ପ୍ରସ୍ତାବିତ ସୁବର୍ଣ୍ଣରେଖା ବନ୍ଦର ସର୍ବେକ୍ଷଣ କାର୍ଯ୍ୟକୁ ବିରୋଧ : ମନ୍ତ୍ରଣାଳୟ, ପରିବେଶ ପ୍ରଦୂଷଣ ବୋର୍ଡର ଦ୍ୱାରସ୍ଥ ହେଲେ ଗ୍ରାମବାସୀ

କଟକ ଅଫିସ,୨୪ା୬ : ବାଲେଶ୍ୱର ଜିଲା ବାଲିଆପାଳ ଥାନା ଅନ୍ତର୍ଗତ ଚଉମୁଖଠାରେ ପ୍ରସ୍ତାବିତ ସୁବର୍ଣ୍ଣରେଖା ବନ୍ଦରକୁ ନେଇ ଦୀର୍ଘଦିନରୁ ବିରୋଧ ଜାରି ରହିଆସିଛି। ଓଡ଼ିଶା ସରକାର ୨୦୦୮ ଜାନୁୟାରୀ ୧୧ରେ କ୍ରିଏଟିଭ ପୋର୍ଟ ଡେଭଲପମେଣ୍ଟ କମ୍ପାନୀ ସହିତ ବନ୍ଦର ତିଆରି ପାଇଁ ରାଜିନାମା ସ୍ବାକ୍ଷର କରିଥିଲେ। ଏହି କାର୍ଯ୍ୟକୁ ଆଗେଇବା ପାଇଁ ୨୦୦୮ ଅକ୍ଟୋବର ୧୦ରେ ସୁବର୍ଣ୍ଣରେଖା ପୋର୍ଟ ନାମକ ଏକ କମ୍ପାନୀ ଗଠନ ହେଲା। ପ୍ରସ୍ତାବିତ ବନ୍ଦରରେ ବାର୍ଷିକ ୬୦ ନିୟୁତ ଟନ୍‌ ମାଲ ସଞ୍ଚାଳନ କରିବାର କ୍ଷମତା ଆକଳନ କରାଯାଇଛି ଏବଂ ପ୍ରକଳ୍ପ ମୂଲ୍ୟ ୨୭୪୪ କୋଟି ଧାର୍ଯ୍ୟ କରାଯାଇଛି। ଉକ୍ତ ବନ୍ଦର ପାଇଁ ୯୬୦ ଏକର ଜାଗା ଆବଶ୍ୟକ ଥିବାବେଳେ ସେଥିମଧ୍ୟରୁ ୧୫୮ ଏକର ଗୋଚର ଓ ୧୯୩ ଏକର ଭୂଦାନ କିସମର ରହିଛି। ଯାହାକି ଭୂମିହୀନଙ୍କୁ ପୂର୍ବରୁ ବଣ୍ଟନ କରାଯାଇଛି। ବନ୍ଦର ବ୍ୟତୀତ ରେଳରାସ୍ତା ପାଇଁ ୧୫୬୫ ଏକର ଜମି ଆବଶ୍ୟକ ଥିବାବେଳେ ୭୫୦ ଏକର ଜମି ବନ୍ଦର ଉନ୍ନୟନ ପାଇଁ ଆବଶ୍ୟକ ପଡ଼ିବ। ଏବେ ସର୍ବମୋଟ୍‌ ୩୨୭୫ ଏକର ଜମି ଆବଶ୍ୟକ ରହିଛି।
ସୂଚନାଯୋଗ୍ୟ, ଚଉମୁଖ ଗ୍ରାମର ଦୁଇତୃତୀୟାଂଶ ଜମି ସୁବର୍ଣ୍ଣରେଖା ନଦୀ ଗର୍ଭରେ ବିଭିନ୍ନ ସମୟରେ ବିଲୀନ ହୋଇଯାଇଛି। ନଦୀ ଅତଡା ଖାଇବା ଦ୍ୱାରା ସମୟେ ସମୟେ ଚାଷଜମିକୁ ନିଜ ଗର୍ଭକୁ ନେଇ ଯାଇଥାଏ। ଏଥିପାଇଁ ଗ୍ରାମବାସୀ ଗ୍ରାମରେ ଥିବା ଅନ୍ୟାନ୍ୟ ସରକାରୀ ଜମିରେ ଚାଷବାସ କରି ନିଜର ଗୁଜୁରାଣ ମେଣ୍ଟାଉଛନ୍ତି। ସ୍ଥାନୀୟ ଗ୍ରାମବାସୀ ଚିଙ୍ଗୁଡି ଚାଷ, ପାନବରଜ, ସଜନାଛୁଇଁ, କାଜୁଗଛରୁ ଆଦାୟ ହେଉଥିବା ଅର୍ଥରେ ସ୍ବାବଲମ୍ବୀ ହୋଇପାରିଛନ୍ତି। ଚିଙ୍ଗୁଡି ଓ ପାନପତ୍ରକୁ ବାହାର ରାଜ୍ୟକୁ ରପ୍ତାନି କରି ସମସ୍ତ ଯୁବକ ରୋଜଗାରକ୍ଷମ ହୋଇପାରିଛନ୍ତି। ଚଉମୁଖ ସମୁଦ୍ରକୂଳ ନାଲିକଙ୍କଡା ଏବଂ ଅଲିଭ ରିଡ୍‌ଲେ କଇଁଛ ପାଇଁ ଖ୍ୟାତି ଅର୍ଜନ କରିଛି। ହେଲେ ପ୍ରସ୍ତାବିତ ବନ୍ଦର ସମସ୍ତ ପ୍ରକାରର ସ୍ଥାନୀୟ ଜୀବିକାକୁ ଉଜାଡିବା ସହିତ ପ୍ରାକୃତିକ ବୈଭବ ଓ ପରିବେଶକୁ ଧ୍ୱଂସ କରିବ ବୋଲି ଆଶଙ୍କା କରି ସ୍ଥାନୀୟ ଅଞ୍ଚଳବାସୀ ଆତଙ୍କିତ ଅଛନ୍ତି। ଏ ସମ୍ପର୍କରେ ଚଉମୁଖ ଗ୍ରାମବାସୀ ପ୍ରଦୂଷଣ ନିୟନ୍ତ୍ରଣ ବୋର୍ଡ, କେନ୍ଦ୍ର ଜଙ୍ଗଲ ଓ ପରିବେଶ ମନ୍ତ୍ରଣାଳୟ ନିକଟରେ ଅଭିଯୋଗ କରିଛନ୍ତି। ଏଥିରେ ସୁଫଳ ନ ମିଳିଲେ ଗ୍ରାମବାସୀ ନ୍ୟାୟିକ ପନ୍ଥା ଆପଣାଇବେ ବୋଲି ଚେତାବନୀ ଦେଇଛନ୍ତି।
ଗ୍ରାମବାସୀଙ୍କ ଅଭିଯୋଗ ଅନୁଯାୟୀ, ପ୍ରସ୍ତାବିତ ବନ୍ଦର ପାଇଁ ୨୦୦୮ରୁ ଚୁକ୍ତି ହୋଇଥିବା ବେଳେ ୨୦୧୦ରେ ପୋଲିସ ପ୍ରଶାସନ ସହାୟତାରେ ବାହାର ଅଞ୍ଚଳ ଲୋଙ୍କକୁ ନେଇ ଜନଶୁଣାଣି ହୋଇଥିଲା। ୨୦୧୨ ମାର୍ଚ୍ଚ ୨୧ରେ ପରିବେଶ ମଞ୍ଜୁରୀ ମିଳିଥିବା ବେଳେ ୨୦୧୨ ଅକ୍ଟୋବର ୧୭ରେ ପ୍ରଦୂଷଣ ନିୟନ୍ତ୍ରଣ ବୋର୍ଡ ବନ୍ଦର ସ୍ଥାପନ ପାଇଁ ଅନୁମତି ଦେଇଥିଲା। ଜାତୀୟ ସବୁଜ ପ୍ରାଧିକରଣ(ଏନ୍‌ଜିଟି)ରେ ବିଭିନ୍ନ ସମୟରେ ପରିବେଶ ସମ୍ପର୍କିତ ପ୍ରସଙ୍ଗକୁ ନେଇ ମାମଲା ଲଢୁଥିବା ଆଡଭୋକେଟ ଶଙ୍କର ପାଣି କୁହନ୍ତି, ପରିବେଶ ମଞ୍ଜୁରୀର ବୈଧତା ୫ବର୍ଷ ପାଇଁ ଥିଲାବେଳେ ତାହାର ଅବଧି ମାର୍ଚ୍ଚ ୨୦୧୭ରୁ ଶେଷ ହୋଇଯାଇଛି। ୧୧ ବର୍ଷ ମଧ୍ୟରେ ପ୍ରକଳ୍ପ ପାଇଁ ଇଟାଖଣ୍ଡିଏ ପକାଯାଇପାରିନାହିଁ। ୨୦୧୯ ଫେବୃୟାରୀ ୧୩ରେ ମୁଖ୍ୟମନ୍ତ୍ରୀ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଥିଲେ। ଏହାପରଠାରୁ ଉକ୍ତ ପ୍ରକଳ୍ପକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ପୁଣି ଅସନ୍ତୋଷ ତେଜି ଉଠିଛି। ଗତ ମାର୍ଚ୍ଚ ପରଠାରୁ ସ୍ଥାନୀୟ ଅଞ୍ଚଳରେ କମ୍ପାନୀ ଦ୍ୱାରା ମାଟି ପରୀକ୍ଷଣ ଓ ସମୁଦ୍ରରେ ସର୍ବେକ୍ଷଣ କାର୍ଯ୍ୟକୁ ନେଇ ଚାପା ଅସନ୍ତୋଷ ସୃଷ୍ଟି ହୋଇଛି। ଗତ ଜୁନ୍‌ ୫ ତାରିଖ ପରିବେଶ ଦିବସରେ ସ୍ଥାନୀୟ ଅଞ୍ଚଳରେ ଅଧିବାସୀ ମିଳିତ ହୋଇ ଆନ୍ଦୋଳନକୁ ବ୍ୟାପକ କରିବା ପାଇଁ ନିଷ୍ପତ୍ତି ନେଇଛନ୍ତି। ଏହି ସର୍ବେକ୍ଷଣ କାର୍ଯ୍ୟ ବିରୋଧରେ ସ୍ଥାନୀୟ ସୂଚନା ଅଧିକାର କର୍ମୀ ଅନୋଜ ମହାପାତ୍ର ତାଙ୍କ ଓକିଲ ପାଣିଙ୍କ ଜରିଆରେ ପ୍ରଦୂଷଣ ନିୟନ୍ତ୍ରଣ ବୋର୍ଡ ଏବଂ ଜଙ୍ଗଲ ପରିବେଶ ମନ୍ତ୍ରଣାଳୟକୁ କାର୍ଯ୍ୟ ବନ୍ଦ ଆଦେଶ ଦେବା ପାଇଁ ନୋଟିସ ଆବେଦନ କରିବା ସହ ତତ୍କାଳ କାର୍ଯ୍ୟାନୁଷ୍ଠାନ ନେଇ ଆଇନଗତ ପଦକ୍ଷେପ ନେବା ପାଇଁ ଚେତାବନୀ ଦେଇଛନ୍ତି। ପ୍ରସ୍ତାବିତ ବନ୍ଦର ସର୍ଭେ କାର୍ଯ୍ୟକୁ ଆଡଭୋକେଟ ପାଣି ବେଆଇନ ଦର୍ଶାଇବା ସହ ପରିବେଶ ମଞ୍ଜୁରୀ ବୈଧତା ସମୟ ସରିଯାଇଛି ଥିବାରୁ ସମସ୍ତ ପ୍ରକାର ସର୍ଭେ କାର୍ଯ୍ୟକୁ ବନ୍ଦ କରିବା ପାଇଁ ଦାବି କରିଛନ୍ତି। ସେହିପରି ପ୍ରସ୍ତାବିତ ବନ୍ଦର ପାଖାପାଖି ୧୨,୦୦୦ ପରିବାରର ଜୀବନ ଜୀବିକାକୁ ବିପନ୍ନ କରିବାସହ ସ୍ଥାନୀୟ ପରିବେଶକୁ ନଷ୍ଟ କରିବାର ଆଶଙ୍କାକୁ ଆଖିଆଗରେ ରଖି ବନ୍ଦର ପ୍ରକଳ୍ପକୁ ବାତିଲ କରିବାକୁ ସ୍ଥାନୀୟ ଗ୍ରାମବାସୀ ଦାବି କରିଛନ୍ତି।


All Right Reserved By

ଅନ୍ଧାରରେ ରୋଗୀ, ପ୍ରତିକାର ନାହିଁ

ଚମ୍ପୁଆ,୩ା୬(ଡି.ଏନ.ଏ)- କେନ୍ଦୁଝର ଜିଲା ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ଡିଜି ଓ ଇନ୍‌ଭର୍ଟର ଥିଲେ ମଧ୍ୟ ବିଦ୍ୟୁତ୍‌ କାଟ୍‌ ସମୟରେ ରୋଗୀମାନେ ଅନ୍ଧାରରେ ରହୁଛନ୍ତି। ଅସହ୍ୟ ଗରମ...

‘ଜଗା ପାଇଁ ଗଛଟିଏ’ ସ୍ଳୋଗାନ: ଛାତ୍ରଙ୍କ ଦ୍ୱାରା ଚାରାରୋପଣ

ଭାପୁର,୬ା୭(ଡି.ଏନ୍‌.ଏ.): ପୁରୀର ବିଶ୍ୱ ପ୍ରସିଦ୍ଧ ଘୋଷଯାତ୍ରା ପାଇଁ ପ୍ରତିବର୍ଷ ନୟାଗଡ଼ ଜିଲାରୁ ହିଁ ରଥକାଠ ପଠାଯାଇଥାଏ। କିନ୍ତୁ ପୂର୍ବଭଳି ନୟାଗଡ଼ ଜିଲା ଜଙ୍ଗଲଗୁଡ଼ିକରେ ରଥ ଉପଯୋଗୀ...

ପିସିଆର ଭ୍ୟାନ୍‌ ଭଙ୍ଗାରୁଜା, କର୍ମଚାରୀଙ୍କୁ ମାଡ଼

ଭୁବନେଶ୍ୱର, ୨୫ା୫ (ବ୍ୟୁରୋ): ପିସିଆର ଭ୍ୟାନ୍‌ ଭଙ୍ଗାରୁଜା ଓ କର୍ମଚାରୀଙ୍କୁ ମାଡ଼ ମାରିବା ଘଟଣାରେ ଖାରବେଳନଗର ପୋଲିସ ଶୁକ୍ରବାର ୨ଜଣ ଅଭିଯୁକ୍ତଙ୍କୁ ଗିରଫ କରିଛି। ସେମାନେ...

ଆଜି ଖୋଲିବ ନନ୍ଦନକାନନ, ବଟାନିକାଲ ଗାର୍ଡେନ

ବାରଙ୍ଗ,୨୧।୫(ଡି.ଏନ୍‌.ଏ.): ବାତ୍ୟା ପାଇଁ ୧୯ଦିନର ବନ୍ଦ ପରେ ମଙ୍ଗଳବାର ଖୋଲିବାକୁ ଯାଉଛି ନନ୍ଦନକାନନ। ବାତ୍ୟାର ଅବ୍ୟାହିତ ପୂର୍ବରୁ ନନ୍ଦନକାନନକୁ ୨ରୁ ୪ତାରିଖ ପର୍ଯ୍ୟନ୍ତ ବନ୍ଦ କରି...

ନିଶା ବେପାରୀଙ୍କ ଉପରେ ପୋଲିସର କଡା ଆଭିମୁଖ୍ୟ:  ଚାର୍ଜଶିଟ୍‌ରେ ଯୋଡ଼ା ହେବ ସମ୍ପତ୍ତି ତାଲିକା

କଟକ ଅଫିସ୍‌, ୧୦ା୭: ରାଜ୍ୟରେ ଦିନକୁଦିନ ବେଆଇନ ନିଶା କାରବାର ବୃଦ୍ଧି ପାଉଛି। ବିଶେଷ କରି ବେଆଇନ ଗଞ୍ଜେଇ, ବ୍ରାଉନସୁଗାର କାରବାର ପୋଲିସ ପାଇଁ ଚିନ୍ତାର...

ରଥଯାତ୍ରା ପାଇଁ ସ୍ବତନ୍ତ୍ର ବ୍ୟବସ୍ଥା: ୩ ଦିନ ପିପିଲି ଟୋଲ୍‌ ଗେଟ୍‌ ଫ୍ରି, ସଜାଗ ରହିବ ଆମ୍ବୁଲାନ୍ସ

ପୁରୀ ଅଫିସ, ୨୮।୬: ଜୁଲାଇ ୪ରେ ରଥଯାତ୍ରା। ଏ ନେଇ ଜିଲାପ୍ରଶାସନର ପ୍ରସ୍ତୁତି ସମ୍ପର୍କରେ ଶୁକ୍ରବାର ପୂର୍ବାହ୍ନ ୧୧ଟାରେ ନୀଳାଦ୍ରି ନିବାସ ସମ୍ମିଳନୀ କକ୍ଷରେ ଶେଷ...

ଡ୍ରାଇଭରଙ୍କୁ ମାଡ଼ ମାରିି ଟାଟା ମ୍ୟାଜିକ୍‌ ଲୁଟ୍‌ ଘଟଣା: ୧୪ ମାସ ପରେ ଗାଡ଼ି ଜବତ, ୨ ଗିରଫ

ବାଲିଅନ୍ତା,୨୯ା୬(ଡି.ଏନ୍‌.ଏ.): ୧୪ମାସ ତଳେ ବାଲିଅନ୍ତା ଥାନା ପାହାଳ ଫାଣ୍ଡି ଅଧୀନ ଅନନ୍ତପୁରସ୍ଥିତ ଏକ ମଦ ଦୋକାନ ସମ୍ମୁଖରୁ ଜଣେ ଡ୍ରାଇଭରଙ୍କୁ ଲୁହାରଡରେ ମାଡ଼ମାରି ଟାଟା ମ୍ୟାଜିକ...

ରାଜସ୍ବ, ଅବକାରୀ ବିଭାଗର ଖର୍ଚ୍ଚଦାବି ମଞ୍ଜୁର

ଭୁବନେଶ୍ୱର, ୧୬।୭(ବ୍ୟୁରୋ): ଷୋଡଶ ବିଧାନସଭାର ପ୍ରଥମ ଅଧିବେଶନରେ ଗୃହରେ ବିଭିନ୍ନ ବିଭାଗର ଖର୍ଚ୍ଚ ଦାବି ଆଲୋଚନା ହୋଇଯାଇଛି। ସୋମବାର ଗୃହରେ ରାଜସ୍ବ ଓ ବିପର୍ଯ୍ୟୟ ପରିଚାଳନା...


selfi corner

Model This Week

Why Dharitri

Leave a comment

Your email address will not be published. Required fields are marked *