ଭାରତର ଦମ୍‌ଦାର ବିଜୟ

ଲଣ୍ଡନ, ୯।୬- ଆଇସିସି ବିଶ୍ୱକପର ରବିବାର ଅନୁଷ୍ଠିତ ହାଇ ଭୋଲ୍‌ଟେଜ୍‌ ମ୍ୟାଚରେ ଗତଥରର ଚାମ୍ପିୟନ ଅଷ୍ଟ୍ରେଲିଆକୁ ୩୬ ରନରେ ପରାସ୍ତ କରିଛି ଟିମ୍‌ ଇଣ୍ଡିଆ। ଭାରତ ବିଜୟର ହିରୋ ସାଜିଛନ୍ତି ଶତକ ହାସଲକାରୀ ଶିଖର ଧାଓ୍ବନ। ଧାଓ୍ବନଙ୍କ ଶତକ, ଅଧିନାୟକ ବିରାଟ କୋହଲିଙ୍କ ଲଢ଼ୁଆ ବ୍ୟାଟିଂ ଓ ରୋହିତ ଶର୍ମାଙ୍କ ଅର୍ଦ୍ଧଶତକ ସହାୟତାରେ ଭାରତ ୫୦ ଓଭରରେ ୫ ଉଇକେଟ ହରାଇ ୩୫୨ ରନ କରିଥିଲା। ଜବାବରେ ଡେଭିଡ ଓ୍ବାର୍ନର, ଷ୍ଟିଭେନ ସ୍ମିଥ ଓ ଆଲେକ୍ସ କାରେଙ୍କ ଅର୍ଦ୍ଧଶତକ ସହାୟତାରେ ଲଢ଼େଇ କରିଥିବା ଅଷ୍ଟ୍ରେଲିଆ ୫୦ ଓଭରରେ ୩୧୬ ରନ କରି ଅଲଆଉଟ ହୋଇ ଯାଇଥିଲା। ଚଳିତ ବିଶ୍ୱକପରେ କ୍ରମାଗତ ଦ୍ୱିତୀୟ ବିଜୟ ପରେ ଅଷ୍ଟ୍ରେଲିଆର ଏହା ପ୍ରଥମ ପରାଜୟ। ନିଜର ପ୍ରଥମ ୨ ମ୍ୟାଚରେ ଏହି ଦଳ ଆଫଗାନିସ୍ତାନକୁ ୭ ଉଇକେଟରେ ଓ ଓ୍ବେଷ୍ଟଇଣ୍ଡିଜକୁ ୧୫ ରନରେ ପରାସ୍ତ କରିଥିଲା। ଅନ୍ୟପକ୍ଷରେ ଚଳିତ ଟୁର୍ନାମେଣ୍ଟରେ ଭାରତର ଏହା କ୍ରମାଗତ ଦ୍ୱିତୀୟ ବିଜୟ। ପ୍ରଥମ ମ୍ୟାଚରେ କୋହଲିଙ୍କ ଦଳ ଦକ୍ଷିଣ ଆଫ୍ରିକାକୁ ୬ ଉଇକେଟରେ ହରାଇଥିଲା।
୩୫୩ ରନ ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ଅଷ୍ଟ୍ରେଲିଆ ଓପନିଂ ଯୋଡ଼ିରେ ୬୧ ରନ ସଂଗ୍ରହ ପରେ ଅଧିନାୟକ ଆରନ ଫିଞ୍ଚ୍‌ଙ୍କ ଉଇକେଟ ହରାଇଥିଲା। ହାଇ ସ୍କୋରିଂ ମ୍ୟାଚରେ ଆତ୍ମବିଶ୍ୱାସର ସହ ବ୍ୟାଟିଂ ଆରମ୍ଭ କରିଥିବା ଫିଞ୍ଚ୍‌ ୩୫ ବଲ୍‌ରୁ ୩୬(୩ ଚୌକା, ୧ ଛକା) ରନ କରିଥିବାବେଳେ ଦୁର୍ଭାଗ୍ୟଜନକଭାବେ ରନଆଉଟ ହୋଇ ଯାଇଥିଲେ। ଡେଭିଡ ଓ୍ବାର୍ନରଙ୍କ ସହ ଷ୍ଟିଭେନ ସ୍ମିଥ କ୍ରିଜ୍‌ରେ ଯୋଗଦେବାପରେ ଅଷ୍ଟ୍ରେଲିଆ ଯୋଜନାବଦ୍ଧଭାବେ ଆଗକୁ ବଢ଼ିଥିଲା। ଦ୍ୱିତୀୟ ଉଇକେଟ ଭାଗୀଦାରିରେ ୭୨ ରନ ଯୋଗପରେ ଆଉଟ ହୋଇଥିଲେ ଓ୍ବାର୍ନର। ପରିସ୍ଥିତିକୁ ଦୃଷ୍ଟିରେ ରଖି ସ୍ବାଭାବିକ ଆକ୍ରମଣାତ୍ମକ ବ୍ୟାଟିଂ ନ କରି ଓ୍ବାର୍ନର ଏଠାରେ ୮୪ ବଲ୍‌ରୁ ୫ ଚୌକା ସହାୟତାରେ ୫୬ ରନ ସ୍କୋର କରିଥିଲେ। ଷ୍ଟିଭେନ୍‌ ସ୍ମିଥ ଓ ଉସମାନ ଖ୍ବାଜାଙ୍କ ଯୋଡ଼ି ମଧ୍ୟ ବେଶ୍‌ ଜମିଥିଲା। ଦୁହେଁ ଦ୍ରୁତ ହାରରେ ରନ ସଂଗ୍ରହ କରି ନ ଥିଲେ ହେଁ ରଣନୀତି ଅନୁସାରେ ସ୍କୋରକୁ ଆଗେଇ ନେଇଥିଲେ। ବିଜୟ ପାଇଁ ଆବଶ୍ୟକ ରନ ହାର କ୍ରମେ ବଢ଼ି ଚାଲିଥିବାବେଳେ ଯଶପ୍ରୀତ୍‌ ବୁମ୍‌ରାଙ୍କ ଏକ ବଲ୍‌କୁ ଭିନ୍ନ ଢଙ୍ଗରେ ଉଇକେଟ କିପର ମହେନ୍ଦ୍ର ସିଂ ଧୋନୀଙ୍କ ମୁଣ୍ଡ ଉପରେ ମାରିବା ଚକ୍କରରେ କ୍ଲିନ୍‌ ବୋଲ୍ଡ ହୋଇଯାଇଥିଲେ ଖ୍ବାଜା। ସେ ୩୯ ବଲ୍‌ରୁ ୪ ଚୌକା ଓ ୧ ଛକା ସହ ୪୨ ରନ ସ୍କୋର କରିଥିଲେ। ସ୍ମିଥ ଓ ଖ୍ବାଜାଙ୍କ ୩ୟ ଉଇକେଟ ଯୋଡ଼ିରୁ ୬୯ ରନ ସଂଗୃହୀତ ହୋଇଥିଲା। ୫ମ ବ୍ୟାଟ୍ସମ୍ୟାନଭାବେ କ୍ରିଜ୍‌କୁ ଆସିଥିବା ଗ୍ଲେନ ମ୍ୟାକ୍ସଓ୍ବେଲ ଦ୍ରୁତ ହାରରେ ରନ ସଂଗ୍ରହ କରିଥିଲେ। ତେବେ ୪୦ତମ ଓଭରର ଦ୍ୱିତୀୟ ବଲ୍‌ରେ ସ୍ମିଥଙ୍କ ପ୍ରାଇଜ୍‌ ଉଇକେଟ ହାସଲ କରି ଭୁବନେଶ୍ୱର କୁମାର ଭାରତର ବିଜୟ ସମ୍ଭାବନାକୁ ଦୃଢ଼ୀଭୂତ କରିଥିଲେ। ଅମ୍ପାୟର ପ୍ରଥମେ ଏଲବିଡବଲ୍ୟୁ ଦେଇ ନ ଥିଲେ ହେଁ ବିରାଟ କୋହଲି ରିଭ୍ୟୁ ମାଗିବାପରେ ରିପ୍ଲେରେ ବଲ୍‌ ସିଧା ଷ୍ଟମ୍ପ୍‌କୁ ହିଟ୍‌ କରୁଥିବା ପରିଲକ୍ଷିତ ହୋଇଥିଲା। ଫଳରେ ଅମ୍ପାୟର ନିଜ ନିଷ୍ପତ୍ତି ପରିବର୍ତ୍ତନ କରି ସ୍ମିଥଙ୍କୁ ଆଉଟ ଦେଇଥିଲେ। ୭୦ ବଲ୍‌ ଖେଳିଥିବା ସ୍ମିଥ ୫ ଚୌକା ଓ ୧ ଛକା ସହ ୬୯ ରନ ସ୍କୋର କରିଥିଲେ। ଗୋଟିଏ ବଲ୍‌ ବ୍ୟବଧାନରେ ମାର୍କୁସ ଷ୍ଟୋଇନ୍ସ ଭୁବନେଶ୍ୱରଙ୍କ ଦ୍ୱାରା କ୍ଲିନ୍‌ ବୋଲ୍ଡ ହେବାସହ ଅଷ୍ଟ୍ରେଲିଆ କ୍ରମେ ପରାଜୟ ମୁହାଁ ହୋଇଥିଲା। ଚାପ ପରିସ୍ଥିତିରେ ମ୍ୟାକ୍ସଓ୍ବେଲ ୨୮(୧୪ ବଲ, ୫ ଚୌକା) ରନ କରି ଆଉଟ ହୋଇ ଯାଇଥିଲେ। ଶେଷଭାଗରେ ଆଲେକ୍ସ କାରେ କେତୋଟି ଦର୍ଶନୀୟ ଶଟ୍‌ ଖେଳିଥିଲେ ହେଁ ତାହା ଅଷ୍ଟ୍ରେଲିଆ ବିଜୟ ପାଇଁ ପର୍ଯ୍ୟାପ୍ତ ହୋଇ ନ ଥିଲା। ସେ ୩୫ ବଲ୍‌ ଖେଳି ୫ ଚୌକା ଓ ୧ ଛକା ସହାୟତାରେ ୫୫ ରନକରି ଅପରାଜିତ ରହିଥିଲେ। ବ୍ୟାଟିଂ ସମୟରେ ଅଙ୍ଗୁଳିରେ ଆଘାତ ପାଇଥିବାରୁ ଶିଖର ଧାଓ୍ବନ ଫିଲ୍ଡିଂ କରି ନ ଥିଲେ। ତାଙ୍କ ସ୍ଥାନରେ ରବୀନ୍ଦ୍ର ଜାଡେଜା ଫିଲ୍ଡିଂ କରିଥିଲେ। ଭାରତ ପକ୍ଷରୁ ଯଶପ୍ରୀତ୍‌ ବୁମ୍‌ରା ଓ ଭୁବନେଶ୍ୱର କୁମାର ୩ଟି ଲେଖାଏ ଏବଂ ୟୁଜବେନ୍ଦ୍ର ଚହଲ ୨ଟି ଉଇକେଟ ନେଇଥିଲେ।
କେନିଂଟନ ଓଭାଲ ପିଚ୍‌ର ପ୍ରକୃତିକୁ ଦେଖି ଟସ୍‌ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ ଟିମ୍‌ ଇଣ୍ଡିଆ ଅଧିନାୟକ ବିରାଟ କୋହଲି। ଅଧିନାୟକଙ୍କ ନିଷ୍ପତ୍ତିକୁ ଉଚିତ ସାବ୍ୟସ୍ତ କରିଥିଲେ ଦୁଇ ଓପ୍‌ନର ରୋହିତ ଶର୍ମା ଓ ଶିଖର ଧାଓ୍ବନ। ବ୍ୟାଟିଂ ଫ୍ରେଣ୍ଡ୍‌ଲୀ ପିଚ୍‌ରେ ଦୁହେଁ ଅଷ୍ଟ୍ରେଲୀୟ ବୋଲରଙ୍କ ଉପରେ ପ୍ରାଧାନ୍ୟ ବିସ୍ତାର କରି ଶତକୀୟ ଭାଗୀଦାରି ଗଢ଼ିଥିଲେ। ୨୩ତମ ଓଭରର ୩ୟ ବଲ୍‌ରେ ଯାଇ ଅଷ୍ଟ୍ରେଲିଆକୁ ବ୍ରେକ୍‌ ଥ୍ରୁ ମିଳିଥିଲା। ୨୨.୩ ଓଭରରେ ରୋହିତ ଶର୍ମାଙ୍କୁ ଆଲେକ୍ସ କୋରେଙ୍କ ହାତରେ କ୍ୟାଚ୍‌ କରାଇ ଦଳକୁ ପ୍ରତୀକ୍ଷିତ ବ୍ରେକ୍‌ ଥ୍ରୁ ଦେଇଥିଲେ ନାଥାନ କୁଲ୍ଟର-ନାଇଲ। ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚ୍‌ରେ ଶତକ ହାସଲ କରିଥିବା ରୋହିତ ଏଠାରେ ମଧ୍ୟ ଭଲ ଆରମ୍ଭ କରି ୭୦ ବଲ୍‌ରୁ ୩ ଚୌକା ଓ ୧ ଛକା ସହାୟତାରେ ୫୭ ରନ୍‌ ସ୍କୋର କରିଥିଲେ। ବିରାଟ କ୍ରିଜ୍‌ରେ ଯୋଗଦେବା ପରେ ଦଳୀୟ ସ୍କୋରକୁ ଆଗକୁ ବଢ଼ାଇଥିଲେ। ପିଚ୍‌ରୁ ବୋଲରଙ୍କୁ ବିଶେଷ ସହାୟତା ମିଳି ନ ଥିଲା। ଏଥିରୁ ଭାରତୀୟ ବ୍ୟାଟ୍ସମ୍ୟାନମାନେ ପୂରା ଫାଇଦା ଉଠାଇଥିବାବେଳେ କ୍ୟାରିୟରର ୧୭ତମ ଶତକ ହାସଲ କରିଥିଲେ ଧାଓ୍ବନ। ୯୫ ବଲ୍‌ରୁ ୧୦୦ ରନ୍‌ ପୂରଣ କରିଥିବା ଏହି ବାମହାତୀ ବ୍ୟାଟ୍ସମ୍ୟାନ ୧୦୯ ବଲ୍‌ରୁ ୧୬ ଚୌକା ସହାୟତାରେ ୧୧୭ ରନ୍‌ କରି ମିଚେଲ ଷ୍ଟାର୍କଙ୍କ ବଲ୍‌ରେ ଆଉଟ ହୋଇଥିଲେ। ଧାଓ୍ବନ ଓ କୋହଲିଙ୍କ ଦ୍ୱିତୀୟ ଉଇକେଟ ଯୋଡ଼ିରେ ୯୩ ରନ୍‌ ସଂଗୃହୀତ ହୋଇଥିଲା। ୪ ନମ୍ବର ବ୍ୟାଟ୍ସମ୍ୟାନ ଭାବେ ପଡ଼ିଆକୁ ଓହ୍ଲାଇଥିବା ହାର୍ଦ୍ଦିକ ପାଣ୍ଡ୍ୟା ଦ୍ରୁତହାରରେ ରନ୍‌ ସଂଗ୍ରହ କରିଥିଲେ। ସେ ୨୭ଟି ବଲ୍‌ର ସମ୍ମୁଖୀନ ହୋଇ ୪ ଚୌକା ଓ ୩ ଛକା ସହାୟତାରେ ୪୮ ରନ୍‌ କରି ଆଉଟ ହେବାବେଳକୁ କୋହଲିଙ୍କ ସହ ୪ର୍ଥ ଉଇକେଟ ଭାଗୀଦାରିରେ ୮୧ ରନ୍‌ ଯୋଗକରିଥିଲେ। ଶେଷ ଓଭରରେ ଆଉଟ୍‌ ହୋଇଥିଲେ ମହେନ୍ଦ୍ର ସିଂ ଧୋନୀ ଓ ବିରାଟ। ଦ୍ରୁତହାରରେ ରନ୍‌ ସଂଗ୍ରହ ଚକ୍କରରେ ଧୋନୀ ୧୪ ବଲ୍‌ରୁ ୨୭(୩ ଚୌକା, ୧ ଛକା) ରନ୍‌ କରି ପ୍ୟାଭିଲିୟନ ଫେରିଥିଲେ। ସେହିପରି ବିରାଟ ୭୭ଟି ବଲ୍‌ ଖେଳି ୪ ଚୌକା ଓ ୨ ଛକା ସହାୟତାରେ ୮୨ ରନ କରିଥିବାବେଳେ ମାର୍କୁସ ଷ୍ଟୋଇନ୍ସଙ୍କ ବଲ୍‌କୁ ପଏଣ୍ଟ ଉପରେ ମାରିବାକୁ ଯାଇ ପ୍ୟାଟ୍‌ କୁମିନ୍ସଙ୍କ ହାତରେ ଧରାପଡ଼ିଥିଲେ। ଇନିଂସ୍‌ର ଅନ୍ତିମ ବଲ୍‌କୁ ଚୌକାରେ ପରିଣତ କରି ଲୋକେଶ ରାହୁଲ ଭାରତର ସ୍କୋରକୁ ୩୫୦ ଅତିକ୍ରମ କରାଇଥିଲେ। ଭାରତ ୫୦ ଓଭରରେ ୫ ଉଇକେଟ ହରାଇ ୩୫୨ ରନ୍‌ ସ୍କୋର କରିଥିଲା। ଶେଷ ୧୦ ଓଭରରେ ଭାରତ ୧୧୬ ରନ୍‌ ସଂଗ୍ରହ କରିଥିଲା। ଅଷ୍ଟ୍ରେଲିଆ ବୋଲରଙ୍କ ମଧ୍ୟରେ ଷ୍ଟୋଇନ୍ସ ୨ଟି ଏବଂ କୁମିନ୍ସ, ଷ୍ଟାର୍କ ଓ ନାଥାନ କୁଲ୍ଟର-ନାଇଲ ଗୋଟିଏ ଲେଖାଏ ଉଇକେଟ ନେଇଥିଲେ।


All Right Reserved By

ଏଫଆଇଏଚ୍‌ ସିରିଜ ଫାଇନାଲ୍ସ,ସେମିଫାଇନାଲ: ଭାରତ ଫେଭରାଇଟ

ଭୁବନେଶ୍ୱର, ୧୪।୬(କ୍ରୀଡ଼ା ପ୍ରତିନିଧି)-କଳିଙ୍ଗ ଷ୍ଟାଡିୟମରେ ଚାଲିଥିବା ଏଫଆଇଏଚ୍‌ ସିରିଜ ଫାଇନାଲ୍ସ ହକି ଟୁର୍ନାମେଣ୍ଟର ରୋମାଞ୍ଚକ ସମୟ ଉପନୀତ। ପୁଲ୍‌ ପର୍ଯ୍ୟାୟ ଓ କ୍ରସ୍‌ ଓଭର ପରେ...

ବଳାତ୍କାର ମାମଲା: ନେମାରଙ୍କୁ ପୋଲିସର ପଚରାଉଚରା

ସାଓ ପାଉଲ,୧୪।୬(ଏଏଫ୍‌ପି): ବଳାତ୍କାର ମାମଲାରେ ବ୍ରାଜିଲିଆନ ପୋଲିସ ଷ୍ଟାର ଫୁଟ୍‌ବଲର ଜୁନିୟର ନେମାରଙ୍କୁ ଦୀର୍ଘ ସମୟ ଧରି ପଚରାଉଚରା କରିଛି। ଗତ ମାସରେ ପ୍ୟାରିସର ଏକ...

କ୍ୟୁ ସ୍ପୋଟର୍‌ସରେ ଆଡଭାନୀଙ୍କୁ ସମ୍ପୂର୍ଣ୍ଣ କ୍ୟାରିୟର ଗ୍ରାଣ୍ଡସ୍ଲାମ୍‌

ନୂଆଦିଲ୍ଲୀ, ୨୨ା୬ (ପି.ଟି.)-ଭାରତର ଅଗ୍ରଣୀ କ୍ୟୁଇଷ୍ଟ ପଙ୍କଜ ଆଡଭାନୀ ଶୁକ୍ରବାର ୩୫ତମ ପୁରୁଷ ଏସିଆନ ସ୍ନୁକର ଚାମ୍ପିୟନଶିପ୍‌ ଜିତିଛନ୍ତି। ଏଥିସହିତ ସେ ଏକ କ୍ୟାରିୟର ଗ୍ରାଣ୍ଡସ୍ଲାମ...

ପ୍ରଶଂସକଙ୍କୁ ଅମିର, ମଲିକଙ୍କ ନିବେଦନ

ମାଞ୍ଚେଷ୍ଟର,୧୮।୬(ପିଟି)- ଭାରତଠାରୁ ମିଳିଥିବା ପରାଜୟ ପରେ ପାକିସ୍ତାନ ଦଳର ପ୍ରଶଂସକମାନେ ନିଜ ଦଳକୁ ସମାଲୋଚନା କରିବା ସହ ଖେଳାଳିଙ୍କୁ ଓ ତାଙ୍କ ପରିବାରବର୍ଗଙ୍କୁ ଖରାପ ଭାଷାରେ...

ଏସିଆନ ରୋଡ ପାରା-ସାଇକ୍ଲିଂ: ଭାରତକୁ ୧ ରୌପ୍ୟ, ୨ ବ୍ରୋଞ୍ଜ

ନୂଆଦିଲ୍ଲୀ,୩୦।୪(ପି.ଟି.)- ଉଜ୍‌ବେକିସ୍ତାନର ତାସ୍‌କେଣ୍ଟଠାରେ ଅନୁଷ୍ଠିତ ହୋଇଥିବା ଏସିଆନ୍‌ ରୋଡ ପାରା- ସାଇକ୍ଲିଂ ଚାମ୍ପନ୍‌ଶିପ୍‌ରେ ଭାରତୀୟ ପାରାଆଥଲେଟ୍ସମାନେ ଦମ୍‌ଦାର ପ୍ରଦର୍ଶନ କରି ଗୋଟିଏ ରୌପ୍ୟ ଓ ଦୁଇଟି...

ବିଶ୍ୱକପ୍‌ରୁ ଶେହଜାଦ ଆଉଟ୍‌

ଲଣ୍ଡନ,୭।୬-ଆଫଗାନିସ୍ତାନର ଉଇକେଟ କିପର ବ୍ୟାଟ୍ସମ୍ୟାନ ମହମ୍ମଦ ଶେହଜାଦ୍‌ ଚଳିତ ବିଶ୍ୱକପ୍‌ରୁ ବାଦ୍‌ ପଡ଼ିଛନ୍ତି। ତାଙ୍କ ଆଣ୍ଠୁରେ ଆଘାତ ଲାଗିଥିବା ସ୍ପଷ୍ଟ ହୋଇଛି। ତାଙ୍କ ବଦଳରେ ବାମହାତୀ...

ଭାରତ ଏ’ ଦଳରେ ଋତୁରାଜ, ଅନମୋଲପ୍ରୀତ, ଇଶାନ

ନୂଆଦିଲ୍ଲୀ,୪।୭(ପି.ଟି.)- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଭାରତ ଏ’ ଦଳ ଘୋଷଣା କରିଛି। ଏହି ଦଳରେ କେତୋଟି ପରିବର୍ତ୍ତନ କରାଯାଇଛି। ଆଗାମୀ ଓ୍ବେଷ୍ଟଇଣ୍ଡିଜ ଏ’...

ଫର୍ମୁଲା ଓ୍ବାନ୍‌ ଷ୍ଟାର ଡ୍ରାଇଭର ଲୌଡ଼ାଙ୍କ ପରଲୋକ

ଲଣ୍ଡନ, ୨୧ା୫- କିମ୍ବଦନ୍ତୀ ଫର୍ମୁଲା ଓ୍ବାନ୍‌ ଡ୍ରାଇଭର ନିକି ଲୌଡ଼ାଙ୍କ ମୃତ୍ୟୁ ଘଟିଛି। ଅଷ୍ଟ୍ରିଆ ଡ୍ରାଇଭରଙ୍କ ମୃତ୍ୟୁ ସମ୍ପର୍କରେ ତାଙ୍କ ପରିବାର ସଦସ୍ୟ ମଙ୍ଗଳବାର ସୂଚନା...


selfi corner

Model This Week

Why Dharitri

Leave a comment

Your email address will not be published. Required fields are marked *