ବାତ୍ୟାରେ ଭାଙ୍ଗିଛି ଶହ ଶହ ନଡ଼ିଆ ଗଛ: ଶ୍ରୀମନ୍ଦିର ଲାଗି ଅଭାବ ପଡ଼ିପାରେ ପଇଡ଼

ପୁରୀ ଅଫିସ, ୧୯ା୫: ବାତ୍ୟାରେ ପୁରୀ ଜିଲାରେ ଲକ୍ଷାଧିକ ନଡ଼ିଆ ଗଛ ଭାଙ୍ଗିପଡ଼ିଛି। ଫଳରେ ଆଗାମୀ ଦିନରେ ନଡ଼ିଆ ଓ ପଇଡ଼ ଅଭାବ ପଡ଼ିପାରେ। ଶ୍ରୀମନ୍ଦିରରେ ଦୈନିକ ନୀତି ଲାଗି ଫୁଲ ଓ ତୁଳସୀ ପତ୍ର ପରେ ଏବେ ପଇଡ଼ ଅଭାବ ନେଇ ଆଶଙ୍କା ସୃଷ୍ଟି ହୋଇଛି। ଶ୍ରୀମନ୍ଦିରରେ ଦୈନିକ ନୀତି ଲାଗି ୩୬ଟିରୁ ଊର୍ଦ୍ଧ୍ୱ ପଇଡ଼ ଆବଶ୍ୟକ ହୋଇଥାଏ। ସେହିପରି ସ୍ବତନ୍ତ୍ର ପୂଜା ତଥା ପର୍ବପର୍ବାଣିରେ ମଧ୍ୟ ବହୁସଂଖ୍ୟକ ପଇଡ଼ ଲୋଡ଼ା ପଡ଼ିଥାଏ। ଏବେ ଚନ୍ଦନ ଯାତ୍ରା ଚାଲିଛି। ଅକ୍ଷୟ ତୃତୀୟାଠାରୁ ଏହା ଆରମ୍ଭ ହୋଇଥିବାବେଳେ ୪୨ଦିନ ଧରି ଚାଲିବ। ଏଥିରେ ନୀତି ଲାଗି ପଇଡ଼ର ଆବଶ୍ୟକତା ପଡୁଛି। ବଜାରରେ ପଇଡ଼ ମିଳୁଥିଲେ ବି ଚଢା ଦାମ୍‌ ରହିଛି। ଅନ୍ୟପକ୍ଷେ ନଡ଼ିଆ ଓ ପଇଡ଼ ବିକି ଗୁଜୁରାଣ ମେଣ୍ଟାଉଥିବା ଲୋକେ ଜୀବିକା ହରାଇବାକୁ ବସିଛନ୍ତି।

ନରେନ୍ଦ୍ରକୋଣସ୍ଥିତ ଉପବନ, ମାଟିତୋଟା ଏବଂ ଶ୍ରୀଗୁଣ୍ଡିଚା ମନ୍ଦିର ପରିସରରେ ଶତାଧିକ ନଡ଼ିଆ ଗଛ ରହିଥିଲା। ଏହି ୩ଟି ସ୍ଥାନରୁ ଶ୍ରୀମନ୍ଦିର ନୀତି ଲାଗି ପଇଡ଼ ତୋଳାହୋଇ ଯାଉଥିଲା। ମାତ୍ର ଏବେ ଚିତ୍ର ଭିନ୍ନ। ବାତ୍ୟାରେ ସମସ୍ତ ନଡ଼ିଆ ଗଛ ଭାଙ୍ଗିପଡ଼ିଛି। ସେହିପରି ପୁରୀ ସଦର, ବ୍ରହ୍ମଗିରି, ସତ୍ୟବାଦୀ ପ୍ରଭୃତି ଅଞ୍ଚଳରେ ଲକ୍ଷାଧିକ ନଡ଼ିଆ ଗଛ ଭାଙ୍ଗିପଡ଼ିଥିବାବେଳେ ଅନେକଙ୍କ ନଡ଼ିଆ ବଗିଚା ଉଜୁଡ଼ିଯାଇଛି। ଫଳରେ ନଡ଼ିଆ ଓ ପଇଡ଼ ବିକି ପରିବାର ପ୍ରତିପୋଷଣ କରୁଥିବା ଲୋକଙ୍କ ସମେତ ରାସ୍ତାକଡ଼ର ବହୁ ବେପାରୀ ପ୍ରଭାବିତ ହୋଇଛନ୍ତି। ଏମାନେ ଜୀବିକା ହରାଇବା ଆଶଙ୍କା ସୃଷ୍ଟି ହୋଇଛି। ପୁରୀ-ଭୁବନେଶ୍ୱର ଜାତୀୟ ରାଜପଥ କଡ଼ରେ ଚନ୍ଦନପୁର ବାଇପାସ୍‌ଠାରୁ ପିପିଲି ପର୍ଯ୍ୟନ୍ତ ୩୬କି.ମି. ବ୍ୟାପୀ ବିଭିନ୍ନ ସ୍ଥାନରେ ବେପାରୀମାନେ ପଇଡ଼ ବିକ୍ରି କରନ୍ତି। ଖରାଦିନେ ପଇଡର ଚାହିଦା ଅଧିକ। ତେଣୁ ଏମାନଙ୍କର ଭଲ ରୋଜଗାର ହୋଇଥାଏ। ମାତ୍ର ଏବେ ବେପାର ଧିମେଇ ଯାଇଛି ବୋଲି କହିଛନ୍ତି ବ୍ୟବସାୟୀ ଅନିଲ ଦାସ। ପୂର୍ବରୁ ଖରାଦିନେ ଦୈନିକ ୪ଶହରୁ ୬ଶହ ଟଙ୍କା ପର୍ଯ୍ୟନ୍ତ ରୋଜଗାର ହେଉଥିଲା। ଏବେ କିନ୍ତୁ ବେପାର ମାନ୍ଦା। ଚାହିଦାନୁସାରେ ପଇଡ଼ ଆସିପାରୁନି ବୋଲି କହିଛନ୍ତି ସତ୍ୟବାଦୀର ଦୀପକ ସାହୁ। ଚାରିଆଡ଼େ ନଡ଼ିଆ ଗଛ ନଷ୍ଟ ହୋଇଛି। ତେଣୁ ଆଗାମୀ ଦିନରେ ନଡ଼ିଆ ଓ ପଇଡ଼ ମିଳିବା କଷ୍ଟକର ହୋଇପାରେ ବୋଲି ସେ ଆଶଙ୍କା ବ୍ୟକ୍ତ କରିଛନ୍ତି। ସାକ୍ଷୀଗୋପାଳର ଦେବାଶିଷ ମିଶ୍ର ଓ ବୀରହରେକୃଷ୍ଣପୁରର ପ୍ରଫୁଲ୍ଲ ତ୍ରିପାଠୀ କହିଛନ୍ତି, ବାତ୍ୟାରେ ଆମ ଅଞ୍ଚଳରେ ଶହ ଶହ ନଡ଼ିଆଗଛ ଭାଙ୍ଗିପଡ଼ିଛି। ତେଣୁ ପୂଜାପାର୍ବଣ ଓ କାମକାର୍ଯ୍ୟ ଲାଗି ଆମକୁ ବଜାରରୁ ନଡ଼ିଆ, ପଇଡ଼ କିଣିବାକୁ ପଡ଼ିବ। ଐତିହ୍ୟ ବିଶାରଦ ଡ. ସୁରେନ୍ଦ୍ର ମିଶ୍ର କହିଛନ୍ତି, ସନାତନ ପୂଜାନୀତିରେ ନଡ଼ିଆ (ଶ୍ରୀଫଳ) ଓ ପଇଡ଼ର ବିଶେଷ ଆବଶ୍ୟକତା ରହିଛି। ଏହା ଶ୍ରୀମନ୍ଦିର ଦୈନିକ ପୂଜାବିଧିରେ ବିଶେଷ ଆବଶ୍ୟକ ପଡ଼ିଥାଏ। ତେଣୁ ଏ ନେଇ ଶ୍ରୀମନ୍ଦିର ପ୍ରଶାସନ ଦୃଷ୍ଟି ଦେବା ଜରୁରୀ ହୋଇପଡ଼ିଛି।


All Right Reserved By

ରଜରେ ହରଚଣ୍ଡୀ ହେଲେ କୁମାରୀ ବେଶ

ବ୍ରହ୍ମଗିରି, ୧୫ା୬(ଡି.ଏନ୍‌.ଏ.): ବ୍ରହ୍ମଗିରିର ପ୍ରସିଦ୍ଧ ବାଲି ହରଚଣ୍ଡୀ ପୀଠରେ ପହିଲି ରଜ ଉତ୍ସବ ଶୁକ୍ରବାର ଅନୁଷ୍ଠିତ ହୋଇଯାଇଛି। ପହିଲି ରଜରେ ମା’ ହରଚଣ୍ଡୀ କୁମାରୀ ବେଶରେ...

ବାଇଚଢ଼େଇ ବଂଶ ବୃଦ୍ଧି ପାଇଁ ପ୍ରୟାସ ଜାରି

ଖଣ୍ଡପଡା,୧୩।୬(ସ୍ବ.ପ୍ର.): ବାଇଚଢେଇ ଛୋଟ ପକ୍ଷୀଟିଏ ହେଲେ ମଧ୍ୟ ତା’ର ବିଚକ୍ଷଣ ବୁଦ୍ଧି ଖଟାଇ ନିଜ ପାଇଁ ସେ ଯେଉଁ ବସା ତିଆରି କରେ ତାହା ଖୁବ୍‌...

ଉମରକୋଟରେ ଭାଜପାର ନିତ୍ୟାନନ୍ଦ ଗଣ୍ଡ ବିଜୟୀ

ନବରଙ୍ଗପୁର, ୨୩।୫(ବି.ପ୍ର.)-ଉମରକୋଟ ବିଧାନସଭା ନିର୍ବାଚନ ମଣ୍ଡଳୀରେ ଭାଜପା ବିଜୟୀ ହୋଇଛି। ଭାଜପାର ନିତ୍ୟନନ୍ଦ ଗଣ୍ଡ ନିକଟତମ ପ୍ରତିଦ୍ୱନ୍ଦ୍ୱୀ ବିଜେଡିର ସୁବାସ ଗଣ୍ଡଙ୍କୁ ୯,୭୬୩ ଭୋଟରେ ହରାଇଛନ୍ତି।...

କାନ୍‌ସରେ ଉନ୍ମୋଚିତ ହେଲା ‘ଜଙ୍ଗଲ କ୍ରାଏ’ର ପୋଷ୍ଟର : ଟିଜର୍‌ ଫିଲ୍ମରେ ବିଶ୍ୱବିଜେତା ଓଡ଼ିଶା ଜନଜାତି ଟିମ୍‌

ଭୁବନେଶ୍ୱର,୨୦।୫(ବ୍ୟୁରୋ): ଜୁନିୟର ରଗ୍‌ବୀ ଓ୍ବାର୍ଲଡ କପ୍‌ ଜିତି ସମଗ୍ର ବିଶ୍ୱ ପାଇଁ ପ୍ରେରଣା ପାଲଟିଥିବା କିସ୍‌ ରଗ୍‌ବୀ ଦଳ ଉପରେ ଆଧାରିତ ହିନ୍ଦୀ ଚଳଚ୍ଚିତ୍ର ‘ଜଙ୍ଗଲ...

କ୍ୟାବିନେଟ୍‌ରୁ ଶଶିଭୂଷଣ, ବଦ୍ରି, ଉଷା, ପ୍ରଫୁଲ୍ଲ ସାମଲ ବାଦ୍‌

ଭୁବନେଶ୍ୱର,୨୯।୫(ବ୍ୟୁରୋ): ବିଜେଡି ବିଧାୟକ ଦଳ ନେତା ନବୀନ ପଟ୍ଟନାୟକ ବୁଧବାର ୫ମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେବେ। ତାଙ୍କ ସହ ୧୧ କ୍ୟାବିନେଟ୍‌...

ଖୋର୍ଦ୍ଧାରେ ଭାଇଚାରାର ପର୍ବ ଇଦ୍‌ ପାଳିତ

ଖୋର୍ଦ୍ଧା ଅଫିସ,୫।୬: ରମଜାନ ମାସ ଶେଷ ହେବା ପରଦିନ ଈଶ୍ୱରଙ୍କ ପ୍ରଶଂସା ଗାନ କରି କୃତଜ୍ଞତା ଜ୍ଞାପନ କରିବା ପାଇଁ ଶେଷ ଦିନ ଇଦ୍‌- ଉଲ୍‌...

ବ୍ୟବସାୟୀଙ୍କୁ ଅପହରଣ ଉଦ୍ୟମ ମାମଲା : ସିସିଟିଭି ଫୁଟେଜରୁ ଅଭିଯୁକ୍ତ ଚିହ୍ନଟ

ଭୁବନେଶ୍ୱର,୧୦।୬(ବ୍ୟୁରୋ) : ନୟାପଲ୍ଲୀ ଥାନା ସିଆର୍‌ପି ଏନ୍‌-୧ରେ ରହୁଥିବା ବ୍ୟବସାୟୀ ଶିବସୁନ୍ଦର ଦାଶଙ୍କୁ ଶୁକ୍ରବାର ରାତିରେ ୬ଜଣ ଦୁର୍ବୃତ୍ତ କାରରେ ଅପହରଣ ଉଦ୍ୟମ କରିଥିଲେ। ହେଲେ...

ପୁରୀରେ ମୁଖ୍ୟମନ୍ତ୍ରୀ : ଶ୍ରୀମନ୍ଦିର କ୍ଷୟକ୍ଷତିର କଲେ ଅନୁଧ୍ୟାନ

ପୁରୀ ଅଫିସ,୧୮ା୫: ବାତ୍ୟାରେ ଶ୍ରୀମନ୍ଦିରରେ ହୋଇଥିବା କ୍ଷୟକ୍ଷତିର ଅନୁଧ୍ୟାନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଶନିବାର ଅପରାହ୍ନରେ ମୁଖ୍ୟମନ୍ତ୍ରୀ ସିଂହଦ୍ୱାରଠାରେ ପହଞ୍ଚିଥିଲେ। ଶ୍ରୀମନ୍ଦିର ମୁଖ୍ୟ ପ୍ରଶାସକ...


selfi corner

 

Model This Week

Why Dharitri

Leave a comment

Your email address will not be published. Required fields are marked *