କଟକରେ ସାହିଠୁ ସହର ଉତ୍ସବମୁଖର

କଟକ ଅଫିସ,୧୪।୬: ପାନ ଓ ପାଗର ଏକ ଚମତ୍କାର ସମନ୍ବୟ ହେଉଛି ରଜ। ଗାଁରେ ଶିଳପୂଜାରୁ ବସୁମତୀ ସ୍ନାନ ବା ଭୂମି ଦହନ ପର୍ଯ୍ୟନ୍ତ ଭିନ୍ନଭିନ୍ନ ପର୍ଯ୍ୟାୟକୁ ନେଇ ରଜପର୍ବ ପାଳିତ ହେଉଥିଲାବେଳେ କଟକ ବି ସେଥିରୁ ବାଦ୍‌ ଯାଏନାହିଁ। ମହାନଗରୀର ମର୍ଯ୍ୟାଦା ବହନ କରୁଥିବା କଟକ ଏକ ବିଶାଳ ଗ୍ରାମ। ଗ୍ରାମୀଣ ପରମ୍ପରା ସହ ଜଡ଼ିତ କଟକରେ ଏବେ ରଜ ପାଇଁ ଉତ୍ସବମୁଖର ହୋଇଉଠିଛି। ତିନିଘରିଆ, ସାର୍ତ୍ତୋଳ, ହରିପୁର, ପିଠାପୁର, ଶଙ୍କରପୁର, ରାଣୀହାଟ ତେଲିସାହି, ମାଳିସାହି, ଶଗଡ଼ିଆସାହି, ବକ୍ସିବଜାର ବଢ଼େଇ ସାହି, ମାଛୁଆବଜାର, ନୂଆପାଟଣା, ମହ୍ଲାସାହି ଆଦି ପୁରୁଣା ବସତିଗୁଡ଼ିକରେ ଦୋଳିଖେଳ, ତାସଖେଳ ସହିତ ରାସ୍ତା କଡ଼ରେ ସ୍ବତନ୍ତ୍ର ରଜ ପାନ ପସରା ଗୁରୁବାରଠାରୁ ଖୋଲି ସାରିଲାଣି। ଘରେ ଘରେ ପିଠା, ରଜ ପାନର ମହକ ବାରିହୋଇପଡୁଛି। କୁମାରୀମାନେ ନୂଆ ପୋଷକ ଓ ଚୁଡ଼ି ପିନ୍ଧି ଅଳତା, କୁମ୍‌କୁମ୍‌ ଲଗାଇ ସାଙ୍ଗସାଥୀ ସହ ଦୋଳି ଖେଳୁଛନ୍ତି। ଶୁକ୍ରବାର ପହିଲି ରଜକୁ ଭିନ୍ନ ଭାବେ ପାଳିବାକୁ ଉତ୍କଣ୍ଠାର ସହ ଚାହିଁ ରହିଛନ୍ତି।

ପିଲାଦିନ କଥା ମନେପଡ଼େ

ବାଲେଶ୍ୱରର ବାଲିଆପାଳରେ ମାମୁଘର। ଛୁଟି ସମୟରେ ମାମୁ ଘରେ ହିଁ ଅଧିକ ସମୟ ବିତିଥାଏ। ବିଶେଷକରି ରଜ ଛୁଟି ହିଁ ପରିବାର ସହ ମାମୁ ଘରେ ରହି ଶେଷ କରୁ। ସେତେବେଳେ ରଜର ଯେଉଁ ମଜା ନେଉଥିଲି, ଏବେ ତାହା ଆଦୌ ନାହିଁ କହିଲେ ଚଳେ। ସଜବାଜ ହୋଇ ଦୋଳିରେ ବସିବା, ବିଭିନ୍ନ ସୁସ୍ବାଦୁ ପିଠା ଖାଇବା ଏବେ ସ୍ମୃତି ହେବାକୁ ବସିଲାଣି। ବ୍ୟସ୍ତବହୁଳ ଜୀବନ ଭିତରେ ରଜର ଅସଲ ମଜା ମିଳିପାରୁନାହିଁ। ରଜ ଆସିଲେ ପିଲାଦିନ କଥା ହିଁ ମନେପଡ଼େ।

ଅଙ୍କିତା ମିଶ୍ର, ଅଭିନେତ୍ରୀ

ରଜଦୋଳି, ରଜପିଠା ଅଭୁଲା

ରଜ ଆସିଲେ ଆମ ଘରେ ହିଁ ଉତ୍ସବ ହେବା ଭଳି ଅନୁଭବ ହୁଏ। ରଜକୁ ଧୁମଧାମରେ ପାଳନ କରିବା ପାଇଁ ବାପା ଓ ମା’ ସବୁକିଛି ଯୋଗାଇ ଦେଇଥାନ୍ତି। ରଜ ଦୋଳିରେ ବସିବାକୁ ଛୋଟବେଳେ ଟିକେଟିକେ ଡର ଥିଲା। ହେଲେ ଟିକେ ବଡ଼ ହେବାପରେ ଦୋଳି ଖେଳିବାର ମଜା କ’ଣ ଜାଣିବା ପରେ ଡର କୁଆଡ଼େ ଛାଡ଼ିଗଲା। ପିଲାଟିବେଳୁ ଆଜି ଯାଏଁ ଘରେ ପିଠା ଖାଇ ରଜ ପାଳନ କରି ଆସୁଛି। ଏ ବର୍ଷ ବି ପରିବାର ଲୋକଙ୍କ ସହ ରଜ ପର୍ବ ପାଳନ କରିବି। ଓଡ଼ିଶାର ଏହି ପର୍ବକୁ କେବେ ଭୁଲି ପାରିବିନି।

ସନମୀରା ନାଗେଶ, ଅଭିନେତ୍ରୀ

୧ ଟଙ୍କାରେ ୧୦ ଖଣ୍ଡ, ଏବେ ୧୦ଟଙ୍କାରେ ଖଣ୍ଡେ

୧ ଟଙ୍କାରେ ୧୦ ଖଣ୍ଡ, ଏବେ ୧୦ଟଙ୍କାରେ ଖଣ୍ଡେ
୨୫ବର୍ଷ ତଳେ ଏକ ଛୋଟ କ୍ୟାବିନ ପକାଇ ବାଦାମବାଡ଼ି ଛକରେ ପାନ ଦୋକାନ ଆରମ୍ଭ କରିଥିଲି। ଏବେ ସହରରେ ଯେତିକି ଲୋକ ଦେଖିବାକୁ ମିଳୁଛନ୍ତି ତାହାର ୪ଭାଗରୁ ଭାଗେ ଲୋକ ଥିଲେ। ଗହଳି ଅଞ୍ଚଳ କହିଲେ ବାଦାମବାଡ଼ି, ବକ୍ସିବଜାର, ଚୌଧୁରୀବଜାର, ମାଲଗୋଦାମ ଓ ଛତ୍ରବଜାର। ସେତେବେଳେ ରଜ ପାନର ଟ୍ରେଣ୍ଡ୍‌ ନ ଥିଲା। ଗତ ୭ବର୍ଷ ହେବ ଏହି ଟ୍ରେଣ୍ଡ୍‌ ଆସିଛି ବୋଲି କୁହନ୍ତି ସହରର ଭଲ ନାଁ କରିଥିବା ପାନଦୋକନୀ ହରେକୃଷ୍ଣ ପରମାଣିକ। ସ୍ମୃତିକୁ ମନେପକାଇ ସେ କୁହନ୍ତି, ସେତେବେଳେ ରଜରେ ୧ ଟଙ୍କାରେ ୧୦ ଖଣ୍ଡ ରଜ ପାନ ବିକୁଥିଲି। ଏବେ ୧୦ଟଙ୍କାରେ ଖଣ୍ଡେ। ରଜ ପାନ ଖାଇବା ଅପେକ୍ଷା ଖୁଆଇବାକୁ ଲୋକେ ଖୁସି ଭାବୁଛନ୍ତି। ଯାହା ଫଳରେ ବ୍ୟବସାୟ ବଢ଼ିଛି। ରଜ ପୂର୍ବରୁ ସମସ୍ତ ପାନ ମସଲା କଲିକତାରୁ କିଣିବାକୁ ପଡ଼େ। ବିଭିନ୍ନ ଫ୍ଲେଭରର ପାନ ଏଥର ଉପଲବ୍ଧ ରହିଛି। ବନାରସର ପ୍ରସିଦ୍ଧ ନବରତ୍ନ, ଗୁଜିଆ, ଅମାଭତ ଓ ଗୁଲାବ ଫ୍ଲେଭର ପାନ ଏଥର ମୁଖ୍ୟ ଆକର୍ଷଣ ବୋଲି ହରେକୃଷ୍ଣ କହିଛନ୍ତି।


All Right Reserved By

ଶୁକ୍ରବାର ବାହୁଡ଼ିବେ ମହାପ୍ରଭୁ: ଅପରାହ୍ନ ୪ଟାରେ ରଥଟଣା

ପୁରୀ ଅଫିସ,୧୧ା୭: ଆଡ଼ପ ମଣ୍ଡପରେ ଶେଷ ହୋଇଛି ଚତୁର୍ଦ୍ଧାବିଗ୍ରହଙ୍କ ଲୀଳା। ଗୁରୁବାର ଭକ୍ତଙ୍କୁ ସନ୍ଧ୍ୟା ଦର୍ଶନ ଦେଇ ଏବେ ରତ୍ନବେଦିକୁ ବାହୁଡ଼ିିବାକୁ ପ୍ରସ୍ତୁତ ମହାପ୍ରଭୁ। ଶ୍ରୀଗୁଣ୍ଡିଚା...

୩ ଲକ୍ଷ ଟଙ୍କାର ବ୍ରାଉନ୍‌ସୁଗାର ଜବତ: ଜଣେ ଗିରଫ

ଖୋର୍ଦ୍ଧା ଅଫିସ,୧୧।୬: ଖୋର୍ଦ୍ଧା ଆଦର୍ଶ ଥାନା ଅନ୍ତର୍ଗତ ସ୍ବପ୍ନେଶ୍ୱରସାହି ଉପରେ ମଙ୍ଗଳବାର କଟକ ଓ ଖୋର୍ଦ୍ଧା ଫ୍ଲାଇଂ ସ୍କ୍ବାଡ୍‌ ପକ୍ଷରୁ ଚଢ଼ାଉ କରାଯାଇ ୩୦ ଗ୍ର୍ରାମ...

ପରିବେଶ ସୁରକ୍ଷାରେ ଛାତ୍ରୀଛାତ୍ରଙ୍କ ଭୂମିକା ଆଲୋଚନା ଚକ୍ର:କଲାମଙ୍କ ଭଳି ସ୍ବପ୍ନ ଦେଖି ସାକାର କର

ପୁରୀଅଫିସ, ୧୪ା୭ : ଦିନକୁ ଦିନ ପରିବେଶ ନଷ୍ଟ ହେବାରେ ଲାଗିଛି। ରାସ୍ତା ସମ୍ପ୍ରସାରଣ ଲାଗି ରାସ୍ତାକଡରେ ରହିଥିବା ବହୁ ବଡ ବଡ ଗଛ କଟାଯାଉଛି।...

ଖୋର୍ଦ୍ଧା ବିଧାନସଭା ୮ଆସନରୁ ୭ରେ ବିଜୟୀ ହୋଇ ସ୍ଥିତି ବଜାୟ ରଖିଲା ବିଜେଡି

ଖୋର୍ଦ୍ଧା ଅଫିସ,୨୪।୫:ଖୋର୍ଦ୍ଧା ଜିଲାର ୮ଟି ବିଧାନସଭା ଆସନ ମଧ୍ୟରୁ ୭ ଟିକୁ ଦଖଲକୁ ଆଣି ବିଜେଡ ସ୍ଥିତି ବଜାୟ ରଖିଛି । ୨୦୧୪ ନିର୍ବାଚନରେ ଚିଲିକା...

ପଦ୍ମଶ୍ରୀ ପ୍ରକାଶ ରାଓ ଅସୁସ୍ଥ: ଆଶୁ ଆରୋଗ୍ୟ କାମନା କଲେ ମୁଖ୍ୟମନ୍ତ୍ରୀ, ମାଗଣାରେ ଆବଶ୍ୟକ ଚିକିତ୍ସା ଯୋଗାଇଦେବାକୁ ନିର୍ଦ୍ଦେଶ

କଟକ ଅଫିସ,୧୭।୭: ବିଶିଷ୍ଟ ସମାଜସେବୀ ତଥା ପଦ୍ମଶ୍ରୀ ଡି. ପ୍ରକାଶ ରାଓ ଅସୁସ୍ଥ। ଗୁରୁତର ଅବସ୍ଥାରେ ତାଙ୍କୁ କଟକ ବଡ଼ ମେଡିକାଲର ମେଡିସିନ ଆଇସିୟୁରେ ରଖାଯାଇ...

୬ରେ ଶ୍ରୀମନ୍ଦିର ଗର୍ଭଗୃହ ଯାଞ୍ଚ

ପୁରୀ ଅଫିସ, ୫।୭: ଆସନ୍ତା ୬ତାରିଖରେ ଗର୍ଭଗୃହ ଯାଞ୍ଚ କରାଯିବ। ଏଥିପାଇଁ ଶୁକ୍ରବାର ଗର୍ଭଗୃହରେ ଭାରା ବନ୍ଧାଯିବ। ଶ୍ରୀଜଗନ୍ନାଥ ମନ୍ଦିର ବୈଷୟିକ କୋର କମିଟି, ଶ୍ରୀମନ୍ଦିର...

ଶୁକ୍ରବାରରୁ ବିଧାନସଭାର ଦ୍ୱିତୀୟ ପର୍ଯ୍ୟାୟ ଅଧିବେଶନ: ୨ ଦିନ ଛୁଟି ପରେ ୧୫ରେ ଚାଲିବ

ଭୁବନେଶ୍ୱର,୧୧।୭(ବ୍ୟୁରୋ): ଷୋଡ଼ଶ ବିଧାନସଭାର ଦ୍ୱିତୀୟ ପର୍ଯ୍ୟାୟ ଅଧିବେଶନ ଶୁକ୍ରବାରଠାରୁ ଆରମ୍ଭ ହେଉଛି। ଗୋଟିଏ ଦିନ ପରେ ୧୩ ଓ ୧୪ ତାରିଖ ମାସର ଦ୍ୱିତୀୟ ଶନିବାର...

ଏଏସ୍‌ଆଇ ପକ୍ଷରୁ ଶ୍ରୀମନ୍ଦିର ଗର୍ଭଗୃହ ଯାଞ୍ଚ

ପୁରୀ ଅଫିସ, ୬।୭: ଘୋଷଯାତ୍ରା ଯାଇଁ ଏବେ ଆଡ଼ପମଣ୍ଡପରେ ମହାପ୍ରଭୁ। ନଅଦିନ ବ୍ୟାପୀ ଜନ୍ମବେଦିରେ ଅବସ୍ଥାନ କରିବେ। ଏହି ଅବସରରେ ଶ୍ରୀମନ୍ଦିରର ଗର୍ଭଗୃହ ଯାଞ୍ଚ ଆରମ୍ଭ...


selfi corner

Model This Week

Why Dharitri

Leave a comment

Your email address will not be published. Required fields are marked *