ମକଡ଼ଦମପଡ଼ାରେ କିଡ଼୍‌ନୀ ରୋଗ୍‌ ଆତଁକ୍‌

ସିନାପାଲି,୨୦।୫ (ଡି.ଏନ.ଏ)-  ନୂଆପଡା ଜିଲା ସିନାପାଲି ବ୍ଲକ ଲିଟିଗୁଡା ପଁଚେତ୍‌ ମକଡଦମପଡା ଗାଁବାସୀ ନିରମଲ ପାଏନ୍‌ ଅଭାବୁ ଫ୍ଲୋରାଇଡ୍‌ ମିଶା ପାଏନ୍‌ ପିଇ ଅନେକ ଲୋକ୍‌ କିଡ଼୍‌ନୀ ରୋଗ୍‌ରେ ମରିଥିଲାବେଲେ ବଡ଼ଭାଗୀ ଲୋକ ପୀଡ଼ିତ ଅଛନ୍‌।
ସୂଚନା ଅନ୍‌ସାରେ ସିନାପାଲି ବ୍ଲକ ସଦରନୁ ମକଡ଼ଦମପଡ଼ା ଗାଁଟା ୧୨ କି.ମି. ଦୂରେ ରହିଛେ। ଗାଁର ସଭେ ଆଦିବାସୀ ସମାଜର ହେଇଥିଲାବେଲେ ୫୦ଟା ପରିବାରର ପାଖାପାଖି ୨ଶହ ଲୋକ୍‌ ବାସ କରୁଛନ୍‌। ସଭେ ନିହାତି ଗରିବ୍‌ ହେଇଥିଲାବେଲେ ଜଂଗଲଜାତ ଦରବ୍‌ ଉପରେ ନିରଭର କରି ନିଜର ଜୀବନ୍‌ ଜୀବ୍‌କା ଚଲଉଛନ୍‌। ଗାଁରେ ବଡ଼ଭାରି ପିଇଲା ପାଏନ୍‌ ସମସିଆ ରହିଛେ। ଗାଁବାସୀକର ବେଭାର ଲାଗି ଗାଁରେ ୨ଟା ନଲ୍‌ଚୁଆଁ ରହିଛେ। ସେଥ୍‌ରୁ ଗୁଟେ ଅଚଲ ଥିଲାବେଲେ ଗୁଟେ ନଲ୍‌ଚୁଆଁ ଉପରେ ଗାଁଯାକ ଲୋକ୍‌ ନିରଭର କରୁଛନ୍‌। ହେଲେ ସେ ନଲ୍‌ଚୁଆଁରୁ ବହୁତ୍‌ ପରିମାନର ଫ୍ଲୋରାଇଡ୍‌ ମିଶା ପାଏନ୍‌ ବାହାରୁଛେ। ଗାଁବାସୀ ଇ ପାଏନ୍‌କେ ବେଭାର କରି ନାନା ରୋଗ୍‌ରେ ପୀଡ଼ିତ ହେଉଛନ୍‌। ଏନ୍‌ତା କି ଗଁାରେ ଅନେକ୍‌ ଲୋକ୍‌ କିଡ଼୍‌ନୀ ରୋଗ୍‌ରେ ମରିଥିଲାବେଲେ ଆରକେତେ ଜୀବନ୍‌ ମରନ୍‌ ସଂଗେ ଯୁଝୁଛନ୍‌। ଗାଁବାସୀ ପିଇଲା ପାଏନ୍‌ ସମସିଆକେ ନେଇ ବାରବାର ପରଶାସନକେ ଗୁହାରିକଲାରୁ ସିନାପାଲି ଗ୍ରାମ୍ୟ ଜଳ ଓ ପରିମଳ ବିଭାଗ ତରଫୁ ୨୦୧୩-୧୪ ସାଲେ ଗୁଟେ ପାଏନ୍‌ ପ୍ରକଳ୍ପର ଥାପନା କରାଯାଇଛେ। ହେଲେ ଦୁଖର କଥା ଏତେ ସବୁ ଘଟି ଗଲା ଉତାରୁ ବି ପରଶାସନର ଚେତା ନାଇଁ ପସବାର। ପ୍ରକଳ୍ପ ଆଏଜ୍‌ତକ୍‌ କାଯ୍‌କ୍ଷମ ନାଇଁ ହେଇପାରି। ଇଆଡ଼େ ୨୦୧୧ ସାଲୁ ଆଏଜ୍‌ତକ୍‌ କିଡ଼୍‌ନୀ ରୋଗ୍‌ରେ ଆକ୍‌ରଁାତ ହେଇ ଗଁାର ଖାତି ମାଝୀ (୫୫), ଅକବଳ ମାଝୀ (୫୩), ସୁଲୋଚନା ମାଝୀ (୪୫), ଉପେନ୍ଦ୍ର ମାଝୀ (୩୦), ଦିଗବଲ ମାଝୀ (୪୬), କମଳେ ମାଝୀ (୫୫), କୁସୁମା ମାଝୀ (୨୫), ସୁଦର୍ଶନ ମାଝୀ (୫୦), ବଗଡିଆ ମାଝୀ (୪୨) ଓ କାର୍ତ୍ତିକ ମାଝୀ (୬୦) ଏପରି ୧୦ ଝନ୍‌କର ମୁରତୁ ହେଇଛେ। ସେନ୍‌ତା ଗାଁର ପକ୍ଷୀରାମ ମାଝୀ, ଉଷାବତୀ ମାଝୀ, ସତିକା ମାଝୀ, ଲକ୍ଷ୍ମୀଧର ମାଝୀ, କ୍ଷୀର ମାଝୀ, ବୈଶାଖୁ ମାଝୀ, ରୁପସିଂ ମାଝୀ, ତୁଳାରାମ ମାଝୀ, ନିରଞ୍ଜନ ମାଝୀ, ରଣସାଏ ମାଝୀ, ସୁବାଷ ମାଝୀ, ରୁଖ ମାଝୀ, ପିଲଟେଶ୍ୱର ମାଝୀ, କପୁର ମାଝୀ, ହୀରାମନ ମାଝୀ ସମେତ ଅନେକ ଲୋକ୍‌ କିଡ଼୍‌ନୀ ରୋଗ୍‌ରେ ପୀଡ଼ିତ ଥିବାର ଜନାଯାଇଛେ। ପିଇଲା ପାଏନ୍‌ରେ ଫ୍ଲୋରାଇଡ୍‌ର ପରିମାନ ଲିଟର ପିଛା ୦.୫ରୁ ୧.୦ ମି.ଗ୍ରା ହେଲେ ଚଲବା। ହେଲେ ଇତାରନୁ ଅଧ୍‌କା ହେଲେ ମୁନୁଷ୍‌ ଲାଗି ବିପଦ୍‌ ରହିଛେ। ଆରଡବ୍ଲୁଏସ୍‌ଏସ୍‌ ତରଫୁ ଜିଲାରେ କରାଯାଇଥିବାର ଗୁଟେ ସର୍ଭେ ହିସାବେ ଇ ଗାଁର ପାଏନ୍‌ରେ ଫ୍ଲୋରାଇଡ୍‌ ଲିଟର ପିଛା ୩.୦ ମି.ଗ୍ରାରୁ ଅଧ୍‌କା ରହିଛେ। ଇ ଫ୍ଲୋରାଇଡ୍‌ ମିଶା ପାଏନ୍‌ ବେଭାରଟା ଏହେଦେ ମକଡ଼ଦମପଡ଼ା ଗାଁବାସୀକର ଲାଗି ଅଭିସାପ ପାଲଟିଯାଇଛେ। ଇ ବାବ୍‌ଦେ ନୂଆପଡ଼ା ଜିଲା ମୁଖିଆ ଚିକିତ୍ସା ଅଧ୍‌କାରୀ ପ୍ରଭାସିନୀ ବ୍ରହ୍ମାକୁଁ ପଚରାଲାରୁ ଇ ବାବ୍‌ଦେ ସିନାପାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧ୍‌କାରୀକୁଁ କହିଛେଁ। ତଦଁତ୍‌ ରିପୋର୍ଟ ଆଏଲେ କାଣା ହେଇଛେ ତାହାର ଉପରେ ପଦକ୍ଷେପ ନିଆଯିବା ବଲି ସେ କହିଥିଲେ। ସେନ୍‌ତା ନୂଆପଡ଼ା ଜିଲା ଜଳ ଓ ପରିମଳ ବିଭାଗର ନିର୍ବାହୀଯନ୍ତ୍ରୀ ବିଭୂ ପ୍ରସାଦ ପଣ୍ଡାକୁଁ ପଚରାଲାରୁ ସିନାପାଲି ଯନ୍ତ୍ରୀକଁର ସଂଗେ ଆଲୋଚନା କରି କାଣା ହେଇଛେ ବୁଝୁଛେଁ। ଯେତେ ଜଲଦି ହେବା ତିଆର ହେଇଥିବାର ପ୍ରକଳ୍ପରୁ ଗଁାବାସୀକୁ ପାଏନ୍‌ ଯୁଗେଇ ଦେବାର ବେବସ୍‌ତା କରାଯିବା ବଲି ସେ କହିଥିଲେ।


All Right Reserved By

ସଚେତନତାରେ ଆସିବ ପରିବର୍ତ୍ତନ

ସୋନପୁର,୩୧।୫(ନି.ପ୍ର): ସୁବର୍ଣ୍ଣପୁର ଜିଲା ମୁଖ୍ୟ ଚିକିତ୍ସାଳୟ ପରିସରରେ ବିଶ୍ୱ ତମାଖୁ ମୁକ୍ତ ଦିବସ ଶୁକ୍ରବାର ପାଳିତ ହୋଇଯାଇଛି। ଜିଲା ତାଲିମ କେନ୍ଦ୍ରଠାରେ ଅନୁଷ୍ଠିତ ସଚେତନତା ସଭାରେ...

୪୦ ବଛର ହେଲା ଝୁପଡ଼ି ଘରେ ବିତୁଛେ ଜୀବନଆବାସ ଯୋଜନାରୁ ବଁଚିତ୍‌ ୧୨ ପରିବାର

ଅତାବିରା, ୨୯।୪ (ଡି.ଏନ୍‌.ଏ.) :  କେନ୍ଦ୍ର ଆର ରାଏଜ ସରକାର ଗରିବ୍‌ ଦୁଖିକୁ ପକା ଘର ଯୁଗେଇ ଦେବାର ଲାଗି ଭିନେ ଭିନେ ଯୋଜନା କରି...

ଖାଉଟି ଅଦାଲତ ଅବମାନନା ମାମଲାରେ ବଲାଙ୍ଗୀର ପୋଷ୍ଟାଲ ସୁପରିଣ୍ଟେଣ୍ଡେଣ୍ଟ ଗିରଫ

ବଲାଙ୍ଗୀର ଅଫିସ,୧୪।୬: ବଲାଙ୍ଗୀର ଟାଉନଥାନା ପୋଲିସ ପକ୍ଷରୁ ଶୁକ୍ରବାର ବଲାଙ୍ଗୀର ପୋଷ୍ଟାଲ ସୁପରିଣ୍ଟେଣ୍ଡେଣ୍ଟଙ୍କୁ ଗିରଫ କରାଯାଇଛି। ଏକ ଖାଉଟି ଅଦାଲତ ଅବମାନନା ମାମଲାକୁ ନେଇ ତାଙ୍କ...

ମାସେ ହେଲା ୮ ନଳକୂଅ ଅଚଳ

ବାମରା, ୪।୬ (ସ୍ବ.ପ୍ର.) ବାମରା ବ୍ଲକ ସଦର ମହୁକୁମା ଗୋବିନ୍ଦପୁର ପଞ୍ଚାୟତରେ ଗତ ପ୍ରାୟ ୧ମାସ ହେବ ୮ଟି ନଳକୂଅ ଅଚଳ ହୋଇପଡିଥିବାରୁ ଲୋକେ ପାଣି...

୫ ବଛର ହେଲା ପମ୍ପ ହାଉସ ଅଚଲ: ପାଏନ୍‌ ଲାଗି ଛଟକୁଛନ୍‌ ୩ ଖଁଡ଼ ଗାଁର ଲୋକ୍‌

ସୋହେଲା,୧୭ା୫(ଡି.ଏନ୍‌.ଏ): ବରଗଡ଼ ଜିଲା ସୋହେଲା ବ୍ଲକ ଅଧୀନ ଲୁହୁରାଚଟିରେ ଥିବାର ପମ୍ପ ହାଉସ ଆଏଜ୍‌କେ ୫ ବଛର ହେଲା ଅଚଲ ହେଇ ପଡ଼ିଛେ। ଯେନ୍‌ଥିରଲାଗି ଗଁାବାସୀ...

ଆବାସ ଯୋଜନାରୁ ବଁଚିତ୍‌ ବୁରୁଧ୍‌ ରତନ

ବିନିକା, ୨୮ା୪(ଡି.ଏନ୍‌.ଏ): ସୁବର୍ଣ୍ଣପୁର ଜିଲା ବିନିକା ବ୍ଲକ ବାଙ୍କିଘିର୍ଡ଼ି ପଁଚେତ୍‌ର ସାରଙ୍ଗପାଲି ମାହାରଗୋଠର ରତନ ମାହାର(୬୫)। ପରିବାର କହିଲେ ମାଏକିନା ଯାମା(୬୦)। ଦୁଇ ବୁଢ଼ାବୁଢ଼ିକର ପିଲାଛୁଆ...

ଯୁବକଙ୍କ ସନ୍ଦେହଜନକ ମୃତ୍ୟୁ : ବ୍ୟବଚ୍ଛେଦ ରିପୋର୍ଟ ଆସିଲେ ସତ୍ୟାସତ୍ୟ ଜଣାପଡ଼ିବ

ଅତାବିରା,୧୪ା୬(ଡି.ଏନ୍‌.ଏ.) : ବରଗଡ଼ ଜିଲା ଅତାବିରା ଥାନା ଅନ୍ତର୍ଗତ ତଲିଟାମ୍ପରସରା ଗ୍ରାମର ଜଣେ ଯୁବକଙ୍କ ବିଳମ୍ବିତ ରାତିରେ ମୃତ୍ୟୁ ଘଟିଛି। ମୃତକଙ୍କ ନାମ ହେଲା ବଳରାମ...

ନିରଞ୍ଜନ, ପଦ୍ମନାଭଙ୍କ ହ୍ୟାଟ୍ରିକ୍‌ ବିଜୟ

ସୋନପୁର,୨୪-୫(ନି.ପ୍ର.):ସୁବର୍ଣ୍ଣପୁର ଜିଲା ବିଜେଡିର ଦୁର୍ଗ ବୋଲି ପୁଣି ଥରେ ସାବ୍ୟସ୍ତ ହୋଇଛି। ସାଧାରଣ ନିର୍ବାଚନରେ ଦଳ କମାଲ କରିଛି। ମୋଦି ହାୱା ଏଠାରେ ଭାଜପାକୁ ବିଜୟୀ...



selfi corner

 

Model This Week

Why Dharitri

Leave a comment

Your email address will not be published. Required fields are marked *