ଆଜି ବିଶ୍ୱ ନୃତ୍ୟ ଦିବସ: ନୃତ୍ୟର ବିବର୍ତ୍ତନ

ଭୁବନେଶ୍ୱର,୨୯।୪-‘ନୃତ୍ୟ’ ଓ ‘ନାଟକ’ ଭାରତୀୟ ସଂସ୍କୃତିର ଦୁଇ ଅବିଚ୍ଛେଦ୍ୟ ଅଙ୍ଗ। ସମୟ ଯେତେ ବଦଳିଲେ ବି, ମଣିଷ ଯେତେ ଆଧୁନିକ ହେଲେ ବି ମନୋରଞ୍ଜନର ଏହି ଦୁଇ ପ୍ରମୁଖ ମାଧ୍ୟମ ଆଜି ସୁଦ୍ଧା ନିଜର ସ୍ଥିତି ମଜଭୁତ ରଖିଛି। ସମୟ ସହ ତାଳଦେଇ ନୃତ୍ୟର ବିବର୍ତ୍ତନ ଘଟିଛି। ଲୋକପ୍ରିୟତା ପୂର୍ବାପେକ୍ଷା ବଢ଼ିଛି ପଛେ କମିନି। ସିନେମାରୁ ଆରମ୍ଭ କରି ଉତ୍ସବ, ମହୋତ୍ସବ ପର୍ଯ୍ୟନ୍ତ ନୃତ୍ୟ ବିନା ସବୁକିଛି ଅଧା ଅଧୁରା। ଅବଶ୍ୟ ପୂର୍ବରୁ ମନୋରଞ୍ଜନର ପ୍ରମୁଖ ମାଧ୍ୟମ ହୋଇ ରହିଆସିଥିବା ଯାତ୍ରା, ସୁଆଙ୍ଗ, ରାମଲୀଳା ଓ ବିଭିନ୍ନ ଅଞ୍ଚଳର ପାରମ୍ପରିକ ନୃତ୍ୟ ଏବେ ନିଜର ଲୋକପ୍ରିୟତା ହରାଇଛି। ହେଲେ ଏହାର ସ୍ଥାନ ନେଇଛି ହିପ୍‌ହପ୍‌, ପପିଂ ଲକିଂ, ରୋବୋଟିକ୍‌, ମୁନ୍‌ଓ୍ବାକ୍‌ ଭଳି ଅତ୍ୟାଧୁନିକ ଓ ପାଶ୍ଚାତ୍ୟ ନୃତ୍ୟଶୈଳୀ।

‘ଘୋଡ଼ାନାଚ’ରୁ ‘ହିପ୍‌ହପ୍‌’

ଦିନଥିଲା ଘୋଡ଼ାନାଚ, ଗୋଟିପୁଅ, ଛଉନୃତ୍ୟ ଭଳି ପାରମ୍ପରିକ ନୃତ୍ୟ ଲୋକମାନଙ୍କର ଆମୋଦପ୍ରମୋଦ ତଥା ଅବସରକାଳୀନ ବିନୋଦନର ପ୍ରମୁଖ ମାଧ୍ୟମ ରହିଥିଲା। ହେଲେ ଇଣ୍ଟରନେଟ୍‌ ଓ ଟେଲିଭିଜନ ଭଳି ମନୋରଞ୍ଜନ ମାଧ୍ୟମ ଆସିବା ପରେ ପାରମ୍ପରିକ ଲୋକନୃତ୍ୟ ପରିବର୍ତ୍ତେ ଆଧୁନିକ ନୃତ୍ୟ ବିଶେଷ ଲୋକପ୍ରିୟତା ହାସଲ କଲା। ଜୁମ୍ବା, ହିପ୍‌ହପ୍‌, ଲିରିକାଲ ହିପ୍‌ହପ୍‌, ରୋବୋଟିକ୍‌ ଡ୍ୟାନ୍ସ, ମୁନ୍‌ଓ୍ବାକ୍‌, ଫ୍ରି ଷ୍ଟେପ୍‌, ସାମ୍ବା, ସାଲ୍‌ସା, ବଲିଉଡ୍‌, ବେଲି ଡ୍ୟାନ୍ସ, ବ୍ରେକ୍‌ ଡ୍ୟାନ୍ସିଙ୍ଗ, ବୁଗି ଉଗି, କେକ୍‌ ଓ୍ବାକ୍‌, ଟ୍ୟାପ୍‌, ଜାଜ୍‌, କଟେମ୍ପୋରାରି, ଫୁଟ୍‌ ଓ୍ବାର୍କ, ପାଓ୍ବାର ମୁଭ୍‌ସ ଭଳି ଶତାଧିକ ଆଧୁନିକ ନୃତ୍ୟଶୈଳୀ ବର୍ତ୍ତମାନ ଯୁବପିଢ଼ିଙ୍କ ମଧ୍ୟରେ ଲୋକପ୍ରିୟତା ହାସଲ କରିଛି। ଟେଲିଭିଜନ ଚ୍ୟାନେଲରେ ପ୍ରସାରିତ ଏକାଧିକ ଡ୍ୟାନ୍ସିଂ ରିୟଲିଟି ଶୋ’ ଏହି ନୃତ୍ୟକୁ ବହୁଳ ଭାବେ ପ୍ରସାରିତ କରିବା ସହ ଏହାକୁ ନେଇ ଭବିଷ୍ୟତ ଗଢ଼ିବାକୁ ଯୁବପିଢ଼ିଙ୍କୁ ଉତ୍ସାହିତ କରୁଛି।

ଗ୍ରାମାଞ୍ଚଳରେ ଅଧିକ କ୍ରେଜ୍‌

ଗତ କିଛିବର୍ଷ ହେଲା ଓଡ଼ିଶାରେ ପାଶ୍ଚାତ୍ୟ ନୃତ୍ୟର ବହୁଳ ପ୍ରସାର ପରିଲକ୍ଷିତ ହେଉଛି। କେବଳ ରାଜଧାନୀ ଭୁବନେଶ୍ୱର କିମ୍ବା ବଡ଼ ବଡ଼ ସହର ନୁହେଁ, ଓଡ଼ିଶାର ଆଭ୍ୟନ୍ତରୀଣ ଗ୍ରାମାଞ୍ଚଳରେ ବି ଆଜିକାଲି ପାଶ୍ଚାତ୍ୟ ନୃତ୍ୟର କ୍ରେଜ୍‌ ଦେଖିବାକୁ ମିଳୁଛି। ସ୍ବତନ୍ତ୍ର ଭାବେ କ୍ଲବ ଓ ଗ୍ରୁପ୍‌ ଗଠନ କରାଯାଇ ପିଲାମାନଙ୍କୁ ପ୍ରଶିକ୍ଷଣ ଦିଆଯାଉଛି, ଯେଉଁଥିପାଇଁ ରାଜ୍ୟରେ ପ୍ରିନ୍ସ ଡ୍ୟାନ୍ସ ଗ୍ରୁପ୍‌ ଭଳି ଦଳ ସୃଷ୍ଟି ହେବା ସହ ଜାତୀୟ ଏବଂ ଅନ୍ତର୍ଜାତୀୟସ୍ତରରେ ଅନୁଷ୍ଠିତ ବିଭିନ୍ନ ପ୍ରତିଯୋଗିତାରେ ଓଡ଼ିଶାରୁ ପ୍ରତିନିଧିତ୍ୱ କରି ସେମାନେ ସଫଳ ହେଉଛନ୍ତି। ଅନ୍ୟ ନୃତ୍ୟଶୈଳୀ ତୁଳନାରେ ଏଥିରେ ଭଲ କ୍ୟାରିୟର ସୁଯୋଗ ରହୁଛି। କିଏ ପ୍ରଫେଶନାଲ ଡ୍ୟାନ୍ସର ଓ କୋରିଓଗ୍ରାଫର ହେଉଛି ତ କିଏ ନିଜର ଡ୍ୟାନ୍ସ ଏକାଡେମୀ ଖୋଲି ଭଲ ଅର୍ଥ ରୋଜଗାର କରୁଛି। ଅଭିଭାବକମାନେ ମଧ୍ୟ ପୂରା ଜୋସ୍‌ରେ ସେମାନଙ୍କ ପିଲାଙ୍କୁ ଏ ଦିଗରେ ସହାୟତା ଯୋଗାଇ ଦେଉଛନ୍ତି।

ଫ୍ୟୁଜନ୍‌ର ଲୋକପ୍ରିୟତା

ୟୁଟ୍ୟୁବ୍‌, ଟିକ୍‌ ଟକ୍‌ ଭଳି ସୋସିଆଲ ମିଡିଆ ପ୍ଲାଟଫର୍ମ ଆସିବା ପରେ ପ୍ରତିଭା ଦେଖାଇବାକୁ ଆଉ କାହା ପଛରେ ଗୋଡ଼ାଇବାକୁ ପଡ଼ୁନି। ଘରେ ବସି ଜଣେ ଏକ୍ସପେରିମେଣ୍ଟ୍‌ କରିପାରୁଛି। ଆଉ ଏଥିପାଇଁ ଫ୍ୟୁଜନ୍‌ ନୃତ୍ୟର ଚାହିଦା ଦିନକୁ ଦିନ ବୃଦ୍ଧିପାଉଛି। ପାରମ୍ପରିକ ସହ ପାଶ୍ଚାତ୍ୟର ଫ୍ୟୁଜନ୍‌ କରି ନୃତ୍ୟଶିଳ୍ପୀମାନେ ନୂଆ ନୂଆ ନୃତ୍ୟଶୈଳୀ ସୃଷ୍ଟି କରୁଛନ୍ତି। ବିଶେଷକରି ଓଡ଼ିଶୀକୁ ନେଇ ଗତ କିଛିବର୍ଷ ମଧ୍ୟରେ ଅନେକ ଏକ୍ସପେରିମେଣ୍ଟ କରାଯାଇଛି। କେତେବେଳେ ‘ଗେମ୍‌ ଅଫ୍‌ ଥ୍ରୋନ୍ସ’ ମ୍ୟୁଜିକ୍‌ରେ ଓଡ଼ିଶୀ ପରିବେଷଣ ହୋଇଛି ତ କେତେବେଳେ ଏଡ୍‌ ସିରନ୍‌ଙ୍କ ‘ସେପ୍‌ ଅଫ୍‌ ୟୁ’ରେ ଓଡ଼ିଶୀ ଦେଖିବାକୁ ମିଳିଛି। ତେବେ ବର୍ତ୍ତମାନର ଯୁବପିଢ଼ିଙ୍କ ଦ୍ୱାରା ଏହି ଫ୍ୟୁଜନ୍‌ ଡ୍ୟାନ୍ସଫର୍ମ ବହୁଳ ଭାବେ ଆଦୃତ ହେଉଛି।

ରିୟଲିଟି ଶୋ’ରେ ଓଡ଼ିଆଙ୍କ ଉପସ୍ଥିତି

ରାଜ୍ୟସ୍ତରୀୟ ହେଉ କି ଜାତୀୟସ୍ତରୀୟ ଟେଲିଭିଜନର ଡ୍ୟାନ୍ସ ରିୟଲିଟି ଶୋ’। ଓଡ଼ିଆଙ୍କ ଉପସ୍ଥିତି ସବୁଠାରେ ଦେଖିବାକୁ ମିଳୁଛି। ୨୦୦୯ରେ ପ୍ରଥମେ ବ୍ରହ୍ମପୁରର କେତେଜଣ ଶ୍ରମିକ ଓ ଦିବ୍ୟାଙ୍ଗଙ୍କୁ ନେଇ ସୃଷ୍ଟି ହୋଇଥିବା ପ୍ରିନ୍ସ ଡ୍ୟାନ୍ସ ଗ୍ରୁପ୍‌ ‘ଇଣ୍ଡିଆଜ୍‌ ଗଟ୍‌ ଟ୍ୟାଲେଣ୍ଟ’ର ପ୍ରଥମ ସିଜିନ୍‌ ଜିତିଥିଲେ। ଏହାପରେ ୨୦୧୦ରେ ଇଣ୍ଡିଆଜ୍‌ ଗଟ୍‌ ଟ୍ୟାଲେଣ୍ଟର ଫିନାଲେକୁ ଯାଇଥିବା ବ୍ରହ୍ମପୁରର ହରିହର ଦାସ ନିଜ ଲକିଂ ପପିଂ ଷ୍ଟାଇଲ୍‌ରେ ସମଗ୍ର ଭାରତର ହୃଦୟ ଜିତିଥିଲେ। ବାସ୍‌ ତା’ପରେ ଜଣକ ପରେ ଜଣେ ଓଡ଼ିଆ ରିୟଲିଟି ଶୋ’ରେ ରାଜ୍‌ କରିଥିଲେ। ଏମାନଙ୍କ ମଧ୍ୟରେ ୨୦୧୨ରେ ‘ଡ୍ୟାନ୍ସ ଇଣ୍ଡିଆ ଡ୍ୟାନ୍ସ’ ଜିତିଥିବା ରାଉରକେଲାର ରାଜସ୍ମିତା କର, ‘ଇଣ୍ଡିଆଜ୍‌ ଡ୍ୟାନ୍ସିଂ ସୁପରଷ୍ଟାର୍‌’ର ପଦ୍ମିନୀ ଓ ଦେବାଶିଷ, ଜ୍ୟୋତିରଞ୍ଜନ ସାହୁ ଓ ମନ୍ଦାକିନୀ ଜେନାଙ୍କ ଭଳି ବହୁ ପ୍ରତିଭା ରହିଛନ୍ତି।

ସସ୍ମିତା ପାଇକରାୟ


All Right Reserved By

ଘୂର୍ଣ୍ଣିବଳୟ: ଉପକୂଳ ଓଡ଼ିଶାରେ ବଢ଼ିବ ବର୍ଷା

ଭୁବନେଶ୍ୱର, ୬ା୭(ବ୍ୟୁରୋ): ଓଡ଼ିଶା ଏବଂ ଛତିଶଗଡ଼ ଉପରେ ଏକ ଘୂର୍ଣ୍ଣିବଳୟ କ୍ଷେତ୍ର ସୃଷ୍ଟି ହୋଇଛି। ଏହାର ପ୍ରଭାବରେ ଉପକୂଳ ଏବଂ ଆଭ୍ୟନ୍ତରୀଣ ଓଡ଼ିଶାରେ ବର୍ଷା ପରିମାଣ...

ପୁରୀ: ଆଦିବାସୀ ନାବାଳିକାଙ୍କୁ ବଳାତ୍କାର ଘଟଣା: ରାଜ୍ୟ ସରକାରଙ୍କୁ ବିରୋଧୀଙ୍କ କଡ଼ା ସମାଲୋଚନା

ଭୁବନେଶ୍ୱର,୧୦।୭(ବ୍ୟୁରୋ): ପୁରୀରେ ବିଶ୍ୱ ପ୍ରସିଦ୍ଧ ରଥଯାତ୍ରା ଚାଲିଥିବା ସମୟରେ ବସ୍‌ଷ୍ଟାଣ୍ଡ ଭଳି ଜନଗହଳି ସ୍ଥାନରେ ଜଣେ ଆଦିବାସୀ ନାବାଳିକାଙ୍କୁ ବଳାତ୍କାର କରାଯାଇଛି ା ଏହା ପୁରୀ...

ଦାଦାବଟିକୁ ନେଇ ସୋ’ରୁମ୍‌ରେ ଭଙ୍ଗାରୁଜା: ଇଟାମାଡ଼ରେ ସୋ’ରୁମ୍‌ ମାଲିକଙ୍କ ସମ୍ପର୍କୀୟ ଆହତ

ପୁରୀ ଅଫିସ,୧୫ା୭: ଦାଦାବଟିକୁ ନେଇ ପୁରୀ ଟାଉନ ଥାନା ଅଧୀନ ନରେନ୍ଦ୍ରକୋଣସ୍ଥିତ ଏକ ଗଦି ସୋ’ ରୁମ୍‌ରେ ସୋମବାର କେତେଜଣ ଦୃର୍ବୃତ୍ତ ବ୍ୟାପକ ଭଙ୍ଗାରୁଜା କରିଛନ୍ତି।...

କଡ଼ା ସୁରକ୍ଷା ସତ୍ତ୍ୱେ ମାତିଲେ ଲୁଟେରା

ଭୁବନେଶ୍ୱର, ୫।୭(ବ୍ୟୁରୋ) : ରଥଯାତ୍ରା ପାଇଁ କମିଶନରେଟ ପୋଲିସ ପକ୍ଷରୁ ରାଜଧାନୀରେ ବ୍ୟାପକ ବ୍ୟବସ୍ଥା କରାଯାଇଥିଲା। ଏହାସତ୍ତ୍ୱେ ରଥଯାତ୍ରା ସମୟରେ ବିଭିନ୍ନ ସ୍ଥାନରେ ଲୁଟେରା ସକ୍ରିୟ...

ପୋଡ଼ିଗଲା ମୋଡେମ୍‌, ୫ ଦିନ ହେଲା ଇଣ୍ଟରନେଟ୍‌ ବନ୍ଦ: ରସୁଲଗଡ଼ ପୋଷ୍ଟ ଅଫିସରେ ଅଚଳାବସ୍ଥା

ଭୁବନେଶ୍ୱର, ୨୫।୬(ବ୍ୟୁରୋ): ଇଣ୍ଟରନେଟ୍‌ ମୋଡେମ୍‌ ପୋଡ଼ିଯିବାରୁ ରସୁଲଗଡ଼ ପୋଷ୍ଟ ଅଫିସ ୫ଦିନ ହେବ ଅଚଳ ହୋଇପଡିଛି। ଚିଠି କାରବାର ବାଧାପ୍ରାପ୍ତ ହୋଇଥିବାବେଳେ ଇଣ୍ଟରନେଟ୍‌ ଉପରେ ନିର୍ଭର...

ନେତ୍ରୋତ୍ସବରେ ରଥରେ ଲାଗି ହେବ ସୋଲଫୁଲ

ଖୋର୍ଦ୍ଧା ଅଫିସ,୨୯ା୬: ପାଖେଇ ଆସିଲାଣି ମହାପ୍ରଭୁ ଜଗନ୍ନାଥଙ୍କ ଘୋଷଯାତ୍ରା। ପୁରୀ ବଡଦାଣ୍ଡରେ ରଥଖଳା ଚଳଚଞ୍ଚଳ। ନେତ୍ରୋତ୍ସବରେ ଠାକୁରଙ୍କ ରଥରେ ଲାଗି ହେବ ସୋଲଫୁଲ। ସେଥିପାଇଁ ଖୋର୍ଦ୍ଧା...

ଚୌଦ୍ୱାର ଜେଲରେ କଏଦୀଙ୍କୁ ହତ୍ୟା

କଟକ ଅଫିସ୍‌/ ଚୌଦ୍ୱାର, (ଡି.ଏନ.ଏ.),୨୫।୬: ଚୌଦ୍ୱାର ଜେଲ ଭିତରେ ସୋମବାର ଜଣେ କଏଦୀଙ୍କୁ ହତ୍ୟା କରାଯାଇଛି। ମୃତକ ହେଲେ କଟକ ବିଡାନାସୀ ଥାନା ଅନ୍ତର୍ଗତ ତୁଳସୀପୁର...

ବାତ୍ୟାରେ ଧ୍ୱସ୍ତ ବିଧ୍ୱସ୍ତ ଶିଳ୍ପୀ ବାଟିକା:ଜିବୀକା ହରାଇଛନ୍ତି ୫୦୦ରୁ ଊର୍ଦ୍ଧ୍ୱ କାରିଗର

କୋଣାର୍କ, ୨।୬(ଡି.ଏନ୍‌.ଏ.)-ପ୍ରଳୟଙ୍କରୀ ବାତ୍ୟା ଫନୀରେ ସାମାଜିକ ସଂଗଠନ ଅର୍କଶ୍ରୀ ଦ୍ୱାରା ପ୍ରତିଷ୍ଠିତ ଶିଳ୍ପୀ ବାଟିକା ଧ୍ୱସ୍ତ ବିଧ୍ୱସ୍ତ ହୋଇଯାଇଛି। ଏହା ଉପରେ ନିର୍ଭର କରୁଥିବା ୫୦୦ରୁ...

ଶ୍ରୀଜୀଉଙ୍କ ନୀଳାଦ୍ରିବିଜେର ସିଧା ପ୍ରସାରଣ ଦେଖନ୍ତୁ ପୁରୀରୁ


selfi corner

ଧରିତ୍ରୀ କାର୍ଟୁନ

Model This Week

Why Dharitri

Leave a comment

Your email address will not be published. Required fields are marked *