ପୁରୀ ଜିଲା: ବିଧାନସଭାକୁ ୩ ପୁରୁଣା, ୩ ନୂଆ ନିର୍ବାଚିତ

ପୁରୀ ଅଫିସ, ୨୪ା୫: ପୁରୀ ଜିଲାର ୬ଟି ନିର୍ବାଚନ ମଣ୍ଡଳୀ ମଧ୍ୟରୁ ଏଥର ବିଜେଡି ଖାତାକୁ ୪ଟି ସିଟ୍‌ ଯାଇଥିବା ବେଳେ ୨ଟିରେ ଭାଜପା ଜିତିଛି। ୨୦୧୪ ନିର୍ବାଚନରେ ବିଜେଡି କ୍ଲିନ ସୁଇପ୍‌ କରିଥିଲା। ହେଲେ ଏଥର ଭାଜପା ବିଜେଡିଠାରୁ ଦୁଇଟି ସିଟ୍‌ ଛଡାଇ ନେଇଛି। ଏହି ଦୁଇଟି ସିଟ୍‌ ହେଉଛି ପୁରୀ ଏବଂ ବ୍ରହ୍ମଗିରି। ତେବେ ଯାହା ହେଉନା କାହିଁକି ଏଥର ପୁରୀ ଜିଲାର ଭୋଟର ବିଧାନସଭା ଲାଗି ୩ ନୂଆମୁହଁ ବାଛିଥିବା ବେଳେ ୩ ପୁରୁଣାଙ୍କ ଉପରେ ଆସ୍ଥା ପ୍ରକଟ କରିଛନ୍ତି। ଅର୍ଥାତ୍‌ ଏଥର ବିଧାନସଭାରେ ଜିଲାର ୩ ନୂଆମୁହଁ ଏବଂ ସମାନ ସଂଖ୍ୟକ ପୁରୁଣା ମୁହଁ ପ୍ରତିନିଧିତ୍ୱ କରିବେ। ୩ ନୂଆମୁହଁ ହେଲେ କାକଟପୁର ନିର୍ବାଚନମଣ୍ଡଳୀରୁ ତୁଷାରକାନ୍ତି ବେହେରା, ବ୍ରହ୍ମଗିରିରୁ ଲଳିତେନ୍ଦୁ ବିଦ୍ୟାଧର ମହାପାତ୍ର ଏବଂ ପୁରୀରୁ ଜୟନ୍ତ ଷଡ଼ଙ୍ଗୀ। ସେହିପରି ୩ ପୁରୁଣା ମୁହଁ ହେଲେ ପିପିଲରୁ ପ୍ରଦୀପ ମହାରଥୀ, ସତ୍ୟବାଦୀରୁ ଉମାକାନ୍ତ ସାମନ୍ତରାୟ ଏବଂ ନିମାପଡ଼ାରୁ ସମୀର ରଞ୍ଜନ ଦାଶ।
୩ ନୂଆମୁହଁ ମଧ୍ୟରେ କାକଟପୁରର ତୁଷାରକାନ୍ତି ବେହେରା ୪୫,୬୯୧ ଭୋଟରେ କଂଗ୍ରେସର ବିଶ୍ୱଭୂଷଣ ଦାସଙ୍କୁ ପରାସ୍ତ କରି ପ୍ରଥମଥର ଲାଗି ବିଧାନସଭାକୁ ଯିବା ଲାଗି ପଥ ପରିଷ୍କାର କରିଛନ୍ତି। ଜଣେ ଯୁବ ଇଞ୍ଜିନିୟର ଭାବେ ପରିଚିତ ତୁଷାରକାନ୍ତି ୯୧,୮୯୭ ଭୋଟ ପାଇଥିବା ବେଳେ ବିଶ୍ୱଭୂଷଣଙ୍କୁ ମିଳିଛି ୪୬,୨୦୬ ଖଣ୍ଡ ଭୋଟ। ଏଠାରେ ଭାଜପା ପ୍ରାର୍ଥୀ ରବି ମଲ୍ଲିକ ତୃତୀୟ ସ୍ଥାନରେ ରହିଛନ୍ତି। ସେ ୩୦,୭୭୧ ଭୋଟ ପାଇଛନ୍ତି। ସେହିପରି ବ୍ରହ୍ମଗିରିରରେ ଭାଜପାର ଲଳିତେନ୍ଦୁ ବିଜେଡିର ହେଭିୱେଟ୍‌ ସଞ୍ଜୟ ଦାସବର୍ମାଙ୍କୁ ପରାସ୍ତ କରି ବିଧାନସଭା ଯିବା ପାଇଁ ପ୍ରସ୍ତୁତ ହୋଇଯାଇଛନ୍ତି। ଲଳିତେନ୍ଦୁ ୮୮,୨୫୬ ଭୋଟ ପାଇଥିବା ବେଳେ ସଞ୍ଜୟଙ୍କୁ ମିଳିଛି ୮୬,୧୨୬ ଭୋଟ। ଏଠାରେ ବିଜୟ ବ୍ୟବଧାନ ରହିଛି ୨,୧୩୦ ଭୋଟ। କଂଗ୍ରେସର ଉମାକାନ୍ତ ବରାଳ ୨,୫୦୪ ଖଣ୍ଡ ଭୋଟ ପାଇ ତୃତୀୟ ସ୍ଥାନରେ ରହିଛି। ସେହିପରି ପୁରୀରେ ବିଜେଡିର ଅଭିଜ୍ଞ ମହେଶ୍ୱରଙ୍କୁ ୪,୦୦୮ ଖଣ୍ଡ ଭୋଟରେ ପରାସ୍ତ କରି ବିଧାନସଭାକୁ ନିର୍ବାଚିତ ହୋଇଛନ୍ତି ଭାଜପାର ଜୟନ୍ତ। ଜୟନ୍ତଙ୍କୁ ୭୬,୭୪୭ ଭୋଟ ମିଳିଥିବା ବେଳେ ମହେଶ୍ୱର ୭୨,୭୩୯ ଭୋଟରେ ସୀମିତ ରହିଛନ୍ତି। ଏଠାରେ କଂଗ୍ରେସ ପ୍ରାର୍ଥୀ ଅରୋପ୍ରସାଦ ମିଶ୍ର ୨,୯୩୪ ଖଣ୍ଡ ଭୋଟ ପାଇଁ ତୃତୀୟ ସ୍ଥାନରେ ଅଛନ୍ତି।
ପୁରୁଣା ମୁହଁ ଭାବେ ପିପିଲିରୁ ବିଜେଡିର ପ୍ରଦୀପ୍ତ ମହାରଥୀ ସପ୍ତମ ଥର ଲାଗି ବିଧାନସଭାକୁ ନିର୍ବାଚିତ ହୋଇଛନ୍ତି। ମହାରଥୀ ୮୮,୫୧୮ ଭୋଟ ପାଇଥିବା ବେଳେ ଭାଜପାର ଆଶ୍ରିତ ପଟ୍ଟନାୟକଙ୍କୁ ମିଳିଛି ୭୨,୭୩୧ ଭୋଟ। ମହାରଥୀ ୧୫,୭୮୭ ଭୋଟରେ ଜିତିଛନ୍ତି। ଏଠାରେ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜ ୯,୮୩୦ ଭୋଟ ପାଇ ତୃତୀୟ ସ୍ଥାନରେ ରହିଛନ୍ତି। ସତ୍ୟବାଦୀରୁ ବିଜେଡିର ଉମାକାନ୍ତ ସାମନ୍ତରାୟ ଭାଜପାର ଓମ୍‌ପ୍ରକାଶ ମିଶ୍ରଙ୍କୁ ୧୭,୮୧୨ ଭୋଟରେ ହରାଇ ଦ୍ୱିତୀୟଥର ଲାଗି ବିଧାନସଭାକୁ ନିର୍ବାଚିତ ହୋଇଛନ୍ତି। ଉମାକାନ୍ତ ୮୦,୫୩୭ ଭୋଟ ପାଇଥିବା ବେଳେ ଓମ୍‌ପ୍ରକାଶଙ୍କୁ ମିଳିଛି ୬୨,୭୨୫। ନିମାପଡ଼ାରୁ ବିଜେଡିର ସମୀର ରଞ୍ଜନ ଦାଶ ହ୍ୟାଟ୍ରିକ୍‌ କରିଛନ୍ତି। ସମୀର ଏଠାରେ ଭାଜପାର ହେଭିୱେଟ୍‌ ତଥା ରାଜ୍ୟ ମହିଳା ମୋର୍ଚ୍ଚା ସଭାନେତ୍ରୀ ପ୍ରଭାତି ପରିଡ଼ାଙ୍କୁ ୩୨,୦୦୮ ଖଣ୍ଡ ଭୋଟରେ ହରାଇଛନ୍ତି। ସମୀର ୯୧,୧୬୦ ଭୋଟ ପାଇଥିବା ବେଳେ ପ୍ରଭାତିଙ୍କୁ ମିଳିଛି ୫୯,୧୫୨ ଖଣ୍ଡ ଭୋଟ। କଂଗ୍ରେସର ଦିଲୀପ ନାୟକ ୩୩,୫୭୬ ଭୋଟ ପାଇ ଏଠାରେ ତୃତୀୟ ସ୍ଥାନ ହାସଲ କରିଛନ୍ତି।


All Right Reserved By

୨୦୧୭-୧୮ ବର୍ଷରେ ନିର୍ବାଚନ ଚାନ୍ଦା: ବିଜେଡିକୁ ମିଳିଛି ୧୩ କୋଟି ୪ ଲକ୍ଷ, ଆଞ୍ଚଳିକ ଦଳ ମଧ୍ୟରେ ସର୍ବାଧିକ;ଦ୍ୱିତୀୟରେ ଜେଡି(ୟୁ), ୱାଇଏସ୍‌ଆର ତୃତୀୟ

ଭୁବନେଶ୍ୱର,୨୧।୫(ବ୍ୟୁରୋ)- ରାଜ୍ୟରେ କ୍ଷମତାସୀନ ବିଜେଡି ୨୦୧୭-୧୮ ଆର୍ଥିକ ବର୍ଷରେ ୧୩ କୋଟି ୪ ଲକ୍ଷ ଟଙ୍କା ଚାନ୍ଦା ପାଇଛି। ଏହା ଦେଶର ଏହି ସମୟରେ ମିଳିଥିବା...

ବାଲିଅନ୍ତାରେ ଯୁବକଙ୍କୁ ଖଣ୍ଡାରେ ହାଣି ହତ୍ୟା ଘଟଣା: ଭାଇରାଲ ଭିଡିଓରୁ ହତ୍ୟାକାରୀ ଚିହ୍ନଟ; ଜମିବାଡ଼ି ବିବାଦକୁ ନେଇ ସାନ ଭାଇଙ୍କୁ ହତ୍ୟା କରିଛନ୍ତି ବଡ଼ ଭାଇ

ଭୁବନେଶ୍ୱର/ବାଲିଅନ୍ତା,୮।୬(ବ୍ୟୁରୋ/ଡି.ଏନ୍‌.ଏ.): ରାଜଧାନୀ ଉପକଣ୍ଠ ବାଲିଅନ୍ତା ଥାନା ଅଧୀନ ଅଟଳାସ୍ଥିତ ପଞ୍ଚମୁଖୀ ବିହାର ମୁଖ୍ୟ ଫାଟକ ନିକଟରେ ଶୁକ୍ରବାର ଅପରାହ୍ନରେ ଜଣେ ଯୁବକଙ୍କୁ ଅନ୍ୟ ଜଣେ ଯୁବକ...

ମୟୂରଭଞ୍ଜର ୫ ବୁଥ୍‌ରେ ଚାଲିଛି ସାନି ମତଦାନ

ବାରିପଦା ଅଫିସ,୧୯।୫: ମୟୂରଭଞ୍ଜ ଜିଲାର ୫ଟି ବୁଥ୍‌ରେ ରବିବାର ସାନି ମତଦାନ କରାଯାଉଛି। ବାରିପଦା ବିଧାନସଭା ନିର୍ବାଚନମଣ୍ଡଳୀର ୧୬ନଂ ବୁଥ୍‌-ଭୁଗୁଡ଼ାକଟା, ୧୯ନଂ ବୁଥ୍‌-ପୂର୍ଣ୍ଣଚନ୍ଦ୍ରପୁର, ଖଣ୍ଟା ବ୍ଲକର...

ଦୁର୍ଘଟଣାରେ ଜୀବନ ଯିବାପରେ ଚେତିଲା ପୋଲିସ: ରାଜଧାନୀ ରାଜପଥରେ ୫ ବ୍ଲାକ୍‌ ସ୍ପଟ୍‌

ଭୁବନେଶ୍ୱର, ୨୯ା୫(ବ୍ୟୁରୋ): ଭୁବନେଶ୍ୱର-କଟକ ମଧ୍ୟଦେଇ ଯାଇଥିବା ୧୬ ନମ୍ବର ଜାତୀୟ ରାଜପଥ ପାଲଟିଛି ଡେଥ୍‌ ଜୋନ୍‌। ପ୍ରତିଦିନ ଦୁର୍ଘଟଣା ଘଟୁଥିବାବେଳେ ବହୁ ଜୀବନ ଯାଉଛି। ତେବେ...

ବାତ୍ୟାରେ ଭାଙ୍ଗିଛି ଶହ ଶହ ନଡ଼ିଆ ଗଛ: ଶ୍ରୀମନ୍ଦିର ଲାଗି ଅଭାବ ପଡ଼ିପାରେ ପଇଡ଼

ପୁରୀ ଅଫିସ, ୧୯ା୫: ବାତ୍ୟାରେ ପୁରୀ ଜିଲାରେ ଲକ୍ଷାଧିକ ନଡ଼ିଆ ଗଛ ଭାଙ୍ଗିପଡ଼ିଛି। ଫଳରେ ଆଗାମୀ ଦିନରେ ନଡ଼ିଆ ଓ ପଇଡ଼ ଅଭାବ ପଡ଼ିପାରେ। ଶ୍ରୀମନ୍ଦିରରେ...

ବିଭିନ୍ନ ବିଦ୍ୟାଳୟର ପରୀକ୍ଷା ଫଳ

ସରକାରୀ ବାଳକ ଉଚ୍ଚ ବିଦ୍ୟାଳୟ, ୟୁନିଟ୍‌-୮ ବିଦ୍ୟାଳୟର ମୋଟ ୧୮୬ଜଣ ଛାତ୍ରୀଛାତ୍ର ପରୀକ୍ଷା ଦେଇଥିବା ବେଳେ ସେମାନଙ୍କ ମଧ୍ୟରୁ ୩ଜଣ ଏ୧ ଗ୍ରେଡ୍‌ରେ ଉତ୍ତୀର୍ଣ୍ଣ ହୋଇଛନ୍ତି।...

ରଜ ପରେ ବାହାରିକ ଯୁକ୍ତ ୨ କଳା, ବାଣିଜ୍ୟ ପରୀକ୍ଷା ଫଳ

ଭୁବନେଶ୍ୱର, ୧୨।୬(ବ୍ୟୁରୋ): ଯୁକ୍ତ ୨ କଳା ଓ ବାଣିଜ୍ୟ ପରୀକ୍ଷା ଫଳ ରଜ ପରେ ପ୍ରକାଶ ପାଇବ। ୧୭ କିମ୍ବା ୧୮ ତାରିଖ ବେଳକୁ ପରୀକ୍ଷା...

ବେଆଇନ ମଦ କାରବାର ରୋକିବାକୁ ତାତିଲେ ମହିଳା: ପୋଲିସ ବଦଳରେ ମହିଳାଙ୍କ ଚଢ଼ାଉ

ବେଗୁନିଆ,୩୦ା୫ (ଡି.ଏନ.ଏ.)- ସାମାଜିକ ଚଳଣିରେ ଦେଖା ଦେଇଥିବା ପାରିବାରିକ ବିଶୃଙ୍ଖଳା ସୃଷ୍ଟି ପାଇଁ ନିଶା ଦ୍ରବ୍ୟ ସେବନ ହିଁ ପ୍ରମୁଖ କାରଣ ଅଟେ। ତେବେ ଏହି...




selfi corner

 

Model This Week

Why Dharitri

Leave a comment

Your email address will not be published. Required fields are marked *