ରାଜଧାନୀ ଓଭରବ୍ରିଜ୍‌ରେ ମାତିଲେ ଲୁଟେରା: ଅଧଘଣ୍ଟାରେ ସିରିଜ୍‌ ଲୁଟ୍‌; ଚେନ୍‌, ଭ୍ୟାନିଟି ଝାମ୍ପିନେଲେ;ଦୁଇ ମହିଳାଙ୍କ ମୁଣ୍ଡ ଫାଟିଲା

ଭୁବନେଶ୍ୱର, ୧୯।୫(ବ୍ୟୁରୋ)- ରାଜଧାନୀରେ ପୁଣି ସକ୍ରିୟ ହୋଇଉଠିଛି ଲୁଟେରା ଗ୍ୟାଙ୍ଗ୍‌। ଚନ୍ଦ୍ରଶେଖରପୁର ଥାନାଞ୍ଚଳରେ ହୋଇଥିବା ସିରିଜ ଲୁଟ୍‌ ମାମଲାରେ ପୋଲିସ ଏଯାଏ ଲୁଟେରାଙ୍କୁ ଠାବ କରିପାରି ନ ଥିବାବେଳେ ଶନିବାର ଅଧଘଣ୍ଟା ଭିତରେ ଜାତୀୟ ରାଜପଥରେ ଏକାଧିକ ଲୁଟ୍‌ ହୋଇଛି। ରସୁଲଗଡ ଓ ନୟାପଲ୍ଲୀ ଓଭରବ୍ରିିଜ ଉପରେ ଘଟିଛି ଏହି ସିରିଜ ଲୁଟ୍‌॥ ଲୁଟେରାମାନେ ପଲସର ବାଇକରେ ଆସି ଗାଡିରେ ଯାଉଥିବା ମହିଳାଙ୍କୁ ଟାର୍ଗେଟ କରିଛନ୍ତି। ତେବେ ଲୁଟେରାମାନେ ଚେନ ଓ ଭ୍ୟାନିଟ୍‌ ଝାମ୍ପିନେବାବେଳେ ଗାଡିରୁ ଖସିପଡ଼ି ୪ଜଣ ଆହତ ହୋଇଛନ୍ତି। ଏମାନଙ୍କ ମଧ୍ୟରୁ ଦୁଇଜଣ ମହିଳାଙ୍କ ମୁଣ୍ଡ ଫାଟି ଯାଇଛି। ସମସ୍ତ ଘଟଣାରେ ଆହତମାନଙ୍କୁ ପିସିଆର୍‌ ପୋଲିସ ଉଦ୍ଧାର କରି କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଥିଲା। ମୁଣ୍ଡ ଫାଟିଥିବା ମହିଳା ହେଲେ ପଳାଶୁଣୀରେ ରହୁଥିବା ଲୋଜନାଗନ୍ଧା ମହାନ୍ତି ଓ ପଟିଆରେ ରହୁଥିବା ଅଞ୍ଜନା ରାଉତ। ଏହାସହ ଗାଡି ଚଲାଉଥିବା ବଡଗଡ ବ୍ରିଟ୍‌ କଲୋନୀର ସୁବ୍ରତ ରଞ୍ଜନ ସାହୁ ଓ ଅଞ୍ଜନାଙ୍କ ସ୍ବାମୀ ଅଜୟ ରାଉତ ମଧ୍ୟ ଆହତ ହୋଇଛନ୍ତି। ଏନେଇ ମଞ୍ଚେଶ୍ୱର ଓ ନୟାପଲୀ ଥାନାରେ ଦୁଇଟି ଅଭିଯୋଗ ହୋଇଛି। ଦିନଦ୍ୱିପ୍ରହରରେ ଏଭଳି ଲୁଟ୍‌ ହୋଇଥିବାବେଳେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।

ରସୁଲଗଡ଼ ଓଭରବ୍ରିଜ୍‌ରେ ଦମ୍ପତିଙ୍କୁ ଟାର୍ଗେଟ
ପଟିଆରେ ପରିବାର ସହ ରୁହନ୍ତି ଅଞ୍ଜନା ରାଉତ। ଅପରାହ୍ନ ୪ଟାରେ ସେ ସ୍ବାମୀ ଅଜୟଙ୍କ ସହ ୟୁନିଟ୍‌-୪ ଅଞ୍ଚଳରୁ ବାହାରି ନିଜ ଗ୍ରାମ ଜଗତ୍‌ସିଂହପୁରକୁ ସ୍କୁଟିରେ ଯାଉଥିଲେ। ରସୁଲଗଡ ନିକଟରେ ହୋଇଥିବାବେଳେ ଦୁଇଜଣ ଲୁଟେରା ମୁହଁରେ କପଡା ବାନ୍ଧି ସେମାନଙ୍କ ପିଛା କରିଥିଲେ। ଓଭରବ୍ରିଜ ଉପରେ ଲୁଟେରାଙ୍କ ଗାଡ଼ି ଅଜୟଙ୍କ ସ୍କୁଟିର ବାମପଟେ ଅତି ନିକଟତର ହୋଇଥିଲା। ଏହି ସମୟରେ ପଛରେ ବସିଥିବା ଜଣେ ଲୁଟେରା ହଠାତ୍‌ ଅଞ୍ଜନାଙ୍କ ବେକରୁ ସୁନାଚେନ ଝାମ୍ପି ନେଉଥିଲେ। ହେଲେ ଅଞ୍ଜନା ଚେନ୍‌କୁ ଧରିପକାଇବାରୁ ଲୁଟେରାମାନେ ତାଙ୍କ ସ୍କୁଟିକୁ ଗୋଡ଼ରେ ଧକ୍କାମାରି ଚେନ୍‌ ନେଇ ପାର୍‌ ହୋଇଯାଇଥିଲେ। ଫଳରେ ଅଜୟ ଭାରସାମ୍ୟ ହରାଇବାରୁ ଗାଡିଟି ଓଭରବ୍ରିଜ ବାଡ଼ରେ ପିଟି ହୋଇଯାଇଥିଲା। ସ୍କୁଟି ପଛରେ ବସିଥିବା ଅଞ୍ଜନାଙ୍କ ମୁଣ୍ଡ ମାଡ଼ ହୋଇ ଫାଟିଯାଇଥିଲା ଓ ଅଜୟ ମଧ୍ୟ ଆହତ ହୋଇଥିଲେ।

ଚେନ୍‌ ନେଇ ନ ପାରି ଭ୍ୟାନିଟ୍‌ ଛାମ୍ପିଲେ
ପଳାଶୁଣୀରେ ରହୁଥିବା ଲୋଜନଗନ୍ଧା ମହାନ୍ତି ମାର୍କେଟିଂ କାମ କରନ୍ତି। ସେ ତାଙ୍କ ସଂସ୍ଥାର ଜଣେ ସହଯୋଗୀ ସୁବ୍ରତ ରଞ୍ଜନ ସାହୁଙ୍କ ସହ ଅଫିସ କାମରେ ଖୋର୍ଦ୍ଧା ଯାଉଥିଲେ। ରସୁଲଗଡ଼ ଓଭରବ୍ରିଜ୍‌ରେ ଲୁଟ୍‌ ପରେ ଲୋକେ ଜମା ହୋଇଥିବା ଦେଖି ସେମାନେ ସେଠାରେ କିଛି ସମୟ ଅଟକି ପୁଣି ନିଜ କାମରେ ଖୋର୍ଦ୍ଧା ଅଭିମୁଖେ ବାଇକରେ ଯାଉଥିଲେ। ନୟାପଲୀ ଓଭରବ୍ରିଜ୍‌ ଉପରେ ହୋଇଥିବାବେଳେ ଦୁଇଜଣ ଯୁବକ ଏକ ପଲ୍‌ସରରେ ପିଛା କରି ସମାନ ଢଙ୍ଗରେ ସେମାନଙ୍କ ବାମପଟେ ଅତି ନିକଟତର ହୋଇ ଲୋଜନାଙ୍କ ବେକରୁ ସୁନାଚେନ ଝାମ୍ପିଥିଲେ। ହେଲେ ଚେନ୍‌ଟି ତାଙ୍କ ଭ୍ୟାନିଟି ଭିତରକୁ ଖସି ପଡିବାରୁ ଲୁଟେରା ଉକ୍ତ ବ୍ୟାଗ୍‌କୁ ଛଡାଇବା ପାଇଁ ଉଦ୍ୟମ କରିଥିଲେ। ବାରମ୍ବାର ଭ୍ୟାନିଟ୍‌ ଟଣାଓଟରା କରିବାରୁ ସୁବ୍ରତ ଭାରସାମ୍ୟ ହରାଇଥିଲେ। ଫଳରେ ଗାଡିଟି ଓଭରବ୍ରିଜ ଡିଭାଇଡରରେ ପିଟି ହୋଇଯାଇଥିଲା। ହେଲମେଟ୍‌ ପିନ୍ଧିଥିବାରୁ ସୁବ୍ରତ ବର୍ତ୍ତିଯାଇଥିଲେ ମଧ୍ୟ ଲୋଜନାଙ୍କ ମୁଣ୍ଡ ମାଡ଼ ହୋଇ ଫାଟିଯାଇଥିଲା। ଏହାଦେଖି ଲୁଟେରା ଖଣ୍ଡଗିରି ଅଭିମୁଖେ ଫେରାର ହୋଇଯାଇଥିଲେ। ସେହିଭଳି ଯିବାବାଟରେ ସମ୍ପୃକ୍ତ ଲୁଟେରାମାନେ ଆଉ କେତେଜଣଙ୍କଠାରୁ ଲୁଟ୍‌ କରିଥିବା ଜଣାପଡିଛି।

ଗୋଟିଏ ଗ୍ୟାଙ୍ଗ୍‌ ସଂପୃକ୍ତ
କିଛିଦିନର ନୀରବତା ପରେ ପୁଣି ଲୁଟେରା ସକ୍ରିୟ ହୋଇଉଠିବା ପୋଲିସର ଚିନ୍ତା ବଢ଼ାଇ ଦେଇଛି। ତେବେ ଏହି ସିରିଜ୍‌ ଲୁଟ୍‌ ଘଟଣାରେ ଗୋଟିଏ ଗ୍ୟାଙ୍ଗ୍‌ର ସମ୍ପୃକ୍ତି ଥିବା ପୋଲିସ ଜାଣିବାକୁ ପାଇଛି। ସେମାନେ ରସୁଲଗଡରୁ ଲୁଟ କରିବା ପରେ ନୟାପଲୀ ଓଭରବ୍ରିଜ୍‌ ଉପରେ ମହିଳାଙ୍କଠାରୁ ଲୁଟ କରିବାକୁ ଉଦ୍ୟମ କରିଥିଲେ। ଲୁଟ୍‌ରେ ସଂପୃକ୍ତ ଥିବା ଦୁଇ ଅଭିଯୁକ୍ତ ଜେଲ ଫେରନ୍ତା କିମ୍ବା ଇଞ୍ଜିନିୟରିଂ ଛାତ୍ର ହୋଇଥିବା ପୋଲିସ ସନ୍ଦେହ କରୁଛି।

ଖୁବ୍‌ ଶୀଘ୍ର ଗିରଫ କରାଯିବ: ସିପି
ଦିିନ ଦ୍ୱିପ୍ରହରରେ ରାଜଧାନୀର ଜନଗହଳିପୂର୍ଣ୍ଣ ରାଜପଥରେ ଏକାଧିକ ଲୁଟ୍‌ ଘଟଣା ପୋଲିସ ପାଇଁ ଚ୍ୟାଲେଞ୍ଜ ସୃଷ୍ଟି କରିଛି। ପୂର୍ବରୁ ଏକାଧିକ ଲୁଟ୍‌ରେ ପୋଲିସ ବିଫଳ ହୋଇଥିବାବେଳେ ଏହି ଲୁଟ୍‌ରେ ସଂପୃକ୍ତଥିବା ଦୁଇଜଣ ଅଭିଯୁକ୍ତଙ୍କୁ କିପରି ଗିରଫ କରିବ ତାହାକୁ ନେଇ ଏବେ ପ୍ରଶ୍ନ ଉଠୁଛି। ତେବେ ପୋଲିସ କମିଶନର (ସିପି) ସତ୍ୟଜିତ୍‌ ମହାନ୍ତି କହିଛନ୍ତି, ରାଜଧାନୀରେ ପାଟ୍ରୋଲିଂ କଡାକଡି କରାଯିବ। ବିଶେଷକରି ଏହି ଗ୍ୟାଙ୍ଗ୍‌କୁ ଖୁବ୍‌ଶୀଘ୍ର ଧରାଯିବ।

ଓଭରବ୍ରିଜ୍‌ ଉପରେ ପୋଲିସ ମୁତୟନ ଦାବି
ରାତି ହେଉ ଅବା ଦିନ ଶହୀଦନଗର,ରସୁଲଗଡ ଏବଂ ନୟାପଲୀ ଓଭରବ୍ରିଜ ଉପରେ ଅପରାଧୀମାନେ ସକ୍ରିୟ ରହୁଛନ୍ତି। ବାରମ୍ବାର ଲୁଟ୍‌ ଓ ଆକ୍ରମଣ ହେଉଛି। ଏହାସତ୍ତ୍ୱେ ଓଭରବ୍ରିଜ ଉପରେ କେତେବେଳେ ବି ପୋଲିସ କର୍ମଚାରୀଙ୍କୁ ଦେଖିବାକୁ ମିଳୁନି। ପୂର୍ବରୁ ବାରମ୍ବାର ଏପରି ଘଟଣା ପରେ ଓଭରବ୍ରିଜ ଉପରେ ପୋଲିସ ମୁତୟନ କରାଯାଇଥିଲା। ହେଲେ ପରେ ତାହାକୁ କାଢି ନିଆଯାଇଥିଲା। ତେଣୁ ଓଭରବ୍ରିଜ ଉପରେ ସ୍ଥାୟୀ ଭାବେ ସୁରକ୍ଷା ବ୍ୟବସ୍ଥା ଜାରି ରଖିବାକୁ ଦାବି ହେଉଛି।


All Right Reserved By

ଭଞ୍ଜନଗରରେ ବିଜେଡିର ବିକ୍ରମ, ଆସିକାରେ ମଞ୍ଜୁଳା, ସୋରଡାରେ ପୂର୍ଣ୍ଣ ଆଗୁଆ

ଭଞ୍ଜନଗର,୨୩।୫(ଡି.ଏନ୍‌.ଏ.)- ଭଞ୍ଜନଗର, ଆସିକା, ସୋରଡା ନିର୍ବାଚନ ମଣ୍ଡଳୀରେ ବିଜେଡି ବିଧାୟକ ପ୍ରାର୍ଥୀ ଆଗୁଆ ରହିଛନ୍ତି। ଭଞ୍ଜନଗର ବିଜେଡି ବିଧାୟକ ପ୍ରାର୍ଥୀ ବିକ୍ରମ କେଶରୀ ଆରୁଖ ୨୦,୩୭୩...

ନୂଆପଡ଼ାରେ ଢୋଲକିଆ, ଖଡ଼ିଆଳରେ ଅଧିରାଜ ଆଗୁଆ

ନୂଆପଡ଼ା ଅଫିସ,୨୩।୫: ୧୨ ରାଉଣ୍ଡ ଗଣତି ଶେଷ ସୁଦ୍ଧା ନୂଆପଡ଼ା ବିଧାନସଭା ଆସନରେ ବିଜେଡି ପ୍ରାର୍ଥୀ ରାଜେନ୍ଦ୍ର ଢୋଲକିଆ ଆଗରେ ଅଛନ୍ତି। ଢୋଲକିଆ ୨୬୪୮୮ ଭୋଟ...

ଶ୍ରୀବଳଦେବଜୀଉଙ୍କୁ ଦର୍ଶନ କଲେ ମୁଖ୍ୟମନ୍ତ୍ରୀ

କେନ୍ଦ୍ରାପଡା ଅଫିସ,୧୮।୬: କେନ୍ଦ୍ରାପଡା ଜିଲା ତୁଳସୀ କ୍ଷେତ୍ରାଧିପତି ଶ୍ରୀ ବଳଦେବଜୀଉଙ୍କୁ ସୋମବାର ସ୍ନାନ ମଣ୍ଡପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦର୍ଶନ କରିଛନ୍ତି। ଶ୍ରୀଜୀଉଙ୍କ ଦର୍ଶନ ପରେ...

ଆଜି ବିଶ୍ୱ ପରିବେଶ ଦିବସ: ଥୁଣ୍ଟା ରାଜଧାନୀ, ଛାଇ ସ୍ବପ୍ନ

ଭୁବନେଶ୍ୱର,୫ା୬(ବ୍ୟୁରୋ): ମୁର୍ଦ୍ଦାର ପରି ପଡ଼ି ରହିଛି କଟା ଗଣ୍ଡି। ଚାରିଆଡେ ଦେଖିବାକୁ ମିଳୁଛି ଭଙ୍ଗା ଗଛ। ଆକାଶକୁ ଚାହିଁ ରହିଛି ବଞ୍ଚତ୍ୟାଇଥିବା ଗଛର ଖେଣ୍ଟା ଡାଳ।...

ମର୍ଦ୍ଦରାଜପୁର ପ୍ରାଥମିକ ସ୍ବାସ୍ଥ୍ୟକେନ୍ଦ୍ର:୧୫ବର୍ଷ ପରେ ବି କାର୍ଯ୍ୟକ୍ଷମ ହୋଇପାରୁନି

ଖଣ୍ଡପଡ଼ା,୨୨ା୫(ସ୍ବ.ପ୍ର.)- ଅଞ୍ଚଳବାସୀଙ୍କ ଦୀର୍ଘବର୍ଷର ଦାବି ପରେ ଖଣ୍ଡପଡ଼ା ବ୍ଲକ ମର୍ଦ୍ଦରାଜପୁରଠାରେ ଏକ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ସ୍ଥାପନ କରାଯାଇଥିଲା। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦ୍‌ଘାଟନ କରିବାର...

ରାଜ୍ୟରେ ନବୀନଙ୍କ ଉପଯୁକ୍ତ ବିକଳ୍ପ ସୃଷ୍ଟି ହୋଇନାହାନ୍ତି: ମହମ୍ମଦ ମୋକିମ

ଦେଶରେ ମୋଦି ଓ ରାଜ୍ୟରେ ନବୀନଙ୍କ ପ୍ରଚଣ୍ଡ ହାୱା। ୨୦୧୯ ସାଧାରଣ ନିର୍ବାଚନରେ କେନ୍ଦ୍ରରେ ମୋଦିଙ୍କ ନେତୃତ୍ୱାଧୀନ ଭାଜପା ଦ୍ୱିତୀୟ ଥର କ୍ଷମତାସୀନ ହୋଇଥିବାବେଳେ ରାଜ୍ୟରେ...

ମୋବାଇଲ ଟର୍ଚ୍ଚ ଲାଇଟ୍‌ରେ ଖାତାଦେଖା ମିଛ: ସିଏଚ୍‌ଏସ୍‌ଇ ଅଧ୍ୟକ୍ଷ

ଭୁବନେଶ୍ୱର, ୪।୬(ବ୍ୟୁରୋ): ବାରିପଦାସ୍ଥିତ ଏମ୍‌ପିସି ସ୍ବୟଂଶାସିତ ମହାବିଦ୍ୟାଳୟରେ ମୋବାଇଲ ଫୋନ୍‌ ଟର୍ଚ୍ଚ ଲାଇଟ୍‌ରେ ଯୁକ୍ତ୨ ଖାତାଦେଖା ଘଟଣା ମିଛ। ସେହି ଘଟଣାକୁ ଯୋଜନାବଦ୍ଧ ଭାବେ ତିଆରି...

ମାଗଣାରେ ପାଞ୍ଚଟଙ୍କିଆ ଖାଦ୍ୟ ନ ଦେବାରୁ ମାଡ଼ମାରି ଢାଳିଦେଲେ ଯୁବକ, ଥାନାରେ ଅଭିଯୋଗ

ରଣପୁର, ୨୭।୫(ସ୍ବ.ପ୍ର.): ନୟାଗଡ ଜିଲା ରଣପୁର ସରକାରୀ ଡାକ୍ତରଖାନା ପରିସରରେ ରହିଛି ପାଞ୍ଚଟଙ୍କିଆ ଆହାର କେନ୍ଦ୍ର। ସୋମବାର ଉକ୍ତ କେନ୍ଦ୍ରର କର୍ମଚାରୀମାନେ ଜଣେ ଯୁବକଙ୍କୁ ମାଗଣାରେ...


selfi corner

 

Model This Week

Why Dharitri

Leave a comment

Your email address will not be published. Required fields are marked *