ବିମାନ ଯାତ୍ରା ବେଳେ ମୁହଁ ହେବ ବୋର୍ଡିଂ ପାସ୍‌;ଡିଜି ଯାତ୍ରା ନାମରେ ଆରମ୍ଭ ହେବ ପ୍ରକଳ୍ପ

ନୂଆଦିଲ୍ଲୀ,୨୨-୫: ଏଣିକି ଦେଶର ସମସ୍ତ ବିମାନ ବନ୍ଦରରେ ଖୁବ୍‌ଶୀଘ୍ର ଯାତ୍ରୀଙ୍କୁ ବୋର୍ଡିଂ ପାସ୍‌ ଓ ଲମ୍ବା ଲାଇନରୁ ମୁକ୍ତି ମିଳିବାକୁ ଯାଉଛି। ବେଙ୍ଗାଲୁରୁ ବିମାନ ବନ୍ଦରରୁ ନୂତନ ବ୍ୟବସ୍ଥା ଆରମ୍ଭ ହେବାକୁ ଯାଉଛି। ଇଲେକ୍ଟ୍ରୋନିକ ମାଧ୍ୟମରେ ଯାତ୍ରୀମାନେ ମୁହଁକୁ ଯାଞ୍ଚ କରି ବିମାନ ବନ୍ଦରରେ ପ୍ରବେଶ କରିପାରିବେ ବୋଲି ଜଣାପଡିଛି।
ଅସଲରେ ବିମାନ ବନ୍ଦରରେ ଏକ ଡିପାର୍ଚର କଣ୍ଟ୍ରୋଲ ସିଷ୍ଟମ ଲଗାଯିବ, ଯାହା କି ବାୟୋମେଟ୍ରିକ ଆଇଡି ଜରିଆରେ ଚେକ୍‌-ଇନ୍‌ ବ୍ୟବସ୍ଥାକୁ ସମ୍ପୂର୍ଣ୍ଣ କରିବ। ଏହାକୁ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ‘ଡିଜି ଯାତ୍ରା’ ପ୍ରକଳ୍ପ ଭାବେ ଆରମ୍ଭ କରାଯିବ। ଚଳିତ ବର୍ଷର ତୃତୀୟ ତ୍ରୈମାସରୁ ଏହାର ପ୍ରଥମ ପର୍ଯ୍ୟାୟ ଆରମ୍ଭ ହେବ। ଏହି ପ୍ରକଳ୍ପ ଅଧୀନରେ ଯାତ୍ରୀଙ୍କ ପାଇଁ ବିମାନ ବନ୍ଦର ବାହାରେ ଡିଜି ଯାତ୍ରା କିଓସ୍କ ଲଗାଯିବ। ଏଥିରେ ଯାତ୍ରୀଙ୍କୁ ନିଜର ରେଜିଷ୍ଟ୍ରେଶନ କରିବାକୁ ହେବ। ଘରୋଇ ଯାତ୍ରୀଙ୍କୁ ସର୍ବପ୍ରଥମେ ଏହି ପ୍ରକଳ୍ପ ଅଧୀନକୁ ଅଣାଯିବ। ଦ୍ୱିତୀୟ ପର୍ଯ୍ୟାୟରେ ବିଦେଶ ଯାଉଥିବା ଯାତ୍ରୀଙ୍କୁ ଏହି ପ୍ରକଳ୍ପ ଅଧୀନରେ ସାମିଲ କରାଯିବ। ପ୍ରଥମେ ଭିସ୍ତାରା ଏୟାରଲାଇନ୍ସ ଜରିଆରେ ଏହି ପ୍ରକଳ୍ପ ଆରମ୍ଭ କରାଯିବ। ପରେ ଅନ୍ୟ ବିମାନ କମ୍ପାନୀଗୁଡ଼ିକୁ ଏହି ପ୍ରକଳ୍ପ ଅଧୀନକୁ ଅଣାଯିବ। ସୂଚନାଥାଉ କି, ବର୍ତ୍ତମାନ ଯାତ୍ରୀମାନଙ୍କୁ ନିଜର ଟିକଟ, ପରିଚୟପତ୍ର ଏବଂ ବୋର୍ଡିଂ ପାସ୍‌କୁ ଏୟାରପୋର୍ଟ ଟର୍ମିନାଲର ଏକାଧିକ ସ୍ଥାନରେ ଦେଖାଇବାକୁ ପଡିଥାଏ।
ଏଥିଲାଗି ଯାତ୍ରୀ ଲମ୍ବା ଲାଇନରେ ଛିଡା ହେବାକୁ ବାଧ୍ୟ ହୁଏ। ବାରମ୍ବାର ବୋର୍ଡିଂ ପାସ୍‌ ଓ ପରିଚୟ ପତ୍ର ଦେଖାଇ ଯାତ୍ରୀ ଥକିଯାଏ ଓ ବିରକ୍ତ ହୁଏ। ଲମ୍ବା ଚେକିଂ କାରଣରୁ ବିମାନ ଯାତ୍ରୀଙ୍କୁ ଯାତ୍ରାର ପ୍ରାୟ ୪୫ମିନିଟ୍‌ରୁ ୧ ଘଣ୍ଟା ପୂର୍ବରୁ ଏୟାରପୋର୍ଟରେ ପହଞ୍ଚତ୍ବାକୁ ପଡିଥାଏ। ଡିଜି ଯାତ୍ରା ପ୍ରକଳ୍ପ ଆରମ୍ଭ ହେବା ପରେ ଯାତ୍ରୀଙ୍କୁ ନିଜର ଟିକେଟ, ବୋର୍ଡିଂ ପାସ୍‌, ପରିଚୟ ପତ୍ର ବାରମ୍ବାର ଦେଖାଇବାର ଝଞ୍ଜଟରୁ ମୁକ୍ତି ମିଳିବ। କେବଳ ବାୟୋମେଟ୍ରିକ ଅଥବା କ୍ୟୁଆର୍‌ କୋଡ୍‌ ଜରିଆରେ ତାଙ୍କର ପରିଚୟ ସତ୍ୟତା ଯାଞ୍ଚ ହୋଇଯିବ। ଏହାଦ୍ୱାରା ବିମାନ ବନ୍ଦରରେ ଥିବା ଏକାଧିକ ଯାଞ୍ଚ ସ୍ଥାନରେ ସହଜରେ ପ୍ରବେଶ ମିଳିଯିବ। ଏହାଦ୍ୱାରା ଲମ୍ବା ଲାଇନରେ ଛିଡା ହେବାକୁ ପଡିବନି ଓ ସମୟ ସାଶ୍ରୟ ହେବ। ଏହି ସୁବିଧାର ଲାଭ ନେବା ଲାଗି ଯାତ୍ରୀଙ୍କୁ ନିଜର ନାମ, ଇ-ମେଲ୍‌ ଆଇଡି, ମୋବାଇଲ ନମ୍ବର ଏବଂ ଆଧାର କାର୍ଡ ଭଳି ପରିଚୟ ପତ୍ର ସହାୟତାରେ ଏକ ୟୁନିକ ଡିଜି ଆଇଡି ତିଆରି କରିବାକୁ ହେବ। ଟିକେଟ ବୁକିଂ ସମୟରେ ଏହି ଆଇଡିର ବ୍ୟବହାର କରିବାକୁ ହେବ। ଏହା ପରେ ଯାତ୍ରୀଙ୍କ ଯାତ୍ରା ସ୍ଥାନର ବିମାନ ବନ୍ଦରକୁ ଏୟାରଲାଇନ୍ସ କମ୍ପାନୀ ତାଙ୍କର ସମ୍ପୂର୍ଣ୍ଣ ବିବରଣୀ ଉପଲବ୍ଧ କରାଇବେ। ପ୍ରଥମଥର ବିମାନରେ ଯାତ୍ରା କରୁଥିଲେ ଯାତ୍ରୀଙ୍କ ଆଇଡିର ଯାଞ୍ଚ ହେବ। ଯାଞ୍ଚ ପ୍ରକ୍ରିୟା ସଫଳ ହେବା ପରେ ତାଙ୍କ ମୁହଁର ବାୟୋମେଟ୍ରିକ ନିଆଯାଇ ଆଇଡି ସହ ଯୋଡିଦିଆଯିବ।
ଥରେ ଏହି ପ୍ରକ୍ରିୟା ସଫଳ ହେବା ପରେ ବାରମ୍ବାର ବୋର୍ଡିଂ ପାସ୍‌, ପାସପୋର୍ଟ ଅଥବା ଅନ୍ୟ ପରିଚୟପତ୍ର ସାଙ୍ଗରେ ନେବାର ଅଥବା ପ୍ରଦର୍ଶନ କରିବାର ଆବଶ୍ୟକତା ପଡିବ ନାହିଁ। ବେଙ୍ଗାଲୁରୁ ଅନ୍ତରାଷ୍ଟ୍ରୀୟ ବିମାନ ବନ୍ଦର ଲିମିଟେଡ ଏମ୍‌ଡି ତଥା ସିଇଓ ହରି ମରାର୍‌ କହିଛନ୍ତି ଯେ, ଏଣିକି ଯାତ୍ରୀଙ୍କ ମୁହଁ ହିଁ ହେବ ତାଙ୍କର ବୋଡିର୍ର୍ଂ ପାସ୍‌। ଏହି ସୁବିଧା ଯୋଗୁ ଯାତ୍ରୀଙ୍କୁ ଅଯଥା ହଇରାଣ ହେବାକୁ ପଡିବନି। ସେମାନଙ୍କୁ ଲମ୍ବା ଲାଇନରେ ଛିଡା ହେବାର ଆବଶ୍ୟକତା ରହିବ ନାହିଁ।


All Right Reserved By

ଋଣ ଫେରସ୍ତ ପ୍ରସ୍ତାବ ଦୋହରାଇଲେ ମାଲ୍ୟା

ଲଣ୍ଡନ,୩୦-୪: ପ୍ରତ୍ୟର୍ପଣ ମାମଲାର ସାମ୍ନା କରୁଥିବା ମଦ ବ୍ୟବସାୟୀ ବିଜୟ ମାଲ୍ୟା ଜେଟ୍‌ ଏୟାରଓ୍ବେଜ ବନ୍ଦ ହୋଇଯିବା ନେଇ ବର୍ଷିଛନ୍ତି। ଏଥିସହ ସେ ତାଙ୍କର ବକେୟା...

ବମ୍ବେ ହାଇକୋର୍ଟଙ୍କ ନିର୍ଦ୍ଦେଶ;ଚୋକ୍‌ସିଙ୍କ ମେଡିକାଲ ରିପୋର୍ଟ ଯାଞ୍ଚ କରିବେ ବିଶେଷଜ୍ଞ ଦଳ

ମୁମ୍ବାଇ,୨୫-୬: ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ର ପ୍ରାୟ ସାଢ଼େ ୧୩ ହଜାର କୋଟି ଟଙ୍କାର ମହାଠକେଇ ମାମଲାର ଅନ୍ୟତମ ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ମେହୁଲ ଚୋକ୍‌ସିଙ୍କ...

ସୁପର ୩୦ ଦ୍ୱାରା ଛାତ୍ରୀଛାତ୍ରଙ୍କୁ ଉତ୍ସାହିତ କରିବଜିନ୍ଦେଗୀ ଫାଉଣ୍ଡେଶନ

ଭୁବନେଶ୍ୱର,୧୪-୭: ଗଣିତଜ୍ଞ ଆନନ୍ଦ କୁମାରଙ୍କ ଚରିତ୍ର ଉପରେ ପର୍ଯ୍ୟବସିତ ‘ସୁପର ୩୦’ ଚଳଚ୍ଚିତ୍ର ରିଲିଜ ହୋଇଥିବା ବେଳେ ଏଥିରେ ପ୍ରମୁଖ ଭୂମିକାରେ ହ୍ରିତିକ ରୋଶନ ଏବଂ...

ବିଓବିରେ ମିଶ୍ରଣର ପ୍ରଭାବ;୯୦୦ ଶାଖା ବନ୍ଦ ହେବା ସମ୍ଭାବନା

ନୂଆଦିଲ୍ଲୀ,୨୦-୫: ବ୍ୟାଙ୍କ ଅଫ୍‌ ବରୋଦା(ବିଓବି) ସହ ଅନ୍ୟ ଦୁଇଟି ରାଷ୍ଟ୍ରାୟତ୍ତ ବ୍ୟାଙ୍କର ମିଶ୍ରଣ ପରେ ଏବେ ୮୦୦ରୁ ୯୦୦ ଶାଖା ବନ୍ଦ ହୋଇଯିବ ଅଥବା ସ୍ଥାନାନ୍ତରିତ...

ଧାମରା ଏଲ୍‌ଏନ୍‌ଜି ପ୍ରକଳ୍ପରେ ଗେଲ୍‌, ଆଇଓସିଏଲ୍‌ ଅଂଶଧନ ଗ୍ରହଣ ସ୍ଥିତି ଅସ୍ପଷ୍ଟ

ନୂଆଦିଲ୍ଲୀ,୯-୭: ଓଡିଶାର ଧାମରାଠାରେ ଆଦାନୀ ଗ୍ରୁପ ପକ୍ଷରୁ ପ୍ରସ୍ତାବିତ ଏଲ୍‌ଏନ୍‌ଜି ପ୍ରକଳ୍ପରେ ରାଷ୍ଟ୍ରାୟତ୍ତ ଇଣ୍ଡିଆନ ଅଏଲ କର୍ପୋରେଶନ (ଆଇଓସିଏଲ୍‌) ଏବଂ ଗ୍ୟାସ ଅଥରିଟି ଇଣ୍ଡିଆ ଲିମିଟେଡ(ଗେଲ୍‌)...

ଜିଡିପି ୬.୧%କୁ ଖସିପାରେ: ଏସ୍‌ବିଆଇ ରିପୋର୍ଟ

ନୂଆଦିଲ୍ଲୀ,୨୯-୫: ଦେଶର ଆର୍ଥିକ ଅଭିବୃଦ୍ଧି ହାର ମାର୍ଚ୍ଚ ୨୦୧୯ରେ ଶେଷ ହେଉଥିବା ଚତୁର୍ଥ ତ୍ରୈମାସରେ ହ୍ରାସ ପାଇ ୫.୯ରୁ ୬.୧% ମଧ୍ୟରେ ରହିବ। ଏହାଦ୍ୱାରା ସମ୍ପୂର୍ଣ୍ଣ...

ନିଜର ଉତ୍ତରାଧିକାରୀଙ୍କୁ ଆଦିତ୍ୟ ପୁରୀଙ୍କ ୧୫ ଦିନିଆ ଚ୍ୟାଲେଞ୍ଜ

ନୂଆଦିଲ୍ଲୀ,୧୩-୭: ଏଚ୍‌ଡିଏଫ୍‌ସି ବ୍ୟାଙ୍କ ଏମ୍‌ଡି ଆଦିତ୍ୟ ପୁରୀଙ୍କ ଉତ୍ତରାଧିକାରୀ ଖୋଜା ଆରମ୍ଭ ହୋଇଛି। ତେବେ ନୂଆ ଏମ୍‌ଡିଙ୍କୁ ୨ ସପ୍ତାହ ଭିତରେ ତାଙ୍କର ସମସ୍ତ କାମ...

ଦେଶରେ ବୀମା ପେନିଟ୍ରେଶନ ଜିଡିପିର ୦.୯% : ଏସ୍‌ବିଆଇ ଜେନେରାଲ ଏମ୍‌ଡି

ଭୁବନେଶ୍ୱର,୧-୬: ଅଭିବୃଦ୍ଧିଶୀଳ ବଜାରଗୁଡିକୁ ବିଚାରକୁ ନେଲେ ଜଣାଯିବ ଯେ,ଅଣ ଜୀବନ ବୀମା ଗ୍ରହଣ କ୍ଷେତ୍ରରେ ଭାରତର ସ୍ଥିତି ଏତେଟା ଆଖି ଦୃଶିଆ ନୁହେଁ। ବର୍ତ୍ତମାନ ଘରୋଇ...


selfi corner

Model This Week

Why Dharitri

Leave a comment

Your email address will not be published. Required fields are marked *