Posted inଫୁରସତ

ପ୍ରଥମ ଦରମା ଟଙ୍କା ଘରକୁ ପଠାଇଥିଲି: ଅବସରପ୍ରାପ୍ତ ଶାସନ ସଚିବ ଡ. ଇଂ ନନ୍ଦନନ୍ଦନ ଦାସ

ଅବସରପ୍ରାପ୍ତ ଶାସନ ସଚିବ ତଥା ସମାଜସେବୀ ଡ. ଇଂ ନନ୍ଦନନ୍ଦନ ଦାସ ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି…
ଭଦ୍ରକ ଜିଲା ବାଉଦପୁର ଗାଁରେ ମୋ ଜନ୍ମ। ବି.ଏମ୍‌ ବାଗୁରାଇ ଉଚ୍ଚ ବିଦ୍ୟାଳୟରୁ ଏକାଦଶ ପାସ୍‌ କରି ଭଦ୍ରକ କଲେଜରେ ଆଇ.ଏସ୍‌ସି ଓ ଗୋଟିଏ ବର୍ଷ ବି.ଏସ୍‌ସି ପଢ଼ିଲା ପରେ ବୁର୍ଲା ଇଂଜିନିୟରିଂ କଲେଜରେ ସିଭିଲ୍‌ ଇଂଜିନିୟରିଂ ପଢିଥିଲି। ସିଭିଲ୍‌ ଇଂଜିନିୟରିଂର ଫାଇନାଲ୍‌ ପରୀକ୍ଷା ଦେଇଥାଏ ହେଲେ ରେଜଲ୍ଟ ବାହାରି ନ ଥାଏ, ତା’ରି ଭିତରେ ମୋତେ ପୂର୍ତ୍ତ ବିଭାଗରେ ଓଭର୍‌ସିୟର୍‌ ଭାବେ ଚଣ୍ଡିଖୋଲରେ ନିଯୁକ୍ତି ମିଳିଗଲା। ଏହା ହେଉଛି ୧୯୬୫ ମସିହାର କଥା। ସେତେବେଳେ ୨୬୦ ଟଙ୍କା ଦରମା ପାଉଥିଲି। କିଛି ଟଙ୍କା ନିଜ ଖର୍ଚ୍ଚ ପାଇଁ ରଖି ବାକି ଟଙ୍କା ଘରକୁ ପଠାଉଥିଲି। କିଛିଦିନ ପରେ ରେଜଲ୍ଟ ବାହାରିଲା, ଆଉ ମୁଁ ଓଭରସିୟର୍‌ରୁ ଜୁନିୟର୍‌ ଇଂଜିନିୟର୍‌ ହୋଇ ଚଣ୍ଡିଖୋଲ ଓ ଗଡ଼ମଧୂପୁରରେ କାମ କଲି। ଏହାପରେ ଆସିଷ୍ଟାଣ୍ଟ ଇଂଜିନିୟର୍‌ ଭାବେ ପଦୋନ୍ନତି ପାଇ କେନ୍ଦ୍ରାପଡ଼ା, ବାଲିଚନ୍ଦ୍ରପୁର, କୁଜଙ୍ଗ ଓ ରାଉରକେଲାରେ କାମ କଲି। ତା’ପରେ ଆର୍‌ଇଓ ସଂସ୍ଥାକୁ ଆସିଷ୍ଟାଣ୍ଟ ଇଂଜିନିୟର୍‌ ଭାବେ ବଦଳି ହୋଇଗଲି ଆଉ ସେଠାରେ ୫ ବର୍ଷ କାମ କରି ପୁଣି ପୂର୍ତ୍ତ ବିଭାଗକୁ ଆସିଲି। ଏହାପରେ ହାଉସିଂ ବୋର୍ଡ ଡିପାର୍ଟମେଣ୍ଟରେ କିଛିଦିନ ଆସିଷ୍ଟାଣ୍ଟ ଇଂଜିନିୟର୍‌, ଆସିଷ୍ଟାଣ୍ଟ ଏକ୍‌ଜିକ୍ୟୁଟିଭ୍‌ ଇଂଜିନିୟର୍‌ ଓ ଏକ୍‌ଜିକ୍ୟୁଟିଭ୍‌ ଇଂଜିନିୟର୍‌ ଭାବେ କାମ କଲି। ତା’ପରେ ପୁଣି ପୂର୍ତ୍ତ ବିଭାଗର ଏଡିବି ପ୍ରୋଜେକ୍ଟର ସମ୍ବଲପୁର-ରାଉରକେଲା ରାସ୍ତାରେ ରେସିଡେଣ୍ଟ ଇଂଜିନିୟର୍‌ ଭାବେ କିଛିଦିନ କାମ କରି ପ୍ରମୋଶନ ପାଇ ପ୍ରୋଜେକ୍ଟ ଡାଇରେକ୍ଟର ହେଲି ଏବଂ ସେହି ପ୍ରୋଜେକ୍ଟକୁ ସମ୍ପୂର୍ଣ୍ଣ କଲି। ଏହାପରେ ପୁଣି ପ୍ରମୋଶନ ପାଇ ପଞ୍ଚାୟତିରାଜ ଡିପାର୍ଟମେଣ୍ଟରେ ପାଓ୍ବାର୍‌ ଅଫ୍‌ ଚିଫ୍‌ ଇଂଜିନିୟର୍‌, ଇଡ୍‌କୋରେ ଚିଫ୍‌ ଇଂଜିନିୟର୍‌ ଏବଂ ପୂର୍ତ୍ତ ବିଭାଗରେ ଇଂଜିନିୟର୍‌ ଇନ୍‌ ଚିଫ୍‌ ଭାବେ କିଛିଦିନ କାମ କରିବା ପରେ ପୂର୍ତ୍ତ ବିଭାଗର ଶାସନ ସଚିବ ହେଲି। ଆଉ ଏହି ପଦବୀରେ ଥାଇ ଶେଷରେ ୩୧ ଡିସେମ୍ବର, ୨୦୦୧ରେ ଚାକିରିରୁ ଅବସର ନେଲି। କର୍ମମୟ ଜୀବନରେ ରାସ୍ତା ଓ ବିଲ୍ଡିଂ ଉପରେ ଯେଉଁସବୁ ନିଜସ୍ବ ନୂତନ ଉଦ୍ଭାବନ କରିଥିଲି, ଅବସର ପରେ ସେହି ବିଷୟ ଯଥା ‘ରୋଡ୍‌’, ‘ବିଲ୍ଡିଂ ଆଣ୍ଡ ଡିଜାଷ୍ଟର୍‌’ ଉପରେ ୨ଥର ପିଏଚ୍‌.ଡି ପାଇଲି। ତା’ସହିତ ଡି.ଏସ୍‌ସି ଇନ୍‌ ସିଭିଲ୍‌ ଇଂଜିନିୟରିଂ ମଧ୍ୟ ପାଇଥିଲି। ଏହାଛଡ଼ା ବିଭିନ୍ନ ଜର୍ନାଲ୍‌ ପାଇଁ ରିସର୍ଚ୍ଚ ଆର୍ଟିକିଲ୍‌ ଲେଖିବା ସହ ବିଭିନ୍ନ ସମାଜ ମଙ୍ଗଳ କାର୍ଯ୍ୟରେ ନିଜକୁ ସାମିଲ କରି ସୋସିଆଲ୍‌ ଓ୍ବାର୍କ୍‌ରେ ଡି.ଲିଟ୍‌ ଏବଂ ପୋଷ୍ଟ ଡକ୍ଟୋରାଲ୍‌ ଫେଲୋଶିପ୍‌ କେ.ସି ଇଣ୍ଟର ନ୍ୟାସନାଲ୍‌ ୟୁନିର୍ଭସିଟି, ସାଉଥ୍‌ କୋରିଆରୁ ପାଇଲି। ଆଉ ଏବେ ପିପୁଲ୍ସ ଓ୍ବେଲଫେୟାର୍‌ ସଜେଶନ୍‌ ଫୋରମ୍‌ର ଚେୟାର୍‌ମ୍ୟାନ୍‌, ଓଡ଼ିଶା ଦୁର୍ନୀତି ସଂଘର୍ଷ ମଞ୍ଚର ଚେୟାର୍‌ମ୍ୟାନ୍‌ ତଥା ଇଣ୍ଡିଆନ୍‌ ବିଲ୍ଡିଂ କଂଗ୍ରେସ୍‌ର ଆଡ୍‌ଭାଇଜର୍‌ ଭାବେ ଦାୟିତ୍ୱ ତୁଲାଉଅଛି। ତା’ଛଡ଼ା ପୋସ୍କୋର କନ୍‌ସଲ୍‌ଟାଣ୍ଟ, ୟୁକେ କମ୍ପାନୀ ମଟ୍ଟ ମାକ୍‌ଡୋନାଲ୍ଡର ଟିମ୍‌ ଲିଡର୍‌ ଭାବେ ବି କିଛିଦିନ ଦାୟିତ୍ୱ ତୁଲାଇଥିଲି। ସେହିପରି ହାଇଦ୍ରାବାଦ୍‌-ବାଙ୍ଗାଲୋର୍‌ ରାସ୍ତାର ଡିପିଆର୍‌, ଗାଜିୟାବାଦ୍‌-ଆଲିଗଡ଼ ରାସ୍ତାର ଡିପିଆର୍‌ ଏବଂ ନୟାଗଡ଼-ବଲାଙ୍ଗୀର ରାସ୍ତାର ଡିପିଆର୍‌ ବି ମୁଁ ପ୍ରସ୍ତୁତ କରିଥିଲି। ଏ ସମସ୍ତ ଉଲ୍ଲେଖନୀୟ କାମ ପାଇଁ ମୋତେ ରାଷ୍ଟ୍ରୀୟ ଗୌରବ ପୁରସ୍କାର ମିଳିବା ସହ ଇନ୍‌ଷ୍ଟିଚ୍ୟୁଶନ୍‌ ଅଫ୍‌ ଇଂଜିନିୟର୍ସ ତରଫରୁ ୬ଥର ଗୋଲ୍ଡ ମେଡାଲ୍‌ ବି ମିଳିଛି। ସେହିପରି ମୋ ଲିଖିତ ୬ଟି ପୁସ୍ତକ (ଗ୍ଲୋବାଲ୍‌ ପିସ୍‌, ଫାଇନ୍‌ ଟ୍ୟୁନିଂ ଅଫ୍‌ ରୋଡ୍‌ ଆଣ୍ଡ ବିଲ୍ଡିଂ ପ୍ରୋଜେକ୍ଟସ୍‌, ରିଲିଜିଅନ୍‌ ହ୍ୟୁମାନିଟି, ଅମୂଲ୍ୟ ରତ୍ନର ମାଳା, ଜାଗ ଭାରତବାସୀ ସମୟ କମ୍‌, ମାନବ ଧର୍ମ)ପ୍ରକାଶିତ ହେବା ପରେ ମୁଁ ବହୁ ପାଠକୀୟ ପ୍ରଶଂସା ପାଇଛି। ତନ୍ମଧ୍ୟରୁ ଗ୍ଲୋବାଲ୍‌ ପିସ୍‌ ପୁସ୍ତକଟିକୁ ନଭେମ୍ବର ୨୦୧୭ରେ ମୁଁ ପ୍ରାୟ ୧୭୦ ଦେଶର ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କ ପାଖକୁ ପଠାଇଥିଲି। ଉକ୍ତ ପୁସ୍ତକରେ ଲେଖାଥିବା ଉପାଦେୟ ତଥ୍ୟ ଗୁଡ଼ିକୁ ପଢି ଏବେ ନର୍ଥ ଓ ସାଉଥ୍‌ କୋରିଆ ଶତ୍ରୁତା ଭାବ ଭୁଲି ପରସ୍ପର ମଧ୍ୟରେ ବନ୍ଧୁତା ଭାବ ସ୍ଥାପନା କରିବା ସଙ୍ଗେ ସଙ୍ଗେ ଆମେରିକା ସହିତ ଗ୍ଲୋବାଲ୍‌ ପିସ୍‌ ପାଇଁ ନର୍ଥ କୋରିଆ ମଧ୍ୟ ଆଗେଇ ଆସିଲାଣି, ଯାହା ମୋ ପାଇଁ ଏକ ଗର୍ବର ବିଷୟ। ତା’ଛଡ଼ା ୟା’ ଭିତରେ ମୁଁ ପ୍ରାୟ ୨୫ଟି ଦେଶ ଭ୍ରମଣ କରିବା ସହ ନେପାଳ ଓ ଭାରତରେ ଅନେକ ଅନ୍ତର୍ଜାତୀୟ ସେମିନାର୍‌ରେ ଆର୍ଟିକିଲ୍‌ ପରିବେଷଣ ମଧ୍ୟ କରିସାରିଛି। ସେହିପରି ପୃଥିବୀ ସୂର୍ଯ୍ୟଙ୍କଠାରୁ ବାହାରିବା ପରେ କାହିଁକି ବିପରୀତ ଦିଗରେ ବୁଲି ଦିନରାତି ହୁଏ, ତା’ର କାରଣ ଉଦ୍ଭାବନ କରି ଭୁବନେଶ୍ୱରସ୍ଥିତ ପ୍ଲାନେଟୋରିୟମ୍‌କୁ ହସ୍ତାନ୍ତର କରିଛି। ଏହିପରି ଅନେକ ବୈଜ୍ଞାନିକ ପଦ୍ଧତି ଆବିଷ୍କାର ପାଇଁ ଇଣ୍ଡିଆ ଫାଷ୍ଟ ମାଗାଜିନ୍‌ ମୋତେ ‘ମ୍ୟାନ୍‌ ଅଫ୍‌ ସାଇନ୍ସ ଆଣ୍ଡ ସେନ୍ସ’ ନାମିତ କରିଛି। ଏସବୁ ବ୍ୟତୀତ ବିଭିନ୍ନ ପ୍ରକାର ଫସିଲ୍‌, କୋରାଲ୍‌ ଓ କ୍ରିଷ୍ଟାଲ୍‌କୁ ନେଇ ମୋର ଏକ କ୍ଷୁଦ୍ର ସଂଗ୍ରହାଳୟ ମଧ୍ୟ ରହିଛି। ସେହିପରି ମୁଁ ଜଣେ ଭଲ ପହଁରାଳି। ଭିନ୍ନଭିନ୍ନ ସମୟରେ ପାଣିରେ ବୁଡି ଯାଉଥିବା ୪ ଜଣ ନିରୀହ ବ୍ୟକ୍ତିଙ୍କର ଜୀବନ ମୁଁ ବଞ୍ଚାଇଛି। ମିଛ କହିବା ଓ ଭୁଲ୍‌ କାମ କରିବା ମୋ ନୀତି ବିରୋଧ। ତେଣୁ ଆଜି ମୁଁ ଯେଉଁ ସ୍ଥାନରେ ପହଁଞ୍ଚତ୍ଛି ତା’ ପଛରେ ମୋ ନିଷ୍ଠା, ଆଦର୍ଶ ଓ ଭଗବାନଙ୍କର ଆଶୀର୍ବାଦକୁ ଶ୍ରେୟ ଦେବି।
-ଅମ୍ବ୍ରିତା


All Right Reserved By

ବିମାନରେ ଘଟିଲା ଯାତ୍ରୀଙ୍କ ମୃତ୍ୟୁ, ବ୍ୟବଚ୍ଛେଦ ରିପୋର୍ଟ ପରେ ଆଶ୍ଚର୍ଯ୍ୟ ହେଲେ ଡାକ୍ତର

କଲମ୍ବିଆରୁ ଜାପାନ ଯାଉଥିବା ଏକ ବିମାନରେ ଜଣେ ଯାତ୍ରୀଙ୍କ ମୃତ୍ୟୁ ଘଟିଛି। ଜାପାନରେ ବିମାନ ପହଞ୍ଚିବା ପରେ ଯେତେବେଳେ ଉକ୍ତ ଯାତ୍ରୀଙ୍କ ମୃତଦେହ ବ୍ୟବଚ୍ଛେଦ କରାଗଲା...

ସର୍କସର ନୂଆ ପ୍ରୟାସ: ସତ ନୁହେଁ, ହୋଲୋଗ୍ରାମ୍‌ ପ୍ରାଣୀ

ସର୍କସର ଆକର୍ଷଣ ଥାଏ ହାତୀ, ଘୋଡା, ବାଘ, ମାଙ୍କଡ ଭଳି ପ୍ରାଣୀଙ୍କ ଆଶ୍ଚର୍ଯ୍ୟଜନକ ଖେଳ। ପିଲାଠୁ ବୁଢା ସମସ୍ତେ ଏହାକୁ ଦେଖି ଆନନ୍ଦ ଉଠାନ୍ତି। ଏହିସବୁ...

ଆଙ୍କର ହେବା ସହଜ ନୁହେଁ: ଅଭିମନ୍ୟୁ ପରିଡ଼ା

ଯାତ୍ରାର ପ୍ରଥମ ଚରଣ ଆରମ୍ଭ ହୁଏ ଆଙ୍କରିଂରୁ। ଯାତ୍ରା ଦେଖିବାକୁ ଯାଉଥିବା ଦର୍ଶକମାନେ ପ୍ରଥମେ ଯାହାଙ୍କୁ ଦେଖି ତାଳିମାଡ଼ କରନ୍ତି ସେ ହେଉଛନ୍ତି ଜଣେ ଆଙ୍କର।...

ଦେଶର ସବୁଠୁ ଭୟାନକ ଦୁର୍ଗ, ସନ୍ଧ୍ୟା ହେଲେ ଯିବାକୁ ଲାଗିବ ଡର

ଆମ ଦେଶରେ ପୁରୁଣା ଯୁଗର କିଛି ଦୁର୍ଗ ଆଜି ବି ରହିଛି। ସେଥିମଧ୍ୟରୁ କେତେକ ଖୁବ୍‌ ସୁନ୍ଦର ହୋଇଥିବାବେଳେ ଆଉ କିଛି ଭୟାନକ। ଏହିପରି ଏକ...

୬ ଅଙ୍ଗୁଳି ଥିବା ବ୍ୟକ୍ତି ଭାଗ୍ୟଶାଳୀ

ଅଧିକାଂଶ ଲୋକଙ୍କ ମନରେ ଧାରଣା ଥାଏ ଯେଉଁମାନଙ୍କର ୬ଟି ଅଙ୍ଗୁଳି ସେମାନଙ୍କୁ କାମ କରିବାରେ ଅସୁବିଧା ହେଉଥିବ। କିନ୍ତୁ ଏକ ସର୍ବେକ୍ଷଣରୁ ଜଣାପଡ଼ିଛି ଯାହାର ୬ଟି...

ବନ୍ଦୀ ବରଗଛ…

ପାକିସ୍ତାନର ଖୈବରଠାରେ ରହିଛି ଏକ ବରଗଛ। ୧୨୦ ବର୍ଷ ଧରି ଏହି ବରଗଛକୁ ଲୁହା ଜଞ୍ଜିରରେ ବନ୍ଧା ଯାଇଛି। ଗଛରେ ଏକ ବୋର୍ଡରେ ଲେଖା ଯାଇଛି...

ଅଜବ ପରମ୍ପରା: ଯେଉଁଠି ପରିବାରର ବୟୋଜ୍ୟେଷ୍ଠ ବ୍ୟକ୍ତିଙ୍କୁ କରାଯାଏ ହତ୍ୟା

ବିଶ୍ୱର ବିଭିନ୍ନ ସ୍ଥାନରେ ବିଭିନ୍ନ ପରମ୍ପରା ରହିଛି। ତନ୍ମଧ୍ୟରୁ କିଛି ପରମ୍ପରା ସମ୍ପର୍କରେ ଶୁଣିଲେ ଦେହମନ ଶିହରି ଉଠେ। ତଥାପି ପରମ୍ପରାକୁ ପାଳନ କରୁଥିବା ଲୋକେ...

ମୃତଦେହକୁ ମିଠା ଖୁଆଇବା ପରମ୍ପରା

ବିଭିନ୍ନ ସ୍ଥାନରେ ଭିନ୍ନ ଭିନ୍ନ ପରମ୍ପରା ଦେଖାଦେଇଥାଏ। କେତେକ ପଛରେ ବିଶେଷ କାରଣ ରହିଥିବା ବେଳେ ଆଉ କେତେକ ପଛରେ ସେଭଳି କାରଣ ନ ଥାଏ।...




selfi corner

 

Model This Week

Why Dharitri

Leave a comment

Your email address will not be published. Required fields are marked *