍ସ: ଭାରତ-ଜାପାନ ସେମିଫାଇନାଲ

ଭୁବନେଶ୍ୱର, ୧୩।୬(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଚାଲିଥିବା ଏଫ୍‌ଆଇଏଚ୍‌୍‌ ସିରିଜ ଫାଇନାଲ୍ସ ହକି ଟୁର୍ନାମେଣ୍ଟରେ ଭାରତ ସେମିଫାଇନାଲରେ ଏସୀୟ ଚାମ୍ପିୟନ ଜାପାନକୁ ଭେଟିବ। ବୁଧବାର ଅନୁଷ୍ଠିତ...

ପିଇବା ପାଣିରେ କାର୍‌ ଧୋଇ ଦଣ୍ଡିତ କୋହଲି

ନୂଆଦିଲ୍ଲୀ, ୮ା୬- ପିଇବା ପାଣି ନଷ୍ଟ କରିବାରୁ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କୁ ଜରିମାନା ଦେବାକୁ ପଡ଼ିଛିି। ଗୁରୁଗ୍ରାମସ୍ଥିତ ବାସଭବନ ଡିଏଲ୍‌ଏଫ୍‌ ଫେଜ...

ଭାରତକୁ ପ୍ରଥମ ସଫଳତା ଦେଲେ ବିଜୟ ଶଙ୍କର

ମାଞ୍ଚେଷ୍ଟର, ୧୬।୬:ଓଲ୍ଡ ଟ୍ରାଫର୍ଡରେ ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯାଉଛି ହାଇଭୋଟଟେଜ୍‌ ମ୍ୟାଚ୍‌। ଭାରତର ୩୩୭ରନ୍‌ର ବିଶାଳ ଲକ୍ଷ୍ୟକୁ ପିଛା କରୁଥିବା ପାକସ୍ତାନକୁ ପ୍ରାରମ୍ଭରୁ ଝଟକା...


selfi corner

 

Model This Week

Why Dharitri

Leave a comment

Your email address will not be published. Required fields are marked *