ଭଦ୍ରକ ସ୍ବୟଂଶାସିତ ମହାବିଦ୍ୟାଳୟ : ଯୁକ୍ତ ୩ ପରୀକ୍ଷା ଫଳ: କମିଲା ପାସ୍‌ ହାର

ଭଦ୍ରକ ଅଫିସ, ୯।୬ – ଭଦ୍ରକ ସ୍ବୟଂଶାସିତ ମହାବିଦ୍ୟାଳୟର ଯୁକ୍ତ ୩ ପରୀକ୍ଷାଫଳ ଶନିବାର ପ୍ରକାଶ ପାଇଛି। ପୂର୍ବବର୍ଷ ଭଳି ଏଥର ମଧ୍ୟ ଛାତ୍ରୀ ଆଗରେ ଅଛନ୍ତି। ମୋଟ ୧୯ ବିଭାଗ ମଧ୍ୟରୁ ୧୪ଟିରେ ଛାତ୍ରୀ ଓ ୫ଟିରେ ଛାତ୍ର ଟପ୍ପର ହୋଇଛନ୍ତି। ବିଜ୍ଞାନ ବିଭାଗ ଗଣିତ ସମ୍ମାନରେ ରାହୁଲ ଆନନ୍ଦ ସିଂ ୧୨୯୩, କଳାରେ ସଂସ୍କୃତ ବିଭାଗରେ ଜ୍ୟୋତ୍ସ୍ନାରାଣୀ ଜେନା ୧୧୪୨ ଓ ବାଣିଜ୍ୟରେ ବସୁଧା ଶର୍ମା ୧୧୦୮ ନମ୍ବର ରଖି ଟପ୍ପର ହୋଇଛନ୍ତି। ୩ ଷ୍ଟ୍ରିମର ୧୯ଟି ସମ୍ମାନ ବିଭାଗ ମଧ୍ୟରୁ ଇତିହାସ, ଦର୍ଶନଶାସ୍ତ୍ର, ରାଜନୀତି ବିଜ୍ଞାନ, ଗଣିତ ଓ କମ୍ପ୍ୟୁଟର ସାଇନ୍ସକୁ ବାଦ୍‌ ଦେଲେ ଅନ୍ୟ ୧୪ ବିଭାଗରେ ଆଗରେ ଅଛନ୍ତି ଛାତ୍ରୀ। ୭୯.୨୭ ପ୍ରତିଶତ ପାସ୍‌ ହାର ରହିଥିବା ବେଳେ ଗତବର୍ଷ ତୁଳନାରେ ଚଳିତବର୍ଷ କମିଥିବା ସୂଚନା ମିଳିଛି।
ମହାବିଦ୍ୟାଳୟ ପରୀକ୍ଷା ନିୟନ୍ତ୍ରଣ କକ୍ଷ ପକ୍ଷରୁ ସୂଚନା ଅନୁଯାୟୀ, ଗତବର୍ଷ କଳା ପାସ୍‌ ହାର ୯୦.୬୧ ପ୍ରତିଶତ ଥିବାବେଳେ ଚଳିତ ବର୍ଷ ୮୫.୯ ପ୍ରତିଶତକୁ କମିଛି। ସେହିପରି ଗତବର୍ଷ ବିଜ୍ଞାନରେ ୮୧.୫୩ ପ୍ରତିଶତ ପାସ୍‌ ହାର ଥିବାବେଳେ ଚଳିତବର୍ଷ ୮୧, ବାଣିଜ୍ୟରେ ପୂର୍ବବର୍ଷ ୮୬.୫୫ ପ୍ରତିଶତ ଥିବାବେଳେ ଏଥର ୬୮.୧୮ ପ୍ରତିଶତ ରହିଛି। ଗଣିତ ସମ୍ମାନ ଟପ୍ପର ରାହୁଲ କଲେଜ ଟପ୍ପର ଘୋଷିତ ହୋଇଛନ୍ତି। କଳାରେ ସଂସ୍କୃତ ବିଭାଗର ଜ୍ୟୋତ୍ସ୍ନାରାଣୀ ଓ ବାଣିଜ୍ୟରେ ବସୁଧା ଟପ୍ପର ହୋଇଛନ୍ତି। ସେହିଭଳି ଅର୍ଥନୀତିରେ ସାବିତ୍ରୀ ଦାଶ ୧୦୦୭, ଶିକ୍ଷାରେ ମଞ୍ଜୁଲତା ସାହୁ ୧୦୯୨, ଇଂଲିଶରେ ସଙ୍ଗୀତା ପାଣିଗ୍ରାହୀ ୮୮୫, ହିନ୍ଦୀରେ ତାପସୀ ବେହେରା ୧୦୦୪, ଇତିହାସରେ ବିଜୟ କୁମାର ନାଇକ ୮୯୪, ଓଡ଼ିଆରେ ଅନିତା ଧଳ ୧୧୩୭, ଦର୍ଶନଶାସ୍ତ୍ରରେ ମଧୁସୂଦନ ମାଝି ୯୩୫, ରାଜନୀତି ବିଜ୍ଞାନରେ ସଞ୍ଜୟ କୁମାର ସାହୁ ୧୦୦୫, ମନସ୍ତତ୍ତ୍ବ ବିଜ୍ଞାନରେ ଜୟଶ୍ରୀ ମଲ୍ଲିକ ୧୦୯୪, ସାମାଜ ବିଜ୍ଞାନରେ ଲଳିତା ଦାସ ୧୦୪୯, ଊର୍ଦ୍ଦୁରେ ନିଖତ ଫିର୍ଦ୍ଦୋସ ୧୦୦୮ ନମ୍ବର ରଖି ଶୀର୍ଷରେ ଅଛନ୍ତି। ବିଜ୍ଞାନ ସମ୍ମାନ ବିଭାଗରେ ଉଦ୍ଭିଦ ବିଜ୍ଞାନରେ ଗାୟତ୍ରୀ ପରିଡ଼ା ୧୨୧୯, ରସାୟନ ବିଜ୍ଞାନରେ ବିଦ୍ୟୁତପ୍ରଭା ମଲିକ ୧୧୬୦, ଭୌତିକ ବିଜ୍ଞାନରେ ଦୀପ୍ତିମୟୀ ସାହୁ ୧୨୨୫, ପ୍ରାଣୀବିଜ୍ଞାନରେ ରଶ୍ମିରେଖା ମୁଦୁଲି ୧୧୮୯ ଓ କମ୍ପ୍ୟୁଟର ସାଇନ୍ସରେ ହିମାଂଶୁ ଶେଖର ସାହୁ ୧୧୬୧ ନମ୍ବର ରଖି ଟପ୍ପର ହୋଇଛନ୍ତି। କଲେଜର ମୋଟ ୮୭୮ ଛାତ୍ରୀଛାତ୍ର ପରୀକ୍ଷା ଦେଇଥିବା ବେଳେ ୬୯୬ ଜଣ ପାସ୍‌ କରିଛନ୍ତି। କଳାରେ ୩୬୪ ଛାତ୍ରୀଛାତ୍ର ପରୀକ୍ଷା ଦେଇଥିବା ବେଳେ ୩୧୩ ଜଣ ପାସ୍‌ ହୋଇଛନ୍ତି। ସେହିପରି ବିଜ୍ଞାନରେ ୨୫୦ ଜଣଙ୍କ ମଧ୍ୟରୁ ୨୦୩ ଏବଂ ବାଣିଜ୍ୟରେ ୨୬୪ ଛାତ୍ରୀଛାତ୍ରଙ୍କ ମଧ୍ୟରୁ ୧୮୦ ଜଣ ଉତ୍ତୀର୍ଣ୍ଣ ହୋଇଛନ୍ତି। ଅଧ୍ୟକ୍ଷ ଡ. ପ୍ରସନ୍ନ ବିଶ୍ୱାଳଙ୍କ ଦ୍ୱାରା ପରୀକ୍ଷା ଫଳାଫଳ ପୁସ୍ତିକା ପ୍ରକାଶିତ ହୋଇଥିଲା। ପରୀକ୍ଷା ନିୟନ୍ତ୍ରକ ଡ. ମୃତ୍ୟୁଞ୍ଜୟ ଦାସ, ସହ ପରୀକ୍ଷା ନିୟନ୍ତ୍ରକ ଲକ୍ଷ୍ମୀକାନ୍ତ ନାୟକ, ସେକ୍ସନ ହେଡ୍‌ ସୁରେଶ ଚନ୍ଦ୍ର ରାଉତ, ପ୍ରାଧ୍ୟାପକ ଦୁର୍ଗାଶଙ୍କର ଦାସ, ଡ. ସୁବୋଧ ଚନ୍ଦ୍ର ମିଶ୍ର ଓ ଡ. ପଦ୍ମନାଭ ପତ୍ରୀ ପ୍ରମୁଖ ଉପସ୍ଥିତ ଥିଲେ।


All Right Reserved By

ଟାଏକୋଣ୍ଡୋରେ ସ୍ବର୍ଣ୍ଣ ଜିତିଲେ ପ୍ରିୟଙ୍କା

ଖଇରା, ୧୫।୫(ଡି.ଏନ.ଏ.)-ଖଇରା କଲେଜ ଯୁକ୍ତ ୩ କଳାର ଦ୍ୱିତୀୟବର୍ଷ ଛାତ୍ରୀ ପ୍ରିୟଙ୍କା ପାତ୍ର ରାଜ୍ୟସ୍ତରୀୟ ଟାଏକୋଣ୍ଡୋ ପ୍ରତିଯୋଗିତାରେ ୫୦କେଜି ବର୍ଗରେ ଚାମ୍ପିୟନ ହୋଇ ସ୍ବର୍ଣ୍ଣପଦକ ଲାଭ...

ଜଳିଗଲା ୪ ବଖରା: ନିଆଁରେ ପୋଡ଼ି ୨ ଗୁରୁତର

ତିହିଡ଼ି, ୨୫।୫ (ଡି.ଏନ.ଏ.) – ଭଦ୍ରକ ଜିଲା ତିହିଡ଼ି ବ୍ଲକ କାଁପଡ଼ା ପଞ୍ଚାୟତ ଅଧୀନ ମଠସାହି ଗ୍ରାମରେ ଶନିବାର ମଧ୍ୟାହ୍ନରେ ଅଗ୍ନିକାଣ୍ଡ ଘଟି ୪ ବଖରା ଘର...

ଜୀବନ ଗଲା ପରେ ପ୍ରଶାସନର ଚେତା ପଶିଲା:ଭାରିଯାନ ଚଳାଚଳ ଉପରେ ଅଙ୍କୁଶ

ବନ୍ତ, ୯।୭ (ସ୍ବ.ପ୍ର.) – ଭଦ୍ରକ-ଆନନ୍ଦପୁର ୫୩ ନମ୍ବର ରାଜ୍ୟ ରାଜପଥରେ ରବିବାର ରାତିରେ ହାଇୱା ଚାପାରେ ଜଣେ ଯୁବକଙ୍କ ମୃତ୍ୟୁ ପରେ ପ୍ରଶାସନର ଚେତା...

ସରିଲା ଲଗ୍ନଧରା,କନ୍ୟା ଘରକୁ ଗଲା ଚିଟାଉ

ତିହିଡ଼ି, ୨୮।୫(ଡି.ଏନ୍‌.ଏ.)- ଭଦ୍ରକ ଜିଲାରେ ଶୀତଳଷଷ୍ଠୀ ପର୍ବ ପାଳନ ସାଂସ୍କୃତିକ ଜୀନଧାରାରେ ଏକ ଅବିଚ୍ଛେଦ ଅଙ୍ଗ ପାଲଟିଛି। ଏହି ପର୍ବ ଲାଗି ବିଭିନ୍ନ ଶୈବପୀଠରେ ପ୍ରସ୍ତୁତି...

ସମିତିକୁ ଧାନଦେଇ ପ୍ରାପ୍ୟ ପାଉନାହାନ୍ତି ଚାଷୀ: ପ୍ରତିବାଦରେ ଜାତୀୟ ରାଜପଥ ଅବରୋଧ

ଭଣ୍ଡାରିପୋଖରୀ, ୨୯ା୬(ଡି.ଏନ୍‌.ଏ.): ଭଦ୍ରକ ଜିଲା ୧୬ନଂ. ଜାତୀୟ ରାଜପଥର ଭଣ୍ଡାରିପୋଖରୀ ବସ୍‌ଷ୍ଟାଣ୍ଡଠାରେ ଶନିବାର ପୂର୍ବାହ୍ନ ୧୧ଟାରେ ନଗୁଆ ସେବା ସମବାୟ ସମିତିର ଶତାଧିକ ଚାଷୀ ସମିତିକୁ...

କୃଷିବୀମା ମିଳିବାରେ ବିଳମ୍ବ: ୪ ମାସ ମଧ୍ୟରେ ଫଇସଲା କରିବାକୁ ଜିଲାପାଳଙ୍କୁ ଉଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶ

କେନ୍ଦୁଝର, ୧୫ା୫ (ସ୍ବ.ପ୍ର.) କେନ୍ଦୁଝର ଜିଲାରେ ଚାଷୀମାନେ ୨୦୧୫ରେ ପ୍ରିମିୟମ ଅର୍ଥ ଦେଇଥିଲେ ହେଁ ମରୁଡି ଯୋଗୁ୍‌ କ୍ଷତିଗ୍ରସ୍ତ ହୋଇଥିବା ବହୁ ଚାଷୀଙ୍କୁ ଅଦ୍ୟାବଧି କୃଷିବୀମା...

ଶିକ୍ଷକଙ୍କ ବଦଳି ପ୍ରତିବାଦରେ ବିଦ୍ୟାଳୟରେ ତାଲା ପକାଇଲେ ଗ୍ରାମବାସୀ

ଖଇରା,୧୧।୭(ଡି.ଏନ୍‌.ଏ.): ବାଲେଶ୍ବର ଜିଲା ଖଇରା ବ୍ଲକ ଅଧୀନ ସାଦିକପୁର ୟୁଜିୟୁପି ସ୍କୁଲରେ ବିଜ୍ଞାନ ଶିକ୍ଷକ ହେମନ୍ତ ଦାସଙ୍କୁ ବଦଳି କରାଯିବା ପ୍ରତିବାଦରେ ଗୁରୁବାର ଗ୍ରାମବାସୀ ବିଦ୍ୟାଳୟରେ...

ରାତିପାହିଲେ ସାବିତ୍ରୀ: କେନ୍ଦୁଝର ବଜାରରେ ବଢ଼ୁଛି ଜଙ୍ଗଲୀ ଫଳର ଚାହିଦା

କେନ୍ଦୁଝର,୨।୬( ସ୍ବ.ପ୍ର.): ରାତିପାହିଲେ ସାବିତ୍ରୀ ବ୍ରତ। ଏହି ଉପଲକ୍ଷେ କେନ୍ଦୁଝର ସହରର ଫଳ ବଜାରରେ ଲୋକଙ୍କ ଭିଡ଼ ଲାଗିଛି। ଏହା ମଧ୍ୟରେ ଜଙ୍ଗଲୀ ଫଳର ଆସର...


selfi corner

Model This Week

Why Dharitri

Leave a comment

Your email address will not be published. Required fields are marked *