ଶିଳ୍ପୀଙ୍କ ରଙ୍ଗ, ତୂଳୀ ବଖାଣିଲା ମହାପ୍ରଭୁଙ୍କ ଗାଥା

ପୁରୀ ଅଫିସ,୧୧ା୭: ଶିଳ୍ପୀର ପରିକଳ୍ପନା ବାସ୍ତବିକ ନିଆରା। କେତେବେଳେ କାନ୍‌ଭାସ ଉପରେ ତା’ ମନର ଭାବକୁ ଫୁଟାଇଥାଏ ତ ପୁଣି କେତେବେଳେ ତୋଳି ଧରେ ଅନ୍ୟର କଥା ଓ ଭାଷାକୁ। ତା’ ହାତର ସ୍ପର୍ଶରେ ଏଠି ରଙ୍ଗ, ତୂଳୀ କଥା କୁହନ୍ତି। ସବୁକିଛି ଲାଗେ ଜୀବନ୍ତ ଆଉ ବାସ୍ତବ। ଏମିତି ଏକ ନିଆରା ମୂହୁର୍ତ୍ତ ସୃଷ୍ଟି ହୋଇଥିଲା ଭକ୍ତ ସାଲବେଗ ସ୍ମୃତି ପୀଠରେ। ଓଡ଼ିଶା ଚାରୁ ଓ କାରୁକଳା ମହାବିଦ୍ୟାଳୟ, ପୁରୀ ଆନୁକୂଲ୍ୟରେ ଦୁଇ ଦିନ ଧରି ଚାଲିଥିବା ଜାତୀୟ ଚିତ୍ରକଳା କର୍ମଶାଳା ଓ ଚିତ୍ର ପ୍ରଦର୍ଶନୀ ଗୁରୁବାର ଉଦ୍‌ଯାପିତ ହୋଇଯାଇଛି। ଏଥିରେ ଓଡ଼ିଶା, ଦିଲ୍ଲୀ, ଆନ୍ଧ୍ରପ୍ରଦେଶ, ଉତ୍ତରପ୍ରଦେଶରୁ ୧୮ଜଣ ଶିଳ୍ପୀ ଯୋଗଦେଇଥିଲେ। ମହାପ୍ରଭୁ ଶ୍ରୀଜଗନ୍ନାଥ ଏବଂ ବଡ଼ଦାଣ୍ଡକୁ କାନ୍‌ଭାସ୍‌ ଉପରେ ରଙ୍ଗ, ତୂଳୀରେ ସଜାଇଥିଲେ ଶିଳ୍ପୀମାନେ। ସେମାନଙ୍କ କଳା, ଚାତୁରୀ ସମସ୍ତଙ୍କ ମନ ଛୁଇଁଥିଲା। ସମସ୍ତଙ୍କ ଚିତ୍ର ମହାପ୍ରଭୁଙ୍କ ବିଭିନ୍ନ ଲୀଳାଖେଳାକୁ ପ୍ରତିପାଦିତ କରିଥିଲା। ଶ୍ରୀକ୍ଷେତ୍ର ମାଟିର ଗୌରବ ତଥା ଆନ୍ତର୍ଜାତୀୟ ଖ୍ୟାତିସମ୍ପନ୍ନ ଚିତ୍ରଶିଳ୍ପୀ ନାରାୟଣ ମହାରଣା ତାଙ୍କ କାନଭାସ୍‌ରେ ମହାପ୍ରଭୁଙ୍କ ପ୍ରତି ଚୈତନ୍ୟ ଦେବଙ୍କ ଅପୂର୍ବ ଭକ୍ତିଭାବକୁ କାନ୍‌ଭାସରେ ସଜାଇଥିଲେ। ଚକାନୟନ ବେଶ୍‌ ମନୋଲୋଭା ହୋଇଥିଲା। ସେହିପରି ଶ୍ରୀକୃଷ୍ଣ ବଂଶୀ ଧରି ଯମୁନା କୂଳରେ ବୁଲୁଥିବା ଚିତ୍ର ଅଙ୍କନ କରିଥିଲେ ଦିଲ୍ଲୀର ଜଣେ ଚିତ୍ରଶିଳ୍ପୀ। ସେ କୁହନ୍ତି, ଯିଏ ଜଗନ୍ନାଥ ସେ ବି କୃଷ୍ଣ । ତେଣୁ ମହାପ୍ରଭୁଙ୍କୁ କୃଷ୍ଣ ରୂପରେ ଦେଖାଇବା ଲାଗି ମୋର ଏହି ଚିତ୍ରକଳା। ଉତ୍ତରପ୍ରଦେଶର ଯୁବ ଚିତ୍ରଶିଳ୍ପୀ ସଙ୍ଗମ ସାଗର ରତ୍ନସିଂହାସନ ଉପରେ ସିଂହାରୀ ସେବକ ଚତୁର୍ଦ୍ଧାବିଗ୍ରହଙ୍କୁ ବେଶ କରିବା, ରଥଯାତ୍ରା ଏବଂ ଶ୍ରୀମନ୍ଦିରକୁ ରଙ୍ଗ, ତୂଳୀରେ ବାସ୍ତବତାର ରୂପ ଦେବାକୁ ଚେଷ୍ଟା କରିଛନ୍ତି। ଅମୀୟ ପଟ୍ଟନାୟକଙ୍କ ଚିତ୍ର ଶ୍ରୀଜଗନ୍ନାଥ ସଂସ୍କୃତିର ପ୍ରଚାର, ପ୍ରସାର ଉପରେ ପର୍ଯ୍ୟବସିତ ଥିଲା। ଶ୍ରୀକ୍ଷେତ୍ରକୁ ଇସ୍କନ ଭକ୍ତମାନେ ବହୁ ସଂଖ୍ୟାରେ ଆସି ବଡ଼ଦାଣ୍ଡରେ ହରେକୃଷ୍ଣ, ହରେରାମ ଗାଇ ଭକ୍ତି ଭାବରେ ଭିଜି ଯାଉଛନ୍ତି।ଏହାଦ୍ୱାରା ଦେଶ ବିଦେଶରେ ଜଗନ୍ନାଥ ସଂସ୍କୃତିର ପ୍ରଚାର, ପ୍ରସାର ହେଉଛି। ନୀଳଚକ୍ର ପତିତପାବନ ବାନା କିପରି ସେମାନଙ୍କୁ ଆଶୀର୍ବାଦ ଦେଉଛି ତାହାକୁ ଚିତ୍ରରେ ଦେଖାଇଥିଲେ ମୀନକେତନ। ବଡଦାଣ୍ଡ ମାଟିରେ ମହାପ୍ରଭୁଙ୍କ ଚିତ୍ର କରିବାର ସୁଯୋଗ ପାଇଥିବାରୁ ଶିଳ୍ପୀମାନେ ବେଶ୍‌ ଖୁସି ହୋଇଛନ୍ତି। ଏହି ଶିବିରକୁ ଅନୁଷ୍ଠାନର ଅଧ୍ୟକ୍ଷ ଚିତ୍ରଶିଳ୍ପୀ ଦୁର୍ଗାମାଧବ କର ପରିଚାଳନା କରିଥିବାବେଳେ ଉଦ୍‌ଯାପନୀ ଦିବସରେ ଶିଳ୍ପୀମାନଙ୍କୁ ସମ୍ବର୍ଦ୍ଧିତ କରାଯାଇଥିଲା।


All Right Reserved By

ଦାଦାବଟିକୁ କେନ୍ଦ୍ର କରି ଆକ୍ରମଣ: ଦୁର୍ବୃତ୍ତମାନଙ୍କ ଇଟା ମାଡ଼ରେ ଜଣେ ଆହତ, ସିସିଟିଭି ଯାଞ୍ଚ କରୁଛି ପୋଲିସ

ପୁରୀ ଅଫିସ,୧୫।୭: ଦାଦାବଟିକୁ କେନ୍ଦ୍ର କରି ଟାଉନ୍‌ ଥାନା ଅନ୍ତର୍ଗତ ନରେନ୍ଦ୍ରକୋଣସ୍ଥିତ ଏକ ଶୋ’ରୁମ୍‌ରେ ଦୁର୍ବୃତ୍ତମାନେ ବ୍ୟାପକ ଭଙ୍ଗାରୁଜା କରିଛନ୍ତି। ମାରଣାସ୍ତ୍ରରେ ଶୋ’ରୁମ୍‌ର ଝରକା କାଚ...

ଅତାବିରା ବିଧାନସଭାରେ ସ୍ନେହାଙ୍ଗିନୀ ଛୁରିଆ ଆଗୁଆ

ଅତାବିରା,୨୩।୫: ଅତାବିରା ବିଧାନସଭା ଆସନରେ ବିଜେଡି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆ ଆଗରେ ଅଛନ୍ତି। ସ୍ନେହାଙ୍ଗିନୀ ୧୭୮୧୪ ଭୋଟ ପାଇଥିବାବେଳେ ତାଙ୍କ ନିକଟତମ ଭାଜପା ପ୍ରତିଦ୍ୱନ୍ଦ୍ୱୀ ୧୩୧୦୯...

ଗରିବଙ୍କୁ ଲୁଟୁଛନ୍ତି ଅଧିକାରୀ

ଭୁବନେଶ୍ୱର,୧୭।୭(ବ୍ୟୁରୋ): ଗତ ୨୦ବର୍ଷ ହେବ ବିଜେଡି ହାତରେ ରହିଛି ରାଜ୍ୟ ଶାସନ ଭାର। ଲୋକମାନଙ୍କୁ ସ୍ବଚ୍ଛ ଓ ଦୁର୍ନୀତିମୁକ୍ତ ଶାସନ ଦେଉଥିବା ସରକାର ଦାବି କରୁଛନ୍ତି।...

ରାଜନଗରରେ ବିଜେଡିର ବାଜିମାତ, ଧ୍ରୁବ ବିଜୟୀ

ରାଜନଗର, ୨୩।୫(ଡି.ଏନ୍‌.ଏ.)- ରାଜନଗର ବିଧାନସଭା ଆସନରେ ବିଜେଡି ପ୍ରାର୍ଥୀ ଧ୍ରୁବ ଚରଣ ସାହୁ କଂଗ୍ରେସର ଅଂଶୁମାନ ମହାନ୍ତିଙ୍କୁ ହରାଇ ବିଜୟୀ ହୋଇଛନ୍ତି। ଧ୍ରୁବ ପ୍ରାୟ ୧୬,୭୨୫...

ମହିଳା ଖବରଦାତାଙ୍କୁ ଦୁର୍ବ୍ୟବହାର ଘଟଣା: ସିସିଟିଭି ଫୁଟେଜ ନ ପାଇ ଅନୁଭବଙ୍କ ଘରୁ ଫେରିଲା ପୋଲିସ

କଟକ ଅଫିସ,୧୬।୬: କେନ୍ଦ୍ରାପଡ଼ା ଏମ୍‌ପି ତଥା ଅଭିନେତା ଅନୁଭବ ମହାନ୍ତି ଏବଂ ତାଙ୍କ ସାନଭାଇ ଅନୁପ୍ରାସ ମହାନ୍ତି ଜଣେ ମହିଳା ଖବରଦାତାଙ୍କୁ ଦୁର୍ବ୍ୟବହାର କରିଥିବା ନେଇ...

ନବ ନିର୍ବାଚିତ ବିଧାୟକଙ୍କୁ ନବୀନଙ୍କ ପରାମର୍ଶ: ଗର୍ବ, ଅହଂକାରଠାରୁ ଦୂରେଇ ରୁହ; ଦାମୀ ଗାଡ଼ି ଚଢ଼ନା

ଭୁବନେଶ୍ୱର,୩।୭(ବ୍ୟୁରୋ): ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକ ବୁଧବାର ନବ ନିର୍ବାଚିତ ବିଜେଡି ବିଧାୟକମାନଙ୍କର ଏକ ବୈଠକ କରିଛନ୍ତି। ଏହି ବୈଠକରେ ବିଧାୟକମାନଙ୍କୁ ସରଳ...

ଅଗଷ୍ଟ ୩ରୁ ‘ମେଟଲ୍‌ ମିଟ୍‌-୨୦୧୯’

ଭୁବନେଶ୍ୱର,୨।୭(ବ୍ୟୁରୋ): ବର୍ଷକର ପ୍ରତୀକ୍ଷା ପରେ ପୁଣିଥରେ ଫେରୁଛି ଓଡିଶାର ପ୍ରଥମ ଏବଂ ଏକମାତ୍ର କୁଇଜ୍‌ ମହାକୁମ୍ଭ ‘ମେଟଲ୍‌ ମିଟ୍‌- ୨୦୧୯’। ଅଗଷ୍ଟ ୩ ଓ ୪...

ଅବ୍ୟବସ୍ଥାକୁ ସଜାଡ଼ିଦେଉଥିବା ଶକ୍ତି ଦେବୀ ଇନ୍ଦ୍ରାଣୀ

ଶ୍ରୀମନ୍ଦିରରେ ଉପାସନାର ବିବିଧତା ଦେଖିବାକୁ ମିଳେ। ବିବିଧତା ମଧ୍ୟରେ ଏକତା ଏବଂ ଏକତା ମଧ୍ୟରେ ବିବିଧତା ରହିବା ସନାତନୀୟ ପରମ୍ପରା। ଆଗମ ଏବଂ ନିଗମ ଆମର...

selfi corner

Model This Week

Why Dharitri

Leave a comment

Your email address will not be published. Required fields are marked *