ସୁଇସ୍‌ ବ୍ୟାଙ୍କରେ କଳାଧନ: ୧୧ ଭାରତୀୟଙ୍କୁ ଜାରି ହେଲା ନୋଟିସ୍‌

ନୂଆଦିଲ୍ଲୀ,୨୭-୫: ବ୍ୟାଙ୍କିଙ୍ଗ୍‌ ଗୋପନୀୟତାକୁ ନେଇ ବିଶ୍ୱରେ ସମାଲୋଚନାର ଶିକାର ହୋଇଆସୁଥିବା ସୁଇଜରଲାଣ୍ଡ ଏବେ ନିଜର ମତ ପରିବର୍ତ୍ତନ କରିଛି। ନିକଟ ଅତୀତରେ ଏହା ଭାରତୀୟଙ୍କ କଳାଧନ ସମ୍ପର୍କିତ ତଥ୍ୟ ପ୍ରଦାନ କରିବା ଆରମ୍ଭ କରିଛି। ଏହାକୁ ଦୃଷ୍ଟିରେ ରଖି ସୁଇଜରଲାଣ୍ଡ ୧୧ ଜଣ ଭାରତୀୟଙ୍କୁ ଗତ ସପ୍ତାହରେ ନୋଟିସ ଜାରି କରିଛି।
ପ୍ରାପ୍ତ ସୂଚନାରୁ ପ୍ରକାଶ ଯେ, ଗତ ମାର୍ଚ୍ଚରୁ ଅତିକମ୍‌ରେ ୨୫ ଜଣ ଭାରତୀୟଙ୍କୁ ସୁଇଜରଲ୍ୟାଣ୍ଡ କର୍ତ୍ତୃପକ୍ଷ ନୋଟିସ ଜାରି କରିଛନ୍ତି। ଭାରତକୁ ସୂଚନା ଜାରି କରିବା ପୂର୍ବରୁ ବ୍ୟାଙ୍କ ଆକାଉଣ୍ଟଧାରୀଙ୍କୁ କର୍ତ୍ତୃପକ୍ଷ ଅପିଲ୍‌ ପାଇଁ ଅନ୍ତିମ ସୁଯୋଗ ଦେଇଛି। ସୂଚନା ଜାରି କରିବାର ଅଧିକାର ପାଇଥିବା ଫେଡେରାଲ ଟ୍ୟାକ୍ସ ଆଡ୍‌ମିନିଷ୍ଟ୍ରେଶନ ପକ୍ଷରୁ ବିଶ୍ୱର ବିଭିନ୍ନ ଦେଶକୁ ସୁଇସ୍‌ ବ୍ୟାଙ୍କ ଆକାଉଣ୍ଟ ସମ୍ପର୍କିତ ସୂଚନା ପ୍ରଦାନ କରିବା ଆରମ୍ଭ କରାଯାଇଛି। ପ୍ରଦତ୍ତ ତଥ୍ୟ ବିଶ୍ଲେଷଣରୁ ଜଣାପଡିଛି ଯେ, ଗତ କେଇ ସପ୍ତାହ ହେଲା ସୁଇଜରଲାଣ୍ଡ ପକ୍ଷରୁ ଭାରତକୁ ସୂଚନା ପ୍ରଦାନ କରିବା କାର୍ଯ୍ୟ ଜୋରଦାର ହୋଇଛି। ମେ ୨୧ରେ ୧୧ ଜଣ ଭାରତୀୟଙ୍କୁ ଆଡମିନିଷ୍ଟ୍ରେଶନ ପକ୍ଷରୁ ନୋଟିସ ଜାରି କରାଯାଇଛି। ତେବେ ସୁଇସ୍‌ ସରକାରଙ୍କ ଗେଜେଟ୍‌ରେ ପ୍ରକାଶିତ ତଥ୍ୟରେ ଆକାଉଣ୍ଟଧାରୀଙ୍କ ନାମ ଗୋପନ ରଖାଯାଇଛି। ସେମାନଙ୍କ ସଂକ୍ଷେପ ନାମ, ସ୍ବାକ୍ଷର, ଜାତୀୟତା ଏବଂ ଜନ୍ମ ତାରିଖ ପ୍ରକାଶ କରାଯାଇଛି।
ତେବେ ଦୁଇ ଜଣ ଭାରତୀୟଙ୍କ ନାମ ସମ୍ପୂର୍ଣ୍ଣ ପ୍ରକାଶ କରାଯାଇଛି। ସେମାନେ ହେଲେ କ୍ରିଷ୍ଣା ଭଗବାନ ରାମଚନ୍ଦ(ମେ,୧୯୪୯ରେ ଜନ୍ମ) ଏବଂ କଳ୍ପେଶ ହର୍ଷଦ କିନାରିଓ୍ବାଲା(ସେପ୍ଟେମ୍ବର, ୧୯୭୨ରେ ଜନ୍ମ)। ସେମାନଙ୍କ ସମ୍ପର୍କରେ ଅନ୍ୟ କୌଣସି ସୂଚନା ପ୍ରକାଶ କରାଯାଇନାହିଁ। ସଂକ୍ଷେପରେ ନାମ ଜାରି କରାଯାଇଥିବା ଅନ୍ୟ ଭାରତୀୟମାନେ ହେଲେ ଏ. ଏସ.୍‌ ବି. କେ.(ଜନ୍ମ ନଭେମ୍ବର ୨୪,୧୯୪୪), ଏ.ବି.କେ(ଜନ୍ମ ୯ ଜୁଲାଇ, ୧୯୪୪), ପି.ଏ.ଏସ୍‌(ଜନ୍ମ ୨ ନଭେମ୍ବର, ୧୯୮୩), ଆର୍‌.ଏ.ଏସ୍‌(ଜନ୍ମ ୨୨ ନଭେମ୍ବର, ୧୯୭୩), ଏ.ପି.ଏସ୍‌(ଜନ୍ମ ୨୭ ନଭେମ୍ବର, ୧୯୪୪), ଏ.ଡି.ଏସ୍‌(ଜନ୍ମ ୧୪ ଅଗଷ୍ଟ, ୧୯୪୯), ଏମ୍‌.ଏଲ୍‌.ଏ(ଜନ୍ମ ୨୦ ମେ, ୧୯୩୫), ଏନ୍‌, ଏମ୍‌.ଏ(ଜନ୍ମ ୨୧ ଫେବୃୟାର,୧୯୬୮) ଏବଂ ଏମ୍‌.ଏମ୍‌.ଏ(ଜନ୍ମ ୨୭ ଜୁନ୍‌, ୧୯୭୩)। ଜାରି କରାଯାଇଥିବା ନୋଟିସରେ ଆକାଉଣ୍ଟଧାରୀ ନିଜେ ଅଥବା ନିଜର ପ୍ରତିନିଧିଙ୍କ ଜରିଆରେ ଅପିଲ୍‌ ଦାଖଲ କରିବାକୁ କୁହାଯାଇଛି। ଆସନ୍ତା ୩୦ ଦିନ ଭିତରେ ସମସ୍ତ କାଗଜପତ୍ର ସହ ଅପିଲ କରିବାକୁ ହେବ ବୋଲି ସେମାନଙ୍କୁ ନିର୍ଦ୍ଦେଶ ଦିଆଯାଇଛି। ଚଳିତ ମାସ ୭ରେ ରତନ ସିଂ ଚୌଧୁରୀ ନାମକ ଅନ୍ୟ ଭାରତୀୟଙ୍କୁ ନୋଟିସ ଜାରି କରି ସୁଇସ୍‌ କର୍ତ୍ତୃପକ୍ଷ ଅପିଲ କରିବା ଲାଗି ୧୦ ଦିନ ସମୟ ଦେଇଥିଲେ।
ସେହିପରି ମେ ୧୪ରେ ଆର୍‌.ପି.ଏନ୍‌ ନାମକ ଜଣେ ଭାରତୀୟଙ୍କୁ ୩୦ ଦିନ ସମୟ ଦିଆଯାଇଥିଲା। ସୂଚନାଯୋଗ୍ୟ ଯେ, ନୋଟିସ ଜାରି କରାଯାଇଥିବା ଅଧିକାଂଶ ଭାରତୀୟଙ୍କ ନାମ ଏଚ୍‌ଏସ୍‌ବିସି ଏବଂ ପାନାମା ପେପର୍ସ ଲିକ୍‌ ତାଲିକାରେ ରହିଛି। ସୁଇସ ଆଇନ ଅନୁଯାୟୀ ୩୦ ଦିନ ଅଥବା ବିଶେଷ କ୍ଷେତ୍ରରେ ୧୦ ଦିନ ଭିତରେ ଏଫ୍‌ଟିଏ ନିଷ୍ପତ୍ତି ଉପରେ ଅପିଲ କରାଯାଇପାରିବ। ତେବେ ଏଥିପାଇଁ ଆବେଦନକାରୀଙ୍କ ନିକଟରେ ଯଥେଷ୍ଟ କାରଣ ଥିବା ଆବଶ୍ୟକ। ସୂଚନାଥାଉ କି, ସୁଇଜରଲ୍ୟାଣ୍ଡ କଳାଧନ ଲୁଚାଇ ରଖିବାର ପ୍ରକୃଷ୍ଟ ସ୍ଥାନ ହୋଇଥିବାରୁ ବିଶ୍ୱର କୋଟିପତି ମାନେ ସେ ଦେଶରେ ନିଜର କଳାଧନ ଲୁଚାଇ ରଖିଆସୁଛନ୍ତି। ତେବେ ସୁଇସ୍‌ ସରକାର ଆଇନ ଜରିଆରେ ଏବେ ଭାରତ ସମେତ ବିଶ୍ୱର ବିଭିନ୍ନ ଦେଶକୁ କଳାଧନର ତଥ୍ୟ ଦେବାକୁ ନିଷ୍ପତ୍ତି ନେଇଛି।


All Right Reserved By

ଚାଷୀଙ୍କ ପାଇଁ ଆସିବ ପେନସନ ବ୍ୟବସ୍ଥା

ନୂଆଦିଲ୍ଲୀ,୩୦-୫: ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ସ୍କିମ୍‌ ଜରିଆରେ ସାଧାରଣ ନିର୍ବାଚନ ପୂର୍ବରୁ ଦେଶର ୧୨ କୋଟି ଚାଷୀ ପରିବାରଙ୍କୁ ସହାୟତା ପ୍ରଦାନ କରିବା ପରେ...

ଜେଟ୍‌ ଏୟାରଓ୍ବେଜ୍‌କୁ ଉଦ୍ଧାର କରିବେ କର୍ମଚାରୀ

ନୂଆଦିଲ୍ଲୀ,୨୯-୬: ଆର୍ଥିକ ସଙ୍କଟ କାରଣରୁ ଅସ୍ଥାୟୀ ଭାବେ ବନ୍ଦ ହୋଇଯାଇଥିବା ଜେଟ୍‌ ଏୟାରଓ୍ବେଜ୍‌ ଉଦ୍ଧାର କରିବା ଲାଗି ଏହାର କର୍ମଚାରୀମାନେ ଆଗେଇ ଆସିଛନ୍ତି। ଏୟାରଲାଇନ୍ସର ୭୫%...

ବଢ଼ିଲା ଅନିଲ ଅମ୍ବାନୀଙ୍କ ଅଡ଼ୁଆ;ଅବମାନନା ମାମଲାରେ ଏନ୍‌ସିଏଲ୍‌ଏଟିଙ୍କ ନୋଟିସ

ନୂଆଦିଲ୍ଲୀ,୧୮-୪: ରିଲାଏନ୍ସ ଗ୍ରୁପ୍‌ ଅଧ୍ୟକ୍ଷ ଅନିଲ ଅମ୍ବାନୀଙ୍କ ଅଡ଼ୁଆ ବଢ଼ୁଛି ପଛେ କମିବାର ନାଁ ଧରୁନି। ଏଚ୍‌ଏସ୍‌ବିସି ଡେଜି ଶେୟାରଧାରୀଙ୍କ ଦ୍ୱାରା ଦାୟର ଅବମାନନା ମାମଲାରେ...

ବିଆଇଏସ୍‌ ଅଧୀନକୁ ଆସିବ ହେଲମେଟ ସୁରକ୍ଷାମାନ

ନୂଆଦିଲ୍ଲୀ,୨୩-୪: ଦୁଇଚକିଆ ଗାଡ଼ିଚାଳକମାନେ ବ୍ୟବହାର କରୁଥିବା ହେଲମେଟର ସୁରକ୍ଷା ମାନକୁ ବ୍ୟୁରୋ ଅଫ୍‌ ଇଣ୍ଡିଆନ ଷ୍ଟାଣ୍ଡାର୍ଡ(ବିଆଇଏସ୍‌) ଅଧୀନକୁ ଅଣାଯିବ। ଏଥିପାଇଁ ଏକ ନୂଆ ନିୟମ ଲାଗୁ...

ବକେୟା ସ୍ପେକ୍ଟ୍ରମ ଫି ଦେବାରେ ଆର୍‌କମ୍‌ ପୁଣି ବିଫଳ

ନୂଆଦିଲ୍ଲୀ,୨୮-୪: ରିଲାଏନ୍ସ କମ୍ୟୁନିକେଶନ(ଆର୍‌କମ୍‌) ପୁଣି ଥରେ ଟେଲିକମ୍‌ ବିଭାଗ(ଡିଓଟି)କୁ ବକେୟା ୪୯୨ କୋଟି ଟଙ୍କା ଫି ଦେବାରେ ବିଫଳ ହୋଇଛି। ଜଣେ  ଅଧିକାରୀ ଏ ସମ୍ପର୍କରେ...

ଜିଏସ୍‌ଟି ଅଧୀନକୁ ଆସିବନି ପେଟ୍ରୋଲ,ଡିଜେଲ

ନୂଆଦିଲ୍ଲୀ,୧୮-୬: ପେଟ୍ରୋଲିୟମ ଉତ୍ପାଦକୁ ଜିଏସ୍‌ଟି ଅଧୀନକୁ ଆଣିବା ଲାଗି ତେଲ ଓ ବିମାନ କମ୍ପାନୀଙ୍କ ଦୀର୍ଘଦିନର ଦାବିକୁ କେନ୍ଦ୍ର ସରକାର ପ୍ରତ୍ୟାଖ୍ୟାନ କରିଦେଇଛନ୍ତି। ଫଳରେ ତେଲକୁ...

ନିର୍ବାଚନ ଫଳାଫଳ ଉପରେ ଆମେରିକା କମ୍ପାନୀଙ୍କ ନଜର;ଚାଇନା ଛାଡି ଭାରତରେ କରିବେ ନିବେଶ

ନୂଆଦିଲ୍ଲୀ,୨୨-୫: ଦେଶର ସାଧାରଣ ନିର୍ବାଚନ ଫଳାଫଳକୁ ନେଇ ଲୋକଙ୍କ ମନରେ ଉତ୍କଣ୍ଠା ବଢି ଚାଲିଥିବା ବେଳେ ଏହା ଉପରେ ଆମେରିକା କମ୍ପାନୀଙ୍କ ନଜରରେ ରହିଛି। କେନ୍ଦ୍ରରେ...

ହିସାବ ଚୂଡ଼ାନ୍ତ କରିବା ପାଇଁ ଏୟାର ଇଣ୍ଡିଆକୁ ୫୦ ଦିନ ସମୟ

ନୂଆଦିଲ୍ଲୀ,୧୨-୫: ରାଷ୍ଟ୍ରାୟତ୍ତ ବିମାନ କମ୍ପାନୀ ଏୟାର ଇଣ୍ଡିଆ ଉପରେ ଏବେ ପ୍ରାୟ ୫୦ ହଜାର କୋଟି ଟଙ୍କାରୁ ଉର୍ଦ୍ଧ୍ୱ ଋଣ ବକେୟା ରହିଛି। ଚଳିତ ଆର୍ଥିକ...


selfi corner

Model This Week

Why Dharitri

Leave a comment

Your email address will not be published. Required fields are marked *