୩ ଝିଅଙ୍କୁ ହତ୍ୟା କରି ବାପାଙ୍କ ଆତ୍ମହତ୍ୟା

କେନ୍ଦୁଝର/ ଆନନ୍ଦପୁର,୧୫ା୬( ସ୍ବ.ପ୍ର.) :କେନ୍ଦୁଝର ଜିଲା ଆନନ୍ଦପୁର ଥାନାଠାରୁ ୪୦ କି.ମି. ଦୂର ଉଲିିବସା ଗ୍ରାମର ଏକ ଘରୁ ଶୁକ୍ରବାର ୩ରୁ ୯ ବର୍ଷ ବୟସର ମା’ ଛେଉଣ୍ଡ ୩ ଶିଶୁକନ୍ୟାଙ୍କ ରକ୍ତାକ୍ତ ମୃତଦେହ ଉଦ୍ଧାର କରାଯାଇଛି। ଏହି ୩ ଝିଅଙ୍କୁ ନିର୍ମମ ଭାବେ ହତ୍ୟା କରିବା ପରେ ତାଙ୍କ ବାପା ଦୁର୍ଗା ସିଦ୍ଦୁ ନିଜେ ଆତ୍ମହତ୍ୟା କରିଛନ୍ତି। ଏଭଳି ଲୋମହର୍ଷଣକାରୀ ହତ୍ୟା ଘଟଣା ପଦାକୁ ଆସିବା ପରେ ସମଗ୍ର ଅଞ୍ଚଳ ସ୍ତବ୍ଧ ହୋଇପଡିଛି। ଜିଲାରେ ସମସ୍ତେ ଧୁମ୍‌ଧାମରେ ରଜପର୍ବ ପାଳନ କରୁଥିବା ବେଳେ ଏଭଳିିି ଦୁଃଖଦ ଘଟଣା ସବୁଠି ଶୋକର ଛାୟା ଖେଳାଇ ଦେଇଛି। ଆନନ୍ଦପୁର ପୋଲିସ ଅପରାହ୍ନ ୪ଟାରେ ପହଞ୍ଚି ୩ ଝିଅ ଓ ବାପା ଦୁର୍ଗାଙ୍କ ମୃତଦେହ ଉଦ୍ଧାର କରି ତଦନ୍ତ ଜାରି ରଖିଛି। ୩ ଶିଶୁକନ୍ୟାଙ୍କୁ ଗୋଟିଏ ଘରେ ବନ୍ଦ କରି ନିଜେ ବାପା ଦୁର୍ଗା କିଭଳି ପରିସ୍ଥିତିରେ ସେମାନଙ୍କ ବେକକୁ ଟାଙ୍ଗିଆରେ କାଟି ବୀଭତ୍ସ ଭାବେ ହତ୍ୟା କଲେ ପୋଲିସ ତାହାର କୌଣସି ଟେର୍‌ ପାଇପାରି ନାହିଁ । ଖବର ଲେଖା ହେବା ଯାଏ ଘଟଣା ସମ୍ପୂର୍ଣ୍ଣ ରହସ୍ୟ ଘେରରେ ରହିଛି। ତେବେ ପରିବାରରେ ଅଭାବ ଅନଟନ ଓ ଅନିଶ୍ଚିତ ଭବିଷ୍ୟତ ଏଭଳି ହତ୍ୟାକାଣ୍ଡର କାରଣ ହୋଇପାରେ ଚର୍ଚ୍ଚା ହେଉଛି।
ଗ୍ରାମବାସୀଙ୍କ ସୂଚନା ଅନୁଯାୟୀ ଉଲିିବସା ଗ୍ରାମରେ ଦୁର୍ଗା ସିଦ୍ଦୁ ୩ ଝିଅ ଓ ନିଜ ବୃଦ୍ଧା ମା’ଙ୍କ ସହ ଗୋଟିଏ ବଖୁରା ଛାଳଛପର ଘରେ ରହୁଥିଲେ। ୩ ବର୍ଷ ତଳେ ତାଙ୍କ ସ୍ତ୍ରୀଙ୍କର ମତ୍ୟୁ ଘଟିଥିଲା। ସେବେଠାରୁ ତାଙ୍କ ମାନସିକ ସ୍ଥିତି କୁଆଡେ ଭଲ ନ ଥିଲା । ମୂଲ ମଜୁରୀ ଲାଗି ଦୁର୍ଗା ପରିବାର ଚଳାଇ ୩ ଝିଅଙ୍କୁ ପାଠ ପଢାଉଥିଲେ । ବଡଝିଅ ଗୁରୁବାରୀ (୯) ଗାଁ ସ୍କୁଲରେ ୪ର୍ଥ ଶ୍ରେଣୀରେ ପଢୁଥିବା ବେଳେ ମଝିଆ ଝିଅ ମାମିନା(୮) ତୃତୀୟ ଶ୍ରେଣୀରେ ଏବଂ ସବା ସାନଝିଅ ମୁକ୍ତା(ସାଢେ ୩) ଗାଁର ଅଙ୍ଗନଓ୍ବାଡି କେନ୍ଦ୍ରକୁ ପାଠ ପଢିବାକୁ ଯାଉଥିଲେ। ଶୁକ୍ରବାର ମଧ୍ୟାହ୍ନ ସମୟରେ ଦୁର୍ଗା ନିଜ ବୃଦ୍ଧା ମା’ ଗୁରୁବାରୀଙ୍କୁ ନିକଟସ୍ଥ ସାପ୍ତାହିକ ଗାଁ ହାଟକୁ ପଠାଇ ଦେଇ ୩ ଝିଅଙ୍କୁ ଘର ଭିତରେ ପୂରାଇ ଟାଙ୍ଗିଆରେ ହାଣି ହତ୍ୟା କରିଥିଲେ । ଭିତର ପଟୁ କବାଟ ବନ୍ଧ କରି ସେ ନିଜେ ବେକରେ ଦଉଡି ଲଗାଇ ଆତ୍ମହତ୍ୟା କରିଥିଲେ । ବୃଦ୍ଧା ମା’ ଅପରାହ୍ନରେ ହାଟରୁ ଫେରି ଘର ଭିତର ପଟୁୁ କବାଟ ବନ୍ଦ ଥିବା ଦେଖି ଡାକ ପକାଇଥିଲେ । କେହି କିଛି ନ ଶୁଣିବାରୁ ସେ ଯାଇ ପଡିଶାଙ୍କୁ ଡାକିଥିଲେ । ଗାଁ ଲୋକେ ଆସି କବାଟ ଭାଙ୍ଗି ଘର ଭିତରର ଯେଉଁ ବୀଭତ୍ସ ଦୃଶ୍ୟ ଦେଖିଲେ ତାହା ସମସ୍ତଙ୍କୁ ହତଚକିତ କରିଦେଇଥିଲା। ୩ ଶିଶୁକନ୍ୟାଙ୍କ ରକ୍ତରେ ଭିଜିଥିଲା ଘରତଳ ମାଟି । ପାଖାପାଖି ହୋଇ ୩ ଝିଅଙ୍କ ମୃତଦେହ ପଡିରହିଥିଲା। ଥାନାରୁ ଘଟଣାସ୍ଥଳକୁ ଯାଇଥିବା ସ୍ବତନ୍ତ୍ର ଟିମ୍‌ ପାରିପାର୍ଶିକ ସ୍ଥିତି ଦେଖିବା ପରେ ପାଖପଡୋଶୀ ଓ ଦୁର୍ଗାଙ୍କ ବୃଦ୍ଧା ମା’ଙ୍କୁ ପଚରାଉଚୁରା କରିଥିଲା। କେବଳ ଉଲିିବସା ନୁହେଁ ଆଖପାଖ ଅଞ୍ଚଳର ଶତାଧିକ ଲୋକ ଆସି ଘଟଣାସ୍ଥଳରେ ରୁଣ୍ଡ ହୋଇ ଯାଇଥିଲେ। କାହାରି ମୁହଁରେ ନ ଥିଲା କିଛି ଭାଷା । ହତ୍ୟାକାଣ୍ଡର କାରଣ ପୋଲିସ ଖୋଜୁଥିବା ବେଳେ ଏ ନେଇ ସ୍ଥାନୀୟ ଲୋକେ ନାନା ଚର୍ଚ୍ଚା କରୁଛନ୍ତି। କୌଣସି ସରକାରୀ ସୁବିଧା ପାଇ ନ ଥିବା ଦୁର୍ଗା ହତାଶ ହୋଇ ଅଭାବ ଅନଟନ କାରଣରୁ ଆତ୍ମହତ୍ୟା କରିଥାଇ ପାରନ୍ତି ବୋଲି ଚର୍ଚ୍ଚା ଜୋର ଧରିଛି। କିନ୍ତୁ ଦୁର୍ଗାଙ୍କ ମାନସିକ ସ୍ଥିତି ଭଲ ନ ଥିବାରୁ ଏହା ହତ୍ୟାର କାରଣ ହୋଇ ପାରେ ବୋଲି ପ୍ରାଥମିକ ତଦନ୍ତ ପରେ ପୋଲିସ କହିଛି। ୩ ଝିଅ ଓ ବାପାଙ୍କ ମୃତଦେହକୁ ସନ୍ଧ୍ୟାରେ ପୋଲିସ ଆନନ୍ଦପୁର ଉପଖଣ୍ଡ ଡାକ୍ତରଖାନାକୁ ବ୍ୟବଚ୍ଛେଦ ଲାଗି ପଠାଇଛି। ସବିଶେଷ ତଦନ୍ତ ପରେ ସବୁ ତଥ୍ୟ ପଦାକୁ ଆସିବ ବୋଲି ଥାନା ଅଧିକାରୀ ଗଗନ ବିଶ୍ୱାଳ କହଛନ୍ତି । କିଭଳି ପରିସ୍ଥିତିରେ ସେମାନଙ୍କ ବେକକୁ ଟାଙ୍ଗିଆରେ କାଟି ବୀଭତ୍ସ ଭାବେ ହତ୍ୟା କଲେ ପୋଲିସ ତାହାର କୌଣସି ଟେର୍‌ ପାଇପାରି ନାହିଁ । ଖବର ଲେଖା ହେବା ଯାଏ ଘଟଣା ସମ୍ପୂର୍ଣ୍ଣ ରହସ୍ୟ ଘେରରେ ରହିଛି। ତେବେ ପରିବାରରେ ଅଭାବ ଅନଟନ ଓ ଅନିଶ୍ଚିତ ଭବିଷ୍ୟତ ଏଭଳି ହତ୍ୟାକାଣ୍ଡର କାରଣ ହୋଇପାରେ ଚର୍ଚ୍ଚା ହେଉଛି।
ଗ୍ରାମବାସୀଙ୍କ ସୂଚନା ଅନୁଯାୟୀ ଉଲିିବସା ଗ୍ରାମରେ ଦୁର୍ଗା ସିଦ୍ଦୁ ୩ ଝିଅ ଓ ନିଜ ବୃଦ୍ଧା ମା’ଙ୍କ ସହ ଗୋଟିଏ ବଖୁରା ଛାଳଛପର ଘରେ ରହୁଥିଲେ। ୩ ବର୍ଷ ତଳେ ତାଙ୍କ ସ୍ତ୍ରୀଙ୍କର ମତ୍ୟୁ ଘଟିଥିଲା। ସେବେଠାରୁ ତାଙ୍କ ମାନସିକ ସ୍ଥିତି କୁଆଡେ ଭଲ ନ ଥିଲା । ମୂଲ ମଜୁରୀ ଲାଗି ଦୁର୍ଗା ପରିବାର ଚଳାଇ ୩ ଝିଅଙ୍କୁ ପାଠ ପଢାଉଥିଲେ । ବଡଝିଅ ଗୁରୁବାରୀ (୯) ଗାଁ ସ୍କୁଲରେ ୪ର୍ଥ ଶ୍ରେଣୀରେ ପଢୁଥିବା ବେଳେ ମଝିଆ ଝିଅ ମାମିନା(୮) ତୃତୀୟ ଶ୍ରେଣୀରେ ଏବଂ ସବା ସାନଝିଅ ମୁକ୍ତା(ସାଢେ ୩) ଗାଁର ଅଙ୍ଗନଓ୍ବାଡି କେନ୍ଦ୍ରକୁ ପାଠ ପଢିବାକୁ ଯାଉଥିଲେ। ଶୁକ୍ରବାର ମଧ୍ୟାହ୍ନ ସମୟରେ ଦୁର୍ଗା ନିଜ ବୃଦ୍ଧା ମା’ ଗୁରୁବାରୀଙ୍କୁ ନିକଟସ୍ଥ ସାପ୍ତାହିକ ଗାଁ ହାଟକୁ ପଠାଇ ଦେଇ ୩ ଝିଅଙ୍କୁ ଘର ଭିତରେ ପୂରାଇ ଟାଙ୍ଗିଆରେ ହାଣି ହତ୍ୟା କରିଥିଲେ । ଭିତର ପଟୁ କବାଟ ବନ୍ଧ କରି ସେ ନିଜେ ବେକରେ ଦଉଡି ଲଗାଇ ଆତ୍ମହତ୍ୟା କରିଥିଲେ । ବୃଦ୍ଧା ମା’ ଅପରାହ୍ନରେ ହାଟରୁ ଫେରି ଘର ଭିତର ପଟୁୁ କବାଟ ବନ୍ଦ ଥିବା ଦେଖି ଡାକ ପକାଇଥିଲେ । କେହି କିଛି ନ ଶୁଣିବାରୁ ସେ ଯାଇ ପଡିଶାଙ୍କୁ ଡାକିଥିଲେ । ଗାଁ ଲୋକେ ଆସି କବାଟ ଭାଙ୍ଗି ଘର ଭିତରର ଯେଉଁ ବୀଭତ୍ସ ଦୃଶ୍ୟ ଦେଖିଲେ ତାହା ସମସ୍ତଙ୍କୁ ହତଚକିତ କରିଦେଇଥିଲା। ୩ ଶିଶୁକନ୍ୟାଙ୍କ ରକ୍ତରେ ଭିଜିଥିଲା ଘରତଳ ମାଟି । ପାଖାପାଖି ହୋଇ ୩ ଝିଅଙ୍କ ମୃତଦେହ ପଡିରହିଥିଲା। ଥାନାରୁ ଘଟଣାସ୍ଥଳକୁ ଯାଇଥିବା ସ୍ବତନ୍ତ୍ର ଟିମ୍‌ ପାରିପାର୍ଶିକ ସ୍ଥିତି ଦେଖିବା ପରେ ପାଖପଡୋଶୀ ଓ ଦୁର୍ଗାଙ୍କ ବୃଦ୍ଧା ମା’ଙ୍କୁ ପଚରାଉଚୁରା କରିଥିଲା। କେବଳ ଉଲିିବସା ନୁହେଁ ଆଖପାଖ ଅଞ୍ଚଳର ଶତାଧିକ ଲୋକ ଆସି ଘଟଣାସ୍ଥଳରେ ରୁଣ୍ଡ ହୋଇ ଯାଇଥିଲେ। କାହାରି ମୁହଁରେ ନ ଥିଲା କିଛି ଭାଷା । ହତ୍ୟାକାଣ୍ଡର କାରଣ ପୋଲିସ ଖୋଜୁଥିବା ବେଳେ ଏ ନେଇ ସ୍ଥାନୀୟ ଲୋକେ ନାନା ଚର୍ଚ୍ଚା କରୁଛନ୍ତି। କୌଣସି ସରକାରୀ ସୁବିଧା ପାଇ ନ ଥିବା ଦୁର୍ଗା ହତାଶ ହୋଇ ଅଭାବ ଅନଟନ କାରଣରୁ ଆତ୍ମହତ୍ୟା କରିଥାଇ ପାରନ୍ତି ବୋଲି ଚର୍ଚ୍ଚା ଜୋର ଧରିଛି। କିନ୍ତୁ ଦୁର୍ଗାଙ୍କ ମାନସିକ ସ୍ଥିତି ଭଲ ନ ଥିବାରୁ ଏହା ହତ୍ୟାର କାରଣ ହୋଇ ପାରେ ବୋଲି ପ୍ରାଥମିକ ତଦନ୍ତ ପରେ ପୋଲିସ କହିଛି। ୩ ଝିଅ ଓ ବାପାଙ୍କ ମୃତଦେହକୁ ସନ୍ଧ୍ୟାରେ ପୋଲିସ ଆନନ୍ଦପୁର ଉପଖଣ୍ଡ ଡାକ୍ତରଖାନାକୁ ବ୍ୟବଚ୍ଛେଦ ଲାଗି ପଠାଇଛି। ସବିଶେଷ ତଦନ୍ତ ପରେ ସବୁ ତଥ୍ୟ ପଦାକୁ ଆସିବ ବୋଲି ଥାନା ଅଧିକାରୀ ଗଗନ ବିଶ୍ୱାଳ କହଛନ୍ତି ।


All Right Reserved By

ଶଙ୍ଖନାଦରେ କମ୍ପିଲା ନୟାଗଡ଼ ଜିଲା

ନୟାଗଡ଼ ଅଫିସ,୨୪।୫: ନିର୍ବାଚନ ସମୟରେ କେନ୍ଦ୍ରମନ୍ତ୍ରୀ ମାନଙ୍କ ୫ରୁ ଊର୍ଦ୍ଧ୍ୱ ଥର ନୟାଗଡ଼ ଗସ୍ତ, ରାଜ୍ୟ ସରକାରଙ୍କ ବିରୋଧରେ ପ୍ରଚାର, ଭାଜପାର ୧୨୦ ମିଶନ୍‌ ସବୁ...

ଜଗତ୍‌ସିଂହପୁର ଜିଲାରେ କୁକୁର ବନ୍ଧ୍ୟାକରଣ ଯୋଜନା ପ୍ରହସନ: କାମରେ ଲାଗୁନି ୧୮ ଲକ୍ଷର ଅନୁଦାନ

ଜଗତ୍‌ସିଂହପୁର ଅଫିସ, ୧୮ା୭: ଜଗତ୍‌ସିଂହପୁର ଜିଲାରେ ଏବେ ବୁଲା କୁକୁରଙ୍କ ଉତ୍ପାତ ଚିନ୍ତାର କାରଣ ହୋଇଛି। ରାତିଅଧ ହେଉ ଅବା ଦ୍ୱିପ୍ରହରରେ ଲୋକେ ରାସ୍ତାରେ ନିରାପଦରେ...

ଖାଦ୍ୟ, ପାଣି ଆଶାରେ ଗାଁ ମୁହାଁ ବନ୍ୟଜନ୍ତୁ: ଉଦ୍ଧାର ହରିଣକୁ ଜଙ୍ଗଲରେ ଛାଡ଼ିଲା ଅସ୍ତରଙ୍ଗ ବନବିଭାଗ

କାକଟପୁର,୧୯।୬(ଡି.ଏନ୍‌.ଏ.): ପୁରୀ ଜିଲା ଅସ୍ତରଙ୍ଗ ବ୍ଲକ ବଡ଼ ସିରେଇ ଗ୍ରାମରୁ ଅସ୍ତରଙ୍ଗ ବନବିଭାଗ ବୁଧବାର ମଧ୍ୟାହ୍ନରେ ଏକ ହରିଣକୁ ଉଦ୍ଧାର କରି ମୁହାଁଣ ମୁହଁ ଜଙ୍ଗଲରେ...

ଅଣନିଃଶ୍ୱାସୀ କରୁଛି ଆବର୍ଜନା ବୋଝ

ପୁରୀ ଅଫିସ, ୫ା୬: ବାତ୍ୟା ‘ଫନୀ’ ପରେ ବିଗିଡ଼ିଛି ପୁରୀ ଜିଲାର ପରିମଳ ବ୍ୟବସ୍ଥା। ଜଳ, ବାୟୁ ପ୍ରଦୂଷଣ ମାତ୍ରା ବୃଦ୍ଧି ପାଇଛି। ଆବର୍ଜନା ବୋଝରେ...

ଅବ୍ୟବସ୍ଥାରେ ପୁରାତନ ଶିକ୍ଷାନୁଷ୍ଠାନ

ବାସୁଦେବପୁର, ୧୧।୬ (ଡି.ଏନ.ଏ.) – ଭଦ୍ରକ ଜିଲା ବାସୁଦେବପୁରର ସର୍ବପୁରାତନ ଶିକ୍ଷାନୁଷ୍ଠାନ ଅଟଳ ବିହାରୀ ହାଇସ୍କୁଲ ଅବ୍ୟବସ୍ଥା ମଧ୍ୟରେ ଚାଲିଛି। ଏହାର ଶୈକ୍ଷିକ ବାତାବରଣ ଦିନକୁ...

କଳିଙ୍ଗ ହସ୍ପିଟାଲରେ ବିଧାୟକ ମୋହନ ଚରଣ ମାଝିଙ୍କୁ ଦୁର୍ବ୍ୟବହାର ଘଟଣା: ରାଜ୍ୟ ଚିକିତ୍ସା ପାଣ୍ଠି ତାଲିକାରୁ ବାଦ୍‌ ପଡ଼ିଲା କଳିଙ୍ଗ ହସ୍ପିଟାଲ

ଭୁବନେଶ୍ୱର,୨୦।୭(ବ୍ୟୁରୋ): ରାଜ୍ୟ ସରକାର ରାଜଧାନୀରେ ଥିବା ଘରୋଇ ହସ୍ପିଟାଲ ପ୍ରତି କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି। ବିରୋଧୀ ଦଳ ମୁଖ୍ୟ ସଚେତକ ତଥା କେନ୍ଦୁଝର ସଦର...

ପୋଡ଼ିହୋଇଥିବା ମହିଳାଙ୍କୁ ଚିକିତ୍ସା କଲା ଟାଟା ଷ୍ଟିଲ

କଳିଙ୍ଗନଗର, ୬ା୬(ଡି.ଏନ୍‌.ଏ.): ଗତ ବର୍ଷ ଜୁନ୍‌ ମାସରେ ସୁକିନ୍ଦା ବ୍ଲକ ଅନ୍ତର୍ଗତ ରଙ୍ଗିଟାଙ୍ଗର ଗ୍ରାମର ପ୍ରତିମା ଦାସ ଘରେ ରୋଷେଇ କରୁଥିବା ସମୟରେ ନିଅଁାରେ ପୋଡି...

ବିଦ୍ୟାଳୟ ସାମ୍ନାରୁ ୩ୟ ଶ୍ରେଣୀ ଛାତ୍ରଙ୍କୁ ଅପହରଣ

ବାହାନଗା, ୨୩।୭(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ ଶଙ୍କରପଦା ଗ୍ରାମର ପ୍ରାଥମିକ ବିଦ୍ୟାଳୟ ସମ୍ମୁଖରୁ ସୋମବାର ଅପରାହ୍ନ ୪ଟା ବେଳେ ଜଣେ ୩ୟ ଶ୍ରେଣୀ ଛାତ୍ରଙ୍କୁ ଅପହରଣ...

selfi corner

Model This Week

Why Dharitri

Leave a comment

Your email address will not be published. Required fields are marked *