ଜିଲା କଂଗ୍ରେସ ନେତାଙ୍କ ଉପରେ ଦୋଷ ଲଦିଲେ ଜର୍ଜ ତିର୍କୀ

ରାଉରକେଲା ଅଫିସ/ ଭୁବନେଶ୍ୱର(ବ୍ୟୁରୋ), ୬ା୬: ନିର୍ବାଚନରେ ପରାଜୟ ପରେ ବୁଧବାର ପ୍ରଥମ ଥର ପାଇଁ ମୁହଁ ଖୋଲିଛନ୍ତି ଜର୍ଜ ତିର୍କୀ। ଏଥର କଂଗ୍ରେସ ଟିକେଟରେ ସୁନ୍ଦରଗଡ଼ ଲୋକ ସଭା ଆସନରୁ ନିର୍ବାଚନ ଲଢ଼ିଥିବା ତିର୍କୀ ରାଉରକେଲାର ଏକ ହୋଟେଲରେ ଆୟୋଜିତ ଖବରଦାତା ସମ୍ମିଳନୀରେ ନିଜ ପରାଜୟ ପାଇଁ ଜିଲା କଂଗ୍ରେସ ନେତାଙ୍କ ବିଶ୍ୱାସଘାକତାକୁ ଦାୟୀ କରିଛନ୍ତି ା ଅନ୍ୟପକ୍ଷେ ଇଭିଏମ୍‌ ଟାମ୍ପରିଂ ହୋଇଥିବା ସେ ଅଭିଯୋଗ କରିଛନ୍ତି। ସେ କହିଛନ୍ତି, ସୁନ୍ଦରଗଡ ଜିଲାରେ ଆଦୌ ନରେନ୍ଦ୍ର ମୋଦିଙ୍କ ହାୱା ନ ଥିଲା। ଭାଜପା ପ୍ରାର୍ଥୀ ଜୁଏଲ ଓରାମ ଭୋଟ ମାଗିବାକୁ ଆସି ନ ଥିବା ବେଳେ ଏତେ ସଂଖ୍ୟାରେ ଭୋଟ ହାତେଇବା ସନ୍ଦେହ ସୃଷ୍ଟି କରିଛି। ଏହାବ୍ୟତୀତ ଜିଲାବାସୀ ଭିନ୍ନ ଭିନ୍ନ ଦଳ ଓ ପ୍ରାର୍ଥୀଙ୍କୁ ଚଳିତ ନିର୍ବାଚନରେ ଭୋଟ ଦେଇଛନ୍ତି। ଏପରି ଅବସ୍ଥାରେ ଜୁଏଲ ବାବୁ ଆଶ୍ଚର୍ଯ୍ୟଜନକ ଭାବେ ଭୋଟ ପାଇବା ଚକିତ କରିଛି। ଦଳ ଭିତରୁ ଛୁରିକାଘାତ ସତ୍ତ୍ୱେ କଂଗ୍ରେସ ପାଇଥିବା ଭୋଟ ନେଇ ମୁଁ ସନ୍ତୁଷ୍ଟ। ରଘୁନାଥପାଲ୍ଲୀ କଂଗ୍ରେସ ପ୍ରାର୍ଥୀ ପ୍ରଶାନ୍ତ ସେଠୀ ୨୦ ହଜାରରୁ ଊର୍ଦ୍ଧ୍ୱ ଭୋଟ ପାଇବା କମ ବଡ କଥା ନୁହେଁ। ବିରୋଧ, ଷଡଯନ୍ତ୍ର ସତ୍ତ୍ୱେ ମତଦାନ ହାରକୁ ନେଇ ଆମେ ସନ୍ତୁଷ୍ଟ ବୋଲି ଜର୍ଜ କହିଛନ୍ତି ା
ନିର୍ବାଚନ ବେଳେ ସୋସିଆଲ ମିଡିଆରେ ନିର୍ଦ୍ଦିଷ୍ଟ କେତେଜଣ ବ୍ୟକ୍ତି ଆମକୁ ବିକାଶ ବିରୋଧୀ ଆଖ୍ୟା ଦେଇ ଅପପ୍ରଚାର କଲେ। ଅନ୍ୟ ଦ୍ୱାରା ପରିଚାଳିତ ହୋଇ ଯେଉଁମାନେ ଏପରି ସମସ୍ୟା ସୃଷ୍ଟି କଲେ ସେମାନେ ଜାଣି ରଖିବା ଉଚିତ ଯେ ଜର୍ଜ ତିର୍କୀ କେବେ ବିକାଶ ବିରୋଧୀ ନୁହେଁ। ଯେଉଁଠି ଆଦିବାସୀଙ୍କ ସ୍ବାର୍ଥ ଭୂଲୁଣ୍ଠିତ ହେବା ମୁଁ ଅନୁଭବ କରିଛି ସେଠି କେବଳ ସ୍ବର ଉତ୍ତୋଳନ କରିଛି। ସାମ୍ବିଧାନ ଓ ଆଇନକୁ ସମ୍ମାନ ଦେବାକୁ ମୁଁ ପ୍ରଶାସନର ଦୃଷ୍ଟି ଆକର୍ଷଣ କରିବା ସହ ଚାପ ସୃଷ୍ଟି କରିଛି। ଯେଉଁମାନେ ଦ୍ୱିତୀୟ ବ୍ରାହ୍ମଣୀ ସେତୁର ସ୍ଥାନ ଓ କୃଷି ବିଜ୍ଞାନ କେନ୍ଦ୍ର ନିରୂପଣ ନେଇ ନିଜ ସ୍ବାର୍ଥକୁ ଗୁରୁତ୍ୱ ଦେଲେ ମୁଁ ତାଙ୍କୁ ବିରୋଧ କରିଛି। ଯିଏ ଆଦିବାସୀଙ୍କ ଜମି ଦଖଲ କରି କାରଖାନା କଲା, ପ୍ରଦୂଷଣ ସୃଷ୍ଟି ହେଲା, କ୍ଷେତବାଡି ଉଜାଡିଲା ମୁଁ ତାଙ୍କୁ ବିରୋଧ କରିଛି। ଏହାକୁ କିପରି ବିକାଶ ବିରୋଧୀ କୁହାଯିବ ବୋଲି ଜର୍ଜ ପାଲଟା ପ୍ରଶ୍ନ କରିଥିଲେ। ଦ୍ୱିତୀୟ ବ୍ରାହ୍ମଣୀ ସେତୁ, ମେଡିକାଲ କଲେଜ, କୃଷି ବିଜ୍ଞାନ କେନ୍ଦ୍ର, ବିମାନ ବନ୍ଦର, କୋଏଲ ବ୍ୟାରେଜ, ମହାନଗର ନିର୍ବାଚନ ଆଦି କରାଇବାରେ ଯେଉଁମାନେ ବିଫଳ ହେଲେ ସେମାନଙ୍କୁ ବିକାଶ ବିରୋଧୀ କୁହା ନ ଯିବା ବିଡମ୍ବନା ବୋଲି ଜର୍ଜ କହିଥିଲେ।
ଜନମତ ଯାହା ସପକ୍ଷରେ ଯାଇଛି ସେମାନଙ୍କୁ ଆମେ ସ୍ବାଗତ କରୁଛୁ। ଜିଲାର ସାମଗ୍ରିକ ବିକାଶ ନେଇ ଆମ ସହଯୋଗ ଅତୁଟ ରହିବ। ଏଥିସହ ଜିଲାବାସୀଙ୍କ ସ୍ବାର୍ଥ ନେଇ କଂଗ୍ରେସ ଦଳ କେବେ ସାଲିସ କରିବ ନାହିଁ ବୋଲି ସେ ସ୍ପଷ୍ଟ କରିଛନ୍ତି। ଏହି ଅବସରରେ ସେ ଦଳରେ ଥାଇ ବିଶ୍ୱାସଘାତକ କାର୍ଯ୍ୟ କରିଥିବା କେତେଜଣ ବରିଷ୍ଠ ନେତାଙ୍କୁ ଇଙ୍ଗିତ କରିଥିଲେ ା ସେମାନଙ୍କୁ ଦଳରୁ ବହିଷ୍କାର କରାଯିବା ଉପରେ ସେ ଗୁରୁତ୍ୱାରୋପ କରିଥିଲେ। ଏନେଇ ସେ ପ୍ରଦେଶ କଂଗ୍ରେସ ଓ କେନ୍ଦ୍ର ପ୍ରଭାରୀଙ୍କୁ ଜଣାଇ ସାରିଥିତ୍ବା ପ୍ରକାଶ କରିଛନ୍ତି। ଉକ୍ତ ଖବରଦାତା ସମ୍ମିଳନୀରେ କଂଗ୍ରେସ ଟିକଟରୁ ପ୍ରାର୍ଥୀ ହୋଇଥିବା ରଘୁନାଥପାଲ୍ଲୀର ପ୍ରଶାନ୍ତ ସେଠୀ, ରାଉରକେଲାର ବୀରେନ ସେନାପତି ଓ ବୀରମିତ୍ରପୁର ପ୍ରାର୍ଥୀ ରୋହିତ ଯୋଶେଫ ତିର୍କୀ ମଞ୍ଚାସୀନ ଥିଲେ।
ଭାଜପା ମୁଖପାତ୍ର ଗୋଲକ ମହାପାତ୍ର କହିଛନ୍ତି, ଗତଥର ଅପେକ୍ଷା ଏଥର ଜୁଏଲ ଓରାମ ନିଜ ନିର୍ବାଚନମଣ୍ଡଳୀକୁ ଯାଇ ଲୋକମାନଙ୍କ ବହୁ କାମ କରିଛନ୍ତି। ସୁପରସ୍ପେଶିଆଲିଟି ହସ୍ପିଟାଲ କାର୍ଯ୍ୟ ଆରମ୍ଭ ହୋଇଛି। ବ୍ରାହ୍ମଣୀ ଦ୍ୱିତୀୟ ସେତୁ ଓ ଝାରସୁଗୁଡା ବିମାନବନ୍ଦର କାର୍ଯ୍ୟ ମଧ୍ୟ କରାଯାଇଛି। ପ୍ରଧାନମନ୍ତ୍ରୀ ମଧ୍ୟ ନିର୍ବାଚନ ପୂର୍ବରୁ ଗସ୍ତ କରିଥିଲେ। ଗତ ୫ବର୍ଷରେ ମୋଦିଙ୍କ ବିଭିନ୍ନ ଯୋଜନା ବଢିବା ଯୋଗୁ ଭାଜପା ଲୋକଙ୍କ ଆସ୍ଥାଭାଜନ ହୋଇପାରିଛି। ଯେତେବେଳେ କଂଗ୍ରେସ ଗୋଟିଏ ଜାଗାରେ ଜିତିବ ସେଠାରେ ଇଭିଏମ୍‌ ଟାମ୍ପରିଂ ହୁଏ ନାହିଁ। ଯେଉଁଠି କଂଗ୍ରେସ ହାରେ ସେଠାରେ ଇଭିଏମ୍‌ ଟାମ୍ପରିଂ ହୋଇଥାଏ। ଏଭଳି ଅଭିଯୋଗ କରିବା କଂଗ୍ରେସର ପୁରୁଣା ରୋଗ। ଏଭଳି ଅଭିଯୋଗର କୌଣସି ଯଥାର୍ଥତା ନ ଥିବା ଗୋଲକ କହିଛନ୍ତି।


All Right Reserved By

ଓଏସ୍‌ଆର୍‌ଟିସି ବସ୍‌ ସ୍ଥାନାନ୍ତର ଯୋଜନା ପ୍ରତିବାଦରେ ଭଞ୍ଜନଗର ବନ୍ଦ

ଭଞ୍ଜନଗର,୨୧।୫(ଡି.ଏନ୍‌.ଏ.): କ୍ଷତିରେ ଚାଲୁଥିବା ଭଞ୍ଜନଗର ଓଏସ୍‌ଆର୍‌ଟିସିି ଜୋନ୍‌ରୁ ଅନ୍ୟ ଜୋନ୍‌କୁ ବସ୍‌ ସ୍ଥାନାନ୍ତର ଯୋଜନା ପ୍ରତିବାଦରେ କ୍ରିୟାନୁଷ୍ଠାନ କମିଟି ପକ୍ଷରୁ ମଙ୍ଗଳବାର ବନ୍ଦ ଡାକରା ଦିଆଯାଇଛି।...

ଜବରଦଖଲ ହଟୁନି, ରାସ୍ତାକାମ ଆଗଉନି: ବଡମାଣପୁର ଗ୍ରାମବାସୀଙ୍କ ଆନ୍ଦୋଳନ ଚେତାବନୀ

ଦେବଗଡ଼, ୪ା୬(ସ୍ବ.ପ୍ର): ଦେବଗଡ଼ ଜିଲା ବାରକୋଟ ବ୍ଲକ୍‌ ଅଧିନ ବଡମାଣପୁର ଗ୍ରାମରେ ପ୍ରଧାନମନ୍ତ୍ରୀ ସଡ଼କ ଯୋଜନାରେ ନିର୍ମାଣାଧୀନ ରାସ୍ତା କାମ ଆଗେଇ ପାରୁନାହିଁ। ଜବରଦଖଲ ସମସ୍ୟା...

କୋଟିପତି କନିଷ୍ଠ ଯନ୍ତ୍ରୀ ଘରେ ଭିଜିଲାନ୍ସ ଯାଞ୍ଚ: ୧ କୋଟି ୩୩ ଲକ୍ଷ ୨୦ହଜାର ୯୩୯ ଟଙ୍କାର ସମ୍ପତ୍ତି ଠାବ

କଟକ ଅଫିସ,୨୭ା୬: ଜଗତ୍‌ସିଂହପୁର ଜିଲା ରଘୁନାଥପୁର ବ୍ଲକର କନିଷ୍ଠଯନ୍ତ୍ରୀ ତ୍ରିବିକ୍ରମ ସାମନ୍ତରାୟଙ୍କ ବିରୋଧରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ ହୋଇଛି। କଟକ ସ୍ବତନ୍ତ୍ର ଭିଜିଲାନ୍ସ...

ଗ୍ରାହକ ସେବା କେନ୍ଦ୍ରରେ କୋଟିଏ ଟଙ୍କା ଆତ୍ମସାତ: ହିତାଧିକାରୀମାନେ ଥାନାର ଦ୍ୱାରସ୍ଥ

ନୂଆପଡା ଅଫିସ,୧୪ା୭ – ଗ୍ରାହକମାନଙ୍କୁ ଦ୍ୱାର ମୁହଁରେ ବ୍ୟାଙ୍କ ସେବା ଯୋଗାଇ ଦେବାକୁ ଗ୍ରାମାଞ୍ଚଳରେ ଷ୍ଟେଟ ବ୍ୟାଙ୍କ ତରଫରୁ ଗ୍ରାହକ ସେବା କେନ୍ଦ୍ରଗୁଡିକ ସ୍ଥାପନ କରାଯାଇଛି...

୭ ଫୁଟର କଲରାପତରିଆ ବାଘ ଛାଲ ଜବତ, ୩ ଗିରଫ

ଭୁବନେଶ୍ୱର, ୨୧।୬(ବ୍ୟୁରୋ): କ୍ରାଇମ୍‌ବ୍ରାଞ୍ଚର ସ୍ପେଶାଲ ଟାସ୍କ ଫୋର୍ସ(ଏସ୍‌ଟିଏଫ୍‌) ଏକ ୭ ଫୁଟ ଲମ୍ବର କଲରାପତରିଆ ବାଘ ଛାଲ ଶୁକ୍ରବାର ଜବତ କରିଛି। ଏଥିରେ ସମ୍ପୃକ୍ତ ୩...

ପୂର୍ବାହ୍ନ ୧୧ଟା ସୁଦ୍ଧା ଗଞ୍ଜାମରେ ୨୧.୩୩ ପ୍ରତିଶତ ମତଦାନ

ବ୍ରହ୍ମପୁର ଅଫିସ,୧୮ା୪: ଗଞ୍ଜାମ ଜିଲାର ଆସିକା ଲୋକ ସଭା ଏବଂ ଏହା ଅଧୀନ ୭ଟି ବିଧାନସଭା ଯଥା ଆସିକା, ହିଞ୍ଜିଳି, ସାନଖେମୁଣ୍ଡି, ସୋର ପୋଲସରା, ଖଲିକୋଟ...

ବଦାଙ୍ଗିରୁ ବିଦେଶୀ ମଦ ଜବତ

ଭଞ୍ଜନଗର,୧୧।୬(ଡି.ଏନ.ଏ.)- ତାରସିଂ ପୋଲିସ ବୁଧବାର ବଦାଙ୍ଗିରୁ ବିପୁଳ ପରିମାଣର ବିଦେଶୀ ମଦ ଜବତ କରିଛି। ଏହି ମାମଲାରେ ଅଭିଯୁକ୍ତ ସଞ୍ଜୟ ସାହୁଙ୍କୁ ଗିରଫ କରି ଭଞ୍ଜନଗର...

ବନ ମହୋତ୍ସବରେ ସଂକଳ୍ପ:ମହାପ୍ରଭୁଙ୍କ ସେବା ପାଇଁ ପ୍ରାଚୀ ତଟରେ ହେବ ପଦ୍ମବନ ପ୍ରକଳ୍ପ

ଗୋପ/କାକଟପୁର, ୨।୭(ଡି.ଏନ୍‌.ଏ.)-୭୦ତମ ବନମୋହତ୍ସବ ଅବସରରେ ପୁରୀ ଜିଲା ଗୋପ ବ୍ଲକ ନୟାହାଟ ସ୍ଥିତ ପ୍ରାଚୀ ତଟରେ ପଦ୍ମବନ ପ୍ରକଳ୍ପ କାର୍ଯ୍ୟକ୍ରମ ହାତକୁ ନିଆଯାଇଛି। ଶ୍ରୀ ଜଗନ୍ନାଥ...

selfi corner

Model This Week

Why Dharitri

Leave a comment

Your email address will not be published. Required fields are marked *