Posted inଜାତୀୟ

ଆସନ ବଞ୍ଚାଇପାରିଲେ ୧୯୭ ଏମ୍‌ପି

ନୂଆଦିଲ୍ଲୀ,୨୫ା୫(ପି.ଟି.): ୨୦୧୪ରେ ନିର୍ବାଚିତ ହୋଇଥିବା ଏମ୍‌ପିଙ୍କ ମଧ୍ୟରୁ ଏଥର ସାଧାରଣ ନିର୍ବାଚନରେ ୧୯୭ ଜଣ ନିଜ ଆସନ ବଞ୍ଚାଇପାରିଛନ୍ତି। ସେମାନଙ୍କ ମଧ୍ୟରେ ୨୭ ମହିଳା ଏମ୍‌ପି ଅଛନ୍ତି। ୭ ପର୍ଯ୍ୟାୟ ଲୋକ ସଭା ନିର୍ବାଚନର ୫୪୨ ଆସନରେ ଭୋଟଗ୍ରହଣ କରାଯାଇଥିଲା। ଫଳାଫଳ ଆସିବା ପରେ ଜଣାପଡ଼ିଛି ଯେ, ସାରା ଦେଶର ୧୪୫ ଭାଜପା ଏମ୍‌ପି ନିଜ ଆସନ ସୁରକ୍ଷିତ ରଖିପାରିଛନ୍ତି। ସେମାନଙ୍କ ମଧ୍ୟରେର କିରେନ୍‌ ରିଜିଜୁ, ନୀତୀନ ଗଡ଼କରୀ, ବାବୁଲ ସୁପ୍ରିୟୋ ଅଛନ୍ତି। ବିହାରରେ ୧୨ ଭାଜପା ଏମ୍‌ପି ନିଜ ଭାଗ୍ୟ ପରୀକ୍ଷାରେ ସଫଳ ହୋଇଛନ୍ତି। କଂଗ୍ରେସର ସୁପାଉଆଲ ଏମ୍‌ପି ପରାଜିତ ହୋଇଛନ୍ତି। ସେହିପରି ପାଟନା ସାହିବରୁ କଂଗ୍ରେସ ଟିକେଟରେ ଲଢ଼ିଥିବା ଶତ୍ରୁଘ୍ନ ସିହ୍ନାଙ୍କୁ ମଧ୍ୟ ପରାଜୟ ସ୍ବୀକାର କରିବାକୁ ପଡ଼ିଛି। ଜେଡିୟୁର ୨ ଏବଂ ଏଲ୍‌ଜେପିର ୩ ଏମ୍‌ପି ନିଜ ନିଜ ଆସନରେ ଜିତିଥିବାବେଳେ ଆର୍‌ଜେଡିର ୩ ଏମ୍‌ପି ହାରିଯାଇଛନ୍ତି। ଜାତୀୟ ରାଜଧାନୀ ଦିଲ୍ଲୀର ୫ ଏମ୍‌ପି ରେକର୍ଡ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି। ଆନ୍ଧ୍ରପ୍ରଦେଶରେ ଶାସକ ଟିଡିପିର ୯ଏମ୍‌ପିଙ୍କ ମଧ୍ୟରୁ ମାତ୍ର ୨ ଜଣ ନିଜ (ବିଜୟଓ୍ବାଡ଼ା ଓ ଗୁଣ୍ଟୁର) ଆସନ ରକ୍ଷା କରିପାରିଛନ୍ତି। ଓ୍ବାଇଏସ୍‌ଆର୍‌ କଂଗ୍ରେସ ପାର୍ଟି କଡପା ଓ ରାଜାମ୍‌ପେଟ ଆସନରେ ସ୍ଥିତାବସ୍ଥା ବଜାୟ ରଖିଛି। ଆସାମରେ କଂଗ୍ରେସ ଓ ଭାଜପାର ଦୁଇଜଣ ଲେଖାଏ ଏମ୍‌ପି ଥିଲେ। ଭାଜପା ଏମ୍‌ପି ନିଜ ଦୁଇ ଆସନରେ ପୁନର୍ବାର ବିଜୟୀ ହୋଇଥିବାବେଳେ କଂଗ୍ରେସକୁ ଗୋଟିଏ ଆସନ ହରାଇବାକୁ ପଡ଼ିଛି। ଏଆଇୟୁଡିଏଫ୍‌ ଅଧ୍ୟକ୍ଷ ବଦ୍‌ରୁଦ୍ଦିନ୍‌ ଅଜମଲ ଧୁବ୍ରି ଆସନରେ ଜିତିଛନ୍ତି। ଲାକ୍ଷାଦ୍ୱୀପର ଏନ୍‌ସିପି ଏମ୍‌ପି ମହମ୍ମଦ ଫୈଜାଲ ପିପି ନିଜ ଆସନରେ ଜିତିଛନ୍ତି। ସିପିଆଇଏମ୍‌ ତ୍ରିପୁରାରେ ଦଳୀୟ ୨ ଏମ୍‌ପିଙ୍କୁ ଟିକେଟ ଦେଇଥିଲା। କିନ୍ତୁ ଉଭୟ ଆସନକୁ ଭାଜପା ଛଡ଼ାଇନେଇଛି। ତେଲେଙ୍ଗାନାରେ ଟିଆର୍‌ଏସ୍‌ ୬ ଏମ୍‌ପିଙ୍କୁ ପୁଣିଥରେ ପ୍ରତିଦ୍ୱନ୍ଦ୍ୱିତାର ସୁଯୋଗ ଦେଇଥିଲେ ହେଁ ସେମାନଙ୍କ ମଧ୍ୟରୁ ୨ ଜଣ ବିଜୟୀ ହୋଇଛନ୍ତି। ୪ ଆସନ ଭାଜପା ହାତକୁ ଯାଇଛି। ସେହିପରି ତାମିଲନାଡ଼ୁରେ ଏଆଇଏଡିଏମ୍‌କେ ତା’ର ୭ ଏମ୍‌ପିଙ୍କ ଉପରେ ଭରସା କରିଥିଲା। ହେଲେ ସେମାନଙ୍କ ମଧ୍ୟରୁ ଜଣେ ହେଲେ ନିଜ ଆସନ ରକ୍ଷାକରି ପାରିନାହାନ୍ତି। ମୋଦି ହାଓ୍ବା ସତ୍ତ୍ୱେ କନ୍ୟାକୁମାରୀ ଏମ୍‌ପି ନିଜ ଆସନରେ ପୁନଃ ନିର୍ବାଚିତ ହୋଇପାରି ନାହାନ୍ତି। ପଶ୍ଚିମବଙ୍ଗରେ ଟିଏମ୍‌ସି ଯେଉଁ ୨୩ ଏମ୍‌ପିଙ୍କୁ ଟିକେଟ ଦେଇଥିଲା, ସେମାନଙ୍କ ମଧ୍ୟରୁ ମାତ୍ର ୯ ଜଣ ନିଜ ଗଡ଼ରେ ସଫଳ ହୋଇଛନ୍ତି। ଭାଜପା ଆସାନସୋଲ ଆସନରେ ବାବୁଲ ସୁପ୍ରିୟୋଙ୍କୁ ଟିକେଟ ଦେଇଥିବାବେଳେ ସେ ବିଜୟୀ ହୋଇଛନ୍ତି। ଅନୁରୂପ ଭାବେ ରାଜସ୍ଥାନରେ ୧୬ ଏମ୍‌ପିଙ୍କୁ ଭାଜପା ଟିକେଟ ଦେଇଥିଲା, ଯେଉଁମାନେ ବିପୁଳ ଭୋଟରେ ବିଜୟୀ ହୋଇଛନ୍ତି। ମହାରାଷ୍ଟ୍ରରେ ଭାଜପାର ୧୫ ଏମ୍‌ପିଙ୍କ ମଧ୍ୟରୁ ୧୪ ଜିତିଛନ୍ତି। ଶିବସେନାର ସମସ୍ତ ୧୫ ଏମ୍‌ପି ନିଜ ଆସନରେ ସଫଳ ହୋଇଛନ୍ତି। ପଞ୍ଜାବ କଥା ଦେଖିଲେ କଂଗ୍ରେସର ୩ ଏମ୍‌ପି ନିଜ ଆସନରେ ଜିତିଥିବାବେଳେ ଶିରୋମଣି ଅକାଳୀ ଦଳର ୨ ଏମ୍‌ପି ବିଜୟୀ ହୋଇଛନ୍ତି। ଲୋକ ସଭାରେ ଏଏପିରୁ ପ୍ରତିନିଧିତ୍ୱ କରୁଥିବା ଭଗବନ୍ତ ମାନ୍‌ ନିଜ ଆସନରେ ବିଜୟୀ ହୋଇଛନ୍ତି। ଓଡ଼ିଶାରେ ବିଜେଡିର ୪ ଏମ୍‌ପିଙ୍କୁ ଦଳ ଟିକେଟ ଦେଇଥିବାବେଳେ ସେମାନଙ୍କ ମଧ୍ୟରୁ ମାତ୍ର ୨ ଜଣ ଜିତିଛନ୍ତି। ସୁନ୍ଦରଗଡ଼ ଆସନର ଜୁଏଲ୍‌ ଓରାମ ଭାଜପା ଟିକେଟରେ ଲଢ଼ି ନିଜ ସ୍ଥିତି ବଜାୟ ରଖିଛନ୍ତି। ଶିଲଂର କଂଗ୍ରେସ ଏମ୍‌ପି ଭିନ୍‌ସେଣ୍ଟ ପାଲା ମଧ୍ୟ ନିଜ ଆସନରେ ସଫଳ ହୋଇଛନ୍ତି। ଗୋଆରେ ଭାଜପା ୨ ଏମ୍‌ପିଙ୍କୁ ଟିକେଟ ଦେଇଥିଲା। ଶ୍ରୀପଦ ୟାସୁ ନାଏକ ନର୍ଥ ଗୋଆ ଆସନରେ ଜିତିଥିବାବେଳେ ନରେନ୍ଦ୍ର କେଶବ ସାଓ୍ବିକର ସାଉଥ୍‌ ଗୋଆରେ ହାରି ଯାଇଛନ୍ତି। ଗୁଜରାଟରେ ଭାଜପାର ୧୬ ଏମ୍‌ପି ନିଜ ନିଜ ଆସନରେ ସଫଳତା ହାସଲ କରିଛନ୍ତି। ହରିୟାଣାର ୫ ଭାଜପା ଏମ୍‌ପି ନିଜ ଆସନରେ ଜିତିଥିବାବେଳେ ରୋହତକର କଂଗ୍ରେସ ଏମ୍‌ପି ଦୀପେନ୍ଦ୍ର ସିଂ ହୁଡାଙ୍କୁ ଭୋଟର ପ୍ରତ୍ୟାଖ୍ୟାନ କରିଛନ୍ତି। ହିମାଚଳ ପ୍ରଦେଶର ୪ ଭାଜପା ଏମ୍‌ପିଙ୍କ ମଧ୍ୟରୁ ୨ ଜଣ (ହମିରପୁର ଓ ମଣ୍ଡି) ଜିତିଛନ୍ତି। ଜମ୍ମୁରେ ଭାଜପା ପୁଣିଥରେ ଟିକେଟ ଦେଇଥିବା ଯୁଗଳ କିଶୋର ବିଜୟୀ ହୋଇଛନ୍ତି। ଅନନ୍ତନାଗ ଆସନର ଏମ୍‌ପି ତଥା ପିଡିପି ମୁଖ୍ୟ ମେହବୁବା ମୁଫ୍‌ତିଙ୍କୁ ପରାଜୟ ସ୍ବୀକାର କରିବାକୁ ପଡ଼ିଛି। ନ୍ୟାଶନାଲ୍‌ କନ୍‌ଫରେନ୍ସ ଅଧ୍ୟକ୍ଷ ଫାରୁକ୍‌ ଅବ୍‌ଦୁଲ୍ଲା ଶ୍ରୀନଗର ଆସନରେ ପୁନର୍ବାର ବିଜୟୀ ହୋଇଛନ୍ତି। ଝାଡ଼ଖଣ୍ଡରେ ଭାଜପା ୮ ଏମ୍‌ପିଙ୍କୁ ଟିକେଟ ଦେଇଥିବାବେଳେ ୭ ବିଜୟୀ ହୋଇଛନ୍ତି। ୨ ଜେଏମ୍‌ଏମ୍‌ ଏମ୍‌ପିଙ୍କ ମଧ୍ୟରୁ ଜଣେ ଜିତିଛନ୍ତି। କର୍ନାଟକର ୮ ଭାଜପା ଏମ୍‌ପିଙ୍କ ମଧ୍ୟରୁ ୭ ଜିତିଛନ୍ତି। କଂଗ୍ରେସର ୭ ଏମ୍‌ପି ହାରିଯାଇଛନ୍ତି। ନାଗାଲାଣ୍ଡ, ମଣିପୁର, ସିକିମ, ଛତିଶଗଡ଼, ପୁଡୁଚେରୀ ଏବଂ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜର କୌଣସି ସିଟିଙ୍ଗ୍‌ ଏମ୍‌ପି ନିର୍ବାଚନ ମଇଦାନକୁ ପୁନର୍ବାର ଓହ୍ଲାଇ ନ ଥିଲେ।


All Right Reserved By

ବାଇକ୍‌ରେ ଭାରତରୁ ଲଣ୍ଡନ ଯାତ୍ରା କରିବେ ୩ ମହିଳା

ସୁରଟ,୩୧।୫: ଗୁଜରାଟ ସୁରଟର ବାଇକ୍‌ ରାଇଡର୍ସ ଗ୍ରୁପର ୩ ମହିଳା ‘ବାଇକିଂ କୁଇନ୍‌’ ଭାରତରୁ ଲଣ୍ଡନ ଯାତ୍ରା କରିବାକୁ ବାହାରିଛନ୍ତି। ଏହି ଯାତ୍ରା ସମୟରେ ଏମାନେ...

ଏକ ମାଠିଆରୁ ଅଧିକ ପାଣି ନେଲେ ଦେବାକୁ ପଡୁଛି ୫୦ ଟଙ୍କା ଜରିମାନା

ରାୟପୁର,୧୫।୫: ଜଳ ହିଁ ଜୀବନ। ଜଳ ବିନା ସଭିଙ୍କ ଅବସ୍ଥା ଖରାପ ହୋଇଥାଏ। ତେଣୁ ଜଳ ସଙ୍କଟ ସମୟରେ ଏହାର ସୁବଣ୍ଟନ ଓ ନଷ୍ଟ ନ...

ନିଜ ହେଲିକପ୍ଟରକୁ ଖସାଇଥିଲା ଆଇଏଏଫ୍‌

ନୂଆଦିଲ୍ଲୀ,୨୫ା୫: ପୁଲ୍‌ଓ୍ବାମା ଆକ୍ରମଣ ପରେ ପାକିସ୍ତାନର ବାଲାକୋଟ୍‌ ଶିବିରରେ ଭାରତୀୟ ବାୟୁସେନା (ଆଇଏଏଫ୍‌) ପକ୍ଷରୁ କରାଯାଇଥିବା ଏୟାର୍‌ଷ୍ଟ୍ରାଇକ୍‌ରେ ୩୫୦ରୁ ଊର୍ଦ୍ଧ୍ୱ ଆତଙ୍କବାଦୀ ନିହତ ହୋଇଥିବା ଦାବି...

ଆସନ୍ତା ୨୪ରେ ବିହାର ବନ୍ଦ ଡାକରା ଦେଲା ଆର୍‌ଜେଡି

ପାଟନା,୧୭।୬: ବିହାରରେ ଏବେ ମସ୍ତିଷ୍କ ଜ୍ୱରରେ ପୀଡିତ ହୋଇ ଶହେରୁ ଊର୍ଦ୍ଧ୍ୱ ଶିଶୁଙ୍କ ମୃତ୍ୟୁ ହେଲାଣି। ଏହା ନୀତୀଶ ସରକାରଙ୍କ ଅପାରଗତା ଦର୍ଶାଇ ବିରୋଧୀ ରାଷ୍ଟ୍ରୀୟ...

ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ: ଯବାନ ଶହୀଦ

ଜମ୍ମୁ,୧୧।୬: ଜମ୍ମୁ-କଶ୍ମୀର ସୀମାର ପୁଞ୍ଚ ସେକ୍ଟରରେ ପାକିସ୍ତାନ ସେନା ପକ୍ଷରୁ ଅସ୍ତ୍ରବିରତି ଉଲ୍ଲଂଘନ କରାଯିବାରୁ ଜଣେ ଯବାନ ଶହୀଦ ହୋଇଥିବା ସୂଚନା ମିଳିଛି। ପାକିସ୍ତାନ କିଛି...

ମାୟାବତୀଙ୍କ ପାଦ ଛୁଇଁଲେ ଡିମ୍ପଲ୍‌

ଲକ୍ଷ୍ନୌ, ୨୬।୪: ବହୁଜନ ସମାଜବାଦୀ ପାଟର୍ର୍ି(ବିଏସପି) ନେତ୍ରୀ ମାୟାବତୀଙ୍କ ପାଦ ଛୁଇଁଛନ୍ତି ସମାଜବାଦୀ ପାର୍ଟି(ଏସପି)ନେତା ଅଖିଳେଶ ଯାଦବଙ୍କ ସ୍ତ୍ରୀ ଡିମ୍ପଲ। କନୌଜରେ ଆୟୋଜିତ ଏକ ନିର୍ବାଚନ...

କମଲ ହାସନଙ୍କୁ ମିଳିଲା ଆଗୁଆ ଜାମିନ

ଚେନ୍ନାଇ,୨୦।୫: ଅଭିନେତାରୁ ରାଜନେତା ହୋଇଥିବା କମଲ ହାସନ କିଛିଦିନ ହେବ ବିବାଦ ଘେରରେ ରହିଛନ୍ତି। ମାହତ୍ମା ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗଡସେଙ୍କୁ ପ୍ରଥମ ହିନ୍ଦୁ ଆତଙ୍କବାଦୀ...

୪ ସନ୍ତାନର ମା’ଙ୍କୁ ବିବାହ କରିବାକୁ ଚାହୁଁଥିଲେ ଯୁବକ: ରାଜି ନ ହେବାରୁ ଝିଅକୁ ଉଠାଇନେଲେ

ନୂଆଦିଲ୍ଲୀ,୫।୬: ଦିଲ୍ଲୀର ରୋହିଣୀ ଅଞ୍ଚଳରେ ୪ ସନ୍ତାନର ମା’ଙ୍କୁ ବିବାହ କରିବାକୁ ଚାହୁଁଥିବା ଜଣେ ଯୁବକର ଅଜବ କାରନାମା ଦେଖିବାକୁ ମିଳିଛି। ଉକ୍ତ ମହିଳାଜଣଙ୍କ ରାଜି...


selfi corner

 

Model This Week

Why Dharitri

Leave a comment

Your email address will not be published. Required fields are marked *