କେଉଁଠି ପାଳିବେ ରଜ

ଭୁବନେଶ୍ୱର,୧୨।୬(ବ୍ୟୁରୋ)-ପାଖେଇ ଆସିଛି ରଜ। ପୋଡ଼ପିଠାରୁ ଆରମ୍ଭ କରି ରଜ ପାନଖିଆ ଓ ରଜ ଦୋଳି ଖେଳ, ଯାହାର ଅପେକ୍ଷା ରହିଥାଏ ପ୍ରତି ଓଡ଼ିଆ ଘରେ। ପର୍ବକୁ ଆହୁରି ଆକର୍ଷଣୀୟ କରିବା ପାଇଁ ଗଁାଠୁ ସହର, ସବୁଠି ଆରମ୍ଭ ହୋଇଗଲାଣି ସଜବାଜ। କିଏ କେଉଁଠିକୁ ଯିବେ, କ’ଣ କରିବେ, ରଜର ମଜା କିଭଳି ଉଠାଇବେ, ସେ ନେଇ ଯୋଜନା ପ୍ରସ୍ତୁତି ସରିଲାଣି। ଏପଟେ ପ୍ରତିବର୍ଷ ଭଳି ଏଥର ମଧ୍ୟ ସହରରେ ଗଁା ରଜର ଅନୁଭୂତି ଦେବାକୁ ବିଭିନ୍ନ ସଙ୍ଗଠନ ଓ ସାଂସ୍କୃତିକ ଅନୁଷ୍ଠାନ ତରଫରୁ ରଜ ମହୋତ୍ସବ ଆୟୋଜନ ପାଇଁ ସମସ୍ତ ପ୍ରସ୍ତୁତି ସରିଛି। ପାରମ୍ପରିକ ରଜକୁ ବଞ୍ଚାଇ ରଖିବା ସହ ସହରବାସୀଙ୍କୁ ପିଠା, ମିଠା, ଦୋଳି, ପାନ ଆଦିର ମଜାଦେବାକୁ ବିଭିନ୍ନ ବ୍ୟବସ୍ଥା ହୋଇଛି।
ପାନ୍ଥନିବାସରେ ରଜ
ପ୍ରତିବର୍ଷ ପରି ଏଥର ମଧ୍ୟ ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ(ଓଟିଡିସି) ଦ୍ୱାରା ପରିଚାଳିତ ପାନ୍ଥନିବାସଗୁଡ଼ିକରେ ଜାକଜମକରେ ପାଳନ ହେବ ରଜ ମହୋତ୍ସବ। ଭୁବନେଶ୍ୱର ସହ କଟକ, ଚାନ୍ଦିପୁର, ଗୋପାଳପୁର, ସମ୍ବଲପୁର, ରାଉରକେଲା, ବରକୁଳ ଓ ପାରାଦୀପରେ ଥିବା ପାନ୍ଥନିବାସରେ ୧୩ରୁ ୧୬ତାରିଖ ପର୍ଯ୍ୟନ୍ତ ରଜ ମହୋତ୍ସବ ପାଳନ ହେବ। ତେବେ ଫନୀରେ ବ୍ୟାପକ କ୍ଷୟକ୍ଷତି ଯୋଗୁ କୋଣାର୍କ ଏବଂ ପୁରୀ ପାନ୍ଥନିବାସରେ ଚଳିତବର୍ଷ ରଜ ମହୋତ୍ସବ ଆୟୋଜନ ହେବନାହିଁ ବୋଲି ଓଟିଡିସି ପକ୍ଷରୁ ସୂଚନା ଦିଆଯାଇଛି। ଏଥର ମଧ୍ୟ ପୋଡ଼ପିଠା, ମଣ୍ଡା, ଆରିସା, କାକରା, ଚକୁଳି ପିଠା ସାଙ୍ଗକୁ ମୁଗବୁନ୍ଦି, କ୍ଷୀରଗଜା, ଦହିବରା, ଛେନାପୋଡ଼ ପାନ୍ଥନିବାସର ମୁଖ୍ୟ ଆକର୍ଷଣ ରହିବ। ସେହିଭଳି ସମ୍ବଲପୁର ପ୍ରସିଦ୍ଧ ପିଠା ଖୁଦମଣ୍ଡା, କଦମ୍ବା, ମୁଗପାପ୍‌ଚି ସମ୍ବଲପୁର ପାନ୍ଥନିବାସରେ ଉପଲବ୍ଧ ହେବ। ଚଳିତବର୍ଷ ଆଦିବାସୀମାନଙ୍କ ଲୋକପ୍ରିୟ ପିଠା ମହୁଲ ଓ ମାଣ୍ଡିଆରେ ପ୍ରସ୍ତୁତ କରାଯିବ। ଏହାସହ ପର୍ଯ୍ୟଟକ ରଜପାନ ଖାଇ ରଜଦୋଳିର ମଜା ମଧ୍ୟ ଉଠାଇପାରିବେ।
ଏକାମ୍ର ହାଟରେ ରଜର ମଜା
ରଜ ପାଇଁ ଏକାମ୍ର ହାଟରେ ସ୍ବତନ୍ତ୍ର ପ୍ରସ୍ତୁତି କରାଯାଇଛି। ପ୍ରୟାସ ଅନୁଷ୍ଠାନ ପକ୍ଷରୁ ଏକାମ୍ର ହାଟ ପରିସରରେ ରଜ ୩ଦିନ ‘ପ୍ରୟାସ ରଜ ମହୋତ୍ସବ’ ସିଜିନ-୨ ଅନୁଷ୍ଠିତ ହେବ। ଏହି ଅବସରରେ ପିଲାଙ୍କ ମଧ୍ୟରେ ପୁଚି, ରୁମାଲ ଚୋରି ଭଳି ପାରମ୍ପରିକ ଖେଳ ସହ ନୃତ୍ୟ, ଗୀତ, ମ୍ୟୁଜିକ୍‌ ଚେୟାର ଓ ଫ୍ୟାଶନ ଶୋ ଭଳି ପ୍ରତିଯୋଗିତା କରାଯିବ। ଏହାସହ ବିଜୟୀ ପ୍ରତିଯୋଗୀଙ୍କୁ ପୁରସ୍କୃତ କରାଯିବ। ମା’ମାନଙ୍କ ମଧ୍ୟରେ ଏକ ଭିନ୍ନସ୍ବାଦର ପ୍ରତିଯୋଗିତା ସହ ରଜ କୁଇନ୍‌ ପ୍ରତିଯୋଗିତା ଆୟୋଜନ ହେବ। ଯେ କେହି ଚାହିଁଲେ ଏଠାକୁ ଯାଇ ବିନା କୌଣସି ପ୍ରବେଶ ଶୁଳ୍କରେ ଦୋଳି ଖେଳି ରଜ ମହୋତ୍ସବର ମଜା ଉଠାଇପାରିବ। ଏହାବ୍ୟତୀତ ହୋଟେଲ ପେଟ ପୂଜା ପକ୍ଷରୁ ରଜ ସ୍ପେଶାଲ ପିଠା ଓ ମିଠା ବିକ୍ରି କରାଯିବ। ପୋଡ଼ପିଠା ସହ ସୁଜି ମଣ୍ଡା, ସୁଜି କାକରା, କରଞ୍ଜିଆ, ଚନ୍ଦ୍ର କଳା, ସିଝା ମଣ୍ଡା ପିଠା, ମୁଗ ହାଲୁଆ, ଖିର ଗଜା, ଛେନା ଝିଲ୍ଲି, ଛେନା ମାଲପୁଆ ଆଦି ଉପଲବ୍ଧ ହେବ। ୧୨ତାରିଖ ସନ୍ଧ୍ୟାରୁ ୧୭ତାରିଖ ପର୍ଯ୍ୟନ୍ତ ରଜ ସ୍ପେଶାଲ ପୋଡ଼ପିଠା ଲୋକେ ଏଠାରୁ ପାଇପାରିବେ ବୋଲି ଏହାର ମାଲିକ ପ୍ରକାଶ ବେହେରା କହିଛନ୍ତି।
ରବୀନ୍ଦ୍ର ମଣ୍ଡପରେ ରାଜ୍ୟସ୍ତରୀୟ ରଜ ମହୋତ୍ସବ
ମଶାଲ ଅନୁଷ୍ଠାନ ପକ୍ଷରୁ ରବୀନ୍ଦ୍ର ମଣ୍ଡପରେ ଆୟୋଜନ ହେବ ରାଜ୍ୟସ୍ତରୀୟ ରଜ ମହୋତ୍ସବ। ୧୫ତାରିଖ ଅପରାହ୍ନରୁ ଆରମ୍ଭ ହୋଇ ରାତି ପର୍ଯ୍ୟନ୍ତ କାର୍ଯ୍ୟକ୍ରମ ଚାଲିବ। ପ୍ରେକ୍ଷାଳୟ ଭିତରେ ଏବଂ ବାହାରେ ଏକାଧିକ ମନୋରଞ୍ଜନଧର୍ମୀ କାର୍ଯ୍ୟକ୍ରମ ସହ ଖାଦ୍ୟପେୟ ଓ ରଜଦୋଳି ଖେଳ ପ୍ରମୁଖ ଆକର୍ଷଣ ରହିବ। ଝୋଟି, ପିଠା, କାନ୍ଦଣା ଓ ପୁଚିଖେଳକୁ ନେଇ ମହିଳାଙ୍କ ମଧ୍ୟରେ ଶ୍ରେଷ୍ଠ ଓଡ଼ିଆଣୀ ପ୍ରତିଯୋଗିତା ଅନୁଷ୍ଠିତ ହେବ। ସେହିଭଳି ମୋଗଲ ତାମ୍‌ସା ସହ ନାଟକ ପ୍ରେକ୍ଷାଳୟ ବାହାରେ ପରିବେଷଣ କରାଯିବ। ପ୍ରେକ୍ଷାଳୟ ଭିତରେ ରଜଗୀତ, ସମ୍ବଲପୁରୀ ନାଚ ଆଦି ପରିବେଷଣ କରାଯିବ।
ପାତ୍ରପଡ଼ାରେ ଦୋଳି
ପାତ୍ରପଡ଼ା ଓ ଭଗବାନପୁର ଗ୍ରାମ ପକ୍ଷରୁ ମହାରଜା କ୍ରିକେଟ୍‌ ଆସୋସିଏଶନ ପଡ଼ିଆରେ ୯ମ ରଜମୌଜ ମହୋତ୍ସବ ଅନୁଷ୍ଠିତ ହେବ। ଆସୋସିଏଶନ ପକ୍ଷରୁ ପ୍ରତିବର୍ଷ ବନୀକରଣ କରାଯାଇଥିବା ସ୍ଥାନରେ ୧୦୦ରୁ ୧୫୦ ଦୋଳି ଲାଗୁଥିବା ବେଳେ ଚଳିତବର୍ଷ କିନ୍ତୁ ବାତ୍ୟାରେ ଅଧାରୁ ଅଧିକ ଗଛ ଭାଙ୍ଗିଯାଇଛି। ତେଣୁ କେତେ ଦୋଳି ବନ୍ଧା ହେବ, ତାହା ଏ ପର୍ଯ୍ୟନ୍ତ ଠିକ୍‌ ହୋଇନାହିଁ। ସବୁବର୍ଷ ଭଳି ଏ ବର୍ଷ ଏତେ ସଂଖ୍ୟାରେ ଦୋଳି ବାନ୍ଧିବା ସମ୍ଭବ ନ ଥିବାରୁ ୪୦ରୁ ୫୦ ଦୋଳି ବନ୍ଧାଯିବ ବୋଲି ଆସୋସିଏଶନ ଉପସଭାପତି ରବୀନ୍ଦ୍ର ସାହୁ କହିଛନ୍ତି। ରଜ ଅବସରରେ ସକାଳୁ ସନ୍ଧ୍ୟା ପର୍ଯ୍ୟନ୍ତ ବିଭିନ୍ନ ପ୍ରତିଯୋଗିତା କରାଯିବ। ପ୍ରଥମ ଦିନରେ ପୁଚି ଖେଳ, ପସାପାଲି, ଚେସ୍‌, ଝୋଟି ଚିତା ଆଦି ପ୍ରତିଯୋଗିତା କରାଯିବ। ଅପରାହ୍ନରେ ପିଠା ତିଆରି, ଶଙ୍ଖ ଫୁଙ୍କା, ହୁଳହୁଳି, ମ୍ୟୁଜିକ୍‌ ଚେୟାର୍‌ ପ୍ରତିଯୋଗିତା ଅନୁଷ୍ଠିତ ହେବ। ଏହାସହିତ ସର୍ବସାଧାରଣଙ୍କ ପାଇଁ ଫୁଡ୍‌ ଷ୍ଟଲ ଲାଗିବ। ମିନାବଜାରର ମଧ୍ୟ ବ୍ୟବସ୍ଥା କରାଯାଉଛି। ୧୪ତାରିଖରୁ ୪ଦିନ ଧରି ଏଠାରେ ରଜ ଉତ୍ସବ ପାଳନ କରାଯିବ।


All Right Reserved By

ନିମାପଡ଼ାରେ ବ୍ୟାପୁଛି ଝାଡ଼ାବାନ୍ତି :୭ ଦିନରେ ୧ହଜାରରୁ ଊର୍ଦ୍ଧ୍ୱ ଆକ୍ରାନ୍ତ

ନିମାପଡ଼ା, ୯।୬(ଡି.ଏନ୍‌.ଏ.)-ପ୍ରଳୟଙ୍କରୀ ବାତ୍ୟା ପରେ ନିମାପଡ଼ା ବ୍ଲକରେ ଝାଡାବାନ୍ତି ବ୍ୟାପିବାରେ ଲାଗିଛି। ଗତ ୭ଦିନ ମଧ୍ୟରେ ୧ହଜାରରୁ ଊର୍ଦ୍ଧ୍ୱ ଲୋକ ଆକ୍ରାନ୍ତ ହୋଇ ନିମାପଡ଼ା ଓ...

ଗଠନ ହେଲା ଭାଜପା ସଂସଦୀୟ କାର୍ଯ୍ୟନିର୍ବାହୀ କମିଟି: ଧର୍ମେନ୍ଦ୍ର, ଜୁଏଲ ହେଲେ ସ୍ବତନ୍ତ୍ର ଆମନ୍ତ୍ରିତ ଅତିଥି

ଭୁବନେଶ୍ୱର,୧୨।୬(ବ୍ୟୁରୋ): ବୁଧବାର ଭାଜପାର ସଂସଦୀୟ କାର୍ଯ୍ୟନିର୍ବାହୀ କମିଟି ଗଠନ ହୋଇଛି। ଏହି କମିଟିରେ ଓଡ଼ିଶାର ୩ ପ୍ରମୁଖ ଭାଜପା ନେତାଙ୍କୁ ସ୍ଥାନ ମିଳିଛି। ବରଗଡ଼ ଏମ୍‌ପି...

ଏପ୍ରିଲ ୧୮ରୁ ଖରାଛୁଟି

ଭୁବନେଶ୍ୱର,୧୬।୪(ବ୍ୟୁରୋ): ପ୍ରଚଣ୍ଡ ଗ୍ରୀଷ୍ମ ପ୍ରବାହ ଯୋଗୁଁ ସ୍କୁଲ ଗୁଡିକୁ ଆଗୁଆ ଛୁଟି ଘୋଷଣା କରିଛନ୍ତି ରାଜ୍ୟସରକାର। ଏପ୍ରିଲ ୧୮ରୁ ସମସ୍ତ ସରକାରୀ ଓ ବେସରକାରୀ ସ୍କୁଲ...

ପିନାକୀ ବିଜେଡି ଲୋକ ସଭା ଦଳର ନେତା ମନୋନୀତ

ଭୁବନେଶ୍ୱର, ୨।୬: ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁରୀ ସାଂସଦ ପିନାକୀ ମିଶ୍ରଙ୍କୁ ଲୋକ ସଭାରେ ବିଜେଡି ସଂସଦୀୟ ଦଳ ନେତା ଭାବେ...

ନୂଆ ରୂପ ନେଉଛି ରସୁଲଗଡ଼ ଛକ: ଆବର୍ଜନା କଳାକୃତିରେ ଓଡ଼ିଶାର ଝଲକ

ଭୁବନେଶ୍ୱର,୨୫।୪(ସସ୍ମିତା ପାଇକରାୟ)- ରାଜଧାନୀ ପ୍ରବେଶ ପଥରେ ରହିଥିବା ସହରର ସର୍ବାଧିକ ଜନଗହଳିପୂର୍ଣ୍ଣ ରସୁଲଗଡ଼ ଛକ ନୂଆ ରୂପ ପାଇବ। ବାଣୀବିହାର, ଆଚାର୍ଯ୍ୟ ବିହାର ପରେ ଏହି...

ଗୁରୁ-ଶିଷ୍ୟ ଲଢ଼େଇରେ ବାଜି ମାରିଲେ ଶିଷ୍ୟ: ଶଙ୍ଖକ୍ଷେତ୍ରରେ ଫୁଟିଲା ପଦ୍ମ

ପୁରୀ ଅଫିସ, ୨୪ା୫: ପୁରୀରେ ଭୁଶୁଡ଼ିଛି ମହେଶ୍ୱରଙ୍କ ଦୁର୍ଗ। ୧୯୯୫ ପରଠାରୁ ପୁରୀ ବିଧାନସଭା ନିର୍ବାଚନମଣ୍ଡଳୀକୁ ନିଜ ଅକ୍ତିଆରରେ ରଖିଥିବା ମହେଶ୍ୱର ମହାନ୍ତିଙ୍କୁ ଏଥର ମାତ୍‌...

ଦୁର୍ଘଟଣାରେ ଜୀବନ ଯିବାପରେ ଚେତିଲା ପୋଲିସ: ରାଜଧାନୀ ରାଜପଥରେ ୫ ବ୍ଲାକ୍‌ ସ୍ପଟ୍‌

ଭୁବନେଶ୍ୱର, ୨୯ା୫(ବ୍ୟୁରୋ): ଭୁବନେଶ୍ୱର-କଟକ ମଧ୍ୟଦେଇ ଯାଇଥିବା ୧୬ ନମ୍ବର ଜାତୀୟ ରାଜପଥ ପାଲଟିଛି ଡେଥ୍‌ ଜୋନ୍‌। ପ୍ରତିଦିନ ଦୁର୍ଘଟଣା ଘଟୁଥିବାବେଳେ ବହୁ ଜୀବନ ଯାଉଛି। ତେବେ...

ଅବ୍ୟବସ୍ଥାକୁ ସଜାଡ଼ିଦେଉଥିବା ଶକ୍ତି ଦେବୀ ଇନ୍ଦ୍ରାଣୀ

ଶ୍ରୀମନ୍ଦିରରେ ଉପାସନାର ବିବିଧତା ଦେଖିବାକୁ ମିଳେ। ବିବିଧତା ମଧ୍ୟରେ ଏକତା ଏବଂ ଏକତା ମଧ୍ୟରେ ବିବିଧତା ରହିବା ସନାତନୀୟ ପରମ୍ପରା। ଆଗମ ଏବଂ ନିଗମ ଆମର...


selfi corner

 

Model This Week

Why Dharitri

Leave a comment

Your email address will not be published. Required fields are marked *