ବ୍ୟାଙ୍କିଙ୍ଗ୍‌, ଇନ୍‌ସ୍ୟୁରାନ୍ସ ସେବା ସ୍ବାଭାବିକ ପାଇଁ କେନ୍ଦ୍ର ଓ ରାଜ୍ୟ ଅଧିକାରୀଙ୍କ ବୈଠକ:ଓଡ଼ିଶା ଆପଣାଇବ କେରଳ ମଡେଲ

ଭୁବନେଶ୍ୱର,୧୭।୫(ବ୍ୟୁରୋ):ବାତ୍ୟା ଫନୀ ପ୍ରଭାବିତ ଅଞ୍ଚଳରେ ବ୍ୟାଙ୍କ ଓ ବୀମା ସେବାକୁ ପୂର୍ବଭଳି ସ୍ବାଭାବିକ କରିବାକୁ ସରକାରୀ ସ୍ତରରେ ଉଦ୍ୟମ ଆରମ୍ଭ ହୋଇଛି। ଏ ନେଇ ଗୁରୁବାର ରାଜ୍ୟ ଅତିଥି ଭବନଠାରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଛି। ବୈଠକରେ କେନ୍ଦ୍ର ଅର୍ଥ ମନ୍ତ୍ରଣାଳୟର ଅତିରିକ୍ତ ସଚିବ ଦେବାଶିଷ ପଣ୍ଡା ଓ ରାଜ୍ୟ ସରକାରଙ୍କ ଅର୍ଥ ବିଭାଗ ମୁଖ୍ୟ ସଚିବ ଅଶୋକ ମୀନା ଯୋଗ ଦେଇ ଆଗାମୀ ପରିସ୍ଥିତିକୁ ସ୍ବାଭାବିକ କରିବା ପାଇଁ ଆଲୋଚନା କରିଛନ୍ତି। ଏଥିରେ ବ୍ୟାଙ୍କ, ବୀମା କମ୍ପାନୀ, ଟେଲିକମ୍‌, ରିଜର୍ଭ ବ୍ୟାଙ୍କ ଓ ଏସ୍‌ଏଲ୍‌ବିସିର ଅଧିକାରୀମାନେ ମଧ୍ୟ ଯୋଗ ଦେଇଛନ୍ତି। ମୁଖ୍ୟତଃ ବାତ୍ୟାରେ ବିଶେଷ ପ୍ରଭାବିତ ହୋଇଥିବା ଅଞ୍ଚଳଗୁଡ଼ିକର ଲୋକମାନଙ୍କୁ କିପରି ବ୍ୟାଙ୍କସେବା ପୂର୍ବଭଳି ଯୋଗାଇ ଦିଆଯିବ ସେନେଇ ଗୁରୁତ୍ୱାରୋପ କରାଯାଇଛି। ଓଡ଼ିଶା ସରକାର କେରଳ ମଡେଲ ଜରିଆରେ ସମସ୍ତ ସମସ୍ୟାର ସମାଧାନ ଲାଗି ବୈଠକରେ ନିଷ୍ପତ୍ତି ନେଇଛନ୍ତି।
କେରଳରେ ବାତ୍ୟା ହେବାପରେ ଆର୍‌ବିଆଇ ପକ୍ଷରୁ ଏକ ମାଷ୍ଟର ସର୍କୁଲାର ଜାରି କରାଯାଇଥିଲା। ଉକ୍ତ ସର୍କୁଲାର ଅନୁଯାୟୀ କେରଳର ବ୍ୟାଙ୍କଗୁଡ଼ିକ ପକ୍ଷରୁ ପୁରୁଣା ଋଣର ପୁନର୍ଗଠନ କରାଯାଇଥିଲା। ସେଠାକାର ସ୍ବୟଂ ସହାୟିକା ଗୋଷ୍ଠୀକୁ ୧ଲକ୍ଷ ଟଙ୍କା ପର୍ଯ୍ୟନ୍ତ ଋଣ ପ୍ରଦାନ କରାଯାଇଥିଲା। ଏହାସହ ଋଣ ଦିଆଯିବା ପରେ ବର୍ଷେ ପର୍ଯ୍ୟନ୍ତ ଲୋକଙ୍କୁ ଋଣ ଛାଡ କରାଯାଇଥିଲା। ଏ ନେଇ ଗତ ୧୦ରେ ଆର୍‌ବିଆଇ ଡେପୁଟି ଗଭର୍ନରଙ୍କ ଉପସ୍ଥିତିରେ ଆୟୋଜିତ ଏସ୍‌ବିସି ବୈଠକରେ ଆଲୋଚନା ହୋଇଥିଲା। ସେତେବେଳେ ଆର୍‌ବିଆଇ ଡେପୁଟି ଗଭର୍ନର ଏ ନେଇ ଏକ ଟାସ୍କଫୋର୍ସ ମିଟିଂ ପାଇଁ ନିର୍ଦ୍ଦେଶ ଦେଇଥିଲେ। ଗୁରୁବାର ବସିଥିବା ବୈଠକରେ ଏହା ଉପରେ ଆଲୋଚନା ହୋଇଛି। ସେହି ଅନୁଯାୟୀରେ ରାଜ୍ୟ ସରକାର କେରଳ ମଡେଲ ଆପଣାଇବାକୁ ନିଷ୍ପତ୍ତି ନେଇଛନ୍ତି। ଏହି ଅନୁସାରେ ବ୍ୟାଙ୍କଗୁଡ଼ିକ କୃଷିଭିତ୍ତିକ ଋଣ, ଶିଳ୍ପୋଦ୍ୟୋଗୀ, ଗୃହ ନିର୍ମାଣ ଏବଂ ଶିକ୍ଷାକ୍ଷେତ୍ର ପାଇଁ ନୂଆ ଋଣର ପୁନର୍ଗଠନ ବ୍ୟବସ୍ଥା ଗ୍ରହଣ କରିବେ ବୋଲି ସୂଚନା ମିଳିଛି।
ବୈଠକ ପରେ କେନ୍ଦ୍ର ଅତିରିକ୍ତ ସଚିବ ପଣ୍ଡା କହିଛନ୍ତି, ବାତ୍ୟା ପରଦିନଠାରୁ ସମୀକ୍ଷା ଚାଲିଛି। ବ୍ୟାଙ୍କିଙ୍ଗ କ୍ଷେତ୍ରରେ ଯେପରି ତତ୍କାଳ ସୁବିଧା ଲୋକଙ୍କୁ ମିଳିବ ସେନେଇ ପ୍ରଥମ ଦିନରୁ ନିର୍ଦ୍ଦେଶ ଦିଆଯାଇଥିଲା। ହେଲେ ବିଦ୍ୟୁତ୍‌ ଓ ଯୋଗାଯୋଗ ସେବାରେ ବାଧା ଯୋଗୁ ଏହା ପ୍ରଥମେ ସମ୍ଭବ ହୋଇପାରି ନ ଥିଲା। ଯେଉଁ ସ୍ଥାନରେ ଯୋଗାଯୋଗ ବ୍ୟବସ୍ଥାରେ ସୁଧାର ଆସିଛି ସେଠାରେ ବ୍ୟାଙ୍କ ସେବା ସ୍ବାଭାବିକ ହୋଇଛି। ଇଣ୍ଟରନେଟ୍‌ ବ୍ୟବସ୍ଥା ନ ଥିବା ସ୍ଥାନରେ ପାସ୍‌ ବୁକ୍‌ ଜରିଆରେ ଲୋକେ ୨ହଜାରରୁ ୫ହଜାର ଟଙ୍କା ପର୍ଯ୍ୟନ୍ତ ଉଠାଇ ପାରୁଛନ୍ତି। ରାଜ୍ୟର ବାତ୍ୟା ପ୍ରଭାବିତ ୬ଜିଲାରେ ୧୯୯୨ଟି ବ୍ୟାଙ୍କ ଶାଖା ମଧ୍ୟରୁ ୧୯୩୪ଟି କାର୍ଯ୍ୟକ୍ଷମ ହୋଇଛି। ୨୯୨୧ ଏଟିଏମ୍‌ ମଧ୍ୟରୁ ୨ହଜାରରୁ ଅଧିକ ବର୍ତ୍ତମାନ କାର୍ଯ୍ୟକ୍ଷମ ହେଲାଣି। ପୁରୀ, କଟକ ଓ ଖୋର୍ଦ୍ଧା ଅଞ୍ଚଳର କିଛି ଏଟିଏମ୍‌ କାର୍ଯ୍ୟ କରିନାହିଁ। ସପ୍ତାହେ ମଧ୍ୟରେ ସେସବୁ କାର୍ଯ୍ୟକ୍ଷମ ହୋଇଯିବ। ବୀମା କମ୍ପାନୀଗୁଡିକ ମଧ୍ୟ ଶୀଘ୍ର ପ୍ରାପ୍ୟ ଅର୍ଥ ପ୍ରଦାନ କରନ୍ତୁ ବୋଲି ନିଷ୍ପତ୍ତି ହୋଇଛି। ରାଜ୍ୟ ଅର୍ଥ ସଚିବ ମୀନା କହିଛନ୍ତି, ପୁରୀରେ ବର୍ତ୍ତମାନ ୨୭ରୁ ୨୮ପ୍ରତିଶତ ଏଟିଏମ୍‌ କାର୍ଯ୍ୟ କରୁଛି। ଅପରପକ୍ଷରେ ପ୍ରଭାବିତ ଅଞ୍ଚଳରେ ସହଜ ଆବେଦନ ପତ୍ର ଜରିଆରେ ଲୋକେ ଇନ୍ସ୍ୟୁରାନ୍ସ ଆବେଦନ କରିପାରିବେ। କମ୍‌ ସୁଧରେ ଋଣ ମଧ୍ୟ ଯୋଗାଇ ଦିଆଯିବ। ମୁଦ୍ରା ଯୋଜନାରେ ହୋଟେଲ ବ୍ୟବସାୟୀମାନଙ୍କୁ ଋଣ ଦିଆଯିବାକୁ ଆଲୋଚନା ହୋଇଛି।


All Right Reserved By

ଗୁରୁବାର ଭୋଟ ଗଣନା: କେନ୍ଦୁଝର ପ୍ରଶାସନର ପ୍ରସ୍ତୁତି ଶେଷ, କେନ୍ଦ୍ରଗୁଡ଼ିକୁ ମୋବାଇଲ ଫୋନ ମନା

କେନ୍ଦୁଝର,୨୨।୫(ସ୍ବ.ପ୍ର.): ଗୁରୁବାର ୨୦୧୯ ସାଧାରଣ ନିର୍ବାଚନକୁ ନେଇ ଭୋଟ ଗଣନା କରାଯିବ। ଏହାକୁ ନେଇ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଶେଷ ହୋଇଛି। ଅବଜର୍ଭର ଡ଼....

ଭଦ୍ରକ ମଦ ମୃତ୍ୟୁ ମାମଲା: ବିଧାୟକ ବ୍ୟୋମକେଶଙ୍କ ବିରୋଧରେ ଏନ୍‌ଏଚ୍‌ଆରସିରେ ଫେରାଦ ହେଲା ଭାଜପା

ଭୁବନେଶ୍ୱର, ୨୬।୬(ବ୍ୟୁରୋ): ଗତ ଏପ୍ରିଲ ୨୮ ତାରିଖରେ ଭଦ୍ରକ ଜିଲା ଚାନ୍ଦବାଲି ନିର୍ବାଚନମଣ୍ଡଳୀରେ ଭୋଟ ହାତେଇବା ପାଇଁ ଶାସକ ବିଜେଡିର ନେତା ଓ ବିଧାୟକ ପ୍ରାର୍ଥୀ...

ବାଟବଣା ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା: ୨ ମାସ ହେଲାଣି ବନ୍ଦ ରହିଛି କାର୍ଯ୍ୟାଳୟ

ନୟାଗଡ଼ ଅଫିସ,୧୨।୭- ନୟାଗଡ଼ ଜିଲାରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ବାଟବଣା ହୋଇପଡ଼ିଥିବା ଅଭିଯୋଗ ହେଉଛି। ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରଠାରୁ ଆରମ୍ଭକରି ଜିଲା ମୁଖ୍ୟ ଚିକିତ୍ସାଳୟ ପରିସରରେ...

ଆଇଟିସି ମଙ୍ଗଳଦୀପ୍‌ ଅଗରବତିର ବଜାର ପ୍ରବେଶ

ପୁରୀ ଅଫିସ, ୨୯ା୬: ପବିତ୍ର ରଥଯାତ୍ରା ଅବସରରେ ଆଇଟିସିର ଅଗରବତୀ ବ୍ରାଣ୍ଡ୍‌ ମଙ୍ଗଳଦୀପ୍‌ ପକ୍ଷରୁ ଶୁକ୍ରବାର ସୁଗନ୍ଧିତ ଅଗରବତୀ ପ୍ୟାକ୍‌ର ବଜାର ପ୍ରବେଶ ହୋଇଛି। ଓଡ଼ିଶା...

ଅନୁଭବଙ୍କୁ ହତ୍ୟା ଧମକ: ୧୦ ଲକ୍ଷ ଟଙ୍କା ନ ଦେଲେ ମାରିଦେବୁ

କଟକ ଅଫିସ୍‌,୧ା୫- କେନ୍ଦ୍ରାପଡା ଲୋକ ସଭା ନିର୍ବାଚନମଣ୍ଡଳୀର ବିଜେଡି ପ୍ରାର୍ଥୀ ଅନୁଭବ ମହାନ୍ତିଙ୍କୁ ହତ୍ୟା ଧମକ ମିଳିଛି। ୧୦ ଲକ୍ଷ ଟଙ୍କା ନ ଦେଲେ ମାରିଦେବାକୁ...

ଦେଢ ବର୍ଷ ହେଲା ବସ୍ତ୍ର ବିତରଣ କେନ୍ଦ୍ରରେ ପଡ଼ିଛି ତାଲା

ବଡବିଲ, ୧୧।୭(ସ୍ବ.ପ୍ର.)-କେନ୍ଦୁଝର ଜିଲା ବଡବିଲ ତହସିଲ କାର୍ଯ୍ୟାଳୟ ପରିସରରେ ପ୍ରଶାସନ ପକ୍ଷରୁ ବ୍ୟବହାର ଉପଯୋଗୀ ବସ୍ତ୍ର ଓ ଆସବାବପତ୍ର ଦାତାଙ୍କ ଠାରୁ ଗ୍ରହଣ କରାଯାଇ ଗରିବ...

ଭାଜପାକୁ ପୁଣି ଫେରିପାରନ୍ତି ବିଜୟ ମହାପାତ୍ର

ଭୁବନେଶ୍ୱର, ୨୮।୩(ବ୍ୟୁରୋ): ଭାଜପାର ପୂର୍ବତନ ବରିଷ୍ଠ ନେତା ବିଜୟ ମହାପାତ୍ର ପୁଣି ଥରେ ଭାଜପାକୁ ଫେରିପାରନ୍ତି। ସାଧାରଣ ନିର୍ବାଚନ ପାଇଁ ରାଜନୀତିକ ଛକାପଞ୍ଝା ଆରମ୍ଭ ହୋଇଥିବାବେଳେ...

କୁଆପଥର ବର୍ଷା, ବ୍ୟାପକ କ୍ଷୟକ୍ଷତି

ରାଇକିଆ,୧୩।୬(ଡ଼ି.ଏନ.ଏ)-ରାଇକିଆ ବ୍ଲକର ବିଭିନ୍ନ ଅଞ୍ଚଳରେ ବୁଧବାର ରାତ୍ରରେ ପ୍ରବଳ ବର୍ଷା ସହ କୁଆପଥର ପଡିଥିଲା। ଏଥିରେ ଅନେକ ସ୍ଥାନରେ ବ୍ୟାପକ କ୍ଷୟକ୍ଷତି ହୋଇଛି। ମାଣିକେଶ୍ୱର ପଞ୍ଚାୟତରେ...


selfi corner

Model This Week

Why Dharitri

Leave a comment

Your email address will not be published. Required fields are marked *