Posted inଫୁରସତ

ଏମିତି ଗାଁ ଯେଉଁଠି ପ୍ରତିବର୍ଷ ଦିଆଯାଏ ମାଗଣା ଆମ୍ବ ପାର୍ଟି, ମଜା ନେଇଥାନ୍ତି ହଜାର ହଜାର ଲୋକ

ଲୋକେ ନିଜ ବାଡ଼ିବଗିଚାରେ ଚାଷ କରି ବର୍ଷକ ଯାଏ ଚାହିଁ ରହିଥାନ୍ତି ଅମଳ ହେଲେ ବିକି୍ରି କରି ଦୁଇ ପଇସା ରୋଜଗାର କରିବେ। କିନ୍ତୁ ଏମିତି ଜଣେ କୃଷକ ଅଛନ୍ତି ଯିଏ ନିଜ ବଗିଚାରେ ଲଗାଇଥିବା ଆମ୍ବ ଗଛରୁ ଯାହା ଅମଳ ହୁଏ ସେସବୁ ନ ବିକି ଲୋକଙ୍କୁ ଡାକି ଘରେ ମାଗଣାରେ ଆମ୍ବ ପାର୍ଟି କରନ୍ତି। ଏମିତି ଘଟଣା ଦେଖିବାକୁ ମିଳିଛି ମଧ୍ୟପ୍ରଦେଶର ବେତୁଲ ଜିଲା ଶାହପୁରର ଚୁଡ଼ିଆ ନାମକ ଏକ ଗାଁରେ। ଏହି ଗାଁର ଜଣେ କୃଷକ ନିଜ ବଗିଚାରେ ଲଗାଇଥିବା ଆମ୍ବଗଛରୁ ଯାହା ଫଳ ମିଳେ ସେ ଗାଁ ଲୋକଙ୍କୁ ଡାକି ଆମ୍ବ ପାର୍ଟି ଦିଅନ୍ତି। କୃଷକଙ୍କ ନାଁ ହେଲା ରାମକିଶନ ଯାଦବ। ସେ ତାଙ୍କର ତିନି ଏକର ଜମିରେ ୧୫୦ଟି ଆମ୍ବଗଛ ଲଗାଇଛନ୍ତି। ଏଥିରୁ ଯାହା ଅମଳ ହୁଏ ପ୍ରତିବର୍ଷ ଗ୍ରାମବାସୀଙ୍କୁ ଡାକି ଘରେ ଆମ୍ବ ପାର୍ଟି ଦିଅନ୍ତି। ବୁଧବାର ସେ ଲୋକଙ୍କୁ ଡାକି ଏକ ଆମ୍ବ ପାର୍ଟି ଦେଇଛନ୍ତି। ଯେଉଁଥିରେ ୨୦ ପ୍ରକାରର ଆମ୍ବର ସ୍ବାଦ ଚାଖିଛନ୍ତି ହଜାର ହଜାର ଲୋକ। ଏହି ପାର୍ଟିରେ ସାଧାରଣ ଲୋକ, ରାଜନେତା, ସମାଜସେବୀ ଏକାଠି ବସି ଆମ୍ବ ଖାଇଥାନ୍ତି। ଏହି ପାର୍ଟି ଆୟୋଜନ କରିବାର ମୁଖ୍ୟ ଉଦ୍ଦେଶ୍ୟ ହେଲା ପାରିବାରିକ ତଥା ସାମାଜିକ ସମ୍ପର୍କ ସୁଦୃଢ଼ କରିବା। ରାମକିଶନ ପ୍ରାୟ ୬ ବର୍ଷ ହେଲା ଏମିତି ପାର୍ଟିର ଆୟୋଜନ କରି ଆସୁଛନ୍ତି। ପ୍ରାୟ ୨୦ କିସମର ୮ କ୍ୱିଣ୍ଟାଲ ଆମ୍ବ ଏହି ପାର୍ଟିରେ ୧ ହଜାରରୁ ଊର୍ଦ୍ଧ୍ୱ ଲୋକଙ୍କୁ ଖାଇବାକୁ ଦିଆଯାଇଥାଏ। ଆୟୋଜିତ ଏହି ଆମ୍ବ ପାର୍ଟିରେ ପୂର୍ବତନ ବିଧାୟକ ବିନୋଦ ଡାଗା, ପୂର୍ବତନ ମନ୍ତ୍ରୀ ପ୍ରତାପ ସିଂହ, ରାଜେନ୍ଦ୍ର ଜୟଶଓ୍ବାଲ, ପ୍ରବୀଣ ଗୁଗ୍‌ନାନୀ, ଅନୀଲ ସିଂହଠାକୁର, ଅଜିତ୍‌ ପଟେଲଙ୍କ ସମେତ ବହୁ ରାଜନେତା ସାମିଲ ହୋଇ ଆମ୍ବର ସ୍ବାଦ ଚାଖିଥିଲେ। ରାମକିଶନ କୁହନ୍ତି, ବଗିଚାରେ ଫଳୁଥିବା ଆମ୍ବକୁ ସେ କେବେ ବିକନ୍ତି ନାହିଁ। ତାଙ୍କର ଜେଜେବାପା କୁହନ୍ତି, ଆମ୍ବ ଖାଇବା ପାଇଁ କାହାକୁ ମନା କରିବନି। ତେଣୁ ସେ ଜେଜେବାପାଙ୍କ କଥାକୁ ଆଜିପର୍ଯ୍ୟନ୍ତ ମାନି ଆସିଛନ୍ତି। ଆମ୍ବ ପାର୍ଟିର ଆୟୋଜନ କରାଯିବା ଦ୍ୱାରା ବନ୍ଧୁ ପରିଜନଙ୍କ ଏକାଠି ହେବାର ଏକ ସୁଯୋଗ ମିଳିଥାଏ। ପାରିବାରିକ ମାହୋଲ ଏକ ପ୍ରକାର ହସଖୁସିରେ ଭରିଯାଏ ବୋଲି ରାମକିଶନ କୁହନ୍ତି। ଆମ୍ବ ପାର୍ଟି ସହିତ ଖାଦ୍ୟପେୟର ମଧ୍ୟ ବ୍ୟବସ୍ଥା କରାଯାଇଥାଏ। ରାମକିଶନଙ୍କ ପୁଅ ଯୋଗେଶ କୁହନ୍ତି, ସେ ମଧ୍ୟ ଏହି ପରମ୍ପରା ଆଗକୁ ଜାରି ରଖିବେ।


All Right Reserved By

ଏପରି ଗାଁ ଯେଉଁଠି ଅତିଥିଙ୍କୁ ଧୂମପାନ କରିବା ମନା…

କେତେକ ଲୋକ ଧୂମପାନ, ଡ୍ରଗ୍‌ସ, ମଦ, ଗୁଟ୍‌ଖା ଆଦିର ବ୍ୟବହାର କରିଥାନ୍ତି। ବିଶେଷକରି ଯୁବପିଢ଼ି ଏହାଦ୍ୱାରା ଅଧିକ କବଳିତ ହେଉଛନ୍ତି। ମାତ୍ର ରାଜସ୍ଥାନରେ ଏମିତି ଏକ...

ପତ୍ନୀଙ୍କ ସହ ଚାଲିଲେ ପୁରୁଷଙ୍କ ଗତି ୭ ପ୍ରତିଶତ ହ୍ରାସ ପାଏ

ନିକଟରେ କରାଯାଇଥିବା ଏକ ଗବେଷଣାରୁ ଜଣାପଡିଛି ଯେ ଜଣେ ବ୍ୟକ୍ତି ଯଦି ନିଜ ପତ୍ନୀ ଅବା ଗର୍ଲ ଫ୍ରେଣ୍ଡଙ୍କ ସହ ଚାଲି ଚାଲି ଯାଆନ୍ତି ତେବେ...

ଏଟିଏମରୁ ଟଙ୍କା ବାହାର କରୁଛନ୍ତି କି? ରୁହନ୍ତୁ ସତର୍କ, ନଚେତ୍‌ ଆକାଉଣ୍ଟ ହୋଇଯିବ ଖାଲି

ଏଟିଏମରୁ ଟଙ୍କା ବାହାର କରିବା ସମୟରେ ସାବଧାନତା ଅବଲମ୍ବନ କରନ୍ତୁ। ନଚେତ ଆକାଉଣ୍ଟ ଖାଲି ହୋଇଯିବାର ଯଥେଷ୍ଟ ସମ୍ଭାବନା ରହିଛି। ବିଭିନ୍ନ ବ୍ୟାଙ୍କ ପକ୍ଷରୁ ଏନେଇ...

ଭାରତର ଶେଷ ଗାଁରେ ପାଦ ଦେଲେ ହୁଏ ଏପରି ଚମତ୍କାର…

ଭାରତରେ ଏପରି ଏକ ଗାଁ ରହିଛି, ଯେଉଁଠାକୁ ଗଲେ ଅର୍ଥ ସମସ୍ୟା, ଦାରିଦ୍ର୍ୟତା ଓ ଅଭାବ ଅନଟନ ଦୂର ହୋଇଯାଏ। ଏହି ଗଁା ହେଉଛି ଉତ୍ତରାଖଣ୍ଡର...

ସର୍ବହରା ମା’ବାପା

ପିଲାଙ୍କ ଉଜ୍ଜ୍ୱଳ ଭବିଷ୍ୟତର ସ୍ବପ୍ନ ସବୁ ମା’ବାପା ଦେଖନ୍ତି। ତାକୁ ପୂରଣ କରିବାକୁ ଦିନରାତି ଏକାକାର କରି ପରିଶ୍ରମ କରନ୍ତି। ବେଳେବେଳେ ତ ନିଜର ସର୍ବସ୍ବ...

ମିଳିବ ପ୍ରାଣୀ-ପାଳନ ଛୁଟି

ଘରେ ଯଦି କେହି ପ୍ରାଣୀ ଅର୍ଥାତ ଗୃହପାଳିତ ପଶୁ ପାଳନ କରୁଛନ୍ତି ତା’ହେଲେ ସେମାନଙ୍କୁ ପ୍ରାଣୀ-ପାଳନ ଛୁଟି ମିଳିବ। ଅବଶ୍ୟ ଏଭଳି ଏକ ଛୁଟି ବିଷୟ...

ଏପରି ସହର ଯେଉଁଠି ଘଣ୍ଟାରେ ନାହିଁ ୧୨ ସଂଖ୍ୟା…

ପୃଥିବୀର ବିଭିନ୍ନ ଅଞ୍ଚଳରେ ଭିନ୍ନ ଭିନ୍ନ ପରମ୍ପରା ପ୍ରଚଳିତ। ସୁଇରଜରଲାଣ୍ଡର ସୋଲୋର୍ଥନ ସହରରେ ଲୋକେ ୧୧ ସଂଖ୍ୟାକୁ ଶୁଭ ବୋଲି ମନେ କରିଥାନ୍ତି। ଏହି ସଂଖ୍ୟା...

ପକ୍ଷୀ ନେଲା ମାଲିକଙ୍କ ଜୀବନ

ଗୋଟିଏ ପକ୍ଷୀ ମାଲିକଙ୍କ ଜୀବନ ନେଇଯାଇଛି। ଏବେ ମନରେ ପ୍ରଶ୍ନ ଉଠୁଥିବ ମାଲିକ ଏମିତି କ’ଣ କଲେ ଯେ ସାମାନ୍ୟ ପକ୍ଷୀଟି ଜୀବନ ନେବାକୁ ପଛାଇଲାନି।...


selfi corner

Model This Week

Why Dharitri

Leave a comment

Your email address will not be published. Required fields are marked *