ମୋଦିଙ୍କ ନିର୍ବାଚନୀ ପ୍ରତିଶ୍ରୁତି; ଅର୍ଥନୀତିକୁ ମିଳିବ ୧୦୦ ଲକ୍ଷ କୋଟି

ନୂଆଦିଲ୍ଲୀ,୨୬-୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଏନ୍‌ଡିଏ ସରକାର ଖୁବଶୀଘ୍ର ଦ୍ୱିତୀୟ କାର୍ଯ୍ୟକାଳ ସମ୍ଭାଳିବାକୁ ଯାଉଛିି। ନୂଆ ସରକାର ଗଠନ ପରେ ଭାଜପାର ନିର୍ବାଚନୀ ପ୍ରତିଶ୍ରୁତି ପାଳନ ପ୍ରଧାନମନ୍ତ୍ରୀ ମୋଦିଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ ହେବ। ବିଶେଷଜ୍ଞଙ୍କ ମତରେ ମୋଦି ତାଙ୍କର ପ୍ରତିଶ୍ରୁତି ମଧ୍ୟରୁ ଯଦି ଅଧା ପାଳନ କରନ୍ତି ତେବେ ଅର୍ଥନୀତିରେ ପ୍ରାୟ ୧୦୦ ଲକ୍ଷ କୋଟି ଟଙ୍କା (୧.୪୪ ଲକ୍ଷ କୋଟି ଡଲାର) ପ୍ରବେଶ କରିବ।
ଚାଷୀଙ୍କୁ ସହାୟତା ପ୍ରଦାନ, ସଡ଼କ, ରେଳଓ୍ବେ ଓ ଅନ୍ୟାନ୍ୟ ଭିତ୍ତିଭୂମି ନିର୍ମାଣ ସାଙ୍ଗକୁ ଉତ୍ପାଦନ ଏବଂ ରପ୍ତାନି ବୃଦ୍ଧି କରିବା ଲାଗି ଭାଜପା ନିର୍ବାଚନ ପ୍ରଚାର ବେଳେ ପ୍ରତିଶ୍ରୁତି ଦେଇଥିଲା। ଏବେ ଅର୍ଥନୀତିକୁ ପ୍ରୋତ୍ସାହିତ କରିବା ଲାଗି ଅର୍ଥର ଆବଶ୍ୟକତା ରହିଛି। ବାସ୍ତବିକତାକୁ ଦେଖିଲେ ନିବେଶ ହ୍ରାସ ପାଇଛି ଏବଂ ଅଣ-ଆନୁଷ୍ଠାନିକ ତଥ୍ୟକୁ ଦେଖିଲେ ବେକାରି ବଢ଼ିଛି। ଅନ୍ୟପକ୍ଷରେ ଅର୍ଥନୀତିଜ୍ଞମାନେ ମାର୍ଚ୍ଚରେ ଶେଷ ହୋଇଥିବା ତ୍ରୈମାସରେ ଦେଶର ବିକାଶ ହାର ୬.୫% ରହିବ ବୋଲି ଅନୁମାନ କରିଛନ୍ତି, ଯାହା କି ୨୦୧୭ ମଧ୍ୟଭାଗ ପରେ ସବୁଠାରୁ ଧୀମା ଗତି ବୋଲି କୁହାଯାଉଛି। ବ୍ଲୁମ୍‌ବର୍ଗ ରିପୋର୍ଟ ଅନୁଯାୟୀ, ଲୋକଙ୍କୁ ଆକର୍ଷିତ କରୁଥିବା ପ୍ରତିଶ୍ରୁତି ପାଳନ କରିବା ଲାଗି ଅର୍ଥ ଯୋଗାଡ କରିବା ମୋଦି ସରକାରଙ୍କ ପାଇଁ ତାତ୍କାଳିକ ଆହ୍ବାନ ହେବ। ସରକାର ପୂର୍ବରୁ ହିଁ ମାର୍ଚ୍ଚ ୨୦୨୦ ସୁଦ୍ଧା ସରକାରଙ୍କ ବଜେଟ ନିଅଣ୍ଟ ପରିମାଣ ଜିଡିପିର ୩.୪% ରହିବ ବୋଲି ଆକଳନ କରିଛନ୍ତି। ରାଜସ୍ବ ହ୍ରାସ ଯୋଗୁ ସରକାର କେନ୍ଦ୍ରୀୟ ବ୍ୟାଙ୍କରୁ ଅତିରିକ୍ତ ଋଣ ନେବାକୁ ବିଚାର କରୁଛନ୍ତି। ରାଜସ୍ବ ନିଅଣ୍ଟ ବଢ଼ିଲେ ଦେଶର କ୍ରେଡିଟ ରେଟିଂ ଉପରେ ଏହାର ଜୋରଦାର ପ୍ରଭାବ ପଡିବ। ଫିଚ୍‌ ରେଟିଙ୍ଗ୍‌ସ ପକ୍ଷରୁ କୁହାଯାଇଛି ଯେ, ଆୟରେ ସୁଧାର ନୂଆ ସରକାରଙ୍କ ପାଇଁ ମହତ୍ୱପୂର୍ଣ୍ଣ ହେବ। ଭାଜପା କାର୍ଯ୍ୟକାଳରେ ନିକଟ ଅତୀତରେ ରାଜସ୍ବ ଆୟ ବାଧାପ୍ରାପ୍ତ ହୋଇଛି। ଅନ୍ୟପକ୍ଷରେ ନିର୍ବାଚନ ବେଳେ ଚାଷୀଙ୍କ ଆୟ ନେଇ ଦିଆଯାଇଥିବା ପ୍ରତିଶ୍ରୁତି ଯୋଗୁ ଖର୍ଚ୍ଚ ଉପରେ ବୋଝ ବଢ଼ିବାରେ ଲାଗିଛି। କ୍ୟାପିଟାଲ ଇକୋନୋମିକ୍ସ ଲିମିଟେଡର ବରିଷ୍ଠ ଅର୍ଥନୀତିଜ୍ଞ ଶିଲନ ଶାହ୍‌ କହିଛନ୍ତି ଯେ, ସୀମିତ ରାଜକୋଷ ସମ୍ଭାବନା ମଧ୍ୟରେ ସରକାରଙ୍କ ପକ୍ଷରେ ସବୁ ପ୍ରତିଶ୍ରୁତି ପାଳନ କରିବା ସମ୍ଭବପର ନୁହେଁ। ତଥାପି ଆଂଶିକ ରୂପରେ ପାଳନ ହେଲେ ମଧ୍ୟ ବିକାଶ ଆଶାତୀତ ଭାବେ ସୁଦୃଢ଼ ହେବ। ସୂଚନାଥାଉ କି, ଭାଜପା ଏହାର ଘୋଷଣାପତ୍ରରେ ୨୦୨୪ ସୁଦ୍ଧା ଢାଞ୍ଚାଗତ ଭିତ୍ତିଭୂମି ନିର୍ମାଣ ଲାଗି ୧୦୦ ଲକ୍ଷ କୋଟି ଟଙ୍କାର ନିବେଶ ଲକ୍ଷ୍ୟ ରଖିଛି। ମାର୍ଚ୍ଚ ୨୦୧୯ ସୁଦ୍ଧା ସଡ଼କ ଓ ରେଲଓ୍ବେ ପାଇଁ ପ୍ରାୟ ୧.୨ ଲକ୍ଷ କୋଟି ଟଙ୍କା ସରକାରୀ ଖର୍ଚ୍ଚକୁ ଦୃଷ୍ଟିରେ ରଖିଲେ ଭାଜପାର ପ୍ରତିଶ୍ରୁତି ଅତ୍ୟଧିକ ମନେହେଉଛି। ବ୍ଲୁମ୍‌ବର୍ଗର ଅର୍ଥନୀତିଜ୍ଞ ଅଭିଷେକ ଗୁପ୍ତାଙ୍କ ମତରେ ଦେଶର ଅର୍ଥନୀତି ଧୀମା ଗତିରେ ଆଗେଉଛି। ଏହା ଗତିଶୀଳ ହେବା ପୂର୍ବରୁ ବର୍ଷର ଶେଷାର୍ଦ୍ଧରେ ଆହୁରି ଧୀମା ହୋଇଯିବାର ସମ୍ଭାବନା ରହିଛି। ମୋଦିଙ୍କ ପ୍ରଥମ କାର୍ଯ୍ୟକାଳରେ ଦେଶର ଅର୍ଥନୀତିର ଫଳାଫଳ ମିଶ୍ରିତ ରହିଛି। ସେ କହିଛନ୍ତି ଯେ, ସରକାର ନାଲିଫିତା ପରମ୍ପରା ବନ୍ଦ କରିବା ସହିତ ବର୍ଷ ପୁରୁଣା ଦେବାଳିଆ ଆଇନରେ ସଂଶୋଧନ କରିଛନ୍ତି ଏବଂ ଦେଶବ୍ୟାପୀ ଏକକ ଟିକସ ବ୍ୟବସ୍ଥା ଲାଗୁ କରିଛନ୍ତି, ଯାହାକୁ ଲୋକେ ପସନ୍ଦ କରିଛନ୍ତି। ବିମୁଦ୍ରୀକରଣ ଓ ଜିଏସ୍‌ଟି ବ୍ୟବସାୟ ଗତିବିଧିକୁ ପ୍ରଭାବିତ କରିଛି, ଯାହାର ପ୍ରଭାବ ଏବେ ସୁଦ୍ଧା ଦେଖିବାକୁ ମିଳୁଛି। ଅନ୍ୟ ଜଣେ ଅର୍ଥନୀତିଜ୍ଞ ଆଣ୍ଡି ମୁଖାର୍ଜୀଙ୍କ ମତରେ ମୋଦି ସରକାର ନିଜର ପ୍ରଥମ କାର୍ଯ୍ୟକାଳରେ ରୋଜଗାର ସୃଷ୍ଟିରେ ଫେଲ୍‌ ହୋଇଛନ୍ତି। ବିଶେଷକରି ଯୁବବର୍ଗଙ୍କୁ ନୂଆ ନିଯୁକ୍ତି ଦେବାରେ ସରକାର ବିଫଳ ହୋଇଛି। କେନ୍ଦ୍ର ସରକାର ଏବେ ରାଷ୍ଟ୍ରାୟତ୍ତ କମ୍ପାନୀଗୁଡ଼ିକର ଶେୟାର ବିକ୍ରି କରିବା ସହ ଏୟାର ଇଣ୍ଡିଆ ଭଳି କ୍ଷତିରେ ଚାଲୁଥିବା କମ୍ପାନୀଗୁଡ଼ିକରୁ ପୁଞ୍ଜି ପ୍ରତ୍ୟାହାର କରିବାକୁ ବିଚାର କରୁଛନ୍ତି। ଏହାଛଡ଼ା ବ୍ୟାଙ୍କଗୁଡ଼ିକର ମିଶ୍ରଣ ପ୍ରକ୍ରିୟାକୁ ଆଗେଇ ନିଆଯାଇପାରେ। ସରକାର ପ୍ରତିଶ୍ରୁତି ପୂରଣ ଲାଗି ଏହି ବିକଳ୍ପକୁ କାମରେ ଲଗାଇ ଅର୍ଥ ଯୋଗାଡ କରିପାରନ୍ତି ବୋଲି ସେ କହିଛନ୍ତି।


All Right Reserved By

ସମ୍ପୂର୍ଣ୍ଣ ହଟିବନି ପେଟ୍ରୋଲ,ଡିଜେଲ ଯାନ:ଧର୍ମେନ୍ଦ୍ର

ନୂଆଦିଲ୍ଲୀ,୧୮-୭: ପେଟ୍ରୋଲ, ଡିଜେଲ ଯାନଗୁଡିକୁ ସରକାର ସମ୍ପୂର୍ଣ୍ଣ ନିଷେଧ କରିବେ ନାହିଁ। ଏ ନେଇ ସରକାର ବର୍ତ୍ତମାନ କୌଣସି ଯୋଜନା ଧାର୍ଯ୍ୟ କରି ନାହାନ୍ତି। ମାତ୍ର...

ପିଏନ୍‌ବିର ନୂଆ ସିଏଲ୍‌ପିସି ଶୁଭାରମ୍ଭ

ଭୁବନେଶ୍ୱର,୧୭-୬: ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି) ପକ୍ଷରୁ ସ୍ଥାନୀୟ ଜୟଦେବ ବିହାରଠାରେ ଏକ କେନ୍ଦ୍ରୀକୃତ ଋଣ ପ୍ରୋସେସିଂ ସେଣ୍ଟର(ସିଏଲ୍‌ପିସି) ଶୁଭାରମ୍ଭ କରାଯାଇଛି। ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦ୍ଦେଶକ...

ସ୍ବସ୍ତି ଗ୍ରୁପ୍‌ ପକ୍ଷରୁ ୧୦ ଲକ୍ଷ ଟଙ୍କା ସହାୟତା

ଭୁବନେଶ୍ୱର,୧୨-୫: ସ୍ବସ୍ତି ଗ୍ରୁପ ପକ୍ଷରୁ ମୁଖ୍ୟ ମନ୍ତ୍ରୀଙ୍କ ରିଲିଫ ପାଣ୍ଠିକୁ ୧୦ ଲକ୍ଷ ଟଙ୍କାର ସହାୟତା ପ୍ରଦାନ କରାଯାଇଛି। ଗ୍ରୁପର ଉପସଭାପତି ପ୍ରିୟନାଥ ବେହେରା ମୁଖ୍ୟ...

କେନ୍ଦ୍ରକୁ ଶିବସେନାର ପରାମର୍ଶ;ଜେଟ୍‌ ଏୟାରଓ୍ବେଜ କର୍ମଚାରୀଙ୍କୁ ବଞ୍ଚାଅ

ମୁମ୍ବାଇ,୨୩-୪: ଜେଟ୍‌ ଏୟାରଓ୍ବେଜକୁ ଅଧିଗ୍ରହଣ କରି ଏହି ଏୟାରଲାଇନ କର୍ମଚାରୀଙ୍କୁ ବଞ୍ଚାଇବାକୁ ଶିବସେନା ଭାଜପା ନେତୃତ୍ୱାଧୀନ କେନ୍ଦ୍ର ସରକାରଙ୍କୁ ପରାମର୍ଶ ଦେଇଛି। ଦଳର ମୁଖପତ୍ର ‘ସାମ୍‌ନା’ର...

ବିଦେଶୀ ମିଡିଆଙ୍କ ପ୍ରତିକ୍ରିୟା: ମୋଦି ହିନ୍ଦୁ ରାଷ୍ଟ୍ରବାଦ ରାଜନୀତିର ବ୍ରାଣ୍ଡ

ନୂଆଦିଲ୍ଲୀ,୨୪-୫: ସାଧାରଣ ନିର୍ବାଚନରେ ଏନ୍‌ଡିଏର ବିପୁଳ ବିଜୟ ପରେ ବିଦେଶୀ ମିଡିଆ ନିଜର ପ୍ରତିକ୍ରିୟା ଦେଇଛନ୍ତି। ଆମେରିକାର ‘ଦ ନ୍ୟୁୟର୍କ ଟାଇମ୍ସ’ ଲେଖିଛି ଯେ, ମୋଦି...

ଜମି ପାଇଁ ଗୋଦ୍‌ରେଜ ପରିବାରରେ ଫାଟ

ନୂଆଦିଲ୍ଲୀ,୨୮-୬: ଦେଶର ଧନୀ ବ୍ୟବସାୟୀ ପରିବାର ମଧ୍ୟରେ ଗଣାଯାଉଥିବା ଗୋଦ୍‌ରେଜ ପରିବାରରେ ଏବେ ଫାଟ ସୃଷ୍ଟି ହୋଇଛି। ଜମି ଭାଗବଣ୍ଟାକୁ ନେଇ ଏବେ ଏହି ପରିବାର...

ଚନ୍ଦା କୋଚ୍ଚର, ବେଣୁଗୋପାଳ ଧୂତ୍‌ଙ୍କୁ ଇଡି ଜେରା

ନୂଆଦିଲ୍ଲୀ,୩୦-୬: ମନି ଲଣ୍ଡରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଆଇସିଆଇସିଆଇ ବ୍ୟାଙ୍କର ପୂର୍ବତନ ସିଇଓ ଚନ୍ଦା କୋଚ୍ଚର, ତାଙ୍କ ସ୍ବାମୀ ଦୀପକ କୋଚ୍ଚର ଏବଂ ଭିଡିଓକନ ଗ୍ରୁପ୍‌...

ପାଇକାରୀ ମୁଦ୍ରାସ୍ଫୀତି ୨୨ ମାସର ସର୍ବନିମ୍ନ ସ୍ତରରେ

ନୂଆଦିଲ୍ଲୀ,୧୫-୬: ପାଇକାରୀ ମୁଦ୍ରାସ୍ଫୀତି ହାର ମେ’ରେ ୨.୪୫% ରେକର୍ଡ କରାଯାଇଛି। ଏହା ୨୨ ମାସର ସର୍ବନିମ୍ନ ସ୍ତର କୁହାଯାଉଛି। ଏଥିପୂର୍ବରୁ ୨୦୧୭ ଜୁଲାଇରେ ଏହା ୧.୮୮%...

selfi corner

Model This Week

Why Dharitri

Leave a comment

Your email address will not be published. Required fields are marked *