ମୁକୁଳା ପଡିଛି ୧୯୯ କିମି ନଦୀବନ୍ଧ

ସୋନପୁର,୨ା୬(ନି.ପ୍ର.)ସୁବର୍ଣ୍ଣପୁର ଜିଲାରେ ମହାନଦୀ, ତେଲନଦୀ, ସୁକତେଲ, ଅଙ୍ଗ ଓ ନିବୃତି ଯୋର ପ୍ରବାହିତ ହେଉଛି। ଜିଲାରେ ଏହି ୫ଟି ନଦୀର ମୋଟ ୨୩୩ କିଲୋମିଟର ଲମ୍ବ ନଦୀ ଆଡି ରହିଛି। ବଲାଙ୍ଗୀର ଜଳସେଚନ ବିଭାଗ ପକ୍ଷରୁ ୩୦.୨୯କି.ମି. ନଦୀ ବନ୍ଧକୁ ପୂର୍ବରୁ ସୁଦୃଢ କରାଯାଇଥିଲା। ତେଲ ଜଳସେଚନ ବିଭାଗ ସୁବର୍ଣ୍ଣପୁରରେ ନୂତନ ଭାବେ ପ୍ରତିଷ୍ଠା ହେବା ପରେ ପ୍ରାୟ ୩.୯୦୦କିଲୋମିଟର ମାଟି କାମ ହୋଇଛି। ବାକି ୧୯୯କି.ମି. ନଦୀବନ୍ଧ ଏବେବି ମୁକୁଳା ପଡିଛି। ଉପରମୁଣ୍ଡରେ ବର୍ଷା ହେଲେ ଚିନ୍ତା ବଢୁଛି ତଳମୁଣ୍ଡରେ ଥିବା ଗ୍ରାମବାସୀଙ୍କର। ବର୍ଷା ଦିନେ ହୀରାକୁଦରୁ ଉଦବୃତ୍ତ ପାଣି ଛାଡିଲେ ନଦୀକୂଳିଆ ଗାଁର ଅଧିବାସୀ ଆତଙ୍କରେ ରୁହନ୍ତି। ଜିଲାର ବିନିକା, ଉଲୁଣ୍ଡା ଓ ବୀରମହାରାଜପୁର ବ୍ଲକର ୩୫ ଖଣ୍ଡ ଗାଁର ପ୍ରାୟ ୫୦ ହଜାର ଲୋକ ବର୍ଷା ଦିନ ଆରମ୍ଭରୁ ଦୀର୍ଘ ପ୍ରାୟ ୪ ମାସ ପର୍ଯ୍ୟନ୍ତ ମହାନଦୀର ପାଣିକୁ ଦେଖି ଡରନ୍ତି । ରାଜ୍ୟ ସରକାର ଉପକୂଳ ଜିଲା ମାନଙ୍କରେ ବନ୍ୟା ନିୟନ୍ତ୍ରଣ ପାଇଁ କୋଟି କୋଟି ଟଙ୍କା ବ୍ୟୟ କରି ସୁରକ୍ଷା ପାଚେରୀ, ସ୍ପର ନିର୍ମାଣ ସାଙ୍ଗକୁ ଆନିକଟ କରି ସ୍ଥାୟୀ ବନ୍ୟା ପ୍ରତିକାର ବ୍ୟବସ୍ଥା କରୁଛନ୍ତି । ମାତ୍ର ଏହି ଜିଲାର ନଦୀ ଆଡି ମୁକୁଳା ପଡିଛି । ନିର୍ବାଚନ ବେଳେ ନେତାମାନେ ଗାଁକୁ ଆାସି ସବୁ କରି ଦେବାର ପ୍ରତିଶୃତି ଦେଇ ଚାଲି ଯାଆନ୍ତି । ପରବର୍ତ୍ତୀ ସମୟରେ ସବୁ ଭୁଲି ଯାଇଥାନ୍ତି । ନଦୀକୂଳିଆ ଲୋକେ ଭଗବାନଙ୍କ ଭରସାରେ ସମୟ ଅତିବାହିତ କରୁଛନ୍ତି ।
ଉଲୁଣ୍ଡା ବ୍ଲକର କେଉଟିପାଲି, ଜଗନ୍ନାଥପାଲି, ନିମ୍ନା, ଦଶରାଜପୁର, ମାନମାଲ, ତେଣ୍ଡା, ବଢିଲା, ଖଲିଆପାଲି, ନୂଆଗାଁ, ମୁଣ୍ଡୋଘାଟ, ହିକୁଡି, ବିଜେପୁର, ଝାରପଡା, ନାଚନିପଦର, ଆପଟନୁଆଗଡ, ବୀରମହାରାଜପୁର ବ୍ଲକର ଖମ୍ବେଶ୍ୱରୀପାଲି, ବୁରୋଘାଟ, ନୁଆପାଲି, ନୁଆଗଡ, କୁମୁରସିଂଘା, ଦେଉଳି, ଫୁଲଚରା, ଜଟେସିଂଘା, କେଉଟିପାଲି, ଗୋଧନେଶ୍ୱର, କେଲଗାଁ, ଅମ୍ବସରଭଟା, ଟେଭାପଦର ଓ କୁଞ୍ଜାମହୁଲ, ବିନିକା ଏନଏସିର ବେତ୍ରାପଡା, ମନହରିପଡା, ପାପକ୍ଷୟଘାଟ, ଝାରପଡା, ସେଲେଡି, ତୁଣ୍ଡୁପାଲି, ଗର଼୍ୟାପାଲି, ପଣ୍ଡକିଟାଲ, ସିନ୍ଦୁରପୁର, ଗଣେଷପୁର, ଡାଭଲା ଆଦି ଗ୍ରାମର ଜନସାଧାରଣ ମହାନଦୀ କୂଳରେ ଥିବାରୁ ବର୍ଷାଦିନରେ ଭୟଭୀତ ଅବସ୍ଥାରେ ରହୁଛନ୍ତି । ସୋନପୁର ଓ ତରଭା ବ୍ଲକର ତେଲନଦୀ, ସୁକତେଲ ଓ ନିବୃତି ଯୋର କୂଳରେ ରହୁଥିବା ଗ୍ରାମବାସୀଙ୍କ ସକାଶେ ମଧ୍ୟ ଆବଶ୍ୟକ ବନ୍ୟା ନିୟନ୍ତ୍ରଣ ପାଚେରି ନଥିବାରୁ ହରଡଖୋଲ ପଞ୍ଚାୟତର ବୈଦ୍ୟନାଥ, ଛେପାପାଲି, ଲକର୍ମା ଓ ତରଭା ବ୍ଲକ ଅଞ୍ଚଳର ଭୁଡାର, କର୍ଲାମୁହାଣ ଓ ମହୁଲଖୁଣ୍ଟ ଆଦି ଶତାଧିକ ଗ୍ରାମର ଜନସାଧାରଣ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି । ସେହିପରି ଅଙ୍ଗନଦୀ ଡୁଙ୍ଗୁରିପାଲି ବ୍ଲକର ଦିଗଶିରାଠାରେ କୂଳ ଖାଉଛି । ତରଭା ଓ ସୋନପୁର ବ୍ଲକର କିଛି ଅଞ୍ଚଳରେ ବନ୍ୟା ସୁରକ୍ଷା ପାଚେରି ନିର୍ମାଣ କରା ଯାଉଥିଲେ ସୁଦ୍ଧା ତାହା ସମୁଦ୍ରକୁ ସଙ୍ଖେ । ମହାନଦୀରେ ପ୍ରତ୍ୟେକ ବର୍ଷ ବନ୍ୟା ଆସି ନଦୀକୂଳିଆ ଗ୍ରାମମାନଙ୍କରେ ପ୍ରଭୂତ କ୍ଷୟକ୍ଷତି ଘଟାଉଛି । ପଞ୍ଚମହଲା ପଞ୍ଚାୟତର ଜଗନ୍ନାଥପାଲିଠାରୁ ପିତାମହୁଲ ପଞ୍ଚାୟତର କୁଞ୍ଜାମହୁଲ ଗ୍ରାମ ପର୍ଯ୍ୟନ୍ତ ମହାନଦୀର କୌଣସି ଗୋଟିଏ ସ୍ଥାନରେ ବନ୍ୟା ସୁରକ୍ଷା ପ୍ରାଚରି ନିର୍ମାଣ ହୋଇପାରିନାହିଁ । ଫଳରେ ଗାଁ ମାନଙ୍କରେ କ୍ଷୟକ୍ଷତି ହେବା ସହ ଚାଷଜମିରେ ବନ୍ୟା ପାଣି ମାଡି ଫସଲ ନଷ୍ଟ ହେଉଛି । ବନ୍ୟା ନିୟନ୍ତ୍ରଣ ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ଯୋଜନା କାର୍ଯ୍ୟକାରୀ କରାଯାଉଛି । ହେଲେ ଏହି ଜିଲାଟି ବଲାଙ୍ଗୀର ଜଳସେଚନ ବିଭାଗ ଅଧିନରେ ଦୀର୍ଘବର୍ଷ ରହି ଥିବାରୁ ବିଭାଗୀୟ ଅଧିକାରୀ ମାନେ ଅଣଦେଖା କରି ଆସୁଛନ୍ତି । ତେଣୁ ଆଜି ବି ନଦୀ କୂଳରେ ଥିବା ଗାଁ ଗୁଡିକୁ ବନ୍ୟା ଦାଉରୁ ରକ୍ଷା କରିବା ପାଇଁ କୌଣସି ସ୍ଥାୟୀ ବ୍ୟବସ୍ଥା ହୋଇପାରିନି । ଜଳସମ୍ପଦ ବିଭାଗ ଅନୁଦାନର ସିଂହଭାଗ ଉପକୂଳ ଜିଲାକୁ ଚାଲି ଯାଉଥିବା ଅଭିଯୋଗ ହେଉଛି । ନବୀନଙ୍କ ଚତୁର୍ଥ ପାଳିର ଶେଷ ଦେଢ ବର୍ଷ ସ୍ଥାନୀୟ ବିଧାୟକ ନିରଞ୍ଜନ ପୂଜାରୀ ଜଳସମ୍ପଦ ମନ୍ତ୍ରୀ ହୋଇଥିଲେ । ତାଙ୍କ ସମୟରେ ଆଡିବନ୍ଧ ନିର୍ମାଣ ପାଇଁ ଅନୁଦାନ ଆସିଥିଲା । ଏ ସମ୍ପର୍କରେ ତେଲ ଜଳସେଚନ ବିଭାଗର ନିର୍ବାହୀ ଯନ୍ତ୍ରୀ ଇଂ ଦିଲ୍ଳିପ କୁମାର ପାତ୍ର କୁହନ୍ତି ନୂତନ ଡିଭିଜନ ପ୍ରତିଷ୍ଠା ହେବା ପରେ ୩ ବର୍ଷ ମଧ୍ୟରେ ଜିଲାରେ ପ୍ରାୟ ୪ କିଲୋମିଟର ମୁକୁଳା ନଦୀ ଆଡିକୁ ସୁଦୃଢ କରାଯାଇଛି । ଆଉ ୧୧୬.୯୦କିଲୋମିଟର ଦୁର୍ବଳ ଆଡିବନ୍ଧକୁ ସୁଦୃଢ କରିବା ପାଇଁ ୨୨୦ କୋଟି ଟଙ୍କାର ପ୍ରସ୍ତାବ ସରକାରଙ୍କୁ ପଠାଯାଇଥିଲା । ଏହା ଟିଏସି(ଟେକ୍‌ନିକାଲ ଏଡଭାଇଜରୀ କମିଟି)ରେ ଅନୁମୋଦନ ପାଇଛି । ଅନୁଦାନ ଆସିଲେ ମୁକୁଳା ପଡିଥିବା ନଦୀବନ୍ଧକୁ ପର୍ଯ୍ୟାକ୍ରମେ ସୁଦୃଢ କରାଯିବ।


All Right Reserved By

ମଦ୍ୟପ ବାପାଙ୍କୁ ହତ୍ୟା କଲା ପୁଅ

ବୌଦ୍ଧ, ୮ା୬(ସ୍ବ.ପ୍ର): ବୌଦ୍ଧ ଥାନା ଅନ୍ତର୍ଗତ ସରଣ୍ଡା ଗ୍ରାମରେ ଗୁରୁବାର ଏକ ହତ୍ୟା ଘଟଣା ଘଟିଛି । ମଦ୍ୟପ ବାପାଙ୍କ ନିର୍ଯାତନା ଅସହ୍ୟ ହେବାରୁ ପୁଅ...

ପଦ୍ମପୁର ବିଧାନସଭା: ଭାଜପା ଆଗରେ

ପଦ୍ମପୁର,୨୩।୫: ପଦ୍ମପୁର ବିଧାନସଭା ଆସନରୁ ଭାଜପା ପ୍ରାର୍ଥୀ ପ୍ରଦୀପ ପୁରୋହିତ ଆଗୁଆ ଅଛନ୍ତି। ପଞ୍ଚମ ରାଉଣ୍ଡ ଗଣତି ଶେଷ ସୁଦ୍ଧା ପ୍ରଦୀପ ୯୦୦୨ ଭୋଟ ପାଇଥିବାବେଳେ...

ଚିପିଲିମା ଘଣ୍ଟେଶ୍ୱରୀ ସ୍ବାଗତ ଫାଟକରୁ ପଥର ପ୍ଲେଟ୍‌ ଖସୁଛି

ଚିପିଲିମା, ୨୭।୫ (ଡି.ଏନ.ଏ):ସମ୍ବଲପୁର ଜିଲା ଚିପିଲିମାସ୍ଥିତ ମୁଖ୍ୟ ଛକରେ ଥିବା ଘଣ୍ଟେଶ୍ୱରୀଙ୍କ ପୀଠର ସ୍ବାଗତ ଫାଟକ ଅସୁରକ୍ଷିତ। ହେଲେ ଏହି ଫାଟକରୁ କିଛି ଦିନ ହେଲା...

ଖଇରମାଳରୁ ୧୦ ଫୁଟ ଲମ୍ବର ଅଜଗର ଉଦ୍ଧାର

ମନମୁଣ୍ଡା,୫।୭(ଡି.ଏନ୍‌.ଏ.): ବୌଦ୍ଧ ଜିଲା ମନମୁଣ୍ଡା ରେଞ୍ଜ ଖଇରମାଳ ଗ୍ରାମରୁ ଶୁକ୍ରବାର ଏକ ୧୦ ଫୁଟ ଲମ୍ବର ଅଜଗର ସାପ ଉଦ୍ଧାର କରାଯାଇଛି। ଗାଁ ନିକଟସ୍ଥ ବିଲରେ...

ଧାନ ନ ଉଠିବା ପ୍ରତିବାଦଧର୍ମଗଡରେ ଚାଷୀଙ୍କ ରାସ୍ତାରୋକୋ

ଧର୍ମଗଡ,୧୫।୭(ଡି.ଏନ.ଏ.): କଳାହାଣ୍ଡି ଜିଲାରେ ଚଳିତ ରବି ଋତୁରେ ମଣ୍ଡି ଖୋଲିବା ଦିନଠାରୁ ଅବ୍ୟବସ୍ଥା ଲାଗି ରହିଥିବା ବେଳେ ଆଜି ପର୍ଯ୍ୟନ୍ତ ସମସ୍ୟା ଚାଷୀଙ୍କ ପିଛା ଛାଡୁନି।...

ସରକାରୀ ସହାଯ୍‌ ଅପେକ୍ଷାରେ ଡମ୍ବରୁଧର

ଲାଠୋର, ୧ା୬ (ଡି.ଏନ.ଏ.): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଲାଠୋର କଲୋନୀ ପଡ଼ାର ଡମ୍ବରୁଧର ନାଗ(୫୮)। ତାକର ପରିବାର କହେଲେ ମାଏକିନା ଯଶୋଦା(୫୨) ଆର ପୁଷିଅଁା...

ମାଲକାନଗିରି: ତୃତୀୟ ରାଉଣ୍ଡରେ ଭାଜପାର ଆଦିତ୍ୟ ମାଢ଼ି ଆଗୁଆ

ମାଲକାନଗିରି,୨୩ା୫(ସ୍ବ.ପ୍ର.): ମାଲକାନଗିରି ବିଧାନସଭା ନିର୍ବାଚନ ମଣ୍ଡଳୀରେ ତୃତୀୟ ରାଉଣ୍ଡ ଗଣତିରେ ଭାଜପା ପ୍ରାର୍ଥୀ ଆଦିତ୍ୟ ମାଢ଼ି ଆଗୁଆ ରହିଛନ୍ତି। ତୃତୀୟ ରାଉଣ୍ଡ ସୁଦ୍ଧା ଆଦିତ୍ୟ ମାଢ଼ି...

ପେଟର ଲାଗି ନାଟ:୪୪ ଡିଗ୍ରୀ ଖରାରେ ସିଝୁଛେ ମୁନୁଷ୍‌

ଅତାବିରା, ୨୧ା୫ (ଡି.ଏନ୍‌.ଏ): ଦିନୁଦନ୍‌କେ ଖରା ତାତି ବଢ଼ତେଲ ଯାଉଛେ। ଲୋକ୍‌ ଖରା ଝାଉର ଲାଗି ଅଥାଥାଲି ହେଇଯାଉଛନ୍‌। ସଭେ ଛାଇତଲ ଖୁଜୁଛନ୍‌। ସକାଲର ୯...


selfi corner

Model This Week

Why Dharitri

Leave a comment

Your email address will not be published. Required fields are marked *